ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

10 մայիսի 2019 թվականի N 542-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2001 ԹՎԱԿԱՆԻ ԱՊՐԻԼԻ 12-Ի N 286 ՈՐՈՇՄԱՆ ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 36-րդ հոդվածի պահանջներով՝ Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2001 թվականի ապրիլի 12-ի «Պետական և համայնքային սեփականություն հանդիսացող հողամասերի օտարման, կառուցապատման իրավունքի և օգտագործման տրամադրման կարգը հաստատելու մասին» N 286 որոշմամբ հաստատված՝ պետական և համայնքային սեփականություն հանդիսացող հողամասերի տրամադրման կարգում կատարել հետևյալ լրացումները՝

1) կարգի 44-րդ կետը լրացնել հետևյալ բովանդակությամբ նոր՝ «ժգ» ենթակետով.

«ժգ) հողագրունտի հանույթ իրականացնելու նպատակով Հայաստանի Հանրապետության կառավարության սահմանած կարգով տվյալ հողամասի նկատմամբ հողագրունտի հանույթի իրավունք ստացած անձին:».

2) կարգը լրացնել հետևյալ բովանդակությամբ նոր՝ 63.1-ին կետով.

«63.1. Գյուղատնտեսական նպատակային նշանակության արոտավայրերի և այլ հողատեսքերի գործառնական նշանակության հողամասերը տրամադրվում են վարձակալության՝ տվյալ հողամասից հողագրունտի հանույթ իրականացնելու համար:».

3) կարգի 72-րդ կետը «օգտագործման» բառից հետո լրացնել «կամ հողագրունտի հանույթի իրականացման» բառերով: