ԱՂ ԴՐԱԾ ԵՎ ՉՈՐԱՑՐԱԾ ՁՈՒԿՆ ՈՒ ԿԱՂԱՄԱՐԸ ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ԱՐՏԱՔԻՆ ՏՆՏԵՍԱԿԱՆ ԳՈՐԾՈՒՆԵՈՒԹՅԱՆ ՄԻԱՍՆԱԿԱՆ ԱՊՐԱՆՔԱՅԻՆ ԱՆՎԱՆԱՑԱՆԿԻՆ ՀԱՄԱՊԱՏԱՍԽԱՆ ԴԱՍԱԿԱՐԳԵԼՈՒ ՄԱՍԻՆ

Մաքսային միության մաքսային օրենսգրքի 52-րդ հոդվածի 7-րդ կետին համապատասխան՝ Եվրասիական տնտեսական հանձնաժողովի կոլեգիան որոշեց.

1. Աղ դրած և չորացրած ձուկը, որը պատրաստված է աղի մեջ դնելու միջոցով՝ հետևյալ մեկ կամ ավելի բաղադրամասերի ավելացմամբ. շաքար (աղի պարունակությանը հավասար կամ այն գերազանցող քանակությամբ), համեմունքներ, համեմանքներ, համեմանյութեր (պատրաստի արտադրանքին ավելացված համեմունքների, համեմանքների, համեմանյութերի համաբուրավետիչ հատկություններ հաղորդելու համար անհրաժեշտ քանակություններով), և որը ենթարկվել է հետագա չորացման, Արտաքին տնտեսական գործունեության ապրանքային անվանացանկի մեկնաբանության հիմնական 1–ին կանոնին համապատասխան, դասակարգվում է Եվրասիական տնտեսական միության արտաքին տնտեսական գործունեության միասնական ապրանքային անվանացանկի 1604 ապրանքային դիրքում։

2. Աղ դրած և չորացրած կաղամարը, որը պատրաստված է աղի մեջ դնելու միջոցով՝ հետևյալ մեկ կամ ավելի բաղադրամասերի ավելացմամբ. շաքար (աղի պարունակությանը հավասար կամ այն գերազանցող քանակությամբ), համեմունքներ, համեմանքներ, համեմանյութեր (պատրաստի արտադրանքին ավելացված համեմունքների, համեմանքների, համեմանյութերի համաբուրավետիչ հատկություններ հաղորդելու համար անհրաժեշտ քանակություններով), և որը ենթարկվել է հետագա չորացման, Արտաքին տնտեսական գործունեության ապրանքային անվանացանկի մեկնաբանության հիմնական 1–ին կանոնին համապատասխան, դասակարգվում է Եվրասիական տնտեսական միության արտաքին տնտեսական գործունեության միասնական ապրանքային անվանացանկի 1605 ապրանքային դիրքում։

3. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո:

Պաշտոնական հրապարակման օրը՝ 22 հունիսի 2022 թվական: