ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

3 նոյեմբերի 2010 թվականի N 929-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ 2009 ԹՎԱԿԱՆԻ ԴԵԿՏԵՄԲԵՐԻ 22-Ի N 1064-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

 Ղեկավարվելով «Իրավական ակտերի մասին» Հայաստանի Հանրապետության օրենքի 70-րդ հոդվածի 5-րդ մասով`

 1. Հայաստանի Հանրապետության վարչապետի 2009 թվականի դեկտեմբերի 22-ի «Հայաստանի Հանրապետության համայնքների (բնակավայրերի) քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողով ստեղծելու, հանձնաժողովի անհատական կազմը և գործունեության կարգը հաստատելու մասին» N 1064-Ա որոշման մեջ կատարել հետևյալ փոփոխությունը և լրացումները`

1) որոշման N 1 հավելվածում`

ա. «Ս. Ազարյան - ՀՀ արտակարգ իրավիճակների նախարարության Հայաստանի փրկարար ծառայության տնօրենի տեղակալ, փրկարարական ծառայության գնդապետ» բառերը փոխարինել «Հ. Եմիշյան - ՀՀ արտակարգ իրավիճակների նախարարության Հայաստանի փրկարար ծառայության բնակչության և տարածքների պաշտպանության վարչության պետ, փրկարարական ծառայության գնդապետ» բառերով,

բ. հանձնաժողովի անհատական կազմը լրացնել հետևյալ բովանդակությամբ նոր տողով.

 «Ս. Դանիելյան - Երևանի գլխավոր ճարտարապետ (համաձայնությամբ)».

2) որոշման N 2 հավելվածի 14-րդ կետը լրացնել հետևյալ բովանդակությամբ նոր պարբերությամբ.

 «Հանձնաժողովի նիստում քննարկված և լրամշակված քաղաքաշինական ծրագրային փաստաթղթերի և նախագծման առաջադրանքների լրացուցիչ քննարկումները կարող են կատարվել ու դրանց վերաբերյալ որոշումները կարող են ընդունվել նաև հարցման կարգով` գրավոր փաստաթղթերի փոխանցմամբ, ինտերնետային կամ կապի այլ միջոցներով:»: