«ՎԱՎԵՐԱՑՆՈՒՄ ԵՄ»

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՆԱԽԱԳԱՀ Ռ. ՔՈՉԱՐՅԱՆ

15 մարտի 2004 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

26 փետրվարի 2004 թվականի N 245-Ն

ՄՇԱԿՈՒԹԱՅԻՆ ԱՐԺԵՔՆԵՐԻ ԵՎ ՄՇԱԿՈՒԹԱՅԻՆ ՆՇԱՆԱԿՈՒԹՅԱՆ ԱՌԱՐԿԱՆԵՐԻ ԱՐՏԱՀԱՆՈՒՄԸ ԿԱՐԳԱՎՈՐԵԼՈՒ ՄԱՍԻՆ

Հիմք ընդունելով «Մշակութային արժեքների արտահանման և ներմուծման մասին» Հայաստանի Հանրապետության օրենքի 7-րդ և 17-րդ հոդվածները և մշակութային արժեքների ու մշակութային նշանակության առարկաների արտահանումը կարգավորելու նպատակով Հայաստանի Հանրապետության կառավարությունը որոշում է.

1. Հաստատել`

ա) մինչև 50 տարվա վաղեմություն ունեցող կերպարվեստի և դեկորատիվ-կիրառական արվեստի ստեղծագործությունների ցանկը, որոնց արտահանումը Հայաստանի Հանրապետության տարածքից իրականացվում է առանց մշակութային արժեքների արտահանման իրավունքի վկայագրի` համաձայն N 1 հավելվածի.

բ) մինչև 75 տարվա վաղեմություն ունեցող մշակութային նշանակության առարկաների, մշակութային նշանակության սերիական և զանգվածային արտադրության առարկաների ու հուշանվերների ցանկը, որոնց արտահանումը Հայաստանի Հանրապետության տարածքից իրականացվում է առանց մշակութային արժեքների արտահանման իրավունքի վկայագրի` համաձայն N 2 հավելվածի:

2. Հայաստանի Հանրապետության կառավարությանն առընթեր մաքսային պետական կոմիտեի նախագահին`

ա) թույլատրել սույն որոշման 1-ին կետի «ա» ենթակետով հաստատված` մինչև 50 տարվա վաղեմություն ունեցող կերպարվեստի և դեկորատիվ-կիրառական արվեստի ստեղծագործությունների` Հայաստանի Հանրապետության տարածքից արտահանումը, որոնց վրա առկա են հեղինակի ստորագրությունը, ստեղծման տարեթիվը` բացառությամբ անթվակիր, անստորագիր և Հայաստանի Հանրապետության մշակույթի և երիտասարդության հարցերի նախարարության կողմից հաստատված ցանկում ընդգրկված հեղինակների.

բ) թույլատրել սույն որոշման առաջին կետի «բ» ենթակետով հաստատված` մինչև 75 տարվա վաղեմություն ունեցող մշակութային նշանակության առարկաների, մշակութային նշանակության սերիական և զանգվածային արտադրության առարկաների ու հուշանվերների` Հայաստանի Հանրապետության տարածքից արտահանումն առանց մշակութային արժեքների արտահանման իրավունքի վկայագրի:

3. Հայաստանի Հանրապետության մշակույթի և երիտասարդության հարցերի նախարարին`

ա) մեկամսյա ժամկետում հաստատել և Հայաստանի Հանրապետության կառավարությանն առընթեր մաքսային պետական կոմիտե ներկայացնել սույն որոշման 2-րդ կետի «ա» ենթակետում նշված հեղինակների ցանկը: Ցանկի փոփոխության դեպքում Հայաստանի Հանրապետության կառավարությանն առընթեր մաքսային պետական կոմիտեին 15-օրյա ժամկետում ներկայացվում է նոր ցանկ.

