ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

31 հուլիսի 2009 թվականի N 649-Ա

Ռ. ՂՈՒԿԱՍՅԱՆԻՆ ԵՎ Ա. ԽԱՉԱՏՐՅԱՆԻՆ ԴՈՒՇԱՆԲԵ ԳՈՐԾՈՒՂԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի՝

1. Հայաստանի Հանրապետության արտակարգ իրավիճակների նախարարության պետական ռեզերվների գործակալության պետ Ռ. Ղուկասյանին և Հայաստանի Հանրապետության արտակարգ իրավիճակների նախարարության պետական ռեզերվների գործակալության պետի տեղակալ Ա. Խաչատրյանին 2009 թվականի օգոստոսի 3-6-ը գործուղել Դուշանբե (Տաջիկստանի Հանրապետություն)` ԱՊՀ երկրների մասնակից պետությունների պետական նյութական պահուստի կառավարում իրականացնող պետական (գործադիր) իշխանության մարմինների ղեկավարների կոնսուլտատիվ խորհրդի հերթական` չորրորդ նիստին մասնակցելու համար:

2. Ռ. Ղուկասյանի և Ա. Խաչատրյանի` Դուշանբե գործուղման հետ կապված ծախսերը (բացառությամբ օրապահիկի և գիշերավարձի) կատարել Հայաստանի Հանրապետության 2009 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին:

3. Հայաստանի Հանրապետության արտակարգ իրավիճակների նախարարության պետական ռեզերվների գործակալության պետ Ռ. Ղուկասյանին՝ գործուղումից վերադառնալուց հետո եռօրյա ժամկետում Հայաստանի Հանրապետության կառավարության աշխատակազմ ներկայացնել Դուշանբե գործուղման արդյունքների մասին հաշվետվություն։