21.11.2020 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

21 նոյեմբերի 2020 թվականի N 1820-Լ

2020 ԹՎԱԿԱՆԻ ՍԵՊՏԵՄԲԵՐԻ 27-ԻՑ ԱԴՐԲԵՋԱՆԻ ՀԱՆՐԱՊԵՏՈՒԹՅԱՆ ԿՈՂՄԻՑ ԱՐՑԱԽԻ ՀԱՆՐԱՊԵՏՈՒԹՅԱՆ ԴԵՄ ՍԿՍՎԱԾ ՊԱՏԵՐԱԶՄԱԿԱՆ ԳՈՐԾՈՂՈՒԹՅՈՒՆՆԵՐԻ ՀԵՏԵՎԱՆՔՈՎ ԱԴՐԲԵՋԱՆԻ ՀԱՆՐԱՊԵՏՈՒԹՅԱՆ ՎԵՐԱՀՍԿՈՂՈՒԹՅԱՆ ՏԱԿ ԱՆՑԱԾ ՀԱՄԱՅՆՔՆԵՐՈՒՄ ՀԱՇՎԱՌՎԱԾ ԿԱՄ ՓԱՍՏԱՑԻ ԲՆԱԿՎԱԾ ՔԱՂԱՔԱՑԻՆԵՐԻ ԱՋԱԿՑՈՒԹՅԱՆ ՄԻՋՈՑԱՌՈՒՄԸ ՀԱՍՏԱՏԵԼՈՒ ՄԱՍԻՆ

(վերնագիրը լրաց. 08.02.21 N 147-Լ)

Հիմք ընդունելով Հայաստանի Հանրապետության Սահմանադրության 83-րդ հոդվածը և 146-րդ հոդվածի 4-րդ մասը՝ Հայաստանի Հանրապետության կառավարությունը որոշում է.

1. Հաստատել 2020 թվականի սեպտեմբերի 27-ից Ադրբեջանի Հանրապետության կողմից Արցախի Հանրապետության դեմ սկսված պատերազմական գործողությունների հետևանքով Ադրբեջանի Հանրապետության վերահսկողության տակ անցած համայնքներում հաշվառված կամ փաստացի բնակված քաղաքացիների աջակցության միջոցառումը՝ համաձայն հավելվածի։

(1-ին կետը լրաց. 08.02.21 N 147-Լ)

2. Հայաստանի Հանրապետության աշխատանքի և սոցիալական հարցերի նախարարին՝ մինչև 2020 թվականի նոյեմբերի 25-ը ներկայացնել սույն որոշմամբ սահմանված աջակցության տրամադրման կարգ:

Հայաստանի Հանրապետության վարչապետ

Ն. Փաշինյան

21.11.2020 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված ՀՀ կառավարության 2020 թվականի նոյեմբերի 21-ի N 1820-Լ որոշման

2020 ԹՎԱԿԱՆԻ ՍԵՊՏԵՄԲԵՐԻ 27-ԻՑ ԱԴՐԲԵՋԱՆԻ ՀԱՆՐԱՊԵՏՈՒԹՅԱՆ ԿՈՂՄԻՑ ԱՐՑԱԽԻ ՀԱՆՐԱՊԵՏՈՒԹՅԱՆ ԴԵՄ ՍԿՍՎԱԾ ՊԱՏԵՐԱԶՄԱԿԱՆ ԳՈՐԾՈՂՈՒԹՅՈՒՆՆԵՐԻ ՀԵՏԵՎԱՆՔՈՎ ԱԴՐԲԵՋԱՆԻ ՀԱՆՐԱՊԵՏՈՒԹՅԱՆ ՎԵՐԱՀՍԿՈՂՈՒԹՅԱՆ ՏԱԿ ԱՆՑԱԾ ՀԱՄԱՅՆՔՆԵՐՈՒՄ ՀԱՇՎԱՌՎԱԾ ԿԱՄ ՓԱՍՏԱՑԻ ԲՆԱԿՎԱԾ ՔԱՂԱՔԱՑԻՆԵՐԻ ԱՋԱԿՑՈՒԹՅԱՆ ՄԻՋՈՑԱՌՈՒՄԸ

(վերնագիրը լրաց. 08.02.21 N 147-Լ)

1. Միջոցառման նպատակն է սոցիալական աջակցություն տրամադրել Ադրբեջանի կողմից 2020 թվականի սեպտեմբերի 27-ին սանձազերծված պատերազմի հետևանքով տեղահանված և փաստացի Հայաստանի Հանրապետությունում կամ Արցախում գտնվող Արցախի քաղաքացիներին, որոնք ունեն սույն հավելվածին կից ցանկում ներառված Արցախի համայնքի հաշվառում և մինչև 2020 թվականի սեպտեմբերի 27-ը առնվազն վերջին 3 ամիսը փաստացի բնակվել են այնտեղ:

1.1. Սույն միջոցառումից կարող են օգտվել նաև այն քաղաքացիները, ովքեր Արցախի Հանրապետության տարածքային կառավարման նախարարությունից ստացված տեղեկատվության համաձայն՝ 2020 թվականի սեպտեմբերի 27-ի դրությամբ առնվազն վերջին 3 ամիսներին փաստացի բնակվել են (անկախ Արցախի Հանրապետության բնակավայրի հասցեով հաշվառված լինելու հանգամանքից) սույն որոշման հավելվածին կից ցանկում նշված (Ադրբեջանի Հանրապետության վերահսկողության տակ անցած) համայնքներում։

(1.1-ին կետը լրաց. 08.02.21 N 147-Լ)

2. Սոցիալական աջակցությունը տրամադրվում է միանվագ դրամական օգնության ձևով՝ յուրաքանչյուր շահառուի համար 300 000 դրամ։

3. Սույն միջոցառման շահառու հանդիսացող անչափահաս երեխաներին միանվագ դրամական օգնությունը տրամադրվում է ծնողին, եթե երեխայի ծնողը հանդիսանում է ծրագրի շահառու:

4․ Բացառությամբ սույն կարգի 1.1-ին կետում նշված դեպքի, սույն միջոցառումից օգտվելու համար դիմումը պետք է ներկայացվի էլեկտրոնային եղանակով՝ մինչև 2021 թվականի հունվարի 27-ը: Սույն կարգի 1.1-ին կետում նշված դեպքում միանվագ դրամական օգնությունը տրամադրվում է Արցախի Հանրապետության տարածքային կառավարման նախարարությունից ստացված՝ սույն որոշման հավելվածին կից ցանկում նշված (Ադրբեջանի Հանրապետության վերահսկողության տակ անցած) համայնքներում 2020 թվականի սեպտեմբերի 27-ի դրությամբ առնվազն վերջին 3 ամիսներին փաստացի բնակված (անկախ Արցախի Հանրապետության բնակավայրի հասցեով հաշվառված լինելու հանգամանքից) քաղաքացիների վերաբերյալ տեղեկատվության հիման վրա։

(4-րդ կետը փոփ. 17.12.20 N 2105-Լ, 13.01.21 N 3-Լ, խմբ. 08.02.21 N 147-Լ)

5. Միանվագ դրամական օգնությունը տրամադրվում է Հայփոստի և Արցախփոստի միջոցով:

6. Սույն հավելվածին կից ցանկում ներառված Արցախի համայնքներում հաշվառման և սույն հավելվածի 1-ին կետում նշված՝ առնվազն վերջին 3 ամսվա փաստացի բնակվելու հանգամանքը հավաստվում է Արցախի կառավարության կողմից:

Հայաստանի Հանրապետության վարչապետի աշխատակազմի ղեկավար

Է. Աղաջանյան

Ց Ա Ն Կ

ԱՐՑԱԽԻ ՀԱՄԱՅՆՔՆԵՐԻ

NN ը/կ	Համայնքի անվանումը
	Քաշաթաղի շրջան
1.	Կովսական
2.	Միջնավան
3.	Որոտան
4.	Ալաշկերտ
5.	Աղաձոր
6.	Աղավնատուն
7.	Այգեհովիտ
8.	Այգեկ
8.1.	Աղանուս
9.	Արախիշ
10.	Արծվաշեն
11.	Արտաշավի
12.	Գանձա
13.	Գետամեջ
14.	Գետափ
15.	Գողթանիկ
16.	Դրախտաձոր
17.	Երիցվանք
18.	Իշխանաձոր
19.	Լեռնահովիտ
20.	Ծաղկաբերդ
21.	Ծիծեռնավանք
22.	Ծոբաձոր
23.	Կերեն
24.	Կումայրի
25.	Հակ
26.	Հակարի
27.	Հայկազյան
28.	Հոչանց
29.	Ձորափ
30.	Ղազարապատ
31.	Մամարք
32.	Մարտունաշեն
33.	Միրիկ
34.	Մշենի
35.	Մոշաթաղ
36.	Մուշ
37.	Նորաշենիկ
38.	Շալուա
39.	Սարատակ
40.	Սոնասար
41.	Վակունիս
42.	Վաղազին
43.	Վան
44.	Վարդաբաց
45.	Վուրգավան
46.	Տիգրանավան
47.	Ուռեկան
48.	Փակահան
49.	Քաշունիք
Մարտակերտի շրջան
1.	Նոր Սեյսուլան
2.	Հովտաշեն
3.	Նոր Հայկաջուր
4.	Նոր Կարմիրավան
5.	Նոր Այգեստան
6.	Նոր Մարաղա
7.	Թալիշ
8.	Մատաղիս
	Շահումյանի շրջան
1.	Քարվաճառ
2.	Դադիվանք
3.	Նոր Բրաջուր
4.	Նոր Գետաշեն
5.	Եղեգնուտ
6.	Զուար
7.	Նոր Էրքեջ
8.	Խարխափուտ
9.	Ծար
10.	Նոր Կարաչինար
11.	Հավսաթաղ
12.	Նոր Մանաշիդ
13.	Նոր Վերինշեն
14.	Քնարավան
	Հադրութի շրջան
1.	Հադրութ
2.	Ազոխ
3.	Ակնաղբյուր
4.	Այգեստան
5.	Առաջամուղ
6.	Առաքել
7.	Արևշատ
8.	Բանաձոր
9.	Դրախտիկ
10.	Թաղասեռ
11.	Թաղուտ
12.	Խանձաձոր
13.	Ծակուռի
14.	Ծամձոր
15.	Կարմրակուճ
16.	Հակակու
17.	Հարթաշեն
18.	Մարիամաձոր
19.	Մեծ Թաղեր
20.	Մոխրենես
21.	Նորաշեն
22.	Պլեթանց
23.	Ջրակուս
24.	Վարդաշատ
25.	Տող
26.	Տումի
27.	Ուխտաձոր
28.	Քյուրաթաղ
29.	Մեխակավան (առանց համայնքի կարգավիճակի)
	Շուշիի շրջան
1.	Շուշի քաղաք
2.	Քարին տակ
3.	Քիրսավան
	Ասկերանի շրջան
1.	Ավետարանոց
2.	Ակնաղբյուր
3.	Ջրաղացներ
4.	Մադաթաշեն
5.	Սղնախ
6.	Մոշխմհատ
7.	Ուղտասար
8.	Արմենակավան
	Մարտունու շրջան
1.	Ջիվանի
2.	Շեխեր
3.	Զարդանաշեն
4.	Սարգսաշեն
5.	Վազգենաշեն
6.	Ներքին Ճարտար

(ցանկը խմբ. 03.12.20 N 1938-Լ, լրաց., փոփ. 17.12.20 N 2105-Լ)
(հավելվածը խմբ. 03.12.20 N 1938-Լ, փոփ., լրաց. 17.12.20 N 2105-Լ, փոփ. 13.01.21 N 3-Լ, լրաց., խմբ. 08.02.21 N 147-Լ)