ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

26 մայիսի 2016 թվականի N 530-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԼՈՌՈՒ ՄԱՐԶԻ ԱԼԱՎԵՐԴԻԻ ՀԱՄԱՅՆՔԻ ՎԱՐՉԱԿԱՆ ՏԱՐԱԾՔՈՒՄ ԳՏՆՎՈՂ` ՊԵՏԱԿԱՆ ՍԵՓԱԿԱՆՈՒԹՅՈՒՆ ՀԱՄԱՐՎՈՂ ԱՆՇԱՐԺ ԳՈՒՅՔԻ ՄԱՍՆԱՎՈՐԵՑՈՒՄԻՑ ՍՏԱՑՎԱԾ ՄԻՋՈՑՆԵՐԻ ՏՆՕՐԻՆՄԱՆ ԾՐԱԳՐԻՆ ՀԱՄԱՁԱՅՆՈՒԹՅՈՒՆ ՏԱԼՈՒ ՄԱՍԻՆ

 Համաձայն «Տեղական ինքնակառավարման մասին» Հայաստանի Հանրապետության օրենքի 57-րդ հոդվածի 6-րդ մասի և Հայաստանի Հանրապետության կառավարության 2006 թվականի հուլիսի 27-ի N 1098-Ն որոշմամբ հաստատված կարգի 7-րդ կետի` Հայաստանի Հանրապետության կառավարությունը որոշում է.

 Համաձայնություն տալ Հայաստանի Հանրապետության Լոռու մարզի Ալավերդի քաղաքի «Սանահին» կայարանի տարածքում գտնվող՝ պետական սեփականություն համարվող անշարժ գույքի օտարման արդյունքում Ալավերդիի համայնքի ֆոնդային բյուջե մուտքագրված 144.0 հազ. դրամ ֆինանսական միջոցներն Ալավերդիի համայնքի N 6 նախադպրոցական ուսումնական հաստատության կարիքները հոգալու համար մետաղապլաստե դռան և պատուհանի ձեռքբերման աշխատանքների իրականացմանն ուղղելու ծրագրին:

Հայաստանի Հանրապետության վարչապետ	Հ. Աբրահամյան
2016 թ. մայիսի 30 Երևան