ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ՀՀ ԿԱՌԱՎԱՐՈՒԹՅԱՆ 2000 ԹՎԱԿԱՆԻ ՀՈՒԼԻՍԻ 3-Ի N 350 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

«Վավերացնում եմ»
Հայաստանի Հանրապետության
Նախագահ Ռ. Քոչարյան
15 ապրիլի 2002 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

15 ապրիլի 2002 թվականի N 407
քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2000 ԹՎԱԿԱՆԻ ՀՈՒԼԻՍԻ 3-Ի N 350 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2000 թվականի հուլիսի 3-ի «Հայաստանի Հանրապետությունում աղքատության ընտանեկան նպաստի և միանվագ դրամական օգնության նշանակման և վճարման կարգի մասին» N 350 որոշման մեջ (Հայաստանի Հանրապետության կառավարության 2001 թվականի ապրիլի 16-ի N 307 որոշման խմբագրությամբ) կատարել հետևյալ փոփոխությունները և լրացումները`

ա) որոշմամբ հաստատված Հայաստանի Հանրապետությունում աղքատության ընտանեկան նպաստի և միանվագ դրամական օգնության նշանակման ու վճարման կարգը շարադրել նոր խմբագրությամբ (կցվում է).

բ) որոշման 5, 6 և 7 կետերը շարադրել հետևյալ խմբագրությամբ.

«5. Սահմանել`

ա) աղքատության ընտանեկան նպաստի և միանվագ դրամական օգնության վճարման համար նախատեսված ֆինանսական միջոցների չափերն ըստ սոցիալական ծառայությունների տարածքային կենտրոնների` հաշվի առնելով ընտանիքների անապահովության աստիճանի գնահատման կարգով որոշված աղքատ ընտանիքների թիվն ու Հայաստանի Հանրապետության պետական բյուջեով ընտանեկան նպաստի համար հատկացված ֆինանսական միջոցները` համաձայն հավելվածի.

բ) ընտանիքի անապահովության սահմանային մեծությունը` 36.00 միավոր.

գ) աղքատության ընտանեկան նպաստի բազային մասը` 4000 դրամ.

դ) ընտանիքի յուրաքանչյուր` մինչև 18 տարին չլրացած անդամին տրվող հավելումը` 1500 դրամ.

ե) միանվագ դրամական օգնության չափը`

անապահովության սահմանային մեծության միավորից բարձր անապահովության միավոր ձեռք բերած ընտանիքների համար` աղքատության ընտանեկան նպաստի գումարի չափով,

անապահովության սահմանային մեծության միավոր և դրանից ցածր անապահովության միավոր ձեռք բերած ընտանիքների համար` աղքատության ընտանեկան նպաստի բազային մասի չափով,

անապահովության սահմանային մեծության միավոր և դրանից ցածր անապահովության միավոր ձեռք բերած` Հայաստանի Հանրապետության սահմանների պաշտպանության ժամանակ զոհված (մահացած) զինվորական ծառայողների ընտանիքներին` աղքատության ընտանեկան նպաստի գումարի չափով, որը հատկացվում է Հայաստանի Հանրապետության պետական բյուջեով աղքատության ընտանեկան նպաստի համար նախատեսված գումարների 95 տոկոսից, չբավարարելու դեպքում` միանվագ դրամական օգնության վճարման համար նախատեսված գումարից:

6. Հայաստանի Հանրապետության սոցիալական ապահովության նախարարությանը, Հայաստանի Հանրապետության ֆինանսների և էկոնոմիկայի նախարարությանն ու Հայաստանի Հանրապետության տրանսպորտի և կապի նախարարությանը` 1-ամսյա ժամկետում հաստատել Հայաստանի Հանրապետությունում աղքատության ընտանեկան նպաստի և միանվագ դրամական օգնության նշանակման ու վճարման կարգի կիրարկման մասին հրահանգները:

7. Հայաստանի Հանրապետության արդարադատության նախարարությանը, Հայաստանի Հանրապետության ներքին գործերի նախարարությանը, Հայաստանի Հանրապետության էներգետիկայի նախարարությանը, Հայաստանի Հանրապետության կառավարությանն առընթեր մաքսային պետական կոմիտեին, Հայաստանի Հանրապետության տրանսպորտի և կապի նախարարությանը, Հայաստանի Հանրապետության սոցիալական ապահովագրության պետական հիմնադրամին ու Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեին` Հայաստանի Հանրապետության սոցիալական ապահովության նախարարությանը տրամադրել համապատասխան տեղեկատվություն (ձևը կցվում է)».

գ) որոշումը 7-րդ կետից հետո լրացնել հետևյալ բովանդակությամբ նոր` 7¹, 7² և 7³-րդ կետերով.

«7¹. Թույլատրել սոցիալական ծառայությունների տարածքային կենտրոններին Հայաստանի Հանրապետության նախարարություններից և գերատեսչություններից ստացված տեղեկատվության, ինչպես նաև սոցիալական աջակցության հասցեականության մեծացմանն ուղղված այլ միջոցների կիրառման հետևանքով ազատված ֆինանսական միջոցները տրամադրել անապահովության սահմանային մեծության միավոր և դրանից ցածր անապահովության միավոր ձեռք բերած ընտանիքներին` որպես միանվագ դրամական օգնություն:

7². Հայաստանի Հանրապետության տարածքային կառավարման և ենթակառուցվածքների գործունեությունը համակարգող նախարարությանն ու Հայաստանի Հանրապետության սոցիալական ապահովության նախարարությանը` երկամսյա ժամկետում հաստատել սոցիալական ծառայությունների տարածքային կենտրոնների օրինակելի կանոնադրությունը:

7³. Սույն որոշմամբ սահմանված դրույթները կիրառել 2002 թվականի հունվարի 1-ից»:

2. Ուժը կորցրած ճանաչել Հայաստանի Հանրապետության կառավարության 2002 թվականի փետրվարի 7-ի «2002 թվականի աղքատության ընտանեկան նպաստի և միանվագ դրամական օգնության վճարումները կազմակերպելու մասին» N 113 որոշման 1-ին կետը:

3. Սույն որոշումն ուժի մեջ է մտնում պաշտոնական հրապարակման պահից:

Հայաստանի Հանրապետության
վարչապետ

Ա. Մարգարյան

Հաստատված է
ՀՀ կառավարության 2002 թվականի
ապրիլի 15-ի N 407 որոշմամբ

Կ Ա Ր Գ

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԱՂՔԱՏՈՒԹՅԱՆ ԸՆՏԱՆԵԿԱՆ ՆՊԱՍՏԻ ԵՎ ՄԻԱՆՎԱԳ ԴՐԱՄԱԿԱՆ ՕԳՆՈՒԹՅԱՆ ՆՇԱՆԱԿՄԱՆ ՈՒ ՎՃԱՐՄԱՆ

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգով սահմանվում է Հայաստանի Հանրապետությունում աղքատության ընտանեկան նպաստի (այսուհետև` աղքատության նպաստ) և միանվագ դրամական օգնության նշանակման ու վճարման կարգը:

2. Աղքատության նպաստի և միանվագ դրամական օգնության վճարումը կատարվում է Հայաստանի Հանրապետության պետական բյուջեից` համապատասխան սոցիալական ծառայությունների տարածքային կենտրոններին (այսուհետև` կենտրոն) այդ նպատակով հատկացված ֆինանսական միջոցների սահմաններում:

3. Աղքատության նպաստի և միանվագ դրամական օգնության համար ֆինանսական միջոցների ամսական չափերն ըստ կենտրոնների, հաշվի առած ընտանիքների անապահովության աստիճանի գնահատման կարգով որոշված աղքատ ընտանիքների թիվը, ընտանիքի անապահովության սահմանային մեծության միավորը, աղքատության նպաստի բազային մասը, ընտանիքի յուրաքանչյուր անչափահաս (մինչև 18 տարեկան) անդամին տրվող հավելման և միանվագ դրամական օգնության չափերը, սահմանում է Հայաստանի Հանրապետության կառավարությունը:

4. Աղքատության նպաստի կամ միանվագ դրամական օգնության նշանակման համար ընտանիքի չափահաս անդամներից մեկը տարեկան մեկ անգամ իր բնակության վայրի (մշտական, ժամանակավոր կամ փաստացի) կենտրոն է ներկայացնում դիմում- հայտարարագիր:

Ընտանիքը համատեղ բնակվող (տվյալ հասցեում հաշվառված) ազգակցական, ամուսնական կամ բարեկամական կապերով կապված անձանց ընդհանրություն է, որոնք վարում են ընդհանուր տնտեսություն:

5. Կենտրոնն աղքատության նպաստ կամ միանվագ դրամական օգնություն նշանակելու մասին որոշում ընդունելու համար հիմք է ընդունում ընտանիքի ներկայացրած դիմում-հայտարարագիրը, անհրաժեշտ փաստաթղթերը, ինչպես նաև աղքատության նպաստի տեղեկատվական բազայի միջոցով տրամադրված` տվյալ ընտանիքի մասին Հայաստանի Հանրապետության նախարարություններից և գերատեսչություններից ստացված տեղեկատվությունը:

6. Կենտրոնն աղքատության նպաստ նշանակելու մասին դիմում-հայտարարագիրը քննարկում է ոչ ուշ, քան դիմում-հայտարարագիրն ու անհրաժեշտ փաստաթղթերն ստանալուց հետո 25-օրյա ժամկետում:

7. Աղքատության նպաստի նշանակումը մերժելու մասին որոշում ընդունելուց հետո կենտրոնը 5-օրյա ժամկետում հայտնում է դիմողին` նշելով մերժման պատճառը:

8. Աղքատության նպաստի նշանակումը մերժելու մասին կենտրոնի որոշումը կարող է բողոքարկվել վերադասության կամ դատական կարգով:

9. Կենտրոնի կողմից աղքատության նպաստի նշանակումը մերժվելու հիմք են հանդիսանում`

ա) անապահովության սահմանային մեծության միավորից ընտանիքի անապահովության միավորի ցածր լինելը.

բ) ներկայացված փաստաթղթերի թերի և ոչ հավաստի լինելը.

գ) Հայաստանի Հանրապետության նախարարություններից և գերատեսչություններից ստացված տեղեկատվության կիրարկման, կենտրոնի կամ սոցիալական աջակցության խորհրդի կողմից կատարված ուսումնասիրության արդյունքում ընտանիքն ապահով ճանաչելը:

II. ԱՂՔԱՏՈՒԹՅԱՆ ՆՊԱՍՏ ՍՏԱՆԱԼՈՒ ԻՐԱՎՈՒՆՔԸ, ՆՊԱՍՏԻ ՀԱՇՎԱՐԿՈՒՄՆ ՈՒ ՎՃԱՐՈՒՄԸ

10. Աղքատության նպաստ ստանալու իրավունք ունեն ընտանիքների անապահովության գնահատման համակարգում հաշվառված այն ընտանիքները, որոնց անապահովության միավորը բարձր է անապահովության սահմանային մեծության միավորից` դրա գործողության մեջ մտնելու պահի դրությամբ:

Կենսաթոշակառուների կենսաթոշակի չափերը հաշվի են առնվում դրա բարձրացման պահից և ամբողջությամբ:

11. Աղքատության նպաստը հաշվարկվում է աղքատության նպաստի բազային մասին ավելացնելով ընտանիքի յուրաքանչյուր` մինչև 18 տարին չլրացած անդամի համար տրվող հավելումը:

12. Աղքատության նպաստը վճարվում է անապահովության սահմանային մեծության միավորը գործողության մեջ դրվելու պահից:

III. ԱՂՔԱՏՈՒԹՅԱՆ ՆՊԱՍՏ ԵՎ ՄԻԱՆՎԱԳ ԴՐԱՄԱԿԱՆ ՕԳՆՈՒԹՅՈՒՆ ՆՇԱՆԱԿԵԼՈՒ ԵՎ ՎՃԱՐԵԼՈՒ ԿԱՐԳԸ ԵՎ ԴՐԱՆՑ ՀԱՄԱՐ ԱՆՀՐԱԺԵՇՏ ՓԱՍՏԱԹՂԹԵՐԸ

13. Աղքատության նպաստ և միանվագ դրամական օգնություն նշանակելու ու վճարելու համար անհրաժեշտ փաստաթղթերի ցանկը, ձևերը և ձևաթղթերը սահմանում է Հայաստանի Հանրապետության սոցիալական ապահովության նախարարությունը:

14. Աղքատության նպաստ և միանվագ դրամական օգնություն նշանակելու և վճարելու համար անհրաժեշտ փաստաթղթերը պահվում են կենտրոնում և համարվում են խիստ հաշվառման փաստաթղթեր:

15. Աղքատության նպաստը և միանվագ դրամական օգնությունը վճարվում է ընտանիքի չափահաս անդամներից մեկին` ընտանիքի մյուս չափահաս անդամների փոխադարձ համաձայնությամբ: Անհամաձայնության դեպքում ընտանիքի չափահաս անդամի պահանջով նրան վճարվում է աղքատության նպաստի իր բաժնեմասը:

16. Ընտանիքի անապահովության գնահատման միավորի վրա ազդող յուրաքանչյուր փոփոխություն կիրառվում է հաջորդ ամսվանից:

17. Ընտանիքի այն անդամի բացակայության դեպքում, որի անվամբ նշանակված է աղքատության նպաստը կամ միանվագ դրամական օգնությունը, այն վճարվում է ընտանիքի այլ չափահաս անդամի:

18. Կենտրոնների կողմից Հայաստանի Հանրապետության սոցիալական ապահովության նախարարության տեղեկատվավերլուծական կենտրոնին տրամադրված ամենամսյա տեղեկատվության հիման վրա Հայաստանի Հանրապետության սոցիալական ապահովության նախարարությունը կազմում է աղքատության նպաստի և միանվագ դրամական օգնության ֆինանսական միջոցների մասին հայտ-պահանջագիրն ու այն ներկայացնում Հայաստանի Հանրապետության ֆինանսների և էկոնոմիկայի նախարարություն:

19. Աղքատության նպաստի և միանվագ դրամական օգնության վճարումներն իրականացվում են «Հայփոստ» փակ բաժնետիրական ընկերության (այսուհետև` ընկերություն) փոստային բաժանմունքների միջոցով` Հայաստանի Հանրապետության ֆինանսների և էկոնոմիկայի նախարարության կողմից տեղական գանձապետական բաժանմունքներ փոխանցված գումարների հաշվին:

20. Կենտրոնի սխալի պատճառով չնշանակված կամ ընկերության մեղքով չվճարված գումարը վճարվում է միանվագ` առանց ժամկետի սահմանափակման:

21. Աղքատության նպաստ կամ միանվագ դրամական օգնություն նշանակող և վճարող մարմինների աշխատողները խախտումներ կատարելու դեպքում կրում են պատասխանատվություն` Հայաստանի Հանրապետության օրենսդրությամբ սահմանված կարգով:

22. Աղքատության նպաստի և միանվագ դրամական օգնության նշանակման համար անհրաժեշտ փաստաթղթերի հավաստիության համար պատասխանատվություն են կրում դրանք տրամադրող կազմակերպության ղեկավարները և պաշտոնատար անձինք` Հայաստանի Հանրապետության օրենսդրությամբ սահմանված կարգով:

23. Ընտանիքի բնակության վայրը փոխվելու դեպքում աղքատության նպաստի և միանվագ դրամական օգնության վճարումը դադարեցվում է: Աղքատության նպաստի և միանվագ դրամական օգնության նշանակման ու վճարման մասին տեղեկանքը նպաստառուի դիմումի համաձայն ուղարկվում է նոր բնակության վայրի կենտրոն:

Նոր բնակության վայրի կենտրոնում 21-օրյա ժամկետում հաշվառվելու դեպքում նպաստառուին վճարվում է նախկին բնակության վայրի կենտրոնի կողմից նշանակված և չվճարված աղքատության նպաստի կամ միանվագ դրամական օգնության գումարը, իսկ ավելի ուշ հաշվառվելու դեպքում` սահմանված կարգով:

IV. ԱՂՔԱՏՈՒԹՅԱՆ ՆՊԱՍՏԻ ՎՃԱՐՄԱՆ ԴԱԴԱՐԵՑՄԱՆ ՀԻՄՔԵՐԸ ԵՎ ԺԱՄԿԵՏՆԵՐԸ

24. Աղքատության նպաստի վճարումը դադարեցվում է`

ա) ընտանիքի կազմում, դրա նյութական, բնակարանային պայմանների փոփոխությունների հետևանքով ընտանիքի անապահովության միավորը սահմանային մեծության միավորից իջնելու,

բ) նախորդ հաշվառումից (փաստագրումից) 12 ամիս անց սոցիալական անձնագրում ամրագրված տվյալները հաստատող փաստաթղթեր չներկայացնելու,

գ) աղքատության նպաստը անընդմեջ 3 ամիս անհարգելի պատճառով չստանալու.

դ) սոցիալական աջակցության խորհրդի կամ կենտրոնի աշխատողի առաջարկությամբ կենտրոնի կողմից ընտանիքը ոչ նպաստառու ճանաչվելու,

ե) Հայաստանի Հանրապետության նախարարություններից և գերատեսչություններից ստացված տեղեկատվության կիրարկման հետևանքով նպաստի իրավունքը կորցնելու,

զ) աղքատության նպաստ ստացողի կողմից ակնհայտ կեղծ տեղեկություններով փաստաթղթեր ներկայացվելու, եկամուտները և ընտանիքում կատարված փոփոխությունները թաքցվելու (այս դեպքում ընտանիքն առնվազն 1 տարի ժամկետով զրկվում է աղքատության նպաստ ստանալու իրավունքից, և կենտրոնը ձեռնարկում է միջոցներ` հասցված վնասը Հայաստանի Հանրապետության օրենսդրությամբ սահմանված կարգով վերականգնելու համար),

է) ընտանիքի անապահովության գնահատման չափանիշների փոփոխության,

ը) ընտանիքների անդամներից որևէ մեկի կրկնակի հաշվառման դեպքերում:

25. Աղքատության նպաստի վճարումը դադարեցվում է հետևյալ ժամկետներում`

ա) 24-րդ կետի «ա», «բ», «գ» և «ը» ենթակետերով նախատեսված դեպքերում` հաջորդ ամսվանից.

բ) 24-րդ «դ», «ե», «զ» և «է» ենթակետերով նախատեսված դեպքերում` հայտնաբերման պահից:

V. ՄԻԱՆՎԱԳ ԴՐԱՄԱԿԱՆ ՕԳՆՈՒԹՅՈՒՆ ՏՐԱՄԱԴՐԵԼՈՒ ԿԱՐԳԸ ԵՎ ԺԱՄԿԵՏՆԵՐԸ

26. Միանվագ դրամական օգնությունը նշանակվում է կենտրոնի կողմից:

27. Միանվագ դրամական օգնություն ստանալու իրավունք ունեն`

ա) ընտանիքների անապահովության գնահատման համակարգում հաշվառված այն ընտանիքները, որոնց անապահովության միավորը բարձրացել է անապահովության սահմանային մեծության միավորից` դրա գործողության ժամանակահատվածում.

բ) անապահովության սահմանային մեծության միավորի գործողության ժամանակահատվածում անապահովության գնահատման համակարգում նոր հաշվառված այն ընտանիքները, որոնք ունեն անապահովության սահմանային մեծության միավորից բարձր միավոր.

գ) անապահովության սահմանային մեծության միավոր և դրանից ցածր անապահովության միավոր ձեռք բերած` Հայաստանի Հանրապետության սահմանների պաշտպանության ժամանակ զոհված (մահացած) զինվորական ծառայողների ընտանիքները.

դ) անապահովության սահմանային մեծության միավոր և դրանից ցածր անապահովության միավոր ձեռք բերած ու միանվագ դրամական օգնություն ստանալու համար դիմած ընտանիքները:

28. Միանվագ դրամական օգնությունը վճարվում է սույն կարգի 24-րդ կետով նախատեսված դեպքերի կիրարկման հետևանքով ազատված ու միանվագ դրամական օգնություն ցույց տալու համար կենտրոնին հատկացված ֆինանսական միջոցների հաշվին:

29. Սույն կարգի 27-րդ կետում նշված ընտանիքներին միանվագ դրամական օգնություն նշանակվում է սոցիալական աջակցության խորհրդի առաջարկությամբ:

30. Անապահովության սահմանային մեծության միավոր և դրանից ցածր անապահովության միավոր ձեռք բերած ընտանիքներին միանվագ դրամական օգնություն հատկացվում է սույն կարգի 27-րդ կետի «ա», «բ» և «գ» ենթակետերում նշված ընտանիքներին միանվագ դրամական օգնություն նշանակվելուց հետո մնացած միջոցների սահմաններում:

31. Անապահովության սահմանային մեծության միավոր և դրանից ցածր անապահովության միավոր ձեռք բերած ընտանիքին միանվագ դրամական օգնություն նշանակվում է առնվազն երեք ամիս ժամկետով:

Կենտրոնի կողմից այն վերանայվում է յուրաքանչյուր եռամսյակ:

Հավելված
ՀՀ կառավարության 2002 թվականի
ապրիլի 15-ի N 407 որոշման

ԱՂՔԱՏՈՒԹՅԱՆ ԸՆՏԱՆԵԿԱՆ ՆՊԱՍՏԻ ԵՎ ՄԻԱՆՎԱԳ ԴՐԱՄԱԿԱՆ ՕԳՆՈՒԹՅԱՆ ՎՃԱՐՄԱՆ ՀԱՄԱՐ ՆԱԽԱՏԵՍՎԱԾ ՖԻՆԱՆՍԱԿԱՆ ՄԻՋՈՑՆԵՐԻ ՉԱՓԵՐՆ ԸՍՏ ՍՈՑԻԱԼԱԿԱՆ ԾԱՌԱՅՈՒԹՅՈՒՆՆԵՐԻ ՏԱՐԱԾՔԱՅԻՆ ԿԵՆՏՐՈՆՆԵՐԻ

Մարզի անվանումը	Կենտրոնի անվանումը	Սոցիալական ծառայության տարածքային կենտրոնը (ծածկագիրը)	Նպաստ ստացող ընտանիք- ների թիվը	Նախատես- ված ամսա- կան գումարը (դրամ)	այդ թվում` միանվագ դրամական օգնությունը (5 տոկոս) (դրամ)	ՀՀ պետական բյուջեով նախատես- ված գումա- րի բաշխումը (դրամ)
1	2	3	4	5	6	7
Արարատ	Արարատ	013	643	4,464,178	223,209	53,570,140
	Արտաշատ	014	3983	28,851,763	1,442,588	346,221,153
	Վեդի	051	2600	19,886,518	994,326	238,638,214
	Մասիս	077	2535	18,205,052	910,253	218,460,627
	ընդամենը		9761	71407511	3570376	856890133
Արագածոտն	Աշտարակ	016	2896	20,191,365	1,009,568	242,296,379
	Ապարան	049	678	4,735,536	236,777	56,826,428
	Ծաղկահովիտ	050	584	4,794,973	239,749	57,539,675
	Թալին	094	1691	11,478,729	573,936	137,744,748
	ընդամենը		5849	41200602	2060030	494407230
Արմավիր	Արմավիր	031	3257	22,874,517	1,143,726	274,494,206
	Վաղարշապատ	038	2903	20,606,967	1,030,348	247,283,600
	Բաղրամյան	057	595	4,546,112	227,306	54,553,339
	ընդամենը		6755	48027595	2401380	576331145
Գեղարքունիք	Գավառ	025	1911	14,162,369	708,118	169,948,428
	Սևան	035	1721	11,951,365	597,568	143,416,379
	Վարդենիս	058	2106	14,402,979	720,149	172,835,746
	Ճամբարակ	074	1328	7,864,879	393,244	94,378,543
	Մարտունի	076	4769	37,789,596	1,889,480	453,475,150
	ընդամենը		11835	86171187	4308559	1034054246
Լոռի	Թումանյան	012	2320	14,370,335	718,517	172,444,020
	Տաշիր	069	1081	6,996,475	349,824	83,957,695
	Վանաձոր	026	11753	75,099,401	3,754,970	901,192,817
	Սպիտակ	036	6718	45,190,968	2,259,548	542,291,613
	Ստեփանավան	037	4435	27,523,607	1,376,180	330,283,281
	ընդամենը		26307	169180786	8459039	2030169426
Կոտայք	Աբովյան	011	3384	23,860,803	1,193,040	286,329,637
	Հրազդան	033	3225	22,326,666	1,116,333	267,919,995
	Չարենցավան	039	1571	10,944,663	547,233	131,335,953
	Նաիրի	080	2009	14,482,308	724,115	173,787,691
	ընդամենը		10189	71614440	3580722	859373276
Շիրակ	Արթիկ	015	3305	23,437,484	1,171,874	281,249,802
	Ամասիա	046	217	1,348,827	67,441	16,185,919
	Մարալիկ	048	994	7,106,691	355,335	85,280,287
	Ախուրյան	055	2078	14,578,337	728,917	174,940,042
	Աշոցք	063	264	1,806,728	90,336	21,680,738
	Գյումրի - 1	268	10574	67,139,397	3,356,970	805,672,768
	Գյումրի - 2	269	11064	72,368,703	3,618,435	868,424,441
	ընդամենը		28496	187786166	9389308	2253433998
Սյունիք	Գորիս	018	2131	14,618,162	730,908	175,417,942
	Կապան	027	2783	16,191,958	809,598	194,303,497
	Մեղրի	079	743	4,050,194	202,510	48,602,323
	Սիսիան	088	1399	9,416,294	470,815	112,995,522
	ընդամենը		7056	44276607	2213830	531319284
Տավուշ	Դիլիջան	021	1246	8,083,444	404,172	97,001,331
	Իջևան	067	2841	18,900,870	945,044	226,810,444
	Նոյեմբերյան	081	2065	13,116,333	655,817	157,395,991
	Բերդ	097	2631	17,076,593	853,830	204,919,113
	ընդամենը		8783	57177240	2858862	686126879
Վայոց ձոր	Ջերմուկ	020	364	2,380,125	119,006	28,561,495
	Վայք	044	591	3,854,985	192,749	46,259,818
	Եղեգնաձոր	065	1878	12,740,912	637,046	152,890,944
	ընդամենը		2833	18976021	948801	227712258
Երևան	Աջափնյակ	101	4019	25,386,331	1,269,317	304,635,976
	Ավան	102	1306	8,099,741	404,987	97,196,892
	Արաբկիր	103	3705	20,797,657	1,039,883	249,571,879
	Դավթաշեն	104	940	6,531,424	326,571	78,377,086
	Էրեբունի	105	4457	28,360,657	1,418,033	340,327,884
	Կենտրոն	106	4527	24,675,267	1,233,763	296,103,206
	Մալաթիա-Սեբաստիա	107	4177	27,986,503	1,399,325	335,838,035
	Նոր Նորք	108	4012	25,628,771	1,281,439	307,545,248
	Նորք-Մարաշ	109	626	4,052,603	202,630	48,631,231
	Նուբարաշեն	110	386	2,713,272	135,664	32,559,264
	Շենգավիթ	111	5586	35,389,213	1,769,461	424,670,556
	Քանաքեռ- Զեյթուն	112	2445	15,408,356	770,418	184,900,272
	ընդամենը		36186	225029794	11251490	2700357529
Ընդամենը			154050	1020847950	51042398	12250175403

Հայաստանի Հանրապետության
կառավարության աշխատակազմի
ղեկավար-նախարար

Մ. Թոփուզյան

Ձև

ԱՂՔԱՏՈՒԹՅԱՆ ԸՆՏԱՆԵԿԱՆ ՆՊԱՍՏԻ ԵՎ ՄԻԱՆՎԱԳ ԴՐԱՄԱԿԱՆ ՕԳՆՈՒԹՅԱՆ ՆՇԱՆԱԿՄԱՆ ՀԱՄԱՐ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱՐԱՐՈՒԹՅՈՒՆՆԵՐԻ ԵՎ ԳԵՐԱՏԵՍՉՈՒԹՅՈՒՆՆԵՐԻ ԿՈՂՄԻՑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՈՑԻԱԼԱԿԱՆ ԱՊԱՀՈՎՈՒԹՅԱՆ ՆԱԽԱՐԱՐՈՒԹՅԱՆԸ ՏՐԱՄԱԴՐՎՈՂ ՏԵՂԵԿԱՏՎՈՒԹՅՈՒՆ

NN ը/կ	Անվանումը	Բովանդա- կությունը	Անհրաժեշտ տվյալները	Պարբերակա- նությունը	Ժամկետը	Կրիչը	Ծանոթա- գրություն
1	2	3	4	5	6	7	8
1.	ՀՀ արդարադատության նախարարություն	մահեր ծնունդներ ամուսնություններ ամուսնալուծություններ	համապատասխան վկայականի պատճենը (անհրաժեշտ տվյալները մուտքագրելու և սահմանված ժամկետում վերադարձնելու պայմանով)	եռամսյա	հաջորդ ամսվա 25-ը	թղթով	Տրվում է ՀՀ ազգային վիճակա- գրական ծառայու- թյան և ՔԿԱԳ-ի կենտրո- նական արխիվի միջոցով։
2.	ՀՀ ներքին գործերի նախարարություն	անձնական օգտագործման փոխադրամիջոցներ	1998 թվականից սկսած ավտոմեքենայի նոր պետհամարանիշ ստացած փոխադրամիջոցի սեփականատիրոջ անունը, հայրանունը, ազգանունը, անձնագրի սերիան, համարը, հասցեն, ավտոմեքենայի պետհամարանիշը և մակնիշը	եռամսյա	հաջորդ ամսվա 25-ը	մագնի- սական կրիչով
3.	ՀՀ էներգետիկայի նախարարություն	էլեկտրաէներգիայի անհատ բաժանորդներ	բաժանորդի անունը, հայրանունը, ազգանունը, հասցեն, անձնագրի սերիան, համարը, բաժանորդի քարտի համարը, էլեկտրաէներգիայի սպառման ամսական չափը	տարեկան մեկ անգամ, նախորդ տարվա (6-րդ, 7-րդ և 8-րդ ամիսների) ծախսը	սեպտեմբերի 25-ը	մագնի- սական կրիչով
4.	ՀՀ կառավարությանն առընթեր մաքսային պետական կոմիտե	մաքսային մուծումներ	անունը, հայրանունը, ազգանունը, հասցեն, անձնագրի սերիան, համարը և մաքսային մուծումների չափը	եռամսյա	հաջորդ ամսվա 25-ը	մագնի- սական կրիչով
5.	ՀՀ տրանսպորտի և կապի նախա- րարություն	միջքաղաքային խոսակցություններ	բաժանորդի անունը, հայրանունը, ազգանունը, հասցեն, անձնագրի սերիան, համարը, հեռախոսահամարը և խոսակցության դիմաց մուծված գումարը	յուրաքանչյուր կիսամյակ (ըստ ամիսների)	հաջորդ ամսվա 25-ը	մագնի- սական կրիչով
5.	ՀՀ տրանսպորտի և կապի նախա- րարություն	անհատ բաժանորդներ	բաժանորդի անունը, հայրանունը, ազգանունը, հասցեն, բջջային հեռախոսի համարը և հեռախոսավարձը	յուրաքանչյուր կիսամյակ (ըստ ամիսների)	հաջորդ ամսվա 25-ը	մագնի- սական կրիչով
6.	ՀՀ սոցիալական ապահովագրության պետական հիմնադրամ	կենսաթոշակառուների մասին	կենսաթոշակառուի (հաշմանդամի) անունը, հայրանունը, ազգանունը, անձնագրի սերիան, համարը, հասցեն, կենսաթոշակի վկայականի համարը, կենսաթոշակի չափը, հաշմանդամության խումբը և ժամկետը	եռամսյա	հաջորդ ամսվա 25-ը	մագնի- սական կրիչով
7.	ՀՀ արդարադատության նախարարության պետական ռեգիստրի վարչություն	ՍՊԸ ՓԲԸ ԲԲԸ ԼՏԸ ԼՊԸ վստահության վրա հիմնված ընկերության ձեռնարկատերեր	կազմակերպության անվանումը, գտնվելու վայրը, գրանցված անդամների անունները, հայրանունները, ազգանունները, հասցեները, անձնագրերի և վկայականների համարներն ու գրանցման ամսաթիվը, ամիսը, տարեթիվը	եռամսյա	հաջորդ ամսվա 25-ը	մագնի- սական կրիչով
8.	ՀՀ անշարժ գույքի կադաստրի պետական կոմիտե	անշարժ գույքի օտարման գործարքներով սեփականության իրավունք ձեռք բերողների մասին	ՀՀ կառավարության 1998 թվականի սեպտեմբերի 7-ի N 556 որոշմամբ հաստատված կարգի N 9 հավելվածին և ՀՀ կառավարության 2000 թվականի հոկտեմբերի 10-ի N 629 որոշմամբ հաստատված կարգին կից N 3 ձևին համապատասխան հարկային տեսչություն ներկայացվող տվյալները	եռամսյա	հաջորդ ամսվա 25-ը	թղթով

Տեղեկատվություն

Акт-инфо

Изменения и инкорпорации

Связи

ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ՀՀ ԿԱՌԱՎԱՐՈՒԹՅԱՆ 2000 ԹՎԱԿԱՆԻ ՀՈՒԼԻՍԻ 3-Ի N 350 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Номер

N 407

Тип

Որոշում

Тип документа

Исходный акт (26.04.2002-по сей день)

Статус

Գործում է

Первоисточник

ՀՀՊՏ 2002.04.26/13(188) Հոդ.313

Принимающий орган

ՀՀ կառավարություն

Дата принятия

15.04.2002

Место принятия

Երևան

Подписавший орган

ՀՀ վարչապետ

Дата подписания

15.04.2002

Ратифицирующий орган

ՀՀ Նախագահ

Дата ратификации

15.04.2002

Дата вступления в силу

26.04.2002

Основной документ 15.04.2002, N 407

История изменений

Измененные акты

Изменяющий акт Инкорпорация

Փոփոխություններ է կատարել հետևյալ ակտերում Յուրաքանչյուր փոփոխվողին համապատասխանող ինկորպորացիան

07.03.2002, N 113

26.04.2002, N 113

10.07.2000, N 350

---------

Связи

Судебные прецеденты

Официальные разъяснения

Антиконституционный