ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

 

Ո Ր Ո Շ ՈՒ Մ

 

13 սեպտեմբերի 1996 թվականի N 5

 

«ԲԱՆԿԵՐԻ ԵՎ ՕՏԱՐԵՐԿՐՅԱ ԲԱՆԿԵՐԻ ՄԱՍՆԱՃՅՈՒՂԵՐԻ ԳՐԱՆՑՄԱՆ ԵՎ ԼԻՑԵՆԶԱՎՈՐՄԱՆ, ՄԱՍՆԱՃՅՈՒՂԵՐԻ, ԳՈՐԾԱՌՆԱԿԱՆ ԳՐԱՍԵՆՅԱԿՆԵՐԻ (ԿԵՏԵՐԻ) ԵՎ ՆԵՐԿԱՅԱՑՈՒՑՉՈՒԹՅՈՒՆՆԵՐԻ ԳՐԱՆՑՄԱՆ» ԿԱՆՈՆԱԿԱՐԳԸ (1) ՀԱՍՏԱՏԵԼՈՒ ՄԱՍԻՆ

 

Հայաստանի Հանրապետության կենտրոնական բանկի խորհուրդը որոշում է.

 1. Հաստատել «Բանկերի և օտարերկրյա բանկերի մասնաճյուղերի գրանցման և լիցենզավորման, մասնաճյուղերի, գործառնական գրասենյակների (կետերի) և ներկայացուցչությունների գրանցման» կանոնակարգը (1), (կցվում է):

2. Սույն որոշման ընդունման կապակցությամբ ուժը կորցրած ճանաչել Հայաստանի Հանրապետության կենտրոնական բանկի վարչության հետևյալ որոշումները.

- 1994 թ. դեկտեմբերի 14-ի «Հայաստանի Հանրապետության տարածքում գործող բանկերի արտարժույթով բանկային գործառնությունների արտոնագրման մասին» N 131,

 - 1995 թ. հունվարի 25-ի «Հայաստանի Հանրապետության տարածքում ստեղծվող և գործող բանկերի արտարժույթով բանկային գործառնությունների արտոնագրման կարգի մասին» N 17,

- 1995 թ. փետրվարի 21-ի «Հայաստանի Հանրապետության տարածքում բանկերի, դրանց, ինչպես նաև արտասահմանյան բանկերի մասնաճյուղերի և ներկայացուցչությունների ստեղծման, գրանցման, արտոնագրման և գործունեության դադարեցման կանոնակարգի մասին» N 31,

- 1995 թ. մարտի 13-ի «Հայաստանի Հանրապետության կենտրոնական բանկի վարչության 1994թ. դեկտեմբերի 14-ի N 131 որոշման և 1995թ. հունվարի 25-ի N 17 որոշմամբ հաստատված կարգի մեջ փոփոխություններ կատարելու մասին» N 47,

- 1995 թ. մայիսի 4-ի «Հայաստանի Հանրապետության տարածքում գրանցվող (գործող) բանկերի, դրանց, ինչպես նաև արտասահմանյան բանկերի մասնաճյուղերի առաջարկվող ղեկավարների մասնագիտական համապատասխանության չափանիշների մասին» N 83,

- 1995 թ. հուլիսի 14-ի «ՀՀ կենտրոնական բանկի վարչության 1995թ. հունվարի 25-ի N 17 որոշմամբ հաստատված»ՀՀ տարածքում ստեղծվող և գործող բանկերի արտարժույթով բանկային գործառնությունների արտոնագրման» կարգի և 2.6 (բ) ձևի մեջ փոփոխություններ և լրացում կատարելու մասին» N 115,

- 1995 թ. հուլիսի 14-ի «Հայաստանի Հանրապետության կենտրոնական բանկի վարչության 1995 թվականի փետրվարի 21-ի N 31 որոշմամբ հաստատված «Հայաստանի Հանրապետության տարածքում բանկերի, դրանց, ինչպես նաև արտասահմանյան բանկերի մասնաճյուղերի և ներկայացուցչությունների ստեղծման, գրանցման, արտոնագրման և գործունեության դադարեցման,, կանոնակարգում փոփոխություններ և լրացումներ կատարելու մասին» N 116,

- 1995 թ. դեկտեմբերի 1-ի «Հայաստանի Հանրապետության կենտրոնական բանկի վարչության 14.07.95 թ. N 116 որոշմամբ հաստատված «Հայաստանի Հանրապետության տարածքում բանկերի, դրանց, ինչպես նաև արտասահմանյան բանկերի մասնաճյուղերի և ներկայացուցչությունների ստեղծման, գրանցման, արտոնագրման և գործունեության դադարեցման,, կանոնակարգում փոփոխություններ կատարելու մասին» N 186,

- 1996 թ. փետրվարի 2-ի «Հայաստանի Հանրապետության դրամով և արտարժույթով բանկային գործունեություն իրականացնելու արտոնագրման միասնական համակարգի սահմանման մասին» N 23,

- 1996 թ. մարտի 1-ի «Հայաստանի Հանրապետության կենտրոնական բանկի վարչության 14.07.95 թ. N 116 որոշմամբ հաստատված կանոնակարգի մեջ փոփոխություն կատարելու մասին» N 45 որոշումները,

- 1996 թ. օգոստոսի 16-ի «Հայաստանի Հանրապետության տարածքում արժութային կարգավորման և վերահսկողության մասին» N 141 որոշման 3 (ա) կետի 5-րդ, 11-րդ և 16-րդ ենթակետերը:

3. Սահմանել, որ սույն որոշման ուժի մեջ մտնելու պահից Հայաստանի Հանրապետության կենտրոնական բանկի վարչության 1994 թ. հուլիսի 15-ի «ՀՀ տարածքում արտարժույթան միջոցների փոխանակման կետերի ստեղծման և գործունեության մասին» N 52 որոշման համաձայն գրանցված և արտոնագիր ստացած արտարժույթի փոխանակման կետերը համարվում են գրանցված` որպես գործառնական գրասենյակ (կետ):

4. Սահմանել, որ Հայաստանի Հանրապետության կենտրոնական բանկի վարչության 1994 թվականի հուլիսի 15-ի N 52 որոշումը, այդ որոշման և որոշմամբ հաստատված կարգի մեջ հետագայում փոփոխություններ և լրացումներ կատարելու վերաբերյալ Հայաստանի Հանրապետության կենտրոնական բանկի վարչության համապատասխան որոշումները տարածվում են մինչև սույն թվականի սեպտեմբերի 1-ը գրանցված և արտոնագիր ստացած արտարժույթի փոխանակման կետերի վրա և ուժի մեջ են մինչև 1997 թվականի հունվարի 1-ը:

5. Սահմանել, որ մինչև 1996 թվականի հուլիսի 1-ը լիցենզավորված և գործող բանկերն ու օտարերկրյա բանկերի մասնաճյուղերը պարտավոր են`

ա) մինչև սույն թվականի նոյեմբերի 1-ը Հայաստանի Հանրապետության կենտրոնական բանկ ներկայացնել բանկերի, դրանց մասնաճյուղերի և ներկայացուցչությունների, օտարերկրյա բանկերի մասնաճյուղերի ղեկավարների անվանական ցուցակը, ինչպես նաև «Բանկերի և բանկային գործունեության մասին» Հայաստանի Հանրապետության օրենքի 22-րդ հոդվածի 2-րդ կետով սահմանված հիմքերի բացակայությունը հավաստող հայտարարությունները,

բ) մինչև 1997 թվականի հունվարի 1-ը Հայաստանի Հանրապետության կենտրոնական բանկ ներկայացնել սույն կանոնակարգով գործառնական գրասենյակների (կետերի) գրանցման համար նախատեսված փաստաթղթերը` արտարժույթի փոխանակման կետերը որպես գործառնական գրասենյակ (կետ) վերագրանցելու համար:

6. Հայաստանի Հանրապետության վերահսկողության, կարգավորման և լիցենզավորման գլխավոր վարչությանը` մինչև 1996 թվականի նոյեմբերի 1-ը ապահովել.

ա) մինչև 1996 թվականի հուլիսի 1-ը Հայաստանի Հանրապետության տարածքում լիցենզավորված և գործող բանկերի ու օտարերկրյա բանկերի մասնաճյուղերի արտոնագրերի փոխարինումը բանկային գործունեության լիցենզիաներով` հետ վերցնելով նախկինում տրված արտոնագրերը, և գրանցման մասին 5-օրյա ժամկետում Հայաստանի Հանրապետության ձեռնարկությունների պետական ռեսգիստրին ծանուցումը,

բ) մինչև 1996 թ. հուլիսի 1-ը Հայաստանի Հանրապետության կենտրոնական բանկում գրանցված մասնաճյուղերի արտոնագրերի փոխարինումը մասնաճյուղերի գրանցման վկայականներով` հետ վերցնելով նախկինում տրված արտոնագրերը և գրանցման մասին 5-օրյա ժամկետում Հայաստանի Հանրապետության ձեռնարկությունների պետական ռեգիստրին ծանուցումը,

գ) մինչև 1996 թ. հուլիսի 1-ը Հայաստանի Հանրապետության կենտրոնական բանկում գրանցված ներկայացուցչություններին գրանցման վկայականներ տրամադրելը, 5-օրյա ժամկետում Հայաստանի Հանրապետության ձեռնարկությունների պետական ռեգիստրին ծանուցումը:

7. Հայաստանի Հանրապետության կենտրոնական բանկի լիցենզավորման և գրանցման հանձնաժողովին (Է. Սանդոյան)` եռօրյա ժամկետում Հայաստանի Հանրապետության կենտրոնական բանկի նախագահի հաստատմանը ներկայացնել բանկերի և օտարերկրյա բանկերի մասնաճյուղերի` օրենքով սահմանված այն ղեկավարների (բացառությամբ կառուցվածքային ստորաբաժանումների ղեկավարների) որակավորումը և մասնագիտական համապատասխանությունը պարզելու նպատակով քննման ժամանակացույցը, որոնց վերաբերյալ մինչև սույն որոշման ուժի մեջ մտնելը առկա չէ կենտրոնական բանկի Հայաստանի Հանրապետության տարածքում գործող և նոր գրանցվող ռեզիդենտ բանկերի (նրանց մասնաճյուղերի, բաժանմունքների, ներկայացուցչությունների) գրանցման, այլ ֆինանսավարկային կազմակերպությունների բանկային գործառնություններ իրականացնելու արտոնագրման և առաջադրվող գործադիր ղեկավարների, գլխավոր հաշվապահների համաձայնեցման մշտական գործող հանձնաժողովի դրական եզրակացությունը:

8. Սույն որոշումն ուժի մեջ է մտնում ընդունման պահից:

 

քաղ. Երևան N 5

 

Հաստատված է Հայաստանի Հանրապետության կենտրոնական բանկի խորհրդի 1996 թվականի սեպտեմբերի 13-ի N 5 որոշմամբ

 

 

 

 

 

 

Կ Ա Ն Ո Ն Ա Կ Ա Ր Գ 1

 

ԲԱՆԿԵՐԻ ԵՎ ՕՏԱՐԵՐԿՐՅԱ ԲԱՆԿԵՐԻ ՄԱՍՆԱՃՅՈՒՂԵՐԻ ԳՐԱՆՑՈՒՄԸ ԵՎ ԼԻՑԵՆԶԱՎՈՐՈՒՄԸ, ՄԱՍՆԱՃՅՈՒՂԵՐԻ, ԳՈՐԾԱՌՆԱԿԱՆ ԳՐԱՍԵՆՅԱԿՆԵՐԻ (ԿԵՏԵՐԻ) ԵՎ ՆԵՐԿԱՅԱՑՈՒՑՉՈՒԹՅՈՒՆՆԵՐԻ ԳՐԱՆՑՈՒՄԸ

 

Գ Լ ՈՒ Խ  1

 

 ԸՆԴՀԱՆՈՒՐ ԴՐՈՒՅԹՆԵՐ

 

Կանոն 1.

Կարգավորման առարկան

 

Սույն կանոնակարգը սահմանում է ՀՀ տարածքում ստեղծվող և գործող բանկերի, օտարերկրյա բանկերի մասնաճյուղերի գրանցման և լիցենզավորման, մասնաճյուղերի, գործառնական գրասենյակների (կետերի) և ներկայացուցչությունների, ինչպես նաև օրենքով սահմանված փոփոխությունների գրանցման ընթացակարգերի մասով ՀՀ օրենքների համապատասխան դրույթների կիրառումն ապահովելու համար անհրաժեշտ կարգերն ու պայմանները, որոնք բխում են կենտրոնական բանկի օրենքով սահմանված իրավասություններից:

 

Կանոն 2.

Բանկի մասնակիցները

 

1. Բանկի մասնակիցներ են համարվում «Բանկերի և բանկային գործունեության մասին» ՀՀ օրենքի 13-րդ հոդվածով նախատեսված անձինք:

2. Բանկը (բացառությամբ կոոպերատիվ բանկի) կարող է ունենալ նաև մեկ մասնակից:

 

Կանոն 3.

Օտարերկրյա բանկի մասնաճյուղ

 

 Օտարեկրյա բանկի մասնաճյուղը բանկի` իրավաբանական անձի կարգավիճակ չունեցող և ՀՀ տարածքում գործող առանձնացված ստորաբաժանում է, որը գործում է բանկի անունից, նրա կողմից տրված լիազորությունների սահմաններում, որոնք ամրագրված են մասնաճյուղի կանոնակարգում և իրականացնում է կենտրոնական բանկի կողմից տրված լիցենզիայով նախատեսված բանկային գործունեություն և (կամ) ֆինանսական գործառնություններ:

 

Գ Լ ՈՒ Խ  2

 

ԼԻՑԵՆԶԻԱ ՍՏԱՆԱԼՈՒ ՆԱԽՆԱԿԱՆ ՀԱՎԱՆՈՒԹՅՈՒՆԸ

 

Կանոն 4.

Լիցենզիա ստանալու նախնական հավանության համար անհրաժեշտ փաստաթղթերը

 

1. Համաձայն «Բանկերի և բանկային գործունեության մասին» ՀՀ օրենքի, լիցենզիա ստանալու նախնական հավանության համար կենտրոնական բանկ են ներկայացնում հետևյալ փաստաթղթերը, որոնց ձևը սահմանում է կենտրոնական բանկը.

ա) նախաձեռնող անձանց կամ օտարերկրյա բանկի միջնորդագիրը (հավելվածներ 3 և 4, կցվում են), որի մեջ նշվում են ստեղծվող բանկի կազմակերպական-իրավական տեսակը, բանկի (օտարերկրյա բանկի մասնաճյուղի) անվանումը, կից ներկայացվող օրենքով սահմանված փաստաթղթերի ցանկը, նախաձեռնող անձանց (օտարերկրյա բանկի իրավասու անձի) հավաստիացումներն այն մասին, որ կից ներկայացված փաստաթղթերում արտացոլված տեղեկատվությունն արժանահավատ է ու ամբողջական,

բ) ստեղծվող բանկի կանոնադրության նախագիծը` 3 օրինակից (կանոն 5), իսկ օտարերկրյա բանկի մասնաճյուղի համար` օտարերկրյա բանկի հիմնադիր փաստաթղթերը և մասնաճյուղի կանոնակարգի նախագիծը` 3 օրինակից (կանոն 6),

գ) ստեղծվող բանկի կամ օտարերկրյա բանկի մասնաժյուղի գործունեության տնտեսական ծրագիրը (կանոն 7):

2. Նախքան միջնորդագիրը ներկայացնելը նախաձեռնող անձինք (կամ մասնաճյուղ հիմնող օտարերկրյա բանկի ներկայացուցիչը) կարող են հանդիպել կենտրոնական բանկի վերահսկողության, կարգավորման և լիցենզավորման գլխավոր վարչության լիցենզավորման և բանկային ռեգիստրի բաժնի պետին` քննարկելու լիցենզավորման անհրաժեշտ պայմանները:

Նախաձեռնող անձինք (կամ մասնաճյուղ հիմնող օտարեկրյա բանկը) կարող են ունենալ իրենց ներկայացուցիչը` Կենտրոնական բանկի հետ կանոնավոր և կայուն կապ ստեղծելու ու պահպանելու, ընթացիկ դժվարությունները հաղթահարելու նպատակով:

3. Միջնորդագիրը և դրան կից ներկայացված բոլոր փաստաթղթերը պետք է լինեն տպագրված:

 

Կանոն 5.

Բանկի կանոնադրության նախագիծը

 

1. Բանկի կանոնադրության նախագիծը ներառում է`

ա) բանկի լրիվ և կրճատ ֆիրմային անվանումը,

բ) բանկի գտնվելու վայրը,

գ) բանկի կազմակերպական-իրավական տեսակը,

դ) բաժնետիրական ընկերություն հանդիսացող բանկի համար` տեղաբաշխման ենթակա բաժնետոմսերի տեսակները (սովորական և արտոնյալ), քանակը, անվանական արժեքը, ինչպես նաև արտոնյալ բաժնետոմսերի ձևերը, յուրաքանչյուր տեսակի և ձևի բաժնետոմսերի սեփականատերերի իրավունքները,

ե) բանկի հայտարարված կանոնադրական հիմնադրամի չափը,

զ) բանկի կառավարման մարմինների կառուցվածքը, իրավասությունը և նրանց կողմից որոշումներ ընդունելու կարգը,

է) բանկի հիմնադիրների և մասնակիցների ընդհանուր ժողովի նախապատրաստման և անցկացման կարգը` ներառյալ այն հարցերի ցանկը, որոնց վերաբերյալ որոշումները պետք է ընդունեն բանկի կառավարման մարմինները` պարզ մեծամասնությամբ կամ միաձայն,

ը) բանկի կողմից մասնաճյուղերի, ներկայացուցչությունների, գործառնական գրասենյակների (կետերի) ստեղծման և լուծարման կարգը,

թ) բանկի կողմից իրականացվող գործառնությունների ցանկը,

ժ) բանկի շահույթից ձևավորվող ֆոնդերի (հիմնադրամների) ցանկը և դրանց օգտագործման կարգը,

ժա) բանկի գործունեության դադարման կարգը:

Կանոնադրության նախագիծը կարող է ներառել նաև օրենքով և այլ իրավական ակտերով նախատեսված կամ դրանց չհակասող այլ դրույթներ:

2. Բանկն ունի իր լրիվ ֆիրմային անվանումը հայերեն, որը պետք է բովանդակի` բանկի անվանումը, կազմակերպական-իրավական տեսակը, գտնվելու վայրը, ինչպես նաև այլ տվյալներ, որոնք հիմնադիրները համարում են անհրաժեշտ: Բանկի կրճատ ֆիրմային անվանումը պետք է բովանդակի բանկի անվանումը, «բանկ» բառը, կազմակերպական-իրավական տեսակը և ձևը (բաց կամ փակ բաժնետիրական բանկ) (հապավումներով):

Բանկը կարող է ունենալ իր լրիվ ֆիրմային անվանումը կամ դրա հապավումը նաև այլ լեզուներով:

Բանկը, որի ֆիրմային անվանումը գրանցված է օրենքով սահմանված կարգով, ունի այն օգտագործելու բացառիկ իրավունք:

 

Կանոն 6.

Օտարերկրյա բանկի մասնաճյուղի կանոնակարգի նախագիծը

 

 1. Օտարերկրյա բանկի մասնաճյուղի կանոնակարգի նախագիծը ներառում է.

ա) հիմնադիր բանկի անվանումը,

բ) մասնաճյուղի լրիվ և կրճատ անվանումը,

գ) մասնաճյուղի գտնվելու վայրը,

դ) մասնաճյուղի կառավարման մարմինների կառուցվածքը, իրավասությունը և նրանց կողմից որոշումներ ընդունելու կարգը,

ե) բանկի կողմից մասնաճյուղին տրված լիազորությունները,

զ) մասնաճյուղի լուծարման կարգը,

է) մասնաճյուղի կողմից իրականացվող ֆինանսական գործառնությունների ցանկը:

Կանոնակարգի նախագիծը կարող է ներառել նաև օրենքներով և այլ իրավական ակտերով նախատեսված կամ դրանց չհակասող այլ դրույթներ:

2. Օտարերկրյա բանկի մասնաճյուղերը ՀՀ տարածքում կարող են ավանդներ ընդունել միայն ՀՀ ոչ ռեզիդենտներից:

 

Կանոն 7.

Բանկի կամ օտարերկրյա բանկի մասնաճյուղի գործունեության տնտեսական ծրագիրը

 

1. Տնտեսական ծրագիրը, որը պատրաստվում և ստորագրվում է նախաձեռնող անձանց (օտարերկրյա բանկի իրավասու անձի) կողմից, վճռորոշ է բանկ (օտարերկրյա բանկի մասնաճյուղ) հիմնադրելու համար լիցենզիայի նախնական հավանությունը ստանալու առումով:

Ծրագրի մանրակրկիտ քննարկումը նպատակաուղղված է նվազեցնել այնպիսի բանկի (օտարերկրյա բանկի մասնաճյուղի) լիցենզավորման հավանականությունը, որը չի կարող արդյունավետ գործել ու մրցել, և որը կարող է առաջացնել բնակչության անվստահություն հանրապետության բանկային համակարգի հանդեպ:

2. Տնտեսական ծրագիրը պետք է այնպիսի տվյալներ պարունակի, որոնք ճշտորեն արտացոլում են նկարագրված շուկայի իրավիճակը, ինչպես նաև ՀՀ բանկային օրենսդրության (օրենքներ և ենթաօրենսդրական ակտեր) մեջ հիմնավոր կերպով ակնկալվող փոփոխությունները և դրանց ազդեցությունը բանկի (օտարերկրյա բանկի մասնաճյուղի) գործունեության վրա:

3. Տնտեսական ծրագրում պետք է ներկայացվի տեղեկատվություն այն մասին, որ ստեղծվող բանկն (կամ օտարերկրյա բանկի մասնաճյուղը) ունի հաջողության հասնելու մեծ հավանականություն: Այս առումով ծրագրի մեջ օգտագործված բոլոր կանխատեսումներն ու ենթադրությունները պետք է հիմնավորված լինեն կոնկրետ հաշվարկներով (ընդհանուր կապիտալի ավելացման, բանկի գործունեության ընդլայնման, եկամտաբերության ավելացման և այլնի վերաբերյալ) վերլուծություններով և ելակետային (բազային) տվյալներով: Բոլոր կանխատեսումների և ենթադրությունների հիմնավորումները քննարկվում են Կենտրոնական բանկի մասնագետների կողմից:

Վերլուծությունները պետք է հիմնված լինեն ամենաթարմ տնտեսական տվյալների վրա:

Հետևաբար, նախաձեռնող անձինք պետք է վստահ լինեն, որ տնտեսական ծրագրի նպատակներն իրական են, հիմնավոր, կոնկրետ և համապատասխանում են բանկային գործունեությանը:

4. Եթե կենտրոնական բանկը որոշում է, որ նոր ստեղծվող բանկի կամ օտարերկրյա բանկի մասնաճյուղի գործունեության ռազմավարությունը հիմնավոր և հետևողական է, դրա ղեկավարությունը հաջողությամբ կարող է իրագործել տնտեսական ծրագիրը, այն գործադրել ապահով և կայուն ճանապարհով, և որ բանկը կունենա համապատասխան կապիտալ, ապա կտրվի նախնական հավանություն` նոր բանկ (օտարերկրյա բանկի մասնաճյուղ) հիմնադրելու համար:

5. Տնտեսական ծրագիրը (հավելված 14, կցվում է) բաղկացած է հետևյալ բաժիններից`

ընդհանուր դրույթներ,

ներքին կազմակերպական կառուցվածքը,

ֆինանսական գործառնությունները և գործունեության հիմնական ուղղությունները,

ակտիվների ու պասիվների մոտավոր կազմը և կառուցվածքը,

շահույթների և վնասների պլանային հաշվարկը:

5.1. Ընդհանուր դրույթներ

Այս բաժնում տրվում են`

ա) բանկի (օտարերկրյա բանկի մասնաճյուղի) անվանումը և գտնվելու վայրը,

բ) այն նկատառումների թվարկումը, որոնցից ելնելով նախաձեռնող անձինք (կամ օտարերկրյա բանկը) որոշել են նոր բանկ (մասնաճյուղ) ստեղծել,

գ) տեղեկություններ նոր բանկի հիմնադիրների, առաջադրվող ղեկավարի, ինչպես նաև այն մասնակիցների մասին, որոնք ունենալու են բանկի կանոնադրական հիմնադրամում 10 և ավելի տոկոս բաժնեմաս, ներառյալ նրանց կենսագրական և ֆինանսական դրության վերաբերյալ,

դ) այն շուկաների նկարագիրը (ներառյալ շուկաների տնտեսական բնորոշումները, չափերը, ակնկալվող եկամուտը, աճը, տոկոսադրույքները, մրցակցությունը, հնարավոր փոփոխություններ` կապված այս կամ այն գործոնի հետ և դրանց ազդեցությունը բանկի գործունեության վրա), որոնցում բանկը կամ օտարերկրյա բանկի մասնաճյուղը պատրաստվում է ծավալել իր գործունեության մոտ 75 %-ը,

ե) ղեկավարների, բանկի հետ կապված անձանց, հաճախորդների հետ կնքված պայմանագրերը (համաձայնագրերը),

զ) լիցենզիա ստանալու համար որևէ անձի կամ կազմակերպության կողմից մասնագիտական օգնություն կամ խորհրդատվություն մատուցելու վերաբերյալ համաձայնագիր,

է) բանկային շինություններ, կահավորանք, սարքավորումներ, կենցաղային հարմարանքներ կամ այլ ունեցվածք վարձով տալու կամ ձեռք բերելու վերաբերյալ համաձայնագրեր (պայմանագրեր), որոնք պետք է պարունակեն ունեցվածքի և գործարքի պայմանների առնվազն մեկ անկախ գնահատական և այլ վկայություններ այն մասին, որ առաջարկվող գործարքը արդարացի է, հիմնավոր և համարժեք այլ անձանց հետ կնքվող նմանատիպ գործարքների հետ,

ը) շահերի հնարավոր բախման դեպքերը և բանկի անելիքները:

5.2. Ներքին կազմակերպական կառուցվածքը

Բաժինն ընդգրկում է`

ա) բանկի կամ օտարերկրյա բանկի մասնաճյուղի կազմակերպական կառուցվածքը` ելնելով նրա կողմից իրականացվող հիմնական գործառնություններից,

բ) կառավարման մարմինները, դրանց իրավունքներն ու պարտականությունները,

գ) բանկի ներքին վերահսկողությունը, վերստուգիչ հանձնաժողովի իրավունքներն ու պարտականությունները,

դ) անկախ արտաքին աուդիտ անցակացնելու վերաբերյալ նախաձեռնող անձանց (օտարերկրյա բանկի իրավասու անձի) ծրագրերը:

ե) աշխատակազմի մասնագիտական որակավորման մակարդակը, ընդունակությունները և փորձը:

5.3. Ֆինանսական գործառնությունները և գործունեության հիմնական ուղղությունները

Բաժնում արտացոլվում են`

ա) նախատեսվող ֆինանսական գործառնությունները, գործունեության հիմնական ուղղությունները, մատուցվելիք ծառայությունների ցանկը և դրանց համառոտ նկարագիրը (այդ թվում` ըստ հաճախորդների խմբերի (անհրաժեշտության դեպքում) և շրջանների), բանկի կամ օտարերկրյա բանկի մասնաճյուղի հավանական հաճախորդների կազմը ըստ խմբերի, հանգամանքները և դրդապատճառները, որոնցով պայմանավորված ակնկալվում է տվյալ բանկը կամ օտարերկրյա բանկի մասնաճյուղը վերոհիշյալ հաճախորդների կողմից նախընտրելը,

բ) ավանդային, վարկային, տրաստային, լիզինգային, ֆակտորինգային և այլ պայմանագրերի ձևերը, որոնցով հետագայում աշխատելու է բանկը,

5.4. Ակտիվների և պասիվների մոտավոր կազմը և կառուցվածքը

Բաժինը ներառում է`

ա) ակտիվների ու պասիվների կազմը, կառուցվածքը առաջիկա 2 տարվա կտրվածքով, ծառայությունների ծավալը, հիմնական միջոցների (անշարժ ակտիվներ) ներդրումը:

Ակտիվների և պասիվների առաջարկվող կազմի առավելություններն ու թերի կողմերը, ներառելով տոկոսային մարգինալ վերլուծությունը, ինչպես նաև խոշոր ռիսկը նվազեցնելու համար ձեռնարկվելիք միջոցառումները,

բ) բանկի ընդհանուր կապիտալի նախատեսվող գումարին, կառուցվածքին հասնելու, կապիտալի համարժեքության ապահովման ռազմավարությունը, հաշվի առնելով կենտրոնական բանկի կողմից սահմանված հիմնական տնտեսական նորմատիվները, առաջարկվող գումարի բավարար լինելու հիմնավորվածությունը տվյալ շուկայական գործոնների և ծախսերի պայմաններում:

Կապիտալի կանխատեսումը պետք է մշակվի ռիսկի վրա հիմնված հաշվարկներից ելնելով` մանրամասն առանձնացնելով առաջնային (հիմնական) և երկրորդային (լրացուցիչ) կապիտալները, դրանց տեսակարար կշիռը (լևերեջը): Հաշվարկները պետք է կատարվեն առաջիկա 2 տարվա համար:

Կենտրոնական բանկն ընդհանուր առմամբ չի խրախուսում նոր ստեղծվող բանկի պարտքով կապիտալ ունենալու փաստը: Վերջինս կարող է թույլատրվել բանկին միայն լրացուցիչ կապիտալ ապահովելու նպատակով, եթե այն երկարաժամկետ, փոխհամաձայնեցված (ստորադաս) պարտավորություն է: Ընդ որում, դիմողը պետք է ներկայացնի նաև այդպիսի պարտավորության վերաբերյալ կնքված պայմանագիր, որի մեջ պետք է արտացոլված լինեն պարտավորության բնորոշումից բխող պայմաններ,

գ) իրացվելիության նորմատիվների ապահովման ռազմավարությունը,

դ) միջոցների ներգրավման և տեղաբաշխման (վարկային, ինվեստիցիոն, հիմնական միջոցներում, դրամարկղում և այլ ակտիվային գործառնություններում ներդրումների տեսքով) կառավարման ռազմավարությունը:

Տնտեսական ծրագրին կցվում է հաշվեկշիռը գործունեության առաջին երկու տարվա համար:

5.5. Շահույթների և վնասների պլանային հաշվարկը Բաժնում տրվում են`

ա) եկամուտների և ծախսերի կանխատեսումները առաջին երկու տարվա համար` հիմնված շուկայի վերլուծության արդյունքների վրա,

բ) շահույթի ձևավորման աղբյուրները, շահույթի բաշխումը,

գ) եկամտաբեր ակտիվների տեսակարար կշիռը ընդհանուր ակտիվների մեջ,

դ) ծախսերի կազմը և կառուցվածքը (այդ թվում` ապարատի պահպանման ծախսերի տեսակարար կշիռը),

ե) բանկային ռիսկերի (վարկային, տոկոսային, սղաճի, իրացվելիության, արտարժութային, երկրի) գնահատումը և դրանց ազդեցությունը շահութաբերության մակարդակի վրա:

6. Նախաձեռնողների հայեցողությամբ ծրագիրը կարող է բովանդակել նաև այնպիսի տեղեկություններ, որոնք նրանք համարում են նպատակահարմար տնտեսական ծրագրի հիմնավորման առումով, մասնավորապես, առաջարկվելիք ղեկավարների մասնագիտական որակավորումը` առաջարկվող շուկային մատուցվելիք ծառայությունների բնագավառում նրանց փորձի բնութագիրն ու չափը:

Բանկի (օտարերկրյա բանկի մասնաճյուղի) յուրաքանչյուր առաջադրվող ղեկավարի թեկնածուի համար պետք է ներկայացվի տեղեկատվություն նաև հետևյալի մասին.

բանկերից և այլ աղբյուրներից վերցված վարկերի ստուգման արդյունքները,

թեկնածուի վերաբերյալ բնութագիր-երաշխավորագրերը (անձանց անունները և կարծիքը թեկնածուի մասին),

գործարար մարդկանց կամ գործընկերների հետ նախկինում ունեցած գործնական շփումների և դրանց արդյունքների գնահատականը,

նախկին աշխատանքային փորձի ընդհանրացումը, ներառյալ ղեկավար աշխատանքի (աշխատանքների) բնույթը, եկամուտների (կորուստների) արձանագրումը և այլն,

թեկնածուի մասնագիտական որակավորումը`

առաջադրվող պաշտոնին համապատասխան լինելու առումով, առաջարկվող աշխատավարձի գումարը և դրա որոշման մեթոդը:

Ղեկավարների թեկնածուների ֆինանսական և այլ բնութագրերում բոլոր էական փոփոխությունները, երբ միջնորդագիրը գտնվում է քննման մեջ, պետք է շտապ ներկայացվեն կենտրոնական բանկ: Էական են համարվում ներկայացված տեղեկությունների 10 % և ավելի փոփոխությունները:

7. Տարեվերջյան ցուցանիշների փոխարեն պետք է օգտագործել միջին ցուցանիշները, որոնք կարելի է հաշվարկել` ելնելով ամսական կամ եռամսյակային հաշվի մնացորդներից և միջինացնելով անցած ժամանակաշրջանի համապատասխան ցուցանիշները:

8. Պահանջվող ամբողջ տեղեկատվությունը պետք է ներկայացվի տպագիր տեսքով:

Բոլոր հարցերին պետք է տրվեն ամբողջական պատասխաններ:

9. Կենտրոնական բանկը կարող է լրացուցիչ տեղեկություն պահանջել պարզաբանումների և քննարկման ներկայացված ցանկացած տեղեկատվության վերաբերյալ: Կենտրոնական բանկը կարող է ստուգել տեղեկատվության արժանահավատությունը:

10. Անհրաժեշտ կանխատեսումների ներկայացման ձևերը կցվում են (հավելված 14):

Շուկայի նկարագրերը և պահանջվող այն տեղեկությունները, որոնց համար ձևերը կցված չեն, կարող են ներկայացվել կամայական, սակայն վերլուծության և գնահատման համար ընկալելի ձևով:

 

Կանոն 8.

Լիցենզիա ստանալու նախնական հավանությունը

 

1. Սույն կանոնակարգի 4-րդ կանոնով նախատեսված փաստաթղթերը կենտրոնական բանկի կողմից սահմանված ձևերով և պատվիրված նամակով ներկայացվում են կենտրոնական բանկ:

2. Կենտրոնական բանկը նախնական հավանություն տալու միջնորդագիրը` կից փաստաթղթերի հետ միասին քննում է օրենքով սահմանված` մեկամսյա ժամկետում:

Բանկի կամ օտարերկրյա բանկի մասնաճյուղի գործունեության տնտեսական ծրագիրը 15-օրյա ժամկետում ուսումնասիրվում է կենտրոնական բանկի վերահսկողության, կարգավորման և լիցենզավորման գլխավոր վարչության և իրավաբանական վարչության կառուցվածքային ստորաբաժանումների կողմից և տրվում եզրակացություն ստեղծվող բանկի կամ օտարերկրյա բանկի մասնաճյուղի գործունեությունը օրենքներին ու այլ իրավական ակտերին, տնտեսական ծրագիրը սահմանված ձևին համապատասխանելու վերաբերյալ: Այնուհետև տնտեսական ծրագիրը, ինչպես նաև վերահսկողության, կարգավորման և լիցենզավորման գլխավոր վարչության և իրավաբանական վարչության եզրակացությունները քննարկվում են գրանցման և լիցենզավորման հանձնաժողովի նիստում` ստեղծվող բանկի միջնորդագիրը ներկայացնող անձանց կամ օտարերկրյա բանկի ներկայացուցիչների մասնակցությամբ: Հանձնաժողովի եզրակացությունը եռօրյա ժամկետում, բայց ոչ ուշ, քան միջնորդագիրը ստանալու 25-րդ օրը, ներկայացվում է կենտրոնական բանկի նախագահին:

Նախնական հավանություն տալու կամ միջնորդագիրը մերժելու մասին որոշում ընդունում է կենտրոնական բանկի խորհուրդը:

Կենտրոնական բանկի խորհուրդը մերժում է միջնորդագիրը, եթե առկա է «Բանկերի և բանկային գործունեության մասին» ՀՀ օրենքի 26-րդ հոդվածի 1-ին կետով սահմանված հիմքերից որևէ մեկը:

3. Եթե ներկայացված փաստաթղթերում պարունակվում են տեխնիկական կամ թվաբանական սխալներ, ապա կենտրոնական բանկի գրանցման և լիցենզավորման հանձնաժողովը կարող է թույլ տալ տեխնիկական թերությունների շտկման մեկ հնարավորություն` հաշվի առնելով լիցենզիայի նախնական հավանություն տալու համար սահմանված ժամկետը:

 

Կանոն 9.

Գրանցման և լիցենզավորման հանձնաժողովը

 

1. Բանկերի, օտարերկրյա բանկերի մասնաճյուղերի, այլ անձանց լիցենզավորման, բանկերի մասնաճյուղերի, գործառնական գրասենյակների (կետերի), ներկայացուցչությունների և ղեկավարների (բացառությամբ կառուցվածքային ստորաբաժանումների ղեկավարների) կազմում կատարվող փոփոխությունների գրանցման համար կենտրոնական բանկ ներկայացվող փաստաթղթերը քննելու նպատակով կենտրոնական բանկում ստեղծվում է գրանցման և լիցենզավորման մշտական հանձնաժողով (այսուհետև` հանձնաժողով):

2. Հանձնաժողովը ստեղծվում է կենտրոնական բանկի նախագահի հրամանով:

3. Հանձնաժողովի կազմում ընդգրկվում են վերահսկողության, կարգավորման և լիցենզավորման գլխավոր վարչության պետը (հանձնաժողովի նախագահ), այդ վարչության կառուցվածքային ստորաբաժանումների ղեկավարները, իրավաբանական վարչության պետը, դրամավարկային քաղաքականության վարչության կառուցվածքային ստորաբաժանման ղեկավարը:

4. Հանձնաժողովի նիստերին կարող են մասնակցել նաև կենտրոնական բանկի շահագրգիռ կառուցվածքային ստորաբաժանումների ղեկավարները:

5. Հանձնաժողովը քննում է լիցենզիա ստանալու, գրանցման դիմում ներկայացրած անձի գործունեության տնտեսական ծրագիրը, ինչպես նաև ղեկավարներին` նրանց որակավորումը և մասնագիտական համապատասխանությունը պարզելու նպատակով և կենտրոնական բանկի նախագահին ներկայացնում է եզրակացություն:

 

 

Գ Լ ՈՒ Խ  3

ԲԱՆԿԵՐԻ ԵՎ ՕՏԱՐԵՐԿՐՅԱ ԲԱՆԿԵՐԻ ՄԱՍՆԱՃՅՈՒՂԵՐԻ ԳՐԱՆՑՈՒՄԸ

 

Կանոն 10.

Բանկերի և օտարերկրյա բանկերի մասնաճյուղերի գրանցումը

 

1. Համաձայն «Բանկերի և բանկային գործունեության մասին» ՀՀ օրենքի, բանկը կամ օտարերկրյա բանկի մասնաճյուղը կենտրոնական բանկի կողմից գրանցվելու համար կենտրոնական բանկի կողմից սահմանված ձևով ներկայացնում է հետևյալ փաստաթղթերը.

ա) գրանցման դիմում (հավելվածներ 5, 6, կցվում են) բանկի կամ օտարերկրյա բանկի մասնակիցների ընդհանուր ժողովի կամ կառավարման իրավասու այլ մարմնի որոշումը կամ արձանագրությունից քաղվածք` բանկի կանոնադրությունը կամ օտարերկրյա բանկի մասնաճյուղի կանոնակարգը հաստատելու և բանկի ղեկավարներ ընտրելու (նշանակելու) վերաբերյալ:

Գրանցման դիմումին կցվում են օրենքով սահմանված փաստաթղթերը և դրանց ցանկը:

Դիմումի մեջ նշվում են բանկային գործունեության լիցենզիայի նախնական հավանություն ստանալու ամիսը, ամսաթիվը, ստեղծվող բանկի կազմակերպական-իրավական տեսակը, բանկի (օտարերկրյա բանկի մասնաճյուղի) անվանումը, նախաձեռնող անձանց (օտարերկրյա բանկի իրավասու անձի) հավաստիացումներն այն մասին, որ կից ներկայացված փաստաթղթերում արտացոլված տեղեկատվությունն արժանահավատ է և ամբողջական,

բ) ստեղծվող բանկի կամ օտարերկրյա բանկի մասնաճյուղի ղեկավարների աշխատանքային գործունեության վերաբերյալ տեղեկանք (հավելված 7, կցվում է), որի մեջ նշվում են ղեկավարի անունը, ազգանունը, ծննդյան թիվը, քաղաքացիությունը, սեռը, հասցեն, անձնագրային տվյալները, կրթությունը, աշխատանքային գործունեությունը և առաջադրվող պաշտոնը,

գ) բանկի կանոնադրքությունը կամ օտարերյա բանկի կողմից հաստատված օտարերկրյա բանկի մասնաճյուղի կանոնակարգը.

դ) բանկի կամ օտարերկրյա բանկի մասնաճյուղի ղեկավարների ցուցակը, նրան վավերացված ստորագրության նմուշները.

ե) բանկի կանոնադրական հիմնադրամում նշանակալից մասնակցություն ունեցող անձանց համար` «Բանկերի և բանկային գործունեության մասին» ՀՀ օրենքի 18-րդ հոդվածի երկրորդ մասում նախատեսված հիմքերի բացակայության մասին հայտարարություն` կենտրոնական բանկի կողմից սահմանված ձևով (հավելված 8, կցվում է), որի մեջ նշվում են նշանակալից մասնակցություն ունեցած անձի (անձանց) անունը, ազգանունը կամ անվանումը, հասցեն, մասնակցության չափը տոկոսներով, կենսագրական տվյալներ կամ գործունեության և ֆինանսական դրության վերաբերյալ տեղեկություններ, ու «Բանկերի և բանկային գործունեության մասին» ՀՀ օրենքի 18-րդ հոդվածի 2-րդ կետով նշված հիմքերի բացակայությունը:

2. Սույն կանոնի 1-ին կետով սահմանված ամբողջական և բավարար փաստաթղթերն ստանալու պահից օրենքով սահմանված` մեկամսյա ժամկետում կենտրոնական բանկի խորհրդի որոշմամբ գրանցվում է բանկը կամ օտարերկրյա բանկի մասնաճյուղը:

3. Կենտրոնական բանկը բանկի կամ օտարերկրյա բանկի մասնաճյուղի գրանցման մասին որոշում ընդունելուց հետո օրենքով սահմանված եռօրյա ժամկետում հիմնադիրներին տալիս է գրանցման վկայական, (հավելվածներ 9, 10, կցվում են), որոնց մեջ նշվում են բանկի կամ օտարերկրյա բանկի մասնաճյուղի անվանումը, գրանցման համարը, ամիսը, ամսաթիվը և կենտրոնական բանկի խորհրդի որոշման համարը:

 

Գ Լ ՈՒ Խ  4

 

ԲԱՆԿԱՅԻՆ ԳՈՐԾՈՒՆԵՈՒԹՅԱՆ ԼԻՑԵՆԶԻԱՅԻ ՏՐԱՄԱԴՐՈՒՄԸ

 

Կանոն 11.

Լիցենզիա ստանալու անհրաժեշտ պայմանները

 

Կենտրոնական բանկի խորհրդի որոշմամբ գրանցված բանկին կամ օտարերկրյա բանկի մասնաճյուղին լիցենզիա է տրվում, եթվականիե բավարարվել են «Բանկերի և բանկային գործունեության մասին» ՀՀ օրենքի 29-րդ հոդվածով նախատեսված պայմանները:

 

Կանոն 12.

Բանկի, օտարերկրյա բանկի մասնաճյուղերի տարածքի և տեխնիկական հագեցվածության համապատասխանության պահանջները (չափանիշները)

 

1. Բանկը, օտարերկրյա բանկի մասնաճյուղը պետք է ունենա`

ա) սեփականության իրավունքով իրեն (կամ հիմնադիր բանկին) պատկանող կամ վարձակալությամբ վերցրած տարածք, ընդ որում, վարձակալության պայմանագրի ժամկետը լրանում է ոչ շուտ, քան բանկի կամ օտարերկրյա բանկի մասնաճյուղի գրանցման պահից 5 տարի անց,

բ) կանխիկ դրամով և այլ արժեքներով գործառնություններ կատարելու, հաճախորդների դրամարկղային սպասարկումն իրականացնելու, կանխիկ դրամի ու այլ արժեքների հուսալի պահպանության համար դրամարկղային հանգույց:

Դրամարկղային հանգույցի մեջ մտնում են հետևյալ տարածքները.

կանխիկ դրամի և արժեքների հիմնական պահոց (հետագայում` հիմնական դրամապահոց) իր նախադրամապահոցով կամ սեյֆերի սենյակ կամ իրեն ինկասացիոն ծառայություն մատուցելու մասին կնքված պայմանագիր,

երեկոյան դրամարկղ (առանձին դրամապահոցով),

վերահաշվարկման դրամարկղ,

հաճախորդների կողմից ստացված դրամի և արժեքների

վերահաշվարկման սենյակ,

գ) կանխիկ դրամի և արժեքների անտվանգ պահպանության համար անվտանգության ծառայության աշխատասենյակ կամ պայմանագիր` կնքված այն կազմակերպության (ձեռնարկության) հետ, որն ունի անվտանգության համապատասխան պայմաններ, և որի տարածքում գործում է բանկը (օտարերկրյա բանկի մասնաճյուղը),

դ) պահպանիչ-հակահրդեհային ազդարարման համակարգ:

2. Բանկի տարածքում պետք է ապահովված լինի ամենակարճ տարածությունը անվտանգության ծառայության աշխատասենյակի և դրամարկղային հանգույցի միջև:

3. Դրամարկղային հանգույցը պետք է լինի առանձնացված բանկի կառուցվածքային մյուս ստորաբաժանումներից:

 

Կանոն 13.

Բանկի կամ օտարերկրյա բանկի մասնաճյուղի ղեկավարների (բացառությամբ կառուցվածքային ստորաբաժանումների) որակավորման և մասնագիտական համապատասխանության չափանիշները

 

1. Բանկի կամ օտարերկրյա բանկի մասնաճյուղի ղեկավարները (բացառությամբ կառուցվածքային ստորաբաժանումների) պետք է

բավարարեն հետևյալ չափանիշներին`

1. Բանկի խորհրդի նախագահը`

բարձրագույն կրթություն և ղեկավար պաշտոններում աշխատանքի առնվազն 2 տարվա փորձ,

բանկային օրենքների և ՀՀ կենտրոնական բանկի նորմատիվ ակտերի իմացություն:

2. Բանկի խորհրդի անդամները`

բարձրագույն կամ միջնակարգ մասնագիտական կրթություն,

բանկային օրենքների և ՀՀ կենտրոնական բանկի նորմատիվ ակտերի իմացություն,

3. Բանկի գործադիր տնօրենը`

բարձրագույն տնտեսագիտական կրթություն կամ բարձրագույն կրթություն և մասնագիտական վերապատրաստում կամ ֆինանսաբանկային ոլորտում առնվազն 2 տարվա մասնագիտական աշխատանքի փորձ,

Կենտրոնական բանկի կողմից իրականացվող դրամավարկային քաղաքականության, բանկային և հարկային օրենսդրության հիմունքների, միջազգային պրակտիկայում ընդունված բանկային գործառնությունների իրականացման կանոնների իմացություն:

4. Բանկի վարչության անդամները`

բարձրագույն կրթություն և ֆինանսաբանկային ոլորտում առնվազն 2 տարվա մասնագիտական աշխատանքի փորձ,

բանկային օրենքների և կենտրոնական բանկի նորմատիվ ակտերի, միջազգային պրակտիկայում ընդունված բանկային գործառնությունների իրականացման կանոնների իմացություն:

5. Բանկի վերստուգիչ հանձնաժողովի նախագահը`

բարձրագույն տնտեսագիտական կրթություն կամ բարձրագույն կրթություն և մասնագիտական վերապատրաստում կամ ֆինանսաբանկային ոլորտում առնվազն 2 տարվա մասնագիտական աշխատանքի փորձ,

բանկային և հարկային օրենսդրության, հաշվապահական հաշվառման միջազգային չափանիշների իմացություն:

6. Բանկի վերստուգիչ հանձնաժողովի անդամները`

բարձրագույն կամ միջնակարգ մասնագիտական կրթություն, ֆինանսաբանկային ոլորտում վերահսկիչ աշխատանքի առնվազն 2 տարվա աշխատանքի փորձ,

բանկային և հարկային օրենքների, կենտրոնական բանկի նորմատիվ ակտերի, բանկերի հաշվապահական հաշվառման կանոնների իմացություն:

7. Բանկի գլխավոր հաշվապահը`

բարձրագույն հաշվապահական կրթություն և (կամ) առնվազն 2 տարվա մասնագիտական աշխատանքի փորձ,

հաշվապահական հաշվառման միջազգային չափանիշների, բանկերի հաշվապահական հաշվառման տեսության, հարկային օրենսդրության և կենտրոնական բանկի նորմատիվ ակտերի իմացություն:

8. Օտարերկրյա բանկի մասնաճյուղի կառավարիչը`

բանկային ոլորտում առնվազն 3 տարվա մասնագիտական աշխատանքի փորձ,

ՀՀ բանկային օրենքների, կենտրոնական բանկի նորմատիվ ակտերի, միջազգային պրակտիկայում ընդունված բանկային գործառնությունների իրականացման կանոնների իմացություն:

9. Օտարերկրյա բանկի մասնաճյուղի գլխավոր հաշվապահը`

բանկային ոլորտում 3 տարվա մասնագիտական աշխատանքի փորձ,

հաշվապահական հաշվառման միջազգային չափանիշների, բանկերի հաշվապահական հաշվառման տեսության, կենտրոնական բանկի նորմատիվ ակտերի և ՀՀ հարկային օրենսդրության իմացություն:

 

Կանոն 14.

Բանկային գործունեության լիցենզիան

 

Բանկերին և օտարերկրյա բանկի մասնաճյուղերին տրվում են լիցենզիաներ, որոնց միասնական ձևերը, կցվում են (հավելվածներ 1 և 2):

 

 Գ Լ ՈՒ Խ  5

 

ԲԱՆԿԻ ՄԱՍՆԱՃՅՈՒՂԵՐԻ, ԳՈՐԾԱՌՆԱԿԱՆ ԳՐԱՍԵՆՅԱԿՆԵՐԻ (ԿԵՏԵՐԻ) ԵՎ ՆԵՐԿԱՅԱՑՈՒՑՉՈՒԹՅՈՒՆՆԵՐԻ ԳՐԱՆՑՈՒՄԸ

 

Կանոն 15.

Մասնաճյուղի գրանցումը

 

1. Հայաստանի Հանրապետության տարածքում մասնաճյուղերը հիմնադրվում են օրենքով և սույն կանոնակարգով սահմանված կարգով: Այլ պետությունների տարածքում մասնաճյուղերը հիմնադրվում են տվյալ պետության օրենսդրությանը համապատասխան:

2. Համաձայն և «Բանկերի և բանկային գործունեության մասին» ՀՀ օրենքի 28-րդ հոդվածի, ՀՀ տարածքում գործող բանկերի ՀՀ տարածքում ստեղծվող մասնաճյուղերը գրանցվում են կենտրոնական բանկի կողմից` ներկայացնելով հետևյալ փաստաթղթերը`

ա) բանկի մասնակիցների ընդհանուր ժողովի կամ կառավարմ,ան իրավասու այլ մարմնի որոշումը կամ արձանագրությունից քաղվածք` մասնաճյուղ բացելու մասին,

բ) բանկի միջնորդագիրը,

գ) մասնաճյուղի կանոնակարգը,

դ) բանկի մասնաճյուղի ղեկավարների աշխատանքային գքործունեության վերաբերյալ տեղեկանք` Կենտրոնական բանկի կողմից սահմանված ձևով (հավելված 7, կցվում է), որի մեջ նշվում են ղեկավարի անունը, ազգանունը, ծննդյան թիվը, քաղաքացիությունը, սեռը, հասցեն, անձնագրային տվյալները, կրթությունը, աշխատանքային գործունեությունը և առաջադրվող պաշտոնը,

ե) կենտրոնական բանկի կողմից սահմանված ձևով` ստեղծվող մասնաճյուղի գործունեության տնտեսական ծրագիրը (կանոն 16),

զ) մասնաճյուղին տարածք տրամադրելու, ինչպես նաև մասնաճյուղի տեխնիկական հագեցվածությունը կենտրոնական բանկի կողմից սահմանված չափանիշներին (կանոն 17) համապատասխանելու մասին փաստաթուղթ:

3. Կենտրոնական բանկը քննում է մասնաճյուղի ղեկավարներին` նրանց մասնագիտական համապատասխանությունը պարզելու նպատակով:

4. Մասնաճյուղի ղեկավարները պետք է համապատասխանեն սույն կանոնակարգի 18-րդ կանոնով սահմանված որակավորման և մասնագիտական համապատասխանության չափանիշներին,

5. Միջնորդագիրը ներկայացնելուց հետո օրենքով սահմանված մեկամսյա ժամկետում կենտրոնական բանկի խորհրդի որոշմամբ գրանցվում է մասնաճյուղը և տրվում գրանցման վկայական (հավելված 11, կցվում է), որի մեջ նշվում են մասնաճյուղի անվանումը, գրանցման համարը, ամիսը, ամսաթիվը և կենտրոնական բանկի խորհրդի որոշման համարը:

 

Կանոն 16.

Բանկի մասնաճյուղի գործունեության տնտեսական ծրագիրը

 

1. Բանկի մասնաճյուղի գործունեության տնտեսական ծրագիրը, որը ստորագրվում է հիմնադիր բանկի իրավասու անձի կողմից, վճռորոշ է մասնաճյուղը գրանցելու համար:

2. Տնտեսական ծրագրում պետք է ներկայացվի տեղեկատվություն այն մասին, որ ստեղծվող մասնաճյուղն ունի հաջողության հասնելու զգալի հավանականություն: Այս առումով ծրագրում բերված բոլոր կանխատեսումներն ու ենթադրությունները պետք է հիմնավորված լինեն կոնկրետ հաշվարկներով, վերլուծություններով և ելակետային (բազային) տվյալներով: Բոլոր կանխատեսումների և ենթադրությունների հիմնավորումները քննարկվում են կենտրոնական բանկի մասնագետների կողմից:

Վերլուծությունները պետք է հիմնված լինեն ամենաթարմ տնտեսական տվյալների վրա:

Հետևաբար, հիմնադիր բանկը պետք է վստահ լինի, որ տնտեսական ծրագրի նպատակներն իրական են, հիմնավոր, կոնկրետ և համապատասխանում են բանկային գործունեությանը:

3. Բանկի մասնաճյուղի գործունեության տնտեսական ծրագիրը (հավելված 15, կցվում է) առնվազն պետք է ներառի հետևյալ բաժինները`

ընդհանուր դրույթներ,

ներքին կազմակերպական կառուցվածքը,

ֆինանսական գործառնությունները և գործունեության հիմնական ուղղությունները,

ակտիվների ու պասիվների մոտավոր կազմը և կառուցվածքը,

շահույթների և վնասների պլանային հաշվարկը:

3.1. Ընդհանուր դրույթներ

Այս բաժնում տրվում են`

ա) բանկի մասնաճյուղի գտնվելու վայրը,

բ) այն նկատառումների թվարկումը, որոնցից ելնելով հիմնադիր բանկը որոշել է մասնաճյուղ բացել,

գ) այն շուկաների նկարագիրը, որոնցում մասնաճյուղը պատրաստվում է ծավալել իր գործունեությունը,

դ) տեղեկություններ մասնաճյուղին, գործառնական գրասենյակին (կետին) տարածք տրամադրելու և տեխնիկական հագեցվածության մասին:

3.2. Ներքին կազմակերպական կառուցվածքը

Բաժինն ընդգրկում է`

ա) մասնաճյուղի ներքին կազմակերպական կառուցվածքը` ելնելով նրա կողմից իրականացվող հիմնական գործառնություններից,

բ) կառավարման մարմինները, դրանց իրավունքներն ու պարտականությունները,

գ) աշխատակազմի մասնագիտական որակավորման մակարդակը, ընդունակությունները և փորձը:

3.3. Ֆինանսական գործառնությունները և գործունեության հիմնական ուղղությունները

Բաժնում արտացոլվում են`

ա) մասնաճյուղի հիմնադիր բանկի կողմից թույլատրվող ֆինանսական գործառնությունների ցանկը, գործունեության հիմնական ուղղությունները, մատուցվելիք ծառայությունների ցանկը և դրանց համառոտ նկարագիրը, մասնաճյուղի հավանական հաճախորդների կազմը ըստ խմբերի, հանգամանքները և դրդապատճառները, որոնցով պայմանավորված ակնկալվում է տվյալ մասնաճյուղը վերոհիշյալ հաճախորդների կողմից նախընտրելը,

բ) անվանդային, վարկային, տրաստային, լիզինգային, ֆակտորինգային և այլ պայմանագրերի ձևերը, որոնցով հետագայում աշխատելու է բանկի մասնաճյուղը:

3.4. Ակտիվների, պասիվների մոտավոր կազմը և կառուցվածքը

Բաժինը ներառում է`

ակտիվների ու պասիվների կառուցվածքը առաջիկա 2 տարվա կտրվածքով, ծառայությունների ծավալը, հիմնական միջոցների ներդրումը:

Ակտիվների և պասիվների առաջարկվող կազմի առավելություններն ու թերի կողմերը` ներառելով տոկոսային մարգինալ վերլուծությունը, ինչպես նաև խոշոր ռիսկը նվազեցնելու համար ձեռնարկվելիք միջոցառումները:

Տնտեսական ծրագրին կցվում է հաշվեկշիռը գործունեության առաջին 2 տարվա համար:

3.5. Շահույթների և վնասների պլանային հաշվարկը

Բաժնում տրվում են`

ա) եկամուտների և ծախսերի կանխատեսումները 1-ին 2 տարվա համար` հիմնված շուկայի վերլուծության արդյունքների վրա,

բ) ծախսերի կազմը և կառուցվածքը:

4. Հիմնադիր բանկի հայեցողությամբ ծրագիրը կարող է բովանդակել նաև այնպիսի տեղեկություններ, որոնք նրանք համարում են նպատակահարմար տնտեսական ծրագրի հիմնավորման առումով:

5. Տարեվերջյան ցուցանիշների փոխարեն պետք է օգտագործել միջին ցուցանիշները, որոնք կարելի է հաշվարկել` ելնելով ամսական կամ եռամսյակային հաշվի մնացորդներից և միջինացնելով անցած ժամանակաշրջանի համապատասխան ցուցանիշները:

6. Պահանջվող ամբողջ տեղեկատվությունը պետք է ներկայացվի տպագիր տեսքով:

Բոլոր հարցերին պետք է տրվեն ամբողջական պատասխաններ:

7. Կենտրոնական բանկը կարող է լրացուցիչ տեղեկություն պահանջել պարզաբանումների և քննարկման ներկայացված ցանկացած տեղեկատվության վերաբերյալ: Կենտրոնական բանկը կարող է ստուգել տեղեկատվության արժանահավատությունը:

8. Անհրաժեշտ կանխատեսումների ներկայացման ձևերը կցվում են (հավելված 15, կցվում է):

Շուկայի նկարագրերը և պահանջվող այն տեղեկությունները, որոնց համար ձևերը կցված չեն, կարող են ներկայացվել կամայական, սակայն վերլուծության և գնահատման համար ընկալունակ ձևով:

 

Կանոն 17.

Բանկի մասնաճյուղի տարածքի և տեխնիկական հագեցվածության համապատասխանության պահանջները (չափանիշները)

 

1. Բանկի մասնաճյուղը պետք է ունենա`

ա) հիմնադիր բանկին պատկանող կամ վարձակալությամբ վերցրած տարածք, ընդ որում, վարձակալության պայմանագրի ժամկետը լրանում է ոչ շուտ, քան մասնաճյուղի գրանցման համար փաստաթղթերի ներկայացման պահից 5 տարի անց,

բ) կանխիկ դրամով և այլ արժեքներով գործառնություններ կատարելու, հաճախորդների դրամարկղային սպասարկումն իրականացնելու, կանխիկ դրամի ու այլ արժեքների հուսալի պահպանության համար դրամարկղային հանգույց:

Դրամարկղային հանգույցի մեջ մտնում են հետևյալ տարածքները.

կանխիկ դրամի և արժեքների հիմնական պահոց (հետագայում` հիմնական դրամապահոց) իր նախադրամապահոցով կամ չհրկիզվող պահարանների սենյակ կամ իրեն ինկասացիոն ծառայություն մատուցելու մասին կնքված պայմանագիր,

երեկոյան դրամարկղ (առանձին դրամապահոցով),

վերահաշվարկման դրամարկղ,

հաճախորդների կողմից ստացված դրամի և արժեքների վերահաշվարկման սենյակ,

գ) կանխիկ դրամի և արժեքների անտվանգ պահպանության համար անվտանգության ծառայության աշխատասենյակ կամ պայմանագիր կնքված այն կազմակերպության (ձեռնարկության) հետ, որն ունի անվտանգության համապատասխան պայմաններ, և որի տարածքում գործում է բանկի մասնաճյուղը,

դ) պահպանիչ-հակահրդեհային ազդարարման համակարգ:

2. Բանկի մասնաճյուղի տարածքում պետք է ապահովված լինի ամենակարճ տարածությունը անվտանգության ծառայության աշխատասենյակի և դրամարկղային հանգույցի միջև:

3. Դրամարկղային հանգույցը պետք է լինի առանձնացված բանկի մասնաճյուղի կառուցվածքային մյուս ստորաբաժանումներից:

 

Կանոն 18.

Բանկի մասնաճյուղի ղեկավարների որակավորման և մասնագիտական համապատասխանության չափանիշները

 

Բանկի մասնաճյուղի ղեկավարները պետք է բավարարեն հետևյալ չափանիշներին`

1. Բանկի մասնաճյուղի կառավարիչը`

բարձրագույն կրթություն և մասնագիտական վերապատրաստում կամ ֆինանսաբանկային ոլորտում առնվազն 1 տարվա մասնագիտական աշխատանքի փորձ,

բանկային օրենքների և կենտրոնական բանկի նորմատիվ ակտերի իմացություն:

2. Բանկի մասնաճյուղի գլխավոր հաշվապահը` մասնագիտական կրթություն կամ առնվազն 3 տարվա մասնագիտական աշխատանքի փորձ,

բանկերի հաշվապահական հաշվառման տեսության, կենտրոնական բանկի նորմատիվ ակտերի իմացություն:

 

Կանոն 19.

Գործառնական գրասենյակի (կետի) ստեղծումը

 

1. Սույն կանոնի դրույթները տարածվում են բանկերի այն գործառնական գրասենյակների (կետերի) վրա, որոնք ստեղծվում են որպես սույն կանոնի 3-րդ կետով սահմանված տարածքային ստորաբաժանում:

2. ՀՀ տարածքում բանկի գործառնական գրասենյակները (կետերը) ստեղծվում են բանկի կանոնադրությամբ սահմանված կարգով, իսկ այլ պետությունների տարածքում` տվյալ պետության օրենսդրությանը համապատասխան:

3. Բանկի գործառնական գրասենյակ (կետ) է հանդիսանում բանկի կամ մասնաճյուղի, այդ թվում` օտարերկրյա բանկի մասնաճյուղի գտնվելու վայրից դուրս գտնվող առանձնացված գրասենյակը (կետը), որը գործում է բանկի կողմից տրված լիազորությունների սահմաններում և նրա անունից կարող է`

ա) գնել, վաճառել և սպասարկել արժեթղթեր, վճարային փաստաթղթեր, ճանապարհային չեկեր, քարտեր և այլ գործիքներ, նման այլ գործառնություններ կատարել,

բ) գնել և վաճառել (փոխանակել) արտարժույթ, այդ թվում` կնքել դրամի և արտարժույթի ֆյուչերսներ, օպցիոններ և նման այլ գործարքներ,

գ) կենտրոնական բանկի խորհրդի համաձայնությամբ իրականացնել այլ գործառնություններ:

4. ՀՀ տարածքում գործող բանկերի ՀՀ տարածքում ստեղծվող գործառնական գրասենյակները (կետերը) գրանցվում են կենտրոնական բանկի կողմից` ներկայացնելով հետևյալ փաստաթղթերը.

ա) բանկի մասնակիցների ընդհանուր ժողովի կամ կառավարման իրավասու այլ մարմնի որոշումը կամ արձանագրությունից քաղվածք` գործառնական գրասենյակ (կետ) բացելու մասին.

բ) բանկի միջնորդագիրը.

գ) գործառնական գրասենյակի (կետի) կանոնակարգը.

