ՀԱՅԿԱԿԱՆ ԽՍՀ ԳԵՐԱԳՈՒՅՆ ԽՈՐՀՐԴԻ

 Ո Ր Ո Շ ՈՒ Մ Ը

ՀԱՅԿԱԿԱՆ ԽՍՀ ԳԵՐԱԳՈՒՅՆ ԽՈՐՀՐԴԻՆ ԱՌԸՆԹԵՐ ՊԱՇՏՊԱՆՈՒԹՅԱՆ ԽՈՐՀՈՒՐԴ ՍՏԵՂԾԵԼՈՒ ՄԱՍԻՆ

Ելնելով այն բանից, որ ԽՍՀՄ զինված ուժերը լրիվ չափով չեն ապահովում հայ-ադրբեջանական սահմանի անձեռնմխելիությունը և հանրապետության քաղաքացիների, հատկապես Լեռնային Ղարաբաղի Ինքնավար Մարզի հայ ազգաբնակչության կյանքի ապահովությունը, Հայկական Խորհրդային Սոցիալիստական Հանրապետության Գերագույն խորհուրդը որոշում է.

1. Հայկական ԽՍՀ Գերագույն խորհրդին առընթեր ստեղծել Պաշտպանության խորհուրդ և հանձնարարել նրան անհետաձգելի միջոցառումներ իրականացնել հանրապետության սահմանների անձեռնմխելիության ապահովման և քաղաքացիների կյանքի պաշտպանության ուղղությամբ:

2. Հանձնարարել Հայկական ԽՍՀ Գերագույն խորհրդի նախագահությանը քննարկել և հաստատել Պաշտպանության խորհրդի կազմը, նրա կարգավիճակը, համապատասխան պետական և հասարակական կազմակերպությունների հետ միասին լուծել ինքնապաշտպանության նպատակներով ստեղծված ջոկատների միավորման, նրանց գործողությունների կարգավորման ու կոորդինացման հարցերը:

Հայկական ԽՍՀ Գերագույն ԽՈՐՀՐԴի նախագահության նախագահ`

Հ. Ոսկանյան

Հայկական ԽՍՀ Գերագույն ԽՈՐՀՐԴի նախագահության քարտուղար`	Ն. Ստեփանյան
3 մայիսի 1990 թվականի, քաղ. Երևան նո. 1831-11