«Գրանցված է»

ՀՀ արդարադատության

նախարարության կողմից

17 սեպտեմբերի 2008 թ.

Պետական գրանցման թիվ 05008273

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

Ո Ր Ո Շ ՈՒ Մ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 2008 ԹՎԱԿԱՆԻ ՀՈՒՆՎԱՐԻ 15-Ի ԹԻՎ 14-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Հայաստանի Հանրապետության Կենտրոնական բանկի մասին» Հայաստանի Հանրապետության օրենքի 20-րդ հոդվածի ե) կետը, «Իրավական ակտերի մասին» Հայաստանի Հանրապետության օրենքի 16-րդ հոդվածի 1-ին մասը, «Արժեթղթերի շուկայի կարգավորման մասին» Հայաստանի Հանրապետության օրենքի 184-րդ հոդվածի 1-ին մասը, 2-րդ մասը, 185-րդ հոդվածի 2-րդ կետը, 193-րդ հոդվածի 5-րդ կետը, 221-րդ հոդվածի 1-ին մասը` Հայաստանի Հանրապետության կենտրոնական բանկի խորհուրդը որոշում է.

1. Հայաստանի Հանրապետության կենտրոնական բանկի խորհրդի 2008 թվականի հունվարի 15-ի ««Կենտրոնական դեպոզիտարիայի գրանցումն ու լիցենզավորումը, Կենտրոնական դեպոզիտարիայի կանոնադրական կապիտալում նշանակալից մասնակցություն ունենալու համար նախնական համաձայնություն ստանալու կարգը, գործարար ծրագրի ներկայացման կարգը, ձևը և ժամկետները» Կանոնակարգ 5/02-ը հաստատելու մասին» թիվ 14Ն որոշման (այսուհետ՝ Որոշում) մեջ կատարել հետևյալ փոփոխությունները և լրացումները.

1) Որոշման նախաբանում ««Արժեթղթերի շուկայի մասին» Հայաստանի Հանրապետության օրենքի» բառերից հետո լրացնել «180-րդ հոդվածի 4-րդ մասը,» բառերը:

2) Որոշման Հավելվածի 4-րդ կետից հանել ««Լիցենզավորման մասին» Հայաստանի Հանրապետության օրենքի,» բառերը:

3) Որոշման hավելվածի 7-րդ կետի 1-ին ենթակետի «դ» պարբերությունից հետո լրացնել «ե» պարբերություն՝ հետևյալ բովանդակությամբ.

«ե. Կենտրոնական դեպոզիտարիայի կանոնների նախագծերը (ներառյալ կանոնների ներդրման անհրաժեշտության հիմնավորումը) կցվում են Կենտրոնական դեպոզիտարիայի կանոնների գրանցման միջնորդագրին, որի ձևը սահմանված է սույն կանոնակարգի հավելված 12-ով:»:

4) Որոշման hավելվածի 8-րդ կետի առաջին նախադասության «Կենտրոնական բանկի» բառից հետո լրացնել «խորհրդի» բառը:

5) Որոշման hավելվածի 13-րդ կետի «Կենտրոնական բանկը» բառերը փոխարինել «Կենտրոնական բանկի խորհուրդը» բառերով:

6) Որոշման hավելվածի 14-րդ կետը ուժը կորցրած ճանաչել:

7) Որոշման hավելվածի 15-րդ կետի 4-րդ ենթակետից հանել «հիմնադիր պայմանագիրը և» բառերը:

8) Որոշման hավելվածի 15-րդ կետի 7-րդ և 8-րդ ենթակետերում «հաշվապահական հաշվառման միջազգային ստանդարտներին» բառերը փոխարինել «Ֆինանսական հաշվետվությունների միջազգային ստանդարտներին կամ միջազգայնորեն ճանաչված այլ ստանդարտներին» բառերով:

9) Որոշման hավելվածի 15-րդ կետի 9-րդ ենթակետը ուժը կորցրած ճանաչել:

10) Որոշման hավելվածի 15-րդ կետի 12-րդ ենթակետը շարադրել նոր խմբագրությամբ.

«12) նշանակալից մասնակցություն ակնկալող իրավաբանական անձի հայտարարագիրը՝ Կենտրոնական դեպոզիտարիայի կողմից Կենտրոնական բանկ ներկայացված գործարար ծրագրում իր կողմից առաջարկվող փոփոխությունների վերաբերյալ:»:

11) Որոշման hավելվածի 15-րդ կետի 13-րդ ենթակետը շարադրել հետևյալ խմբագրությամբ. «հայտարարարություն «Արժեթղթերի շուկայի մասին» Հայաստանի Հանրապետության օրենքի 55-րդ հոդվածի 1-ին մասի 2-րդ, 7-րդ, 8-րդ, 9-րդ և 10-րդ ենթակետերով նախատեսված հիմքերի բացակայության մասին, »:

12) Որոշման hավելվածի 16-րդ կետի 3-րդ ենթակետում «հաշվապահական հաշվառման միջազգային ստանդարտներին» բառերը փոխարինել «Ֆինանսական հաշվետվությունների միջազգային ստանդարտներին կամ միջազգայնորեն ճանաչված այլ ստանդարտներին» բառերով:

13) Որոշման հավելվածի 17-րդ կետի 1-ին և 2-րդ ենթակետերում «հաշվապահական հաշվառման միջազգային ստանդարտներին» բառերը փոխարինել «Ֆինանսական հաշվետվությունների միջազգային ստանդարտներին կամ միջազգայնորեն ճանաչված այլ ստանդարտներին» բառերով:

14) Որոշման հավելվածի 18-րդ կետի «16-րդ կետով» բառերից առաջ լրացնել «սույն կանոնակարգի» բառերը:

15) Որոշման հավելվածի 19-րդ կետի «15-րդ կետի 1-ին, 2-րդ, 3-րդ, 4-րդ, 5-րդ, 8-րդ, 9-րդ և 13-րդ ենթակետերով » բառերը փոխարինել «15-րդ կետի 1-ին, 2-րդ, 3-րդ, 4-րդ, 7-րդ 8-րդ և 12-րդ ենթակետերով»:

16) Որոշման հավելվածի 20-րդ կետի «15-րդ կետի 1-ին, 2-րդ, 3-րդ, 4-րդ, 11-րդ, 13-րդ, 14-րդ, 15-րդ ենթակետերով» բառերը փոխարինել «15-րդ կետի 1-ին, 2-րդ, 3-րդ, 12-րդ, 13-րդ և 14-րդ ենթակետերով»:

17) Որոշման հավելվածի 21-րդ կետի 5-րդ ենթակետը շարադրել նոր խմբագրությամբ.

«5) նշանակալից մասնակցություն ակնկալող ֆիզիկական անձի հայտարարագիրը՝ Կենտրոնական դեպոզիտարիայի կողմից Կենտրոնական բանկ ներկայացրած գործարար ծրագրում իր կողմից առաջարկվող փոփոխությունների վերաբերյալ:»:

18) Որոշման հավելվածի 21-րդ կետի 4-րդ ենթակետից հանել «բացակայության» բառը:

19) Որոշման հավելվածի 21-րդ կետի 6-րդ ենթակետի «55-րդ հոդվածի 1-ին մասով» բառերը փոխարինել «55-րդ հոդվածի 1-ին մասի 3-րդ, 4-րդ, 5-րդ, 8-րդ և 9-րդ կետերով» բառերով:

20) Որոշման հավելվածի 22-րդ կետի 4-րդ ենթակետն ուժը կորցրած ճանաչել:

21) Որոշման հավելվածի 22-րդ կետի 5-րդ ենթակետերը շարադրել նոր խմբագրությամբ.

«5) նշանակալից մասնակցություն ակնկալող պետության իրավասու մարմնի կողմից լրացվող հայտարարագիրը՝ Կենտրոնական դեպոզիտարիայի կողմից Կենտրոնական բանկ ներկայացրած գործարար ծրագրում իր կողմից առաջարկվող փոփոխությունների վերաբերյալ:»:

