ԿՈԼԵԳԻԱ

30 մայիսի 2023 թվականի

թիվ 73

քաղ. Մոսկվա

ՏԱՐԱՆՑՄԱՆ ՀԱՅՏԱՐԱՐԱԳՐԻ ՁԵՎԻ ԵՎ ԴՐԱ ԼՐԱՑՄԱՆ ԿԱՐԳԻ ՀԱՍՏԱՏՄԱՆ ՄԱՍԻՆ, ԻՆՉՊԵՍ ՆԱԵՎ ՄԱՔՍԱՅԻՆ ՄԻՈՒԹՅԱՆ ՀԱՆՁՆԱԺՈՂՈՎԻ ԵՎ ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԿՈԼԵԳԻԱՅԻ ՈՐՈՇ ՈՐՈՇՈՒՄՆԵՐՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ԵՎ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Եվրասիական տնտեսական միության մաքսային օրենսգրքի 105-րդ հոդվածի 5-րդ կետին համապատասխան՝ Եվրասիական տնտեսական հանձնաժողովի կոլեգիան որոշեց.

1. Հաստատել կից ներկայացվող՝

տարանցման հայտարարագրի ձևը.

տարանցման հայտարարագրի լրացման կարգը:

2. Սահմանել, որ «մաքսային տարանցում» մաքսային ընթացակարգին համապատասխան խողովակաշարային տրանսպորտով տեղափոխվող ապրանքների մաքսային հայտարարագրման ժամանակ տարանցման հայտարարագիրը տրվում է Մաքսային միության հանձնաժողովի 2010 թվականի մայիսի 20-ի թիվ 257 որոշմամբ հաստատված ապրանքների հայտարարագրի ձևով, որը լրացված է նշված որոշմամբ հաստատված կարգին համապատասխան:

(2-րդ կետը փոփ. ԵՏՀԿ 25.09.23 թիվ 145)

3. Մաքսային միության հանձնաժողովի 2010 թվականի օգոստոսի 17-ի թիվ 438 որոշմամբ հաստատված՝ Տարանցման հայտարարագրի ներկայացման, գրանցման և «մաքսային տարանցում» մաքսային ընթացակարգի ավարտի հետ կապված՝ մաքսային մարմինների կողմից մաքսային գործառնությունների իրականացման կարգի մեջ կատարել հետևյալ փոփոխությունները.

ա) 2-րդ կետի յոթերորդ պարբերությունը և 3-րդ կետի քսանվեցերորդ պարբերությունը հանել.

բ) 7-րդ կետում՝

առաջին պարբերությունում «Մաքսային միության հանձնաժողովի 2010 թվականի հունիսի 18-ի թիվ 289 որոշմամբ հաստատված՝ Տարանցման հայտարարագրի լրացման կարգի մասին հրահանգին» բառերը փոխարինել «Եվրասիական տնտեսական հանձնաժողովի կոլեգիայի 2023 թվականի մայիսի 30-ի թիվ 73 որոշմամբ հաստատված՝ Տարանցման հայտարարագրի լրացման կարգին» բառերով,

ութերորդ պարբերությունում «նշված հրահանգին» բառերը փոխարինել «նշված կարգին» բառերով:

4. Եվրասիական տնտեսական հանձնաժողովի կոլեգիայի 2017 թվականի դեկտեմբերի 13-ի թիվ 170 որոշմամբ հաստատված ««Մաքսային տարանցում» մաքսային ընթացակարգի գործողությունն ավարտելու և դադարեցնելու հետ կապված մաքսային գործառնությունների իրականացման կարգի» 5-րդ կետի «բ» ենթակետի երրորդ պարբերությունում «Մաքսային միության հանձնաժողովի 2010 թվականի հունիսի 18-ի թիվ 289» բառերը փոխարինել «Եվրասիական տնտեսական հանձնաժողովի կոլեգիայի 2023 թվականի մայիսի 30-ի թիվ 73» բառերով:

5. Ուժը կորցրած ճանաչել Մաքսային միության հանձնաժողովի և Եվրասիական տնտեսական հանձնաժողովի կոլեգիայի որոշումները՝ հավելվածի համաձայն սահմանված ցանկով:

6. Սույն որոշումն ուժի մեջ է մտնում 2025 թվականի ապրիլի 1-ից:

(6-րդ կետը փոփ. ԵՏՀԿ 27.09.23 թիվ 146, ԵՏՀԿ 26.03.24 թիվ 26)

ՁԵՎ

տարանցման հայտարարագրի

ՀԱՍՏԱՏՎԱԾ ԵՆ Եվրասիական տնտեսական  հանձնաժողովի կոլեգիայի 2023 թվականի  մայիսի 30-ի թիվ 73 որոշմամբ

ԿԱՐԳ

տարանցման հայտարարագրի լրացման

I. Ընդհանուր դրույթներ

1. Սույն կարգը մշակված է Եվրասիական տնտեսական միության մաքսային օրենսգրքի (այսուհետ՝ Օրենսգիրք) 105-րդ հոդվածի 5-րդ կետին համապատասխան և սահմանում է տարանցման հայտարարագրի (այսուհետ՝ ՏՀ) լրացման կանոնները՝ էլեկտրոնային փաստաթղթի և թղթային կրիչով փաստաթղթի տեսքով:

2. Էլեկտրոնային փաստաթղթի տեսքով ՏՀ-ն ձևավորվում է Եվրասիական տնտեսական հանձնաժողովի կողմից սահմանվող կառուցվածքին համապատասխան։

Թղթային կրիչով փաստաթղթի տեսքով ՏՀ-ն լրացվում է Եվրասիական տնտեսական հանձնաժողովի կոլեգիայի 2023 թվականի մայիսի 30-ի թիվ 74 որոշմամբ հաստատված ձևով:

3. ՏՀ-ում նշվում են մեկ ապրանքային խմբաքանակում ներառված ապրանքների մասին տեղեկություններ:

Սույն կարգի նպատակների համար որպես մեկ ապրանքային խմբաքանակ դիտարկվում են՝

այն ապրանքները, որոնք փոխադրվում են մեկ ուղարկողի կողմից մեկ ստացողի հասցեով՝ մեկ տրանսպորտային (փոխադրման) փաստաթղթով.

այն ապրանքները, որոնք փոխադրվում են օդային տրանսպորտով մեկ տրանսպորտային (փոխադրման) փաստաթղթով 2 և ավելի չվերթով, եթե տվյալ փոխադրումը չի կարող իրականացվել մեկ չվերթով՝ կապված փոխադրման կազմակերպման տեխնոլոգիական առանձնահատկությունների հետ: Ընդ որում, բոլոր չվերթների մասին տեղեկությունները պետք է նշվեն ՏՀ-ի մեջ:

Մեկ ՏՀ-ի մեջ կարող են հայտագրվել տեղեկություններ ոչ ավելի, քան 999 ապրանքների մասին:

Սույն կարգի նպատակներով որպես մեկ ապրանք դիտարկվում են Եվրասիական տնտեսական միության արտաքին տնտեսական գործունեության միասնական ապրանքային անվանացանկին (այսուհետ՝ ԵԱՏՄ ԱՏԳ ԱԱ) համապատասխան մեկ ծածկագրին դասված ապրանքները՝ առնվազն առաջին 6 նիշերի մակարդակով՝ բացառությամբ այն դեպքերի, երբ սույն կարգին համապատասխան այդ ծածկագիրը չի նշվում և այդ ապրանքների նկատմամբ չեն սահմանվել արգելքներ և սահմանափակումներ:

4. Սույն կարգի նպատակներով ՏՀ-ի «վանդակ» ասելով հասկանում ենք էլեկտրոնային փաստաթղթի տեսքով ՏՀ-ի կառուցվածքի վավերապայմանը (վավերապայմանները) կամ թղթային կրիչով փաստաթղթի տեսքով ՏՀ-ի ձևի կառուցվածքային միավորը, որը կարող է ներառել ենթաբաժիններ, սյունակներ (ենթասյունակներ), տարրեր, դաշտեր։ Սույն կարգին համապատասխան՝ մեկ վանդակում նշվում են ըստ մեկ հատկանիշի միավորված տեղեկությունները:

5. Էլեկտրոնային փաստաթղթի տեսքով ՏՀ-ն կարող է պարունակել ավտոմատացված մշակման համար անհրաժեշտ տեխնիկական բնույթի տեղեկություններ: Այդպիսի տեղեկությունները ձևավորվում են տեղեկատվական համակարգի կողմից՝ ՏՀ-ի կառուցվածքով որոշվող կազմին համապատասխան:

6. Թղթային կրիչով փաստաթղթի տեսքով ՏՀ-ն կազմված է հիմնական և լրացուցիչ թերթերից։

ՏՀ-ի լրացուցիչ թերթերն օգտագործվում են որպես հիմնական թերթի լրացում, եթե մեկ ՏՀ-ում հայտարարագրվում են տեղեկություններ 2 և ավելի ապրանքների մասին:

ՏՀ-ի հիմնական թերթի վրա հայտագրվում են մեկ ապրանքի մասին տեղեկություններ: Մեկ լրացուցիչ թերթի վրա կարող են հայտագրվել տեղեկություններ ոչ ավելի, քան 5 ապրանքների մասին:

ՏՀ-ի լրացուցիչ թերթերի վանդակների լրացման կարգը նման է ՏՀ-ի հիմնական թերթի համապատասխան վանդակների լրացման կարգին:

7. Այն դեպքում, երբ թղթային կրիչով փաստաթղթի տեսքով ՏՀ-ի վանդակներում մաքսային մարմնի պաշտոնատար անձի կողմից տեղեկություններ նշելու կամ ծառայողական նշումներ անելու համար բավականաչափ տեղ չկա, այդ տեղեկությունները և ծառայողական նշումները նշվում են ՏՀ-ի դարձերեսին կամ A4 ձևաչափի՝ լրացուցիչ կցվող թերթերի վրա, որոնք թղթային կրիչով փաստաթղթի տեսքով ՏՀ-ի անբաժանելի մասն են: Ընդ որում, ՏՀ-ի համապատասխան վանդակում կատարվում են համապատասխանաբար «Տե՛ս դարձերեսը» կամ «Տե՛ս լրացումը» գրառումները, որոնք չեն ներառվում ՏՀ-ի էլեկտրոնային ձևում:

Լրացման բոլոր թերթերը պետք է լինեն համարակալված:

ՏՀ-ի դարձերեսին կամ լրացման յուրաքանչյուր թերթի վրա կատարվում են հետևյալ գրառումները.

«Թիվ ________ տարանցման հայտարարագրի լրացում, _________ թ. վրա»

(վերին աջ անկյունում).

«Ապրանք թիվ ______» (նշելով ապրանքի հերթական համարը՝ թղթային կրիչով փաստաթղթի տեսքով ՏՀ-ի 32-րդ վանդակին (ՏՀ-ի կառուցվածքի համապատասխան վավերապայմանին) համապատասխան և յուրաքանչյուր այդպիսի ապրանքի համար՝ ՏՀ-ի վանդակի (վանդակների) համարը և այն տեղեկությունները, որոնց նշելու համար այդ վանդակում (վանդակներում) բավականաչափ տեղ չկա):

ՏՀ-ի լրացման յուրաքանչյուր թերթ կամ դարձերեսը վավերացվում են ստորին աջ անկյունում՝ ՏՀ-ն լրացրած անձի ստորագրությամբ:

Եթե լրացումը կազմված է մաքսային մարմնի պաշտոնատար անձի կողմից, լրացման յուրաքանչյուր օրինակ ստորին աջ անկյունում վավերացվում է այդ պաշտոնատար անձի ստորագրությամբ և նրա անձնական համարակալված կնիքի դրոշմվածքով:

Էլեկտրոնային տեսքով ՏՀ-ի կառուցվածքի համապատասխան վավերապայմաններում ներառվում են թղթային կրիչով փաստաթղթի տեսքով ՏՀ-ի դարձերեսին կամ լրացման մեջ առկա բոլոր տեղեկությունները:

8. Թղթային կրիչով փաստաթղթի տեսքով ՏՀ-ն կազմվում է 2 օրինակից, А4 ձևաչափի թղթի թերթերի վրա: Մեկ օրինակը նախատեսված է ուղարկող մաքսային մարմնի համար, մյուսը՝ նշանակման մաքսային մարմնի համար։

Հայտարարատուն կարող է ներկայացնել թղթային կրիչով ՏՀ-ի լրացուցիչ օրինակը, եթե այդ օրինակն իրեն անհրաժեշտ է իր գործունեությունն իրականացնելու համար:

9. Էլեկտրոնային փաստաթղթի տեսքով ՏՀ-ի թղթային պատճենը տպվում է A4 ձևաչափի թղթի վրա՝ թղթային կրիչով փաստաթղթի տեսքով ՏՀ-ի ձևով, ընդ որում, տեխնիկական բնույթի տեղեկությունները չեն արտացոլվում:

Եթե էլեկտրոնային փաստաթղթի տեսքով ՏՀ-ն տպելիս դրա թղթային պատճենի վրա տեղեկությունները նշելու համար բավականաչափ տեղ չկա, այդ տեղեկություններն արտացոլվում են А4 ձևաչափի լրացուցիչ թղթերի վրա, որոնք այդ ՏՀ-ի անբաժանելի մասն են: Ընդ որում, համապատասխան վանդակում կատարվում է «Տե՛ս լրացումը» գրառումը։ Լրացման բոլոր թերթերը պետք է լինեն համարակալված:

10. ՏՀ-ն լրացվում է սույն կարգին համապատասխան, մեծատառերով, տպիչ սարքերի օգտագործմամբ:

Թղթային կրիչով փաստաթղթի տեսքով ՏՀ-ն տպվում է ընթեռնելի և չպետք է պարունակի ջնջումներ, ուղղումներ և շտկումներ:

Եթե տրանսպորտային միջոցների համարներում, չվերթների համարներում, փաստաթղթերի համարներում, ապրանքների բնորոշ հատկանիշները (ապրանքային նշան, ապրանքատեսակ (արտիկուլ) և այլն) սահմանող տեղեկություններում, ինչպես նաև անձանց մասին տեղեկություններում օգտագործվում են լատինական այբուբենի տառեր, ապա այդպիսի տեղեկությունները ՏՀ-ի մեջ նշվում են լատինական այբուբենի տառերով:

11. ՏՀ-ի լրացման ժամանակ կիրառվում են Եվրասիական տնտեսական միության (այսուհետ՝ Միություն) նորմատիվ տեղեկատվական տեղեկությունների միասնական համակարգի ռեսուրսների կազմի մեջ մտնող տեղեկագրքերն ու դասակարգիչները, ինչպես նաև Միության անդամ պետությունների (այսուհետ՝ անդամ պետություններ) օրենսդրությանը համապատասխան ձևավորվող և կիրառման ենթակա՝ մաքսային նպատակների համար օգտագործվող տեղեկագրքերն ու դասակարգիչները:

II. Տարանցման հայտարարագրի վանդակների լրացման կարգը

12. ՏՀ-ի 1-3-րդ, 5-9-րդ, 14-րդ, 15-րդ, 17-20-րդ, 22-րդ, 31-33-րդ, 35-րդ, 40-42-րդ, 44-րդ, 50-րդ, 51-րդ վանդակները, 52-րդ վանդակի առաջին և երկրորդ ենթաբաժինները, ինչպես նաև 53-րդ և 55-րդ վանդակները լրացվում են հայտարարատուի կամ մաքսային ներկայացուցչի կողմից:

ՏՀ-ի 52-րդ վանդակի երրորդ ենթաբաժինը և «А», «С», «D», «F», «I» վանդակները լրացվում են մաքսային մարմնի պաշտոնատար անձի կողմից կամ ձևավորվում են մաքսային մարմնի տեղեկատվական համակարգի միջոցով:

13. 1-ին՝ «Հայտարարագիր» վանդակը լրացվում է հետևյալ կարգով:

Վանդակի առաջին ենթաբաժնում (ՏՀ-ի կառուցվածքի համապատասխան վավերապայմանում) նշվում է «ТТ» նշագիրը:

Վանդակի երկրորդ ենթաբաժնում (ՏՀ-ի կառուցվածքի համապատասխան վավերապայմանում) նշվում է հետևյալ նշագրերից մեկը.

«ФЛ»՝ Միության մաքսային սահմանով չուղեկցվող ուղեբեռում տեղափոխվող կամ փոխադրողի կողմից առաքվող անձնական օգտագործման ապրանքների և (կամ) անձնական օգտագործման տրանսպորտային միջոցների մաքսային հայտարարագրման դեպքում.

«СП»՝ տրանսպորտի 2 և ավելի տեսակներով փոխադրվող (տրանսպորտով փոխադրվող) ապրանքների մաքսային հայտարարագրման դեպքում.

«МП»՝ միջազգային փոստային առաքանիների մաքսային հայտարարագրման դեպքում.

«ВН»՝ ռազմական նշանակության ապրանքների մաքսային հայտարարագրման դեպքում.

«ГП»՝ այն ապրանքների մաքսային հայտարարագրման դեպքում, որոնց նկատմամբ չեն կիրառվում արգելքներ և սահմանափակումներ և որոնք անհրաժեշտ են տարերային աղետների, բնական և տեխնածին բնույթի արտակարգ իրավիճակների հետևանքների վերացման համար, ինչպես նաև այն ապրանքների դեպքում, որոնք նախատեսված են մարդասիրական և տեխնիկական օգնության համար:

Մաքսային հայտարարագրման այլ դեպքերում վանդակի երկրորդ ենթաբաժինը չի լրացվում։

Վանդակի երրորդ ենթաբաժնում (ՏՀ-ի կառուցվածքի համապատասխան վավերապայմանում) նշվում է ապրանքների տեղափոխման տեսակի տառային ծածկագիրը՝ ապրանքների տեղափոխման տեսակների դասակարգչին համապատասխան՝ «մաքսային տարանցում» մաքսային ընթացակարգին համապատասխան:

14. 2-րդ՝ «Ուղարկող» վանդակը լրացվում է հետևյալ կարգով:

Վանդակում (ՏՀ-ի կառուցվածքի համապատասխան վավերապայմաններում) սույն կարգի 46-49-րդ կետերին համապատասխան նշվում են որպես ապրանքների ուղարկող նշված անձի վերաբերյալ տեղեկությունները՝ տրանսպորտային (փոխադրման) փաստաթղթերին համապատասխան։

Միջազգային փոստային առաքանիների տեղափոխման դեպքում վանդակում (ՏՀ-ի կառուցվածքի համապատասխան վավերապայմանում) նշվում են փոստային կապի նշանակված օպերատորի անվանումը, միջազգային փոստային առաքանիների ուղարկող հանդիսացող՝ միջազգային փոստային փոխանակման վայրի (հաստատության) անվանումը և գտնվելու վայրը (քաղաքը կամ ծածկագիրը) (այսուհետ՝ հանձնման վայր (հաստատություն))՝ Համաշխարհային փոստային միության ակտերով նախատեսված և միջազգային փոստային առաքանիների փոխադրման ժամանակ դրանց ուղեկցող փաստաթղթերին համապատասխան:

15. 3-րդ՝ «Ձևեր» վանդակը լրացվում է հետևյալ կարգով:

Էլեկտրոնային փաստաթղթի տեսքով ՏՀ-ի լրացման դեպքում վանդակի առաջին ենթաբաժնում (ՏՀ-ի կառուցվածքի համապատասխան վավերապայմանում) նշվում է «ЭД» նշագիրը, իսկ վանդակի երկրորդ ենթաբաժինը (ՏՀ-ի կառուցվածքի համապատասխան վավերապայմանը) չի լրացվում:

Թղթային կրիչով փաստաթղթի տեսքով ՏՀ-ի ներկայացման դեպքում՝

վանդակի առաջին ենթաբաժնում թվային եղանակով, սկսած 1-ից, նշվում է ՏՀ-ի թերթի հերթական համարը.

վանդակի երկրորդ ենթաբաժնում թվային եղանակով, սկսած 1-ից, նշվում է ՏՀ-ի թերթերի ընդհանուր քանակը, ներառյալ՝ հիմնական և բոլոր լրացուցիչ թերթերը:

16. 5-րդ՝ «Ապրանքներ՝ ընդամենը» վանդակը լրացվում է հետևյալ կարգով:

Վանդակում (ՏՀ-ի կառուցվածքի համապատասխան վավերապայմանում) թվային եղանակով, սկսած 1-ից, նշվում է այն ապրանքների ընդհանուր քանակը, որոնց համար ներկայացվում է ՏՀ-ն, որը պետք է համապատասխանի թղթային կրիչով ՏՀ-ի 31-րդ լրացվող վանդակների (ՏՀ-ի կառուցվածքի համապատասխան վավերապայմանների) քանակին:

Միջազգային փոստային առաքանիների տեղափոխման դեպքում վանդակում (ՏՀ-ի կառուցվածքի համապատասխան վավերապայմանում) նշվում է «1» արժեքը:

17. 6-րդ՝ «Տեղեր՝ ընդամենը» վանդակը լրացվում է հետևյալ կարգով:

Վանդակում (ՏՀ-ի կառուցվածքի համապատասխան վավերապայմանում) թվային եղանակով, սկսած 1-ից, նշվում է այն բեռնատեղիների (ցիստեռնների, վանդակների, տակդիրների (ընդկալների), արկղերի, պարկերի և (կամ) տակառների, իսկ միջազգային փոստային առաքանիների տեղափոխման դեպքում՝ փոստային փաթեթների և (կամ) տարաների) ընդհանուր թիվը, որոնց համար ներկայացվում է ՏՀ-ն՝ տրանսպորտային (փոխադրման) փաստաթղթերին համապատասխան, կամ անձնական օգտագործման համար ապրանքների ընդհանուր թիվը, որոնք փոխադրվում են նաև անձնական օգտագործման համար տրանսպորտային միջոցի հետ միասին (հայտարարատուի մոտ բեռնատեղիների քանակի մասին տեղեկատվության առկայության դեպքում):

Այն դեպքում, երբ ապրանքները փոխադրվում (տրանսպորտով փոխադրվում) են տրանսպորտային միջոցի սարքավորված տարաներով լիրքով (լցվածքով, խուռնաբեռն), և տրանսպորտային (փոխադրման) փաստաթղթերում չի սահմանվել բեռնատեղիների քանակը, կամ փոխադրվում են անձնական օգտագործման համար ապրանքներ, այդ թվում՝ անձնական օգտագործման համար տրանսպորտային միջոցի հետ միասին, և հայտարարատուն չունի բեռնատեղիների քանակի մասին տեղեկություններ, վանդակում նշվում է «0» արժեքը:

18. 7-րդ՝ «Տեղեկատու համարը» վանդակը լրացվում է հետևյալ կարգով:

Վանդակում (ՏՀ-ի կառուցվածքի համապատասխան վավերապայմանում) նշվում է «ПТД» նշագիրը («մաքսային տարանցում» մաքսային ընթացակարգով ձևակերպվող ապրանքների նախնական մաքսային հայտարարագրման դեպքում):

19. 8-րդ՝ «Ստացող» վանդակը լրացվում է հետևյալ կարգով:

Վանդակում (ՏՀ-ի կառուցվածքի համապատասխան վավերապայմաններում) սույն կարգի 46-49-րդ կետերին համապատասխան նշվում են որպես ապրանքների ստացող նշված անձի վերաբերյալ տեղեկությունները՝ տրանսպորտային (փոխադրման) փաստաթղթերին համապատասխան:

Միջազգային փոստային առաքանիների տեղափոխման դեպքում տվյալ վանդակում նշվում են փոստային կապի նշանակված օպերատորի անվանումը, միջազգային փոստային առաքանիների ստացող հանդիսացող՝ միջազգային փոստային փոխանակման վայրի (հաստատության) անվանումը և գտնվելու վայրը (քաղաքը կամ ծածկագիրը) (այսուհետ՝ նշանակման վայր (հաստատություն))՝ Համաշխարհային փոստային միության ակտերով նախատեսված և միջազգային փոստային առաքանիների փոխադրման ժամանակ դրանց ուղեկցող փաստաթղթերին համապատասխան:

20. 9-րդ՝ «Մաքսային ներկայացուցիչը» վանդակը լրացվում է հետևյալ կարգով:

Էլեկտրոնային փաստաթղթի տեսքով ՏՀ-ում տեղեկությունները նշվում են ՏՀ-ի կառուցվածքի համապատասխան վավերապայմաններում, իսկ թղթային կրիչով փաստաթղթի տեսքով ՏՀ-ում՝ նոր տողից «/» բաժանիչ նշանով՝

անձի՝ մաքսային ներկայացուցիչների ռեեստրում ընդգրկումը վկայող փաստաթղթի գրանցման համարը կամ մաքսային ներկայացուցիչների ռեեստրում անձի գրանցման համարը (այն դեպքում, երբ մաքսային գործառնությունները կատարվում են մաքսային ներկայացուցչի կողմից՝ հայտարարատուի անունից և նրա հանձնարարությամբ).

ծածկագիրը՝ փաստաթղթերի և տեղեկությունների տեսակների դասակարգչին համապատասխան, ինչպես նաև հայտարարատուի և մաքսային ներկայացուցչի միջև երաշխավորության պայմանագրի համարը և ամսաթիվը (այն դեպքում, երբ մաքսային գործառնությունները կատարվում են մաքսային ներկայացուցչի կողմից՝ հայտարարատուի անունից և նրա հանձնարարությամբ), օրինակ՝ «11002/23 01.01.2023»

մաքսային ներկայացուցչի աշխատակցի մաքսային ձևակերպման մասնագետի որակավորման վկայականի համարը (դրա առկայության դեպքում) (այն դեպքում, երբ ՏՀ-ն ներկայացվում է Բելառուսի Հանրապետությունում և լրացված է հայտարարատուի և այն մաքսային ձևակերպման մասնագետի՝ մաքսային ներկայացուցչի միջև երաշխավորության պայմանագրի, որն այդ մաքսային ներկայացուցչի աշխատակիցն է և ընդգրկված է մաքսային ներկայացուցչի հաստիքացուցակում).

ծածկագիրը՝ փաստաթղթերի և տեղեկությունների տեսակների դասակարգչին համապատասխան, ինչպես նաև մաքսային ներկայացուցիչ ղեկավարի լիազորությունները հաստատող փաստաթղթի համարը և ամսաթիվը (այն դեպքում, երբ ՏՀ-ն լրացվել է մաքսային ներկայացուցչի ղեկավարի կողմից).

ծածկագիրը՝ փաստաթղթերի և տեղեկությունների տեսակների դասակարգչին համապատասխան, մաքսային ներկայացուցչի անունից գործողություններ կատարելու համար լիազորագրի համարը (առկայության դեպքում) և ամսաթիվը (այն դեպքում, երբ ՏՀ-ն լրացվել է մաքսային ներկայացուցչի աշխատակցի կողմից), ինչպես նաև այդ լիազորագրի գործողության ավարտի ամսաթիվը (եթե այդ ժամկետը սահմանվել է):

21. 14-րդ՝ «Հայտարարատու» վանդակը լրացվում է հետևյալ կարգով:

Էլեկտրոնային փաստաթղթի տեսքով ՏՀ-ում որպես հայտարարատու հանդես եկող անձի մասին տեղեկությունները նշվում են ՏՀ-ի կառուցվածքի համապատասխան վավերապայմաններում, իսկ թղթային կրիչով փաստաթղթի տեսքով ՏՀ-ում՝ նոր տողից՝ սույն կարգի 46-49-րդ կետերին համապատասխան:

Այն դեպքում, երբ որպես հայտարարատու հանդես է գալիս մաքսային փոխադրողը, վանդակում փաստաթղթերի և տեղեկությունների տեսակների դասակարգչին համապատասխան լրացուցիչ կերպով նշվում է մաքսային փոխադրողների ռեեստրում ընդգրկելու մասին վկայականի ծածկագիրը և այդ ծածկագրի գրանցման համարը: Թղթային կրիչով փաստաթղթի տեսքով ՏՀ ներկայացնելու դեպքում այդ տեղեկությունները նշվում են «/» բաժանիչ նշանով:

Այն դեպքում, երբ որպես հայտարարատու հանդես է գալիս առաջին կամ երրորդ տիպի լիազորված տնտեսական օպերատորների ռեեստրում ընդգրկելու մասին վկայական ունեցող լիազորված տնտեսական օպերատորը, վանդակում փաստաթղթերի և տեղեկությունների տեսակների դասակարգչին համապատասխան լրացուցիչ կերպով նշվում են լիազորված տնտեսական օպերատորների ռեեստրում ընդգրկելու մասին վկայականի ծածկագիրը և այդ վկայականի գրանցման համարը: Թղթային կրիչով փաստաթղթի տեսքով ՏՀ ներկայացնելու դեպքում այդ տեղեկությունները նշվում են «/» բաժանիչ նշանով:

22. 15-րդ՝ «Ուղարկող երկիրը» վանդակը լրացվում է հետևյալ կարգով:

Վանդակում (ՏՀ-ի կառուցվածքի համապատասխան վավերապայմանում) աշխարհի երկրների դասակարգչին համապատասխան նշվում են ապրանքներն ուղարկող երկրի մասին հետևյալ տեղեկություններն այն տեղեկությունների հիման վրա, որոնք նշված են այն տրանսպորտային (փոխադրման) փաստաթղթերում, համաձայն որոնց սկսվել է ապրանքների միջազգային փոխադրումը.

ապրանքներն ուղարկող երկրի ծածկագիրը՝ էլեկտրոնային փաստաթղթի տեսքով ՏՀ ներկայացնելու դեպքում.

ապրանքներն ուղարկող երկրի կրճատ անվանումը՝ թղթային կրիչով փաստաթղթի տեսքով ՏՀ ներկայացնելու դեպքում:

Միջազգային փոստային առաքանիների տեղափոխման դեպքում վանդակում նշվում են այն երկրի մասին տեղեկությունները, որտեղ գտնում է հանձնման վայրի (հաստատության) մասին տեղեկությունների հիման վրա որոշվող՝ հանձնման վայրը (հաստատությունը)՝ Համաշխարհային փոստային միության ակտերով նախատեսված և միջազգային փոստային առաքանիների փոխադրման ժամանակ դրանց ուղեկցող փաստաթղթերին համապատասխան:

23. 17-րդ՝ «Նշանակման երկիրը» վանդակը լրացվում է հետևյալ կարգով:

Վանդակում (ՏՀ-ի կառուցվածքի համապատասխան վավերապայմանում) տրանսպորտային (փոխադրման) փաստաթղթերում նշված տեղեկությունների հիման վրա, աշխարհի երկրների դասակարգչին համապատասխան, նշվում են ապրանքների նշանակման երկրի մասին հետևյալ տեղեկությունները.

ապրանքների նշանակման երկրի ծածկագիրը՝ էլեկտրոնային փաստաթղթի տեսքով ՏՀ ներկայացնելու դեպքում.

ապրանքների նշանակման երկրի կրճատ անվանումը՝ թղթային կրիչով փաստաթղթի տեսքով ՏՀ ներկայացնելու դեպքում:

Միջազգային փոստային առաքանիների տեղափոխման դեպքում վանդակում նշվում են այն երկրի մասին տեղեկությունները, որտեղ գտնում է նշանակման վայրի (հաստատության) մասին տեղեկությունների հիման վրա որոշվող՝ նշանակման վայրը (հաստատությունը)՝ Համաշխարհային փոստային միության ակտերով նախատեսված և միջազգային փոստային առաքանիների փոխադրման ժամանակ դրանց ուղեկցող փաստաթղթերին համապատասխան:

24. 18-րդ՝ «Տրանսպորտային միջոցի/բեռնարկղի նույնականացումը և գրանցման երկիրը ուղարկման/ժամանման պահին» վանդակը, բացառությամբ սույն կետով սահմանված դեպքերի, լրացվում է հետևյալ կարգով:

Վանդակում նշվում են միջազգային փոխադրման այն տրանսպորտային միջոցների (այսուհետ՝ տրանսպորտային միջոց) մասին, որոնց օգտագործմամբ սկսվում է ապրանքների փոխադրումը (տրանսպորտային փոխադրումը)՝ «մաքսային տարանցում» մաքսային ընթացակարգին համապատասխան:

Միջազգային փոստային առաքանիների տեղափոխման դեպքում վանդակում նշվում են տրանսպորտային միջոցների մասին տեղեկությունները՝ Համաշխարհային փոստային միության ակտերով նախատեսված և միջազգային փոստային առաքանիների փոխադրման ժամանակ դրանց ուղեկցող փաստաթղթերին համապատասխան:

Օրենսգրքի 256-րդ հոդվածի 6-րդ կետի համաձայն անձնական օգտագործման համար ապրանքների շարքին չդասված ապրանքները ֆիզիկական անձի կողմից տեղափոխելիս տրանսպորտային միջոցի (տրանսպորտային միջոցների) մասին տեղեկությունները նշվում են կարգի սույն կետին համապատասխան:

Վանդակի առաջին ենթաբաժնում (ՏՀ-ի կառուցվածքի համապատասխան վավերապայմանում) թվային եղանակով «:» երկու կետի նշանով նշվում են՝

ապրանքները փոխադրող (տրանսպորտով փոխադրող) տրանսպորտային միջոցի հերթական համարը՝ սկսած 1-ից.

այն տրանսպորտի կամ ապրանքների տրանսպորտային փոխադրման տեսակի ծածկագիրը՝ տրանսպորտի և ապրանքների տրանսպորտային փոխադրման տեսակների դասակարգչին համապատասխան, որոնց օգտագործմամբ սկսվում է ապրանքների փոխադրումը (տրանսպորտային փոխադրումը).

ավտոմոբիլային տրանսպորտով ապրանքների փոխադրման (տրանսպորտային փոխադրման) դեպքում՝ ավտոմոբիլային տրանսպորտային միջոցի տիպը՝ միջազգային փոխադրման տրանսպորտային միջոցների տիպերի դասակարգչին համապատասխան, ինչպես նաև դրա գրանցման համարը (բոլոր տրանսպորտային միջոցների գրանցման համարները, եթե ապրանքները փոխադրվում են տրանսպորտային միջոցների շարժակազմով՝ սկսած այն տրանսպորտային միջոցից, որը շարժման մեջ է դնում տրանսպորտային միջոցը): Ավտոմոբիլային տրանսպորտային միջոցի գրանցման համարը չի նշվում, եթե նոր տրանսպորտային միջոցը տեղափոխվում է Միության մաքսային սահմանով ինքնուրույն՝ առանց գրանցման համարի:

Բելառուսի Հանրապետությունում լրացուցիչ նշվում են տրանսպորտային միջոցի մակնիշի ծածկագիրը՝ ճանապարհային տրանսպորտային միջոցների մակնիշների դասակարգչի համաձայն, տրանսպորտային միջոցի մոդելը, արտադրողի կողմից տրված՝ տրանսպորտային միջոցի նույնականացման համարը (տրանսպորտային միջոցի, ինքնագնաց մեքենայի հենասարքը), տրանսպորտային միջոցի գրանցման մասին փաստաթղթի (վկայականի) համարը.

երկաթուղային տրանսպորտով ապրանքների փոխադրման (տրանսպորտային փոխադրման) դեպքում՝ երկաթուղային տրանսպորտային միջոցների տիպը՝ միջազգային փոխադրման տրանսպորտային միջոցների տիպերի դասակարգչին համապատասխան, ինչպես նաև դրանց համարները: Բեռնարկղով (բեռնարկղերով) ապրանքների այդպիսի փոխադրման (տրանսպորտային փոխադրման) դեպքում երկաթուղային տրանսպորտային միջոցների տիպի, ինչպես նաև դրանց համարների փոխարեն նշվում է «901» ծածկագիրը և այդ բեռնարկղի նույնականացման համարը (այդ բեռնարկղերի նույնականացման համարները).

ջրային տրանսպորտով ապրանքների փոխադրման (տրանսպորտային փոխադրման) դեպքում՝ նավի անվանումը (բոլոր նավերի անվանումները, եթե ապրանքները տեղափոխվում են տրանսպորտային միջոցների շարժակազմով՝ սկսած այն տրանսպորտային միջոցից, որը շարժման մեջ է դնում մյուս տրանսպորտային միջոցները).

օդային տրանսպորտով ապրանքների փոխադրման դեպքում՝ չվերթի համարը (չվերթների համարները).

Եթե թղթային կրիչով փաստաթղթի տեսքով ՏՀ-ի 7-րդ վանդակում (ՏՀ-ի կառուցվածքի համապատասխան վավերապայմանում) նշված է «ПТД» նշագիրը, ապա 18-րդ վանդակի առաջին ենթաբաժնում (ՏՀ-ի կառուցվածքի համապատասխան վավերապայմանում) «:» երկու կետի նշանով նշվում են միայն ապրանքները փոխադրող (տրանսպորտով փոխադրող) տրանսպորտային միջոցի հերթական համարը՝ սկսած 1-ից, և տրանսպորտի կամ տրանպորտային փոխադրման տեսակի ծածկագիրն այն տրանսպորտի և ապրանքների տրանսպորտային փոխադրման տեսակների դասակարգչին համապատասխան, որոնց օգտագործմամբ սկսվում է ապրանքների փոխադրումը (տրանսպորտային փոխադրումը):

Վանդակի երկրորդ ենթաբաժնում (ՏՀ-ի կառուցվածքի համապատասխան վավերապայմանում) նշվում է այն երկրի ծածկագիրը (երկրների ծածկագրերը՝ «:» երկու կետի նշանով), որտեղ գրանցված է ավտոմոբիլային տրանպորտային միջոցը (բոլոր տրանպորտային միջոցները, եթե ապրանքները փոխադրվում են շարժակազմով՝ սկսած այն տրանպորտային միջոցից, որը շարժման մեջ է դնում մյուս տրանսպորտային միջոցները)՝ աշխարհի երկրների դասակարգչին համապատասխան:

Եթե այն երկիրը, որտեղ գրանցված է ավտոմոբիլային տրանսպորտային միջոցը (ավտոմոբիլային տրանսպորտային միջոցները), մաքսային հայտարարագրման պահին հայտնի չէ, կամ այդ տրանսպորտային միջոցը գրանցված չէ, կամ որի համար տրվել է տրանսպորտային միջոցի ժամանակավոր պետական գրանցման համար, ապա վանդակի երկրորդ ենթաբաժնում (ՏՀ-ի կառուցվածքի համապատասխան վավերապայմանում) նշվում է «00» արժեքը:

Եթե թղթային կրիչով փաստաթղթի տեսքով ՏՀ-ի 7-րդ վանդակում (ՏՀ-ի կառուցվածքի համապատասխան վավերապայմանում) նշված է «ПТД» նշագիրը, ապա թղթային կրիչով փաստաթղթի տեսքով ՏՀ-ի 18-րդ վանդակի երկրորդ ենթաբաժինը (ՏՀ-ի կառուցվածքի համապատասխան վավերապայմանը) չի լրացվում:

Վանդակի երկրորդ ենթաբաժինը (ՏՀ-ի կառուցվածքի համապատասխան վավերապայմանը) չի լրացվում երկաթուղային, ջրային կամ օդային տեսակների տրանսպորտով ապրանքների փոխադրման (տրանսպորտային փոխադրման) դեպքում, ինչպես նաև միջազգային փոստային առաքանիների փոխադրման դեպքում:

Վանդակը (ՏՀ-ի կառուցվածքի համապատասխան վավերապայմանը) չի լրացվում հետևյալ դեպքերում.

իր ընթացքով շարժվող անձնական օգտագործման տրանսպորտային միջոցի (տրասնպորտային միջոցների) փոխադրման (տրանսպորտային փոխադրման) դեպքում.

ռազմական նշանակության ապրանքների փոխադրման (տրանսպորտային փոխադրման) դեպքում:

25. 19-րդ՝ «Բեռնարկղը» վանդակը լրացվում է հետևյալ կարգով:

Վանդակում (ՏՀ-ի կառուցվածքի համապատասխան վավերապայմանում) նշվում է հետևյալ արժեքներից մեկը, որը վկայում է ապրանքների փոխադրման (տրանսպորտային փոխադրման) դեպքում բեռնարկղի առկայության կամ բացակայության մասին.

«1»՝ այն դեպքում, երբ ապրանքները փոխադրվում են բեռնարկղով.

«0»՝ այլ դեպքերում (նաև այն դեպքում, երբ բեռնարկղի մասին տեղեկությունները բացակայում են):

26. 20-րդ՝ «Նույնականացման միջոցները» վանդակը լրացվում է հետևյալ կարգով:

Թղթային կրիչով փաստաթղթի տեսքով ՏՀ-ի վանդակում «/» բաժանիչ նշանով, իսկ էլեկտրոնային փաստաթղթի տեսքով ՏՀ-ում՝ ՏՀ-ի կառուցվածքի համապատասխան վավերապայմաններում հայտարարատուի կամ մաքսային ներկայացուցչի ցանկությամբ կարող են նշվել այն կապարակնիքների, կնիքների կամ նույնականացման այլ միջոցների համարների մասին տեղեկությունները, որոնք կիրառվել են Միության անդամ չհանդիսացող պետությունների մաքսային մարմինների, ուղարկողի և (կամ) փոխադրողի կողմից, դրանց ընդհանուր թիվը՝ նշելով նույնականացման միջոցների տեսակի ծածկագիրը (տեսակների ծածկագրերը)՝ նույնականացման միջոցների տեսակների դասակարգչին համապատասխան (այն դեպքում, երբ նույնականացման այդ միջոցները կիրառվել են, հայտարարատուն կամ մաքսային ներկայացուցիչն ունի համապատասխան տեղեկատվություն և այն մտադիր է օգտագործել մաքսային գործառնությունների կատարման պարզեցման նպատակով):

27. 22-րդ՝ «Արժույթը և ընդհանուր գումարը՝ ըստ հաշիվ-ապրանքագրի» վանդակը, բացառությամբ սույն կետով սահմանված դեպքերի, լրացվում է հետևյալ կարգով:

Վանդակի առաջին ենթաբաժնում (ՏՀ-ի կառուցվածքի համապատասխան վավերապայմանում) նշվում է արժույթի տառային ծածկագիրը, որով նշված է փոխադրվող (տրանսպորտով փոխադրվող) ապրանքի արժեքն առևտրային, տրանսպորտային (փոխադրման) փաստաթղթերում՝ արժույթների դասակարգչին համապատասխան:

Այն դեպքում, երբ առևտրային, տրանսպորտային (փոխադրման) փաստաթղթերին համապատասխան փոխադրվող (տրանսպորտով փոխադրվող) ապրանքի արժեքը նշված է 2 և ավելի արժույթներով, վանդակի առաջին ենթաբաժնում (ՏՀ-ի կառուցվածքի համապատասխան վավերապայմանում) նշվում է եվրոյի ծածկագիրը՝ արժույթների դասակարգչին համապատասխան:

Վանդակի երկրորդ ենթաբաժնում (ՏՀ-ի կառուցվածքի համապատասխան վավերապայմանում) նշվում է փոխադրվող (տրանսպորտով փոխադրվող) ապրանքի՝ առևտրային, տրանսպորտային (փոխադրման) փաստաթղթերում նշված ընդհանուր արժեքը՝ առանց հաշվի առնելու զեղչերը (եթե կան զեղչերի մասին տեղեկություններ):

Այն դեպքում, երբ առևտրային, տրանսպորտային (փոխադրման) փաստաթղթերին համապատասխան փոխադրվող (տրանսպորտով փոխադրվող) ապրանքի արժեքը նշված է 2 և ավելի արժույթներով, վանդակի երկրորդ ենթաբաժնում (ՏՀ-ի կառուցվածքի համապատասխան վավերապայմանում) նշվում է ապրանքի՝ եվրոյով վերահաշվարկված ընդհանուր արժեքը:

Վանդակը (ՏՀ-ի կառուցվածքի համապատասխան վավերապայմանները) չի լրացվում հետևյալ դեպքերում.

Միության ապրանքը Միության անդամ չհանդիսացող պետությունների տարածքով և (կամ) ծովով մաքսային մարմինների միջև փոխադրման (տրանսպորտային փոխադրման) դեպքում (Օրենսգրքի 304-րդ հոդվածի 1-ին կետի 1-ին ենթակետով նախատեսված դեպքերում, երբ մաքսատուրքերի, հարկերի, հատուկ, հակագնագցման, փոխհատուցման տուրքերի վճարման գծով պարտավորության կատարման ապահովման տրամադրում (այսուհետ՝ ապահովում) չի պահանջվում).

երկաթուղային տրանսպորտով Միության մաքսային տարածք ժամանման վայրի մաքսային մարմնից մինչև այդ տարածքից մեկնման վայրի մաքսային մարմին օտարերկրյա ապրանքների փոխադրման դեպքում.

Օրենսգրքի 146-րդ հոդվածի 4-րդ կետի 9-11-րդ ենթակետում նշված այն ապրանքների փոխադրման (տրանսպորտային փոխադրման) դեպքում, որոնց համար չի պահանջվում ապահովման տրամադրում

միջազգային փոստային առաքանիների տեղափոխման դեպքում:

Ղազախստանի Հանրապետության տարածքի սահմաններում ժամանման վայրի մաքսային մարմնից մինչև Ղազախստանի Հանրապետության տարածքից մեկնման վայրի մաքսային մարմինը օդային տրանսպորտով օտարերկրյա ապրանքների փոխադրման (տրանսպորտային փոխադրման) դեպքում։

(27-րդ կետը լրաց. ԵՏՀԿ 18.07.23 թիվ 104)

28. 31-րդ՝ «Բեռնատեղիները և ապրանքների նկարագրությունը» վանդակը լրացվում է հետևյալ կարգով:

Էլեկտրոնային փաստաթղթի տեսքով ՏՀ-ում տեղեկությունները նշվում են ՏՀ-ի կառուցվածքի համապատասխան վավերապայմաններում, իսկ թղթային կրիչով փաստաթղթի տեսքով ՏՀ-ում՝ նոր տողից՝ հետևյալ համարներով.

1 համարի տակ «,» ստորակետի նշանով՝

ապրանքի անվանումը, ինչպես նաև դրա նկարագրությունը՝ առևտրային, տրանսպորտային (փոխադրման) փաստաթղթերին համապատասխան, որոնք բավարար են մաքսային մարմնի կողմից դրա նույնականացման համար՝ բացառությամբ սույն կետի հինգերորդից յոթերորդ պարբերություններում նշված դեպքերի.

անվանումը (առևտրային, կոմերցիոն կամ այլ) ՝ ապրանքի դասակարգման մասին նախնական որոշման մեջ կամ ապրանքի դասակարգման մասին որոշման մեջ որպես կազմատված ապրանքի բաղադրիչներ նշված՝ չհավաքված կամ կազմատված, այդ թվում՝ չկոմպլեկտավորված կամ անավարտ տեսքով փաստացի տեղափոխվող ապրանքների (այսուհետ՝ կազմատված ապրանքի բաղադրիչներ) առևտրային, տրանսպորտային (փոխադրման) փաստաթղթերին համապատասխան (այն դեպքում, երբ որոշակի ժամանակահատվածի ընթացքում մեկ կամ մի քանի տրանսպորտային միջոցներով փոխադրվող՝ կազմատված ապրանքի այն բաղադրիչների մաքսային հայտարարագրման դեպքում, որոնք ապրանքի դասակարգման մասին նախնական որոշման մեջ կամ ապրանքի դասակարգման որոշման մեջ նշված են որպես այդպիսի բաղադրիչներ, թղթային կրիչով ՏՀ-ի 33-րդ վանդակում (ՏՀ-ի կառուցվածքի համապատասխան վավերապայմանում) նշված է ԵԱՏՄ ԱՏԳ ԱԱ-ին համապատասխան այն ծածկագիրը, որը համապատասխանում է կոմպլեկտավորված կամ ավարտուն տեսքով կազմատված ապրանքի՝ ապրանքի դասակարգման մասին նախնական որոշման կամ ապրանքի դասակարգման մասին որոշման մեջ նշված ծածկագրին):

Ռազմական նշանակության ապրանքների փոխադրման (տրանսպորտային փոխադրման) ժամանակ կատարվում է «Ռազմական նշանակության ապրանքներ» գրառումը: Էլեկտրոնային փաստաթղթի տեսքով ՏՀ ներկայացնելիս այդ տեղեկությունները կարող են նշվել ծածկագրված ձևով:

Միջազգային փոստային առաքանիների տեղափոխման ժամանակ կատարվում է «МПО» գրառումը, ինչպես նաև «,» ստորակետի նշանով նշվում են միջազգային փոստային առաքանիների տեսակներն ու փոստային փաթեթների և (կամ) տարաների համարները.

2 համարի տակ՝

փաթեթվածք ունեցող ապրանքի կամ անձնական օգտագործման համար այն ապրանքի փոխադրման (տրանսպորտային փոխադրման) դեպքում, որը փոխադրվում է նաև անձնական օգտագործման տրանսպորտային միջոցի հետ միասին (հայտարարատուի մոտ բեռնատեղիների քանակի առկայության դեպքում), նշվում է բեռնատեղիների (ցիստեռնների, վանդակների, տակդիրների (ընդկալների), արկղերի, պարկերի և (կամ) տակառների, իսկ միջազգային փոստային առաքանիների տեղափոխման դեպքում՝ փոստային փաթեթների և (կամ) տարաների) քանակը և «,» ստորակետի նշանով նշվում են ապրանքի փաթեթվածքի տեսակի ծածկագիրը (տեսակների ծածկագիրը)՝ բեռի, փաթեթվածքի և փաթեթավորման նյութերի տեսակների ծածկագրին համապատասխան՝ «-» գծիկի նշանով թվային եղանակով դնելով փաթեթվածքների քանակը՝ ըստ յուրաքանչյուր տեսակի, ինչպես նաև ապրանքների փաթեթվածքի վրա մակնշման մասին տվյալները (տրանսպորտային (փոխադրման) փաստաթղթերում նշված տեղեկությունների առկայության դեպքում).

առանց փաթեթվածքի (տրանսպորտային միջոցի սարքավորված տարաներում լիրքով, լցվածքով, խուռնաբեռն փոխադրվող (տրանսպորտով փոխադրվող)) այն ապրանքի փոխադրման (տրանսպորտային փոխադրման) դեպքում, որի համար տրանսպորտային (փոխադրման) փաստաթղթերում չի սահմանվել բեռնատեղիների քանակը, կամ անձնական օգտագործման այն ապրանքի փոխադրման դեպքում, որը փոխադրվում է նաև անձնական օգտագործման համար տրանսպորտային միջոցի հետ միասին, և հայտարարատուի մոտ բեռնատեղիների քանակի մասին տեղեկությունների բացակայության դեպքում նշվում է «0» արժեքը և «/» բաժանիչ նշանով ծածկագիրը՝ բեռի, փաթեթվածքի և փաթեթավորման նյութերի տեսակների դասակարգչին համապատասխան:

Էլեկտրոնային փաստաթղթի տեսքով ՏՀ ներկայացնելիս այդ տեղեկությունները կարող են նշվել ծածկագրված ձևով.

3 համարի տակ ապրանքների՝ բեռնարկղով փոխադրման դեպքում նշվում է բեռնարկղի նույնականացման համարը (բեռնարկղերի նույնականացման համարները նշվում են «/» բաժանիչ նշանով):

Ռազմական նշանակության ապրանքների փոխադրման (տրանսպորտային փոխադրման) ժամանակ 2 և 3 համարների տակ տեղեկություններ չեն նշվում:

29. 32-րդ՝ «Ապրանքը» վանդակը լրացվում է հետևյալ կարգով:

Վանդակում (ՏՀ-ի կառուցվածքի համապատասխան վավերապայմանում) թվային եղանակով, սկսած 1-ից, նշվում է ապրանքի հերթական համարը:

Միջազգային փոստային առաքանիների տեղափոխման դեպքում նշում է «1» արժեքը։

30. 33-րդ՝ «Ապրանքի ծածկագիրը» վանդակը, բացառությամբ սույն կետով սահմանված դեպքերի, լրացվում է հետևյալ կարգով։

Վանդակի առաջին ենթաբաժնում (ՏՀ-ի կառուցվածքի համապատասխան վավերապայմանում) առանց բացատների նշվում է ապրանքի ծածկագիրը՝ ԵԱՏՄ ԱՏԳ ԱԱ-ին համապատասխան, առնվազն առաջին 6 նիշերի մակարդակով։

Որոշակի ժամանակահատվածի ընթացքում մեկ կամ մի քանի տրանսպորտային միջոցներով 2 և ավելի անդամ պետությունների տարածքներով տեղափոխվող կազմատված ապրանքի այն բաղադրիչների մաքսային հայտարարագրման դեպքում, որոնք ապրանքի դասակարգման մասին նախնական որոշման կամ ապրանքի դասակարգման մասին որոշման մեջ նշված են որպես այդպիսի բաղադրիչներ, վանդակի առաջին ենթաբաժնում (ՏՀ-ի կառուցվածքի համապատասխան վավերապայմանում) նշվում է ԵԱՏՄ ԱՏԳ ԱԱ-ին համապատասխան այն ծածկագիրը, որը համապատասխանում է կոմպլեկտավորված կամ ավարտուն տեսքով կազմատված ապրանքի՝ ապրանքների դասակարգման մասին համապատասխան նախնական որոշման կամ ապրանքի դասակարգման մասին որոշման մեջ նշված ծածկագրին։

Բելառուսի Հանրապետությունում տարերային աղետների, բնական և տեխնածին բնույթի արտակարգ իրավիճակների հետևանքները վերացնելու և մարդասիրական ու տեխնիկական օգնության համար նախատեսված այն ապրանքների մաքսային հայտարարագրման դեպքում, որոնց փոխադրումը (տրանսպորտային փոխադրումը) իրականացվում է Բելառուսի Հանրապետության սահմաններում, և որոնց նկատմամբ չեն կիրառվում արգելքներ և սահմանափակումներ, ինչպես նաև չի տրամադրվում ապահովում, ապրանքի ծածկագիրը, ԵԱՏՄ ԱՏԳ ԱԱ-ին համապատասխան, չի նշվում։

Միջազգային փոստային առաքանիներով ուղարկվող ապրանքների մաքսային հայտարարագրման դեպքում ապրանքի ծածկագիրը, ԵԱՏՄ ԱՏԳ ԱԱ-ին համապատասխան, չի նշվում։

Վանդակի երկրորդ ենթաբաժնում (ՏՀ-ի կառուցվածքի համապատասխան վավերապայմանում) նշվում է «С» նշագիրը (հայտարարատուի մոտ այն տեղեկատվության առկայության դեպքում, ըստ որի ապրանքի նկատմամբ չեն սահմանվել արգելքներ և սահմանափակումներ)։

Վանդակի երրորդ ենթաբաժնում (ՏՀ-ի կառուցվածքի համապատասխան վավերապայմանում) նշվում է «К» նշագիրը (որոշակի ժամանակահատվածի ընթացքում մեկ կամ մի քանի տրանսպորտային միջոցներով 2 և ավելի անդամ պետությունների տարածքով կազմատված ապրանքի բաղադրիչների մաքսային հայտարարագրման դեպքում)։

Ղազախստանի Հանրապետությունում այն օտարերկրյա ապրանքների մաքսային հայտարարագրման դեպքում, որոնց փոխադրումը (տրանսպորտային փոխադրումը) իրականացվում է օդային տրանսպորտով Ղազախստանի Հանրապետության տարածքի սահմաններում ժամանման վայրի մաքսային մարմնից մինչև Ղազախստանի Հանրապետության տարածքից մեկնման վայրի մաքսային մարմինը, և որոնց նկատմամբ չեն կիրառվում արգելքներ ու սահմանափակումներ, ապրանքի ծածկագիրը ԵԱՏՄ ԱՏԳ ԱԱ-ին համապատասխան չի նշվում։

(30-րդ կետը լրաց. ԵՏՀԿ 18.07.23 թիվ 104)

31. 35-րդ՝ «Համաքաշը (կգ)» վանդակը լրացվում է հետևյալ կարգով։

Վանդակում (ՏՀ-ի կառուցվածքի համապատասխան վավերապայմանում) նշվում է այն ապրանքի համաքաշը՝ կիլոգրամով, որի վերաբերյալ տեղեկությունները նշված են թղթային կրիչով ՏՀ-ի 31-րդ վանդակում (ՏՀ-ի կառուցվածքի համապատասխան վավերապայմաններում)՝ տրանսպորտային (փոխադրման), այդ թվում՝ միջազգային փոստային առաքանիներն ուղեկցող՝ Համաշխարհային փոստային միության ակտերով նախատեսված փաստաթղթերին համապատասխան (միջազգային փոստային առաքանիների մաքսային հայտարարագրման դեպքում)։ Համաքաշ ասելով հասկացվում է ապրանքի ընդհանուր քաշը, ներառյալ՝ տակդիրները (ընդկալները) և դրա փաթեթվածքի բոլոր տեսակները, որոնք անհրաժեշտ են մինչև շրջանառության մեջ դրվելը դրա անփոփոխ վիճակն ապահովելու համար՝ բացառությամբ բեռնարկղերի և (կամ) ցիստեռնների, վանդակների, տակդիրների, որոնք բազմաշրջանառու տարա և (կամ) տրանսպորտային սարքավորանք են։

Ապրանքի ընդհանուր զանգվածի նշվող արժեքը կլորացվում է ստորակետից հետո մինչև 3 նիշ, իսկ այն դեպքում, երբ ապրանքի ընդհանուր զանգվածը կազմում է 1 գրամից պակաս՝ ստորակետից հետո մինչև 6 նիշ։

32. 40-րդ՝ «Նախորդող փաստաթուղթը» վանդակը լրացվում է հետևյալ կարգով։

Էլեկտրոնային փաստաթղթի տեսքով ՏՀ-ում տեղեկությունները նշվում են ՏՀ-ի կառուցվածքի համապատասխան վավերապայմաններում, իսկ թղթային կրիչով փաստաթղթի տեսքով ՏՀ-ում՝ նոր տողից «/» բաժանիչ նշանով՝

ծածկագիրը՝ փաստաթղթերի և տեղեկությունների տեսակների դասակարգչին համապատասխան, և ապրանքների նախնական հայտարարագրի գրանցման համարը (այն դեպքում, երբ մաքսային մարմին է ներկայացվել ապրանքների նախնական հայտարարագիրը), ինչպես նաև մաքսային ընթացակարգի ծածկագիրը՝ մաքսային ընթացակարգերի տեսակների դասակարգչին համապատասխան․

ծածկագիրը՝ փաստաթղթերի և տեղեկությունների տեսակների դասակարգչին համապատասխան, և մաքսային հայտարարագրի գրանցման համարը (այն դեպքում, երբ ապրանքները նախքան «մաքսային տարանցում» մաքսային ընթացակարգով ձևակերպվելը ձևակերպվել են մաքսային ընթացակարգերից մեկով)․

ծածկագիրը՝ փաստաթղթերի և տեղեկությունների տեսակների դասակարգչին համապատասխան, և ապրանքների՝ ժամանակավոր պահպանման տակ գտնվելը հաստատող փաստաթղթի համարը (այն դեպքում, երբ ապրանքները գտնվում են ժամանակավոր պահպանման տակ)։

33. 41-րդ՝ «Լրացուցիչ չափման միավորներ» վանդակը, բացառությամբ սույն կետով սահմանված դեպքի, լրացվում է հետևյալ կարգով։

Վանդակի առաջին ենթաբաժնում (ՏՀ-ի կառուցվածքի համապատասխան վավերապայմանում) թվային եղանակով նշվում է այն ապրանքի քանակը լրացուցիչ չափման միավորով, որի վերաբերյալ տեղեկությունները նշված են թղթային կրիչով ՏՀ-ի 31-րդ վանդակում (ՏՀ-ի կառուցվածքի համապատասխան վավերապայմանում), եթե ԵԱՏՄ ԱՏԳ ԱԱ-ին համապատասխան հայտարարագրվող ապրանքի նկատմամբ կիրառվում է լրացուցիչ չափման միավոր։

Լրացուցիչ չափման միավորով ապրանքի քանակը նշվում է ստորակետից հետո մինչև 2 նիշ ճշգրտությամբ, իսկ եթե լրացուցիչ չափման միավորով ապրանքի քանակը քիչ է 0,01-ից՝ ստորակետից հետո մինչև 6 նիշ ճշգրտությամբ։

Վանդակի երկրորդ ենթաբաժնում (ՏՀ-ի կառուցվածքի համապատասխան վավերապայմանում) նշվում է լրացուցիչ չափման միավորի ծածկագիրը՝ չափման միավորների դասակարգչին համապատասխան։

Վանդակը (ՏՀ-ի կառուցվածքի համապատասխան վավերապայմանը) չի լրացվում այն դեպքում, երբ թղթային կրիչով ՏՀ-ի 33-րդ վանդակում (ՏՀ-ի կառուցվածքի համապատասխան վավերապայմանում) նշված չէ ապրանքի ծածկագիրը՝ ԵԱՏՄ ԱՏԳ ԱԱ-ին համապատասխան։

34. 42-րդ՝ «Արժույթը և ապրանքի արժեքը» վանդակը, բացառությամբ սույն կետով սահմանված դեպքերի, լրացվում է հետևյալ կարգով։

Վանդակի առաջին ենթաբաժնում (ՏՀ-ի կառուցվածքի համապատասխան վավերապայմանում) նշվում է այն արժույթի տառային ծածկագիրը, որով նշված է փոխադրվող (տրանսպորտով փոխադրվող) այն ապրանքի արժեքը՝ արժույթների դասակարգչին համապատասխան, որի վերաբերյալ տեղեկությունները նշված են թղթային կրիչով ՏՀ-ի 31-րդ վանդակում (ՏՀ-ի կառուցվածքի համապատասխան վավերապայմանում) առևտրային, տրանսպորտային (փոխադրման) փաստաթղթերում։

Այն դեպքում, երբ առևտրային, տրանսպորտային (փոխադրման) փաստաթղթերին համապատասխան փոխադրվող (տրանսպորտով փոխադրվող) այն ապրանքի արժեքը, որի վերաբերյալ տեղեկությունները նշված են թղթային կրիչով ՏՀ-ի 31-րդ վանդակում (ՏՀ-ի կառուցվածքի համապատասխան վավերապայմաններում), նշված է 2 և ավելի արժույթներով, ապա վանդակի առաջին ենթաբաժնում (ՏՀ-ի կառուցվածքի համապատասխան վավերապայմանում) նշվում է եվրոյի ծածկագիրը՝ արժույթների դասակարգչին համապատասխան։

Վանդակի երկրորդ ենթաբաժնում (ՏՀ-ի կառուցվածքի համապատասխան վավերապայմանում) նշվում է փոխադրվող (տրանսպորտով փոխադրվող) այն ապրանքի արժեքը, որի վերաբերյալ տեղեկությունները նշված են ՏՀ-ի 31-րդ վանդակում (ՏՀ-ի կառուցվածքի համապատասխան վավերապայմաններում)՝ առանց հաշվի առնելու զեղչերը (եթե կան զեղչերի մասին տեղեկություններ)՝ առևտրային, տրանսպորտային (փոխադրման) փաստաթղթերին համապատասխան արժույթով։

Այն դեպքում, երբ առևտրային, տրանսպորտային (փոխադրման) փաստաթղթերին համապատասխան փոխադրվող (տրանսպորտով փոխադրվող) այն ապրանքի արժեքը, որի վերաբերյալ տեղեկությունները նշված են ՏՀ-ի 31-րդ վանդակում (ՏՀ-ի կառուցվածքի համապատասխան վավերապայմաններում), նշված է 2 և ավելի արժույթներով, ապա վանդակի երկրորդ ենթաբաժնում (ՏՀ-ի կառուցվածքի համապատասխան վավերապայմանում) նշվում է ապրանքի ընդհանուր արժեքը՝ վերահաշվարկված եվրոյով։

Վանդակը (ՏՀ-ի կառուցվածքի համապատասխան վավերապայմանները) չի լրացվում հետևյալ դեպքերում.

Միության ապրանքը Միության անդամ չհանդիսացող պետությունների տարածքներով և (կամ) ծովով մաքսային մարմինների միջև փոխադրման (տրանսպորտային փոխադրման) դեպքում (Օրենսգրքի 304-րդ հոդվածի 1-ին կետի 1-ին ենթակետով նախատեսված դեպքերում, երբ ապահովման տրամադրում չի պահանջվում).

երկաթուղային տրանսպորտով Միության մաքսային տարածք ժամանման վայրի մաքսային մարմնից մինչև այդ տարածքից մեկնման վայրի մաքսային մարմին օտարերկրյա ապրանքների փոխադրման դեպքում.

Օրենսգրքի 146-րդ հոդվածի 4-րդ կետի 9-11-րդ ենթակետում նշված այն ապրանքների փոխադրման (տրանսպորտային փոխադրման) դեպքում, որոնց համար չի պահանջվում ապահովման տրամադրում

միջազգային փոստային առաքանիների տեղափոխման դեպքում։

Ղազախստանի Հանրապետության տարածքի սահմաններում ժամանման վայրի մաքսային մարմնից մինչև Ղազախստանի Հանրապետության տարածքից մեկնման վայրի մաքսային մարմինը օդային տրանսպորտով օտարերկրյա ապրանքների փոխադրման (տրանսպորտային փոխադրման) դեպքում։

(34-րդ կետը լրաց. ԵՏՀԿ 18.07.23 թիվ 104)

35. 44-րդ՝ «Լրացուցիչ տեղեկատվությունը/ Ներկայացված փաստաթղթերը/ Հավաստագրերը և թույլտվությունները» վանդակը լրացվում է հետևյալ կարգով։

Վանդակում նշվում է հետևյալ փաստաթղթերի մասին տեղեկատվությունը.

լիցենզիա, եթե Միության իրավունքը կազմող միջազգային պայմանագրերին և ակտերին կամ անդամ պետությունների օրենսդրությանը համապատասխան ապրանքի տեղափոխումը Միության մաքսային տարածքով թույլատրվում է լիցենզիայի առկայության դեպքում

տրանսպորտային (փոխադրման) փաստաթղթեր.

տրանսպորտային առաքման պայմանագիր (այն դեպքում, երբ որպես հայտարարատու հանդես է գալիս առաքիչը).

ապրանքների արժեքը հաստատող առևտրային փաստաթղթեր (այն դեպքում, երբ լրացվում են ՏՀ-ի 22-րդ և 42-րդ վանդակները).

թույլատրման փաստաթղթեր (հավաստագրեր, թույլատրագրեր և այլ փաստաթղթեր՝ բացառությամբ լիցենզիաների), եթե Միության իրավունքը կազմող միջազգային պայմանագրերին և ակտերին կամ անդամ պետությունների օրենսդրությանը համապատասխան ապրանքի տեղափոխումը Միության մաքսային տարածքով թույլատրվում է նշված փաստաթղթերի առկայության դեպքում

տրանսպորտային միջոցն ապրանքների՝ մաքսային կապարակնիքներով և կնիքներով փոխադրելու համար թույլատրման վկայական.

տրանսպորտային միջոցի՝ անձնական օգտագործման համար տիրապետման, օգտագործման և (կամ) տնօրինման իրավունքը հաստատող և դրա նույնականացման հատկանիշները հաստատող փաստաթուղթ (այն դեպքում, երբ տրանսպորտային միջոցը տեղափոխվում է անձնական օգտագործման համար և ՏՀ-ի 1-ին վանդակի երկրորդ ենթաբաժնում (ՏՀ-ի կառուցվածքի համապատասխան վավերապայմանում) նշված է «ФЛ» նշագիրը)

մաքսային տարածքում ապրանքների վերամշակման պայմանների մասին փաստաթուղթ կամ ներքին սպառման համար վերամշակման պայմանների մասին փաստաթուղթ, եթե «մաքսային տարածքում վերամշակում» մաքսային ընթացակարգով կամ «ներքին սպառման համար վերամշակում» մաքսային ընթացակարգով ձևակերպված օտարերկրյա ապրանքը տեղափոխվում է Միության անդամ չհանդիսացող պետությունների տարածքներով և (կամ) ծովով (առկայության դեպքում).

Եվրասիական տնտեսական հանձնաժողովի կոլեգիայի 2017 թվականի նոյեմբերի 7-ի «Եվրասիական տնտեսական միության ապրանքների կարգավիճակը հաստատող փաստաթղթերի մասին» թիվ 139 որոշման 1-ին կետի «բ» ենթակետում նշված՝ Միության ապրանքների կարգավիճակը հաստատող փաստաթղթեր՝ այդ ապրանքները «մաքսային տարանցում» մաքսային ընթացակարգով ձևակերպելու համար (ազատ (հատուկ, առանձնահատուկ) տնտեսական գոտի հանդիսացող՝ Միության մաքսային տարածքի մի մասից Միության մաքսային տարածքի այլ մաս Միության անդամ չհանդիսացող պետությունների տարածքներով և (կամ) ծովով Միության ապրանքների փոխադրման (տրանսպորտային փոխադրման) դեպքում)

ապրանքի դասակարգման մասին որոշում կամ ապրանքի դասակարգման մասին նախնական որոշում՝ որոշակի ժամանակահատվածի ընթացքում մեկ կամ մի քանի տրանսպորտային միջոցներով փոխադրվող կազմատված ապրանքի այն բաղադրիչի մաքսային հայտարարագրման դեպքում, որը ապրանքի դասակարգման մասին որոշման կամ ապրանքի դասակարգման մասին նախնական որոշման մեջ նշված է որպես այդպիսի բաղադրիչ՝ նշելով ԵԱՏՄ ԱՏԳ ԱԱ-ին համապատասխան այն ծածկագիրը, որը համապատասխանում է կոմպլեկտավորված կամ ավարտուն տեսքով կազմատված ապրանքի՝ ապրանքի դասակարգման մասին համապատասխան նախնական որոշման կամ ապրանքի դասակարգման մասին որոշման ծածկագրին (այն դեպքում, երբ թղթային կրիչով ՏՀ-ի 33-րդ վանդակում (ՏՀ-ի կառուցվածքի համապատասխան վավերապայմանում) նշված է ապրանքի ծածկագիրը՝ սույն կարգի 28-ի հինգերորդ պարբերությանը համապատասխան)

մաքսային միության թույլտվություն՝ Միության մաքսային տարածքի մի մասից Միության մաքսային տարածքի այլ մաս Միության անդամ չհանդիսացող պետությունների տարածքով և (կամ) ծովով փոխադրվող (տրանսպորտով փոխադրվող) Միության ապրանքների հետ բեռնաթափման, փոխաբեռնման, (վերաբեռնման) և այլ բեռնային գործողությունների իրականացման, ինչպես նաև այդ ապրանքները փոխադրող (տրանսպորտով փոխադրվող) տրանսպորտային միջոցների փոխադրման համար (առկայության դեպքում)

բեռնառաքման (փաթեթավորման) թերթիկ (առկայության դեպքում).

Միության անդամ չհանդիսացող, անդամ պետության հետ սահմանակից պետության մաքսային փաստաթուղթ, որը պարունակում է նաև ուղարկող երկրի մաքսային հայտարարագրի համարը (Միության մաքսային տարածք ապրանքների ժամանման պահին այդ տեղեկատվության առկայության դեպքում)։

Թույլատրվում է մաքսային նպատակների համար նշանակություն ունեցող այլ փաստաթղթերի մասին տեղեկությունների նշումը (առկայության դեպքում)։

Էլեկտրոնային փաստաթղթի տեսքով ՏՀ-ում տեղեկությունները նշվում են ՏՀ-ի կառուցվածքի համապատասխան վավերապայմաններում, իսկ թղթային կրիչով փաստաթղթի տեսքով ՏՀ-ում՝ նոր տողից «/» բաժանիչ նշանով՝

ՏՀ-ում հայտագրված տեղեկությունները հաստատող փաստաթղթի ծածկագիրը՝ փաստաթղթերի և տեղեկությունների տեսակների դասակարգչին համապատասխան

ՏՀ-ի ներկայացման ժամանակ այդ փաստաթուղթը ներկայացնելը կամ չներկայացնելը հաստատող հատկանիշը (այսուհետ՝ հատկանիշ)

ՏՀ-ում հայտագրված տեղեկությունները հաստատող յուրաքանչյուր փաստաթղթի մասին տեղեկություններ (համարը, ամսաթիվը, ինչպես նաև (առկայության դեպքում) դրա գործողության ժամկետի ավարտի ամսաթիվը)։

Որպես հատկանիշ նշվում է հետևյալ արժեքներից մեկը.

«0»՝ ՏՀ ներկայացնելիս փաստաթուղթ չի ներկայացվել՝ Օրենսգրքի 109-րդ հոդվածի 8-րդ կետի առաջին պարբերությանը համապատասխան։ Այն դեպքում, երբ այդ փաստաթուղթը և (կամ) դրանից տեղեկությունները, Օրենսգրքի 80-րդ հոդվածի 2-րդ կետին համապատասխան, կարող են ստացվել մաքսային մարմնի կողմից, փաստաթղթի մասին տեղեկությունները նշելուց հետո «/» բաժանիչ նշանով նշվում է ՏՀ-ի կամ այլ մաքսային փաստաթղթի համարը, որը ներկայացնելն ուղեկցվել է այդ փաստաթղթի ներկայացմամբ՝ փաստաթղթերի և տեղեկությունների տեսակների դասակարգչին համապատասխան, և «:» երկու կետի նշանով՝ այդ մաքսային փաստաթղթի գրանցման համարը.

«1»՝ փաստաթուղթը ներկայացվել է ՏՀ ներկայացնելիս:

Օրինակ՝

«02017/0/172МАD00118241 03.03.2018/09013:10005030/150218/0002564.

02017/1/172МАD00118241 03.03.2018»:

Այն դեպքում, երբ վանդակում (ՏՀ-ի կառուցվածքի համապատասխան վավերապայմանում) նշվում է մաքսային նպատակների համար արժեք ունեցող այլ փաստաթղթերի շարքին դասվող փաստաթղթի մասին տեղեկություններ, այդ փաստաթղթի վավերապայմանները նշելուց հետո լրացուցիչ նշվում է դրա անվանումը։

Օրինակ՝

«09999/1/4328 10.01.2018 ՄՇԱԿՈՒՅԹԻ ՆԱԽԱՐԱՐՈՒԹՅԱՆ ԳՐՈՒԹՅՈՒՆ»:

36. 50-րդ՝ «Փոխադրողը» վավերապայմանը, բացառությամբ սույն կետով սահմանված դեպքի, լրացվում է հետևյալ կարգով։

Էլեկտրոնային փաստաթղթի տեսքով ՏՀ-ում տեղեկությունները նշվում են ՏՀ-ի կառուցվածքի համապատասխան վավերապայմաններում, իսկ թղթային կրիչով փաստաթղթի տեսքով ՏՀ-ում՝ նոր տողից «/» բաժանիչ նշանով՝

փոխադրողի (փոխադրողների) հերթական համարը (հերթական համարները)՝ ելնելով ապրանքների փոխադրման (տրանսպորտային փոխադրման) իրականացման գործում դրանց մասնակցության հաջորդականությունից.

փոխադրողի կամ բոլոր փոխադրողների մասին տեղեկությունները՝ ելնելով ապրանքների փոխադրման (տրանսպորտային փոխադրման) իրականացման գործում դրանց մասնակցության հաջորդականությունից՝ սույն կարգի 46-49-րդ կետերին համապատասխան։

Այն դեպքում, երբ ապրանքը փոխադրվում (տրանսպորտով փոխադրվում) է միայն երկաթուղային տրանսպորտով, ու եթե որպես փոխադրում իրականացնող հանդես է գալիս թղթային կրիչի ՏՀ-ի 14-րդ վանդակում նշված հայտարարատուն, թղթային կրիչով փաստաթղթի տեսքով ՏՀ-ի վանդակը չի լրացվում։

Այն դեպքում, երբ ապրանքը փոխադրվում (տրանսպորտով փոխադրվում) է միայն ավտոմոբիլային տրանսպորտով, նշվում են այդ տրանսպորտային միջոցի վարորդի ազգանունը, անունը, հայրանունը (առկայության դեպքում)։

37. 51-րդ՝ «Ամսաթիվը, ստորագրությունը, կնիքը» վանդակը լրացվում է հետևյալ կարգով։

Վանդակում (ՏՀ-ի համապատասխան վավերապայմանում) նշվում է ՏՀ-ի լրացման ամսաթիվը՝ օօ․աա․տտտտ (օր, ամիս, օրացուցային տարի) ձևաչափով։

Եթե մաքսային գործառնությունները կատարվում են հայտարարատուի կողմից, ապա թղթային կրիչով փաստաթղթի տեսքով ՏՀ-ի վանդակում, իսկ լրացուցիչ թերթերի օգտագործման դեպքում՝ յուրաքանչյուր լրացուցիչ թերթի վանդակների տակի տողում, անկախ նրանից, թե որ անձն է հանդես գալիս որպես ապրանքի հայտարարատու, համապատասխանաբար նշվում են՝

հայտարարատուի աշխատակցի ստորագրությունը և հայտարարատուի կնիքը, եթե անդամ պետության օրենսդրությանը համապատասխան նշված անձը պետք է ունենա կնիք.

երկաթուղային կայանի պատասխանատու աշխատակցի ստորագրությունը և օրացուցային կնիքի արտատիպը, եթե որպես հայտարարատու հանդես է գալիս երկաթուղային տրանսպորտով ապրանքների փոխադրումը (տրանսպորտային փոխադրումը) իրականացնող փոխադրողը

ֆիզիկական անձի ստորագրությունը, եթե որպես ապրանքների հայտարարատու հանդես է գալիս ֆիզիկական անձը։

Եթե մաքսային գործառնությունները հայտարարատուի անունից և նրա հանձնարարությամբ կատարում է մաքսային ներկայացուցիչը, թղթային կրիչով փաստաթղթի տեսքով ՏՀ-ի վանդակում, իսկ լրացուցիչ թերթերի օգտագործման դեպքում՝ յուրաքանչյուր լրացուցիչ թերթի վանդակների տակի տողում դրվում են ՏՀ-ն լրացրած անձի (մաքսային ներկայացուցչի ղեկավարի կամ աշխատակցի) ստորագրությունը և մաքսային ներկայացուցչի կնիքը, եթե անդամ պետության օրենսդրությանը համապատասխան նշված անձը պետք է ունենա կնիք։

38. 52-րդ՝ «Ապահովում» վանդակը լրացվում է հետևյալ կարգով:

Վանդակի առաջին ենթաբաժնում (ՏՀ-ի կառուցվածքի համապատասխան վավերապայմաններում) նշվում է՝

այն դեպքում, երբ տրամադրվել է ապահովում՝ «1» արժեքը.

այն դեպքում, երբ ապահովում չի տրամադրվում՝ «2» արժեքը և ապահովման չտրամադրման համար հիմքի ծածկագիրը՝ մաքսատուրքերի, հարկերի, հատուկ, հակագնագցման, փոխհատուցման տուրքերի վճարման գծով պարտավորության կատարման ապահովում չտրամադրելու դեպքերի դասակարգչին համապատասխան:

Էլեկտրոնային փաստաթղթի տեսքով ՏՀ-ում տեղեկությունները նշվում են ՏՀ-ի համապատասխան վավերապայմաններում, իսկ թղթային կրիչով փաստաթղթի տեսքով ՏՀ-ում՝ «/» բաժանիչ նշանով:

Վանդակի երկրորդ ենթաբաժնում (ՏՀ-ի կառուցվածքի համապատասխան վավերապայմանում) նշվում են ապահովման տրամադրումը հաստատող փաստաթղթերի կամ ապահովման չտրամադրման համար հիմքը հաստատող փաստաթղթերի մասին տեղեկությունները: Էլեկտրոնային փաստաթղթի տեսքով ՏՀ-ում տեղեկությունները նշվում են ՏՀ-ի կառուցվածքի համապատասխան վավերապայմաններում, իսկ թղթային կրիչով փաստաթղթի տեսքով ՏՀ-ում՝ յուրաքանչյուր փաստաթղթի համար՝ առանձին տողերով «-» գծիկի նշանով, և ներառում են՝

ա) մեկ տարանցման հայտարարագրով փոխադրվող ապրանքների նկատմամբ ապահովման տրամադրումը հաստատող հավաստագրի համար (այսուհետ՝ ապահովման մեկանգամյա հավաստագիր)՝

ապահովման մեկանգամյա հավաստագրի ծածկագիրը՝ փաստաթղթերի և տեղեկությունների տեսակների դասակարգչին համապատասխան.

ապահովման մեկանգամյա հավաստագրի գրանցման համարը.

բ) մի քանի տարանցման հայտարարագրերով փոխադրվող ապրանքների նկատմամբ գլխավոր ապահովման տրամադրումը հաստատող հավաստագրի համար (այսուհետ՝ ապահովման գլխավոր հավաստագիր)՝

ապահովման գլխավոր հավաստագրի ծածկագիրը՝ փաստաթղթերի և տեղեկությունների տեսակների դասակարգչին համապատասխան.

ապահովման գլխավոր հավաստագրի գրանցման համարը.

այն ապրանքների նկատմամբ օգտագործման համար պլանավորվող գլխավոր ապահովման գումարը, որոնց վերաբերյալ տեղեկությունները նշված են ՏՀ-ում.

այն արժույթի տառային ծածկագիրը, որով տրամադրված է գլխավոր ապահովումը՝ արժույթների դասակարգչին համապատասխան.

այն ապրանքների հերթական համարները, որոնց վերաբերյալ տեղեկությունները նշված են ՏՀ-ում, որոնց համար պլանավորվում է օգտագործել գլխավոր ապահովում, եթե ապահովման հավաստագիրը չի կարող օգտագործվել ՏՀ-ում նշված բոլոր ապրանքների նկատմամբ: Թղթային կրիչով փաստաթղթի տեսքով ՏՀ-ում ապրանքների հերթական համարները նշվում են «,» ստորակետի նշանով: Ապրանքների՝ անընդմեջ հաջորդող հերթական համարները նշվում են համապատասխան ընդգրկույթի առաջին և վերջին համարները գրելու միջոցով՝ իրարից անջատելով «-» գծիկի նշանով.

գ) տրամադրված ապահովման ընդունումը հաստատող փաստաթղթի համար՝

մաքսային փաստաթղթի ծածկագիրը՝ փաստաթղթերի և տեղեկությունների տեսակների դասակարգչին համապատասխան.

մաքսային փաստաթղթի գրանցման համարը.

այն ապրանքների նկատմամբ օգտագործման համար պլանավորվող ապահովման գումարը, որոնց վերաբերյալ տեղեկությունները նշված են ՏՀ-ում, եթե տրամադրված է գլխավոր ապահովում.

այն արժույթի տառային ծածկագիրը, որով տրամադրված է գլխավոր ապահովումը՝ արժույթների դասակարգչին համապատասխան.

դ) ուղարկող մաքսային մարմնին ապահովման տրամադրումը հաստատող այլ փաստաթղթի (դրամական միջոցները (փողը) որպես ապահովում դնելը հաստատող փաստաթղթի, երաշխավորության պայմանագրի, բանկային երաշխիքի, գույքի գրավի մասին պայմանագրի, Օրենսգրքի 63-րդ հոդվածի 2-րդ կետին համապատասխան՝ անդամ պետությունների օրենսդրությամբ սահմանված ապահովման եղանակը կիրառելիս տուրքերը, հարկերը վճարելու պարտավորության կատարումն ապահովող փաստաթղթի) համար այն դեպքում, երբ սույն կետի «գ» ենթակետում նշված մաքսային փաստաթուղթը չի ձևակերպվել՝

ապահովման եղանակի ծածկագիրը՝ մաքսատուրքերի, հարկերի վճարման մասով պարտավորության կատարման ապահովման եղանակների դասակարգչին համապատասխան.

փաստաթղթի համարը և ամսաթիվը՝ օօ.աա.տտ (օր, ամիս, օրացուցային տարվա վերջին 2 թվանշաններ) ձևաչափով, իսկ այն դեպքում, երբ փաստաթուղթը գրանցել է մաքսային մարմինը՝ փաստաթղթի գրանցման համարը.

տրամադրված ապահովման գումարը.

այն արժույթի տառային ծածկագիրը, որով տրամադրվել է ապահովումը՝ արժույթների դասակարգչին համապատասխան.

ե) ապահովման չտրամադրման համար հիմքը հաստատող փաստաթղթի համար (առկայության դեպքում)՝

ապահովման չտրամադրման համար հիմքը հաստատող փաստաթղթի ծածկագիրը՝ փաստաթղթերի և տեղեկությունների տեսակների դասակարգչին համապատասխան

փաստաթղթի համարը և ամսաթիվը՝ օօ.աա.տտ (օր, ամիս, օրացուցային տարվա վերջին 2 թվանշաններ) ձևաչափով, իսկ այն դեպքում, երբ փաստաթուղթը գրանցել է մաքսային մարմինը՝ փաստաթղթի գրանցման համարը:

Վանդակի երրորդ ենթաբաժնում (ՏՀ-ի կառուցվածքի համապատասխան վավերապայմանում) նշվում է ապահովման տրամադրումը հաստատող այն փաստաթղթերի մասին տեղեկություններ, որոնց վերաբերյալ տեղեկությունները ներկայացվել են ուղարկող մաքսային մարմին՝ ՏՀ-ն գրանցելուց հետո: Այդ տեղեկությունները նշվում են էլեկտրոնային փաստաթղթի տեսքով ՏՀ-ում՝ ՏՀ-ի կառուցվածքի համապատասխան վավերապայմաններում, իսկ թղթային կրիչով փաստաթղթի տեսքով ՏՀ-ում՝ յուրաքանչյուր փաստաթղթի համար առանձին տողով «-» գծիկի նշանով և ներառում են սույն կետի «ա»-«դ» ենթակետերում նշված տեղեկությունները:

39. 53-րդ՝ «Նշանակման մաքսային մարմինը/նշանակման կետը» վանդակը լրացվում է հետևյալ կարգով:

Վանդակում (ՏՀ-ի կառուցվածքի համապատասխան վավերապայմանում) նշվում են ենթադրյալ նշանակման մաքսային մարմնի ծածկագիրը՝ Եվրասիական տնտեսական միության անդամ պետությունների մաքսային մարմինների դասակարգչին համապատասխան, ինչպես նաև դրա անվանումը:

Այն դեպքում, երբ ապրանքների առաքման վայր են լիազորված տնտեսական օպերատորի կառույցները, շինությունները (շինությունների մասերը) և (կամ) բաց հրապարակները (բաց հրապարակների մասերը), որպես նշանակման մաքսային մարմնի ծածկագրի ու անվանման լրացում «/» բաժանիչ նշանով նշվում է այն մաքսային հսկողության գոտու գրանցման համարը, որը տեղակայված է լիազորված տնտեսական օպերատորի կառույցներում, շինություններում (շինությունների մասերում) և (կամ) բաց հրապարակներում (բաց հրապարակների մասերում), և որը կհանդիսանա ապրանքների առաքման վայր, իսկ այն դեպքում, երբ անդամ պետությունում մաքսային հսկողության գոտիները չեն հաշվառվում գրանցման համարների տրմամբ՝ լիազորված տնտեսական օպերատորների ռեեստրում ընդգրկվելու մասին վկայականի համարը և լիազորված տնտեսական օպերատորի այն կառույցների, շինությունների (շինությունների մասերի) և (կամ) բաց հրապարակների (բաց հրապարակների մասերի) փոստային հասցեն (առանց նշելու փոստային ինդեքսը), որոնք կհանդիսանան ապրանքների առաքման վայր:

Որպես նշանակման մաքսային մարմնի ծածկագրի և անվանման լրացում՝ «/» բաժանիչ նշանով հայտարարատուի կամ մաքսային ներկայացուցչի ցանկությամբ կարող է նշվել համապատասխան երկաթուղային կայանի ծածկագիրը՝ երկաթուղային տրանսպորտով ապրանքների տեղափոխման հետևյալ դեպքերում.

ժամանման վայրի մաքսային մարմնից մինչև մեկնման վայրի մաքսային մարմին, ներքին մաքսային մարմնից մինչև մեկնման վայրի մաքսային մարմին՝ մեկնման վայրում տեղակայված երկաթուղային կայարանի ծածկագիրը.

անդամ պետություններ չհանդիսացող պետությունների տարածքով մեկնման վայրի մաքսային մարմնից մինչև ժամանման վայրի մաքսային մարմին՝ ժամանման վայրում տեղակայված երկաթուղային կայարանի ծածկագիրը.

ժամանման վայրի մաքսային մարմնից մինչև ներքին մաքսային մարմին և մի ներքին մաքսային մարմնից մինչև այլ ներքին մաքսային մարմին՝ նշանակման երկաթուղային կայարանի ծածկագիրը:

Բելառուսի Հանրապետությունում՝

այն դեպքում, երբ ապրանքների առաքման վայրը Բելառուսի Հանրապետությունում ժամանակավոր պահպանման պահեստի տարածքում տեղակայված մաքսային հսկողության այն գոտին է, որտեղ չկա մաքսային ձևակերպման կետ, որպես նշանակման մաքսային մարմնի ծածկագրի և անվանման լրացում «/» բաժանիչ նշանով նշվում է մաքսային հսկողության այդպիսի գոտու գրանցման համարը.

այն դեպքում, երբ ապրանքների առաքման վայրը Բելառուսի Հանրապետությունում մաքսային հսկողության գոտին է, որն ստեղծվել է ըստ ապրանքներն ստացողի հայտի, որպես նշանակման մաքսային մարմնի ծածկագրի և անվանման լրացում «/» բաժանիչ նշանով նշվում է մաքսային հսկողության՝ ըստ ապրանքներն ստացողի հայտի ստեղծված մաքսային հսկողության այն գոտու գրանցման համարը, որը կհանդիսանա ապրանքների առաքման վայր (օրինակ՝ 07242/В30003420):

40. 55-րդ՝ «Փոխաբեռնումներ» վավերապայմանը, բացառությամբ սույն կետով սահմանված դեպքերի, լրացվում է հետևյալ կարգով։

Վանդակը լրացվում է բեռնաթափման, փոխաբեռնման (վերաբեռնման) գործողությունների նախատեսված կատարման դեպքում, նաև տրանսպորտի մեկ տեսակի տրանսպորտային միջոցից տրանսպորտի մյուս տեսակի տրանսպորտային միջոցի վրա և ապրանքների հետ այլ բեռնային գործողությունների դեպքում (այսուհետ՝ ապրանքների հետ բեռնային գործողություններ), ինչպես նաև այդ ապրանքները փոխադրող (տրանսպորտով փոխադրող) տրանսպորտային միջոցների փոխարինման դեպքում (այսուհետ՝ տրանսպորտային միջոցների փոխարինում)՝ պայմանով, որ «մաքսային տարանցում» մաքսային ընթացակարգի հայտարարատուն չի փոխվում:

«Վայրը և երկիրը» ենթաբաժնում (ՏՀ-ի կառուցվածքի համապատասխան վավերապայմանում) նշվում է այն բնակավայրը և երկիրը («/» բաժանիչ նշանով նշելով այդ երկրի ծածկագիրը՝ աշխարհի երկրների դասակարգչին համապատասխան), որտեղ պլանավորվում է ապրանքների հետ բեռնային գործողությունների կատարումը և (կամ) տրանսպորտային միջոցների փոխարինումը, ինչպես նաև այն մաքսային մարմնի ծածկագիրը, որի տարածաշրջանում պլանավորվում է կատարել այդ գործողությունները (հայտարարատուի մոտ այդ ծածկագրի մասին տեղեկությունների առկայության դեպքում)՝ Եվրասիական տնտեսական միության անդամ պետությունների մաքսային մարմինների դասակարգչին համապատասխան:

«Նոր տրանսպորտային միջոցի նույնականացումը և գրանցման երկիրը» ենթաբաժնում (ՏՀ-ի կառուցվածքի համապատասխան վավերապայմանում) նշվում են տեղեկություններ նոր տրանսպորտային միջոցի (տրանսպորտային միջոցների) մասին՝ ըստ ՏՀ-ի 18-րդ վանդակի լրացման համար նախատեսված կանոնների (այն դեպքում, երբ պլանավորվում է ապրանքների հետ բեռնային գործողությունների կատարում և (կամ) տրանսպորտային միջոցների փոխարինում)՝ բացառությամբ սույն պարբերությունում նշված դեպքի: Չեն նշվում նոր տրանսպորտային միջոցի (տրանսպորտային միջոցների) մասին հետևյալ տեղեկությունները (եթե ՏՀ ներկայացնելու պահին դրանք անհայտ են, կամ ՏՀ-ի 7-րդ վանդակում նշված է «ПТД» նշագիրը)՝

ավտոմոբիլային տրանսպորտային միջոցի (բոլոր տրանսպորտային միջոցների, եթե ապրանքները փոխադրվում են ավտոտրանսպորտային միջոցների շարժակազմով) գրանցման համարը, այդ թվում՝ Բելառուսի Հանրապետության համար լրացուցիչ նշվող տեղեկությունները, դրա տիպը՝ միջազգային փոխադրման տրանսպորտային միջոցների տիպերի դասակարգչին համապատասխան, ինչպես նաև այն երկրի ծածկագիրը, որտեղ գրանցված է տրանսպորտային միջոցը՝ ավտոմոբիլային տրանսպորտով ապրանքների փոխադրման (տրանսպորտային փոխադրման) դեպքում.

երկաթուղային տրանսպորտային միջոցի (վագոն, կիսավագոն, բաց վագոն, ցիստեռն և այլն) համարը, ինչպես նաև դրա տիպը՝ միջազգային փոխադրման տրանսպորտային միջոցների տիպերի դասակարգչին համապատասխան՝ երկաթուղային տրանսպորտով ապրանքների փոխադրման (տրանսպորտային փոխադրման) դեպքում.

նավի (նավերի) անվանումը՝ ջրային տրանսպորտով ապրանքների փոխադրման (տրանսպորտային փոխադրման) դեպքում.

չվերթի (չվերթների) համարը՝ օդային տրանսպորտով ապրանքների փոխադրման (տրանսպորտային փոխադրման) դեպքում:

«Բեռնարկղը» ենթաբաժնում (ՏՀ-ի կառուցվածքի համապատասխան վավերապայմանում) նշվում են հետևյալ արժեքները.

«1»՝ այն դեպքում, երբ ապրանքները փոխաբեռնվում են մեկ բեռնարկղից մյուսը.

«0»՝ այն դեպքում, երբ ապրանքները չեն փոխաբեռնվում մեկ բեռնարկղից մյուսը:

«Փոխադրողի հերթական համարը» ենթաբաժնում (ՏՀ-ի կառուցվածքի համապատասխան վավերապայմանում) թղթային կրիչով ՏՀ-ի 50-րդ վանդակին (ՏՀ-ի կառուցվածքի համապատասխան վավերապայմաններին) համապատասխան նշվում է այն փոխադրողի հերթական համարը, որն իրականացնելու է ապրանքների փոխադրումը (տրանսպորտային փոխադրումը)՝ ապրանքների հետ բեռնային գործողությունների կատարումից և (կամ) տրանսպորտային միջոցների փոխարինումից հետո:

Այն դեպքում, երբ ապրանքների ընթացուղում պլանավորված են ապրանքների հետ բեռնային գործողությունների բազմակի կատարում և (կամ) տրանսպորտային միջոցների փոխարինում, այդ գործողությունների և (կամ) այդ փոխարինման մասին տեղեկատվությունը նշվում է թղթային կրիչով ՏՀ-ի 55-րդ վանդակի համապատասխան բաժիններում (ՏՀ-ի կառուցվածքի համապատասխան վավերապայմաններում):

Վանդակը (ՏՀ-ի կառուցվածքի համապատասխան վավերապայմանները) չի լրացվում հետևյալ դեպքերում.

միջազգային փոստային առաքանիների տեղափոխման դեպքում.

ռազմական նշանակության ապրանքների փոխադրման (տրանսպորտային փոխադրման) դեպքում:

41. «A. Ուղարկող մաքսային մարմինը» վանդակը լրացվում է հետևյալ կարգով։

Վանդակում (ՏՀ-ի կառուցվածքի համապատասխան վավերապայմաններում) նշվում է հետևյալ սխեմայով ձևավորված ՏՀ-ի գրանցման համարը՝

хххххххх/хххххх/ххххххх

       1          2          3

որտեղ՝

1-ին տարրը՝ ՏՀ-ն գրանցած մաքսային մարմնի անվանումը՝ Եվրասիական տնտեսական միության անդամ պետությունների մաքսային մարմինների դասակարգչին համապատասխան.

2-րդ տարրը՝ ՏՀ-ի գրանցման ամսաթիվը՝ օօ.աա.տտ (օր, ամիսը, օրացուցային տարվա վերջին 2 թվանշաններ) ձևաչափով.

3-րդ տարրը՝ ՏՀ-ն գրանցած մաքսային մարմնի կողմից ըստ ՏՀ-ի գրանցամատյանի տրվող՝ ՏՀ-ի հերթական համարը (համարակալումն սկսվում է յուրաքանչյուր օրացուցային տարի՝ 0000001 թվից):

Թղթային կրիչով փաստաթղթի տեսքով ՏՀ-ի վանդակում ՏՀ-ի գրանցման համարի բոլոր տարրերը նշվում են «/» բաժանիչ նշանով, տարրերի միջև բացատներ չեն թույլատրվում:

ՏՀ-ի գրանցման համարը նշվում է ՏՀ-ի հիմնական և լրացուցիչ թերթերի վանդակում և լրացման յուրաքանչյուր օրինակի վերին անկյունում (այն դեպքում, երբ օգտագործվում է լրացում):

42. «С. Ուղարկող մաքսային մարմինը» վանդակը լրացվում է հետևյալ կարգով։

Վանդակում նշվում են ուղարկող մաքսային մարմնի կողմից ընդունված որոշումների մասին տեղեկությունները:

Էլեկտրոնային փաստաթղթի տեսքով ՏՀ-ում տեղեկությունները նշվում են ՏՀ-ի կառուցվածքի համապատասխան վավերապայմաններում, իսկ թղթային կրիչով փաստաթղթի տեսքով ՏՀ-ում՝ «/» բաժանիչ նշանով հետևյալ հաջորդականությամբ.

ուղարկող մաքսային մարմնի կողմից ընդունված որոշման ծածկագիրը՝ մաքսային մարմինների կողմից ընդունվող որոշումների դասակարգչին համապատասխան.

ընդունված որոշման անվանումը՝ մաքսային մարմինների կողմից ընդունվող որոշումների դասակարգչին համապատասխան.

որոշման ընդունման ամսաթիվը՝ օօ.աա.տտ (օր, ամիս, օրացուցային տարվա վերջին 2 թվանշաններ) ձևաչափով:

Այն դեպքում, երբ ապրանքների բացթողումն իրականացվել է մաքսային մարմնի տեղեկատվական համակարգի միջոցով՝ առանց մաքսային մարմնի պաշտոնատար անձի մասնակցության, վանդակում ընդունված որոշման անվանումից հետո լրացուցիչ նշվում է «А» նշագիրը:

Այն դեպքում, երբ ուղարկող մաքսային մարմինն ընդունել է ապրանքների բացթողումը մերժելու մասին որոշում, ընդունված որոշման անվանումից հետո լրացուցիչ կերպով վանդակում (ՏՀ-ի կառուցվածքի համապատասխան վավերապայմանում) նշվում են այդ մերժման պատճառի մասին տեղեկություններ՝ «Ապրանքների բացթողումը մերժվել է հետևյալ պատճառով՝ » գրառման տեսքով:

Վանդակում նշված գրառումները վավերացվում են ուղարկող մաքսային մարմնի պաշտոնատար անձի ստորագրությամբ ու նրա անձնական համարակալված կնիքի դրոշմվածքով (թղթային կրիչով փաստաթղթի տեսքով ՏՀ ներկայացնելու դեպքում):

43. «D. Ուղարկող մաքսային մարմնի նշումները» վանդակը լրացվում է հետևյալ կարգով:

Էլեկտրոնային փաստաթղթի տեսքով ՏՀ-ում տեղեկությունները նշվում են ՏՀ-ի կառուցվածքի համապատասխան վավերապայմաններում, իսկ թղթային կրիչով փաստաթղթի տեսքով ՏՀ-ում՝ նոր տողից «/» բաժանիչ նշանով՝

1 թվանշանի տակ՝ նշանակման մաքսային մարմնի ծածկագիրը՝ Եվրասիական տնտեսական միության անդամ պետությունների մաքսային մարմինների դասակարգչին համապատասխան, ինչպես նաև դրա անվանումը (թղթային կրիչով փաստաթղթի տեսքով ՏՀ ներկայացնելու դեպքում):

Այն դեպքում, երբ ուղարկող մաքսային մարմնի կողմից ապրանքների առաքման վայր են սահմանվել լիազորված տնտեսական օպերատորի կառույցները, շինությունները (շինությունների մասերը) և (կամ) բաց հրապարակները (բաց հրապարակների մասերը), որպես նշանակման մաքսային մարմնի ծածկագրի ու անվանման լրացում «/» բաժանիչ նշանով նշվում է այն մաքսային հսկողության գոտու գրանցման համարը, որը տեղակայված է լիազորված տնտեսական օպերատորի կառույցներում, շինություններում (շինությունների մասերում) և (կամ) բաց հրապարակներում (բաց հրապարակների մասերում), և որը կհանդիսանա ապրանքների առաքման վայր, իսկ այն դեպքում, երբ անդամ պետությունում մաքսային հսկողության գոտիները չեն հաշվառվում գրանցման համարների տրմամբ՝ լիազորված տնտեսական օպերատորների ռեեստրում ընդգրկվելու մասին վկայականի համարը և լիազորված տնտեսական օպերատորի այն կառույցների, շինությունների (շինությունների մասերի) և (կամ) բաց հրապարակների (բաց հրապարակների մասերի) փոստային հասցեն (առանց նշելու փոստային ինդեքսը), որոնք կհանդիսանան ապրանքների առաքման վայր՝ թղթային կրիչով ՏՀ-ի 53-րդ վանդակին (ՏՀ-ի կառուցվածքի համապատասխան վավերապայմանին) համապատասխան:

Երկաթուղային տրանսպորտով ապրանքների փոխադրման դեպքում նշանակման մաքսային մարմնի ծածկագրին և անվանմանը լրացուցիչ «/» բաժանիչ նշանով նշվում է այն երկաթուղային կայարանի ծածկագիրը, որը հանդիսանալու է ապրանքների առաքման վայր՝ հաշվի առնելով ՏՀ-ի 53-րդ վանդակում հայտագրված տեղեկությունները (այն դեպքում, երբ այդ տեղեկությունները նշված են):

Բելառուսի Հանրապետությունում՝

այն դեպքում, երբ ապրանքների առաքման վայրը Բելառուսի Հանրապետությունում ժամանակավոր պահպանման պահեստի տարածքում տեղակայված մաքսային հսկողության այն գոտին է, որտեղ չկա մաքսային ձևակերպման կետ, որպես նշանակման մաքսային մարմնի ծածկագրի և անվանման լրացում «/» բաժանիչ նշանով նշվում է մաքսային հսկողության այդպիսի գոտու գրանցման համարը.

այն դեպքում, երբ ապրանքների առաքման վայրը Բելառուսի Հանրապետությունում մաքսային հսկողության գոտին է, որն ստեղծվել է ըստ ապրանքներն ստացողի հայտի, որպես նշանակման մաքսային մարմնի ծածկագրի և անվանման լրացում «/» բաժանիչ նշանով նշվում է մաքսային հսկողության՝ ըստ ապրանքներն ստացողի հայտի ստեղծված մաքսային հսկողության այն գոտու գրանցման համարը, որը կհանդիսանա ապրանքների առաքման վայր (օրինակ՝ 07242/В30003420).

2 թվանշանի տակ՝ «Մաքսային տարանցման ժամկետը՝ » գրառումը՝ նշելով այն ամսաթիվը, մինչև որը ապրանքները պետք է հասցվեն ուղարկող մաքսային մարմնից մինչև նշանակման մաքսային մարմին, օօ.աա.տտ (օր, ամիս, օրացուցային տարվա վերջին 2 թվանշաններ) ձևաչափով.

3 թվանշանի տակ՝ «Երթուղին՝ » գրառումը՝ նշելով միջանկյալ մաքսային մարմնի (միջանկյալ մաքսային մարմինների) ծածկագիրը՝ Եվրասիական տնտեսական միության անդամ պետությունների մաքսային մարմինների դասակարգչին համապատասխան, և դրա անվանումը, ինչպես նաև միջանկյալ մաքսային մարմինների հերթական համարները (այն դեպքում, երբ սահմանվել է ապրանքների փոխադրման երթուղին).

4 թվանշանի տակ՝ ուղարկող մաքսային մարմնի կողմից կիրառված նույնականացման միջոցների համարները (առկայության դեպքում), դրանց ընդհանուր քանակը՝ նշելով նույնականացման միջոցների տեսակի ծածկագիրը (տեսակների ծածկագրերը)՝ նույնականացման միջոցների տեղեկագրքերին համապատասխան, և դրանց տարբերակիչ հատկանիշները (առկայության դեպքում), ինչպես նաև ուղարկող մաքսային մարմնի կողմից որպես նույնականացման միջոցներ ճանաչված՝ կապարակնիքների, կնիքների կամ նույնականացման այլ միջոցների համարները և ընդհանուր քանակը, որոնք նշված են Օրենսգրքի 341-րդ հոդվածի 4-րդ կետում, և որոնց վերաբերյալ տեղեկությունները հայտագրված են ՏՀ-ի 20-րդ վանդակում (այն դեպքում, երբ այդ տեղեկությունները նշված են):

Այն դեպքում, երբ ուղարկող մաքսային մարմինը որպես նույնականացման միջոցներ ճանաչում է բոլոր կապարակնիքները, կնիքները կամ նույնականացման այլ միջոցներ, որոնք նշված են Օրենսգրքի 341-րդ հոդվածի 4-րդ կետում, և որոնց վերաբերյալ տեղեկությունները հայտագրված են ՏՀ-ի 20-րդ վանդակում (այն դեպքում, երբ այդ տեղեկությունները նշված են), 4 թվանշանի տակ նշվում է «Կապարակնիքները ճանաչվել են» գրառումը.

5 թվանշանի տակ՝ «Մեկանգամյա թույլտվություն» գրառումը (պաշտոնատար անձի կողմից՝ տրանսպորտային միջոցի՝ մաքսային կապարակնիքներով և կնիքներով ապրանքների փոխադրում իրականացնելու համար մեկանգամյա թույլտվության մասին դրական որոշում ընդունելու դեպքում).

6 թվանշանի տակ՝ «Զննում» գրառումը և մաքսային զննման ակտի համարը (այն դեպքում, եթե կատարվում է մաքսային զննում).

7 թվանշանի տակ՝ «Մաքսային ուղեկցում» գրառումը (այն դեպքում, երբ ուղարկող մաքսային մարմինը մաքսային ուղեկցում կիրառելու մասին որոշում է ընդունել).

8 թվանշանի տակ՝ սեյֆ փաթեթի համարի մասին տեղեկությունները՝ այն նույնականացման նպատակով օգտագործելու դեպքում.

9 թվանշանի տակ՝ մաքսային նպատակների համար նշանակություն ունեցող այլ տեղեկություններ:

Վանդակում նշված տեղեկությունները վավերացվում են ուղարկող մաքսային մարմնի պաշտոնատար անձի ստորագրությամբ ու նրա անձնական համարակալված կնիքի դրոշմվածքով (թղթային կրիչով փաստաթղթի տեսքով ՏՀ ներկայացնելու դեպքում):

44. «F. Իրավասու մարմինների հաստատումը» վանդակը լրացվում է հետևյալ կարգով։

Էլեկտրոնային փաստաթղթի տեսքով ՏՀ-ում տեղեկությունները նշվում են ՏՀ-ի կառուցվածքի համապատասխան վավերապայմաններում, իսկ թղթային կրիչով փաստաթղթի տեսքով ՏՀ-ում՝ «/» բաժանիչ նշանով, նոր տողից՝

Ապրանքների հետ բեռնային գործողություններ կատարելու և (կամ) տրանսպորտային միջոցների փոխարինման ամսաթիվը՝ օօ․աա․տտ (օր, ամիս, օրացուցային տարվա վերջին 2 թվանշաններ) ձևաչափով, նույնականացման նոր (լրացուցիչ) միջոցների համարները (առկայության դեպքում), դրանց ընդհանուր քանակը՝ նշելով նույնականացման միջոցների տեսակի (տեսակների) ծածկագիրը՝ նույնականացման միջոցների տեսակների տեղեկագրքին համապատասխան, ինչպես նաև կիրառված նույնականացման միջոցների տարբերակիչ հատկանիշները (առկայության դեպքում) (այն դեպքում, երբ Միության մաքսային տարածքով ապրանքների ընթացուղում կատարվել են ապրանքների հետ բեռնային գործողություններ և (կամ) տրանսպորտային միջոցների փոխարինում, որոնցով նախատեսվում է բեռնային գործողությունների կատարման և (կամ) տրանսպորտային միջոցների փոխարինման՝ մաքսային մարմնի թույլտվության ստացում): Նշված գրառումը վավերացվում է մաքսային գործառնությունների կատարման և (կամ) տրանսպորտային միջոցների փոխարինման թույլտվություն տված մաքսային միության պաշտոնատար անձի ստորագրությամբ և նրա անձնական համարակալված կնիքի դրոշմվածքով (Միության մաքսային տարածքով ապրանքների փոխադրման (տրանսպորտային փոխարինման) դեպքում) (թղթային կրիչով փաստաթղթի տեսքով ՏՀ ներկայացնելու դեպքում)

«Մաքսային տարանցման ժամկետը երկարաձգվել է մինչև » գրառումը՝ նշելով ամսաթիվը՝ օօ.աա.տտ (օր, ամիս, օրացուցային տարվա վերջին 2 թվանշաններ) ձևաչափով, մինչև որը երկարաձգվել է մաքսային տարանցման ժամկետը (այն երկարաձգելու դեպքում)։ Նշված գրառումը վավերացվում է «մաքսային տարանցում» մաքսային ընթացակարգի ժամկետը երկարաձգած մաքսային մարմնի պաշտոնատար անձի ստորագրությամբ ու նրա անձնական համարակալված կնիքի դրոշմվածքով (թղթային կրիչով փաստաթղթի տեսքով ՏՀ ներկայացնելու դեպքում):

«Վթարի մասին ակտը» գրառումը՝ նշելով վթարի կամ անհաղթահարելի ուժի գործողության մասին ակտի համարը և ամսաթիվը՝ օօ.աա.տտ. (օր, ամիս, օրացուցային տարվա վերջին 2 թվանշաններ) ձևաչափով, ինչպես նաև «,» ստորակետի նշանով երրորդ կողմի հետ անդամ պետությունների միջազգային պայմանագրերով, Միության իրավունքի կազմում ընդգրկվող ակտերով և (կամ) անդամ պետությունների կամ այլ այն պետության օրենսդրությամբ նախատեսված փաստաթղթի համարը և ամսաթիվը (առկայության դեպքում)՝ օօ.աա.տտ. (օր, ամիս, օրացուցային տարվա վերջին 2 թվանշաններ) ձևաչափով, որի տարածքում առաջացել են այդ հանգամանքները: Նշված գրառումը վավերացվում է այն մաքսային մարմնի պաշտոնատար անձի ստորագրությամբ, որը կազմել է վթարի կամ անհաղթահարելի ուժի ազդեցության վերաբերյալ ակտը, և որին ներկայացվել են սույն պարբերությունում նշված փաստաթղթերը, ինչպես նաև նրա անձնական համարակալված կնիքի դրոշմվածքով (թղթային կրիչով փաստաթղթի տեսքով ՏՀ ներկայացնելու դեպքում).

«Ապրանքն ընթացուղով անցել է» գրառումը՝ միջանկյալ մաքսային մարմնի ծածկագրի նշումով՝ Եվրասիական տնտեսական միության անդամ պետությունների մաքսային մարմինների դասակարգչին համապատասխան, և դրա անվանումը՝ փոխադրողի կողմից սահմանված ապրանքների փոխադրման երթուղուն հետևելը հաստատելու դեպքում (այն դեպքում, երբ սահմանվել է ապրանքների փոխադրման երթուղին): Նշված գրառումը վավերացվում է ապրանքների փոխադրման սահմանված երթուղուն հետևելու փաստը հաստատած՝ միջանկյալ մաքսային մարմնի պաշտոնատար անձի ստորագրությամբ ու նրա անձնական համարակալված կնիքի դրոշմվածքով (թղթային կրիչով փաստաթղթի տեսքով ՏՀ ներկայացնելու դեպքում).

«Երթուղին փոփոխվել է» գրառումը՝ նշելով փոփոխված միջանկյալ մաքսային մարմնի (միջանկյալ մաքսային մարմինների) ծածկագիրը՝ Եվրասիական տնտեսական միության անդամ պետությունների մաքսային մարմինների դասակարգչին համապատասխան, և դրա անվանումը, ինչպես նաև միջանկյալ մաքսային մարմինների հերթական համարները՝ ապրանքների փոխադրման սահմանված երթուղու փոփոխման մասին որոշում ընդունելու դեպքում (այն դեպքում, երբ սահմանվել է ապրանքների փոխադրման երթուղին): Նշված գրառումը վավերացվում է ապրանքների փոխադրման սահմանված երթուղին փոփոխելու մասին որոշում ընդունած միջանկյալ մաքսային մարմնի պաշտոնատար անձի ստորագրությամբ ու նրա անձնական համարակալված կնիքի դրոշմվածքով (թղթային կրիչով փաստաթղթի տեսքով ՏՀ ներկայացնելու դեպքում):

45. «I. Նշանակման մաքսային մարմնի հսկողությունը» վանդակը լրացվում է հետևյալ կարգով։

Էլեկտրոնային փաստաթղթի տեսքով ՏՀ-ում տեղեկությունները նշվում են ՏՀ-ի կառուցվածքի համապատասխան վավերապայմաններում, իսկ թղթային կրիչով փաստաթղթի տեսքով ՏՀ-ում՝ նոր տողից «/» բաժանիչ նշանով՝

1 թվանշանի տակ՝ «մաքսային տարանցում» մաքսային ընթացակարգի գործողության ավարտը ձևակերպող մաքսային մարմնի ծածկագիրը՝ Եվրասիական տնտեսական միության անդամ պետությունների մաքսային մարմինների դասակարգչին համապատասխան, ինչպես նաև դրա անվանումը.

2 թվանշանի տակ՝ «Ժամանման ամսաթիվը և ժամը՝ » գրառումը՝ նշելով ՏՀ-ի (այն դեպքում, երբ ուղարկող մաքսային մարմին է ներկայացվել էլեկտրոնային փաստաթղթի տեսքով ՏՀ) կամ թղթային կրիչով ՏՀ-ի գրանցման համարի, ինչպես նաև այն ուղեկցող փաստաթղթերի մասին տեղեկությունները նշանակման մաքսային մարմին ներկայացնելու ամսաթիվը՝ օօ.աա.տտ (օր, ամիս, օրացուցային տարվա վերջին 2 թվանշաններ) ձևաչափով, և ժամը՝ ժժ.րր (ժամ, րոպե) ձևաչափով.

3 թվանշանի տակ՝ «Կապարակնիքները չեն խախտվել:» գրառումը կամ «Կապարակնիքները խախտվել են:» գրառումը, որը նշվում է նույնականացման միջոցների ամբողջականության ստուգման արդյունքները.

4 թվանշանի տակ՝ «Չեն բացահայտվել ՎԻ հատկանիշներ:» գրառումը կամ «Բացահայտվել են ՎԻ հատկանիշներ:» գրառումը, որը նշվում է մաքսային հսկողության անցկացման արդյունքներով և վկայում է վարչական իրավախախտման հատկանիշների բացակայության կամ առկայության մասին.

5 թվանշանի տակ՝ ապրանքների մուտքի մասին գրառումը՝ նշելով վերապահումները (դրանց հայտնաբերման դեպքում).

6 թվանշանի տակ՝ «Ընթացակարգն ավարտվել է» գրառումը՝ նշելով այն փաստաթղթի համարը կամ գործողության գրանցման համարը, որոնց համապատասխան «մաքսային տարանցում» մաքսային ընթացակարգի գործողությունն ավարտվել է (այն դեպքում, երբ այդ փաստաթուղթը կամ գործողությունը նախատեսված են անդամ պետության օրենսդրությամբ), ապրանքի համարը՝ թղթային կրիչով ՏՀ-ի 32-րդ վանդակին (ՏՀ-ի կառուցվածքի համապատասխան վավերապայմանին) համապատասխան, և փաստացի ժամանած ապրանքների քանակը (այն դեպքում, երբ ապրանքը ժամանել է ոչ ամբողջությամբ)՝ հիմնական չափման միավորներով, ինչպես նաև «մաքսային տարանցում» մաքսային ընթացակարգի գործողության ավարտի ամսաթիվը՝ օօ.աա.տտ (օր, ամիս, օրացուցային տարվա վերջին 2 թվանշաններ) ձևաչափով:

Նշված գրառումները վավերացվում են «մաքսային տարանցում» մաքսային ընթացակարգի գործողության ավարտը ձևակերպած մաքսային մարմնի պաշտոնատար անձի ստորագրությամբ ու նրա անձնական համարակալված կնիքի դրոշմվածքով (թղթային կրիչով փաստաթղթի տեսքով ՏՀ ներկայացնելու դեպքում):

46. Էլեկտրոնային փաստաթղթի տեսքով ՏՀ-ում տեղեկությունները նշվում են ՏՀ-ի կառուցվածքի համապատասխան վավերապայմաններում, իսկ թղթային կրիչով փաստաթղթի տեսքով ՏՀ-ում՝ նոր տողից՝

ա) օտարերկրյա կազմակերպության մասին՝

լրիվ կամ կրճատ (համառոտ) անվանումը.

գտնվելու վայրը (սույն կարգի 47-րդ կետին համապատասխան).

նույնականացման մաքսային համարը (ՆՄՀ)՝ Ղազախստանի Հանրապետությունում կիրառվող՝ նույնականացման մաքսային համարի ձևավորման դասակարգչին համապատասխան (Ղազախստանի Հանրապետության համար).

օտարերկրյա կազմակերպության գրանցման (ինկորպորացիայի) երկրի ծածկագիրը՝ աշխարհի երկրների դասակարգչին համապատասխան, և առանց բացատի՝ գրանցման (ինկորպորացիայի) երկրում օտարերկրյա կազմակերպությանը տրված՝ գրանցման համարը կամ տվյալ երկրում օտարերկրյա կազմակերպությանը տրված՝ հարկ վճարողի ծածկագիրը (Ռուսաստանի Դաշնության համար՝ ՏՀ-ի 14-րդ վանդակը լրացնելու դեպքում).

բ) օտարերկրյա ֆիզիկական անձի մասին՝

ազգանունը, անունը, հայրանունը (առկայության դեպքում).

բնակության վայրը (սույն կարգի 47-րդ կետին համապատասխան).

անձը հաստատող փաստաթուղթը (սույն կարգի 48-րդ կետին համապատասխան).

նույնականացման մաքսային համարը (ՆՄՀ)՝ Ղազախստանի Հանրապետությունում կիրառվող՝ նույնականացման մաքսային համարի ձևավորման դասակարգչին համապատասխան (Ղազախստանի Հանրապետության համար).

գ) անդամ պետության օրենսդրությանը համապատասխան ստեղծված իրավաբանական անձի կամ իրավաբանական անձ չհանդիսացող կազմակերպության մասին՝

լրիվ կամ կրճատ (համառոտ) անվանումը.

գտնվելու վայրը (սույն կարգի 47-րդ կետին համապատասխան).

հարկային համարը (սույն կարգի 49-րդ կետին համապատասխան).

դ) այն ֆիզիկական անձի մասին, որը գրանցված է որպես անհատ ձեռնարկատեր՝ անդամ պետության օրենսդրությանը համապատասխան՝

ազգանունը, անունը, հայրանունը (առկայության դեպքում).

բնակության վայրը (սույն կարգի 47-րդ կետին համապատասխան).

հարկային համարը (սույն կարգի 49-րդ կետին համապատասխան).

ե) անդամ պետությունում մշտական բնակության վայր ունեցող և այդ անդամ պետության օրենսդրությանը համապատասխան որպես անհատ ձեռնարկատեր չգրանցված ֆիզիկական անձի մասին՝

ազգանունը, անունը, հայրանունը (առկայության դեպքում).

բնակության վայրը (սույն կարգի 47-րդ կետին համապատասխան).

անձը հաստատող փաստաթղթի մասին տեղեկությունները (սույն կարգի 48-րդ կետին համապատասխան).

հարկային համարը (սույն կարգի 49-րդ կետին համապատասխան):

47. Էլեկտրոնային փաստաթղթի տեսքով ՏՀ-ում բնակության վայրի կամ գտնվելու վայրի մասին տեղեկությունները նշվում են ՏՀ-ի կառուցվածքի համապատասխան վավերապայմաններում, իսկ թղթային կրիչով փաստաթղթի տեսքով ՏՀ-ում՝ նոր տողից «,» ստորակետի նշանով և ներառում են՝

ա) երկրի կրճատ անվանումը՝ աշխարհի երկրների դասակարգչին համապատասխան.

բ) վարչատարածքային միավորը (տարածաշրջանը, մարզը, շրջանը և այլն) (Ղրղզստանի Հանրապետության համար՝ Ղրղզստանի Հանրապետությունում մշտական բնակության վայր ունեցող, անհատ ձեռնարկատեր չհանդիսացող ֆիզիկական անձի մասին տեղեկությունները նշելիս՝ վարչատարածքային միավորի ծածկագիրը՝ վարչատարածքային և տարածքային միավորների օբյեկտների նիշերի համակարգի պետական դասակարգչին համապատասխան (ՎՏՄՆՀ ՄԴ)).

գ) բնակավայրը.

դ) փողոցը (բուլվարը, պողոտան և այլն).

ե) շենքի համարը.

զ) մասնաշենքի (շինության) համարը.

է) բնակարանի (սենյակի, գրասենյակի) համարը:

48. Էլեկտրոնային փաստաթղթի տեսքով ՏՀ-ում անձը հաստատող փաստաթղթի մասին տեղեկությունները նշվում են ՏՀ-ի կառուցվածքի համապատասխան վավերապայմաններում, իսկ թղթային կրիչով փաստաթղթի տեսքով ՏՀ-ում՝ նոր տողից «,» ստորակետի նշանով և ներառում են՝

ա) անձը հաստատող փաստաթղթի տեսակի ծածկագիրը՝ անձը հաստատող փաստաթղթերի տեսակների դասակարգչին համապատասխան.

բ) այն երկրի ծածկագիրը, որի լիազորված մարմնի կողմից տրվել է անձը հաստատող փաստաթուղթը՝ աշխարհի երկրների դասակարգչին համապատասխան.

գ) փաստաթղթի սերիան (առկայության դեպքում) և համարը.

դ) փաստաթղթի տրման ամսաթիվը՝ օօ.աա.տտ (օր, ամիս, օրացուցային տարվա վերջին երկու թվանշաններ) ձևաչափով։

49. Անձի հարկային համար ասելով հասկանում ենք՝

ա) Հայաստանի Հանրապետությունում՝ հարկ վճարողի հաշվառման համարը (ՀՎՀՀ).

բ) Բելառուսի Հանրապետությունում՝ վճարողի հաշվառման համարը (ՎՀՀ) (բացառությամբ անհատ ձեռնարկատեր չհանդիսացող ֆիզիկական անձի մասին տեղեկությունները նշելու դեպքերի) կամ ֆիզիկական անձի նույնականացման համարը (առկայության դեպքում).

գ) Ղազախստանի Հանրապետությունում՝ բիզնես նույնականացման համարը (ԲՆՀ)՝ կազմակերպության (մասնաճյուղի և ներկայացուցչության) ու համատեղ ձեռնարկատիրական գործունեություն իրականացնող անհատ ձեռնարկատիրոջ համար, կամ անհատական նույնականացման համարը՝ (ԱՆՀ) ֆիզիկական անձի համար, այդ թվում՝ անձնական ձեռնարկատիրական գործունեություն իրականացնող անհատ ձեռնարկատիրոջ համար.

դ) Ղրղզստանի Հանրապետությունում՝ հարկ վճարողի նույնականացման հարկային համարը (ՀՎՆՀՀ)՝ իրավաբանական անձի և որպես անհատ ձեռնարկատեր գրանցված ֆիզիկական անձի համար՝ անդամ պետության օրենսդրությանը համապատասխան, կամ անձնական նույնականացման համարը (ԱՆՀ)՝ Ղրղզստանի Հանրապետության տարածքում առևտրային գործունեություն իրականացնող և որպես անհատ ձեռնարկատեր չգրանցված ֆիզիկական անձի համար.

ե) Ռուսաստանի Դաշնությունում՝ հարկ վճարողի նույնականացման համարը (ՀՎՆՀ), իսկ իրավաբանական անձի համար՝ նաև հաշվառման վերցնելու պատճառի ծածկագիրը (ՀՎՊԾ) (իրավաբանական անձի առանձնացված ստորաբաժանման համար նշվում է ՀՎՊԾ-ն, որը տրվել է ըստ առանձնացված ստորաբաժանման գտնվելու վայրի): Հաշվառման կանգնեցնելու պատճառի ծածկագիրը (ՀՎՊԾ) նշվում է Էլեկտրոնային փաստաթղթի ձևով ՏՀ-ում, իսկ թղթային կրիչով փաստաթղթի ձևով ՏՀ-ում՝ «/» բաժանիչ նշանով:

(կարգը լրաց. ԵՏՀԿ 18.07.23 թիվ 104)

ՀԱՎԵԼՎԱԾ  Եվրասիական տնտեսական  հանձնաժողովի կոլեգիայի  2023 թվականի մայիսի 30-ի թիվ 73 որոշման

ՑԱՆԿ

Մաքսային միության հանձնաժողովի և Եվրասիական տնտեսական հանձնաժողովի կոլեգիայի՝ ուժը կորցրած ճանաչված որոշումների

1. Մաքսային միության հանձնաժողովի 2010 թվականի հունիսի 18-ի «Տարանցման հայտարարագրի ձևի և լրացման կարգի մասին» թիվ 289 որոշում:

2. Մաքսային միության հանձնաժողովի 2010 թվականի սեպտեմբերի 20-ի «Միջազգային փոստային առաքանիների տեղափոխման դեպքում տարանցման հայտարարագրի լրացման առանձնահատկությունների մասին» թիվ 377 որոշում:

3. Մաքսային միության հանձնաժողովի 2010 թվականի սեպտեմբերի 20-ի «Մաքսային միության հանձնաժողովի 2010 թվականի մայիսի 20-ի «Մաքսային հայտարարագրերի լրացման հրահանգների և մաքսային հայտարարագրերի ձևերի մասին» թիվ 257 որոշման մեջ փոփոխություն և Մաքսային միության հանձնաժողովի 2010 թվականի հունիսի 18-ի «Տարանցման հայտարարագրի ձևի և լրացման կարգի մասին» թիվ 289 որոշման մեջ լրացում կատարելու մասին» թիվ 379 որոշման 2-րդ կետ:

4. Մաքսային միության հանձնաժողովի 2011 թվականի հունվարի 28-ի ««Տարանցման հայտարարագրի ձևի և լրացման կարգի մասին» Մաքսային միության հանձնաժողովի 2010 թվականի հունիսի 18-ի թիվ 289 որոշման մեջ լրացումներ կատարելու մասին» թիվ 537 որոշում:

5. Մաքսային միության հանձնաժողովի 2011 թվականի մայիսի 19-ի ««Տարանցման հայտարարագրի ձևի և լրացման կարգի մասին» Մաքսային միության հանձնաժողովի 2010 թվականի հունիսի 18-ի թիվ 289 որոշման մեջ փոփոխություններ կատարելու մասին» թիվ 638 որոշում:

6. Եվրասիական տնտեսական հանձնաժողովի կոլեգիայի 2012 թվականի հուլիսի 12-ի ««Տարանցման հայտարարագրի ձևի և լրացման կարգի մասին» Մաքսային միության հանձնաժողովի 2010 թվականի հունիսի 18-ի թիվ 289 որոշման մեջ փոփոխություններ կատարելու մասին» թիվ 104 որոշում:

7. Եվրասիական տնտեսական հանձնաժողովի կոլեգիայի 2014 թվականի հուլիսի 18-ի «Անձնական օգտագործման ապրանքները «մաքսային տարանցում» մաքսային ընթացակարգով ձևակերպելիս մաքսային հայտարարագրման վերաբերյալ հարցերի շուրջ Մաքսային միության հանձնաժողովի որոշ որոշումներում փոփոխություններ կատարելու մասին» թիվ 115 որոշում:

8. Մաքսային միության հանձնաժողովի և Եվրասիական տնտեսական հանձնաժողովի կոլեգիայի որոշումների մեջ կատարվող փոփոխությունների 4-րդ կետ (Եվրասիական տնտեսական հանձնաժողովի կոլեգիայի 2015 թվականի ապրիլի 27-ի «Մաքսային միության հանձնաժողովի և Եվրասիական տնտեսական հանձնաժողովի կոլեգիայի որոշ որոշումների մեջ փոփոխություններ կատարելու մասին» թիվ 38 որոշման հավելված)։

9. Մաքսային միության հանձնաժողովի և Եվրասիական տնտեսական հանձնաժողովի կոլեգիայի որոշումների մեջ կատարվող փոփոխությունների 4-րդ կետ (Եվրասիական տնտեսական հանձնաժողովի կոլեգիայի 2015 թվականի հոկտեմբերի 6-ի «Մաքսային միության հանձնաժողովի և Եվրասիական տնտեսական հանձնաժողովի կոլեգիայի որոշ որոշումների մեջ փոփոխություններ կատարելու մասին» թիվ 129 որոշման հավելված)։

10. Եվրասիական տնտեսական հանձնաժողովի կոլեգիայի 2016 թվականի հուլիսի 5-ի «Տարանցման հայտարարագրի լրացման կարգի մասին հրահանգում փոփոխություններ կատարելու մասին» թիվ 79 որոշում:

11. Եվրասիական տնտեսական հանձնաժողովի կոլեգիայի 2017 թվականի դեկտեմբերի 19-ի «Ապրանքների բացթողմանն առնչվող որոշ հարցերի մասին» թիվ 188 որոշման 3-րդ կետ:

12. Մաքսային միության հանձնաժողովի և Եվրասիական տնտեսական հանձնաժողովի կոլեգիայի որոշումների մեջ կատարվող փոփոխությունների 2-րդ կետ (Եվրասիական տնտեսական հանձնաժողովի կոլեգիայի 2019 թվականի մայիսի 21-ի «Մաքսային միության հանձնաժողովի և Եվրասիական տնտեսական հանձնաժողովի կոլեգիայի որոշումներում փոփոխություններ կատարելու մասին» թիվ 83 որոշման հավելված)։

Պաշտոնական հրապարակման օրը՝ 10 հունվարի 2024 թվական: