ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
30 հուլիսի 1992 թ. N 431
Քաղ. Երևան
«ՀԱՅԳԱԶՎԱՌԵԼԻՔ» ԵՎ «ՀԱՅԷՆԵՐԳՈԱՐԴ» ՊԵՏԱԿԱՆ ՁԵՌՆԱՐԿՈՒԹՅՈՒՆՆԵՐԻ ՍՏԵՂԾՄԱՆ ՄԱՍԻՆ
Հայաստանի Հանրապետության վառելիքաէներգետիկ համակարգում կառավարման գործի բարելավման նպատակով և ղեկավարվելով Հայաստանի Հանրապետության «Ձեռնարկությունների և ձեռնարկատիրական գործունեության մասին» օրենքով, Հայաստանի Հանրապետության կառավարությունը որոշում է.
1. (կետն ուժը կորցրել է 27.04.93 N 191)
2. Ստեղծել Հայաստանի Հանրապետության էներգետիկայի և վառելիքի նախարարության էլեկտրական և ջերմային էներգիայի արտադրության և սպառման «Հայէներգոարդ» պետական ձեռնարկություն` լուծարելով «Հայէներգո» ԱՄ-ը:
3. «Հայգազվառելիք» և «Հայէներգոարդ» պետական ձեռնարկությունները մտցնել Հայաստանի Հանրապետության կառավարության 1992 թվականի հուլիսի 13-ի «Հատուկ նշանակության պետական ձեռնարկությունների ցանկը սահմանելու մասին» N 399 որոշմամբ հաստատված ցանկի մեջ:
4. «Հայգազվառելիք» և «Հայէներգոարդ» պետական ձեռնարկություններին` մինչև 1992 թվականի օգոստոսի 15-ը Հայաստանի Հանրապետության կառավարության հաստատմանը ներկայացնել այդ ձեռնարկությունների կանոնադրությունները:
5. Հայաստանի Հանրապետության էներգետիկայի և վառելիքի նախարարությանը`
ա) Հայաստանի Հանրապետության օրենսդրությամբ սահմանված կարգով կազմել լուծարքային հանձնաժողովներ` «Հայգազարդ», «Հայգազ» և «Հայէներգո» արտադրական միավորումների ու «Հայնավթամթերք» ԱԱՄ-ի լուծարումն իրականացնելու համար.
բ) լուծարման ենթակա միավորումների աշխատողների աշխատանքից ազատման հարցերը լուծել համաձայն Հայաստանի Հանրապետության գործող աշխատանքային օրենսդրության:
ՀԱՅԱՍՏԱՆի հանրապետության փոխնախագահ, վարչապետ |
Գ. ՀԱՐՈՒԹՅՈՒՆՅԱՆ |
ՀԱՅԱՍՏԱՆի հանրապետության կԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐՉԻ ՊԱՇՏՈՆԱԿԱՏԱՐ |
Հ. ՔՈԹԱՆՅԱՆ |