բ) ապահովել սույն որոշման 2-րդ կետի «ա» ենթակետում նշված անթվակիր և անստորագիր ստեղծագործությունների` Հայաստանի Հանրապետության տարածքից արտահանումը` առանց մշակութային արժեքների արտահանման իրավունքի վկայագրի` դրանց լուսանկարների շրջերեսին վավերացնելով իսկությունը:

4. Ուժը կորցրած ճանաչել Հայաստանի Հանրապետության կառավարության 1999 թվականի մարտի 5-ի «Մշակութային արժեքների և առարկաների արտահանումը կանոնակարգելու մասին» N 137 որոշումը:

Ց Ա Ն Կ

ՄԻՆՉԵՎ 50 ՏԱՐՎԱ ՎԱՂԵՄՈՒԹՅՈՒՆ ՈՒՆԵՑՈՂ ԿԵՐՊԱՐՎԵՍՏԻ ԵՎ ԴԵԿՈՐԱՏԻՎ-ԿԻՐԱՌԱԿԱՆ ԱՐՎԵՍՏԻ ՍՏԵՂԾԱԳՈՐԾՈՒԹՅՈՒՆՆԵՐԻ, ՈՐՈՆՑ ԱՐՏԱՀԱՆՈՒՄԸ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔԻՑ ԻՐԱԿԱՆԱՑՎՈՒՄ Է ԱՌԱՆՑ ՄՇԱԿՈՒԹԱՅԻՆ ԱՐԺԵՔՆԵՐԻ ԱՐՏԱՀԱՆՄԱՆ ԻՐԱՎՈՒՆՔԻ ՎԿԱՅԱԳՐԻ

1. Գեղանկարչական ստեղծագործություններ`

հաստոցային գեղանկարչություն

տարածական գեղանկարչություն

դեկորատիվ գեղանկարչություն

մանրանկարչություն

սրբանկարչություն

խճանկարչություն

2. Գրաֆիկական ստեղծագործություններ և դրանց տպագրական վերարտադրություններ

3. Քանդակագործական ստեղծագործություններ`

հաստոցային քանդակագործություն

մանր պլաստիկա

4. Դիզայներական ձևավորումների նախագծեր

5. Ինստալյացիաներ

6. Գեղարվեստական հորինվածքներ (կոմպոզիցիաներ) և սարվածքներ (մոնտաժներ)

7. Կոլաժներ

8. Օբյեկտ-հորինվածքներ

9. Գեղարվեստական լուսանկարչություն

10. Բեմանկարչական ստեղծագործություններ

11. Դեկորատիվ-կիրառական արվեստի ստեղծագործություններ` անկախ նյութից (կավե, ապակյա, բյուրեղապակյա, բրոնզե, պղնձե, պողպատե, երկաթյա և մետաղյա, այդ թվում` արծնապատ, թանկարժեք և կիսաթանկարժեք մետաղներից ու քարերից, քարից, փայտից, ոսկրից, խեցուց, կաշվից և գործվածքի տարբեր տեսակներից պատրաստված գեղարվեստական հորինվածքներ)`

սպասք

պահոց

գործվածք` անխավ, խավոտ, ասեղնագործ և այլ տեսակների

դեկորատիվ կոմպոզիցիաներ

դեկորատիվ դրվագումներ

Ց Ա Ն Կ

ՄԻՆՉԵՎ 75 ՏԱՐՎԱ ՎԱՂԵՄՈՒԹՅՈՒՆ ՈՒՆԵՑՈՂ ՄՇԱԿՈՒԹԱՅԻՆ ՆՇԱՆԱԿՈՒԹՅԱՆ ԱՌԱՐԿԱՆԵՐԻ, ՄՇԱԿՈՒԹԱՅԻՆ ՆՇԱՆԱԿՈՒԹՅԱՆ ՍԵՐԻԱԿԱՆ ՈՒ ԶԱՆԳՎԱԾԱՅԻՆ ԱՐՏԱԴՐՈՒԹՅԱՆ ԱՌԱՐԿԱՆԵՐԻ ԵՎ ՀՈՒՇԱՆՎԵՐՆԵՐԻ, ՈՐՈՆՑ ԱՐՏԱՀԱՆՈՒՄԸ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔԻՑ ԻՐԱԿԱՆԱՑՎՈՒՄ Է ԱՌԱՆՑ ՄՇԱԿՈՒԹԱՅԻՆ ԱՐԺԵՔՆԵՐԻ ԱՐՏԱՀԱՆՄԱՆ ԻՐԱՎՈՒՆՔԻ ՎԿԱՅԱԳՐԻ

1. Պետական պարգևներ և շքանշաններ (եթե արտահանողը պարգևատրված անձն է և ունի համապատասխան գրքույկ)

2. Ծիսապաշտամունքային բնույթ ունեցող առարկաներ անկախ նյութից`

խաչքարեր, խաչեր, մոմակալներ, հմայիլներ` ձվեր, դաղդղաններ, ուլունքներ և այլ առարկաներ

կրոնական գրականություն

3. Կենցաղային առարկաներ`

կահույք (առանձին առարկաներ կամ լրակազմ)

սերիական արտադրության ձեռագործ և մեքենայական արտադրության գորգեր, կարպետներ և գործվածք,

հագուստ և հագուստի առանձին տարրեր

սպասք

արդուզարդի առարկաներ

խաղի և ժամանցի առարկաներ, խաղալիքներ

արհեստագործական առարկաներ

4. Հուշանվերներ և հուշանվերային զենք` անկախ նյութից

5. Տեխնիկական առարկաներ`

ավտոմեքենաներ, մոտոցիկլետներ, հեծանիվներ

բժշկական գործիքներ և սարքեր

կարի մեքենաներ և գրամեքենաներ

ժամացույցներ` անկախ ձևից և չափսից

չափիչ գործիքներ և սարքեր

ռադիոսարքավորումներ և մագնիտոֆոններ, նվագարկիչներ և երաժշտական կենտրոններ

լուսանկարչական ապարատներ, կինոխցիկներ, տեսախցիկներ և տեսամագնիտոֆոններ

տարբեր տեսակի հեռախոսային սարքավորումներ

դիտակներ

համակարգիչներ և դրանց բաղկացուցիչ մասերը

էլեկտրական և մեխանիկական կենցաղային սարքեր

6. Մանրակերտեր (մակետներ և մոդելներ) անկախ նյութից`

ինքնաթիռների, մեքենաների, նավերի և այլ առարկաների

պատմաճարտարապետական հուշարձանների

7. Երաժշտական գործիքներ` գործարանային և ձեռագործ, որոնք ունեն համարանիշ կամ պիտակ, գործարանային վկայական`

ստեղնային, փողային, հարվածային, էլեկտրական նվագարաններ

բայան, հարմոն, ակորդեոն

լարային նվագարաններ և աղեղներ

8. Հրատարակություններ`

տարբեր հեղինակների ստեղծագործությունների առանձին ժողովածուներ կամ երկերի ժողովածուներ

պարբերականներ, նոտային, քարտեզագրական, գիտահանրամատչելի գրականություն, գրքույկներ (բրոշյուրներ), գովազդային և այլն

մանկական գրականություն, դասագրքեր և ձեռնարկներ, տեղեկատվական գրականություն (բառարաններ, զրուցարաններ, տեղեկատուներ, հանրագիտարաններ, ցուցակներ (կատալոգներ) և այլն

փաստավավերագրական և տպագիր նյութերի վերարտադրություն` ցանկացած նյութական կրիչի վրա

ֆիզիկական և մտավոր արատներ ունեցող անձանց համար ստեղծված տպագիր նյութեր և առարկաներ

9. Տպագիր գրաֆիկական և լուսանկարչական հրատարակություններ`

վերատպություններ, վիմատպություններ, փորագրանկարներ, բացիկներ, պլակատներ

լուսանկարչական ալբոմներ և լուսանկարչական արտադրանք

10. Մանկական ստեղծագործություններ` անկախ նյութից

11. Կրծքանշաններ, հուշանշաններ, հոբելյանական դրամներ և հուշադրամներ

12. Տեսալսողական արտադրանք

13. Ֆիլատելիստական նյութեր