ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

19 մայիսի 2022 թվականի

թիվ 87

քաղ. Բիշքեկ

ԱՅՆ ԱՊՐԱՆՔՆԵՐԻ ԿԱՏԵԳՈՐԻԱՆԵՐԻ ՄԱՍԻՆ, ՈՐՈՆՔ ԿԱՐՈՂ ԵՆ ՀԱՅՏԱԳՐՎԵԼ ԲԱՑԹՈՂՄԱՆ ՀԱՄԱՐ ՄԻՆՉԵՎ ԱՊՐԱՆՔՆԵՐԻ ՀԱՅՏԱՐԱՐԱԳԻՐ ՆԵՐԿԱՅԱՑՆԵԼԸ

Եվրասիական տնտեսական միության մաքսային օրենսգրքի 120-րդ հոդվածի 1-ին կետի 3-րդ ենթակետին և Եվրասիական տնտեսական բարձրագույն խորհրդի 2014 թվականի դեկտեմբերի 23-ի թիվ 98 որոշմամբ հաստատված՝ Եվրասիական տնտեսական հանձնաժողովի աշխատանքի կանոնակարգի թիվ 1 հավելվածի 12923-րդ կետին համապատասխան՝ Եվրասիական տնտեսական հանձնաժողովի խորհուրդը որոշեց.

1. Սահմանել, որ Եվրասիական տնտեսական հանձնաժողովի խորհրդի 2022 թվականի մարտի 17-ի թիվ 12 կարգադրությամբ հաստատված՝ Եվրասիական տնտեսական միության անդամ պետությունների տնտեսությունների կայունության բարձրացմանն ուղղված միջոցների ցանկի 1.4 կետի իրագործման, այդ թվում՝ մակրոտնտեսական կայունության ապահովման նպատակով, նախքան ապրանքների հայտարարագիր ներկայացնելը ներքին սպառման համար բացթողման մաքսային ընթացակարգին համապատասխան՝ բացթողման համար կարող են հայտագրվել Եվրասիական տնտեսական հանձնաժողովի խորհրդի 2022 թվականի մարտի 17-ի թիվ 37 որոշման թիվ 2, 4-9 հավելվածների համաձայն ցանկերում ներառված և Մաքսային միության հանձնաժողովի 2009 թվականի նոյեմբերի 27-ի թիվ 130 որոշման 7-րդ կետի 7.1.40, 7.1.42-7.1.47 ենթակետերով նախատեսված ներմուծվող ապրանքների նպատակային նշանակության համապատասխան հաստատումներում նշված անձանց կողմից Եվրասիական տնտեսական միության մաքսային տարածք ներմուծվող ապրանքները։

2. Սույն որոշումն ուժի մեջ է մտնում դրա պաշտոնական հրապարակման օրվանից 10 օրացուցային օրը լրանալուց հետո։