«Գրանցված է»

ՀՀ արդարադատության

նախարարության կողմից

17 դեկտեմբերի 2010 թ.

Պետական գրանցման թիվ 05010486

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

Ո Ր Ո Շ ՈՒ Մ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 2008 ԹՎԱԿԱՆԻ ԱՊՐԻԼԻ 22-Ի ԹԻՎ 140-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Արժեթղթերի շուկայի մասին» Հայաստանի Հանրապետության օրենքի 82-րդ հոդվածը և ղեկավարվելով «Հայաստանի Հանրապետության Կենտրոնական բանկի մասին» Հայաստանի Հանրապետության օրենքի 20-րդ հոդվածի «ե» կետով և «Իրավական ակտերի մասին» Հայաստանի Հանրապետության օրենքի 16-րդ հոդվածի 1-ին մասով` Հայաստանի Հանրապետության կենտրոնական բանկի խորհուրդը որոշում է.

1. Հայաստանի Հանրապետության կենտրոնական բանկի խորհրդի 2008 թվականի ապրիլի 22-ի ««Ներդրումային ծառայություններ մատուցող անձանց` Կենտրոնական բանկ ներկայացվող հաշվետվությունները, դրանց ներկայացման կարգը, ձևը և ժամկետները» կանոնակարգ 4/03-ը հաստատելու մասին» թիվ 140-Ն որոշմամբ հաստատված «Ներդրումային ծառայություններ մատուցող անձանց` Կենտրոնական բանկ ներկայացվող հաշվետվությունները, դրանց ներկայացման կարգը, ձևը և ժամկետները» կանոնակարգ 4/03-ում (այսուհետ` Կանոնակարգ 4/03) կատարել հետևյալ փոփոխություններն ու լրացումները.

1) Կանոնակարգ 4/03-ի 4-րդ կետի աղյուսակի 19-րդ կետի 2-րդ սյունակում «և ֆինանսական համակարգի հաշտարարի գրասենյակի օգտին վճարված պարտադիր վճարների» բառերը փոխարինել «վճարի» բառով:

2) Կանոնակարգ 4/03-ի 20-րդ կետում «տարեկան պետական տուրքի վճարման՝ Հայաստանի Հանրապետության օրենսդրությամբ սահմանված վերջնաժամկետին» բառերը փոխարինել «հաշվետու ժամանակաշրջանին» բառերով:

3) Կանոնակարգ 4/03-ի 40-րդ կետը «նվազեցման» բառից հետո լրացնել «, ինչպես նաև նախկինում ներկայացված տեղեկություններում այլ փոփոխությունների» բառերով:

4) Կանոնակարգ 4/03-ի 41-րդ կետը լրացնել 11-րդ ենթակետով` հետևյալ բովանդակությամբ.

«11) «Գործարքի բնույթը» սյունակում կանոնադրական կապիտալի ձևավորման դեպքում նշվում է «կապիտալի ձևավորում», կանոնադրական կապիտալի համալրման դեպքում` «կապիտալի համալրում», նվազեցման դեպքում` «կապիտալի նվազեցում», այլ փոփոխությունների դեպքում «այլ փոփոխություն»:»:

5) Կանոնակարգ 4/03-ի 5-րդ կետի 1-ին ենթակետը լրացնել նոր նախադասությամբ` հետևյալ բովանդակությամբ. «Սույն հաշվետվական ձևը ներկայացնում են նաև այն ներդրումային ընկերությունները, որոնք չեն մատուցում սույն ենթակետով սահմանված ծառայությունները, սակայն իրենց անունից և իրենց հաշվին կատարում են արժեթղթերով գործարքներ, որը կրում է ոչ պարբերական բնույթ և չի կազմում տվյալ ներդրումային ընկերության հիմնական գործունեության մաս,»:

6) Կանոնակարգ 4/03-ի 49-րդ կետը շարադրել հետևյալ խմբագրությամբ.

«49. Թիվ 6 հաշվետվությունում լրացվում են հաշվետվության ներկայացման օրվան նախորդող օրվա ժամը 16:00-ից մինչև հաշվետվության ներկայացման օրվա ժամը 16:00-ը կնքված գործարքների և (կամ) արդեն կնքված գործարքների պայմաններում փոփոխությունների (այսուհետ` փոփոխված գործարքներ)) վերաբերյալ տեղեկությունները (անկախ տվյալ գործարքի մարման ժամկետից): Ընդ որում, սույն հաշվետվության իմաստով գործարքների պայմաններում փոփոխություններ են համարվում սույն հաշվետվության 2-ից 15-րդ աղյուսակներում տվյալ գործարքի վերաբերյալ նախկինում ներկայացված տեղեկությունների փոփոխությունները: Փոփոխված գործարքների վերաբերյալ տեղեկությունները լրացնելիս սույն հաշվետվության աղյուսակներում լրացվում են ինչպես բոլոր փոփոխված տեղեկությունները (բացառությամբ «Գործարքի կնքման ամսաթիվը» և «Գործարքի նույնականացուցիչ համարը» սյունակների, որտեղ լրացվում են առաջնային գործարքի համապատասխանաբար «Գործարքի կնքման ամսաթիվը» և «Գործարքի նույնականացուցիչ համարը»), այնպես էլ այն տեղեկությունները, որոնք չեն փոփոխվել: Ընդ որում, սույն հաշվետվությունում գործարքները լրացվում են այն արժույթով (Հայաստանի Հանրապետության դրամով, դոլարով և այլն)` ամբողջական միավորներով, որով կնքվել են գործարքները:»:

7) Կանոնակարգ 4/03-ը լրացնել 49.1-րդ, 49.2-րդ, 49.3-րդ կետերով` հետևյալ բովանդակությամբ.

«49.1. Թիվ 6 հաշվետվությունը չի ներկայացվում մարման գործարքների համար:

49.2. Թիվ 6 հաշվետվության համաձայն բոլոր թվերը կլորացվում են ստորակետից հետո 5 նիշի ճշտությամբ:

49.3. Սույն հաշվետվությամբ ներկայացվում են ածանցյալ գործիք համարվող այն սվոփ գործարքները, որոնց հաշվառումն իրականացվում է համաձայն «Ֆինանսական գործիքներ. ճանաչումը և չափումը» ՖՀՄՍ 39-ի:»:

8) Կանոնակարգ 4/03-ի 51-րդ կետում «17» թիվը փոխարինել «16» թվով:

9) Կանոնակարգ 4/03-ի 52-րդ կետի 8-րդ ենթակետից հանել «՝ ստորակետից հետո 4 նիշի ճշտությամբ» բառերը, ինչպես նաև 8-րդ ենթակետը լրացնել նոր նախադասությամբ` հետևյալ բովանդակությամբ. «Ընդ որում, տարեկան եկամտաբերությունը հաշվարկվում է գործարքի կնքման (գործարքի պայմանների փոփոխության) օրվա դրությամբ:»:

10) Կանոնակարգ 4/03-ի 52-րդ կետը լրացնել 11-րդ, 12-րդ, 13-րդ և 14-րդ ենթակետերով` հետևյալ բովանդակությամբ.

«11) «Գործարքի նույնականացուցիչ համարը» սյունակում նշվում է ներդրումային ծառայություններ մատուցող անձի կողմից վարվող գործարքների ներքին գրանցամատյաններում տվյալ գործարքին տրված նույնականացուցիչ համարը:

12) «Գործարքի կնքման ամսաթիվը» սյունակում լրացվում է առաջնային գործարքի կնքման ամսաթիվը:

13) «Փոփոխված գործարքի ամսաթիվը» սյունակը լրացվում է միայն փոփոխված գործարքների լրացման դեպքում, որտեղ լրացվում է նախկինում կնքված գործարքի պայմաններում փոփոխություն իրականացնելու մասին ցանկացած ձևով համաձայնություն ձեռքբերելու ամսաթիվը` անկախ այդ համաձայնության ուժի մեջ մտնելու ժամկետից:

 14) «Գործարքի բնույթը» սյունակում նշվում է «նոր կնքված», «երկարաձգված», «կրճատված» կամ «այլ»: Ընդ որում, նոր գործարք կնքվելու դեպքում նշվում է «նոր կնքված», արդեն կնքված գործարքների գործողության ժամկետի կրճատման դեպքում (անկախ այն հանգամանքից այլ պայմաններ փոխվել են, թե ոչ)` «կրճատված», երկարաձգման դեպքում (անկախ այն հանգամանքից այլ պայմաններ փոխվել են, թե ոչ)` «երկարաձգված», իսկ արդեն կնքված գործարքների այլ պայմանների փոփոխության դեպքում, որոնց դեպքում գործարքի գործողության ժամկետի փոփոխություն տեղի չի ունեցել, նշվում է «այլ»:»:

11) Կանոնակարգ 4/03-ի 55-րդ կետում «երկարաձգված և կրճատված ռեպո (հակադարձ ռեպո) գործարքների,» բառերը փոխարինել «և (կամ) փոփոխված գործարքների» բառերով:

12) Կանոնակարգ 4/03-ի 56-րդ կետի 1.1-րդ, 2-րդ և 3-րդ ենթակետերը, 57-րդ և 58-րդ կետերն ուժը կորցրած ճանաչել:

13) Կանոնակարգ 4/03-ի 56-րդ կետի 5-րդ ենթակետում «հաշվարկվում է որպես միավոր գնի և քանակի արտադրյալ: Ընդ որում, ծավալային արժեթղթերով ռեպո (հակադարձ ռեպո) գործարքների կնքման դեպքում» բառերը փոխարինել «սյունակում» բառով, իսկ 6-րդ ենթակետից հանել «՝ ստորակետից հետո 2 նիշի ճշտությամբ» բառերը:

14) Կանոնակարգ 4/03-ի 59-րդ, 61-րդ, 63-րդ, 65-րդ և 67-րդ կետերը «գործարքների» բառից հետո լրացնել «(այդ թվում` փոփոխված գործարքների)» բառերով:

15) Կանոնակարգ 4/03-ի 68-րդ կետում «օպցիոնների» բառը փոխարինել «օպցիոն գործարքների (այդ թվում` փոփոխված գործարքների)» բառերով:

16) Կանոնակարգ 4/03-ի 70-րդ կետում «սվոփերի» բառը փոխարինել «սվոփ գործարքների (այդ թվում` փոփոխված գործարքների)» բառերով:

17) Կանոնակարգ 4/03-ի 71-րդ կետը լրացնել 3-րդ, 4-րդ, 5-րդ, 6-րդ և 7-րդ ենթակետերով` հետևյալ բովանդակությամբ.

«3) «Գործարքի տեսակը (ներգրավման սվոփ / տրամադրման սվոփ)» սյունակում սվոփի հիմքում ընկած արժույթի ներգրավման դեպքում լրացվում է «ներգրավման սվոփ», իսկ սվոփի հիմքում ընկած արժույթի տրամադրման դեպքում` «տրամադրման սվոփ»:

4) «Սփոթ գործարքի ընթացքում փոխանակվող արժույթների ծավալը» սյունակի «Սվոփի հիմքում ընկած արժույթի ծավալը» ենթասյունակում լրացվում է սփոթ գործարքի ընթացքում սվոփի հիմքում ընկած արժույթի ընդհանուր գումարը (արտահայտված սվոփի հիմքում ընկած արժույթով), իսկ «Գործարքի արժույթի ընդհանուր ծավալը» ենթասյունակում` սվոփի հիմքում ընկած արժույթի դիմաց տրամադրվող (ստացվող) արժույթի ընդհանուր գումարը (արտահայտված գործարքի արժույթով):

5) «Ֆորվարդ գործարքի ընթացքում փոխանակվող արժույթների ծավալը» սյունակի «Սվոփի հիմքում ընկած արժույթի ծավալը» ենթասյունակում լրացվում է ֆորվարդ գործարքի ընթացքում սվոփի հիմքում ընկած արժույթի ընդհանուր գումարը (արտահայտված սվոփի հիմքում ընկած արժույթով), իսկ «Գործարքի արժույթի ընդհանուր ծավալը» ենթասյունակում` սվոփի հիմքում ընկած արժույթի դիմաց տրամադրվող (ստացվող) արժույթի ընդհանուր գումարը (արտահայտված գործարքի արժույթով):

6) «Սփոթ գործարքի վերջնահաշվարկի իրականացման ամսաթիվ» սյունակում լրացվում է սփոթ գործարքի փաստացի իրականացման ամսաթիվը:

7) «Ֆորվարդի վերջնահաշվարկի իրականացման ամսաթիվ» սյունակում լրացվում է ֆորվարդ գործարքի փաստացի իրականացման ամսաթիվը:»:

18) Կանոնակարգ 4/03-ի 71-րդ կետի 4-րդ պարբերությունը 1-ին նախադասությունից հետո լրացնել նոր նախադասությամբ` հետևյալ բովանդակությամբ. «60.1.-րդ կետի 4-րդ ենթակետով սահմանված կարգով սվոփի հիմքում ընկած արժույթը որոշելիս երկու արժույթների ծավալների հարաբերության որոշման համար հիմք է ընդունվում սփոթ գործարքի ընթացքում փոխանակվող արժույթների ծավալները:»:

19) Կանոնակարգ 4/03-ի 82-րդ կետը լրացնել 7-րդ ենթակետերով` հետևյալ բովանդակությամբ.

«7) Միջին փոխարժեք» սյունակում լրացվում է հաշվետու ժամանակաշրջանի ընթացքում կնքված առքի (վաճառքի) գործարքների միջին փոխարժեքը (փոխարժեքների միջին թվաբանականը)` յուրաքանչյուր արտարժույթի տեսակի գծով:

20) Կանոնակարգ 4/03-ի ԳԼՈՒԽ 19-ի վերնագրում «ԵՎ ՖԻՆԱՆՍԱԿԱՆ ՀԱՄԱԿԱՐԳԻ ՀԱՇՏԱՐԱՐԻ ԳՐԱՍԵՆՅԱԿԻ ՕԳՏԻՆ ՎՃԱՐՎԱԾ ՊԱՐՏԱԴԻՐ ՎՃԱՐՆԵՐԻ» բառերը փոխարինել «ՎՃԱՐԻ» բառով:

21) Կանոնակարգ 4/03-ի 129-րդ կետում «Թիվ 19 հաշվետվությունը բաղկացած է երկու աղյուսակից: Առաջին աղյուսակում» բառերը փոխարինել «Թիվ 19 հաշվետվությունում» բառերով:

22) Կանոնակարգ 4/03-ի 130-րդ կետից հանել «1-ին աղյուսակի» բառերը:

23) Կանոնակարգ 4/03-ի 131-րդ և 132-րդ կետերն ուժը կորցրած ճանաչել:

24) Կանոնակարգ 4/03-ի 6-րդ Հավելվածի 2-րդ աղյուսակում «Ռեպո գործարքի բնույթը» բառերը փոխարինել «Գործարքի բնույթը» բառերով:

25) Կանոնակարգ 4/03-ի 6-րդ Հավելվածի 3-րդ աղյուսակն ուժը կորցրած ճանաչել:

26) Կանոնակարգ 4/03-ի 6-րդ Հավելվածի 2-րդ աղյուսակից հանել «Միավոր արժեթղթի գինը» և «Արժեթղթի տարեկան եկամտաբերությունը» սյունակները:

27) Կանոնակարգ 4/03-ի 6-րդ Հավելվածի 2-րդից մինչև 12-րդ և 15-րդ աղյուսակները «Ում անունից է գործարքը կնքվել» սյունակից հետո լրացնել նոր սյունակով` «Գործարքի նույնականացուցիչ համարը» վերնագրով, իսկ 4-րդից մինչև 12-րդ և 15-րդ աղյուսակները` նաև «Գործարքի բնույթը» վերնագրով սյունակով:

28) Կանոնակարգ 4/03-ի 6-րդ Հավելվածի 2-րդ աղյուսակի և 4-րդից մինչև 12-րդ և 15-րդ աղյուսակները «Գործարքի կնքման ամսաթիվը» սյունակից հետո լրացնել նոր սյունակով` «Փոփոխված գործարքի ամսաթիվը» վերնագրով:

29) Կանոնակարգ 4/03-ի 6-րդ Հավելվածի 10-րդ, 11-րդ և 12-րդ աղյուսակներից հանել «Օպցիոնի իրականացման» սյունակի «ամսաթիվը» և «ժամանակաշրջանը» ենթասյունակները, իսկ «Օպցիոնի իրականացման» բառերը փոխարինել «Օպցիոնի իրականացման ամսաթիվը» բառերով:

30) Կանոնակարգ 4/03-ի 4-րդ Հավելվածը լրացնել նոր սյունակով` «Գործարքի բնույթը» վերնագրով:

31) Կանոնակարգ 4/03-ի 6-րդ Հավելվածի 13-րդ և 14-րդ աղյուսակները հաստատել նոր խմբագրությամբ` համաձայն համապատասխանաբար Հավելված 1-ի և Հավելված 2-ի:

32) Կանոնակարգ 4/03-ի 20-րդ հավելվածում.

ա. վերնագրում «ԵՎ ՖԻՆԱՆՍԱԿԱՆ ՀԱՄԱԿԱՐԳԻ ՀԱՇՏԱՐԱՐԻ ԳՐԱՍԵՆՅԱԿԻ ՕԳՏԻՆ ՎՃԱՐՎԱԾ ՊԱՐՏԱԴԻՐ ՎՃԱՐՆԵՐԻ» բառերը փոխարինել «ՎՃԱՐԻ» բառով,

բ. հանել «Աղյուսակ 1.» բառերը,

գ. 2-րդ աղյուսակն ուժը կորցրած ճանաչել:

2. Սույն որոշումն ուժի մեջ է մտնում 2011 թվականի փետրվարի 1-ին:

 Աղյուսակ 13. ԻՐ ԿԱՄ ՀԱՃԱԽՈՐԴԻ ԱՆՈՒՆԻՑ ԵՎ ՀԱՃԱԽՈՐԴԻ ՀԱՇՎԻՆ (ԻՐ ՀԱՇՎԻՆ ԵՎ ԻՐ ԱՆՈՒՆԻՑ) ՓՈԽԱՐԺԵՔԱՅԻՆ ՍՎՈՓ ԳՈՐԾԱՐՔՆԵՐԻ ԿՆՔՄԱՆ ՎԵՐԱԲԵՐՅԱԼ

 Ներդրումային ծառայություններ մատուցող անձի անվանումը ………………………………………

 Հաշվետվության ներկայացման ամսաթիվը ..........................................

Ներդրումային ծառայություններ մատուցող անձի գործադիր մարմնի ղեկավար`

Կ.Տ.

Գլխավոր հաշվապահ՝

 Աղյուսակ 14. ԻՐ ԿԱՄ ՀԱՃԱԽՈՐԴԻ ԱՆՈՒՆԻՑ ԵՎ ՀԱՃԱԽՈՐԴԻ ՀԱՇՎԻՆ (ԻՐ ՀԱՇՎԻՆ ԵՎ ԻՐ ԱՆՈՒՆԻՑ) ԱՐԺՈՒԹԱՅԻՆ ՍՎՈՊ ԳՈՐԾԱՐՔՆԵՐԻ ԿՆՔՄԱՆ ՎԵՐԱԲԵՐՅԱԼ

 Ներդրումային ծառայություններ մատուցող անձի անվանումը …………………………………………

 Հաշվետվության ներկայացման ամսաթիվը ..........................................

Ներդրումային ծառայություններ մատուցող անձի գործադիր մարմնի ղեկավար

Կ.Տ.

Գլխավոր հաշվապահ՝