«Վավերացնում եմ»
Հայաստանի Հանրապետության
Նախագահ Ռ. Քոչարյան
30 օգոստոսի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

24 օգոստոսի 2006 թվականի N 1202-Ա

ՀԱՅԱՍՏԱՆՅԱՅՑ ԱՌԱՔԵԼԱԿԱՆ ԵԿԵՂԵՑՈՒՆ ԳՈՒՅՔ ՆՎԻՐԱԲԵՐԵԼՈՒ ՄԱՍԻՆ

Հիմք ընդունելով Հայաստանի Հանրապետության քաղաքացիական օրենսգրքի 605-րդ հոդվածը` Հայաստանի Հանրապետության կառավարությունը որոշում է.

1. Հայաստանի Հանրապետության մշակույթի և երիտասարդության հարցերի նախարարության տնօրինության` Հայաստանի Հանրապետության Գեղարքունիքի մարզի Սևան քաղաքի «Արփա» կինոթատրոնի շենքը (այսուհետ` գույք) Հայաստանի Հանրապետության օրենսդրությամբ սահմանված կարգով նվիրաբերել Հայաստանյայց Առաքելական եկեղեցուն (այսուհետ` նվիրառու)` եկեղեցի կառուցելու պայմանով:

2. Սահմանել, որ նվիրառուն պարտավոր է գնել սույն որոշման 1-ին կետում նշված գույքի զբաղեցրած և օգտագործման ու սպասարկման համար անհրաժեշտ հողատարածքը` Հայաստանի Հանրապետության օրենսդրությամբ սահմանված կարգով:

3. Հայաստանի Հանրապետության Գեղարքունիքի մարզպետին` մեկամսյա ժամկետում Սևանի քաղաքապետի հետ համատեղ ապահովել սույն որոշման 1-ին կետում նշված գույքի զբաղեցրած հողատարածքի սահմանների ճշգրտումն ու ներկայացնել Հայաստանի Հանրապետության մշակույթի և երիտասարդության հարցերի նախարարություն:

4. Հայաստանի Հանրապետության մշակույթի և երիտասարդության հարցերի նախարարին` երկամսյա ժամկետում իրականացնել նշված գույքի և հողամասի նկատմամբ իրավունքների պետական գրանցումը և նվիրառուի կողմից հողատարածքի համար սահմանված արժեքի վճարումից հետո նվիրառուի հետ կնքել նվիրաբերության պայմանագիր:

5. Սահմանել, որ գույքային իրավունքների պետական գրանցման հետ կապված ծախսերը կատարվելու են նվիրառուի հաշվին: