ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ
Ո Ր Ո Շ ՈՒ Մ
9 հունիսի 2020 թվականի N 316-Ա
«ԹՈՒՖԵՆԿՅԱՆ» ԲԱՐԵԳՈՐԾԱԿԱՆ ՀԻՄՆԱԴՐԱՄԻ ԿՈՂՄԻՑ ԻՐԱԿԱՆԱՑՎՈՂ «ԽԱՂԱՀՐԱՊԱՐԱԿՆԵՐԻ ՏԵՂԱԴՐՈՒՄ» ԾՐԱԳՐԻ ՄԱՍԻՆ
Հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 1-ին և 3-րդ կետերը՝
1. Բարեգործական որակել «Թուֆենկյան» բարեգործական հիմնադրամի կողմից իրականացվող` 9,600,000 դրամ ընդհանուր արժողությամբ «Խաղահրապարակների կառուցում» ծրագիրը՝ համաձայն հավելվածի:
2. Սահմանել, որ «Թուֆենկյան» բարեգործական հիմնադրամի կողմից (ՀՎՀՀ՝ 90026188)՝ ստորև նշված պայմանագրերով նախատեսված գործարքներն անմիջականորեն կապված են սույն որոշման 1-ին կետում նշված ծրագրի իրականացման հետ և դրա համար ունեն զգալի նշանակություն՝
1) «Մագնոն» ԲԲԸ-ի հետ (ՀՎՀՀ՝ 05501766) 2020 թվականի մարտի 20-ին կնքված N 01 պայմանագրում նշված գործարքը, որով նախատեսվում Արցախի Հանրապետության Քաշաթաղի շրջանի Կովսական համայնքի զբոսայգում մանկական խաղահրապարակի և բակային ֆիթնեսի սարքավորումների պատրաստում և տեղադրում՝ 6,583,000 դրամի չափով՝ առանց ավելացված արժեքի հարկի.
2) «Մագնոն» ԲԲԸ-ի հետ (ՀՎՀՀ՝ 05501766) 2020 թվականի մարտի 20-ին կնքված N 02 պայմանագրում նշված գործարքը, որով նախատեսվում է Արցախի Հանրապետության Քաշաթաղի շրջանի Կովսական համայնքի մանկապարտեզի բակում խաղահրապարակի սարքավորումների պատրաստում և տեղադրում՝ 3,017,000 դրամի չափով՝ առանց ավելացված արժեքի հարկի.
3. «Թուֆենկյան» բարեգործական հիմնադրամին` ծրագրի ավարտից հետո մեկամսյա ժամկետում` Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով ներկայացնել ամփոփ տեղեկություններ ծրագրի կատարման մասին:
|
Հայաստանի Հանրապետության |
Տ. Ավինյան |
|
2020 թ. հունիսի 9 Երևան |
|
Հավելված ՀՀ փոխվարչապետի 2020 թ. հունիսի 9-ի N 316-Ա որոշման |
«ԽԱՂԱՀՐԱՊԱՐԱԿՆԵՐԻ ՏԵՂԱԴՐՈՒՄ» ԾՐԱԳԻՐ
|
1. |
Ծրագրի նպատակը |
Արցախի Հանրապետության Քաշաթաղի շրջանի Կովսական համայնքում մանկական խաղահրապարակի և բակային ֆիթնեսի սարքավորումների պատրաստում և տեղադրում |
|
2. |
Ծրագրի բարեգործական որակման նպատակը |
Օրենքով սահմանված կարգով օգտվել հարկային արտոնություններից |
|
3. |
Բարեգործը |
Թուֆենկյան Հիմնադրամ ընկերություն, գրանցված ԱՄՆ, Նյու-Յորք նահանգ, ք. Նյու-Յորք, 3-րդ Ավենյու 919 |
|
4. |
Ծրագիրը կատարողը |
Թուֆենկյան բարեգործական հիմնադրամ, Արցախի Հանրապետություն, քաղ. Ստեփանակերտ, Թումանյան 80, ՀՎՀՀ` 90026188 |
|
5. |
Ծրագրի իրականացման վայրը և բնագավառը |
Արցախի Հանրապետություն, տարածքային զարգացում |
|
6. |
Ծրագրի բյուջեն |
9,600,000 դրամ |
|
7. |
Բարեգործություն ստացողը |
Արցախի Հանրապետության Քաշաթաղի շրջանի Կովսական քաղաքային համայնք |
|
8. |
Ծրագրի իրականացման տևողությունը |
2020 թվականի Հունիսի 4-ից մինչև Հունիսի 30-ը |
|
9. |
Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը |
Արցախի Հանրապետության Քաշաթաղի շրջանի Կովսական քաղաքի զբոսայգում մանկական խաղահրապարակի և բակային ֆիթնեսի, և մանկապարտեզի բակում մանկական խաղահրապարակի սարքավորումների պատրաստում և տեղադրում՝ 9,600,000 դրամ արժողությամբ |
|
10. |
Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը |
Արցախի Հանրապետության Քաշաթաղի շրջանի Կովսական քաղաքի զբոսայգում մանկական խաղահրապարակի և բակային ֆիթնեսի, և մանկապարտեզի բակում մանկական խաղահրապարակի սարքավորումների պատրաստում (պտույտ 2 մ, շղթաներով ճոճանակ, կամարներ, խորանարդ, տարզան ու ցուցանակ, և վարժանքների հարթակ, ոտքերի մարզիչ, քայլք, սահք, թվիսթեր, դահուկներ, անիվ, զուգափայտ, հեծանիվ, գնդակ, զսպանակով ճոճանակ, պտույտ 1.5 մ, փոքրիկ տարզան, վիգվամ, Աստրա 2, նստարան, զրուցարան, ցուցանակ) և տեղադրում, գինը` 9,600,000 դրամ |
|
11. |
Ծրագրի իրականացման հետ կապված կազմակերպական ծախսերը |
Կազմակերպական ծախսեր նախատեսված չեն |
|
12. |
Համագործակցությունը պետական կառավարման, տեղական ինքնակառավարման մարմինների, այլ կազմակերպությունների հետ |
Համագործակցություն Արցախի Հանրապետության Քաշաթաղի շրջանի վարչակազմի հետ |
|
13. |
Ծրագրի արդյունավետության նկատմամբ վերահսկողության մեխանիզմների նկարագրությունը |
Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով: |
|
Հայաստանի Հանրապետության |
Տ. Ավինյան |
| Փոփոխող ակտ | Համապատասխան ինկորպորացիան |
|---|
| Փոփոխող ակտ | Համապատասխան ինկորպորացիան |
|---|