«Վավերացնում եմ»

Հայաստանի Հանրապետության

Նախագահ Ռ. Քոչարյան

20 հունվարի 2003 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

26 դեկտեմբերի 2002 թվականի N 2151-Ն

ՄԻ ՇԱՐՔ ԼՈՒԾԱՐՎԱԾ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆՆԵՐԻ ԵՎ ՊԵՏԱԿԱՆ ՁԵՌՆԱՐԿՈՒԹՅԱՆ ԳՈՒՅՔԸ ՄԱՍՆԱՎՈՐԵՑՆԵԼՈՒ ՄԱՍԻՆ

Հիմք ընդունելով «Պետական գույքի մասնավորեցման (սեփականաշնորհման) մասին» Հայաստանի Հանրապետության օրենքի 21-րդ հոդվածը՝ Հայաստանի Հանրապետության կառավարությունը որոշում է.

1.1. Լուծարված «Իջևանի ծխախոտի ֆերմենտացիոն գործարան» պետական փակ բաժնետիրական ընկերության գույքը, որպես մեկ ամբողջական միավոր, մասնավորեցնել դասական աճուրդով:

1.2. Սահմանել գույքի վաճառքի մեկնարկային գինը՝ 11540.0 հազ. դրամ:

1.3. Հայաստանի Հանրապետության պետական գույքի կառավարման նախարարին՝

ա) մեկամսյա ժամկետում կազմակերպել աճուրդի անցկացումը.

բ) գնորդի կողմից համապատասխան վճարումների կատարումից հետո 10-օրյա ժամկետում կնքել պայմանագիր:

1.4. Սահմանել, որ՝

ա) ընկերության լուծարումից հետո մնացած գույքի պահառության համար չվճարված գումարները ենթակա են մեկամսյա ժամկետում վճարման՝ գնորդի կողմից.

բ) գնորդը պարտավոր է իր հաշվին վճարել անշարժ գույքի վաճառքից ծագող գույքային իրավունքների պետական գրանցման և գույքի արժեքի որոշման հետ կապված վճարներն ու տուրքերը:

1.5. Վճարումները կատարել Հայաստանի Հանրապետության արժույթով:

2.1. Լուծարված «Կոմունտրանս» պետական փակ բաժնետիրական ընկերության գույքը՝ բացառությամբ տրանսպորտային միջոցների, որպես մեկ ամբողջական միավոր, մասնավորեցնել դասական աճուրդով:

2.2. Սահմանել գույքի վաճառքի մեկնարկային գինը՝ 2740.0 հազ. դրամ:

2.3. Սահմանել, որ՝

ա) ընկերության լուծարումից հետո մնացած գույքի պահառության համար չվճարված գումարները ենթակա են մեկամսյա ժամկետում վճարման՝ գնորդի կողմից.

բ) գնորդը պարտավոր է իր հաշվին վճարել անշարժ գույքի վաճառքից ծագող գույքային իրավունքների պետական գրանցման հետ կապված վճարներն ու տուրքերը:

3.1. Լուծարված «Կոմունտրանս» պետական փակ բաժնետիրական ընկերության տրանսպորտային միջոցները՝ համաձայն հավելվածի, որպես գույքի առանձին տարրեր, մասնավորեցնել դասական աճուրդով:

3.2. Տրանսպորտային միջոցների վաճառքի մեկնարկային գինը սահմանել դրանց գնահատված արժեքի 50 տոկոսի չափով:

3.3. Հայաստանի Հանրապետության պետական գույքի կառավարման նախարարին՝

ա) մեկամսյա ժամկետում կազմակերպել աճուրդի անցկացումը.

բ) գնորդի կողմից համապատասխան վճարումների կատարումից հետո 10-օրյա ժամկետում կնքել պայմանագիր:

3.4. Վճարումները կատարել Հայաստանի Հանրապետության արժույթով:

4.1. Լուծարված «Հայպտուղարտ» պետական ձեռնարկության գույքը, որպես մեկ ամբողջական միավոր, մասնավորեցնել դասական աճուրդով:

4.2. Սահմանել գույքի վաճառքի մեկնարկային գինը՝ 42700.0 հազ. դրամ:

4.3. Հայաստանի Հանրապետության պետական գույքի կառավարման նախարարին՝

ա) մեկամսյա ժամկետում կազմակերպել աճուրդի անցկացումը.

բ) գնորդի կողմից համապատասխան վճարումների կատարումից հետո 10-օրյա ժամկետում կնքել պայմանագիր:

4.4. Սահմանել, որ՝

ա) ձեռնարկության լուծարումից հետո մնացած գույքի պահառության համար չվճարված գումարները ենթակա են մեկամսյա ժամկետում վճարման՝ գնորդի կողմից.

բ) գնորդը պարտավոր է իր հաշվին վճարել անշարժ գույքի վաճառքից ծագող գույքային իրավունքների պետական գրանցման հետ կապված վճարներն ու տուրքերը:

4.5. Վճարումները կատարել Հայաստանի Հանրապետության արժույթով:

5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Ց Ա Ն Կ

ԼՈՒԾԱՐՎԱԾ «ԿՈՄՈՒՆՏՐԱՆՍ» ՊԵՏԱԿԱՆ ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ՏՐԱՆՍՊՈՐՏԱՅԻՆ ՄԻՋՈՑՆԵՐԻ