040.0282.12.04.01

 «ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
12 ապրիլի 2001 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

12 ապրիլի 2001 թվականի N 282
քաղ. Երևան

ՊԵՏԱԿԱՆ ԳՈՒՅՔԻ ՀԱՇՎԱՌՄԱՆ ՀԱՄԱԿԱՐԳԻ ՆԵՐԴՐՈՒՄՆ ԱՊԱՀՈՎՈՂ ՄԻՋՈՑԱՌՈՒՄՆԵՐԻ ՄԱՍԻՆ

Պետական գույքի հաշվառման համակարգի ներդրումն ապահովելու և կառավարման արդյունավետությունը բարձրացնելու նպատակով Հայաստանի Հանրապետության կառավարությունը որոշում է.

1. Սահմանել, որ պետական հաշվառման օբյեկտ են հանդիսանում`

ա) Հայաստանի Հանրապետության նախարարությունների, գերատեսչությունների, պետական կառավարման այլ մարմինների, Հայաստանի Հանրապետության մարզպետարանների, Երևանի քաղաքապետարանի և դրանց ենթակայության պետական հիմնարկների, այդ թվում` պետական բարձրագույն և պետական միջին մասնագիտական ուսումնական հաստատությունների, պետական հանրակրթական դպրոցների և պետական նախադպրոցական հիմնարկների հիմնական միջոց հանդիսացող գույքը.

բ) պետական սեփականություն հանդիսացող բաժնետոմսերը (բաժնեմասը):

2. Սույն որոշմամբ հաշվառման ենթակա չէ այն պետական գույքը, որի մասին տեղեկությունները պետական գաղտնիք են:

3. Հայաստանի Հանրապետության նախարարություններին, գերատեսչություններին, պետական կառավարման այլ մարմիններին, Հայաստանի Հանրապետության մարզպետներին և Երևանի քաղաքապետին`

ա) երկամսյա ժամկետում Հայաստանի Հանրապետության պետական գույքի կառավարման նախարարություն ներկայացնել Հայաստանի Հանրապետության նախարարությունների, գերատեսչությունների, պետական կառավարման այլ մարմինների, Հայաստանի Հանրապետության մարզպետարանների, Երևանի քաղաքապետարանի և դրանց ենթակայության պետական հիմնարկների, այդ թվում` պետական բարձրագույն և պետական միջին մասնագիտական ուսումնական հաստատությունների, պետական հանրակրթական դպրոցների և պետական նախադպրոցական հիմնարկների մասին տեղեկանք (N 1 ձևը կցվում է) և պետական սեփականություն հանդիսացող բաժնետոմսեր (բաժնեմաս) ունեցող առևտրային կազմակերպությունների (ձեռնարկությունների) մասին տեղեկանք (N 2 ձևը կցվում է).

բ) մինչև 2001 թվականի հուլիսի 1-ը Հայաստանի Հանրապետության պետական գույքի կառավարման նախարարություն ներկայացնել հաշվառման օբյեկտների մասին տեղեկանք, ընդ որում, սույն որոշման 1-ին կետի «ա» ենթակետով սահմանված հաշվառման օբյեկտների մասին տեղեկանքները` համաձայն NN 3, 3ա, 3բ, 4 և 5 ձևերի (կցվում են).

գ) («գ» ենթակետն ուժը կորցրել է 28.04.05 N 562-Ն):

(3-րդ կետը փոփ. 24.05.01 N 446, 28.04.05 N 562-Ն)

4. (4-րդ կետն ուժը կորցրել է 28.04.05 N 562-Ն):

5. Հայաստանի Հանրապետության պետական գույքի կառավարման նախարարությանը`

ա) մեկամսյա ժամկետում Հայաստանի Հանրապետության կառավարություն ներկայացնել առաջարկություններ սույն որոշմամբ սահմանված հաշվառման օբյեկտների հաշվառման կարգի վերաբերյալ.

բ) սույն որոշման 3-րդ կետի «բ» և «գ» ենթակետերում նշված ժամկետներում ներկայացված տեղեկանքներն ստանալուց հետո` սույն կետի «ա» ենթակետով սահմանված կարգին համապատասխան ամփոփել և Հայաստանի Հանրապետության կառավարություն ներկայացնել հաշվառման օբյեկտների մասին տեղեկանք. երկամսյա ժամկետում Հայաստանի Հանրապետության կառավարություն ներկայացնել հաշվառման օբյեկտների արդյունավետ կառավարման վերաբերյալ առաջարկություններ:

6. Ուժը կորցրած ճանաչել Հայաստանի Հանրապետության վարչապետի 1999 թվականի հոկտեմբերի 27-ի «Պետական գույքի կառավարման կատարելագործման առաջնահերթ միջոցառումների մասին» N 670 որոշումը:

7. Սույն որոշումն ուժի մեջ է մտնում 2001 թվականի ապրիլի 12-ից:

Ձև N 1

Տ Ե Ղ Ե Կ Ա Ն Ք

___________________________ենթակայության պետական հիմնարկների, բարձրագույն
(վերադաս պետական կառավարման մարմնի անվանումը)

և միջին  մասանգիտական ուսումնական հաստատությունների, հանրակրթական դպրոցների, նախադպրոցական հիմնարկների մասին

Պատասխանատու անձ _____________

Ձև N 2

Տ Ե Ղ Ե Կ Ա Ն Ք

պետական սեփականություն հանդիսացող բաժնետոմսեր (բաժնեմաս) ունեցող իրավաբանական անձանց մասին

_____________________________________________________________________

(պետական սեփականություն հանդիսացող բաժնետոմսերի (բաժնեմասի) տնօրինման լիազորություններն իրականացնող պետական կառավարման մարմնի անվանումը)

Պատասխանատու անձ _____________

Ձև N 3

Տ Ե Ղ Ե Կ Ա Ն Ք

_________________________________________________________________
 ուսումնական հաստատության, հանրակրթական դպրոցի, նախադպրոցական հիմնարկի անվանումը),  ամրակցված անշարժ գույքի մասին

(2001 թ. հունվարի 1-ի դրությամբ)

___________________________________________
(լրացվում է յուրաքանչյուր շենքի (շինության) համար առանձին)

Պատասխանատու անձ _____________

Ձև N 3 ա

Տ Ե Ղ Ե Կ Ա Ն Ք

__________________________________________________________________
 ուսումնական հաստատության, հանրակրթական դպրոցի, նախադպրոցական հիմնարկի անվանումը) ամրակցված անշարժ գույքի մասին

Պատասխանատու անձ _____________

Ձև N 3 բ

Տ Ե Ղ Ե Կ Ա Ն Ք

__________________________________________________________________
 ուսումնական հաստատության, հանրակրթական դպրոցի, նախադպրոցական հիմնարկի անվանումը) ամրակցված անշարժ գույքի մասին

Պատասխանատու անձ _____________

Ձև N 4

Տ Ե Ղ Ե Կ Ա Ն Ք

________________________________________________________________
 ուսումնական հաստատության, հանրակրթական դպրոցի, նախադպրոցական հիմնարկի անվանումը) ամրակցված հիմնական միջոցների (բացառությամբ անշարժ գույքի և տրանսպորտային միջոցների) մասին

Պատասխանատու անձ _____________

Ձև N 5

Տ Ե Ղ Ե Կ Ա Ն Ք

________________________________________________________________
 ուսումնական հաստատության, հանրակրթական դպրոցի, նախադպրոցական հիմնարկի անվանումը) ամրակցված տրանսպորտային միջոցների մասին

Պատասխանատու անձ _____________