«Վավերացնում եմ»
Հայաստանի Հանրապետության
Նախագահ Ռ. Քոչարյան
4 ապրիլի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

30 մարտի 2006 թվականի N 387-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՅՈՑ ՁՈՐԻ ՄԱՐԶԻ ՇԱՏԻՆԻ ԳՅՈՒՂԱԿԱՆ ՀԱՄԱՅՆՔԻՆ ՇԵՆՔ ՕՏԱՐԵԼՈՒ ՄԱՍԻՆ

«Տեղական ինքնակառավարման մասին» Հայաստանի Հանրապետության օրենքի 48-րդ և 49-րդ հոդվածներին համապատասխան` Հայաստանի Հանրապետության կառավարությունը որոշում է.

1. Հայաստանի Հանրապետության Վայոց ձորի մարզի Շատին գյուղում գտնվող` մարզպետարանի ենթակայության «Հանրակրթական ուսումնական հաստատություն» պետական ոչ առևտրային կազմակերպությանն ամրացված ուսուցչի տունը` 141 քառ. մետր մակերեսով հետ վերցնել և անհատույց սեփականության իրավունքով օտարել Շատինի գյուղական համայնքին:

2. Հայաստանի Հանրապետության Վայոց ձորի մարզպետին` Շատինի գյուղական համայնքի ղեկավարի հետ համատեղ` սահմանված կարգով ապահովել սույն որոշման 1-ին կետում նշված շենքի հանձնման-ընդունման աշխատանքների կատարումը և գույքային իրավունքների պետական գրանցումը՝ այն իրականացնելով Շատինի գյուղական համայնքի միջոցների հաշվին:

Հայաստանի Հանրապետության վարչապետ	Ա. Մարգարյան
2006 թ. ապրիլի 1 Երևան