Գլխավոր տեղեկություն
Номер
N 934-Ա
Տիպ
Որոշում
Тип
Исходный акт (17.07.2019-18.10.2019)
Статус
Գործում է
Первоисточник
Չի հրապարակվել պաշտոնական պարբերականում
Принят
ՀՀ վարչապետ
Дата принятия
16.07.2019
Подписан
ՀՀ վարչապետ
Дата подписания
16.07.2019
Дата вступления в силу
17.07.2019

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

 

Ո Ր Ո Շ ՈՒ Մ

 

16 հուլիսի 2019 թվականի N 934-Ա

 

ՕՊԵՐԱՏԻՎ ԱՇԽԱՏԱՆՔԱՅԻՆ ԽՈՒՄԲ (ՇՏԱԲ) ՍՏԵՂԾԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ 2010 ԹՎԱԿԱՆԻ ՕԳՈՍՏՈՍԻ 17-Ի N 651-Ա ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

 

Հիմք ընդունելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 16-րդ մասը և «Նորմատիվ իրավական ակտերի մասին» օրենքի 37-րդ հոդվածի 1-ին մասը՝

1. Աղետների ռիսկերի նվազեցման, հնարավոր արտակարգ իրավիճակների կանխարգելման, ինչպես նաև դրանց հետևանքների վերացմանն ուղղված միջոցառումների իրականացման և ըստ մասնագիտական ոլորտների առաջարկությունների ներկայացման նպատակով ստեղծել օպերատիվ աշխատանքային խումբ (շտաբ) (այսուհետ՝ աշխատանքային խումբ (շտաբ)՝ հաստատելով դրա անհատական կազմը՝ համաձայն հավելվածի:

2. Աշխատանքային խմբին (շտաբին)՝

1) կազմակերպել աղետների ռիսկերի նվազեցման, հնարավոր արտակարգ իրավիճակների կանխարգելման, ինչպես նաև դրանց հետևանքների վերացմանն ուղղված միջոցառումները.

2) սույն որոշման 2-րդ կետի 1-ին ենթակետով սահմանված միջոցառումների կատարման ընթացքի և արդյունքների վերաբերյալ Հայաստանի Հանրապետության վարչապետին պարբերաբար ներկայացնել տեղեկատվություն և ըստ անհրաժեշտության առաջարկություններ:

3. Ուժը կորցրած ճանաչել Հայաստանի Հանրապետության վարչապետի 2010 թվականի օգոստոսի 17-ի «Արտակարգ իրավիճակներին արձագանքող հանձնաժողով ստեղծելու մասին» N 651-Ա որոշումը:

   

Հայաստանի Հանրապետության
վարչապետ

 Ն. Փաշինյան

 

2019 թ. հուլիսի 16

Երևան

     

 

Հավելված

ՀՀ վարչապետի 2019 թ.

հուլիսի 16-ի N 934-Ա

որոշման

 

Ա Ն Հ Ա Տ Ա Կ Ա Ն  Կ Ա Զ Մ

 

ՄԻՋԳԵՐԱՏԵՍՉԱԿԱՆ ԱՇԽԱՏԱՆՔԱՅԻՆ ԽՄԲԻ (ՇՏԱԲԻ)

 

Ֆ. Ցոլակյան

- ՀՀ արտակարգ իրավիճակների նախարար (աշխատանքային խմբի (շտաբի) ղեկավար)

Գ. Բալայան

- ՀՀ պաշտպանության նախարարի տեղակալ

Լ. Հակոբյան

- ՀՀ առողջապահության նախարարի տեղակալ

Ի.Ղափլանյան

- ՀՀ շրջակա միջավայրի նախարարի տեղակալ

Վ. Տերտերյան

- ՀՀ տարածքային կառավարման և ենթակառուցվածքների նախարարի տեղակալ

Վ. Մովսիսյան

- ՀՀ ոստիկանության պետի տեղակալ

Ա. Հակոբյան

- ՀՀ ազգային անվտանգության ծառայության տնօրենի տեղակալ

Ա. Ղուլարյան

- ՀՀ քաղաքաշինության կոմիտեի նախագահի առաջին տեղակալ

Ս. Սահակյան

- Անտառային կոմիտեի նախագահի առաջին տեղակալ

 

- մարզպետների տեղակալներ (ըստ անհրաժեշտության)

Հ. Սարգսյան

- ՀՀ քաղաքապետի առաջին տեղակալ (համաձայնությամբ)

Ա. Կարապետյան

- «Հայանտառ» պետական ոչ առևտրային կազմակերպության տնօրեն

 

Հայաստանի Հանրապետության

վարչապետի աշխատակազմի

ղեկավար

 Է. Աղաջանյան