«Գրանցված է»
ՀՀ արդարադատության
նախարարության կողմից
4 հոկտեմբերի 2002 թ.
Պետական գրանցման թիվ 60302228

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

Ո Ր Ո Շ ՈՒ Մ

«ՀԱՇՎԵՏՎՈՒԹՅՈՒՆ ԲՆԱԿԱՐԱՆ ԵՎ ԲՆԱԿԵԼԻ ՏՈՒՆ ՍՏԱՑԱԾ ԸՆՏԱՆԻՔՆԵՐԻ ՄԱՍԻՆ» ՁԵՎ ԹԻՎ 4-ԲՆԱԿՖՈՆԴ ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Պետական վիճակագրության մասին» ՀՀ օրենքի 10 հոդվածի երրորդ մասի ե) կետով` Հայաստանի Հանրապետության վիճակագրության պետական խորհուրդը որոշում է.

Հաստատել «Հաշվետվություն բնակարան և բնակելի տուն ստացած ընտանիքների մասին» Ձև թիվ 4-բնակֆոնդ պետական վիճակագրական հաշվետվության ձևը և լրացման հրահանգը համաձայն թիվ 1 հավելվածի:

Հ Ր Ա Հ Ա Ն Գ

«ԲՆԱԿԱՐԱՆ ԵՎ ԲՆԱԿԵԼԻ ՏՈՒՆ ՍՏԱՑԱԾ ԸՆՏԱՆԻՔՆԵՐԻ ՄԱՍԻՆ» ՁԵՎ N 4-ԲՆԱԿՖՈՆԴ (ՏԱՐԵԿԱՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. Հրահանգը սահմանում է «Բնակարան և բնակելի տուն ստացած ընտանիքների մասին» ձև N 4-բնակֆոնդ (տարեկան) պետական վիճակագրական հաշվետվության լրացման կարգը:

2. Հաշվետվությունը ներկայացնում են մարզպետարաններն ըստ քաղաքների և ամփոփ՝ գյուղական համայնքների, որոնք այդ մասին նախապես տեղեկացվում են, Հայաստանի Հանրապետության Ազգային վիճակագրական ծառայության մարզային գործակալություն՝ մինչև մարտի 15-ը, որը Հայաստանի Հանրապետության Ազգային վիճակագրական ծառայություն՝ մինչև մարտի 20-ը:

3. Վիճակագրական տեղեկությունների ներկայացման հետ կապված այլ խնդիրները կարգավորվում են Հայաստանի Հանրապետության օրենսդրությամբ:

2. ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ

4. Հաշվետվությունը լրացվում է բնակարան և բնակելի տուն ստանալու համար քաղաքացիների հերթացուցակների, ինչպես նաև բնակարանի հատկացման ժամանակ տրված օրդերի կտրոնների հիման վրա:

5. 101 և 102 տողերում բերվում են տվյալներ բնակեցման համար բաշխված ընդհանուր և բնակելի մակերեսների մասին, որը տրվել է ինչպես հաշվառման կանգնած ընտանիքներին, այնպես էլ այն ընտանիքներին, որոնք հաշվառման մեջ չեն եղել:

Բնակեցված է համարվում այն մակերեսը, երբ բնակարանի վարձակալին քաղաքապետարանի կողմից սահմանված կարգով տրվել է բնակեցման օրդեր:

6. 101 և 102 տողերից առանձնացվում են նորակառույց շենքերում բնակեցված ընդհանուր և բնակելի մակերեսները (տողեր 103 և 104):

7. 105 և 106 տողերում ցույց է տրվում այն ընտանիքների քանակն ու ընտանիքների անդամների թվաքանակը, որոնք հաշվետու տարում ստացել են բնակարան և բնակելի տուն և բարելավել իրենց բնակարանային պայմանները:

8. Տարվա ընթացքում հաշվառման վերցրած ընտանիքների քանակը բերվում է 107 տողում, իսկ տարվա ընթացքում տարբեր պատճառներով հաշվառումից դուրս եկած ընտանիքներինը՝ 108 տողում:

9. «Բնակարան ստանալու համար հերթագրված ընտանիքների քանակը տարեվերջին» տողից (110) առանձնացվում է այն ընտանիքների քանակը, որոնք բնակվում են հանրակացարաններում (տող 111), վթարային բնակարանային ֆոնդում (տող 112), տնակներում (տող 113): Տող 110-ից առանձնացվում է նաև 10 և ավելի տարի հերթի կանգնած ընտանիքների քանակը (տող 114):

10. Հաշվառման ցուցակներում գտնվող միայնակները հաշվետվությունում ցույց են տրվում որպես ընտանիք (մեկ մարդ` մեկ ընտանիք):

Հ Ա Շ Վ Ե Տ Վ ՈՒ Թ Յ ՈՒ Ն

ԲՆԱԿԱՐԱՆ ԵՎ ԲՆԱԿԵԼԻ ՏՈՒՆ ՍՏԱՑԱԾ ԸՆՏԱՆԻՔՆԵՐԻ ՄԱՍԻՆ

200  թ. համար