ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

Ո Ր Ո Շ ՈՒ Մ

29 նոյեմբերի 1996 թվականի թիվ 61

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԿԱՆՈՆԱԴՐՈՒԹՅԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության կենտրոնական բանկի խորհուրդը որոշում է.

1. Հայաստանի Հանրապետության կենտրոնական բանկի կանոնադրության մեջ կատարել հետևյալ լրացումները և փոփոխությունները.

ա) 21 հոդվածի 3-րդ կետի 4-րդ ենթակետում «հաշվետվությունները» բառից առաջ ավելացնել «կանոնակարգը և» բառերը.

բ) 35 հոդվածում ավելացնել 3-րդ կետ հետևյալ բովանդակությամբ.

«3. Հայաստանի Հանրապետության կենտրոնական բանկի կառուցվածքային ստորաբաժանումների կանոնակարգերը հաստատվում են Կենտրոնական բանկի նախագահի կողմից».

գ) հանել 41-61 հոդվածները` ըստ այդմ փոխելով 62-65 հոդվածների համարակալումը.

դ) 66 հոդվածից հանել «Կենտրոնական բանկում գործող մշտական հանձնաժողովներն են ...» պարբերությունը մինչև հոդվածի վերջը.

ե) 66 և 67 հոդվածները միավորել, համարել 45 հոդված և վերաշարադրել հետևյալ բովանդակությամբ.

«Հոդված 45.

Կենտրոնական բանկի մշտական և ժամանակավոր հանձնաժողովները

1. Առանձին հարցերի քննարկման համար Կենտրոնական բանկի նախագահի կողմից Կենտրոնական բանկում կարող են ստեղծվել մշտական և ժամանակավոր հանձնաժողովներ:

2. Կենտրոնական բանկի մշտական հանձնաժողովները Կենտրոնական բանկի նախագահի կողմից ստեղծվող, մշտապես (անժամկետ) գործող և Կենտրոնական բանկի խնդիրների իրագործմանն օժանդակող հանձնաժողովներն են:

3. Կենտրոնական բանկի ժամանակավոր հանձնաժողովների աշխատանքները կրում են ժամանակավոր բնույթ և պայմանավորված են որոշակի աշխատանքների կատարման անհրաժեշտությամբ: Աշխատանքների կատարումից (ավարտից) հետո հանձնաժողովի աշխատանքները դադարում են».

զ) հանել 68-74 հոդվածները` համապատասխանաբար փոխելով հաջորդ հոդվածների համարակալումը:

2. Սույն որոշումն ուժի մեջ է մտնում ընդունման պահից:

քաղ. Երևան թիվ 61