ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

2 նոյեմբերի 2023 թվականի N 1909-Ն

Ղեկավարվելով «Նորմատիվ իրավական ակտերի մասին» օրենքի 33-րդ և 34-րդ հոդվածների դրույթներով` Հայաստանի Հանրապետության կառավարությունը որոշում է.

1․ Հայաստանի Հանրապետության կառավարության 2006 թվականի նոյեմբերի 16-ի «Հայաստանի Հանրապետության պետական բյուջեից համայնքներին սուբվենցիաների տրամադրման կարգը հաստատելու մասին» N 1708-Ն որոշման մեջ կատարել հետևյալ փոփոխությունները և լրացումները՝

1) որոշման N 2 հավելվածը լրացնել հետևյալ բովանդակությամբ նոր՝ 3․1-ին կետով.

«3․1. Տնտեսական և սոցիալական ենթակառուցվածքների զարգացմանն ուղղված սուբվենցիայի տրամադրման նպատակով դիտարկվում են այն համայնքների հայտերը, որոնց նախորդ տարվա հարկերի, տուրքերի և այլ վճարների հավաքագրման մակարդակը 90 տոկոս և ավելի է։ Իսկ 90 տոկոսից ցածրի դեպքում՝ սուբվենցիայի հայտի դիտարկումը ենթակա է քննարկման սույն կարգի 12-րդ կետի 7․2-րդ ենթակետով սահմանված տեղեկանք-հիմնավորման հիման վրա։».

2) որոշման N 2 հավելվածի 12-րդ կետը լրացնել հետևյալ բովանդակությամբ նոր՝ 5․3-րդ և 7․2-րդ ենթակետերով.

«5.3) նախադպրոցական հաստատությունների, հասարակական շենքերի և քաղաքացիական պաշտպանության ենթակառուցվածքների կառուցման ու վերակառուցման դեպքում՝ դրանց շահագործման ու պահպանման ծախսերը համայնքային բյուջեում և միջնաժամկետ ծախսային ծրագրում ներառելու վերաբերյալ տեղեկանքը․»,

«7․2) նախորդ տարվա հարկերի, տուրքերի և այլ վճարների հավաքագրման մակարդակը 90 տոկոսից ցածր լինելու դեպքում՝ տեղեկանք-հիմնավորումներ նշված հարկատեսակների թերհավաքագրման պատճառների և դրանց վերացմանն ուղղված ձեռնարկվող գործողությունների վերաբերյալ․».

3) որոշման N 2 հավելվածի 24-րդ կետի աղյուսակում՝

ա. «Խմելու ջրամատակարարման, ինչպես նաև ջրահեռացման համակարգի կառուցում/նորոգում», «Ոռոգման համակարգի կառուցում/նորոգում», «Բնակավայրի փողոցների կառուցում/նորոգում սալարկմամբ, խճապատմամբ» պարբերությունները շարադրել հետևյալ խմբագրությամբ.

«

Խմելու ջրամատակարարման, ինչպես նաև ջրահեռացման համակարգի կառուցում/նորոգում 65 65 70 75 75 Ոռոգման համակարգի կառուցում/նորոգում 65 65 70 75 75 Ներհամայնքային (տեղական նշանակության) փողոցների ու մայթերի կառուցում/վերակառուցում, հիմնանորոգում, բնական քարով (այդ թվում՝ չմշակված) սալարկում, խճապատում՝ համալիր բարեկարգման միջոցառումների ու տարրերի կիրառմամբ 55 60 65 70 75

»,

բ․ «Բնակավայրի փողոցների կառուցում/նորոգում սալարկմամբ, խճապատմամբ» պարբերությունից հետո լրացնել հետևյալ բովանդակությամբ նոր պարբերությամբ.

«

Ներհամայնքային (տեղական նշանակության) փողոցների ու մայթերի կառուցում/վերակառուցում, հիմնանորոգում, բետոնե սալիկներով սալարկում, խճապատում՝ համալիր բարեկարգման միջոցառումների ու տարրերի կիրառմամբ 25 30 35 40 45

»,

գ․ «Նախադպրոցական հաստատությունների կառուցում, վերակառուցում/նորոգում» և «Հասարակական շենքերի (մշակույթի տուն, համայնքային կենտրոններ և այլն) կառուցում/վերանորոգում» պարբերությունները շարադրել հետևյալ խմբագրությամբ.

«

Նախադպրոցական հաստատությունների կառուցում, վերակառուցում/նորոգում, ինչպես նաև համապատասխան գույքի և կահավորանքի ձեռքբերում 70 70 70 75 80 Հասարակական շենքերի (մշակույթի տուն, համայնքային կենտրոններ և այլն) կառուցում/վերանորոգում, ինչպես նաև համապատասխան գույքի և կահավորանքի ձեռքբերում 35 40 45 50 60

»,

դ․ «Մեքենասարքավորումների, տեխնիկայի և գույքի ձեռքբերում» պարբերությունից հետո լրացնել հետևյալ բովանդակությամբ նոր պարբերությամբ.

«

Աղբահանության ծառայությունների մատուցման համար մեքենասարքավորումների, տեխնիկայի և աղբամանների ձեռքբերում 50 50 55 60 65

»,

ե․ «Մեքենասարքավորումների, տեխնիկայի և գույքի ձեռքբերում» պարբերությունը լրացնել «, բացառությամբ աղբահանության ծառայության մատուցման համար անհրաժեշտ մեքենասարքավորումների, տեխնիկայի և գույքի» բառերով.

4) որոշման N 2 հավելվածի 24.2-րդ կետը շարադրել հետևյալ խմբագրությամբ․

«24․2. Ազգային փոքրամասնություններով բնակեցված մինչև 100,0 մլն դրամ համայնքային բյուջե ունեցող համայնքների դեպքում յուրաքանչյուր ծրագրի համար Հայաստանի Հանրապետության պետական բյուջեից համաֆինանսավորման չափաբաժինն ավելանում է 15 տոկոսով:».

5) որոշման N 3 հավելվածի աղյուսակը «Համայնքի միջնաժամկետ ծախսերի ծրագիրը» տողից հետո լրացնել հետևյալ բովանդակությամբ նոր տողով.

«

Հարկերի, տուրքերի և այլ վճարների հավաքագրում նախորդ տարվա հարկերի, տուրքերի և այլ վճարների հավաքագրման մակարդակը ….. %

»:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Ն. Փաշինյան
Երևան

07.11.2023 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Պաշտոնական հրապարակման օրը՝ 8 նոյեմբերի 2023 թվական: