ՀՀ ՊԱՇՏՊԱՆՈՒԹՅԱՆ ՆԱԽԱՐԱՐԻ ՀՐԱՄԱՆԸ ԾԱՌԱՅՈՂԱԿԱՆ ՔՆՆՈՒԹՅՈՒՆ ՆՇԱՆԱԿԵԼՈՒ ԻՐԱՎՈՒՆՔ ՈՒՆԵՑՈՂ ՀՐԱՄԱՆԱՏԱՐՆԵՐԻ (ՊԵՏԵՐԻ) ԱՆՎԱՆԱՑԱՆԿԸ ԵՎ ԾԱՌԱՅՈՂԱԿԱՆ ՔՆՆՈՒԹՅԱՆ ԱՆՑԿԱՑՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

Официальная инкорпорация

«Գրանցված է»

ՀՀ արդարադատության

նախարարության կողմից

29 հոկտեմբերի 2012 թ.

Պետական գրանցման թիվ 11312385

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՊԱՇՏՊԱՆՈՒԹՅԱՆ ՆԱԽԱՐԱՐ

20 սեպտեմբերի 2012 թ.
ք. Երևան
N 991-Ն

Հ Ր Ա Մ Ա Ն

ԾԱՌԱՅՈՂԱԿԱՆ ՔՆՆՈՒԹՅՈՒՆ ՆՇԱՆԱԿԵԼՈՒ ԻՐԱՎՈՒՆՔ ՈՒՆԵՑՈՂ ՀՐԱՄԱՆԱՏԱՐՆԵՐԻ (ՊԵՏԵՐԻ) ԱՆՎԱՆԱՑԱՆԿԸ ԵՎ ԾԱՌԱՅՈՂԱԿԱՆ ՔՆՆՈՒԹՅԱՆ ԱՆՑԿԱՑՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Հայաստանի Հանրապետության զինված ուժերի կարգապահական կանոնագիրք» Հայաստանի Հանրապետության օրենքի 27-րդ հոդվածի 4-րդ մասով`

ՀՐԱՄԱՅՈՒՄ ԵՄ՝

1. Հաստատել`

1) ծառայողական քննություն նշանակելու իրավունք ունեցող հրամանատարների (պետերի) անվանացանկը` համաձայն հավելված 1-ի.

2) ծառայողական քննության անցկացման կարգը` համաձայն հավելված 2-ի:

ՀՀ պաշտպանության նախարար

Ս. Օհանյան

Հավելված 1
ՀՀ պաշտպանության նախարարի
2012 թվականի սեպտեմբերի 20-ի
N 991-Ն հրամանի

ԾԱՌԱՅՈՂԱԿԱՆ ՔՆՆՈՒԹՅՈՒՆ ՆՇԱՆԱԿԵԼՈՒ ԻՐԱՎՈՒՆՔ ՈՒՆԵՑՈՂ ՀՐԱՄԱՆԱՏԱՐՆԵՐԻ

(ՊԵՏԵՐԻ) ԱՆՎԱՆԱՑԱՆԿ

1. «Հայաստանի Հանրապետության զինված ուժերի կարգապահական կանոնագիրք» Հայաստանի Հանրապետության օրենքով սահմանված կարգով և դեպքերում ծառայողական քննություն նշանակելու իրավունք ունեն`

1) Հայաստանի Հանրապետության պաշտպանության նախարարը` Հայաստանի Հանրապետության պաշտպանության նախարարության ամբողջ համակարգում.

2) Հայաստանի Հանրապետության զինված ուժերի գլխավոր շտաբի պետը` Հայաստանի Հանրապետության զինված ուժերի գլխավոր շտաբի կառուցվածքային ստորաբաժանումներում, զինված ուժերի զորամասերում և ստորաբաժանումներում.

3) Հայաստանի Հանրապետության զինված ուժերի գլխավոր շտաբի պետի տեղակալները` Հայաստանի Հանրապետության զինված ուժերի գլխավոր շտաբի իրենց ենթակայության կառուցվածքային ստորաբաժանումներում, զորամասերում և ստորաբաժանումներում.

4) Հայաստանի Հանրապետության պաշտպանության նախարարության և Հայաստանի Հանրապետության զինված ուժերի գլխավոր շտաբի կառուցվածքային և առանձնացված ստորաբաժանումների զինծառայող ղեկավարները` իրենց ենթակայության զորամասերում և ստորաբաժանումներում.

5) զորամիավորման, միավորման հրամանատարները` իրենց ենթակայության զորամասերում և ստորաբաժանումներում.

6) զորամասի հրամանատարը` իր ենթակայության ստորաբաժանումներում:

Հավելված 2
ՀՀ պաշտպանության նախարարի
2012 թվականի սեպտեմբերի 20-ի
N 991-Ն հրամանի

ԿԱՐԳ

ԾԱՌԱՅՈՂԱԿԱՆ ՔՆՆՈՒԹՅԱՆ ԱՆՑԿԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգով կարգավորվում են «Հայաստանի Հանրապետության զինված ուժերի կարգապահական կանոնագիրք» օրենքի (այսուհետ` Օրենք) պահանջների համաձայն Հայաստանի Հանրապետության պաշտպանության նախարարության համակարգի զինծառայողների (այսուհետ` զինծառայող) նկատմամբ ծառայողական քննություն անցկացնելու հետ կապված հարաբերությունները:

2. Ծառայողական քննությունն oրենքով և սույն կարգով սահմանված ընթացակարգով զինծառայողի պարտականությունների կատարմանն ու նրա կարգապահությանն առնչվող, ինչպես նաև սույն կարգի 12-րդ կետում նախատեսված դեպքերի և առիթների հետ կապված հարցերի ուսումնասիրությունն ու դրա արդյունքներով կարգապահական պատասխանատվության կիրառման շրջանակներում զինծառայողի գործողությունների կամ անգործության գնահատումն է:

3. Ծառայողական քննության խնդիրն է`

1) Օրենքի 2-րդ հոդվածով սահմանված զինվորական կարգապահության ապահովման սկզբունքների իրագործումը.

2) զինվորական կարգապահության ամրապնդումը.

3) կարգապահական խախտումների կանխարգելումը և կարգապահական խախտմանը նպաստող պայմանների վերացումը.

4) զինծառայողի կողմից կատարված կարգապահական կամ սպայի պատվի կանոնների կամ հանրային ծառայողի վարքագծի կանոնների խախտման յուրաքանչյուր դեպքի և հանգամանքների ժամանակին, լրիվ, բազմակողմանի և օբյեկտիվ բացահայտումը և պարզաբանումը.

5) անհիմն կարգապահական պատասխանատվության դեպքերի բացառումն ու անհիմն կարգապահական պատասխանատվության ենթարկված զինծառայողի հեղինակության վերականգնումը.

6) կարգապահական խախտման ծանրությանը համաչափ կարգապահական տույժի կիրառումը.

7) զինծառայողների իրավունքների մինչդատական պաշտպանությունը:

4. Սույն կարգում օգտագործվում են հետևյալ հիմնական հասկացությունները՝

1) բացատրություն`ծառայողական քննությամբ պարզաբանման ենթակա հարցերի և հանգամանքների վերաբերյալ սույն կարգով նախատեսված անձանց կողմից ներկայացվող տեղեկություններ (փաստական տվյալներ), որոնց վերաբերյալ կազմվում է արձանագրություն(Ձև N 1).

2) զննության արձանագրություն` փաստաթուղթ, որը կազմվում է ծառայողական քննության ընթացքում ծագած առանձին հարցերի պարզաբանման, ինչպես նաև պաշտոնական փաստաթղթերում եղած տեղեկություններն ամրագրելու և դրանց պատճենները ծառայողական քննության նյութերին կցելու անհրաժեշտությունից ելնելով (Ձև N 2).

3) տեղեկանք` փաստաթուղթ, որը կազմվում է առանձին փաստերի և հանգամանքների առկայությունը հաստատելու կամ հերքելու (Ձև N 3), գործողությունների կատարմանը մասնակցելու ենթակա անձանց բացակայությունը (Ձև N 4), ինչպես նաև սույն կարգով նախատեսված առանձին գործողությունների կատարման անհնարինությունը փաստելու վերաբերյալ (Ձև N 5).

4) ծանուցում՝ սույն կարգի 41-րդ կետով սահմանված ծառայողական քննության մասնակիցներին սույն կարգով նախատեսված ծառայողական քննության գործողություններին մասնակցելու վերաբերյալ տեղեկացում, ինչը կարող է իրականացվել ինչպես գրավոր, այնպես էլ՝ հեռախոսակապի և(կամ) էլեկտրոնային փոստի միջոցով.

5) ծառայողական քննության նյութեր` ծառայողական քննությանն առնչվող փաստաթղթեր, մագնիսական, էլեկտրոնային կամ այլ կրիչի վրա բառային, թվային, գծագրական կամ այլ նշանային ձևով արված ցանկացած գրառում, ինչպես նաև իրեր և առարկաներ:

5. Ծառայողական քննություն իրականացնողն իրավասու է կատարել այնպիսի գործողություններ, որոնց համար լիազորված է օրենքով և սույն կարգով:

6. Ծառայողական քննությունը չի կարող հիմնվել այնպիսի ապացույցների վրա, որոնք ձեռք են բերվել`

1) բռնությամբ, սպառնալիքով, խաբեությամբ կամ այլ ոչ օրինական գործողություններով.

2) տվյալ գործողությունը կատարելու իրավունք չունեցող անձի կողմից.

3) սույն կարգի պահանջների խախտմամբ:

7. Ծառայողական քննության ընթացքում արգելվում է կատարել խուզարկություն կամ առգրավում կամ մեկուսացնել զինծառայողին, ինչպես նաև որևէ ձևով չեն կարող սահմանափակվել ծառայողական քննության մասնակիցների իրավունքները, բացառությամբ օրենքով և սույն կարգով սահմանված դեպքերի:

8. Զինծառայողը կարգապահական խախտում կատարելու մեջ համարվում է անմեղ, քանի դեռ նրա նկատմամբ իրավասու անձն օրենքով սահմանված կարգով չի կիրառել կարգապահական տույժ:

9. Զինծառայողի մեղավորությունն ապացուցելու, ինչպես նաև ի պաշտպանություն նրա` բերված փաստարկների հերքման պարտականությունը կրում է ծառայողական քննություն իրականացնողը:

10. Ծառայողական քննությունն անցկացվում է հայերեն: Ծառայողական քննության ընթացքում դրա յուրաքանչյուր մասնակից, բացառությամբ ծառայողական քննություն նշանակած պաշտոնատար անձի և ծառայողական քննություն իրականացնողի, իրավունք ունի հանդես գալու այն լեզվով, որին տիրապետում է: Ծառայողական քննության լեզվին չտիրապետող մասնակցին հնարավորություն է տրվում օրենքով իրեն վերապահված իրավունքներն անհատույց իրացնել թարգմանչի օգնությամբ: Այլ լեզվով փաստաթղթերը ծառայողական քննության նյութերին կցվում են դրանց հայերեն թարգմանությամբ:

2. ԾԱՌԱՅՈՂԱԿԱՆ ՔՆՆՈՒԹՅՈՒՆ ՆՇԱՆԱԿԵԼՈՒ ԴԵՊՔԵՐԸ ԵՎ ԱՌԻԹՆԵՐԸ

11. Ծառայողական քննություն նշանակվում է զինծառայողի կողմից կարգապահական կոպիտ խախտում թույլ տալու դեպքում, իսկ սպայական կազմի զինծառայողի կողմից կարգապահական խախտման դեպքում՝ պարտադիր կարգով, ինչպես նաև ծառայողական քննություն նշանակելու իրավունք ունեցող հրամանատարի (պետի) կողմից որոշված այլ դեպքերում՝ կարգապահական խախտման բնույթը, դրա կատարման հանգամանքները և հետևանքները պարզելու, կատարմանը նպաստող պատճառներն ու պայմանները բացահայտելու, զինծառայողի մեղքի աստիճանը և կարգապահական տույժի տեսակը որոշելու համար:

12. Ծառայողական քննության նշանակման առիթներն են.

1) զինծառայողի կողմից իրավախախտում կատարելու մասին Ազգային ժողովի պատգամավորի, Մարդու իրավունքների պաշտպանի, պետական կառավարման, տեղական ինքնակառավարման մարմինների, ֆիզիկական և իրավաբանական անձանց գրավոր հաղորդումները, դիմումները,

2) դատախազի, քննիչի կամ հետաքննության մարմնի հաղորդումը կամ միջնորդագիրը՝ զինծառայողի թույլ տված կարգապահական խախտման կամ խախտման պատճառների ու դրան կատարմանը նպաստող պայմանների մասին,

3) զինծառայողի թույլ տված իրավախախտման մասին մամուլում և զանգվածային լրատվության այլ միջոցներով հրապարակված հաղորդումները,

4) զինծառայողի կողմից վարչական իրավախախտում կատարելու փաստով Վարչական իրավախախտումների վերաբերյալ Հայաստանի Հանրապետության օրենսգրքի համաձայն կազմված արձանագրությունները, որոնք նույն օրենսգրքի պահանջների համաձայն ներկայացվել են զինծառայողի ծառայության վայրի զորամաս (ստորաբաժանում),

5) իրավախախտման անմիջական հայտնաբերումը,

6) պետությանը հասցված նյութական վնասը,

7) ստուգումների և ուսումնասիրությունների արդյունքներով հայտնաբերված թերությունները,

8) զինվորական տեխնիկան շահագործման կանոնների խախտմամբ շահագործելը կամ մոտոռեսուրսների գերածախսը,

9) թռիչքային կամ զինվորական ծառայության հետ կապված այլ պատահարները,

10) զինծառայողի ծառայողական վկայականի (զինվորական գրքույկի), ինչպես նաև հատուկ պահպանության ենթակա այլ փաստաթղթի(երի) կորցնելը կամ փչացնելը,

11) օրենքի խախտումով պարտադիր զինվորական ծառայության զորակոչից տարկետում տրամադրելը կամ ազատելը կամ զորակոչելը կամ պայմանագրային զինվորական ծառայության ընդունելը:

3. ԾԱՌԱՅՈՂԱԿԱՆ ՔՆՆՈՒԹՅԱՆ ՄԱՍՆԱԿԻՑՆԵՐԸ, ՆՐԱՆՑ ԼԻԱԶՈՐՈՒԹՅՈՒՆՆԵՐԸ, ԻՐԱՎՈՒՆՔՆԵՐԸ ԵՎ ՊԱՐՏԱԿԱՆՈՒԹՅՈՒՆՆԵՐԸ

13. Ծառայողական քննության մասնակիցներն են.

1) ՀՀ պաշտպանության նախարարի 2012 թ. սեպտեմբերի 20-ի N 991-Ն հրամանի 1-ին հավելվածի համաձայն ծառայողական քննություն նշանակելու իրավունք ունեցող հրամանատարը (պետը).

2) զինծառայողը՝ ում նկատմամբ նշանակված է ծառայողական քննությունը,

3) այն անձը (կամ աշխատանքային խումբը), որին ծառայողական քննություն նշանակելու մասին հրամանով վերապահված է ծառայողական քննություն անցկացնելու գործառույթը (այսուհետ՝ ծառայողական քննություն իրականացնող),

4) ծառայողական քննություն անցկացնելու համար հիմք հանդիսացած առիթների հետ առնչություն ունեցող այլ անձը, ում կարող են հայտնի լինել ծառայողական քննությանը հետաքրքրող հարցերի վերաբերյալ տեղեկություններ, որոնց կապակցությամբ նա տալիս է գրավոր բացատրություններ կամ մասնակցում է սույն կարգով նախատեսված այլ գործողությունների,

5) ծառայողական քննությանը ներգրավված փորձագետը, թարգմանիչը:

14. Փորձագետը ծառայողական քննության արդյունքներով չշահագրգռված անձն է, որը հրավիրվում և ծառայողական քննության մասնակից է դարձվում հատուկ մասնագիտական գիտելիքների վերաբերյալ խորհրդատվություն կամ համապատասխան փորձագիտական եզրակացություն տրամադրելու համար:

15. Թարգմանիչը ծառայողական քննության արդյունքներով չշահագրգռված անձն է, որը հրավիրվում և ծառայողական քննության մասնակից է դարձվում այն դեպքերում, երբ ծառայողական քննության մասնակիցը(ները), բացառությամբ ծառայողական քննություն նշանակած պաշտոնատար անձի, ծառայողական քննություն իրականացնողի, չի(են) տիրապետում հայերենին, կամ երբ անհրաժեշտություն է առաջացել թարգմանել որևէ փաստաթուղթ:

16. Ծառայողական քննություն նշանակելու իրավունք ունեցող հրամանատարի (պետի) լիազորություններն են.

1) ծառայողական քննություն նշանակելը,

2) ծառայողական քննություն իրականացնողին նշանակելը,

3) ծառայողական քննություն անցկացնելու եղանակը սահմանելը,

4) ծառայողական քննությամբ պարզաբանման ենթակա հարցերը սահմանելը,

5) ծառայողական քննության ընթացքին տեղեկանալը,

6) ծառայողական քննություն իրականացնողին տալ պարտադիր կատարման ենթակա ցուցումներ առանձին գործողություններ կատարելու վերաբերյալ,

7) ծառայողական քննություն նշանակելու մասին հրամանով կամ ծառայողական քննության ընթացքում մինչեւ մեկ ամիս ժամկետով զինծառայողի ծառայողական պարտականությունների կատարումը ժամանակավորապես կասեցնելը՝ պահպանելով նրա դրամական ապահովությունը,

8) փորձագետ և (կամ) թարգմանիչ ներգրավելը,

9) ծառայողական քննության մասնակիցների միջնորդությունները լուծելը,

10) ծառայողական քննությունը կասեցնելու, վերսկսելու, դադարեցնելու,ծառայողական քննության նյութերը միավորելու կամ առանձնացնելու և դրա(նց) հիման վրա նոր ծառայողական քննություն(ներ) նշանակելու վերաբերյալ համապատասխան որոշումներ կայացնելը,

11) ծառայողական քննություն իրականացնողի հիմնավորված միջնորդության համաձայն այլ մարմիններին և կազմակերպություններին ծառայողական քննությանն առնչվող փաստաթղթեր, նյութեր, տվյալներ ներկայացնելու առաջարկությամբ դիմելը,

12) ծառայողական քննության ընթացքում և (կամ) դրա արդյունքներով օրենքով և սույն կարգով սահմանված որոշումներ կայացնելը։

17. Ծառայողական քննություն իրականացնողի լիազորություններն են.

1) օրենքով և սույն կարգով սահմանված կարգով և ժամկետներում լրիվ, բազմակողմանի և օբյեկտիվ ծառայողական քննություն անցկացնելը՝ կատարված գործողություններին տալով համապատասխան փաստաթղթային ձևակերպում,

2) ծառայողական քննություն նշանակած հրամանատարի (պետի) պահանջով ծառայողական քննության նյութերը ներկայացնելը և քննության ընթացքի մասին զեկուցելը,

3) ծառայողական քննությանն առնչվող հարցերի և հանգամանքների վերաբերյալ ՀՀ պաշտպանության նախարարության համակարգի համապատասխան կառուցվածքային ստորաբաժանումներից հարցումներ կատարելը, ծառայողական քննությանն առնչվող փաստաթղթեր, նյութեր, տվյալներ, իրեր ստանալը, լուսանկարում ու տեսաձայնագրում կատարելը, և դրանք ծառայողական քննության նյութերին կցելը,

4) ծառայողական քննության շրջանակներում բացատրություններ վերցնելը,

5) ծառայողական քննությանը վերաբերող վայրի, շինությունների, նյութերի, իրերի, փաստաթղթերի զննությունը,

6) ծառայողական քննության ընթացքում մեկ այլ կարգապահական խախտման փաստի հայտնաբերման մասին ծառայողական քննություն նշանակած հրամանատարին (պետին) տեղեկացնելը,

7) ծառայողական քննություն նշանակած հրամանատարին (պետին) միջնորդելը՝ ծառայողական քննությանը փորձագետ և (կամ) թարգմանիչ ներգրավելու, ծառայողական քննությունը կասեցնելու, վերսկսելու, դադարեցնելու, ծառայողական քննության նյութերը միավորելու կամ առանձնացնելու համար, ինչպես նաև կարգապահական խախտում կատարած զինծառայողի ծառայողական պարտականությունների կատարումըժամանակավորապես կասեցնելու համար՝ եթե բավարար հիմքեր կան ենթադրելու, որ պաշտոնում մնալով նա կխոչընդոտի ծառայողական քննությանը,

8) ծառայողական քննության շրջանակներում բացատրություն տվող զինծառայողներին (Ձև N 6), այլ անձանց (Ձև N 7), փորձագետին (Ձև N 8), թարգմանչին (Ձև N 9) իրենց իրավունքներն ու պարտականությունները բացատրելը,

9) իր իրավասության սահմաններում միջնորդությունները լուծելը,

10) մինչև ծառայողական քննության ավարտը զինծառայողին իր վերաբերյալ ծառայողական քննության նյութերին ծանոթացնելը՝ բացառությամբ պետական և ծառայողական գաղտնիք պարունակող նյութերի, եթե զինծառայողը չունի համապատասխան թույլտվություն,

11) ծառայողական քննությունն ավարտելուց հետո ծառայողական քննության արդյունքների հիման վրա եզրակացություն կազմելը,

12) ծառայողական քննության կողմերին ծառայողական քննության արդյունքների հիման վրա կազմված եզրակացությունը ներկայացնելը,

13) կարգապահական խախտումների կանխարգելման, վերացման և բարեվարքության համակարգի վերաբերյալ առաջարկություններ ներկայացնելը,

14) ծառայողական քննության նյութերը կազմելը, համարակալելը և սահմանված կարգով պահպանման ներկայացնելը:

18. Զինծառայողը, որի նկատմամբ նշանակվել է ծառայողական քննություն, իրավունք ունի.

1) տեղեկանալ, թե ինչի կապակցությամբ է անցկացվում ծառայողական քննություն, և ծանոթանալ իր նկատմամբ ծառայողական քննություն անցկացնելու մասին ծառայողական քննություն նշանակելու իրավունք ունեցող հրամանատարի (պետի) հրամանին,

2) ծանոթանալ իր իրավունքներին ու պարտականություններին,

3) ծառայողական քննության կապակցությամբ ներկայացնել բացատրություններ և ստորագրել դրանք,

4) ընդունել կամ չընդունել իր կողմից խախտում կատարելու փաստը,

5) հրաժարվել բացատրություն տալուց,

6) ներկայացնել փաստաթղթեր կամ իրեր՝ ծառայողական քննության նյութերում ներառելու համար,

7) ծառայողական քննության ցանկացած փուլում ներկայացնել առանձին գործողություններ կատարելու միջնորդություններ, այդ թվում՝ միջնորդությունը հիմնավորող փաստաթղթեր կամ իրեր, առաջարկել ծառայողական քննության առարկայի վերաբերյալ այլ անձից (անձանցից) վերցնել բացատրություններ,

8) ներկայացնել ծառայողական քննություն իրականացնողին կամ ծառայողական քննությանն ընդգրկված փորձագետին կամ թարգմանչին բացարկ հայտնելու վերաբերյալ միջնորդություն՝ այն դեպքերում երբ առկա են այնպիսի հանգամանքներ, որոնք կարող են ողջամիտ կասկած հարուցել ծառայողական քննություն իրականացնողի կամ փորձագետի կամ թարգմանչի անաչառության վերաբերյալ,

9) ծանոթանալ իր մասնակցությամբ կատարված գործողությունների ընթացքի, բովանդակության, արդյունքների վերաբերյալ կազմված տեղեկանքներին կամ արձանագրություններին, դրանց կապակցությամբ ներկայացնել առաջարկություն կամ անհամաձայնություն,

10) ծանոթանալ ծառայողական քննության նյութերին, ինչպես նաև կատարել դրանցից քաղվածքներ, եթե դրանք չեն հանդիսանում պետական և ծառայողական գաղտնիք պարունակող նյութեր,

11) իր իրավունքների պաշտպանության շրջանակներում իրավաբանական օգնություն ստանալու նպատակով ներգրավել փաստաբան,

12) ծանոթանալ ծառայողական քննության արդյունքներով կազմված եզրակացությանը, բողոքարկել այն:

19. Զինծառայողի՝ որի նկատմամբ նշանակվել է ծառայողական քննություն, պարտականություններն են.

1) ծառայողական քննություն իրականացնողի ծանուցման հիման վրա ծառայողական քննության անցկացման վայր ներկայանալը և բացատրություն, իսկ անհրաժեշտության դեպքում լրացուցիչ բացատրություն տալը(Ձև N 10), իսկ բացատրություն տալուց հրաժարվելու դեպքում գրավոր պատճառաբանություն ներկայացնելը,

2) ծառայողական քննության շրջանակներում իրականացվող գործողություններին մասնակցելը և դրանց վերաբերյալ կազմված արձանագրությունը(նները) ստորագրելը, իսկ չստորագրելու դեպքում՝ գրավոր պատճառաբանություն ներկայացնելը,

3) ծառայողական քննություն իրականացնողի պահանջով՝ ծառայողական քննությանն անհրաժեշտ առարկաներ, փաստաթղթեր կամ այլ նյութեր ներկայացնելը,

4) ծառայողական քննություն իրականացնողի սույն կարգով սահմանված այլ պահանջները կատարելը:

20. Ծառայողական քննությանը ներգրավված այլ անձի իրավունքներն են.

1) ծառայողական քննությանը մասնակցելու պահից իր իրավունքների և պարտականությունների մասին գրավոր ծանոթանալը, ըստ անհրաժեշտության պարզաբանում ստանալը,

2) ծառայողական քննություն իրականացնողին հետաքրքրող հարցերի ու հանգամանքների վերաբերյալ իրեն հայտնի տեղեկություններ, բացատրություններ տալը,կամ հրաժարվել տեղեկություններ կամ բացատրություններ տալուց՝ եթե զինծառայողը հանդիսանում է իր ամուսինը կամ մերձավոր ազգականը,

3) ծանոթանալու իր մասնակցությամբ կատարված գործողությունների ընթացքի, բովանդակության, արդյունքների վերաբերյալ կազմված արձանագրություններին կամ տեղեկանքներին և դրանց կապակցությամբ առաջարկություն կամ անհամաձայնություն ներկայացնելը,

4) իր բացատրությամբ վկայակոչված ծառայողական քննության հանգամանքների վերաբերյալ տեղեկություններն ու փաստարկները հավաստող փաստաթղթեր, իրեր, նյութեր ներկայացնելը,

5) սույն կարգով նախատեսված գործողությունները կատարելու, ծառայողական քննության հանգամանքների վերաբերյալ այլ անձանցից բացատրություն վերցնելու, ծառայողական քննության նյութերին փաստական տվյալներ կցելու, դրանց ընթացք տալու, լրացուցիչ ուսումնասիրություններ կատարելու միջնորդություն ներկայացնելը,

6) ծառայողական քննություն անցկացնողի գործողությունները և ընդունած որոշումները ծառայողական քննություն նշանակած հրամանատարին (պետին) բողոքարկելը:

21. Ծառայողական քննությանը ներգրավված այլ անձը պարտավոր է իր ստորագրությամբ հաստատել իր մասնակցությամբ կատարված գործողությունների ընթացքի, բովանդակության և արդյունքների վերաբերյալ կազմված արձանագրություններում (տեղեկանքներում) առկա գրառումների ամբողջականությունն ու ճշտությունը, իսկ ստորագրելուց հրաժարվելու դեպքում գրավոր հիմնավորել այն:

22. Ծառայողական քննությանը ներգրավված փորձագետի իրավունքներն են.

2) ծառայողական քննությամբ պարզաբանման ենթակա հարցերին տեղեկանալը, ծառայողական քննությամբ ձեռք բերված նյութերին ծանոթանալը՝ բացառությամբ պետական և ծառայողական գաղտնիք պարունակող նյութերի, եթե փորձագետը չունի համապատասխան թույլտվություն,

3) իր մասնակցությամբ կատարված գործողությունների ընթացքի, բովանդակության, արդյունքների վերաբերյալ կազմված արձանագրություններին կամ տեղեկանքներին ծանոթանալը և դրանց կապակցությամբ առաջարկություն կամ անհամաձայնություն ներկայացնելը,

4) ծառայողական քննության մասնակիցներին հարցեր տալը,

5) ծառայողական քննություն իրականացնողին գրավոր կամ բանավոր առաջարկություններ ներկայացնելը՝ առանձին գործողություններ կատարելու, ինչպես նաև ծառայողական քննության նյութերին փաստաթղթեր, առարկաներ կցելու, դրանց ընթացք տալու վերաբերյալ:

23. Ծառայողական քննությանը ներգրավված փորձագետի պարտականություններն են.

1) ծառայողական քննություն իրականացնողի ծանուցման հիման վրա ներկայանալը, անհրաժեշտ գործողություններին մասնակցելը և իր մասնագիտական գիտելիքների սահմաններում առանձին հարցերի պարզաբանման և գործողությունների կատարման կապակցությամբ խորհրդատվություն տրամադրելը,

2) իր մասնակցությամբ կատարված գործողությունների ընթացքի, բովանդակության և արդյունքների վերաբերյալ կազմված արձանագրություններում (տեղեկանքներում) եղած գրառումների ամբողջականությունն ու ճշտությունը ստորագրությամբ հաստատելը, իսկ ստորագրելուց հրաժարվելու դեպքում գրավոր հիմնավորել այն,

3) իրեն առաջադրված և իր իրավասությանը վերաբերող հարցերի շուրջ ծառայողական քննություն իրականացնողի պահանջով փորձագիտական եզրակացություն ներկայացնելը.

4) ծառայողական քննություն իրականացնողի պահանջով իր ներկայացրած փորձագիտական եզրակացության կամ իր մասնակցությամբ կատարված գործողությունների պարզաբանման կապակցությամբ բացատրություններ, իսկ անհրաժեշտության դեպքում նաև լրացուցիչ բացատրություններ տալը:

24. Ծառայողական քննությանը ներգրավված թարգմանչի իրավունքներն են.

2) ծանոթանալու իր մասնակցությամբ կատարված գործողությունների ընթացքի, բովանդակության, արդյունքների վերաբերյալ կազմված արձանագրություններին, տեղեկանքներին և դրանց կապակցությամբ առաջարկություն կամ անհամաձայնություն ներկայացնելը:

25. Ծառայողական քննությանը ներգրավված թարգմանչի պարտականություններն են՝

1) ծառայողական քննություն իրականացնողի ծանուցման հիման վրա ներկայանալը, անհրաժեշտ գործողություններին մասնակցելը և ճշգրիտ թարգմանություն կատարելը.

3) ծառայողական քննություն իրականացնողի պահանջով տալ բացատրություններ իր կատարած թարգմանությունների վերաբերյալ:

4. ԾԱՌԱՅՈՂԱԿԱՆ ՔՆՆՈՒԹՅԱՆ ԱՆՑԿԱՑՄԱՆ ՀԻՄՔԸ ԵՎ ԸՆԹԱՑԱԿԱՐԳԸ

26. Ծառայողական քննությունը նշանակում է ծառայողական քննություն նշանակելու իրավունք ունեցող հրամանատարը (պետը):

27. Ծառայողական քննություն անցկացնելու հիմքը ծառայողական քննություն նշանակելու իրավասություն ունեցող հրամանատարի (պետի) կողմից ընդունված համապատասխան հրամանն է:

28. Ծառայողական քննություն նշանակելու մասին հրամանում նշվում են՝

1) ծառայողական քննություն նշանակելու դեպքը կամ առիթը, և պարզաբանման ենթակա հարցերը,

2) ծառայողական քննություն իրականացնողի, իսկ աշխատանքային խումբ ստեղծելու դեպքում իրականացնողների մասին տվյալները (պաշտոնը, կոչումը, անուն, ազգանուն, հայրանունը),

3) ծառայողական քննության անցկացման ժամկետը:

29. Ծառայողական քննությունն անցկացնում է ծառայողական քննություն իրականացնողը (աշխատանքային խումբը): Ծառայողական քննություն իրականացնողը (աշխատանքային խմբի անդամները) ծառայողական քննության ժամանակահատվածում ազատվում է (են) իր(իրենց) պաշտոնեական պարտականությունների կատարումից, մարտական հերթապահությունից, վերակարգից:

30. Ծառայողական քննությունն անցկացվում է ծառայողական շենքերում, աշխատանքային օրերին և ժամերին: Ծառայողական անհրաժեշտությամբ պայմանավորված՝ ծառայողական քննություն իրականացնողի (աշխատանքային խմբի ղեկավարի) որոշմամբ սույն կարգով սահմանված գործողությունները կարող են կատարվել նաև ոչ աշխատանքային օրերին և ժամերին:

31. Պետական գաղտնիք պարունակող տեղեկությունների հետ առնչվող ծառայողական քննությունն անցկացվում է «Պետական գաղտնիքի մասին» օրենքի և այլ նորմատիվ իրավական ակտերի պահանջներին համապատասխան:

32. Ծառայողական քննության ընթացքում պարզաբանման ենթակա են.

1) իրավախախտման դեպքը, տեսակը և հանգամանքները (կատարման ժամանակը, տեղը, եղանակը և այլն),

2) զինծառայողի մեղքի առկայությունը կամ բացակայությունը իրավախախտում կատարելու մեջ,

3) իրավախախտմանը նպաստող պայմանները,

4) այն հանգամանքները, որոնցով ծառայողական քննությանը մասնակցող անձինք հիմնավորում են իրենց փաստարկներն ու պահանջները,

5) իրավախախտման հետևանքով հասցված նյութական վնասի չափը, վնասի վերականգնման համար անհրաժեշտ գործողությունները:

33. Ծառայողական քննություն անցկացվում է առավելագույնը 30 աշխատանքային օրվա ընթացքում, որը հաշվվում է ծառայողական քննություն նշանակելու մասին հրամանի ստորագրմանը հաջորդող օրվանից: Նշված ժամկետը ծառայողական քննություն նշանակած հրամանատարի (պետի) հրամանով կարող է երկարաձգվել մինչև 15 աշխատանքային օրով` ծառայողական քննություն իրականացնողի պատճառաբանված զեկուցագրի հիման վրա: Սույն կետում սահմանված ժամկետներում չեն հաշվարկվում ծառայողական քննության կասեցման ժամանակահատվածները:

34. Ծառայողական քննության իրականացնողը գործում է Օրենքով և սույն կարգով իրեն վերապահված լիազորությունների շրջանակներում և ծառայողական քննությունն անցկացնում է հանգամանքների ստուգմամբ, համադրմամբ և պարզաբանմամբ:

35. Ծառայողական քննությունն անցկացվում է ծառայողական քննության մասնակիցներից բացատրություն վերցնելու, ինչպես նաև սույն կարգով սահմանված և օրենքով չարգելված այլ գործողություններ կատարելու միջոցով:

36. Բացատրությունը վերցվում է անհատապես և առանձնացված տարածքում՝ ծառայողական քննություն իրականացնողի կողմից արձանագրություն կազմելու միջոցով: Բացատրության մեջ նշվում է այն կազմելու տեղը, ժամանակը, բացատրություն վերցնողի և բացատրություն տվողի պաշտոնը, զինվորական կոչումը, անունը, ազգանունը, հայրանունը: Բացատրությունը շարադրվում է անձամբ և գրի է առնվում բացատրություն տվողի ձեռքով կամ վերջինիս ցանկությամբ բացատրություն վերցնողի կողմից՝ առաջին դեմքով: Բացատրությունը կարող է կազմվել նաև համակարգչի կիրառմամբ՝ տպագիր:

37. Բացատրություն տվողը ծանոթանում է բացատրության արձանագրությանը՝ դրա յուրաքանչյուր էջի վերջում իր ստորագրությունը դնելով: Բացատրության արձանագրության վերջին էջը ստորագրում են նաև բացատրություն վերցնողը, իսկ բացատրություն վերցնելուն թարգմանչի և (կամ) փորձագետի մասնակցության դեպքում՝ նաև վերջիններս: Բացատրություն տալուց կամ արձանագրությունը ստորագրելուց հրաժարվելու դեպքում այդ մասին նշում է կատարվում արձանագրությունում, որը հաստատվում է ծառայողական քննություն իրականացնողի և երկու այլ անձի ստորագրություններով:

38. Մարտական հերթապահության կամ վերակարգում ընդգրկված զինծառայողից բացատրություն կարող է վերցվել մարտական հերթապահության ավարտից կամ վերակարգը հանձնելուց հետո:

39. Ծառայողական քննության համար նշանակություն ունեցող հանգամանքները պարզելու նպատակով ծառայողական քննություն իրականացնողը կարող է կատարել դեպքի վայրի, շինությունների, առարկաների, իրերի և փաստաթղթերի զննություն: Զննություն կատարվում է նաև այն դեպքերում, երբ ուսումնասիրության ենթակա փաստաթղթերի ամենօրյա օգտագործման անհրաժեշտությունից, մեծածավալությունից ելնելով նպատակահարմար չէ դրանք կցել ծառայողական քննության նյութերին, ինչպես նաև երբ զինծառայողը՝ ում նկատմամբ նշանակված է ծառայողական քննությունը կամ ծառայողական քննության այլ մասնակիցները ներկայացնում են իրենց նշած փաստարկները հիմնավորող ապացույցներ (փաստաթղթեր, իրեր, առարկաներ և այլն): Զննության արդյունքների վերաբերյալ կազմվում է արձանագրություն, որը ստորագրվում է ծառայողական քննություն իրականացնողի, զննությանը մասնակցելու դեպքում՝ զինծառայողի, և զննությանը մասնակցած այլ անձի(անց) կողմից:

40. Առանձին փաստերի, հանգամանքների առկայությունը, գործողությունների կատարմանը մասնակցելու ենթակա անձանց բացակայությունը, ինչպես նաև սույն կարգով սահմանված առանձին գործողությունների կատարման անհնարինությունը փաստելու վերաբերյալ ծառայողական քննություն իրականացնողը կազմում է տեղեկանք: Տեղեկանքում նշվում են այն կազմելու վայրը, օրը ամիսը, տարին և ժամը, սույն կետում նշված հանգամանքները: Տեղեկանքը ստորագրում են այն կազմողը և ներկա գտնվողները: Տեղեկանքին որպես հավելվածներ կարող են կցվել փաստաթղթերի բնօրինակներ և (կամ)պատճեններ:

41. Զինծառայողը՝ ում նկատմամբ նշանակված է ծառայողական քննությունը, ինչպես նաև ծառայողական քննությանը ներգրավված փորձագետը, թարգմանիչը, այլ անձը ծառայողական քննությանը մասնակցում են ծանուցման հիման վրա՝ սույն կարգի 4-րդ կետի 4-րդ ենթակետի համաձայն:Գրավոր ծանուցումն իրականացվում է ծանուցագիրը ստորագրությամբ հանձնելու միջոցով, իսկ ծանուցվողի բացակայության դեպքում ծանուցագիրը փոխանցվում է վերջինիս ծառայության կամ ուսման վայրի վարչակազմի միջոցով, ինչպես նաև ըստ բնակության վայրի:Հեռախոսակապի միջոցով ծանուցման դեպքում կազմվում է հեռախոսագիր (Ձև N11), որում նշվում են այն կազմելու վայրը, տարին, ամսաթիվը, ժամը, ծանուցողի և ծանուցվողի հեռախոսահամարները և ստորագրվում է կազմողի կողմից, իսկ էլեկտրոնային փոստի միջոցով ծանուցման դեպքում՝ էլեկտրոնային փոստից տպվում է համապատասխան քաղվածք: Գրավոր, հեռախոսակապի կամ էլեկտրոնային փոստի միջոցով ծանուցումը հավաստող գրության օրինակը, հեռախոսագիրը կամ քաղվածքը կցվում են ծառայողական քննության նյութերին:

42. Ծառայողական քննություն իրականացնողը ծառայողական քննության մասնակիցներին բացատրում է սույն կարգով նրանց վերապահված իրավունքները և պարտականությունները, որոնց կապակցությամբ կազմված արձանագրությունների տակ նրանք համապատասխան նշում են կատարում և ստորագրում:

43. Ծառայողական քննության ընթացքը և արդյունքները ծառայողական քննություն իրականացնողը պետք է գրանցի արձանագրություններում և այլ փաստաթղթերում և դրանց կցված հավելվածներում: Արձանագրությունները կազմվում են ձեռագիր կամ տպագիր՝ արձանագրման համար օգտագործելով մեխանիկական միջոցներ կամ համակարգչային տեխնիկա: Ծառայողական քննության ընթացքն ու արդյունքները արձանագրող փաստաթղթերը պետք է կազմվեն այնպես, որ ապահովվի դրանց բովանդակության հստակ ընկալումը:

44. Հատուկ մասնագիտական գիտելիքների վերաբերյալ խորհրդատվություն կամ համապատասխան փորձագիտական եզրակացություն տրամադրելու համար, ծառայողական քննության ցանկացած փուլում՝ մինչև ծառայողական քննության եզրակացության կազմումը, ծառայողական քննություն իրականացնողի համապատասխան միջնորդության հիման վրա ծառայողական քննություն նշանակելու իրավունք ունեցող հրամանատարը (պետը) իր որոշմամբ՝ Պաշտպանության նախարարության համակարգում համապատասխան մասնագետի բացակայության դեպքում, կարող է դիմել այլ պետական մարմնի կամ իրավաբանական անձի՝ վերջիններիս աշխատակցին ծառայողական քննությանը որպես փորձագետ ներգրավվելու համար: Ծառայողական քննություն նշանակելու իրավունք ունեցող հրամանատարի (պետի) փորձագետ ներգրավվելու հրամանով, սահմանվում է փորձագետի կողմից պարզաբանման ենթակա հարցը կամ հարցերի շրջանակը: Փորձագետը ծառայողական քննություն իրականացնողին է ներկայացնում իր կրթության և (կամ) որակավորման վերաբերյալ փաստաթղթերը, որոնց պատճենները կցվում են ծառայողական քննության նյութերին: Պաշտպանության նախարարության համակարգում մասնագետի ներգրավումը ծառայողական քննության իրականացվում է հրամանատարի (պետի) հրամանով:

45. Թարգմանիչը հրավիրվում և ծառայողական քննության մասնակից է դարձվում ծառայողական քննության ցանկացած փուլում՝ մինչև ծառայողական քննության եզրակացության կազմումը, սույն կարգի 41-րդ կետով սահմանված ընթացակարգով:

46. Ծառայողական քննության ցանկացած փուլում՝ մինչև ծառայողական քննության եզրակացության կազմումը, ծառայողական քննություն իրականացնողին հետաքրքրող հարցերի ու հանգամանքների վերաբերյալ համապատասխան բացատրություններ կամ տեղեկություններ տալու համար կարող է ներգրավվել ծառայողական քննության հետ առնչություն ունեցող այլ անձ՝ ծառայողական քննություն իրականացնողի ծանուցմամբ:

47. Ծառայողական քննություն իրականացնողը միջնորդությունը(ները) քննարկում է ծառայողական քննության շրջանակներում և 2 աշխատանքային օրվա ընթացքում ընդունում է պատճառաբանված որոշում՝ միջնորդությունը(ները) ամբողջությամբ կամ մասնակի բավարարելու, կամ մերժելու մասին, որի օրինակը տրամադրում կամ ուղարկում է (այդ թվում նաև էլեկտրոնային փաստաթղթաշրջանառության համակարգի միջոցով) միջնորդություն ներկայացրած մասնակցին: Որոշման հետ համաձայն չլինելու դեպքում ծառայողական քննության մասնակիցը, պատասխանը ստանալուց հետո 2 աշխատանքային օրվա ընթացքում, կարող է այն բողոքարկել ծառայողական քննություն նշանակած հրամանատարին (պետին): Բողոքը ստանալուց հետո 2 աշխատանքային օրվա ընթացքում հրամանատարը (պետը) կայացնում է համապատասխան որոշում՝ բողոքը ամբողջությամբ կամ մասնակի բավարարելու կամ մերժելու մասին, որի օրինակը տրամադրվում կամ ուղարկվում է (այդ թվում նաև էլեկտրոնային փաստաթղթաշրջանառության համակարգի միջոցով) միջնորդություն ներկայացրած մասնակցին:

48. Միջնորդություններ ներկայացնելը և դրանց վերաբերյալ կայացրած որոշումների բողոքարկումը չի կասեցնում ծառայողական քննության ընթացքը:

49. Ծառայողական քննություն իրականացնողը ծառայողական քննությունն անցկացնում է ծառայողական քննություն նշանակելու առիթ հանդիսացող հանգամանքների ստուգման, համադրման և պարզաբանման միջոցով: Ծառայողական քննության ընթացքում ծառայողական քննության առարկայից դուրս այլ բնույթի խախտում հայտնաբերելու դեպքում ծառայողական քննություն իրականացնողը դրա մասին գրավոր զեկուցում է ծառայողական քննություն նշանակելու իրավասություն ունեցող հրամանատարին (պետին): Այդ դեպքում ծառայողական քննություն նշանակելու իրավունք ունեցող հրամանատարը (պետը) իրավունք ունի կայացնել որոշում՝ նոր ծառայողական քննություն նշանակելու կամ նոր խախտման հանգամանքը նշանակված ծառայողական քննության շրջանակներում անցկացնելու, ինչպես նաև նշանակված ծառայողական քննության ժամկետը երկարաձգելու մասին:

50. Ծառայողական քննություն նշանակելու իրավասություն ունեցող հրամանատարի (պետի) որոշմամբ մեկ վարույթում կարող են միացվել մեկ կամ մի քանի խախտման վերաբերյալ իրականացվող ծառայողական քննությունների վարույթները կամ մեկ զինծառայողի կողմից կատարված խախտումների վերաբերյալ իրականացվող ծառայողական քննության վարույթները, եթե դրանց փաստական հանգամանքներով պայմանավորված, առկա է բազմակողմանի, լրիվ և օբյեկտիվ քննություն ապահովելու անհրաժեշտություն: Ծառայողական քննություն նշանակելու իրավասություն ունեցող հրամանատարի (պետի) որոշմամբ ծառայողական քննությունից կարող է առանձնացվել դրա մի մասը և քննվել առանձին կարգով:

51. Ծառայողական քննություն իրականացնողը գնահատելով ծառայողական քննության ընթացքում ձեռք բերված ապացույցները, որոշում է փաստի(երի) հաստատված լինելու հարցը` ապացույցների բազմակողմանի, լրիվ և օբյեկտիվ հետազոտման վրա հիմնված ներքին համոզմամբ։

52. Զինծառայողի կողմից կարգապահական խախտում(ներ) կատարելու մասին հետևությունները չեն կարող հիմնվել ենթադրությունների վրա: Այդ հետևությունները պետք է հաստատվեն ծառայողական քննությամբ հավաքված, ծառայողական քննությանը վերաբերող և փոխկապակցված հավաստի տվյալների բավարար ամբողջությամբ:

5. ԾԱՌԱՅՈՂԱԿԱՆ ՔՆՆՈՒԹՅԱՆ ԿԱՍԵՑՈՒՄԸ ԵՎ ՎԵՐՍԿՍՈՒՄԸ

53. Ծառայողական քննություն նշանակելու իրավունք ունեցող հրամանատարը (պետը), ամբողջությամբ կամ համապատասխան մասով կարող է կասեցնել ծառայողական քննության ընթացքը:

54. Նշանակված ծառայողական քննությունը կասեցվում է.

1) զինծառայողի ժամանակավոր անաշխատունակության պատճառով բացակայության, նրա գործուղման կամ արձակուրդի կամ մարտական հերթապահության մեջ գտնվելու դեպքում՝ դրանց ժամկետներով, կամ

2) ծառայողական քննության անցկացմանը խոչընդոտող այլ անհաղթահարելի ուժ առաջանալու դեպքում՝ դրա ժամկետով, կամ

3) ծառայողական քննության ընթացքում Հայաստանի Հանրապետության քրեական օրենսգրքով սահմանված հանցագործության(ունների) հատկանիշներ հայտնաբերելու դեպքում՝ այդ հատկանիշների մասով, որի մասին ծառայողական քննություն իրականացնողը զեկուցում է ծառայողական քննություն նշանակած հրամանատարին (պետին) և նրա հանձնարարությամբ ծառայողական քննության նյութերի պատճեններն ուղարկվում են քրեական հետապնդում իրականացնող մարմին, կամ

4) անհնարին է ծառայողական քննության արդյունքում ակնկալվող որոշման ընդունումը՝ մինչև սահմանադրական կամ վարչական կամ քաղաքացիական կամ քրեական դատավարության կարգով քննվող գործով վերջնական որոշում կայացնելը:

55. Սույն կարգի 54-րդ կետի 3-րդ ենթակետի համաձայն կասեցման շրջանակներից դուրս հանգամանքների վերաբերյալ ծառայողական քննությունը կարող է շարունակվել սույն կարգի պահանջներին համապատասխան, եթե, բացառելով կասեցված մասով ապացույցների ձեռք բերումը և գնահատումը, այդ հանգամանքների վերաբերյալ առկա ապացույցների գնահատմամբ ծառայողական քննության շարունակումն այն իրականացնողի կողմից համարվում է հնարավոր:

56. Քրեական հետապնդում իրականացնող մարմնի կողմից քրեական վարույթի հարուցումը մերժվելու դեպքում կասեցված ծառայողական քննությունը վերսկսվում է՝ մերժման որոշումը ստանալու օրվանից հետո՝ երեք աշխատանքային օրվա ընթացքում, իսկ քրեական վարույթ հարուցվելու դեպքում կասեցված ծառայողական քննությունը դադարեցվում է՝ առանց ամփոփիչ եզրակացություն կազմելու: Սույն կարգի 54-րդ կետում նախատեսված այլ հանգամանքներով կասեցված ծառայողական քննությունը վերսկսվում է՝ այդ հանգամանքները վերանալու օրվանից հետո՝ երեք աշխատանքային օրվա ընթացքում:

6. ԾԱՌԱՅՈՂԱԿԱՆ ՔՆՆՈՒԹՅԱՆ ԴԱԴԱՐԵՑՈՒՄԸ, ԱՎԱՐՏԸ, ԱՐԴՅՈՒՆՔՆԵՐԻ ԱՄՓՈՓՈՒՄԸ ԵՎ ԲՈՂՈՔԱՐԿՈՒՄԸ

57. Ծառայողական քննությունը ցանկացած փուլում դադարեցվում է, եթե՝

1) ծառայողական քննություն նշանակելու իրավասություն ունեցող հրամանատարի (պետի) հրամանով դադարեցվել է ծառայողական քննություն նշանակելու մասին հրամանի գործողությունը,

2) զինծառայողը՝ ում նկատմամբ նշանակված է ծառայողական քննություն, արձակվել է զինվորական ծառայությունից կամ մահացել է, և կարգապահական պատասխանատվության ենթակա այլ զինծառայողներ կամ պարզման ենթակա այլ հանգամանքներ չկան,

3) լրացել են Օրենքի 27-րդ հոդվածի 2-րդ մասով նախատեսված՝ կարգապահական տույժ կիրառելու համար սահմանված ժամկետները և կարգապահական պատասխանատվության ենթակա այլ զինծառայողներ կամ պարզման ենթակա այլ հանգամանքներ չկան,

4) սույն կարգի 56-րդ կետում նշված դեպքում:

58. Ծառայողական քննությունը դադարեցվում կամ ավարտվում է ծառայողական քննությունն իրականացնողի՝ ծառայողական քննության արդյունքներով կազմված եզրակացության հիման վրա՝ ծառայողական քննությունը նշանակած հրամանատարի (պետի) համապատասխան հրամանով:

59. Ծառայողական քննություն իրականացնողը ծառայողական քննություն նշանակած հրամանատարին (պետին) զեկուցում է ծառայողական քննությունն ավարտելու մասին, ինչպես նաև երկու աշխատանքային օրվա ընթացքում ծանուցում է զինծառայողին՝ ում նկատմամբ անցկացվել է ծառայողական քննությունը, ծառայողական քննության նյութերին ծանոթանալու իրավունքի և ծանոթանալու վայրի ու ժամի մասին: Ծառայողական քննության նյութերին զինծառայողի ծանոթանալու վերաբերյալ կազմվում է համապատասխան արձանագրություն:

60. Ծառայողական քննության նյութերը ծանոթացման համար տրամադրվում են համարակալվելուց և կարվելուց հետո: Զինծառայողը ծառայողական քննության նյութերին ծանոթանում է ծառայողական քննություն իրականացրած ստորաբաժանման վարչական շենքում կամ ծառայողական քննությունն իրականացնողի կողմից նշված այլ վայրում՝ ծառայողական քննությունն իրականացնողի ներկայությամբ:

61. Մարտական հերթապահության կամ վերակարգում ընդգրկված զինծառայողը ծառայողական քննության նյութերին ծանոթանալու վերաբերյալ ծանուցվում է մարտական հերթապահության ավարտից կամ վերակարգը հանձնելուց հետո:

62. Ծառայողական անհրաժեշտությամբ, առողջական վիճակով կամ այլ հարգելի պատճառներով պայմանավորված՝ զինծառայողի կողմից ծառայողական քննության նյութերին և եզրակացությանը ծանոթանալու համար սահմանված ժամկետը կարող է երկարացվել՝ ծառայողական քննությունն իրականացնողի որոշմամբ:

63. Զինծառայողի կողմից ծառայողական քննության նյութերին ծանոթանալուց կամ այդ կապակցությամբ կազմված արձանագրությունը ստորագրելուց հրաժարվելու կամ սույն կարգով սահմանված ժամկետում ծառայողական քննության նյութերին ծանոթանալու համար չներկայանալու դեպքում ծառայողական քննություն իրականացնողը դրա մասին գրառում է կատարում արձանագրության մեջ:

64. Ծառայողական քննության նյութերին ծանոթանալուց հետո զինծառայողը երկու աշխատանքային օրվա ընթացքում կարող է ներկայացնել գրավոր միջնորդություն՝ ծառայողական քննության նյութերին փաստաթղթեր և այլ փաստական տվյալներ կցելու վերաբերյալ՝ հիմնավորելով նաև դրանց կցման անհրաժեշտությունը: Ծառայողական քննություն իրականացնողը քննարկում է միջնորդությունը և արդյունքների մասին երկու աշխատանքային օրվա ընթացքում գրավոր տեղեկացնում զինծառայողին:

65. Ծառայողական քննության արդյունքներն ամփոփվում են ծառայողական քննությունն ավարտելուց հետո հինգ աշխատանքային օրվա ընթացքում՝ ծառայողական քննություն իրականացնողի կողմից կազմված եզրակացությամբ:

66. Եզրակացությունը բաղկացած է ներածական, նկարագրական-պատճառաբանական և եզրափակիչ մասերից:

67. Ներածական մասում շարադրվում են, թե ով, որտեղ, երբ և ինչ հիմքով է անցկացրել ծառայողական քննությունը, ինչպես նաև ծառայողական քննության նշանակման համար հիմք հանդիսացած հանգամանքի բնույթը:

68. Նկարագրական-պատճառաբանական մասում շարադրվում են ծառայողական քննության ընթացքում պարզված հանգամանքները և դրանց հիմնավորումները, խախտման (դեպքի) տեղը և ժամանակը, կատարողը, իրավախախտումն ինչ միջոցներով, նպատակով կամ շարժառիթներով, դիտավորությամբ, թե անզգուշությամբ է կատարվել, զինծառայողի մեղավորությունը կամ անմեղությունը հաստատող փաստական տվյալները, խախտման բնույթը և բնութագրող այլ հանգամանքները, խախտման հետևանքները, կարգապահական պատասխանատվությունը մեղմացնող կամ ծանրացնող հանգամանքները, զինծառայողի ներկայացրած փաստարկները և դրանց ստուգման արդյունքները, խախտման պատճառների և դրան նպաստած հանգամանքների բացահայտումը և վերլուծությունը, զինծառայողի ծառայողական բնութագիրը և ստացած կարգապահական տույժերն ու խրախուսանքները:

69. Եզրափակիչ մասում շարադրվում են, թե օրենքի և այլ նորմատիվ իրավական ակտերի որ նորմը(երը) և ում կողմից են խախտվել, ծառայողական քննության արդյունքների վերաբերյալ արված հետևությունների, խախտման հետևանքով հասցված նյութական կամ այլ վնասի, դրանց չափի, նյութական վնասը լրիվ կամ մասնակի վերականգնված լինելու դեպքում՝ վերականգնման, ծառայողական քննություն նշանակած հրամանատարին (պետին) ներկայացվող առաջարկությունները և նմանատիպ խախտումները կանխարգելելու վերաբերյալ միջոցառումների մասին տեղեկությունները, կարգապահական խախտման փաստը չհաստատվելու դեպքում՝ դրա հիմնավորումները, ծառայողական քննություն իրականացնողի զբաղեցրած պաշտոնը, կոչումը (առկայության դեպքում), անունը, ազգանունը, եզրակացությունը կազմելու օրը, ամիսը, տարին:

70. Եզրակացությունը կազմում և ստորագրում է ծառայողական քննություն իրականացնողը (աշխատանքային խմբի ղեկավարը և անդամները):

71. Ծառայողական քննության ամփոփիչ եզրակացությունը՝ ծանոթացման համար, սույն կարգի 59-63-րդ կետերի համաձայն, տրամադրվում է զինծառայողին, ինչի մասին վերջինիս ստորագրությամբ նշում է կատարվում ամփոփիչ եզրակացության վերջին էջում:

72. Ծառայողական քննություն իրականացնողը ծառայողական քննության արդյունքների հիման վրա կազմված եզրակացությունը՝ կից նյութերով, եռօրյա ժամկետում ներկայացնում է ծառայողական քննությունը նշանակած հրամանատարին (պետին)՝ որոշում կայացնելու համար:

73. Ծառայողական քննություն նշանակած հրամանատարը (պետը) նախքան որոշում կայացնելն անհրաժեշտության դեպքում կարող է խորհրդակցել ծառայողական քննություն իրականացնողի հետ, ինչպես նաև զրույց ունենալ զինծառայողի հետ՝ ում նկատմամբ նշանակված է ծառայողական քննությունը:

74. Քննարկման արդյունքներով ծառայողական քննություն նշանակած հրամանատարը (պետը) անհրաժեշտության դեպքում կարող է.

1) ծառայողական քննություն իրականացնողին գրավոր (կամ մակագրությամբ) ցուցում տալ փոխելու եզրակացությունը՝ դրանում եղած ձևակերպումներից և հետևություններից առանձին կետեր հանելու կամ փոփոխելու միջոցով,

2) ծառայողական քննություն իրականացնողին լրացուցիչ գործողություններ կատարելու և առանձին հանգամանքներ պարզելու համար գրավոր (կամ մակագրությամբ) ցուցում տալ՝ նշելով կատարման համապատասխան ժամկետը, որը չի կարող գերազանցել հինգ աշխատանքային օրը: Լրացուցիչ գործողությունների ավարտից հետո ծառայողական քննության նյութերին և եզրակացությանը ծանոթանալու գործընթացներն իրականացվում են սույն կարգով սահմանված ընթացակարգով:

75. Սույն կարգի 74-րդ կետի 1-ին և 2-րդ ենթակետերով նախատեսված դեպքերում կազմվում է նոր եզրակացություն, իսկ նախկին եզրակացությունը կցվում է ծառայողական քննության նյութերին: Նոր եզրակացությանը զինծառայողը ծանոթացվում է սույն գլխով սահմանված կարգով:

76. Ծառայողական քննություն նշանակած հրամանատարը (պետը) ամբողջությամբ կամ մասնակիորեն, հիմք ընդունելով ծառայողական քննության արդյունքներով կազմված ամփոփիչ եզրակացությունը, կարող է ընդունել հետևյալ որոշումներից մեկը.

1) իրավախախտում կատարած զինծառայողին ենթարկել օրենքով սահմանված կարգապահական և (կամ) նյութական պատասխանատվության,

2) օրենքով սահմանված կարգով նյութերը հանձնել զորամասի սպայի պատվի դատարանի կամ օրենքով սահմանված ժողովների քննարկմանը,

3) անհրաժեշտության դեպքում, երկու աշխատանքային օրվա ընթացքում, ծառայողական քննության բոլոր նյութերն ուղարկել իրավախախտում կատարած զինծառայողի նոր ծառայության վայրի զորամասի հրամանատարին` զինծառայողի նկատմամբ օրենքով սահմանված կարգապահական պատասխանատվության միջոց կիրառելու համար,

4) ծառայողական քննության նյութերն՝ առաջարկություններով, ուղարկել վերադաս հրամանատարին (պետին)` Օրենքի 27-րդ հոդվածի 7-րդ մասով նախատեսված դեպքերում ըստ գործի էության որոշում կայացնելու համար,

5) օրենքով սահմանված կարգով ծառայողական քննության նյութերն ուղարկել կայազորի զինվորական դատախազություն:

77. Ծառայողական քննության արդյունքներով կարգապահական տույժ տալու մասին հրամանի պատճենը երկու աշխատանքային օրվա ընթացքում տրամադրվում է (նաև էլեկտրոնային փաստաթղթաշրջանառության համակարգի միջոցով) կարգապահական տույժի ենթարկված զինծառայողին և ծառայողական քննություն իրականացնողին:

78. Տրված կարգապահական տույժը զինծառայողը կարող է ըստ վերադասության բողոքարկել օրենքով սահմանված կարգով՝ տույժի մասին իրեն հայտարարելու (տույժի մասին հրամանի պատճենը ստանալու) օրվանից ոչ ուշ, քան մեկամսյա ժամկետում, ինչպես նաև դատական կարգով՝ երկամսյա ժամկետում: Տրված կարգապահական տույժը բողոքարկելու մասին զեկուցագրի ընթացքը որոշվում է օրենքով սահմանված կարգով և ժամկետներում:

7. ԾԱՌԱՅՈՂԱԿԱՆ ՔՆՆՈՒԹՅԱՆ ՆՅՈՒԹԵՐԻ ՀԱՇՎԱՌՈՒՄԸ ԵՎ ՊԱՀՊԱՆՈՒՄԸ

79. Ծառայողական քննության նյութերը ներառում են.

1) ծառայողական քննության նշանակման առիթ հանդիսանալու վերաբերյալ փաստաթղթերը,

2) ծառայողական քննության նշանակման մասին հրամանը,

3) համապատասխան ստուգումների մասին ակտը (եզրակացությունը),

4 ծառայողական քննության մասնակիցների բացատրությունները,

5) զինծառայողի ծառայողական քարտի պատճենը` հաստատված զորամասի իրավասու պաշտոնատար անձի կողմից,

6) անմիջական հրամանատարի (պետի) կողմից տրված զինծառայողի ծառայողական բնութագիրը` հաստատված զորամասի հրամանատարի կողմից.

7) զինծառայողին պաշտոնի նշանակելու մասին հրամանի քաղվածքը կամ զորամասի կնիքով հաստատված հրամանի պատճենը,

8) զննությունների, ծառայողական քննության նյութերին ծանոթանալու ինչպես նաև ծառայողական քննության այլ գործողությունների վերաբերյալ արձանագրությունները և դրանց կից փաստաթղթերը (պատճենները),

9) փորձագետի եզրակացությունները, թարգմանչի թարգմանությունները,

10) էլեկտրոնային, տեսաձայնագրման և աուդիոձայնագրման կրիչները, լուսանկարները,

11) պետական, տեղական ինքնակառավարման, իրավապահ և այլ մարմինների, կազմակերպությունների գրությունները, նրանց հասցեագրված հարցումների օրինակները և պատասխանները,

12) ծառայողական քննության ընթացքում ձեռք բերված այլ փաստաթղթերն ու դրանց պատճենները,

13) ծառայողական քննության արդյունքների հիման վրա կազմված եզրակացությունը,

14) ծառայողական քննության արդյունքներով ծառայողական քննություն նշանակած հրամանատարի (պետի) ընդունած որոշման (հրամանի) պատճենը կամ քաղվածքը:

80. Ծառայողական քննության ընթացքում ձեռքբերված նյութերն ու ներկայացված բոլոր փաստաթղթերը կարվում են կազմին, թերթերը համարակալվում և ցուցակագրվում են ըստ ժամանակագրական հերթականության (Ձև N12):

81. Ծառայողական քննության նյութերը հաշվառվում են դրանց համար նախատեսված հատուկ մատյաններում (Ձև N13) և պահվում են զորամասի շտաբում (զինվորական կառավարման մարմնում)՝ հինգ տարի ժամկետով, որը լրանալուց հետո սահմանված կարգով ոչնչացվում են:

82. Ծառայողական քննության նյութերում գաղտնի փաստաթղթեր (պատճեններ) կամ այլ նյութեր առկա լինելու դեպքում ծառայողական քննության բոլոր նյութերը հաշվառվում և պահվում են զորամասի գաղտնի մասում:

Ձև N 1

ԱՐՁԱՆԱԳՐՈՒԹՅՈՒՆ

ԾԱՌԱՅՈՂԱԿԱՆ ՔՆՆՈՒԹՅԱՆ ՇՐՋԱՆԱԿՆԵՐՈՒՄ

ԲԱՑԱՏՐՈՒԹՅՈՒՆ ՎԵՐՑՆԵԼՈՒ ՄԱՍԻՆ

«____»_________20 թ.

______________

(վայրը)

Բացատրություն վերցնողի պաշտոնը, կոչումը և ազգանունը

____________________________________________________________________________________

բացատրություն վերցրեցի.

Ազգանուն, անուն, հայրանուն _________________________________________________________

____________________________________________________________________________________

Ծննդյան տարեթիվ, ծննդավայր _______________________________________________________

Ազգություն, քաղաքացիություն

____________________________________________________________________________________

Կրթություն __________________________________________________________________________

Ընտանեկան դրություն________________________________________________________________

Ծառայության վայր___________________________________________________________________

Պաշտոն և կոչում____________________________________________________________________

Հաշվառման, փաստացի բնակության վայրի հասցեներ և հեռախոսահամարներ

____________________________________________________________________________________

Տալիս եմ սույն բացատրությունն այն մասին, որ__________________________________________

____________________________________________________________________________________

_________________________

(բացատրություն տվողի ստորագրությունը)

____________________________________________________________________________________

__________________________ / _________________/

(բացատրություն տվողի ստորագրությունը, անունը, ազգանունը)

___________________________ / _________________/

(բացատրություն վերցնողի ստորագրությունը, անունը, ազգանունը)

Ձև N 2

ԾԱՌԱՅՈՂԱԿԱՆ ՔՆՆՈՒԹՅԱՆ ՇՐՋԱՆԱԿՆԵՐՈՒՄ ԶՆՆՈՒԹՅԱՆ ԱՐՁԱՆԱԳՐՈՒԹՅՈՒՆ

«____»_________20 թ.

______________

(վայրը)

____________________________________________________________________________________

(զննություն կատարողի պաշտոնը, կոչումը, անունը և ազգանունը)

____________________________________________________________________________________

մասնակցությամբ՝____________________________________________________________________

(զննությանը մասնակցող անձի (անձանց) պաշտոնը, կոչումը, անունը և ազգանունը)

____________________________________________________________________________________

(զննության կատարման վայրը)

կատարեցի__________________________________________________________________________

(զննության օբյեկտի ձեռքբերման աղբյուրը և առարկայի, փաստաթղթի, տեղանքի անվանումը)

____________________________________________________________________________________

_________________________________________________________________________զննությունը:

(զննության նպատակը)

ԶՆՆՈՒԹՅԱՆ ԱՐԴՅՈՒՆՔՆԵՐԸ

____________________________________________________________________________________

(զննության ենթակա օբյեկտի մանրամասն նկարագրությունը)

____________________________________________________________________________________

(Տեղեկություններ զննության ընթացքում կազմված սխեմաների, պլանների, օգտագործված տեխնիկական միջոցների մասին)

____________________________________________________________________________________

(Տեղեկություններ զննության ընթացքում վերցված և սույն արձանագրությանը կցված փաստաթղթերի, առարկաների մասին)

____________________________________________________________________________________

___________________________________________________________________________________ :

Զննությունը սկսվել է ժամը ______ -ին, ավարտվել է ժամը ______ -ին

____________________________________________________________________________________

(զննության կատարման պայմանները)

____________________________________________________________________________________

(նշումներ արձանագրության վերաբերյալ զննության մասնակիցների դիտողությունների մասին)

____________________________________________________________________________________

__________________________ / _________________/

(զննություն կատարողի ստորագրությունը) (անունը, ազգանունը)

1._____________________________________ / _________________/

(զննությանը մասնակցող անձի (անձանց) ստորագրությունը) (անունը, ազգանունը)

2._______________________________ /_________________________/

3._______________________________ /_________________________/

Ձև N 3

ՏԵՂԵԿԱՆՔ

ԾԱՌԱՅՈՂԱԿԱՆ ՔՆՆՈՒԹՅԱՆ ՇՐՋԱՆԱԿՆԵՐՈՒՄ ԱՌԱՆՁԻՆ ՓԱՍՏԵՐԻ ԵՎ ՀԱՆԳԱՄԱՆՔՆԵՐԻ ԱՌԿԱՅՈՒԹՅՈՒՆԸ ՀԱՍՏԱՏԵԼՈՒ ԿԱՄ ՀԵՐՔԵԼՈՒ ՎԵՐԱԲԵՐՅԱԼ

«____» 20 թ.

__________

(ժամը)

___________

(վայրը)

____________________________________________________________________________________

_________________________________________________

(տեղեկանքը կազմողի ԱԱՀ, պաշտոնը և կոչումը, ստորագրություն)

Ձև N 4

ՏԵՂԵԿԱՆՔ

ԾԱՌԱՅՈՂԱԿԱՆ ՔՆՆՈՒԹՅԱՆ ՇՐՋԱՆԱԿՆԵՐՈՒՄ ԱՌԱՆՁԻՆ ԳՈՐԾՈՂՈՒԹՅՈՒՆՆԵՐԻ ԿԱՏԱՐՄԱՆ ԱՆՀՆԱՐԻՆՈՒԹՅԱՆ ՎԵՐԱԲԵՐՅԱԼ

«____» 20 թ.

__________

(ժամը)

___________

(վայրը)

____________________________________________________________________________________

_________________________________________________

(տեղեկանքը կազմողի ԱԱՀ, պաշտոնը և կոչումը, ստորագրություն)

Ձև N 5

ՏԵՂԵԿԱՆՔ

ԾԱՌԱՅՈՂԱԿԱՆ ՔՆՆՈՒԹՅԱՆ ՇՐՋԱՆԱԿՆԵՐՈՒՄ ԳՈՐԾՈՂՈՒԹՅՈՒՆՆԵՐԻ ԿԱՏԱՐՄԱՆԸ ՄԱՍՆԱԿՑԵԼՈՒ ԵՆԹԱԿԱ ԱՆՁԱՆՑ ԲԱՑԱԿԱՅՈՒԹՅԱՆ ՎԵՐԱԲԵՐՅԱԼ

«____» 20 թ.

__________

(ժամը)

___________

(վայրը)

____________________________________________________________________________________

_________________________________________________

(տեղեկանքը կազմողի, պաշտոնը և կոչումը, ԱԱՀ, ստորագրություն)

Ձև N 6

ԱՐՁԱՆԱԳՐՈՒԹՅՈՒՆ

ԾԱՌԱՅՈՂԱԿԱՆ ՔՆՆՈՒԹՅԱՆ ՇՐՋԱՆԱԿՆԵՐՈՒՄ ԶԻՆԾԱՌԱՅՈՂԻ ԻՐԱՎՈՒՆՔՆԵՐՆ ՈՒ ՊԱՐՏԱԿԱՆՈՒԹՅՈՒՆՆԵՐԸ ԲԱՑԱՏՐԵԼՈՒ ՄԱՍԻՆ

«____»_________20 թ.

______________

(վայրը)

____________________________________________________________________________________

(ծառայողական քննություն անցկացնող անձ իպաշտոնը, կոչումը և ազգանունը)

____________________________________________________________________________________

Ղեկավարվելով Հայաստանի Հանրապետության պաշտպանության նախարարի 2012 թվականի սեպտեմբերի 20-ի N 991-Ն հրամանով հաստատված՝ «Ծառայողական քննության անցկացման կարգ»-ի (այսուհետ` կարգ) 46-րդ կետի պահանջներով, անցկացվող ծառայողական քննության շրջանակներում______________________________________________________________________

(զինծառայողի անունը, ազգանունը, զբաղեցրած պաշտոնը և կոչումը)

բացատրեցի, որ ծառայողական քննության ընթացքում զինծառայողը՝

1) համաձայն կարգի 18-րդ կետի, իրավունք ունի.

ա. տեղեկանալ, թե ինչի կապակցությամբ է անցկացվում ծառայողական քննությունը և ծանոթանալ իր նկատմամբ ծառայողական քննություն անցկացնելու մասին ծառայողական քննություն նշանակելու իրավունք ունեցող հրամանատարի (պետի) հրամանին,

բ. ծառայողական քննության կապակցությամբ ներկայացնել բացատրություններ և դրանք ստորագրել,

գ. ընդունել իր կողմից խախտում կատարելու փաստը,

դ. Հրաժարվել բացատրություն տալուց,

ե. Ներկայացնել փաստաթղթեր, իրեր՝ ծառայողական քննության նյութերում ներառելու համար,

զ. ծառայողական քննության ցանկացած փուլում ներկայացնել առանձին գործողություններ կատարելու միջնորդություններ, այդ թվում՝ միջնորդությունը հիմնավորող փաստաթղթեր, իրեր ծառայողական քննության նյութերում ներառելու, հարցումներ կատարելու, խախտման վերաբերյալ այլ անձից (անձանցից) բացատրություն վերցնելու և այլնի վերաբերյալ,

է. ծառայողական քննություն իրականացնողին(ներին) կամ ծառայողական քննությանն ընդգրկված փորձագետին կամ թարգմանչին բացարկ հայտնելու վերաբերյալ միջնորդություն ներկայացնել՝ այն դեպքերում երբ առկա են այնպիսի հանգամանքներ, որոնք կարող են ողջամիտ կասկած հարուցել տվյալ դեպքով ծառայողական քննություն իրականացնողի կամ փորձագետի կամ թարգմանչի անաչառության վերաբերյալ,

ը. Ծանոթանալ իր մասնակցությամբ կատարված գործողությունների ընթացքի, բովանդակության, արդյունքների վերաբերյալ կազմված տեղեկանքներին և արձանագրություններին և դրանց կապակցությամբ առաջարկություններ ու դիտողություններ ներկայացնել,

թ. մինչև ծառայողական քննության ավարտը ծանոթանալ ծառայողական քննության նյութերին, բացառությամբ պետական և ծառայողական գաղտնիք պարունակող նյութերի, եթե զինծառայողը չունի համապատասխան թույլտվություն,ինչպես նաև կատարել դրանցից քաղվածքներ, եթե դրանք չեն հանդիսանում պետական գաղտնիք պարունակող նյութեր,

ժ. իր իրավունքների պաշտպանության շրջանակներում իրավաբանական օգնություն ստանալու նպատակով ներգրավել փաստաբան,

ժա. ստանալ ծառայողական քննության արդյունքներով կազմված եզրակացությունը և սահմանված կարգով այն բողոքարկելը,

ժբ. բողոքարկել իր նկատմամբ կիրառված կարգապահական տույժը՝ տույժի մասին իրեն հայտարարվելու օրվանից ոչ ուշ, քան մեկամսյա ժամկետում.

2) համաձայն կարգի 19-րդ կետի, պարտավոր է.

ա. ծառայողական քննություն իրականացնողի ծանուցման հիման վրա ծառայողական քննության անցկացման վայր ներկայանալը և բացատրություն, իսկ անհրաժեշտության դեպքում լրացուցիչ բացատրություն տալը, իսկ բացատրություն տալուց հրաժարվելու դեպքում գրավոր պատճառաբանություն ներկայացնելը,

բ. Մասնակցել ծառայողական քննության շրջանակներում իրականացվող գործողություններին և ստորագրել դրանց վերաբերյալ կազմված արձանագրությունը(նները), իսկ չստորագրելու դեպքում՝ ներկայացնել գրավոր պատճառաբանություն,

գ. ծառայողական քննություն իրականացնողի պահանջով ներկայացնել ծառայողական քննությանն անհրաժեշտ առարկաներ և փաստաթղթեր կամ այլ նյութեր,

դ. կատարել ծառայողական քննություն իրականացնողի՝ կարգով սահմանված այլ պահանջները:

Իրավունքները և պարտականությունները բացատրելուց հետո _________________________-ին

(ծանոթացողի ազգանունը)

պարզաբանվել է դրանց էությունը:

__________________________________

(ծառայողական քննություն անցկացնող անձի ազգանունը)

/____________/

ստորագրությունը

Ինձ բացատրվել են իմ իրավունքներն ու պարտականությունները`

«_____» ___________20 թ.

___________________________ /________________/

(ծանոթացողի ազգանունը) (ստորագրությունը)

Ձև N 7

ԱՐՁԱՆԱԳՐՈՒԹՅՈՒՆ

ԾԱՌԱՅՈՂԱԿԱՆ ՔՆՆՈՒԹՅԱՆ ՇՐՋԱՆԱԿՆԵՐՈՒՄ ԾԱՌԱՅՈՂԱԿԱՆ ՔՆՆՈՒԹՅԱՆԸ ՄԱՍՆԱԿՑՈՂ ԱՅԼ ԱՆՁԻ ԻՐԱՎՈՒՆՔՆԵՐԸ ԲԱՑԱՏՐԵԼՈՒ ՄԱՍԻՆ

«____»_________20 թ.

______________

(վայրը)

____________________________________________________________________________________

(ծառայողական քննություն իրականացնողի պաշտոնը, կոչումը և ազգանումը)

____________________________________________________________________________________

(անձի անունը, ազգանունը, զբաղեցրած պաշտոնը և կոչումը, ում բացատրվում են իր իրավունքները)

բացատրեցի, որ համաձայն կարգի 20-րդ կետի` ծառայողական քննություն անցկացնելու ընթացքում նա իրավունք ունի.

1. ծառայողական քննությանը մասնակցելու պահից իր իրավունքների և պարտականությունների մասին գրավոր, էլեկտրոնային փաստաթղթաշրջանառության համակարգի միջոցով կամ բանավոր ծանոթանալու և պարզաբանում ստանալու,

2. ծառայողական քննություն իրականացնողին հետաքրքրող հարցերի ու հանգամանքների վերաբերյալ իրեն հայտնի տեղեկություններ, բացատրություններ տալը, կամ հրաժարվել տեղեկություններ կամ բացատրություններ տալուց՝ եթե զինծառայողը հանդիսանում է իր ամուսինը կամ մերձավոր ազգականը,

3. ծանոթանալ իր մասնակցությամբ կատարված գործողությունների ընթացքի, բովանդակության, արդյունքների վերաբերյալ կազմված արձանագրություններին կամ տեղեկանքներին և դրանց կապակցությամբ դիտողություններ ու առաջարկություններ ներկայացնելու,

4. իր բացատրությամբ վկայակոչված ծառայողական քննության հանգամանքների վերաբերյալ տեղեկություններն ու փաստարկները հավաստող փաստաթղթեր, իրեր և այլ հիմնավորումներ ներկայացնելու,

5. ներկայացնել միջնորդություններ` սույն կարգով նախատեսված գործողությունները կատարելու, ծառայողական քննության հանգամանքների վերաբերյալ այլ անձանցից բացատրություն վերցնելու,ծառայողական քննության նյութերին փաստական տվյալներ կցելու, դրանց ընթացք տալու, լրացուցիչ ուսումնասիրություններ կատարելու և այլնի վերաբերյալ,

6. բողոքարկել ծառայողական քննություն անցկացնողի գործողությունները և ընդունված որոշումները ծառայողական քննություն նշանակած հրամանատարին (պետին):

Ծառայողական քննությանը մասնակցող այլ անձն ունի ՀՀ օրենսդրությամբ իրեն վերապահված այլ իրավունքներ:

Իրավունքները բացատրելուց հետո _________________________________________________-ին

(ծանոթացողի անունը և ազգանունը)

պարզաբանվել է դրանց էությունը:

__________________________________

(ծառայողական քննություն անցկացնողի ազգանունը)

/____________/

(ստորագրությունը)

Ինձ բացատրվել են իմ իրավունքները

_____________________________

(ծանոթացողի ազգանունը)

/___________________/

(ստորագրություն)

«_____» ___________20 թ.

Ձև N 8

ԱՐՁԱՆԱԳՐՈՒԹՅՈՒՆ

ԾԱՌԱՅՈՂԱԿԱՆ ՔՆՆՈՒԹՅԱՆ ՇՐՋԱՆԱԿՆԵՐՈՒՄ ՓՈՐՁԱԳԵՏԻ ԻՐԱՎՈՒՆՔՆԵՐՆ ՈՒ ՊԱՐՏԱԿԱՆՈՒԹՅՈՒՆՆԵՐԸ ԲԱՑԱՏՐԵԼՈՒ ՄԱՍԻՆ

«____»_________20 թ.

______________

(վայրը)

____________________________________________________________________________________

(ծառայողական քննություն իրականացնողի պաշտոնը, կոչումը և ազգանումը)

____________________________________________________________________________________

Ղեկավարվելով Հայաստանի Հանրապետության պաշտպանության նախարարի 2012 թվականի սեպտեմբերի 20-ի N 991-Ն հրամանով հաստատված՝ «Ծառայողական քննության անցկացման կարգ»-ի (այսուհետ` կարգ) 17-րդ կետի 8-րդ ենթակետի պահանջներով, անցկացվող ծառայողական քննության շրջանակներում

___________________________________________________________________________________

(փորձագետի անունը, ազգանունը, զբաղեցրած պաշտոնը)

բացատրեցի, որ ծառայողական քննության ընթացքում փորձագետը՝

1) համաձայն կարգի 22-րդ կետի, իրավունք ունի՝

ա. ծառայողական քննությանը մասնակցելու պահից իր իրավունքների և պարտականությունների մասին գրավոր ծանոթանալը, ըստ անհրաժեշտության պարզաբանում ստանալը,

բ. ծառայողական քննությամբ պարզաբանման ենթակա հարցերին տեղեկանալը, ծառայողական քննությամբ ձեռք բերված նյութերին ծանոթանալը՝ բացառությամբ պետական գաղտնիք պարունակող նյութերի, եթե փորձագետը չունի համապատասխան թույլտվություն,

գ. իր մասնակցությամբ կատարված գործողությունների ընթացքի, բովանդակության, արդյունքների վերաբերյալ կազմված արձանագրություններին կամ տեղեկանքներին ծանոթանալը և դրանց կապակցությամբ առաջարկություն կամ անհամաձայնություն ներկայացնելը,

դ. ծառայողական քննության մասնակիցներին հարցեր տալը,

ե. ծառայողական քննություն իրականացնողին գրավոր կամ բանավոր առաջարկություններ ներկայացնելը՝ առանձին գործողություններ կատարելու, ինչպես նաև ծառայողական քննության նյութերին փաստաթղթեր, առարկաներ կցելու, դրանց ընթացք տալու վերաբերյալ:

2) համաձայն կարգի 23-րդ կետի՝ պարտականություններն են.

ա. ծառայողական քննություն իրականացնողի ծանուցման հիման վրա ներկայանալը, անհրաժեշտ գործողություններին մասնակցելը և իր մասնագիտական գիտելիքների սահմաններում առանձին հարցերի պարզաբանման և գործողությունների կատարման կապակցությամբ խորհրդատվություն տրամադրելը,

բ. իր մասնակցությամբ կատարված գործողությունների ընթացքի, բովանդակության և արդյունքների վերաբերյալ կազմված արձանագրություններում (տեղեկանքներում) եղած գրառումների ամբողջականությունն ու ճշտությունը ստորագրությամբ հաստատելը, իսկ ստորագրելուց հրաժարվելու դեպքում այդ մասին գրավոր նշում կատարելը,

գ. իրեն առաջադրված և իր իրավասությանը վերաբերող հարցերի շուրջ ծառայողական քննություն իրականացնողի պահանջով փորձագիտական եզրակացություն ներկայացնելը.

դ. ծառայողական քննություն իրականացնողի պահանջով իր ներկայացրած փորձագիտական եզրակացության կամ իր մասնակցությամբ կատարված գործողությունների պարզաբանման կապակցությամբ բացատրություններ տալը:

Իրավունքները և պարտականությունները բացատրելուց հետո

____________________________________________________-ին պարզաբանվել է դրանց էությունը:

(ծանոթացողի անունը և ազգանունը)

__________________________________

(ծառայողական քննություն անցկացնողի ազգանունը)

/____________/

(ստորագրությունը)

Ինձ բացատրվել են իմ իրավունքները և պարտականությունները

_____________________________

(փորձագետի անունը և ազգանունը)

/___________________/

(ստորագրություն)

«_____» ___________20 թ.

Ձև N 9

ԱՐՁԱՆԱԳՐՈՒԹՅՈՒՆ

ԾԱՌԱՅՈՂԱԿԱՆ ՔՆՆՈՒԹՅԱՆ ՇՐՋԱՆԱԿՆԵՐՈՒՄ ԹԱՐԳՄԱՆՉԻ ԻՐԱՎՈՒՆՔՆԵՐՆ ՈՒ ՊԱՐՏԱԿԱՆՈՒԹՅՈՒՆՆԵՐԸ ԲԱՑԱՏՐԵԼՈՒ ՄԱՍԻՆ

«____»_________20 թ.

______________

(վայրը)

____________________________________________________________________________________

(ծառայողական քննություն իրականացնողի պաշտոնը, կոչումը և ազգանումը)

____________________________________________________________________________________

Ղեկավարվելով Հայաստանի Հանրապետության պաշտպանության նախարարի 2012 թվականի սեպտեմբերի 20-ի N 991-Ն հրամանով հաստատված՝ «Ծառայողական քննության անցկացման կարգ»-ի (այսուհետ` կարգ) 17-րդ կետի 8-րդ ենթակետի պահանջներով, անցկացվող ծառայողական քննության շրջանակներում

___________________________________________________________________________________

(թարգմանչի անունը, ազգանունը, զբաղեցրած պաշտոնը)

բացատրեցի, որ ծառայողական քննության ընթացքում թարգմանիչը՝

1) համաձայն կարգի 24-րդ կետի, իրավունք ունի՝

բ. ծանոթանալու իր մասնակցությամբ կատարված գործողությունների ընթացքի, բովանդակության, արդյունքների վերաբերյալ կազմված արձանագրություններին, տեղեկանքներին և դրանց կապակցությամբ առաջարկություն կամ անհամաձայնություն ներկայացնելը:

2) համաձայն կարգի 25-րդ կետի՝ պարտականություններն են.

ա. ծառայողական քննություն իրականացնողի ծանուցման հիման վրա ներկայանալը, անհրաժեշտ գործողություններին մասնակցելը և ճշգրիտ թարգմանություն կատարելը.

գ. ծառայողական քննություն իրականացնողի պահանջով տալ բացատրություններ իր կատարած թարգմանությունների վերաբերյալ:

Իրավունքները և պարտականությունները բացատրելուց հետո

__________________________________________________-ին պարզաբանվել է դրանց էությունը:

(ծանոթացողի անունը և ազգանունը)

__________________________________

(ծառայողական քննություն անցկացնողի ազգանունը)

/____________/

(ստորագրությունը)

Ինձ բացատրվել են իմ իրավունքները և պարտականությունները

_____________________________

(թարգմանչի անունը և ազգանունը)

/___________________/

(ստորագրություն)

«_____» ___________20 թ.

Ձև N 10

ԱՐՁԱՆԱԳՐՈՒԹՅՈՒՆ

ԾԱՌԱՅՈՂԱԿԱՆ ՔՆՆՈՒԹՅԱՆ ՇՐՋԱՆԱԿՆԵՐՈՒՄ ԼՐԱՑՈՒՑԻՉ ԲԱՑԱՏՐՈՒԹՅՈՒՆ ՎԵՐՑՆԵԼՈՒ ՄԱՍԻՆ

«____»_________20 թ.

______________

(վայրը)

Բացատրություն վերցնողի պաշտոնը, կոչումը, անունը և ազգանունը ________________________

____________________________________________________________________________________

բացատրություն վերցրեցի. պաշտոնը, կոչումը, ազգանուն, անուն, հայրանուն _________________

____________________________________________________________________________________

Տալիս եմ սույն լրացուցիչ բացատրությունն այն մասին, որ _________________________________

____________________________________________________________________________________

_________________________________

(բացատրություն տվողի ստորագրությունը)

____________________________________________________________________________________

_________________________

__________________________ / _________________/

(բացատրություն տվողի ստորագրությունը) (անունը, ազգանունը)

___________________________ / _________________/

(բացատրություն վերցնողի ստորագրությունը) (անունը, ազգանունը)

Ձև N 11

ՀԵՌԱԽՈՍԱԳԻՐ

«____»_________20 թ.

______________

(վայրը)

Ես_________________________________________________________________________________

(ծառայողական քննություն իրականացնողի պաշտոնը, կոչումը և ԱԱՀ)

____________________________________________________________________________________

20___ թ. __________«_____» ժամը ______ -ին, հեռախոսակապի միջոցով՝ ___________________

հեռախոսահամարից ծանուցեցի_________________________________________________________

(ծանուցվողի պաշտոնը, կոչումը և ԱԱՀ

____________________________________________________________________________________

աշխատավայրի կամ բնակության հասցեն)

_____________________________ հեռախոսահամարին առ այն, որ __________________________

____________________________________________________________________________________

(ծանուցման բովանդակությունը)

____________________________________________________________________________________

Ծանուցող

________________________________________________________

(անուն, ազգանուն)

__________________

(ստորագրություն)

Ձև N 12

Ց ՈՒ Ց Ա Կ

ԾԱՌԱՅՈՂԱԿԱՆ ՔՆՆՈՒԹՅԱՆ ՓԱՍՏԱԹՂԹԵՐԻ (ՆՅՈՒԹԵՐԻ)

Հ/հ	Փաստաթղթի(նյութի) անվանումը	Փաստաթղթի(նյութի) էջը(էջերը)	Փաստաթղթ (նյութի) թերթերի քանակը	Ծանոթություն

______________________________________________________________________

Ծառայողական քննություն անցկացնող անձի պաշտոնը, կոչումը, ստորագրությունը, ազգանունը

Ձև N 13

ՄԱՏՅԱՆ

ԾԱՌԱՅՈՂԱԿԱՆ ՔՆՆՈՒԹՅԱՆ ՆՅՈՒԹԵՐԻ ՀԱՇՎԱՌՄԱՆ

N	Ծառայողական քննության նշանակման հիմքը	Ում կողմից է անցկացվել	Սկիզբ	Ավարտ

(հավելվածը խմբ. 08.08.23 N 6-Ն)

Տեղեկատվություն

Акт-инфо

Изменения и инкорпорации

Связи

ՀՀ ՊԱՇՏՊԱՆՈՒԹՅԱՆ ՆԱԽԱՐԱՐԻ ՀՐԱՄԱՆԸ ԾԱՌԱՅՈՂԱԿԱՆ ՔՆՆՈՒԹՅՈՒՆ ՆՇԱՆԱԿԵԼՈՒ ԻՐԱՎՈՒՆՔ ՈՒՆԵՑՈՂ ՀՐԱՄԱՆԱՏԱՐՆԵՐԻ (ՊԵՏԵՐԻ) ԱՆՎԱՆԱՑԱՆԿԸ ԵՎ ԾԱՌԱՅՈՂԱԿԱՆ ՔՆՆՈՒԹՅԱՆ ԱՆՑԿԱՑՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

Номер

N 991-Ն

Тип

Հրաման

Тип документа

Պաշտոնական Ինկորպորացիա (20.08.2023-по сей день)

Статус

Գործում է

Первоисточник

ՀՀԳՏ 2012.11.01/27(440) Հոդ.266

Принимающий орган

Պաշտպանության նախարար