ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

22 դեկտեմբերի 2016 թվականի N 1386-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2014 ԹՎԱԿԱՆԻ ԴԵԿՏԵՄԲԵՐԻ 18-Ի N 1523-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2014 թվականի դեկտեմբերի 18-ի «Արդյունաբերության զարգացման և Հայաստանի ազգային մրցունակության հիմնադրամները միաձուլման ձևով վերակազմակերպելու և Հայաստանի զարգացման հիմնադրամ ստեղծելու, «Զարգացման հայկական գործակալություն» փակ բաժնետիրական ընկերությունը լուծարելու մասին» N 1523-Ն որոշման հավելվածում կատարել հետևյալ փոփոխությունները և լրացումները`

1) 13-րդ կետի 6-րդ ենթակետում «զարգացում» բառը փոխարինել «խթանման աջակցում» բառերով.

2) 14-րդ կետում`

ա. 2-րդ ենթակետից հանել «և զբոսաշրջության» բառերը,

բ. 6-րդ ենթակետից հանել «, զբոսաշրջության ու» բառերը,

գ. ուժը կորցրած ճանաչել 24-32-րդ ենթակետերը.

3) 44-րդ կետի 11-րդ ենթակետից հանել «զբոսաշրջության,» բառը.

4) կետը լրացնել հետևյալ բովանդակությամբ նոր՝ 6.1-ին և 6.2-րդ ենթակետերով.

«6.1. զբոսաշրջության պետական կոմիտեին զբոսաշրջության պետական քաղաքականության շրջանակներում ծրագրերի (այդ թվում՝ մարքեթինգի և խթանման ծրագրերի) իրականացման և ֆինանսավորման հարցերում աջակցելը` օրենքով չարգելված այլ աղբյուրներից ներգրավելով միջոցներ (այդ թվում՝ դրամաշնորհներ).

6.2. զբոսաշրջության պետական կոմիտեին զբոսաշրջության պետական քաղաքականության շրջանակներում ծրագրերի իրականացմանն աջակցելը՝ մարքեթինգային հետազոտությունների, վերլուծությունների և մասնագիտական խորհրդատվության տրամադրման միջոցով.»:

 2. Հայաստանի Հանրապետության տնտեսական զարգացման և ներդրումների նախարարին՝ ապահովել Հայաստանի զարգացման հիմնադրամի կանոնադրության մեջ սույն որոշումից բխող փոփոխությունների պետական գրանցումը:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: