ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

 ԽՈՐՀՈՒՐԴ

23 նոյեմբերի 2015 թվականի

թիվ 73

քաղ. Մինսկ

ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԽՈՐՀՐԴԻ 2014 ԹՎԱԿԱՆԻ ՆՈՅԵՄԲԵՐԻ 12–Ի ԹԻՎ 101 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

«Եվրասիական տնտեսական հանձնաժողովի մասին» հիմնադրույթի («Եվրասիական տնտեսական միության մասին» 2014 թվականի մայիսի 29-ի պայմանագրի 1–ին հավելված) 24-րդ կետի 1-ին ենթակետին, Եվրասիական տնտեսական բարձրագույն խորհրդի 2014 թվականի դեկտեմբերի 23-ի թիվ 98 որոշմամբ հաստատված «Եվրասիական տնտեսական հանձնաժողովի աշխատանքի կանոնակարգի» 1-ին հավելվածի 3-րդ կետին համապատասխան եւ Հայաստանի Հանրապետության ու Ղրղզստանի Հանրապետության՝ «Եվրասիական տնտեսական միության մասին» 2014 թվականի մայիսի 29–ի պայմանագրին միանալու հետ կապված՝ Եվրասիական տնտեսական հանձնաժողովի խորհուրդը որոշեց.

1. «Մաքսային միության եւ Չինաստանի Ժողովրդական Հանրապետության մաքսային սահմաններով տեղափոխվող ապրանքների ու միջազգային փոխադրման տրանսպորտային միջոցների վերաբերյալ տեղեկատվության փոխանակման մասին համաձայնագիր կնքելու առնչությամբ Չինաստանի Ժողովրդական Հանրապետության հետ բանակցություններ անցկացնելու նպատակով պատվիրակության եւ բանակցություններ անցկացնելու վերաբերյալ հրահանգների մասին» Եվրասիական տնտեսական հանձնաժողովի խորհրդի 2014 թվականի նոյեմբերի 12-ի թիվ 101 որոշման մեջ կատարել փոփոխություններ՝ համաձայն հավելվածի։

2. Սույն Որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

Եվրասիական տնտեսական հանձնաժողովի խորհրդի անդամներ՝

Հայաստանի Հանրապետությունից	Բելառուսի Հանրապետությունից	Ղազախստանի Հանրապետությունից	Ղրղզստանի Հանրապետությունից	Ռուսաստանի Դաշնությունից
Վ. Գաբրիելյան	Վ. Մատյուշևսկի	Բ. Սագինտաև	Օ. Պանկրատով	Ի. Շուվալով

ՀԱՎԵԼՎԱԾ Եվրասիական տնտեսական հանձնաժողովի խորհրդի 2015 թվականի նոյեմբերի 23-ի թիվ 73 որոշման

ՓՈՓՈԽՈՒԹՅՈՒՆՆԵՐ

Եվրասիական տնտեսական հանձնաժողովի խորհրդի 2014 թվականի նոյեմբերի 12–ի թիվ 101 որոշման մեջ կատարվող

1. Անվանման մեջ և տեքստում «Մաքսային միության» բառերը փոխարինել «Եվրասիական տնտեսական միության» բառերով։

2. (կետն ուժը կորցրել է ԵՏՀԽ 13.07.17 թիվ 43) 

3. Նշված Որոշմամբ հաստատված՝ Մաքսային միության և Չինաստանի Ժողովրդական Հանրապետության մաքսային սահմաններով տեղափոխվող ապրանքների ու միջազգային փոխադրման տրանսպորտային միջոցների վերաբերյալ տեղեկատվության փոխանակման մասին համաձայնագիր կնքելու առնչությամբ Չինաստանի Ժողովրդական Հանրապետության հետ բանակցություններ անցկացնող պատվիրակության և բանակցություններն անցկացնելու վերաբերյալ հրահանգներում՝

ա) անվանման մեջ և տեքստում «Մաքսային միության» բառերը փոխարինել «Եվրասիական տնտեսական միության» բառերով,

բ) I բաժնի երրորդ պարբերության մեջ «և Միասնական տնտեսական տարածքի (Եվրասիական տնտեսական միության) (այսուհետ՝ անդամ պետություններ)» բառերը փոխարինել «(այսուհետ համապատասխանաբար՝ անդամ պետություններ, Միություն)» բառերով,

գ) II բաժնի երկրորդ պարբերության մեջ «Եվրասիական տնտեսական միության (այսուհետ՝ Միություն)» բառերը փոխարինել «Միության» բառով,

դ) V բաժնի տասներեքերորդ պարբերության մեջ «Մաքսային միության» բառերը փոխարինել «Միության» բառով,

ե) նշված հրահանգների հավելվածում՝

համարակալված վերնագրում և անվանման մեջ «Մաքսային միության» բառերը փոխարինել «Եվրասիական տնտեսական միության» բառերով,

«*» նշանով ծանոթագրության մեջ «Մաքսային միության և Միասնական տնտեսական տարածքի (Եվրասիական տնտեսական միության)» բառերը փոխարինել «Եվրասիական տնտեսական միության» բառերով։

(հավելվածը փոփ. ԵՏՀԽ 13.07.17 թիվ 43)