ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
10 ապրիլի 1992 թվականի N 219
քաղ. Երևան
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՄԱՄՈՒԼՈՒՄ ՊԵՏԱԿԱՆ ԳԱՂՏՆԻՔՆԵՐԻ ՊԱՀՊԱՆՄԱՆ ԳԼԽԱՎՈՐ ՎԱՐՉՈՒԹՅԱՆ ՎԵՐԱԿԱԶՄՄԱՆ ՄԱՍԻՆ
Հայաստանի Հանրապետության կառավարությունը որոշում է`
1. Հայաստանի Հանրապետության կառավարությանն առընթեր մամուլում պետական գաղտնիքների պահպանման գլխավոր վարչությունը վերակազմել Հայաստանի Հանրապետության արդարադատության նախարարության կենտրոնական ապարատի համապատասխան կառուցվածքային ստորաբաժանման:
2. Հայաստանի Հանրապետության արդարադատության նախարարությանը և ֆինանսների նախարարությանը` համատեղ քննության առնել և Հայաստանի Հանրապետության կառավարություն առաջարկություն ներկայացնել արդարադատության նախարարության կենտրոնական ապարատի աշխատողների աշխատանքի վարձատրության ֆոնդում համապատասխան փոփոխություն կատարելու մասին:
3. Հայաստանի Հանրապետության կառավարությանն առընթեր մամուլում պետական գաղտնիքների պահպանման գլխավոր վարչության գույքը հանձնել Հայաստանի Հանրապետության արդարադատության նախարարության հաշվեկշռին, իսկ զբաղեցրած տարածքը` նախարարության տնօրինությանը:
ՀԱՅԱՍՏԱՆի հանրապետության փոխնախագահ, վարչապետ |
Գ. ՀԱՐՈՒԹՅՈՒՆՅԱՆ |
ՀԱՅԱՍՏԱՆի հանրապետության կԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐՉԻ ՊԱՇՏՈՆԱԿԱՏԱՐ |
Հ. ՔՈԹԱՆՅԱՆ |
![loading...](/static/img/loader.gif)