ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

4 ապրիլի 2024 թվականի N 461-Ա

Ղեկավարվելով Հայաստանի Հանրապետության կառավարության 2015 թվականի սեպտեմբերի 17-ի N 1118-Ն որոշման պահանջներով` Հայաստանի Հանրապետության կառավարությունը որոշում է.

1. Բավարարել «ՆՈՒՎՈ ՎԻԼԱԺ» սահմանափակ պատասխանատվությամբ ընկերության կողմից ներկայացված հայտը գերակա ոլորտում իրականացվող ներդրումային ծրագրի շրջանակներում ներմուծվող տեխնոլոգիական սարքավորումների, դրանց բաղկացուցիչ ու համալրող մասերի, հումքի և (կամ) նյութերի նկատմամբ սակագնային, մասնավորապես, ներմուծման մաքսատուրքից ազատելու արտոնությունից օգտվելու համար և սահմանված կարգով կիրառել համապատասխան արտոնությունը` համաձայն հավելվածի ներմուծվող տեխնոլոգիական սարքավորումների, դրանց բաղկացուցիչ ու համալրող մասերի, հումքի և (կամ) նյութերի նկատմամբ:

2. Սահմանել, որ՝

1) սույն որոշման հավելվածում նշված են ներմուծվող տեխնոլոգիական սարքավորումների, դրանց բաղկացուցիչ ու համալրող մասերի, հումքի և (կամ) նյութերի նախնական արժեքները․

2) «ՆՈՒՎՈ ՎԻԼԱԺ» սահմանափակ պատասխանատվությամբ ընկերության կողմից իրականացվող ներդրումային ծրագրի շրջանակներում տեխնոլոգիական սարքավորումների, դրանց բաղկացուցիչ ու համալրող մասերի, հումքի և (կամ) նյութերի ներմուծումն իրականացվելու է 2024 թվականի փետրվարի 23-ից մինչև 2026 թվականի փետրվարի 22-ը ներառյալ․

3) ծրագրի իրականացման ժամկետ է սահմանվում սույն որոշումն ուժի մեջ մտնելուց հետո 2 տարի։

Հայաստանի Հանրապետության վարչապետ	Ն. Փաշինյան
Երևան

04.04.2024 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված ՀՀ կառավարության 2024 թվականի ապրիլի 4-ի N 461-Ա որոշման

NN ը/կ	ԱՏԳ ԱԱ-ի ծածկա-գիրը	Անվանումը	Տեխնիկական բնութագիրը	Չա-փի միա- վորը	Քա-նակը	Ծագման երկիրը	Արտա-հանման երկիրը	Ար-ժեքը (դրամ)	Այլ տե-ղեկու- թյուն-ներ
ՏԵԽՆՈԼՈԳԻԱԿԱՆ ՍԱՐՔԱՎՈՐՈՒՄՆԵՐ, ԴՐԱՆՑ ԲԱՂԿԱՑՈՒՑԻՉ ՈՒ ՀԱՄԱԼՐՈՂ ՄԱՍԵՐ
1.	9406903100	Ջերմոցային համալիր	Ջերմատան կոնստրուկցիա, կախովի հեղեղատարներ և երկաթուղային խողովակների հենարաններ, ոռոգման համակարգ և խողովակներ, ոռոգման սենյակ, ջեռուցման համակարգ, մետաղակոնստրուկցիաներ, ձողեր, օդորակման համակարգ, ստվերային համակարգ, ավտոմատ կառավարման համակարգ, PRIVA համակարգ, կաթսայատուն, էլեկտրական համակարգ, մալուխներ, վահանակներ, ջերմատան ծածկի պոլիմերային թաղանթ, մետաղական ցանցեր, մալուխատար, պարարտանյութերի խառնիչ մեքենաներ	կգ	964 955	Ֆրանսիա	Ֆրանսիա	1 721 054 500
	Ընդամենը							1 721 054 500