դ) բանկի գործառնական գրասենյակի (կետի) ղեկավարների. աշխատանքային գործունեության վերաբերյալ տեղեկանք (հավելված 7, կցվում է), որի մեջ նշվում են ղեկավարի անունը, ազգանունը, ծննդյան թիվը, քաղաքացիությունը, սեռը, հասցեն, անձնագրային տվյալները, կրթությունը, աշխատանքային գործունեությունը և առաջադրվող պաշտոնը,

ե) գործառնական գրասենյակի (կետի) ստեղծման համառոտ տնտեսական հիմնավորումը, որն իր մեջ ներառում է հիմնադրի կողմից նրան տրված լիազորություններով, ինչպես նաև կենտրոնական բանկի կողմից թույլատրվող ֆինանսական գործառնությունների ցանկը, սպասվելիք եկամուտը և գործառնությունների ծավալը գործունեության առաջին տարում,

զ) գործառնական գրասենյակին (կետին) տարածք տրամադրելու, ինչպես նաև գործառնական գրասենյակի (կետի) տեխնիկական հագեցվածությունը կենտրոնական բանկի կողմից սահմանված չափանիշներին (կանոն 20) համապատասխանելու մասին փաստաթուղթ,

է) հիմնադիր բանկի եզրակացությունը գործառնական գրասենյակի (կետի) ղեկավարի` կենտրոնական բանկի կողմից որակավորման և մասնագիտական համապատասխանության չափանիշներին (կանոն 21) համապատասխանելու վերաբերյալ:

5. Հայաստանի Հանրապետության տարածքում գործող բանկերի` Հայաստանի Հանրապետության տարածքից դուրս ստեծվող գործառնական գրասենյակները (կետերը) գրանցվում են կենտրոնական բանկի կողմից` ներկայացնելով հիմնադիր բանկի միջնորդագիրը և գործառնական գրասենյակի (կետի) ստեղծման համառոտ տնտեսագիտական հիմնավորումը:

6. Միջնորդագիրը ներկայացնելուց հետո մեկսամյա ժամկետում կենտրոնական բանկի խորհրդի որոշմամբ գրանցվում է գործառնական գրասենյակը (կետը) և տրվում գրանցման վկայական (հավելված 12, կցվում է), իսկ գրանցումը մերժելու դեպքում մերժման հիմքերի մասին տասնօրյա ժամկետում տեղեկացնում է բանկին:

Գրանցման վկայականում նշվում է գործառնական գրասենյակի (կետի) անվանումը, գրանցման համարը, ամիսը, ամսաթիվը և կենտրոնական բանկի խորհրդի որոշման համարը:

7. Կենտրոնական բանկը գործառանական գրասենյակի (կետի) գրանցման մասին որոշում ընդունելուց հետո, հնգօրյա ժամկետում այդ մասին ծրագրում է ձեռնարկությունների գրանցումն իրականացնող պետական լիազորված մարմնին` վերջինիս կողմից գործառնական գրասենյակի (կետի) գրանցման մասին համապատասխան գրառում կատարելու համար:

 

Կանոն 20.

Գործառնական գրասենյակի (կետի) տարածքի և տեխնիկական հագեցվածության համապատասխանության պահանջները (չափանիշները)

 

Գործառնական գրասենյակը (կետը) պետք է ունենա`

ա) հիմնադիր բանկին սեփականության իրավունքով կամ վարձակալությամբ վերցված տարածք, ընդ որում, վարձակալության պայմանագրի ժամկետը լրանում է ոչ շուտ, քան գործառնական գրասենյակի (կետի) գրանցման համար փաստաթղթերի ներկայացման պահից 1 տարի անց,

բ) դրամարկղային հանգույց, հեռախոս, դրամանիշերի իսկությունը ստուգող սարք,

գ) գործառանական գրասենյակին (կետին) ինկասացիոն ծառայություն մատուցելու մասին կնքված պայմանագիր (անհրաժեշտության դեպքում),

դ) պահպանիչ-հակահրդեհային ազդարարման համակարգ (անհրաժեշտության դեպքում),

ե) սույն կանոնակարգի 19-րդ կանոնի 3 (գ) կետով թույլատրված գործառնությունների իրականացման համար անհրաժեշտ տեխնիկական հագեցվածություն:

 

Կանոն 21.

Գործառնական գրասենյակի (կետի) ղեկավարի որակավորման և մասնագիտական համապատասխանության չափանիշները

 

 Բանկի գործառնական գրասենյակի (կետի) ղեկավարները պետք է բավարարեն հետևյալ չափանիշներին`

1. Գործառնական գրասենյակի (կետի) կառավարիչը կամ ղեկավարը` գործառնական գրասենյակի (կետի) կողմից իրականացվող գործառնությունների իմացություն, հիմնադիր բանկի ընդունած որոշումների իմացություն:

2. Գործառնական գրասենյակի (կետի) գլխավոր հաշվապահը կամ հաշվապահը` (եթե առկա է)

բանկերի հաշվապահական հաշվառման տեսության իմացություն:

 

Կանոն 22.

Ներկայացուցչության գրանցումը

 

1. ՀՀ տարածքում ներկայացուցչությունները հիմնադրվում են օրենքով և սույն կանոնակարգով սահմանված կարգով: Այլ պետությունների տարածքում ներկայացուցչությունները հիմնադրվում են տվյալ պետության օրենսդրությանը համապատասխան:

2. Համաձայն «Բանկերի և բանկային գործունեության մասին» ՀՀ օրենքի 28-րդ հոդվածի 3-րդ կետի, ներկայացուցչություն գրանցելու համար բանկերը կենտրոնական բանկ են ներկայացնում`

ա) հիմնադիր բանկի միջնորդագիրը.

բ) ներկայացուցչություն բացելու հիմնավորումը.

գ) օտարերկրյա բանկի ներկայացուցչությունը գրանցելու համար` նաև հիմնադիր բանկի կանոնադրության պատճենը:

3. Միջնորդագիրը ներկայացնելուց հետո օրենքով սահմանված մեկամսյա ժամկետում կենտրոնական բանկի խորհրդի որոշմամբ գրանցվում է ներկայացուցչությունը և տրվում գրանցման վկայական (հավելված 13), որի մեջ նշվում է ներկայացուցչության անվանումը, գրանցման համարը, ամիսը, ամսաթիվը և Կենտրոնական բանկի խորհրդի որոշման համարը:

 

Կանոն 23.

Լիցենզիայի անվավեր, ուժը կորցրած ճանաչումը և դրա իրավական հետևանքները

 

1. Համաձայն «Բանկերի և բանկային գործունեության մասին» ՀՀ օրենքի, լիցենզիան անվավեր ճանաչելու մասին դատարանի որոշումը, ուժը կորցրած ճանաչելու մասին կենտրոնական բանկի խորհրդի որոշումը դրանց կայացման հիմքերի հետ միասին պետք է անմիջապես գրավոր հաղորդվի շահագրգիռ բանկին կամ օտարերկրյա բանկի մասնաճյուղին:

2. Սույն կանոնի 1-ին կետով նախատեսված ծանուցումը ստանալու պահից մեկ օրվա ընթացքում բանկը կամ օտարերկրյա բանկի մասնաճյուղը պարտավոր են լիցենզիան վերադարձնել կենտրոնական բանկ:

 

Կանոն 24.

Բանկի կանոնադրական հիմնադրամը

 

1. Բանկերի կանոնադրական հիմնադրամը սահմանվում է «Բանկերի և բանկային գործունեության մասին» ՀՀ օրենքի 17-րդ հոդվածով:

2. Բանկերի կանոնադրական հիմնադրամը կարող է համալրվել ինչպես հայկական դրամով, այնպես էլ արտարժույթով:

3. ՀՀ տարածքում գործող բանկերի կանոնադրական հիմնադրամի նվազագույն չափը սահմանվում է կենտրոնական բանկի խորհրդի որոշմամբ:

4. Գործող բանկի կանոնադրական հիմնադրամում նախկինում նյութական արժեքներով կատարված ներդրումների վերագնահատման արդյունքները չեն ազդում կանոնադրական հիմնադրամի մեծության վրա:

 

Գ Լ ՈՒ Խ  6

 

ՓՈՓՈԽՈՒԹՅՈՒՆՆԵՐԻ ԳՐԱՆՑՈՒՄԸ

 

Կանոն 25.

Փոփոխությունների գրանցումը

 

1. ՀՀ տարածքում գործող բանկերը և օտարերկրյա բանկի մասնաճյուղերը պարտավոր են օրենքով սահմանված մեկամսյա ժամկետում Կենտրոնական բանկին ծանուցել հետևյալ փոփոխությունների մասին`

ա) բանկի կանոնադրությունում, դրա, ինչպես նաև օտարերկրյա բանկի մասնաճյուղի կանոնակարգում կատարված փոփոխությունները.

բ) կանոնադրական հիմնադրամում նշանակալից մասնակցություն ունեցող անձանց փոփոխությունները.

գ) ղեկավարների կազմում, բացառությամբ կառուցվածքային ստորաբաժանումների ղեկավարների, կատարված փոփոխությունները.

դ) գործունեության վայրի փոփոխությունը.

ե) հայտարարված (բաց բաժնետիրական բանկի համար` փաստացի համալրված) կանոնադրական հիմնադրամի մեծության փոփոխությունը.

զ) տարածքային ստորաբաժանումների` մասնաճյուղերի, գործառնական գրասենյակների (կետերի) և ներկայացուցչությունների հիմնադրման կամ լուծարման վերաբերյալ տեղեկությունները.

է) օրենքով կամ այլ իրավական ակտերով սահմանված փոփոխությունները:

2. Համաձայն «Բանկերի և բանկային գործունեության մասին» ՀՀ օրենքի 20-րդ հոդվածի, բանկի կանոնադրության մեջ լրացումներ և փոփոխությունները կատարվում են, ինչպես նաև բանկի կանոնադրությունը նոր խմբագրությամբ հաստատվում է բանկի մասնակիցների ընդհանուր ժողովում` ձայների 3/4-ով ընդունված որոշմամբ:

3. Փոփոխությունները գրանցելու համար բանկերը և օտարերկրյա բանկի մասնաճյուղերը ՀՀ կենտրոնական բանկ են ներկայացնում հետևյալ փաստաթղթերը`

միջնորդագիր կատարված փոփոխությունները գրանցելու մասին` բանկի կառավարման մարմնի կողմից լիազորված անձի ստորագրությամբ` վավերացված բանկի կնիքով,

փոփոխված փաստաթղթերի պատճենները:

Ընդ որում, բանկի կանոնադրության, դրա, ինչպես նաև օտարերկրյա բանկի մասնաճյուղի կանոնակարգի պատճենները ներկայացվում են 3 օրինակից, իսկ մնացած փաստաթղթերը` 1 օրինակից:

4. Բանկի կանոնադրական հիմնադրամի մեծության փոփոխման, կանոնադրական հիմնադրամում նշանակալից մասնակցություն ունեցող անձանց, բանկի ղեկավարների կազմում (բացառությամբ կառուցվածքային ստորաբաժանումների ղեկավարների) կատարված փոփոխությունները ՀՀ կենտրոնական բանկում գրանցելու համար բանկերը ներկայացնում են հետևյալ փաստաթղթերը`

միջնորդագիր կատարված փոփոխությունները գրանցելու մասին բանկի կառավարման մարմնի լիազոր անձի ստորագրությամբ` վավերացված բանկի կնիքով.

կանոնադրական հիմնադրամում նշանակալից մասնակցություն ունեցող նոր անձանց և բանկի նոր ղեկավարների ցուցակը և ընդհանուր ցուցակը կատարված փոփոխություններով,

տեղեկություններ բանկի կանոնադրական հիմնադրամում նշանակալից մասնակցություն ձեռք բերած իրավաբանական անձի (անձանց) ֆինանսական դրության վերաբերյալ,

բաժնետոմսերի թողարկման ազդագիր (բաց բաժնետիրական բանկի համար),

նոր հիմնադիրների կամ մասնակիցների ընդհանուր ցուցակը կատարված փոփոխություններով:

5. Ղեկավարների (բացառությամբ կառուցվածքային ստորաբաժանումների ղեկավարների) կազմում փոխություններ կատարելու դեպքում բանկը պարտավոր է նախապես նոր նշանակվող կամ ընտրվող ղեկավարների թեկնածուներին ներկայացնել կենտրոնական բանկ` նրանց որակավորումը և մասնագիտական համապատասխանությունը պարզելու նպատակով քննում անցնելու համար:

Կենտրոնական բանկի գրանցման և լիցենզավորման հանձնաժողովը ներկայացման պահից մեկշաբաթյա ժամկետում քննում է բանկի կողմից առաջադրված թեկնածուներին` նրանց որակավորումը և մասնագիտական համապատասխանությունը պարզելու նպատակով` համաձայն սույն կանոնակարգի 26-րդ կանոնի: Հանձնաժողովի դրական եզրակացության դեպքում բանկը նշանակում (ընտրում) է ղեկավարներին և նշանակման (ընտրման) պահից մեկամսյա ժամկետում ղեկավարների կազմում կատարված փոփոխությունների մասին ծանուցում է կենտրոնական բանկին` ներկայացնելով սույն կանոնի 4-րդ կետում նախատեսված փաստաթղթերը:

6. Սույն կանոնի 4-րդ կետում նշված մյուս փոփոխությունները 20 օրվա ընթացքում քննարկվում են կենտրոնական բանկի վերահսկողության, կարգավորման և լիցենզավորման գլխավոր վարչությունում, անհրաժեշտության դեպքում` իրավաբանական վարչության հետ համատեղ: Քննարկման արդյունքներով կազմվում է եզրակացություն կատարված փոփոխությունը (փոփոխությունները) օրենքներին և այլ իրավական ակտերին համապատասխանելու վերաբերյալ, որը վերահսկողության, կարգավորման և լիցենզավորման գլխավոր վարչության պետի կողմից ներկայացվում կենտրոնական բանկի նախագահին: Կենտրոնական բանկի նախագահի հրամանի հիման վրա օրենքով սահմանված ժամկետում գրանցվում է կատարված փոփոխությունները:

7. Կենտրոնական բանկի նախագահը մերժում է միջնորդագիրը, եթե կատարված փոփոխությունները հակասում են օրենքներին և այլ իրավական ակտերին:

8. Կատարված փոփոխություններն ուժի մեջ են մտնում կենտրոնական բանկի կողմից դրանք գրանցելու պահից:

 

Գ Լ ՈՒ Խ  7

ԲԱՆԿԻ ՂԵԿԱՎԱՐՆԵՐԻ ՈՐԱԿԱՎՈՐՄԱՆ ԵՎ ՄԱՍՆԱԳԻՏԱԿԱՆ ՀԱՄԱՊԱՏԱՍԽԱՆՈՒԹՅԱՆ ՔՆՆՄԱՆ ԿԱՐԳ

 

Կանոն 26.

Բանկի ղեկավարների որակավորման և մասնագիտական համապատասխանության քննման կարգ

 

1. Բանկի, դրա, ինչպես նաև օտարերկրյա բանկի մասնաճյուղերի նշանակվող կամ ընտրվող ղեկավարների (այդ թվում նաև` ժամանակավոր պաշտոնակատարների) որակավորման և մասնագիտական համապատասխանության ստուգումը կատարվում է ՀՀ կենտրոնական բանկի գրանցման և լիցենզավորման հանձնաժողովի կողմից:

Ընդ որում, սույն կարգը տարածվում է նաև գործող բանկերի, դրանց, ինչպես նաև օտարերկրյա բանկերի մասնաճյուղերի նշանակված կամ ընտրված ղեկավարների վրա:

Բանկը պարտավոր է նոր նշանակվող (ընտրվող) ղեկավարների թեկնածուներին նախապես ներկայացնել կենտրոնական բանկ` նրանց որակավորումը և մասնագիտական համապատասխանությունը պարզելու նպատակով քննում անցնելու համար:

2. Քննումն անցկացվում է ըստ ղեկավարների հետևյալ խմբերի`

ա) բանկի խորհրդի նախագահ.

բ) բանկի խորհրդի անդամներ (բացառությամբ ՀՀ տարածքից մշտապես դուրս բնակվող անդամների).

գ) գործադիր տնօրեն, վարչության անդամներ, գլխավոր հաշվապահ և վերստուգիչ հանձնաժողովի նախագահ, օտարերկրյա բանկի մասնաճյուղի կառավարիչ և գլխավոր հաշվապահ, բանկի մասնաճյուղի կառավարիչ և գլխավոր հաշվապահ.

դ) վերստուգիչ հանձնաժողովի անդամներ».

3. Բանկերի գործառնական գրասենյակների (կետերի) ղեկավարների որակավորման և մասնագիտական համապատասխանության պարզումը կատարվում է բանկի կողմից` ելնելով սույն կանոնակարգի 21-րդ կանոնով սահմանված չափանիշներից:

4. Սույն կանոնի 2 (ա) կետում նշված ղեկավարների որակավորումը և մասնագիտական համապատասխանությունը պարզելու նպատակով նրանց քննումը կատարվում է կենտրոնական բանկի խորհրդի նիստում` վերահսկողության, կարգավորման և լիցենզավորման գլխավոր վարչության ներկայացմամբ: Ընդ որում, բանկի խորհրդի նախագահի քննումը կատարվում է կենտրոնական բանկի նախագահի կողմից հաստատված թեմաների շրջանակներում:

5. (բ) խմբի ղեկավարների որակավորման և մասնագիտական համապատասխանության պարզումը կատարվում է 2 փուլով.

Գրավոր (տեստային) քննում

Բանավոր (հարցազրույցի ձևով)

Հարցազրույցի ձևով քննումն անցկացվում է հանձնաժողովի նիստում:

6. (գ) խմբի ղեկավարների որակավորման և մասնագիտական համապատասխանության ստուգումը կատարվում է գրավոր (տեստային) քննման միջոցով:

7. Տեստը հարցեր պարունակող փաստաթուղթ է, որը մշակվում է վերահսկողության, կարգավորման և լիցենզավորման գլխավոր վարչության ու իրավաբանական վարչության կողմից:

Տեստում պարունակվող հարցերի ցանկը կազմվում է` ելնելով բանկային և հարկային օրենսդրության (օրենքների և այլ իրավական ակտերի) դրույթներից, ինչպես նաև բանկային գործի տեսությունից:

Տեստերը հաստատվում են կենտրոնական բանկի նախագահի կողմից, ենթակա չեն հրապարակման և պահվում են կենտրոնական բանկի վերահսկողության, կարգավորման և լիցենզավորման գլխավոր վարչությունում:

Տեստերը վերանայվում են ոչ պակաս, քան տարին 2 անգամ` հաշվի առնելով բանկային գործունեության վերաբերյալ նոր օրենքների և նորմատիվ (իրավական) ակտերի ընդունումը:

Տեստերը կարող են վերանայվել նաև անհրաժեշտության դեպքում, կենտրոնական բանկի նախագահի հանձնարարությամբ:

8. Տեստերը և դրանցում պարունակվող հարցերի թիվը տարբերակվում են ըստ քննում անցնող ղեկավարների թեկնածուների (ելնելով նրանց ներկայացվող չափանիշներից) հետևյալ խմբերի`

ա) բանկի գործադիր տնօրեն (120 հարց),

բ) վերստուգիչ հանձնաժողովի նախագահ (120 հարց),

գ) օտարերկրյա բանկի մասնաճյուղի կառավարիչ (120 հարց),

դ) բանկի գլխավոր հաշվապահ, օտարերկրյա բանկի մասնաճյուղի գլխավոր հաշվապահ (120 հարց),

ե) բանկի մասնաճյուղի կառավարիչ (100 հարց),

զ) բանկի մասնաճյուղի գլխավոր հաշվապահ (100 հարց),

է) վարչության անդամներ (80 հարց),

ը) վերստուգիչ հանձնաժողովի անդամներ (100 հարց):

9. Ղեկավարների տեստային քննումը անցկացվում է հանձնաժողովի առնվազն 3 անդամների ներկայությամբ:

10. Տեստերի հարցերի պատասխանների արդյունքները ղեկավարների տեստային քննումն անցկացնող հանձնաժողովի անդամներն ամփոփում են մինչև հանձնաժողովի նիստը և ներկայացնում հանձնաժողովին:

11. Տեստերի հարցերից յուրաքանչյուրը պարունակում է մի քանի պատասխաններ, որոնցից մեկը ճիշտ է:

Տեստի հարցի ճիշտ պատասխանը գնահատվում է 1 միավոր:

12. Տեստերի հարցերի գնահատումը և ամփոփումը կատարվում է հետևյալ կերպ`

12.1. Եթե ղեկավարը հավաքել է առավելագույն հնարավոր միավորների մինչև 35 տոկոսը (ներառյալ), ապա նա չի մասնակցում հանձնաժողովի նիստին և վերջինիս կողմից արձանագրվում է, որ առաջադրված թեկնածուն իր որակավորմամբ և մասնագիտական համապատասխանության առումով չի համապատասխանում կենտրոնական բանկի կողմից սահմանված չափանիշներին:

12.2. Եթե ղեկավարը հավաքել է առավելագույն հնարավոր միավորների 36 և ավելի տոկոսը, ապա նա մասնակցում է հանձնաժողովի նիստին` բանավոր (հարցազրույցի տեսքով) ստուգում անցնելու համար:

13. Եթե բանկի կողմից ներկայացված ղեկավարի թեկնածուն չի համապատասխանում որակավորման և մասնագիտական համապատասխանության չափանիշներին, ապա բանկը պարտավոր է կենտրոնական բանկ ներկայացնել նոր թեկնածություն: Որակավորման և մասնագիտական համապատասխանության չափանիշներին չբավարարած անձի թեկնածությունը բանկը կարող է կրկին անգամ առաջարկել ոչ շուտ, քան 6 ամիս հետո: Ընդ որում, գրանցման և լիցենզավորման հանձնաժողովի եզրակացության հիման վրա կենտրոնական բանկի նախագահի հրամանով որակավորման և մասնագիտական համապատասխանության չափանիշներին չբավարարած թեկնածուին կարող է թույլատրվել 6 ամսվա ընթացքում անցնելու կրկնակի քննում:

Կրկնակի քննման ժամանակ հաշվի է առնվում նաև այդ ընթացքում թեկնածուի կատարած աշխատանքը:

14. Թեկնածուների հարցը քննարկվում է կրթության մասին դիպլոմի (վկայականի) պատճենահանված օրինակի, աշխատանքային գրքույկից քաղվածքի և լրացված համապատասխան հարցաթերթիկի առկայության դեպքում:

(26-րդ կանոնը փոփ., խմբ.15.11.96 N 55 որոշում)

Հաստատված է  Հայաստանի Հանրապետության կենտրոնական բանկի խորհրդի 1996 թվականի սեպտեմբերի 13-ի N 5 որոշմամբ

 

 

 

 

 

 

ՀԱՎԵԼՎԱԾ 1

 

ԲԱՆԿԻՆ ՏՐՎՈՂ ԼԻՑԵՆԶԻԱՅԻ ՄԻԱՍՆԱԿԱՆ ՁԵՎ

 

 

ՀՀ կենտրոնական բանկի նախագահ

_____________ _ Բ. Ա. Ասատրյան

 __ _________________ 199 թ.

 

Բանկային գործունեության լիցենզիա N

Սույն լիցենզիան տրվում է` ________________________________ (բանկի անվանումը և կազմակերպական-իրավական տեսակը)

ՀՀ դրամով և արտարժույթով «Բանկերի և բանկային գործունեության մասին» Հայաստանի Հանրապետության օրենքով նախատեսված բանկային գործունեություն և ֆինանսական գործառնություններ իրականացնելու համար:

Բանկը կարող է նաև գնել, վաճառել թանկարժեք մետաղներ, քարեր, ոսկերչական իրեր և այլ արժեքներ:

 

Գրանցման թիվը

Հաստատված է  Հայաստանի Հանրապետության կենտրոնական բանկի խորհրդի 1996 թվականի սեպտեմբերի 13-ի N 5 որոշմամբ

 

 

 

 

 

 

ՀԱՎԵԼՎԱԾ 2

 

ՕՏԱՐԵՐԿՐՅԱ ԲԱՆԿԻ ՄԱՍՆԱՃՅՈՒՂԻՆ ՏՐՎՈՂ ԼԻՑԵՆԶԻԱՅԻ ՄԻԱՍՆԱԿԱՆ ՁԵՎ

 

 

ՀՀ կենտրոնական բանկի նախագահ

 _____________Բ. Ա. Ասատրյան

 

_____ _____________ 199 թ.

 

Բանկային գործունեության լիցենզիա N

 

Սույն լիցենզիան տրվում է` _______________________________  (օտարերկրյա բանկի մասնաճյուղի անվանումը)

 

ՀՀ դրամով և արտարժույթով «Բանկերի և բանկային գործունեության մասին» Հայաստանի Հանրապետության օրենքով նախատեսված բանկային գործունեություն և ֆինանսական գործառնություններ իրականացնելու համար:

Օտարեկրյա բանկի մասնաճյուղը կարող է նաև գնել, վաճառել թանկարժեք մետաղներ, քարեր, ոսկերչական իրեր և այլ արժեքներ:

Օտարերկրյա բանկի մասնաճյուղը ՀՀ տարածքում կարող է ավանդներ ընդունել միայն ՀՀ ոչ ռեզիդենտներից:

 

 Գրանցման թիվը

Հաստատված է  Հայաստանի Հանրապետության կենտրոնական բանկի խորհրդի 1996 թվականի սեպտեմբերի 13-ի N 5 որոշմամբ

 

 

 

 

 

ՀԱՎԵԼՎԱԾ 3

 

ԲԱՆԿԱՅԻՆ ԳՈՐԾՈՒՆԵՈՒԹՅԱՆ ԼԻՑԵՆԶԻԱՅԻ ՆԱԽՆԱԿԱՆ ՀԱՎԱՆՈՒԹՅՈՒՆ ՍՏԱՆԱԼՈՒ ՄԻՋՆՈՐԴԱԳՐԻ ՁԵՎ

 (նոր բանկ հիմնադրելու համար)

 

Հայաստանի Հանրապետության կենտրոնական բանկի նախագահ  պարոն Բ. Ասատրյանին

 

 

Մ Ի Ջ Ն Ո Ր Դ Ա Գ Ի Ր

 

Հարգելի պարոն Բ. Ասատրյան

Մենք, ներքոստորագրյալ անձինքս, որոշում ենք ընդունել _______________

____________________________________________

                           բանկի կազմակերպական-իրավական տեսակը և անվանումը

 

բանկ ստեղծելու մասին:

 

Համաձայն Հայաստանի Հանրապետության գործող օրենսդրության, կից ներկայացնում ենք բանկային գործունեության լիցենզիա ստանալու նախնական հավանության համար անհրաժեշտ փաստաթղթերը (ցանկը և փաստաթղթերը    էջ):

 Մենք գիտակցում ենք, որ կից ներկայացված փաստաթղթերը պետք է պարունակեն էական տեղեկատվություն, որի վրա հիմնվելով կենտրոնական բանկը կարող է տալ նախնական հավանություն:

Մենք` ներքոստորագրյալ նախաձեռնող անձինքս, միասին և անհատապես հավաստիացնում ենք, որ մանրակրկիտ դիտարկել ենք սույն միջնորդագրին կից ներկայացված յուրաքանչյուր փաստաթղթում արտացոլված տեղեկատվությունը: Հավաստիացնում ենք նաև, որ տեղեկատվությունը արժանահավատ է ու ամբողջական:

Խնդրում ենք բանկային գործունեության լիցենզիա ստանալու կենտրոնական բանկի նախնական հավանությունը:

Միջնորդագիրը ներկայացնող անձինք

 

Ստորագրություն	անուն, ազգանուն
ամսաթիվ	անձնագրի սերիան, համարը,
ում կողմից և երբ է տրված 199  թ.

 

 

Հաստատված է  Հայաստանի Հանրապետության կենտրոնական բանկի խորհրդի 1996 թվականի սեպտեմբերի 13-ի N 5 որոշմամբ

 

 

 

 

 

ՀԱՎԵԼՎԱԾ 4

 

 

ԲԱՆԿԱՅԻՆ ԳՈՐԾՈՒՆԵՈՒԹՅԱՆ ԼԻՑԵՆԶԻԱՅԻ ՆԱԽՆԱԿԱՆ ՀԱՎԱՆՈՒԹՅՈՒՆ ՍՏԱՆԱԼՈՒ ՄԻՋՆՈՐԴԱԳՐԻ ՁԵՎ

(օտարերկրյա բանկի մասնաճյուղ հիմնադրելու համար)

 

Հայաստանի Հանրապետության կենտրոնական բանկի նախագահ  պարոն Բ. Ասատրյանին

 

Մ Ի Ջ Ն Ո Ր Դ Ա Գ Ի Ր

 

Հարգելի պարոն Բ.Ասատրյան

 

	__________________________                       օտարերկրյա բանկի անվանումը	բանկի ____________________________                                                  կառավարման
	__________________________               իրավասու մարմնի անվանումը	որոշում է ընդունել ՀՀ տարածքում մասնաճյուղ ստեղծելու վերաբերյալ:

 

Համաձայն ՀՀ գործող օրենսդրության, կից ներկայացնում ենք բանկային գործունեության լիցենզիա ստանալու նախնական հավանության համար անհրաժեշտ փաստաթղթերը (ցանկը և փաստաթղթերը էջ):

Մենք գիտակցում ենք, որ կից ներկայացված փաստաթղթերը պետք է պարունակեն էական տեղեկատվություն, որի վրա հիմնվելով կենտրոնական բանկը կարող է տալ նախնական հավանություն:

 Հավաստիացնում ենք նաև, որ տեղեկատվությունը արժանահավատ է ու ամբողջական:

Խնդրում ենք բանկային գործունեության լիցենզիա ստանալու կենտրոնական բանկի նախնական հավանությունը:

Օտարերկրյա բանկի իրավասու անձի անունը, ազգանունը, ստորագրությունը 199 թ.

 

 

 

Հաստատված է  Հայաստանի Հանրապետության կենտրոնական բանկի խորհրդի 1996 թվականի սեպտեմբերի 13-ի N 5 որոշմամբ

 

 

 

 

 

ՀԱՎԵԼՎԱԾ 5

 

 ԲԱՆԿԻ ԳՐԱՆՑՄԱՆ ԴԻՄՈՒՄԻ ՁԵՎ

 

Հայաստանի Հանրապետության կենտրոնական բանկի նախագահ  պարոն Բ. Ասատրյանին

 

Դ Ի Մ Ո Ւ Մ

 

Հարգելի պարոն Բ.Ասատրյան Մենք` _______________________________________նախաձեռնող,                      բանկի անվանումը և կազմակերպական-իրավական տեսակը   նեքոստորագրյալ անձինքս,_________________________

ամիս ամսաթիվը

ստացել ենք բանկային գործունեության լիցենզիայի նախնական հավանությունը:

Համաձայն Հայաստանի Հանրապետության գործող օրենսդրության, կից ներկայացնում ենք բանկի գրանցման համար անհրաժեշտ փաստաթղթերը (ցանկը և փաստաթղթերը էջ):

Մենք` ներքոստորագրյալ նախաձեռնող անձինքս, միասին և անհատապես հավաստիացնում ենք, որ մանրակրկիտ դիտարկել ենք սույն դիմումին կից ներկայացված յուրաքանչյուր փաստաթղթում արտացոլված տեղեկատվությունը: Հավաստիացնում ենք նաև, որ տեղեկատվությունը արժանահավատ է ու ամբողջական:

Խնդրում ենք գրանցել բանկը:

Բանկի ստեղծման նախաձեռնող անձինք`

 

Ստորագրություն	անունը,
ազգանունը
ամսաթիվ	անձնագրի սերիան, համարը, ում կողմից և երբ է տրված

 199   թ.

 

Հաստատված է  Հայաստանի Հանրապետության կենտրոնական բանկի խորհրդի 1996 թվականի սեպտեմբերի 13-ի N 5 որոշմամբ

 

 

 

 

 

ՀԱՎԵԼՎԱԾ 6

 

 ՕՏԱՐԵՐԿՐՅԱ ԲԱՆԿԻ ՄԱՍՆԱՃՅՈՒՂԻ ԳՐԱՆՑՄԱՆ ԴԻՄՈՒՄԻ ՁԵՎ

 

Հայաստանի Հանրապետության կենտրոնական բանկի նախագահ  պարոն Բ. Ասատրյանին

 

Դ Ի Մ ՈՒ Մ

 

Հարգելի պարոն Բ. Ասատրյան

__________________________________  բանկը օտարերկրյա բանկի անվանումը  _________________________                  ամիսը, ամսաթիվը

 

 

ստացել է Հայաստանի Հանրապետության տարածքում մասնաճյուղ հիմնադրելու համար բանկային գործունեության լիցենզիայի նախնական հավանությունը:

Համաձայն ՀՀ գործող օրենսդրության կից, ներկայացնում ենք բանկի մասնաճյուղի գրանցման համար անհրաժեշտ փաստաթղթերը (ցանկը և փաստաթղթերը էջ):

Հավաստիացնում ենք նաև, որ տեղեկատվությունը արժանահավատ է ու ամբողջական:

Խնդրում ենք գրանցել բանկի մասնաճյուղը: ________________________________________________________________

Օտարերկրյա բանկի իրավասու անձի անուն, ազգանունը, ստորագրությունը

199   թ.

Հաստատված է  Հայաստանի Հանրապետության կենտրոնական բանկի խորհրդի 1996 թվականի սեպտեմբերի 13-ի N 5 որոշմամբ

 

 

 

 

 

ՀԱՎԵԼՎԱԾ 7

 

Տ Ե Ղ Ե Կ Ա Ն Ք

ԲԱՆԿԻ, ՆՐԱ ՄԱՍՆԱՃՅՈՒՂԻ, ՕՏԱՐԵՐԿՐՅԱ ԲԱՆԿԻ ՄԱՍՆԱՃՅՈՒՂԻ ՂԵԿԱՎԱՐՆԵՐԻ ԿՐԹՈՒԹՅԱՆ ԵՎ ԱՇԽԱՏԱՆՔԱՅԻՆ ԳՈՐԾՈՒՆԵՈՒԹՅԱՆ ՎԵՐԱԲԵՐՅԱԼ

 

 _________________________________________________________________

անունը, ազգանունը

 _________________________________________________________________

ծննդյան օրը, ամիսը, տարեթիվը

_________________________________________________________________

քաղաքացիությունը

 _________________________________________________________________

սեռը

_________________________________________________________________

հասցե

_________________________________________________________________

անձնագրային տվյալներ

_________________________________________________________________

բանկի անվանումը

_________________________________________________________________

ի՞նչ պաշտոնում է առաջադրվում թեկնածուն

 

ԿՐԹՈՒԹՅՈՒՆԸ

 

	ուսումնական հաստատությունը	ընդունման տարեթիվ	ավարտման տարեթիվ	ստացած մասնագիտությունը	ծանոթ
1
2
3
4

 

ԱՇԽԱՏԱՆՔԱՅԻՆ ԳՈՐԾՈՒՆԵՈՒԹՅՈՒՆԸ

 

	աշխատավայրը	ընդունման տարեթիվ	ավարտման տարեթիվ	պաշտոնը	ծանոթագրություն
1
2
3
4

 

Հաստատված է  Հայաստանի Հանրապետության կենտրոնական բանկի խորհրդի 1996 թվականի սեպտեմբերի 13-ի N 5 որոշմամբ

 

 

 

 

 

Հավելված 8

 

ԲԱՆԿԻ ԿԱՆՈՆԱԴՐԱԿԱՆ ՀԻՄՆԱԴՐԱՄՈՒՄ ՆՇԱՆԱԿԱԼԻՑ ՄԱՍՆԱԿՑՈՒԹՅՈՒՆ ՈՒՆԵՑՈՂ ԱՆՁԱՆՑ ՀԱՄԱՐ «ԲԱՆԿԵՐԻ ԵՎ ԲԱՆԿԱՅԻՆ ԳՈՐԾՈՒՆԵՈՒԹՅԱՆ ՄԱՍԻՆ» ՀՀ ՕՐԵՆՔԻ 18-ՐԴ ՀՈԴՎԱԾԻ 2-ՐԴ ԿԵՏՈՎ ՆԱԽԱՏԵՍՎԱԾ ՀԻՄՔԵՐԻ ԲԱՑԱԿԱՅՈՒԹՅԱՆ ՄԱՍԻՆ ՀԱՅՏԱՐԱՐՈՒԹՅԱՆ ՁԵՎ

 

Նշանակալից մասնակցություն ունեցող անձանց անունը, ազգանունը կամ անվանումը	Հասցեն	Ծննդյան թիվը	Նշանակալից մասնակցության չափը 0/0	Կրթությունը	Տեղեկություններ աշխատանքային գործունեության վերաբերյալ	Տեղեկություններ նշանակալից մասնակցություն ուեցող իրավաբանական անձի ֆինանսական դրության վերաբերյալ	Տեղեկություններ «Բանկերի և բանկային գործունեության մասին» ՀՀ օրենքի 18 հոդվածի 2-րդ կետով նախատեսված հիմքերի մասին
1 2 3 4 5 6 7

 

Նախաձեռնող անձինք Ստորագրություն	Անուն, ազգանուն	Ամսաթիվ	Անձնագրային տվյալներ
________  ________  ________ ________	__________ __________ __________ __________	________  ________  ________ ________	____________ ____________ ____________ ____________

 

 

 

Հաստատված է  Հայաստանի Հանրապետության կենտրոնական բանկի խորհրդի 1996 թվականի սեպտեմբերի 13-ի N 5 որոշմամբ

 

 

 

 

 

Հավելված 9

 

ՀՀ զինանշանի պատկերը ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ   ԲԱՆԿԻ ԳՐԱՆՑՄԱՆ ՎԿԱՅԱԿԱՆ         Ք. ԵՐԵՎԱՆ

 

 

 

Հաստատված է  ՀՀ կենտրոնական բանկի խորհրդի 13.09.1996 թ. N 5 որոշմամբ      ԳՐԱՆՑՄԱՆ ՎԿԱՅԱԿԱՆ N --- Համաձայն «Բանկերի և բանկային գործունեության մասին» և «Հայաստանի Հանրապետության կենտրոնական բանկի մասին» Հայաստանի Հանրապետության օրենքների սույն վկայականը տրվում է.     ____________________________________ բանկին (անվանումը, կազմակերպական-իրավական տեսակը) Գրանցման համարը _________________________ Գրանցման ամսաթիվ, ամիս, տարեթիվ _____________ Հայաստանի Հանրապետության կենտրոնական բանկի նախագահ __________Բ. Ասատրյան   ___ ___________199  թ.  Կ. Տ

 

Հաստատված է  Հայաստանի Հանրապետության կենտրոնական բանկի խորհրդի 1996 թվականի սեպտեմբերի 13-ի N 5 որոշմամբ

 

 

 

 

 

Հավելված 10

 

ՀՀ զինանշանի պատկերը ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ   ՕՏԱՐԵՐԿՐՅԱ ԲԱՆԿԻ ՄԱՍՆԱՃՅՈՒՂԻ ԳՐԱՆՑՄԱՆ ՎԿԱՅԱԿԱՆ         Ք. ԵՐԵՎԱՆ

 

 

Հաստատված է  ՀՀ կենտրոնական բանկի խորհրդի 13.09.1996 թ. N 5 որոշմամբ      ԳՐԱՆՑՄԱՆ ՎԿԱՅԱԿԱՆ N __ Համաձայն «Բանկերի և բանկային գործունեության մասին» և «Հայաստանի Հանրապետության կենտրոնական բանկի մասին» Հայաստանի Հանրապետության օրենքների սույն վկայականը տրվում է .     _______________________________ օտարերկրյա բանկի մասնաճյուղին   Գրանցման համարը _________________________ Գրանցման ամսաթիվ, ամիս, տարեթիվ _____________ Հայաստանի Հանրապետության կենտրոնական բանկի նախագահ __________Բ. Ասատրյան   ___ ___________199  թ.  Կ. Տ

 

Հաստատված է  Հայաստանի Հանրապետության կենտրոնական բանկի խորհրդի 1996 թվականի սեպտեմբերի 13-ի N 5 որոշմամբ

 

 

 

 

 

Հավելված 11

 

ՀՀ զինանշանի պատկերը ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ |   ՄԱՍՆԱՃՅՈՒՂԻ ԳՐԱՆՑՄԱՆ ՎԿԱՅԱԿԱՆ         Ք. ԵՐԵՎԱՆ

 

 

Հաստատված է  ՀՀ կենտրոնական բանկի խորհրդի 13.09.1996 թ. N 5 որոշմամբ      ԳՐԱՆՑՄԱՆ ՎԿԱՅԱԿԱՆ N __ Համաձայն «Բանկերի և բանկային գործունեության մասին» և «Հայաստանի Հանրապետության կենտրոնական բանկի մասին» Հայաստանի Հանրապետության օրենքների սույն վկայականը տրվում է .    ______________ բանկի _______________ __________________________ մասնաճյուղին     Գրանցման համարը __________________________ Գրանցման ամսաթիվ, ամիս, տարեթիվ ______________     Վկայականն ուժի մեջ է ներդիրի հետ Հայաստանի Հանրապետության կենտրոնական բանկի նախագահ __________Բ. Ասատրյան   ___ ___________199  թ.  Կ. Տ

 

Հաստատված է  ՀՀ կենտրոնական բանկի խորհրդի 13.09.1996 թ. N 5 որոշմամբ     ՆԵՐԴԻՐ N _______ _____________ բանկի ____________________  ______________ մասնաճյուղի գրանցման վկայականի Վկայականի համարը ________________________ Մասնաճյուղի հասցեն ________________________ ______________________________________ Բանկի կողմից տրված լիազորությունների սահմաններում  մասնաճյուղն իրականացնում է բանկային գործունեություն և հետևյալ ֆինանսական գործառնությունները. 1 ______________________________ 2 ______________________________ 3 ______________________________ 4 ______________________________ 5 ______________________________  6 ______________________________  7 ______________________________  8 ______________________________  9 ______________________________   10______________________________   Վկայականն ուժի մեջ է ներդիրի հետ

 

Հաստատված է  Հայաստանի Հանրապետության կենտրոնական բանկի խորհրդի 1996 թվականի սեպտեմբերի 13-ի N 5 որոշմամբ

 

 

 

 

 

Հավելված 12

 

ՀՀ զինանշանի պատկերը ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ   ԲԱՆԿԻ ԳՈՐԾԱՌՆԱԿԱՆ ԳՐԱՍԵՆՅԱԿԻ ԿԵՏԻ ԳՐԱՆՑՄԱՆ ՎԿԱՅԱԿԱՆ         Ք. ԵՐԵՎԱՆ

 

Հաստատված է  ՀՀ կենտրոնական բանկի խորհրդի 13.09.1996 թ. N 5 որոշմամբ      ԳՐԱՆՑՄԱՆ ՎԿԱՅԱԿԱՆ N __ Համաձայն «Բանկերի և բանկային գործունեության մասին» և «Հայաստանի Հանրապետության կենտրոնական բանկի մասին» Հայաստանի Հանրապետության օրենքների սույն վկայականը տրվում է.    _______________ բանկի ______________ ___________________ մասնաճյուղին     Գրանցման համարը _________________________ Գրանցման ամսաթիվ, ամիս, տարեթիվ ______________     Վկայականն ուժի մեջ է ներդիրի հետ Հայաստանի Հանրապետության կենտրոնական բանկի նախագահ __________Բ. Ասատրյան   ___ ___________199  թ.  Կ. Տ

 

Հաստատված է  ՀՀ կենտրոնական բանկի խորհրդի 13.09.1996 թ. N 5 որոշմամբ     ՆԵՐԴԻՐ N ______   __________ բանկի ____________________ __________ գործառնական գրասենյակին (կետին) Մասնաճյուղի հասցեն _____________________  ___________________________________ Բանկի կողմից տրված լիազորությունների սահմաններում գործառնական գրասենյակը (կետը) իրականացնում է հետևյալ ֆինանսական գործառնությունները. 1 ______________________________ 2 ______________________________ 3 ______________________________ 4 ______________________________ 5 ______________________________  6 ______________________________  7 ______________________________  8 ______________________________  9 ______________________________   10______________________________   Վկայականն ուժի մեջ է ներդիրի հետ

 

 

Հաստատված է  Հայաստանի Հանրապետության կենտրոնական բանկի խորհրդի 1996 թվականի սեպտեմբերի 13-ի N 5 որոշմամբ

 

 

 

 

 

Հավելված 13

 

ՀՀ զինանշանի պատկերը ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ   ԲԱՆԿԻ ՆԵՐԿԱՅԱՑՈՒՑՉՈՒԹՅԱՆ  ԳՐԱՆՑՄԱՆ ՎԿԱՅԱԿԱՆ         Ք. ԵՐԵՎԱՆ

 

Հաստատված է  ՀՀ կենտրոնական բանկի խորհրդի 13.09.1996 թ. N 5 որոշմամբ      ԳՐԱՆՑՄԱՆ ՎԿԱՅԱԿԱՆ N __ Համաձայն «Բանկերի և բանկային գործունեության մասին» և «Հայաստանի Հանրապետության կենտրոնական բանկի մասին» Հայաստանի Հանրապետության օրենքների սույն վկայականը տրվում է .   ____________________________________ բանկի ________________________ ներկայացուցչությունը: Գրանցման համարը ___________________ Գրանցման ամսաթիվ, ամիս, տարեթիվ _____________________     Վկայականն ուժի մեջ է ներդիրի հետ Հայաստանի Հանրապետության կենտրոնական բանկի նախագահ __________Բ. Ասատրյան   ___ ___________199  թ.  Կ. Տ

 

Հաստատված է  Հայաստանի Հանրապետության կենտրոնական բանկի խորհրդի 1996 թվականի սեպտեմբերի 13-ի N 5 որոշմամբ

 

 

 

 

 

Հավելված 14

 

Բանկի կամ օտարերկրյա բանկի մասնաճյուղի գործունեության տնտեսական ծրագրի ձև

 

Բաժին 1. Ընդհանուր դրույթներ,

Բաժին 2. Ներքին կազմակերպական կառուցվածքը,

Բաժին 3. Ֆինանսական գործառնությունները և գործունեության հիմնական ուղղությունները,

Բաժին 4. Ակտիվների ու պասիվների մոտավոր կազմը և կառուցվածքը,

Բաժին 5. Շահույթների և վնասների պլանային հաշվարկը:

 

 

ՀԱՇՎԵԿՇՌԻ ՀԱՇՎԱՐԿԱՅԻՆ ՆԱԽԱԳԾԵՐ

(Կանխատեսումներ) (հազ. դրամ)

 

Առաջիկա տարիներ
I տարի	II տարի

 

 

 

 

Ակտիվներ

Դրամարկղ և դրան հավասարեցված միջոցներ

ԿԲ-ում թղթակցային հաշվի մնացորդ

ԿԲ-ում պարտադիր պահուստավորման միջոցներ

Թղթակցային հաշիվներ այլ բանկերում

Պետական պարտատոմսեր

Կապիտալ ներդրումների ֆինանսավորման միջոցներ

Վարկային ներդրումներ

Կարճաժամկետ վարկեր

Երկարաժամկետ վարկեր

Ժամկետանց վարկեր

Այլ բանկերին տրված վարկեր

Այլ բանկերում ներդրված ավանդներ

Գնված արժեթղթեր

Լիզինգ

Ֆակտորինգ

Հիմնական միջոցներ (հանած մաշվածքը)

Շահույթի հաշվին օտարված միջոցներ

Դեբիտորներ

Այլ ակտիվներ

Վնաս

Ընդհամենը ակտիվներ

Պասիվներ

Կանոնադրական հիմնադրամ

Պահուստային ֆոնդ

Այլ ֆոնդեր

Ցպահանջ պարտավորություններ

Թղթակից բանկերի հաշիվներ

Կազմակերպությունների, ձեռնարկությունների ավանդներ

Բանկերի և այլ վարկային հիմնարկների ավանդներ

Քաղաքացիների ավանդներ

Այլ բանկերից ստացված վարկեր

Այլ պասիվներ

Հիմնական միջոցների վերագնահատում

Շահույթ

Կրեդիտորներ և այլ պարտավորություններ

Ընդամենը պասիվներ

 

ԲԱՆԿԻ ԿԱՊԻՏԱԼԻ ՀԱՇՎԱՐԿԸ

(կանխատեսումը) (հազ. դրամ)

 

Առաջիկա տարիներ
I տարի	II տարի

 

ԿԱՊԻՏԱԼ

Հիմնական կապիտալ 

Կանոնադրական ֆոնդ

Պահուստային ֆոնդ

Շահույթից ձևավորված այլ ֆոնդեր

Չբաշխված շահույթ

Բաժնետոմսերի (բաժնեմասերի)

հավելավճարի գումար

Ընդամենը հիմնական կապիտալ

Լրացուցիչ կապիտալ

Հիմնական միջոցների վերագնահատման ֆոնդ

Արտարժութային միջոցների վերագնահատման ֆոնդ

Թանկարժեք մետաղների վերագնահատման ֆոնդ

Երկարաժամկետ փոխհամաձայնեցված

(ստորադաս) պարտավորությունների գումարներ

Ընդամենը լրացուցիչ կապիտալ Ընդամենը ընդհանուր կապիտալ

(հիմնական կապիտալ+լրացուցիչ կապիտալ)

Որակական գնահատականներ

1. Հարաբերակցությունը հիմնական կապիտալի և ընդհանուր ռիսկային ակտիվների միջև (%)

2. Հարաբերակցությունը ընդհանուր կապիտալի և ընդհանուր ռիսկային ակտիվների միջև (%)

3. Հարաբերակցություն հիմնական կապիտալի և միջին ընդհանուր ակտիվների միջև («լևերեջ հարաբերակցություն»)

 

 

ԵԿԱՄՈՒՏՆԵՐԻ ԵՎ ԾԱԽՍԵՐԻ ՆԱԽԱՀԱՇՎԱՐԿՆԵՐ

(կանխատեսումներ) (հազ. դրամ)

 

Առաջիկա տարիներ
I տարի	II տարի

 

 

Եկամուտներ

Դրամական վարկերից ստացված %-ներ

Արտարժութային վարկերից ստացված %-ներ

Ստացված կոմիսիոն գումարներ

Ծախսերի փոխհատուցումը հաճախորդների կողմից

Լիզինգից, ֆակտորինգից, տրաստային գործառնություններից ստացված եկամուտներ

Արտարժութային գործառնություններից ստացված եկամուտներ

Արժեթղթերով գործառնություններից ստացված եկամուտներ

Մատուցված ծառայությունների դիմաց ստացված գումարներ

Նախկինում վնասներով դուրս գրված վարկի վերադարձում

Անցած տարիների գործառնություններից ստացված %-ներ և կոմիսիոն գումարներ

Այլ եկամուտներ *

Ընդամենը եկամուտներ

Ծախսեր

Ներգրավված միջոցների դիմաց դրամով վճարված %-ներ

Ներգրավված միջոցների դիմաց արտարժույթով վճարված %-ներ

Վճարված կոմիսոն գումարներ

Հաճախորդների համար ծախսեր

Լիզինգի, ֆակտորինգի, հավատարմագրային (լիազորագրային) գործառնությունների գծով ծախսեր

Արտարժութային գործառնությունների գծով ծախսեր

Արժեթղթերով գործառնությունների գծով ծախսեր

Ամորտիզացիոն հատկացումներ և մաշվածք

Մասհանումներ վարկերի հնարավոր կորուստների պահուստաֆոնդին

Անցած տարիների գործառնությունների գծով վճարված տոկոսներ և կոմիսիոն գումարներ

Այլ ծախսեր *

Ընդամենը` 970

Աշխատավարձի ֆոնդ

Գործուղման ծախսեր

Այլ ծախսեր *

Ընդամենը` 971

Ընդամենը ծախսեր

Շահույթ (եկամուտներ-ծախսեր)

 

ԳՈՐԾՈՒՆԵՈՒԹՅԱՆ ՖԻՆԱՆՍԱԿԱՆ ԱՐԴՅՈՒՆՔՆԵՐԻՆ ՎԵՐԱԳՐՎՈՂ ԵԿԱՄՈՒՏՆԵՐԻ ԵՎ ԾԱԽՍԵՐԻ ՀԱՇՎԱՐԿՆԵՐ

(կանխատեսումներ) (հազ. դրամ)

Առաջիկա տարիներ
I տարի	II տարի

 

 

Եկամուտներ

Արժեթղթերի և փայամասնության գծով եկամուտներ

Արտարժութային գործառնությունների գծով դրական փոխարժեքային տարբերություն

Ստացվող տույժեր, տուգանքներ, փոխհատուցումներ

Նախորդ տարիների շահույթ

Գրավի իրացումից ստացված եկամուտներ

Այլ եկամուտներ *

Ընդամենը եկամուտներ

Ծախսեր

Վճարվող տույժեր, տուգանքներ (մոտավորապես)

Գանձման համար ոչ ռեալ դեբիտորական պարտքերի դուրսգրումից վնասներ

Արտարժութային գործառնությունների գծով բացասական փոխարժեքային տարբերություն

Այլ ծախսեր *

Ընդամենը ծախսեր

Շահույթ (եկամուտներ-ծախսեր)

Հաշվեկշռային շահույթ

Հարկվող շահույթ

 

ՇԱՀՈՒՅԹԻ ԲԱՇԽՄԱՆ ՀԱՇՎԱՐԿՆԵՐ

(կանխատեսումներ) (հազ. դրամ)

 

Առաջիկա տարիներ
I տարի (հ. դր) %	II տարի (հ. դր) %

 

 

Շահույթից մասհանումներ

- շահութահարկից արտոնություններ

- վճարումներ բյուջեին

- պահուստային ֆոնդ

- կուտակման ֆոնդ

- սպառման ֆոնդ

- բաժնետերերի (փայատերերի) շահաբաժիններ

- այլ բաշխումներ

- չբաշխված շահույթ

Ընդամենը

100

100

 

Միջնորդագիրը ներկայացնող անձինք

(օտարերկրյա բանկի իրավասու անձ)

 

Ստորագրություն	Անուն, ազգանուն
________  ________  ________ ________	_________ _________ _________ _________

 

Ամսաթիվ	Անձնագրի սերիան, համարը, ում կողմից և երբ է տրված
________  ________  ________ ________	____________ ____________ _________ _________

 

199 թ.

 

 * Անհրաժեշտ է մանրամասն ներկայացնել ցուցակով, եթե այն կազմում է ընդհանուրի 10 %-ը և ավելին

 

Բանկի առաջարկվող ղեկավարի թեկնածուի, նշանակալից մասնակցություն ունեցող անձի

 

Կենսագրական զեկույց

 

Սույն տեղեկատվության վերաբերյալ ցանկացած փոփոխություն պետք է ներկայացվի կենտրոնական բանկին: Սա այն նվազագույն տեղեկատվությունն է, որը Դուք պարտավոր եք ներկայացնել կենտրոնական բանկին, սակայն Դուք կարող եք ներկայացնել նաև լրացուցիչ տեղեկատվություն, որը կօգնի կենտրոնական բանկին Ձեր որակավորումը ստուգելու համար:

 

1. ____________________________________________

(նշանակալից մասնակցություն ունեցող անձ կամ առաջադրվող պաշտոնը)
     ______________________________________

2. Ընդհանուր տեղեկատվություն.

Անուն, ազգանուն, հայրանուն

Հասցեն

Ծննդյան թիվը

Ծննդավայրը

Քաղաքացիությունը

Անձնագրի սերիան և համարը

(Օտարազգիների համար, օրինակ`

սոցիալական պաշտպանվածության համարը)

Հեռախոսահամարներ

3. Նշեք այժմ և նախկինում Ձեր ունեցած մյուս բոլոր անունները, դրանց փոփոխման պատճառները, ինչպես նաև դրանք կրելու ժամանակաշրջանը: Պետք է ներառել նաև աղջկական անունը, նախկին ամուսնություններից մնացած անունները, օրինականորեն կամ այլ կերպ փոխված և այլ կերպ ասվող անունները:

 

Անուն

Կրման ժամանակը

Կրման պատճառը

 

4. Նախկին բնակավայրերը

Հակառակ ժամանակագրական կարգով նշեք վերջին 5 տարիներին բնակության բոլոր վայրերը և ժամանակահատվածը.

 

Հասցե

Սկսած (տարի, ամիս)

Մինչև (տարի, ամիս)

 

5. Մասնագիտական կրթություն, որակավորում և փորձ

Նշեք նվաճած ամենաբարձր կրթական մակարդակը, բոլոր աստիճանները` հատկապես շեշտելով բանկային ուսուցումը: Նշեք նաև`

 

Ուսումնական հաստատության (այդ թվում դպրոցի) անվանումը

Վայրը

Հաճախումների ժամանակաշրջանները

Աստիճանները

 

6. Նշեք յուրաքանչյուր մասնագիտական արտոնագիրը կամ նման այլ վկայականը, որն ունեք այժմ կամ երբևիցե ունեցել եք: Նշեք վկայականի տեսակը, այն թողարկող մարմինը, ամսաթիվը և օգտագործման ժամանակաշրջանը: Նշեք գործունեության վրա դրա սահմանափակումները և դրա ժամանակի չափը: Եթե արտոնագիրը կամ վկայականը անվավեր է ճանաչվել, նշեք դրա ամսաթիվն ու պատճառը`

 

Արտոնագիր Թողարկող մարմին

Թողարկման ամսաթիվ

Գործունեության ժամկետը

 

7. Հակառակ ժամանակագրական կարգով տվեք վերջին 12 տարիներին Ձեր աշխատանքային փորձի մասին ամբողջական տեղեկատվություն: Ներառեք նաև գործազրկության ժամանակահատվածները և նախկին աշխատանքը թողնելու պատճառները:

Կազմակերպության (ձեռնարկության) գտնվելու վայրը

Ձեր անմիջական ղեկավարի անունը և պաշտոնը

Հեռախոսահամարը

Աշխատանքի ժամկետը _______ -ից մինչև ________

Աշխատավարձը (սկզբնական/վերջնական)

Պաշտոնը, աշխատանքի բնույթը և պարտականությունները

Աշխատանքը թողնելու պատճառները

Եթե Դուք ազատվել կամ հրաժարվել եք նախկին որևէ աշխատանքից, խնդրում ենք հանգամանորեն բացատրել պատճառները

Նախկինում եղել եք կամ ներկայումս հանդիսանում եք անհատ ձեռներեց, տվեք այդ գործունեության նկարագիրը և առանձնահատկությունները:

8. Քրեական հանցանքներ և կարգապահական պատժամիջոցներ

Նկարագրեք անցած կամ ներկայումս շարունակվող հետաքննությունները, քաղաքացիական կամ վարչական դատական ընթացակարգերը` կապված միջազգային, ազգային, տարածաշրջանային կարգերի և օրենսդրական ակտերի խախտման հետ, ցանկացած տիպի կազմակերպության կողմից Ձեր կամ Ձեր կազմակերպության (ձեռնարկության) դեմ (որտեղ աշխատել եք որպես ղեկավար կամ եղել եք հիմնական բաժնետեր) հարուցված գործերի, որոնք կապված են եղել`

խաբեության,

խարդախության,

անազնվության,

ուրիշի ունեցվածքի յուրացման,

կազմակերպված հանցագործության կամ դրամաշորթության,

օրենքների կամ այլ կարգերի խախտման,

այլ քրեական հանցագործության հետ:

9. Նշեք յուրաքանչյուր մեղադրանք, խափանման միջոց, որ հարուցվել (կիրառվել) է Ձեր դեմ, Ձեր գործի և այն ձեռնարկության դեմ, որտեղ աշխատել եք պաշտոնյա, տնօրեն կամ եղել եք հիմնական բաժնետեր: Բոլոր դեպքերում նշեք հետևյալը`

բոլոր մեղադրանքների, կիրառված խափանման միջոցների մանրամասն նկարագիրը, դատարանի դատավճիռը կամ դատական ընթացակարգի ներկա փուլը,

10. Հանգամանալից նկարագրեք Ձեր դերը և պատասխանատվության ոլորտը որպես ղեկավար կամ մասնակից:

11. Նշեք այն բանկը (բանկերը), այլ ֆինանսական հաստատությունները, որոնց կանոնադրական հիմնադրամում ունեցել եք կամ ունեք նշանակալից մասնակցություն, հանդիսացել եք կամ հանդիսանում եք ղեկավար:

12. Մանրամասնորեն ներկայացրեք Ձեր և Ձեր կազմակերպության (ձեռնարկության) (որտեղ հանդիսանում կամ հանդիսացել եք տնօրեն, ղեկավար կամ հիմնական բաժնետեր) վերաբերյալ վերջին 10 տարիների ընթացքում սնանկանալու, ձեռնարկության կառավարումը մեկ ուրիշի կողմից ստանձնելու, վարկատուների շահերը պաշտպանելու և համանման այլ փաստերը:

13. Ներկայացրեք լրացուցիչ այն տեղեկատվությունը, որը Ձեր կարծիքով կարևոր է Ձեր մասնագիտական որակավորումը բացահայտելու համար:

14. Նշեք առնվազն 5 անձնական տեղեկանք ներկայացնողների անունն ու լրիվ փոստային հասցեն: Վերջիններս պետք է անձամբ ծանոթ լինեն Ձեր բնավորության, համբավի, հիմնական նախադրյալների մասին և չպետք է որևէ կերպ առնչվեն այս առաջարկության հետ:

 

Անուն, հեռախոսի համար	Հասցե	Զբաղմունք
1.
2.
3.
4.
5.

 

15. Ես հավաստիացնում եմ, որ հետևյալ անձնական (կենսագրական) և ֆինանսական զեկույցներում պարունակվող տեղեկատվությունը ստույգ է և լիակատար, գիտակցում եմ, որ նյութական փաստի որևէ սխալ ներկայացում կամ բացթողում հանգեցնում է խաբեության և բանկային գործունեության լիցենզիայի անվավեր ճանաչման:

Ես համաձայն եմ կենտրոնական բանկին տեղեկացնել անձնական, կենսագրական և ֆինանսական տեղեկատվության մեջ տեղի ունեցող կամ ակնկալվող որևէ էական փոփոխության փաստի մասին:

 

______________________________  (ստորագրություն)

______________________________  (ստորագրման ամսաթիվը)

 

Հաստատված է  Հայաստանի Հանրապետության կենտրոնական բանկի խորհրդի 1996 թվականի սեպտեմբերի 13-ի N 5 որոշմամբ

 

 

 

 

 

Հավելված 15

 

 

ԲԱՆԿԻ ՄԱՍՆԱՃՅՈՒՂԻ ԳՈՐԾՈՒՆԵՈՒԹՅԱՆ ՏՆՏԵՍԱԿԱՆ ԾՐԱԳՐԻ ՁԵՎ

 

Բաժին 1. Ընդհանուր դրույթներ,

Բաժին 2. Ներքին կազմակերպական կառուցվածքը,

Բաժին 3. Ֆինանսական գործառնությունները և գործունեության հիմնական ուղղությունները,

Բաժին 4. Ակտիվների ու պասիվների մոտավոր կազմը և կառուցվածքը,

Բաժին 5. Շահույթների և վնասների պլանային հաշվարկը:

 

ՀԱՇՎԵԿՇՌԻ ՀԱՇՎԱՐԿԱՅԻՆ ՆԱԽԱԳԾԵՐ

(Կանխատեսումներ) (հազ. դրամ)

 

Առաջիկա տարիներ
I տարի	II տարի

 

 

Ակտիվներ 

Դրամարկղ և դրան հավասարեցված միջոցներ

ԿԲ-ում թղթակցային հաշվի մնացորդ

ԿԲ-ում պարտադիր պահուստավորման միջոցներ

Թղթակցային հաշիվներ այլ բանկերում

Պետական պարտատոմսեր

Կապիտալ ներդրումների ֆինանսավորման միջոցներ

Վարկային ներդրումներ

Կարճաժամկետ վարկեր

Երկարաժամկետ վարկեր

Ժամկետանց վարկեր

Այլ բանկերին տրված վարկեր

Այլ բանկերում ներդրված ավանդներ

Գնված արժեթղթեր

Լիզինգ

Ֆակտորինգ

Հիմնական միջոցներ (հանած մաշվածքը)

Շահույթի հաշվին օտարված միջոցներ

Դեբիտորներ

Այլ ակտիվներ

Վնաս

Ընդամենը ակտիվներ

Պասիվներ

Կանոնադրական հիմնադրամ

Պահուստային ֆոնդ

Այլ ֆոնդեր

Ցպահանջ պարտավորություններ

Թղթակից բանկերի հաշիվներ

Կազմակերպությունների, ձեռնարկությունների ավանդներ

Բանկերի և այլ վարկային հիմնարկների ավանդներ

Քաղաքացիների ավանդներ

Այլ բանկերից ստացված վարկեր

Այլ պասսիվներ

Հիմնական միջոցների վերագնահատում

Շահույթ

Կրեդիտորներ և այլ պարտավորություններ

Ընդամենը պասսիվներ

 

ԵԿԱՄՈՒՏՆԵՐԻ ԵՎ ԾԱԽՍԵՐԻ ՆԱԽԱՀԱՇՎԱՐԿՆԵՐ

(կանխատեսումներ) (հազ. դրամ)

 

Առաջիկա տարիներ
I տարի	II տարի

 

 

Եկամուտներ

Դրամական վարկերից ստացված %-ներ

Արտարժութային վարկերից ստացված %-ներ

Ստացված կոմիսիոն գումարներ

Ծախսերի փոխհատուցումը հաճախորդների կողմից

Լիզինգից, ֆակտորինգից, տրաստային գործառնություններից ստացված եկամուտներ

Արտարժութային գործառնություններից ստացված եկամուտներ

Արժեթղթերով գործառնություններից ստացված եկամուտներ

Մատուցված ծառայությունների դիմաց ստացված գումարներ

Նախկինում վնասներով դուրս գրված վարկի վերադարձում

Անցած տարիների գործառնություններից ստացված %-ներ և կոմիսիոն գումարներ

Այլ եկամուտներ *

Ընդամենը եկամուտներ

Ծախսեր

Ներգրավված միջոցների դիմաց դրամով վճարված %-ներ

Ներգրավված միջոցների դիմաց արտարժույթով վճարված %-ներ

Վճարված կոմիսոն գումարներ

Հաճախորդների համար ծախսեր

Լիզինգի, ֆակտորինգի, հավատարմագրային (լիազորագրային) գործառնությունների գծով ծախսեր

Արտարժութային գործառնությունների գծով ծախսեր

Արժեթղթերով գործառնություններ գծով ծախսեր

Ամորտիզացիոն հատկացումներ և մաշվածք

Մասհանումներ վարկերի հնարավոր կորուստների պահուստաֆոնդին

Անցած տարիների գործառնությունների գծով վճարված տոկոսներ և կոմիսիոն գումարներ

Այլ ծախսեր *

Ընդամենը` 970

Աշխատավարձի ֆոնդ

Գործուղման ծախսեր

Այլ ծախսեր *

Ընդամենը` 971

Ընդամենը ծախսեր

Շահույթ (եկամուտներ-ծախսեր)

___________________________________ 

(Հիմնադիր բանկի իրավասու անձի անունը, ազգանունը, ստորագրությունը)

199 թ.___________________________________

* Անհրաժեշտ է մանրամասն ներկայացնել ցուցակով, եթե այն կազմում է ընդհանուրի 10 %-ը և ավելին