22) Որոշման հավելվածի 24-րդ կետը շարադրել հետևյալ խմբագրությամբ. «Կենտրոնական դեպոզիտարիայում անուղղակի նշանակալից մասնակցություն ակնկալող անձի վերաբերյալ Կենտրոնական բանկ են ներկայացվում իրավաբանական անձի համար` սույն կանոնակարգի 15-րդ կետի 4-րդ, 6-րդ, 7-րդ, 8-րդ, 10-րդ և 13-րդ ենթակետերով սահմանված փաստաթղթերը, իսկ ֆիզիկական անձի համար` սույն կանոնակարգի 21-րդ կետի 3-րդ, 4-րդ, 6-րդ ենթակետերով սահմանված փաստաթղթերը, ինչպես նաև տեղեկանք նշանակալից մասնակցություն ձեռք բերող անձի հետ փոխկապակցված իրավաբանական անձանց (այդ թվում` այն իրավաբանական անձանց, որոնցում ներդրումային ընկերության կանոնադրական կապիտալում նշանակալից մասնակցություն ձեռք բերող անձը նշանակալից մասնակից է) մասին` համաձայն սույն կանոնակարգի հավելված 9ա-ի և տեղեկանք նշանակալից մասնակցություն ձեռք բերող անձի հետ փոխկապակցված ֆիզիկական անձանց մասին` համաձայն սույն կանոնակարգի հավելված 9բ-ի»:

23) Որոշման hավելվածի 26-րդ կետում «15-րդ կետի 11-րդ, 14-րդ ենթակետերով» բառերը փոխարինել «15-րդ կետի 13-րդ ենթակետով» բառերով:

24) Որոշման hավելվածի 27-րդ կետում «15-րդ կետի 7-րդ, 11-րդ, 14-րդ ենթակետերով» բառերը փոխարինել «15-րդ կետի 6-րդ և 13-րդ ենթակետերով» բառերով:

25) Որոշման հավելվածի 28-րդ կետում «15-րդ կետի 5-րդ, 7-րդ, 10-րդ, 11-րդ, 14-րդ ենթակետերով» բառերը փոխարինել «15-րդ կետի 4-րդ, 6-րդ, 10-րդ և 13-րդ ենթակետերով» բառերով:

26) Որոշման hավելվածի 28-րդ կետից հետո լրացնել 28.1 կետ՝ հետևյալ բովանդակությամբ. «28.1. Եթե Կենտրոնական դեպոզիտարիայի կանոնադրական կապիտալում նշանակալից մասնակցություն ձեռք բերելու մտադրություն ունեցող անձի միջոցով Կենտրոնական դեպոզիտարիայի կանոնադրական կապիտալում անուղղակի նշանակալից մասնակցություն ձեռք են բերում մի քանի անձինք, ապա անուղղակի նշանակալից մասնակցություն ձեռք բերելու համաձայնություն ստանալու համար ներկայացվում են «Արժեթղթերի շուկայի մասին» Հայաստանի Հանրապետության օրենքով և սույն կանոնակարգով պահանջվող փաստաթղթերը միայն այն ֆիզիկական անձի վերաբերյալ, որի միջոցով որևէ այլ անձ Կենտրոնական դեպոզիտարիայում նշանակալից մասնակցություն ձեռք չի բերում: Անհրաժեշտության դեպքում Կենտրոնական բանկը կարող է պահանջել փաստաթղթեր նաև այն անձանցից, որոնց միջոցով Կենտրոնական դեպոզիտարիայում նշանակալից մասնակցություն է ձեռք բերվում:»:

27) Որոշման hավելվածի 37-րդ կետը շարադրել հետևյալ խմբագրությամբ. «Կենտրոնական բանկը լիցենզավորված անձին լիցենզիան տրամադրելիս ծանուցում է, որ բանկային գործունեությունը կարգավորող իրավական ակտերի ցանկը գտնվում է Կենտրոնական բանկի պաշտոնական ինտերնետային կայքում:»:

28) Որոշման հավելվածի 38-րդ կետից հանել «այդ մասին հայտարարություն է տալիս զանգվածային լրատվության միջոցներով (հեռուստատեսությամբ կամ առնվազն 1000 տպաքանակ ունեցող թերթում կամ ամսագրում) և» և «և զանգվածային լրատվության միջոցով հայտարարություն տալու փաստը հավաստող համապատասխան փաստաթուղթը» բառերը:

29) Որոշման հավելվածի 55-րդ կետի «Ծրագիրը» բառից հետո լրացնել «, ինչպես նաև վերանայված ծրագիրը» բառերով:

30) Որոշման hավելվածի 58-րդ կետը շարադրել հետևյալ բովանդակությամբ. «Հայաստանի Հանրապետության տարածքում գործող Կենտրոնական դեպոզիտարիան փոփոխությունները տեղի ունենալուց հետո 10 օրվա ընթացքում Կենտրոնական բանկի գրանցմանն է ներկայացնում «Արժեթղթերի շուկայի մասին» Հայաստանի Հանրապետության օրենքի 221-րդ հոդվածի 1-ին մասով սահմանված փոփոխությունները, ինչպես նաև Կենտրոնական դեպոզիտարիայի կանոնների փոփոխությունները (լրացումները):»:

31) Որոշման hավելվածի 62-րդ կետից հետո լրացնել 62.1 կետ՝ հետևյալ բովանդակությամբ.

«62.1. Կենտրոնական դեպոզիտարիայի շուկայի կանոններում կատարված փոփոխությունները (լրացումները) Կենտրոնական բանկում գրանցելու համար Կենտրոնական դեպոզիտարիան ներկայացնում է հետևյալ փաստաթղթերը՝

1) կանոններում կատարված փոփոխությունները (լրացումները) գրանցելու մասին միջնորդագիր՝ Կենտրոնական դեպոզիտարիայի կառավարման մարմնի լիազոր անձի ստորագրությամբ՝ վավերացրած Կենտրոնական դեպոզիտարիայի կնիքով` համաձայն սույն կանոնակարգի հավելված 12-ի,

2) Կենտրոնական դեպոզիտարիայի փոփոխված կանոնների նախագծերը,

3) կանոնների փոփոխությունների (լրացումների) ներդրման անհրաժեշտության հիմնավորումը:»:

32) Որոշման հավելվածի 63-րդ կետի «մերժել գրանցումը» բառերից հետո լրացնել «(բացառությամբ Կենտրոնական դեպոզիտարիայի կանոնների, որոնց փոփոխությունները (լրացումները) գրանցվում կամ մերժվում են 45 օրվա ընթացքում)» բառերը:

33) Որոշման հավելվածի 65-րդ կետի 15-րդ ենթակետի «9-րդ ենթակետում» բառերը փոխարինել «14-րդ ենթակետում» բառերով:

34) Որոշման հավելվածի 65-րդ կետից հետո լրացնել 65.1 կետ՝ հետևյալ բովանդակությամբ.

«65.1. Կենտրոնական դեպոզիտարիան կարող է սույն կանոնակարգի 65-րդ կետի 2-րդ, 3-րդ, 4-րդ, 5-րդ, 7-րդ, 8-րդ, 14-րդ ենթակետերով սահմանված տեխնիկական հագեցվածության պահանջների փոխարեն կնքել ապահովագրության պայմանագիր, որը պետք է ներառի առնվազն հետևյալ պատահարները.

Կենտրոնական դեպոզիտարիային սեփականության, վարձակալությամբ կամ անհատույց օգտագործման իրավունքով պատկանող առանձնացված տարածքում գտնվող գույքի, այդ թվում և կանխիկ դրամի, արժեթղթերի հավաստագրերի, ծառայությունների մատուցման պայմանագրերի, արժեթղթերի հաշիվների տվյալների բազայի էլեկտրոնային կրկնօրինակների և գործառնություններին վերաբերող փաստաթղթերի և այլ արժեքավոր գույքի՝ հրդեհի, ավազակության, գողության, կողոպուտի հետևանքով կորուստը կամ վնասվածքը:

Նշված ապահովագրական ռիսկերի գծով ապահովագրական գումարը չի կարող փոքր լինել ընկերության բոլոր ակտիվների 1 տոկոսից:

Ընդ որում, վերոնշյալ ապահովագրություն իրականացնող ոչ ռեզիդենտ ապահովագրական ընկերությունը պետք է ունենա ստորև նշված միջազգային վարկանշող կազմակերպություններից առնվազն մեկի կողմից տրված վարկանիշ, որը պետք է ցածր չլինի՝

- Ստանդարտ և Փուրզի «ԲԲԲ» խմբի`      ԲԲԲ-

- Մուդիզի «Բաա» խմբի`                          Բաա3

- Ա. Մ. Բեստի «Բ» խմբի`                         Բ+

- Դաֆֆ և Ֆելփզի «ԲԲԲ» խմբի`              ԲԲԲ-

- Վեիսսի «Բ» խմբի`                                 Բ-

- Ֆիթչի «ԲԲԲ» խմբի`                              ԲԲԲ-:»:

35) Որոշման հավելվածի Հավելված 1-ից հանել «Պետական տուրքը վճարված է՝ ____ ___________ 200  թ.» բառերը:

36) Որոշման hավելվածի Հավելված 3-ը հաստատել նոր խմբագրությամբ՝ համաձայն սույն որոշման հավելված 1-ի (կցվում է):

37) Որոշման hավելվածի Հավելված 6ա-ի «դիմումի» բառը փոխարինել «միջնորդագրի» բառով:

38) Որոշման hավելվածի Հավելված 7ա-ն և 7բ-ն հաստատել նոր խմբագրությամբ՝ համաձայն սույն որոշման համապատասխանաբար հավելված 2-ի և հավելված 3-ի (կցվում են):

39) Որոշման հավելվածի Հավելված 9-ը հաստատել նոր խմբագրությամբ՝ համաձայն սույն որոշման հավելված 4-ի (կցվում է):

40) Հաստատել որոշման Հավելված 9բ-ն` համաձայն սույն որոշման հավելված 5-ի (կցվում է):

41) Հաստատել որոշման Հավելված 12-ը` համաձայն սույն որոշման հավելված 6-ի (կցվում է):

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Տ Ե Ղ Ե Կ Ա Ն Ք

ՂԵԿԱՎԱՐԻ ԵՎ ՆՐԱ ԳՈՐԾՈՒՆԵՈՒԹՅԱՆ ՎԵՐԱԲԵՐՅԱԼ

Տ Ե Ղ Ե Կ Ա Ն Ք

ԿԵՆՏՐՈՆԱԿԱՆ ԴԵՊՈԶԻՏԱՐԻԱՅԻ ԿԱՆՈՆԱԴՐԱԿԱՆ ԿԱՊԻՏԱԼՈՒՄ ՆՇԱՆԱԿԱԼԻՑ ՄԱՍՆԱԿՑՈՒԹՅՈՒՆ ՁԵՌՔ ԲԵՐՈՂ (ՈՒՆԵՑՈՂ) ԻՐԱՎԱԲԱՆԱԿԱՆ ԱՆՁԻ ՎԵՐԱԲԵՐՅԱԼ

Տ Ե Ղ Ե Կ Ա Ն Ք

ԿԱՆՈՆԱԴՐԱԿԱՆ ԿԱՊԻՏԱԼՈՒՄ ՆՇԱՆԱԿԱԼԻՑ ՄԱՍՆԱԿՑՈՒԹՅՈՒՆ ՁԵՌՔ ԲԵՐՈՂ ԱՆՁԻ ՀԵՏ ՓՈԽԿԱՊԱԿՑՎԱԾ ԻՐԱՎԱԲԱՆԱԿԱՆ ԱՆՁԱՆՑ ՄԱՍԻՆ

Տ Ե Ղ Ե Կ Ա Ն Ք

ԿԱՆՈՆԱԴՐԱԿԱՆ ԿԱՊԻՏԱԼՈՒՄ ՆՇԱՆԱԿԱԼԻՑ ՄԱՍՆԱԿՑՈՒԹՅՈՒՆ ՁԵՌՔԲԵՐՈՂ ԱՆՁԻ ՀԵՏ ՓՈԽԿԱՊԱԿՑՎԱԾ ՖԻԶԻԿԱԿԱՆ ԱՆՁԱՆՑ ՄԱՍԻՆ

ԿԵՆՏՐՈՆԱԿԱՆ ԴԵՊՈԶԻՏԱՐԻԱՅԻ ԿԱՆՈՆՆԵՐԸ (ԿԱՆՈՆՆԵՐՈՒՄ ՓՈՓՈԽՈՒԹՅՈՒՆՆԵՐԸ (ԼՐԱՑՈՒՄՆԵՐԸ)) ԳՐԱՆՑԵԼՈՒ ՀԱՄԱՐ

ՄԻՋՆՈՐԴԱԳԻՐ