ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԽՈՐՀՈՒՐԴ

Ո Ր Ո Շ ՈՒ Մ

15 ապրիլի 2022 թվականի

թիվ 60

քաղ. Մոսկվա

Ի գիտություն ընդունելով Եվրասիական տնտեսական հանձնաժողովի խորհրդի 2020 թվականի սեպտեմբերի 11-ի թիվ 19 կարգադրությանը համապատասխան ձևավորված՝ Ինդոնեզիայի Հանրապետության հետ ազատ առևտրի մասին համաձայնագիր կնքելու նպատակահարմարության վերաբերյալ հարցի ուսումնասիրության հարցերով համատեղ հետազոտական խմբի (այսուհետ՝ համատեղ հետազոտական խումբ) ամփոփիչ զեկույցը՝ Եվրասիական տնտեսական հանձնաժողովի խորհուրդը որոշեց.

1. Հավանություն տալ Եվրասիական տնտեսական բարձրագույն խորհրդի «Ինդոնեզիայի Հանրապետության հետ ազատ առևտրի գոտու մասին համաձայնագիր կնքելու վերաբերյալ բանակցություններ սկսելու մասին» որոշման նախագծին (կցվում է) և այն ներկայացնել Եվրասիական տնտեսական բարձրագույն խորհրդի քննարկմանը:

2. Հավանություն տալ համատեղ հետազոտական խմբի աշխատանքի շրջանակներում նախապատրաստված՝ «Եվրասիական տնտեսական միության և դրա անդամ պետությունների՝ մի կողմից, և Ինդոնեզիայի Հանրապետության՝ մյուս կողմից, միջև ազատ առևտրի մասին» համաձայնագրի նախագծի՝ կցվող հայեցակարգային դրույթներին։

3. Սույն որոշումն ուժի մեջ է մտնում դրա պաշտոնական հրապարակման օրվանից 10 օրացուցային օրը լրանալուց հետո։

Եվրասիական տնտեսական հանձնաժողովի խորհրդի անդամներ՝

Հայաստանի Հանրապետությունից՝	Բելառուսի Հանրապետությունից՝	Ղազախստանի Հանրապետությունից՝	Ղրղզստանի Հանրապետությունից՝	Ռուսաստանի Դաշնությունից՝
Մ. Գրիգորյան	Ի. Պետրիշենկո	Բ. Սուլթանով	Ա. Կոժոշև	Ա. Օվերչուկ

ԵՎՐԱՍԻԱԿԱՆ ՏՆՏԵՍԱԿԱՆ ԲԱՐՁՐԱԳՈՒՅՆ ԽՈՐՀՈՒՐԴ

Ո Ր Ո Շ ՈՒ Մ

«      »           ի 20    թվականի

թիվ

քաղ.

«Եվրասիական տնտեսական միության մասին» 2014 թվականի մայիսի 29-ի պայմանագրի 7-րդ հոդվածի հիման վրա Եվրասիական տնտեսական բարձրագույն խորհուրդը որոշեց.

1. Եվրասիական տնտեսական միության անդամ պետություններին՝ Եվրասիական տնտեսական հանձնաժողովի հետ համատեղ բանակցություններ սկսել Ինդոնեզիայի Հանրապետության հետ ազատ առևտրի գոտու մասին համաձայնագիր կնքելու վերաբերյալ:

2. Եվրասիական տնտեսական հանձնաժողովի խորհրդին՝ հաստատել սույն որոշման 1-ին կետում նշված բանակցությունների մասով հրահանգները:

3. Սույն որոշումն ուժի մեջ է մտնում դրա պաշտոնական հրապարակման օրվանից։

Եվրասիական տնտեսական բարձրագույն խորհրդի անդամներ՝

ՀԱՎԱՆՈՒԹՅԱՆ ԵՆ ԱՐԺԱՆԱՑԵԼ Եվրասիական տնտեսական հանձնաժողովի խորհրդի 2022 թվականի ապրիլի 15-ի թիվ 60 որոշմամբ

ՀԱՅԵՑԱԿԱՐԳԱՅԻՆ ԴՐՈՒՅԹՆԵՐ

Եվրասիական տնտեսական միության և դրա անդամ պետությունների՝ մի կողմից, և Ինդոնեզիայի Հանրապետության՝ մյուս կողմից, միջև ազատ առևտրի մասին համաձայնագրի նախագծին

I. Ներածություն

Սույն հայեցակարգային դրույթներն արտացոլում են փոխըմբռնումը՝ «Եվրասիական տնտեսական միության և դրա անդամ պետությունների՝ մի կողմից, և Ինդոնեզիայի Հանրապետության՝ մյուս կողմից, միջև ազատ առևտրի մասին» համաձայնագրի (այսուհետ համապատասխանաբար՝ կողմ, համաձայնագիր) ընդգրկման մասով։

Սույն հայեցակարգային դրույթները պարունակում են առևտրին վերաբերող հարցերի ցանկը, որոնք ենթակա են համաձայնագրի մեջ ներառման՝ առանց բանակցությունների ընթացքում կողմերի վերջնական դիրքերի համար վնասի։ Տվյալ ցանկը սպառիչ չէ, բանակցությունների ընթացքում կարող են ներառվել լրացուցիչ հարցեր՝ կողմերի համաձայնությամբ։

II. Նպատակները (առանցքային սկզբունքները)

Համաձայնագիր կնքելու նպատակները (առանցքային սկզբունքները) հետևյալն են՝

կողմերի միջև ապրանքների ազատ առևտրի ռեժիմի սահմանմանն ուղղված փոխշահավետ պայմանավորվածությունների ձևավորում.

համաձայնագրի կիրարկման և դրա համատեղ վարչարարության համար անհրաժեշտ արդյունավետ ընթացակարգերի մշակում.

առանձնաշնորհային պայմանների ստեղծում՝ փոխադարձ շահ ներկայացնող՝ առևտրատնտեսական համագործակցության հիմնական ուղղությունների համար, որոնք ներառում են նաև ներմուծման մաքսատուրքերի դրույքաչափերի և ապրանքների փոխադարձ առևտրում այլ խոչընդոտների ազատականացումը։

III. Խնդիրները

Համաձայնագրի կնքման խնդիրներն են՝

ապրանքների համար շուկայի հասանելիության ընդլայնում, առևտրի պարզեցում, այդ թվում՝ սակագնային և ոչ սակագնային խոչընդոտների կրճատման ու վերացման միջոցով.

կողմերի միջև առևտրային շրջանառության ավելացում.

առևտրատնտեսական համագործակցության զարգացում կողմերի միջև եւ լրացուցիչ պայմանների ստեղծում՝ մրցունակության բարձրացման համար։

IV. Հիմնական հարցերը

Համաձայնագրի շրջանակներում կարգավորման ենթակա են հետևյալ հարցերը՝

1. Իրավական և «հորիզոնական» հարցերը

Համաձայնագիրը պետք է կնքվի անժամկետ։

Համաձայնագրի կողմերը պետք է լինեն Եվրասիական տնտեսական միությունը՝ «Եվրասիական տնտեսական միության մասին» 2014 թվականի մայիսի 29-ի պայմանագրով սահմանված իր իրավասության շրջանակներում, և (կամ) անդամ պետությունները՝ մեկ կողմից, և Ինդոնեզիայի Հանրապետությունը՝ մյուս կողմից։

Համաձայնագիրը պետք է համապատասխանի 1994 թվականի «Սակագների և առևտրի գլխավոր համաձայնագրի» (այսուհետ՝ 1994 թվականի ՍԱԳՀ) XXIV հոդվածի 8(b) կետով սահմանված պահանջներին։

Համաձայնագրով պետք է նախատեսվեն՝

համաձայնագրի վարչարարության արդյունավետ մեխանիզմները, այդ թվում՝ կողմերի ներկայացուցիչների փոխգործակցության հարթակների ձևավորումը (օժանդակ մասնագիտացված մարմինների ու աշխատանքային խմբերի ձևավորման հնարավորությամբ համատեղ կոմիտեի ստեղծումը).

կողմերի միջև հնարավոր վեճերի կարգավորման ընթացակարգը, որը հիմնված է բանակցությունների ու խորհրդակցությունների գերակայության սկզբունքի վրա և որով նախատեսվում են արբիտրների պանելների ձևավորման արդյունավետ մեխանիզմները, իսկ այդ ընթացակարգի շրջանակներում՝ որպես վեճի նախաձեռնման հիմք, պետք է նախատեսված լինի միայն համաձայնագրի մեկնաբանումը և (կամ) կիրառումը, երբ կողմը ենթադրում է, որ մյուս կողմի միջոցը չի համապատասխանում համաձայնագրով նախատեսված իր պարտավորություններին.

բացառություններ, որոնք համապատասխանում են 1994 թվականի ՍԱԳՀ-ի XX և XXI հոդվածներով նախատեսվածներին.

համաձայնագրի վերանայման մեխանիզմը՝ կողմերի շահերի ապահովման համար՝ հաշվի առնելով միջազգային տնտեսական հարաբերություններում փոփոխությունները։

2. Ապրանքների առևտուրը (շուկայի հասանելիությունը)

Համաձայնագրով պետք է՝

նախատեսվեն առանձնաշնորհային պայմաններ կողմերի տարածքներից ծագող ապրանքների հասանելիության համար, այն կարող է պարունակել նաև ազատ առևտրի ռեժիմի տրամադրման լրացուցիչ պայմաններ.

սահմանվի ազատ առևտրի ռեժիմից ապրանքային բացառումների ցանկը.

սահմանվեն անցումային ժամանակահատվածները, որոնց ընթացքում պետք է վերացվի տուրքերի գանձումը՝ երրորդ կողմերի տարածքներից ծագող ապրանքների փոխադարձ առևտրում։

Համաձայնագրով պետք է նախատեսվեն պարտավորություններ, այդ թվում՝ 1994 թվականի ՍԱԳՀ-ի I, III, VIII և XI հոդվածներով նախատեսված պարտավորություններին համապատասխանող։

3. Ապրանքների ծագումը որոշելու կանոնները

Սակագնային առանձնաշնորհումներ տրամադրելու նպատակներով՝ համաձայնագրով պետք է սահմանվեն ապրանքների ծագումը որոշելու առանձնաշնորհային կանոններ, որոնք պետք է պարունակեն՝

չափանիշներ, որոնք թույլ են տալիս ապրանքը ճանաչել որպես կողմի տարածքից ծագող ապրանք (մասնավորապես՝ ներառել ամբողջությամբ ստացված ապրանքների ցանկը և այն ապրանքների բավարար վերամշակման չափանիշները, որոնց արտադրության ժամանակ օգտագործվում են ծագում չունեցող նյութեր).

ուղիղ մատակարարման պայմանները.

ապրանքների ծագման փաստաթղթային հաստատմանը ներկայացվող պահանջները.

վերիֆիկացման և վարչական համագործակցության մեխանիզմները, որոնք կողմերի մաքսային մարմիններին թույլ են տալիս ստուգել և վերահսկել ապրանքների ծագումը։

4. Ներքին շուկայի պաշտպանության միջոցները

Համաձայնագրով պետք է նախատեսված լինի փոխադարձ առևտրում առևտրային պաշտպանության միջոցների (հակագնագցման, հատուկ պաշտպանական և փոխհատուցման միջոցների) կիրառման հնարավորությունը՝ ԱՀԿ-ի կիրառվող համաձայնագրերով սահմանված կանոններին համապատասխան, այդ թվում՝ Ինդոնեզիայի Հանրապետության կողմից քննություն անցկացվելու և Եվրասիական տնտեսական միության անդամ պետությունների նկատմամբ և անհատական կարգով այդ միջոցները կիրառելու հնարավորությունը։

Միաժամանակ Համաձայնագրով կարող են նախատեսվել պաշտպանական հետաքննությունների, այդ թվում՝ վերանայումների (ներառյալ՝ միջոցի շրջանցման պաշտպանական հետաքննություններ) անցկացման և կողմերի շուկաների հասանելիության բարելավմանն ուղղված՝ առևտրային պաշտպանության միջոցների կիրառման վերաբերյալ հստակ և լրացուցիչ դրույթներ։ Համաձայնագրով պետք է նախատեսվեն կողմերի լիազորված մարմինների միջև փոխգործակցության արդյունավետ եղանակներ։

Համաձայնագրով կարող է նախատեսվել նաև երկկողմ պաշտպանական միջոցների կիրառման հնարավորությունը կողմերի կողմից, ինչպես նաև կարող է սահմանվել Եվրասիական տնտեսական միության անդամ պետությունների նկատմամբ միջոցների կիրառման ձևաչափը։

5. Մաքսային ընթացակարգերը և առևտրի պարզեցումը

Համաձայնագիրը կնպաստի մաքսային ոլորտում համագործակցության ամրապնդմանը և առևտրի ընթացակարգի պարզեցմանը՝ արդյունավետ մաքսային հսկողություն և մաքսային ընթացակարգերի արդյունավետ կիրառում ապահովելու ժամանակ։

Համաձայնագրում հաշվի կառնվի ներմուծման, արտահանման ու տարանցման վերաբերյալ կանոնների ու ընթացակարգերի արդիականացման ու պարզեցման բնագավառում առաջատար գործելակերպը, ինչպես նաև այն կնպաստի մաքսային ընթացակարգերի թափանցիկության ու կանխատեսելիության բարձրացմանը, ապրանքների մաքսային ձևակերպման էլեկտրոնային տեխնոլոգիաների զարգացմանը և կողմերի մաքսային մարմինների միջև համագործակցության ամրապնդմանը՝ ներառյալ կողմերի միջև առևտրային շրջանառության մեջ գտնվող ապրանքների վերաբերյալ տեղեկատվության էլեկտրոնային փոխանակման հնարավոր կազմակերպումը։

Համաձայնագիրը պետք է աջակցի մաքսային և առևտրի հետ կապված այլ ընթացակարգերի բնագավառում միջազգային նորմերի ու ստանդարտների (ԱՀԿ դրույթների, մասնավորապես՝ «Առևտրի ընթացակարգերի պարզեցման մասին» համաձայնագրի և Համաշխարհային մաքսային կազմակերպության դրույթների) կիրառմանը։ Համաձայնագիրն ուղղված կլինի համապատասխան միջազգային ստանդարտների օգտագործմամբ (ըստ անհրաժեշտության) առևտրի ընթացակարգերի պարզեցման բնագավառում մոտարկմանը, համակարգմանն ու համագործակցությանն աջակցելուն։

Համաձայնագրի շրջանակներում հնարավոր է ուսումնասիրել համագործակցության բնագավառում՝ փոխըմբռնման ամրապնդմանը, ինչպես նաև մաքսային հարցերում փոխադարձ վարչական օգնությանն ուղղված միջոցառումների հետ կապված հարցը։

6. Ստանդարտներ, տեխնիկական կանոնակարգեր և համապատասխանության գնահատման ընթացակարգեր

Համաձայնագիրը պետք է ներառի ԱՀԿ համաձայնագրի 1Ա հավելվածում պարունակվող՝ «Առևտրում տեխնիկական խոչընդոտների մասին» համաձայնագրի դրույթները և պարունակի լրացուցիչ պարտավորություններ այնպիսի ոլորտներում, ինչպիսիք են թափանցիկությունը, ստանդարտները, տեխնիկական կանոնակարգերը, համապատասխանության գնահատումը, ինչպես նաև առևտրում տեխնիկական խոչընդոտների հետ կապված խնդիրների լուծման մեխանիզմ։

Համաձայնագրով պետք է նախատեսվի կողմերի պարտավորությունների սահմանումը հստակ ժամանակային միջակայքերի (անցումային ժամանակահատվածների) մասով՝ տեխնիկական կանոնակարգի կամ համապատասխանության գնահատման ընթացակարգի ընդունումից մինչև դրանք ուժի մեջ մտնելը։

7. Սանիտարական, անասնաբուժական ու բուսասանիտարական (ՍԲՍ) միջոցառումներ

Համաձայնագիրը պետք է ներառի ԱՀԿ համաձայնագրի 1Ա հավելվածում պարունակվող՝ «Առևտրում տեխնիկական խոչընդոտների մասին» համաձայնագրի դրույթները։

Համաձայնագրով պետք է նախատեսվեն՝

ՍԲՍ միջոցառումների համարժեքության ճանաչման հնարավորությունն ու պայմանները, տարածաշրջանային պայմանների հայեցակարգի ճանաչումը, ինչպես նաև կիրառվող ՍԲՍ միջոցառումների մասով թափանցիկության և տեղեկատվական փոխանակման հետ կապված հարցերը.

համագործակցության մեխանիզմների ստեղծումը, ինչպես նաև խորհրդակցությունների անցկացման հնարավորությունը՝ փոխադարձ առևտրի վրա ազդեցություն ունեցող ՍԲՍ միջոցառումների կիրառման հետ կապված հարցերի կարգավորման նպատակով:

8. Մտավոր սեփականությունը

Համաձայնագրով պետք է նախատեսվեն՝

արդյունավետ իրավական շրջանակներ՝ առանց խախտելու մտավոր սեփականության օբյեկտների (ներառյալ գյուտերը, տեխնոլոգիաների տրանսֆերը, հեղինակային իրավունքի ու հարակից իրավունքների օբյեկտները, ապրանքային նշանները, արդյունաբերական նմուշները, սելեկցիոն նվաճումները, աշխարհագրական նշումներն ու ապրանքների ծագման վայրերի անվանումները և այլն) նկատմամբ իրավունքների պահպանության ոլորտում համագործակցության վերաբերյալ կողմերի օրենսդրությունը.

ընթացակարգեր, որոնք իրավատիրոջը թույլ կտան, վերջինիս մոտ իր իրավունքների խախտման մասով հիմնավորված կասկածների առկայության դեպքում, դիմել կողմերի մաքսային մարմիններ՝ պահանջելով կիրառել մտավոր սեփականության նկատմամբ իր իրավունքների պաշտպանության միջոցները։

Համաձայնագրով պետք է նախատեսվի այն փաստը, որ կողմերը միմյանց նկատմամբ կիրառում են ԱՀԿ համաձայնագրի 1С հավելվածում պարունակվող՝ «Մտավոր սեփականության իրավունքների առևտրային ասպեկտների մասին» համաձայնագրի դրույթները։

9. Մրցունակությունը

Կողմերի փոխադարձ համաձայնությամբ՝ համաձայնագրով կարող են սահմանվել սկզբունքներ, որոնց համապատասխան կողմերը կարող են համագործակցել մրցակցության կարգավորման և մրցակցային քաղաքականության (մասնավորապես, թափանցիկության, խտրականության բացառման, արդարության) ոլորտում, ինչպես նաև հակամրցակցային վարքագծի տեսակներ, դրանում կարող է կողմերին առաջարկվել նաև կիրառել անհրաժեշտ միջոցներ՝ ուղղված առևտրի վրա բացասական ազդեցություն ունեցող ընկերությունների հակամրցակցային վարքագծի սահմանափակմանը։ Որպես համագործակցության ձևեր՝ համաձայնագրով կարող են նախատեսվել կողմերի լիազորված մարմինների միջև հարցերի քննարկումը և ոչ գաղտնի տեղեկատվության փոխանակումը, համագործակցությունն իրավակիրառ գործունեության և փորձի փոխանակման ոլորտում։

10. Համագործակցությունը

Համաձայնագիրը կարող է ուղղված լինել փոխադարձ շահ ներկայացնող ոլորտներում ճյուղային համագործակցությանն աջակցության համար բազայի ստեղծմանը՝ ներառյալ այդ ոլորտներում համագործակցության առաջխաղացման համար մեխանիզմների ստեղծման հնարավորությունը։

Համաձայնագիրը կարող է նաև նպաստել մրցունակության բարձրացմանը և նորարարական գործունեության զարգացմանը, խթանել ավելացված արժեքով արտադրանքի արտադրությունը։

Համաձայնագիրը կարող է օժանդակել ներառական կայուն զարգացման ջանքերին՝ այնպիսի միջազգային նորմերին համապատասխան, ինչպիսիք են կայուն զարգացման նպատակները։

11. Էլեկտրոնային առևտուրը

Համաձայնագրով կամրապնդվեն առևտրում էլեկտրոնային տեխնոլոգիաների օգտագործման (մասնավորապես, էլեկտրոնային աուտենտիֆիկացման և էլեկտրոնային թվային ստորագրությունների, էլեկտրոնային առևտրի մասնակիցների անձնական տվյալների պաշտպանության, անթուղթ առևտրի, տվյալների անդրսահմանային փոխանցման, էլեկտրոնային փաստաթղթերի օգտագործման) հարցերի շուրջ շրջանակային պայմանավորվածությունները, ինչը թույլ կտա բարձրացնել անվտանգությունը և պարզեցնել ընթացակարգերը էլեկտրոնային առևտրի շրջանակներում, կրճատել ընկերությունների ծախքերը (այդ թվում՝ արտաքին առևտրային գործարքի իրականացման համար պահանջվող ժամանակավոր ծախքերը)։

12. Թափանցիկությունը

Համաձայնագիրը պետք է ներառի դրույթներ՝ համապատասխան նորմատիվ ակտերի հրապարակման, համաձայնագրի դրույթներին առնչվող տեղեկատվության տրամադրման համար տեղեկատվական կենտրոնների ու միասնական կենտրոնների (կոնտակտային կետերի) ստեղծման վերաբերյալ։

Պաշտոնական հրապարակման օրը՝ 4 մայիսի 2023 թվական: