ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

«Եվրասիական տնտեսական միության մասին» 2014 թվականի մայիսի 29-ի պայմանագրի 42-րդ և 45-րդ հոդվածներին, Եվրասիական տնտեսական միության մաքսային օրենսգրքի 19-րդ հոդվածին համապատասխան, և Եվրասիական տնտեսական միության արտաքին տնտեսական գործունեության միասնական ապրանքային անվանացանկի միջազգային հիմքի փոփոխությունների (ԱՊՀ մասնակից պետությունների մաքսային ծառայությունների ղեկավարների խորհրդի 2019 թվականի նոյեմբերի 21–ի թիվ 8/70 որոշում) հետ կապված` Եվրասիական տնտեսական հանձնաժողովի կոլեգիան որոշեց.

1. Եվրասիական տնտեսական միության արտաքին տնտեսական գործունեության միասնական ապրանքային անվանացանկում և Եվրասիական տնտեսական միության միասնական մաքսային սակագնի մեջ (Եվրասիական տնտեսական հանձնաժողովի խորհրդի 2012 թվականի հուլիսի 16-ի թիվ 54 որոշման հավելված) կատարել հետևյալ փոփոխությունները`

ա) Եվրասիական տնտեսական միության արտաքին տնտեսական գործունեության միասնական ապրանքային անվանացանկից հանել դիրքեր` թիվ 1 հավելվածի համաձայն.

բ) Եվրասիական տնտեսական միության արտաքին տնտեսական գործունեության միասնական ապրանքային անվանացանկում ընդգրկել դիրքեր` թիվ 2 հավելվածի համաձայն.

գ) սահմանել Եվրասիական տնտեսական միության միասնական մաքսային սակագնի ներմուծման մաքսատուրքերի դրույքաչափեր` թիվ 3 հավելվածի համաձայն.

դ) «կՎԱ» հապավումով տողից հետո հապավումներն ու պայմանանշանները լրացնել հետևյալ բովանդակությամբ տողով`

«կվար|կիլովոլտ-ամպեր ռեակտիվ».

ե) ԵԱՏՄ ԱՏԳ ԱԱ 0307 84 900 0 ստորաենթադիրքի անվանումը շարադրել հետևյալ խմբագրությամբ`

«- - - այլ».

զ) երրորդ սյունակում ԵԱՏՄ ԱՏԳ ԱԱ 4701 00 100 0, 4701 00 900 0, 4702 00 000 0, 4703 11 000 0, 4703 19 000 0, 4703 21 000 1, 4703 21 000 9, 4703 29 000 1, 4703 29 000 9, 4704 11 000 0, 4704 19 000 0, 4704 21 000 0, 4704 29 000 0, 4705 00 000 0, 4706 20 000 0, 4706 30 000 0, 4706 91 000 0, 4706 92 000 0, 4706 93 000 0 դիրքերում «կգ 90% չ.ն.» բառերը փոխարինել «կգ 90% չ/ն» բառերով.

է) ԵԱՏՄ ԱՏԳ ԱԱ 9405 10 ենթադիրքի անվանման մեջ «կախովի» բառը փոխարինել «առաստաղի» բառով:

2. Այն ապրանքների ցանկի 2.13 բաժնում, որոնց նկատմամբ սահմանվել է Եվրասիական տնտեսական միության մաքսային տարածք ներմուծման և (կամ) Եվրասիական տնտեսական միության մաքսային տարածքից արտահանման թույլատվական կարգ (Եվրասիական տնտեսական հանձնաժողովի կոլեգիայի 2015 թվականի ապրիլի 21-ի թիվ 30 որոշման թիվ 2 հավելված)`

ա) 21-րդ դիրքում «2931 90 800 9-ից» բառերը փոխարինել «2931 90 000 9-ից» բառերով.

բ) 34-րդ դիրքում «2931 90 800 9-ից» բառերը փոխարինել «2931 90 000 9-ից» բառերով:

3. Եվրասիական տնտեսական բարձրագույն խորհրդի 2015 թվականի մայիսի 8-ի թիվ 16 որոշմամբ հաստատված`այն զգայուն ապրանքների ցանկում, որոնց նկատմամբ ներմուծման մաքսատուրքի դրույքաչափի փոփոխման մասին որոշումը կիրառվում է Եվրասիական տնտեսական հանձնաժողովի խորհրդի կողմից, ԵԱՏՄ ԱՏԳ ԱԱ 2931 39 000 0, 2931 90 200 0, 2931 90 300 0, 2931 90 500 0, 2931 90 600 0, 2931 90 800 1, 2931 90 800 2, 2931 90 800 9 ծածկագրերով դիրքերը փոխարինել հետևյալ բովանդակությամբ դիրքերով`

4. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո, սակայն «Այն ապրանքների ցանկում փոփոխություններ կատարելու մասին, որոնց նկատմամբ Ղազախստանի Հանրապետությունն իր կողմից ընդունված` Առևտրի համաշխարհային կազմակերպությանը միանալու պայման հանդիսացող պարտավորություններին համապատասխան կիրառում է Եվրասիական տնտեսական միության միասնական մաքսային սակագնի տուրքերի դրույքաչափերի համեմատ ավելի ցածր ներմուծման մաքսատուրքերի դրույքաչափեր, և տուրքերի այդ դրույքաչափերի մասին» Եվրասիական տնտեսական հանձնաժողովի խորհրդի որոշումն ուժի մեջ մտնելու օրվանից ոչ շուտ:

ԴԻՐՔԵՐ

Եվրասիական տնտեսական միության արտաքին տնտեսական գործունեության միասնական ապրանքային անվանացանկում ընդգրկվող

Պաշտոնական հրապարակման օրը՝ 22 հունիսի 2022 թվական: