ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

Ո Ր Ո Շ ՈՒ Մ

    ԿՈԴ

050.0039 Ն. 07.03.24

7 մարտի 2024 թվականի

թիվ 39-Ն

2024-2025 ԹՎԱԿԱՆՆԵՐԻ ՀՈՒՇԱԴՐԱՄՆԵՐԻ ԹՈՂԱՐԿՄԱՆ ԾՐԱԳՐՈՎ ՆԱԽԱՏԵՍՎԱԾ «ՊԱՐՈՒՅՐ ՍԵՎԱԿ-100» ՈՍԿԵ, «ՍԵՐԳԵՅ ՓԱՐԱՋԱՆՈՎ-100» ՈՍԿԵ ՀՈՒՇԱԴՐԱՄՆԵՐԸ ՇՐՋԱՆԱՌՈՒԹՅԱՆ ՄԵՋ ԴՆԵԼՈՒ ՄԱՍԻՆ

Հիմք ընդունելով «Հայաստանի Հանրապետության կենտրոնական բանկի մասին» օրենքի 2-րդ հոդվածի 3-րդ մասը, 20-րդ հոդվածի 1-ին մասի «ե» և «է» կետերը` Հայաստանի Հանրապետության կենտրոնական բանկի խորհուրդը

1. 2024 թվականի մարտի 25-ից շրջանառության մեջ դնել «Պարույր Սևակ-100» և «Սերգեյ Փարաջանով-100» ոսկե հուշադրամները՝ համաձայն սույն որոշման 1-2 Հավելվածներով սահմանված նկարագրությունների և էսքիզների:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության կենտրոնական բանկի նախագահ	Մ. Գալստյան
Երևան

Հավելված 1 Հայաստանի Հանրապետության կենտրոնական բանկի խորհրդի 2024 թվականի մարտի 7-ի թիվ 39-Ն որոշման

1. Հուշադրամի դիմերեսին պատկերված է եկեղեցու զանգակատան պատկեր, «Մարդը ափի մեջ» գրքի շապիկը (Խ. Գյուլամիրյան, 1963 թ.):

Մակագրություններն են՝ «ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ», «REPUBLIC OF ARMENIA», «10000 ԴՐԱՄ·DRAM» և «2024»:

2. Հուշադրամի դարձերեսին պատկերված է Պարույր Սևակի դիմապատկերը, ստորագրությունը, փետրագրիչ՝ Սևակի «Հայաստան» (1950 թ.) բանաստեղծության ֆոնին:

Մակագրություններն են՝ «1924-1971»:

3. Տեխնիկական չափանիշները

Անվանական արժեքը 10 000 դրամ

Մետաղը/հարգը Քաշը Տրամագիծը Որակը Դրամաշուրթը Քանակը

ոսկի 9000 8,6 գ 22,0 մմ պրուֆ ատամնավոր 300 հատ

4. Էսքիզների հեղինակն է Էդուարդ Կուրղինյանը:

5. Հուշադրամը հատվել է Լեհաստանի դրամահատարանում:

«ՊԱՐՈՒՅՐ ՍԵՎԱԿ-100»

ոսկե հուշադրամի

դիմերեսի և դարձերեսի էսքիզները

Հավելված 2 Հայաստանի Հանրապետության կենտրոնական բանկի խորհրդի 2024 թվականի մարտի 7-ի թիվ 39-Ն որոշման

ՆԿԱՐԱԳՐՈՒԹՅՈՒՆ ԵՎ ԷՍՔԻԶՆԵՐ

«ՍԵՐԳԵՅ ՓԱՐԱՋԱՆՈՎ-100»

ոսկե հուշադրամի

1. Հուշադրամի դիմերեսին պատկերված է դրվագ Սերգեյ Փարաջանովի «Նռան գույնը» ֆիլմից, Փարաջանովի արձանը Երևանի Կոմիտասի անվան պանթեոնում (քանդակագործ՝ Ա. Շիրազ, 1999 թ.):

Մակագրություններն են՝ «ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ», «REPUBLIC OF ARMENIA», «10000 ԴՐԱՄ» և «2024»:

2. Հուշադրամի դարձերեսին պատկերված է Սերգեյ Փարաջանովի դիմապատկերը, դրվագներ նրա «Խեցիով վարիացիա Պինտուրիկիոյի և Ռաֆայելի թեմաներով. 2-րդ տարբերակ` նվիրված է Վ. Ա. Կատանյանին» (1989 թ.), «Լացող Ջոկոնդան» (1977 թ.), «Դանիել Օլբրիխսկու դիմանկարը» (1980 թ.) կոլաժներից:

Մակագրություններն են՝ «ՍԵՐԳԵՅ ՓԱՐԱՋԱՆՈՎ», «SERGEY PARAJANOV», «1924-1990»:

3. Տեխնիկական չափանիշները

Անվանական արժեքը 10 000 դրամ

Մետաղը/հարգը Քաշը Տրամագիծը Որակը Դրամաշուրթը Քանակը

ոսկի 9000 8,6 գ 22,0 մմ պրուֆ ատամնավոր 300 հատ

4. Էսքիզների հեղինակներն են Հարություն Սամուելյանը (դիմերես) և Աննա Կուրղինյանը (դարձերես):

5. Հուշադրամը հատվել է Լեհաստանի դրամահատարանում:

«ՍԵՐԳԵՅ ՓԱՐԱՋԱՆՈՎ-100»

ոսկե հուշադրամի դիմերեսի և դարձերեսի էսքիզները

Պաշտոնական հրապարակման օրը՝ 11 մարտի 2024 թվական: