ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՐԱՐԱՏԻ ՄԱՐԶԻ

ՄԱՍԻՍ ՀԱՄԱՅՆՔԻ ԱՎԱԳԱՆԻ

Ո Ր Ո Շ ՈՒ Մ

24 ԴԵԿՏԵՄԲԵՐԻ 2020 թվականի N 171-Ն

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 5-րդ կետի, 83-րդ հոդվածի 2-րդ մասի և «Բյուջետային համակարգի մասին» Հայաստանի Հանրապետության օրենքի 32-րդ հոդվածի պահանջներով, հիմք ընդունելով համայնքի ղեկավարի բյուջետային ուղերձը և ֆինանսական բաժնի պետի կողմից ներկայացված 2021 թվականի բյուջեի հակիրճ նախագիծը՝ Մասիս քաղաքային համայնքի ավագանին որոշում է.

1. Հաստատել Մասիս քաղաքային համայնքի 2021 թվականի համախմբված բյուջեն՝

ա/ եկամուտների գծով՝ 792877.3 հազար դրամ։

բ/ ծախսերի գծով՝ 792877.3 հազար դրամ։

2. Հաստատել Մասիս քաղաքային համայնքի 2021 թվականի բյուջեի վարչական մասը՝

ա/ եկամուտների գծով՝ 757149.3 հազար դրամ։

բ/ ծախսերի գծով՝ 757149.3 հազար դրամ։

3. Հաստատել Մասիս քաղաքային համայնքի 2021 թվականի բյուջեի ֆոնդային մասը՝

ա/ մուտքերի գծով՝ 35728.0 հազար դրամ։

բ/ ծախսերի գծով՝ 35728.0 հազար դրամ։

4. Հաստատել հատված 1-ով նախատեսված 2021 թվականի համայնքի բյուջեի եկամուտները ըստ առանձին եկամտատեսակների համաձայն հավելված 1-ի։

5. Հաստատել հատված 2-ով նախատեսված 2021 թվականի համայնքի բյուջեի ծախսերը ըստ գործառական դասակարգման համաձայն հավելված 2-ի։

6. Հաստատել հատված 3-ով նախատեսված 2021 թվականի համայնքի բյուջեի ծախսերը ըստ տնտեսագիտական դասակարգման համաձայն հավելված 3-ի։

7. Հաստատել հատված 6-ով նախատեսված 2021 թվականի համայնքի բյուջեի ծախսերը ըստ գործառական և տնտեսագիտական դասակարգման համաձայն հավելված 4-ի։

8. Թույլատրել համայնքի ղեկավարին կատարել փոփոխություն տարվա ընթացքում հաստատված բյուջեի ծախսային ծրագրերի հոդվածների միջև մինչև 15 % –ի չափով։

9. Սույն որոշումը ուժի մեջ է մտնում 2021 թվականի հունվարի 1-ից։

Համայնքի 2021թ. բյուջեն մշակվել է՝ հիմք ունենալով համայնքի 2017 - 2021 թթ. հնգամյա զարգացման ծրագիրը։

Համայնքի գործունեությունը մեծապես կախված է բյուջետային գործընթացի լավ կազմակերպումից, բյուջեի եկամուտների արդյունավետ հավաքագրումից և միջոցների խնայողական օգտագործումից։

Համայնքի 2021 թ. բյուջետային քաղաքականության հիմնական ուղղություններն են

 Բարելավել համայնքի ֆինանսական վիճակը՝ ճշտելով հողի հարկի և գույքահարկի բազաները, բարձրացնելով սեփական եկամուտների հավաքագրման մակարդակը և նպատակային օգտագործելով բյուջետային միջոցները,

 Բարձրացնել ՏԻՄ-երի, համայնքի աշխատակազմի և համայնքային կազմակերպությունների աշխատանքի արդյունավետությունը,

 Բարձրացնել բնակչությանը մատուցվող համայնքային ծառայությունների մակարդակը և որակը,

 Իրականացնել կրթության, մշակույթի և սպորտի բնագավառների համայնքային ենթակաոուցվածքների պահպանման, շահագործման, նորոգման, ջեռուցման համակարգերի վերականգնման, գույքային վերազինման և այլ աշխատանքներ,

 Կապիտալ ներդրումներ կատարել համայնքի բնակարանային-կոմունալ տնտեսության, բարեկարգման և ճանապարհային տնտեսության բնագավառներում,

 Աշխուժացնել համայնքի մշակութային, մարզական և հասարակական կյանքը,

 Իրականացնել սոցիալական տարաբնույթ ծրագրեր։

Համայնքի 2021թ. զարգացման հիմնական ուղղությունները միտված են բնակչության կենսական շահերի ապահովմանը, շրջակա միջավայրի պահպանմանը, համայնքի հարմարավետ ու բարեկեցիկ միջավայրի ստեղծմանը, համայնքային ենթակաոուցվածքների արդիականացմանն ու զարգացմանը, ինչպես նաև համայնքի գլխավոր հատակագծին համապատասխան քաղաքաշինական ծրագրերի իրականացմանը։

Ես դիմում եմ համայնքի բնակիչներին, ավագանուն, աշխատակազմի և համայնքային կազմակերպությունների աշխատակիցներին՝ շահագրգիռ մոտեցում ցուցաբերելու համայնքի 2021թ. բյուջեի միջոցների գոյացման, դրանց նպատակային և հասցեական օգտագործման, բյուջեի կատարման և վերահսկման ուղղություններով։

   (հավելվածը խմբ. 10.06.21 N 58-Ն, 17.09.21 N 95-Ն)

(հավելվածը խմբ. 10.06.21 N 58-Ն, 17.09.21 N 95-Ն, 19.10.21 N 129-Ն)

(հավելվածը խմբ. 10.06.21 N 58-Ն, 17.09.21 N 95-Ն, 19.10.21 N 129-Ն)

(հավելվածը խմբ. 10.06.21 N 58-Ն, 17.09.21 N 95-Ն, 19.10.21 N 129-Ն)

Պաշտոնական հրապարակման օրը՝ 30 դեկտեմբերի 2020 թվական: