Գլխավոր տեղեկություն
Номер
N 64-Ն
Տիպ
Որոշում
Тип
Исходный акт (13.04.2006-по сей день)
Статус
Գործում է
Первоисточник
ՀՀԳՏ 2006.04.03/10(219) Հոդ.101
Принят
Կենտրոնական բանկի խորհուրդ
Дата принятия
14.02.2006
Подписан
Կենտրոնական բանկի նախագահ
Дата подписания
20.02.2006
Дата вступления в силу
13.04.2006

«Գրանցված է»
ՀՀ արդարադատության
նախարարության կողմից
16 մարտի 2006 թ.
Պետական գրանցման թիվ 05006074


ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
 
ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ


14 փետրվարի 2006 թ.

  N 64-Ն

                              
Ո Ր Ո Շ ՈՒ Մ

«ՎՌԱՄՇԱՊՈՒՀ ԱՐՔԱ» ԵՎ «ՍԱՀԱԿ Ա ՊԱՐԹԵՎ» ԱՐԾԱԹՅԱ ՀՈՒՇԱԴՐԱՄՆԵՐԸ  ՇՐՋԱՆԱՌՈՒԹՅԱՆ ՄԵՋ ԴՆԵԼՈՒ ՄԱՍԻՆ

Հիմք ընդունելով «Հայաստանի Հանրապետության կենտրոնական բանկի մասին» Հայաստանի Հանրապետության  օրենքի  20-րդ հոդվածի «է» կետը՝ Հայաստանի Հանրապետության կենտրոնական բանկի խորհուրդը որոշում է.        

1. 2006 թվականի մարտի 31-ից շրջանառության մեջ դնել Հայաստանի Հանրապետության կենտրոնական բանկի խորհրդի 2004 թվականի մայիսի 19-ի թիվ 126-Ն որոշմամբ թողարկված յուրաքանչյուրը 100 դրամ անվանական արժեքով «Վռամշապուհ արքա» և «Սահակ Ա Պարթև» արծաթյա հուշադրամները, որոնց նկարագրությունները ներկայացված են համաձայն հավելված 1-ի (կցվում է):

2. Սույն որոշումն ուժի մեջ է մտնում հրապարակմանը հաջորդող տասներորդ օրվանից:
 

ՀՀ կենտրոնական
բանկի նախագահ

 Տ. Սարգսյան


2006 թ. փետրվարի 20
Երևան

 

Հավելված 1

 


Հաստատված է
ՀՀ կենտրոնական բանկի խորհրդի
2006 թվականի փետրվարի 14-ի
թիվ 64-Ն որոշմամբ

 

ՆԿԱՐԱԳՐՈՒԹՅՈՒՆ

Վռամշապուհ արքային նվիրված 100 դրամ անվանական արժեքով արծաթյա հուշադրամի

Հայաստանի Հանրապետության կենտրոնական բանկը Մեսրոպյան գրերի գյուտի 1600-ամյակի կապակցությամբ թողարկել է արծաթյա հուշադրամ՝ նվիրված Վռամշապուհ արքային:

Հուշադրամի դիմերեսին պատկերված է Հայաստանի Հանրապետության զինանշանը, որից ներքև երկու տողով  անվանական արժեքի մակագրությունն է՝ «100» և «ԴՐԱՄ»: Ամբողջը ընդգրկված է շրջանի մեջ, որի շուրջ գծավոր եզերք է: Եզրաշուրթի մոտ շրջագծով մակագրված է՝ «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ 2005»:

Հուշադրամի դարձերեսի ձախ մասում Վռամշապուհ արքայի պատկերն է, իսկ աջ մասում՝ Մեսրոպյան այբուբենի պատկերը: Վռամշապուհ արքայի պատկերից ձախ ուղղահայաց տեսքով մակագրված է «ՎՌԱՄՇԱՊՈՒՀ ԱՐՔԱ»: Պատկերներից վերև երկու տողով մակագրված է «1600» և «ԱՄՅԱԿ»: Ամբողջը առանձնացված է երկու կիսաշրջաններով ձևավորված մակերեսով, որի շուրջ պարագծով գծային եզերք է: Շրջանագծով եզրաշուրթի մոտ վերևում հայերեն, իսկ ներքևում անգլերեն մակագրված է համապատասխանաբար՝ «ՀԱՅՈՑ ԳՐԵՐԻ ԳՅՈՒՏԻ» և «1600 ANNIVERSARY OF ARMENIAN ALPHABET»: Եզրաշուրթի մոտ աջ և ձախ մասերում զարդանախշեր են:

Հուշադրամը շրջանագծով երկու կողմից ունի ուռուցիկ եզրաշուրթ:

Թափանցիկ պատիճով հուշադրամը և իսկության հավաստագիրը տեղադրված են պլաստմասսայից պատրաստված տուփում:

Հուշադրամի ուրվագծերը  ձևավորել է նկարիչ Վարդան Վարդանյանը: Հուշադրամը հատվել է Չեխիայի դրամահատարանում: 

 

Հուշադրամի բնութագիրը.

Անվանական արժեքը՝

 100 դրամ

Մետաղը և հարգը՝

 արծաթ, 9250

Զանգվածը՝

 31,1 գ

Տրամագիծը՝

 40,0 մմ

Դրամաշուրթը՝

 ատամնավոր

Որակը՝

 պրուֆ

Տպաքանակը՝

 500 հատ

ՆԿԱՐԱԳՐՈՒԹՅՈՒՆ

 

Սահակ Ա Պարթևին նվիրված 100 դրամ անվանական արժեքով արծաթյա հուշադրամի

 

Հայաստանի Հանրապետության կենտրոնական բանկը Մեսրոպյան գրերի գյուտի 1600-ամյակի կապակցությամբ թողարկել է արծաթյա  հուշադրամ՝ նվիրված Սահակ Ա Պարթևին:

Հուշադրամի դիմերեսին պատկերված է Հայաստանի Հանրապետության զինանշանը, որից ներքև երկու տողով անվանական արժեքի մակագրությունն է՝ «100» և «ԴՐԱՄ»: Ամբողջը ընդգրկված է շրջանի մեջ, որի շուրջ գծավոր եզերք է: Եզրաշուրթի մոտ շրջագծով մակագրված է՝ «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ 2005»: 

Հուշադրամի դարձերեսի աջ մասում Սահակ Ա Պարթևի պատկերն է, իսկ ձախ մասում՝ Մեսրոպյան այբուբենի պատկերը: Սահակ Ա Պարթևի պատկերից աջ ուղղահայաց տեսքով մակագրված է «ՍԱՀԱԿ Ա ՊԱՐԹԵՎ»: Պատկերներից վերև երկու տողով մակագրված է «1600» և «ԱՄՅԱԿ»: Ամբողջը առանձնացված է երկու կիսաշրջաններով ձևավորված մակերեսով, որի շուրջ պարագծով գծավոր  եզերք է: Շրջանագծով եզրաշուրթի  մոտ վերևում հայերեն, իսկ ներքևում անգլերեն մակագրված է համապատասխանաբար՝ «ՀԱՅՈՑ ԳՐԵՐԻ ԳՅՈՒՏԻ» և «1600 ANNIVERSARY OF ARMENIAN ALPHABET»: Եզրաշուրթի մոտ աջ և ձախ մասերում զարդանախշեր են:

Հուշադրամը շրջանագծով երկու կողմից ունի ուռուցիկ եզրաշուրթ:

Թափանցիկ պատիճով հուշադրամը և իսկության հավաստագիրը տեղադրված են պլաստմասսայից  պատրաստված տուփում:

Հուշադրամի ուրվագծերը ձևավորել է նկարիչ Վարդան Վարդանյանը: Հուշադրամը հատվել է Չեխիայի դրամահատարանում: 

 

Հուշադրամի բնութագիրը.

Անվանական արժեքը՝

 100 դրամ

Մետաղը և հարգը՝

 արծաթ, 9250

Զանգվածը՝

 31,1 գ

Տրամագիծը՝

 40,0 մմ

Դրամաշուրթը՝

 ատամնավոր

Որակը՝

 պրուֆ

Տպաքանակը՝

 500 հատ

Փոփոխման պատմություն
Փոփոխող ակտ Համապատասխան ինկորպորացիան
Փոփոխված ակտ
Փոփոխող ակտ Համապատասխան ինկորպորացիան