ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ՇԻՐԱԿԻ ՄԱՐԶ

ԳՅՈՒՄՐԻ ՀԱՄԱՅՆՔԻ ԱՎԱԳԱՆԻ

Ո Ր Ո Շ ՈՒ Մ

«13» դեկտեմբերի 2023 թվականի N 251-Ն

Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 5-րդ կետի, «Հայաստանի Հանրապետության բյուջետային համակարգի մասին» օրենքի 13-րդ հոդվածի 4-րդ, 5-րդ, 33-րդ հոդվածի 4-րդ մասերի, «Նորմատիվ իրավական ակտերի մասին» օրենքի 33-րդ հոդվածի 1-ին մասի 1-ին և 3-րդ կետերի, 34-րդ հոդվածի 1-ին, 2-րդ մասերի դրույթներով և հիմք ընդունելով Գյումրի համայնքի ղեկավարի առաջարկը՝ Հայաստանի Հանրապետության Շիրակի մարզի Գյումրի համայնքի ավագանին որոշում է.

1. Հայաստանի Հանրապետության Շիրակի մարզի Գյումրի համայնքի ավագանու 2022 թվականի դեկտեմբերի 26-ի «Հայաստանի Հանրապետության Շիրակի մարզի Գյումրի համայնքի 2023 թվականի բյուջեն հաստատելու մասին» N 266-Ն որոշման մեջ կատարել հետևյալ փոփոխությունները.

1) 1-ին կետի 1-ին ենթակետի «6 395 410 900 (վեց միլիարդ երեք հարյուր իննսունհինգ միլիոն չորս հարյուր տաս հազար ինը հարյուր)» թիվը և բառերը փոխարինել «6 588 356 230 (վեց միլիարդ հինգ հարյուր ութսունութ միլիոն երեք հարյուր հիսունվեց հազար երկու հարյուր երեսուն)» թվով և բառերով,

2) 1-ին կետի 2-րդ ենթակետի «6 967 170 400 (վեց միլիարդ ինը հարյուր վաթսունյոթ միլիոն մեկ հարյուր յոթանասուն հազար չորս հարյուր)» թիվը և բառերը փոխարինել «7 160 115 730 (յոթ միլիարդ մեկ հարյուր վաթսուն միլիոն մեկ հարյուր տասնհինգ հազար յոթ հարյուր երեսուն )» թվով և բառերով,

3) 1-ին կետով հաստատված հավելվածի 1-ին, 2-րդ, 3-րդ, 4-րդ հատվածները շարադրել նոր խմբագրությամբ՝ համաձայն NN 1, 2, 3, 4 հավելվածների:

2. Հանձնարարել Հայաստանի Հանրապետության Շիրակի մարզի Գյումրու համայնքապետարանի աշխատակազմի ֆինանսատնտեսագիտական բաժնի պետ-գլխավոր ֆինանսիստին՝ կատարել համապատասխան փոփոխությունները՝ օրենքով սահմանված կարգով:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Պաշտոնական հրապարակման օրը՝ 12 հունվարի 2024 թվական: