«Գրանցված է»

ՀՀ արդարադատության

նախարարության կողմից

24 հուլիսի 2014 թ.

Պետական գրանցման թիվ 60314291

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

Ո Ր Ո Շ ՈՒ Մ

«ՄԱՆՐԱԾԱԽ ԱՌԵՎՏՐԻ ՇՐՋԱՆԱՌՈՒԹՅԱՆ ԿԱՌՈՒՑՎԱԾՔԻ ՄԱՍԻՆ» ՁԵՎ 3-ԱՌԵՎՏՈՒՐ (ՏԱՐԵԿԱՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎՆ ՈՒ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՐԴԻ 2004 ԹՎԱԿԱՆԻ ԴԵԿՏԵՄԲԵՐԻ 29-Ի ԹԻՎ 34-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Ղեկավարվելով «Պետական վիճակագրության մասին» Հայաստանի Հանրապետության օրենքի 10-րդ հոդվածի երրորդ մասի ե) կետով, 14-րդ հոդվածի երկրորդ և երրորդ մասերով, ինչպես նաև «Իրավական ակտերի մասին» Հայաստանի Հանրապետության օրենքի 72-րդ հոդվածի առաջին մասի առաջին կետի ա) ենթակետով` Հայաստանի Հանրապետության վիճակագրության պետական խորհուրդը որոշում է.

1. Հաստատել «Մանրածախ առևտրի շրջանառության կառուցվածքի մասին» ՁԵՎ 3-առևտուր (տարեկան) պետական վիճակագրական հաշվետվության ձևը` համաձայն հավելված 1-ի:

2. Հաստատել «Մանրածախ առևտրի շրջանառության կառուցվածքի մասին» ՁԵՎ 3-առևտուր (տարեկան) պետական վիճակագրական հաշվետվության ձևի լրացման հրահանգը` համաձայն հավելված 2-ի:

3. Ուժը կորցրած ճանաչել Հայաստանի Հանրապետության վիճակագրության պետական խորհրդի 2004 թվականի դեկտեմբերի 29-ի` ««Մանրածախ առևտրի ապրանքաշրջանառության կառուցվածքի մասին» ՁԵՎ թիվ 3-առևտուր (տարեկան) պետական վիճակագրական հաշվետվության ձևը և լրացման հրահանգը հաստատելու մասին» թիվ 34-Ն որոշումը:

4. Սույն որոշումն ուժի մեջ է մտնում 2015 թվականի հունվարի 1-ից:

ԲԱԺԻՆ 1.  ՊԱՐԵՆԱՅԻՆ ԵՎ ՈՉ ՊԱՐԵՆԱՅԻՆ ԱՊՐԱՆՔՆԵՐԻ ՎԱՃԱՌՔԸ ԵՎ ՄՆԱՑՈՐԴԸ

ԲԱԺԻՆ 2. ԵՐԿԱՐԱԺԱՄԿԵՏ ՕԳՏԱԳՈՐԾՄԱՆ ԱՊՐԱՆՔՆԵՐԻ ՎԱՃԱՌՔԸ ԵՎ ՄՆԱՑՈՐԴԸ

ԲԱԺԻՆ 3. ՈԳԵԼԻՑ ԽՄԻՉՔՆԵՐԻ ՎԱՃԱՌՔԸ ԵՎ ՄՆԱՑՈՐԴԸ

ԲԱԺԻՆ 4. ԸՆԴՀԱՆՈՒՐ ՏԵՂԵԿՈՒԹՅՈՒՆՆԵՐ

Հ Ր Ա Հ Ա Ն Գ

«ՄԱՆՐԱԾԱԽ ԱՌԵՎՏՐԻ ՇՐՋԱՆԱՌՈՒԹՅԱՆ ԿԱՌՈՒՑՎԱԾՔԻ ՄԱՍԻՆ»

ՁԵՎ 3-ԱՌԵՎՏՈՒՐ (ՏԱՐԵԿԱՆ)

ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն հրահանգը սահմանում է «Մանրածախ առևտրի շրջանառության կառուցվածքի մասին» Ձև 3-առևտուր (տարեկան) պետական վիճակագրական հաշվետվության (այսուհետ` հաշվետվություն) լրացման կարգը:

2. Հաշվետվությունը ներկայացնում են իրավաբանական անձինք, հիմնարկները, անհատ ձեռնարկատերերը, որոնք այդ մասին իրազեկվում են Հայաստանի Հանրապետության վիճակագրության պետական խորհրդի` 2003 թվականի հոկտեմբերի 3-ի թիվ 11-Ն որոշմամբ հաստատված կարգի դրույթներին համապատասխան:

3. Հաշվետվությունը ներկայացվում է Հայաստանի Հանրապետության ազգային վիճակագրական ծառայության Երևան քաղաքի և մարզային գործակալություններ (տարածքային բաժին)` հաշվետվության ձևի վրա նշված ժամկետներում և պարբերականությամբ:

4. Հաշվետվության մեջ ներառված ցուցանիշների բացակայության դեպքում համապատասխան տողերում պարտադիր պետք է դնել գծիկներ:

5. Վիճակագրական տեղեկությունների ներկայացման հետ կապված այլ հարցերը կարգավորվում են Հայաստանի Հանրապետության օրենսդրությամբ:

II. ՄԵԹՈԴԱԲԱՆԱԿԱՆ ՊԱՐԶԱԲԱՆՈՒՄՆԵՐ

6. Հաշվետվության մեջ ներառվում են ցուցանիշներ ապրանքների (ըստ տեսակների) մանրածախ վաճառքի և ապրանքային մնացորդի վերաբերյալ:

7. Մանրածախ առևտրի շրջանառությունը վերջնական սպառման կամ տնային տնտեսությունում օգտագործման համար նախատեսված սպառողական ապրանքների վաճառքն է արժեքային արտահայտությամբ:

8. Մանրածախ առևտրի շրջանառությունը ներառում է բոլոր տեսակի հարկերը, բացառությամբ ավելացված արժեքի հարկը և այլ նմանատիպ (անուղղակի) հարկերը:

9. Մանրածախ առևտրի շրջանառության մեջ չի ներառվում

1) գնորդի կողմից վերադարձված ապրանքի արժեքը,

2) ապակե տարաներով վաճառված և հետ վերադարձված, կամ ապրանքի հետ փոխանակման դիմաց տրված տարայի արժեքը,

3) ապրանքափոխանակությամբ կատարված առևտուրը,

4) միջազգային կապի և լիցքավորման քարտերի արժեքը,

5) տրանսպորտի բոլոր տեսակներով ուղևորափոխադրման տոմսերի արժեքը, վիճակախաղի տոմսերի արժեքը և այլն:

10. Ապրանքային մնացորդը մինչև իրացման պահը շրջանառության ոլորտում գտնվող փաստացի առկա ապրանքների քանակն է` հաշվարկված վաճառքի ընթացիկ գներով:

III. ԼՐԱՑՄԱՆ ԿԱՐԳԸ

11. Հաշվետվությունը կազմված է չորս բաժնից.

1) բաժին 1` պարենային և ոչ պարենային ապրանքների վաճառքը և մնացորդը,

2) բաժին 2` երկարաժամկետ օգտագործման ապրանքների վաճառքը և մնացորդը,

3) բաժին 3` ոգելից խմիչքների վաճառքը և մնացորդը,

4) բաժին 4` ընդհանուր տեղեկություններ:

12. 1-ին բաժնի 1-ին և 2-րդ սյունակներում ներառվում են պարենային և ոչ պարենային ապրանքների վաճառքը և մնացորդը` դրամական արտահայտությամբ (հազ. դրամ), 2-րդ բաժնի ցուցանիշները լրացվում են քանակային (հատ) և դրամական (հազ. դրամ) արտահայտությամբ, իսկ 3-րդ բաժնի ցուցանիշները` քանակային (լիտր) և դրամական (հազ. դրամ) արտահայտությամբ:

13. Տող 110-ը ներառում է հաշվետվության 115, 120, 125, 130, 135-165, 170-225 տողերում բերված ցուցանիշների հանրագումարը:

14. Տող 115-ը ներառում է թարմ, սառեցված կամ պահածոյացված անասնի մսի, տնային թռչունների մսի, մսամթերքի, անասնի և թռչնի մսի ենթամթերքի (լեզու, փայծաղ, երիկամներ, սիրտ և այլն) և այլնի վաճառքը և մնացորդը: 115 տողի բոլոր սյունակների տվյալները պետք է մեծ կամ հավասար լինեն 115.1, 115.2, 115.3 և 115.4 տողերի տվյալների գումարին (տող115 ≥ տող115.1+ տող115.2+ տող115.3+ տող115.4):

15. Տող 115.1-ը ներառում է հորթի, ոչխարի, այծի, ճագարի և այլ կենդանիների մսի վաճառքը և մնացորդը: Անասնի մսի ենթամթերքի (լեզու, փայծաղ, երիկամներ, սիրտ և այլն) տվյալները այստեղ չեն ներառվում, այլ ցույց են տրվում միայն 115 տողում:

16. Տող 115.2-ը ներառում է հավի, ճտի, բադի, հնդկահավի, սագի, լորի և այլ տնային թռչնի մսի վաճառքը և մնացորդը: Թռչնի մսի ենթամթերքի տվյալները այստեղ չեն ներառվում, այլ ցույց են տրվում միայն 115 տողում:

17. Տող 115.3-ը ներառում է եփած, ապխտած, կիսաապխտած և այլ երշիկեղենի, նրբերշիկի, ապխտած մսի, մսային նախուտեստների, կիսաֆաբրիկատների և այլնի վաճառքը և մնացորդը:

18. Տող 115.4-ը ներառում է տավարի, խոզի, ոչխարի, թռչնի մսից պատրաստված պահածոների, ինչպես նաև մսով պատրաստված ճաշատեսակների պահածոների վաճառքը և մնացորդը:

19. Տող 120-ը ներառում է թարմ, սառեցված. մարինացված, ապխտած, աղ դրած ձկների, ձկան խավիարի, կակղամորթների, խեցեմորթների և այլ ծովամթերքների, յուղով կամ տոմատով պատրաստված ձկան պահածոների վաճառքը և մնացորդը:

20. Տող 120.1-ը ներառում է յուղով կամ տոմատով պատրաստված ձկան և այլ ծովամթերքների պահածոների վաճառքը և մնացորդը:

21. Տող 125-ը ներառում է կենդանական և բուսական յուղերի, մարգարինային արտադրանքի, մայոնեզի և այլնի վաճառքը և մնացորդը: 125 տողի բոլոր սյունակների տվյալները պետք է մեծ կամ հավասար լինեն 125.1, 125.2, 125.3, 125.4 և 125.5 տողերի տվյալների գումարին (տող125 ≥ տող125.1+ տող125.2+ տող 125.3+ տող125.4 + տող125.5):

22. Տող 125.1-ը ներառում է բոլոր տեսակի սերուցքային կարագների (աղի, դիետիկ և այլն), հալած յուղի, շոկոլադային և պանրային կարագների և այլ կարագների վաճառքը և մնացորդը:

23. Տող 125.2-ը ներառում է զտված և չզտված արևածաղկի, սոյայի, ձիթապտղի, եգիպտացորենի և այլ բուսական յուղերի վաճառքը և մնացորդը:

24. Տող 125.3-ը ներառում է տավարի, խոզի, ոչխարի, ինչպես նաև ոսկորի հալած յուղերի և այլ ճարպերի վաճառքը և մնացորդը:

25. Տող 125.4-ը ներառում է բոլոր տեսակի մարգարինների վաճառքը և մնացորդը:

26. Տող 125.5-ը ներառում է բոլոր տեսակի մայոնեզների վաճառքը և մնացորդը:

27. Տող 130-ը ներառում է կաթի, կեֆիրի, մածունի, թթվասերի, կաթնաշոռի, յոգուրտի, խտացրած կաթի, պանրի և այլ կաթնային կիսաֆաբրիկատների վաճառքը և մնացորդը:

28. Տող 130.1-ը ներառում է պանրի տարբեր տեսակների` չոր, հալած և այլնի վաճառքը և մնացորդը:

29. Տող 135-ը ներառում է տարբեր տեսակի բանջարեղենից պատրաստված պահածոների, կանաչ ոլոռի պահածոյի, մարինադների և այլնի վաճառքը և մնացորդը:

30. Տող 140-ը ներառում է թռչնի ձվի վաճառքը և մնացորդը:

31. Տող 145-ը ներառում է է շաքարի, շաքարավազի, շաքարի փոշու և այլնի վաճառքը և մնացորդը:

32. Տող 150-ը ներառում է խմորեղենի և շաքարային հրուշակեղենի` ներառյալ շոկոլադի վաճառքը և մնացորդը:

33. Տող 155-ը ներառում է բոլոր տեսակի պաղպաղակների (փաթեթավորված, հատով, քաշով), պաղպաղակե տորթերի վաճառքը և մնացորդը:

34. Տող 160-ը ներառում է տարբեր տեսակի մրգերից և հատապտուղներից պատրաստված մուրաբաների, ջեմերի, պովիդլոների, ժելեների, մեղրի վաճառքը և մնացորդը:

35. Տող 165-ը ներառում է սև, կանաչ և այլ թեյերի, հատիկավոր, աղացած, լուծվող և այլ տեսակի սուրճերի, կակաոյի վաճառքը և մնացորդը:

36. Տող 165.1-ը ներառում է սև, կանաչ և այլ թեյերի վաճառքը և մնացորդը:

37. Տող 170-ը ներառում է մանր, խոշոր, փաթեթավորված և առանց փաթեթավորման աղի վաճառքը և մնացորդը:

38. Տող 175-ը ներառում է ցորենի, եգիպտացորենի և այլ տեսակի ալյուրի վաճառքը և մնացորդը:

39. Տող 180-ը ներառում է ազգային և բոլոր տեսակի հացատեսակների, հացաբուլկեղենի և այլնի վաճառքը և մնացորդը:

40. Տող 185-ը ներառում է ցորենի, հնդկացորենի, եգիպտացորենի, բրնձի, մանրաձավարի, լոբու, ոլոռի, սիսեռի և այլնի վաճառքը և մնացորդը:

41. Տող 190-ը ներառում է վերմիշելի, լապշայի և այլ մակարոնեղենի վաճառքը և մնացորդը:

42. Տող 195-ը ներառում է թարմ կարտոֆիլի վաճառքը և մնացորդը:

43. Տող 200-ը ներառում է վարունգի, լոլիկի, բադրիջանի, գազարի, բազուկի, կաղամբի, տարբեր տեսակի կանաչիների և այլնի վաճառքը և մնացորդը:

44. Տող 205-ը ներառում է խնձորի, տանձի, խաղողի, դեղձի, ծիրանի, սալորի, կեռասի, ելակի, մոշի, նռան, թզի, բանանի, ցիտրուսների, ձմերուկի, սեխի և այլնի վաճառքը և մնացորդը:

45. Տող 210-ը ներառում է բոլոր տեսակի ոգելից խմիչքների` գարեջրի, օղիների, կոնյակի, գինիների, չոր, կիսաչոր շամպայնի, լիկյորների, ռոմի, վիսկիի, ոգեթուրմերի, պունշերի վաճառքը և մնացորդը:

46. Տող 215-ը ներառում է հանքային ջրերի, բնական և արհեստական հյութերի (կոկա կոլա, ֆանտա և այլն), շշալցված խմելու ջրի և այլնի վաճառքը և մնացորդը:

47. Տող 220-ը ներառում է բոլոր տեսակի ծխախոտների վաճառքը և մնացորդը:

48. Տող 225-ը ներառում է բոլոր այն պարենային ապրանքների վաճառքը և մնացորդը, որոնք ներառված չեն ուրիշ խմբավորումներում:

49. Տող 230-ը ներառում է հաշվետվության 235, 240-360, 365-385 տողերում բերված ցուցանիշների հանրագումարը:

50. Տող 235-ը ներառում է չթի, քաթանի, կտավի, բրդյա և կիսաբրդյա գործվածքների, բրդյա և կիսաբրդյա ծածկոցների, գլխաշորերի, բնական և կիսաբնական մետաքսի, արհեստական մետաքսի գործվածքեղենի և այլնի վաճառքը և մնացորդը (տող 235 = տող 235.1+ տող 235.2+տող 235.3):

51. Տող 240-ը ներառում է սավանների, սրբիչների, անձեռոցիկների, բամբակյա, մետաքսյա, արհեստական մետաքսից ներքնաշորերի և այլնի վաճառքը և մնացորդը:

52. Տող 245-ը ներառում է բոլոր տեսակի գործվածքներից տղամարդու, կանացի, մանկական, սպորտային և աշխատանքային հագուստի վաճառքը և մնացորդը:

53. Տող 250-ը ներառում է մորթուց պատրաստված հագուստի, մորթե գլխարկների, բնական մորթիների վաճառքը և մնացորդը:

54. Տող 255-ը ներառում է բրդյա, մետաքսե, բամբակյա, տրիկոտաժե գործվածքներից, արհեստական մորթուց, արհեստական կաշվից, ծղոտից պատրաստված տղամարդու, կանացի, մանկական, գլխարկների վաճառքը և մնացորդը:

55. Տող 260-ը ներառում է ջեմպերների, ժակետների, պուլովերների, զգեստների և այլնի վաճառքը և մնացորդը:

56. Տող 265-ը ներառում է տղամարդու, կանացի և մանկական գուլպաների, զուգագուլպաների և այլնի վաճառքը և մնացորդը:

57. Տող 270-ը ներառում է տղամարդու, կանացի, մանկական սեզոնային, երկարաճիտ, կիսաճտքավոր կոշիկների, բացի հատուկ սպորտային կոշիկից (դահուկային կոշիկ և այլն), հողաթափերի վաճառքը և մնացորդը:

58. Տող 275-ը ներառում է պինդ, հեղուկ, փոշի տնտեսական օճառի վաճառքը և մնացորդը:

59. Տող 280-ը ներառում է պինդ, հեղուկ, փաթեթավորված և առանց փաթեթավորման ձեռքի օճառների վաճառքը և մնացորդը:

60. Տող 285-ը ներառում է լվացքի փոշիների, մածուկների և հեղուկ լվացամիջոցների, մաքրող և փայլեցնող միջոցների վաճառքը և մնացորդը:

61. Տող 290-ը ներառում է օծանելիքի, դեմքի հարդարման միջոցների, մաշկի և մազերի խնամքի միջոցների (քսուքներ, մազի լաքեր, ներկեր, շամպուններ, թուրմեր) և այլնի վաճառքը և մնացորդը:

62. Տող 295-ը ներառում է բամբակյա, բրդյա, մետաքսե գործելու և կարելու համար նախատեսված թելերի վաճառքը և մնացորդը:

63. Տող 300-ը ներառում է բոլոր տեսակի լուցկիների վաճառքը և մնացորդը:

64. Տող 305-ը ներառում է փափուկ, կիսափափուկ, չոր աթոռի, սեղանի, պահարանի և այլնի, հյուրասենյակի, ննջասենյակի, խոհանոցի կահույքի վաճառքը և մնացորդը:

65. Տող 310-ը ներառում է ձեռքով կամ մեքենայով գործած, արհեստական և բնական գորգերի, ուղեգորգերի և այլնի վաճառքը և մնացորդը:

66. Տող 315-ը ներառում է բոլոր տեսակի թղթերի, տետրերի, մատիտի, գրիչի, ռետինի, քանոնի և այլնի վաճառքը և մնացորդը:

67. Տող 320-ը ներառում է դաշնամուրի, ռոյալի, ակորդեոնի, լարային, փողային գործիքների, հարվածային գործիքների և նրանց պահեստամասերի և այլնի վաճառքը և մնացորդը:

68. Տող 325-ը ներառում է գրքերի, ուսումնական ձեռնարկների, թերթերի, ամսագրերի, քարտեզների, օրացույցների, փոստային բացիկների, դրոշմանիշերի և այլնի վաճառքը և մնացորդը:

69. Տող 330-ը ներառում է փափուկ, կոշտ, ռետինե և մետաղյա խաղալիքների, տիկնիկների, էլեկտրամեխանիկական խաղալիքների, երաժշտական խաղալիքների, մանկական հեծանիվների և այլնի վաճառքը և մնացորդը:

70. Տող 335-ը ներառում է կերակրակաթսաների, սրճեփների, թեյնիկների դանակային արտադրատեսակների, սեղանի սպասքի, ոչ էլեկտրական կենցաղային սարքերի` վառարանների, խոհանոցային ոչ էլեկտրական սալերի և այլնի, և այն տնտեսական ապրանքների վաճառքը և մնացորդը, որոնք ներառված չեն ուրիշ խմբավորումներում:

71. Տող 340-ը ներառում է գրառված և չգրառված ձայներիզների, հոլովակների, կասետների, խտասկավառակների, ՍԴ-ների, ԴՎԴ-ների վաճառքը և մնացորդը:

72. Տող 345-ը ներառում է ձկնորսական և որսի պարագաների, ֆիզկուլտուրայի, թեթև ատլետիկայի և այլ սպորտաձևերի համար նախատեսված սարքավորումների. զբոսաշրջության հանդերձանքի, ջրային սպորտի պարագաների, հատուկ սպորտային կոշիկների (ֆուտբոլի, դահուկների) և այլնի վաճառքը և մնացորդը:

73. Տող 350-ը ներառում է պաստառների, ներկերի, քարի, փայտի, ավազի, ցեմենտի, սալիկների և այլնի վաճառքը և մնացորդը:

74. Տող 355-ը ներառում է թանկարժեք մետաղներից ու քարերից պատրաստված արտադրատեսակների վաճառքը և մնացորդը:

75. Տող 360-ը ներառում է դեղագործական ապրանքների, բժշկական ապրանքների, օրթոպեդիկ ապրանքների և հարմարանքների և այլնի վաճառքը և մնացորդը:

76. Տող 360.1-ը ներառում է դեղագործական ապրանքների, ներառյալ դեղամիջոցների, որոնք պատրաստվել են դեղատներում վաճառքը և մնացորդը:

77. Տող 365-ը ներառում է հանքային պարարտանյութերի, թունաքիմիկատների, միջատների և կրծողների դեմ պայքարի միջոցների, կաշվե իրերի խնամքի համար նախատեսված քիմիական միջոցների և այլնի վաճառքը և մնացորդը:

78. Տող 370-ը ներառում է ավտոմեքենաների մասերի և պարագաների և այլնի վաճառքը և մնացորդը:

79. Տող 375-ը ներառում է ավտոմեքենաների համար բենզինի և դիզելային վառելիքի, ավտոմեքենաների համար քսանյութերի և պաղեցնող նյութերի վաճառքը և մնացորդը:

80. Տող 380-ը ներառում է ավտոմեքենաների համար հեղուկ գազի և գազօլինի վաճառքը և մնացորդը:

81. Տող 385-ը ներառում է բոլոր այն ոչ պարենային ապրանքների վաճառքը և մնացորդը, որոնք ներառված չեն ուրիշ խմբավորումներում:

82. Տող 390-ը ներառում է 110 և 230 տողերում բերված ցուցանիշների հանրագումարը:

83. Հաշվետվության 2-րդ բաժնի վաճառքի վերաբերյալ ցուցանիշները լրացվում են քանակային (հատ) և դրամական (հազ. դրամ) արտահայտությամբ համապատասխանաբար առաջին և երկրորդ սյունակներում, ինչպես նաև նշվում է մնացորդը հատով` երրորդ սյունակում: Այս բաժնում տեղ գտած ապրանքատեսակները ներառված չեն ուրիշ խմբավորումներում:

84. Տող 395-ը ներառում է գրպանի, ձեռքի, սեղանի, պատի, զարթուցիչների, էլեկտրոնային և մեխանիկական ժամացույցների վաճառքը և մնացորդը:

85. Տող 400-ը ներառում է կենցաղում օգտագործման համար նախատեսված սառնարանների և սառցախցիկների վաճառքը և մնացորդը:

86. Տող 405-ը ներառում է լվացքի մեքենաների վաճառքը և մնացորդը:

87. Տող 410-ը ներառում է բոլոր տեսակի էլեկտրական փոշեծծիչների վաճառքը և մնացորդը:

88. Տող 415-ը ներառում է միկրոալիքային վառարանների վաճառքը և մնացորդը:

89. Տող 420-ը ներառում է արդուկների վաճառքը և մնացորդը:

90. Տող 425-ը ներառում է գազօջախների և սալօջախների վաճառքը և մնացորդը:

91. Տող 430-ը ներառում է սպասք լվացող մեքենաների վաճառքը և մնացորդը:

92. Տող 435-ը ներառում է ձեռքի, ոտքի, էլեկտրաշարժիչով կարի մեքենաների, գործող մեքենաների վաճառքը և մնացորդը:

93. Տող 440-ը ներառում է հեծանիվների և մոպեդների վաճառքը և մնացորդը:

94. Տող 445-ը ներառում է մոտոցիկլետների, մոտոռոլլերների վաճառքը և մնացորդը:

95. Տող 450-ը ներառում է նոր և օգտագործված թեթև մարդատար ավտոմոբիլների, մասնագիտացված մարդատար ավտոմեքենաների, բեռնատար մեքենաների և այլնի վաճառքը և մնացորդը:

96. Տող 455-ը ներառում է մագնիտոֆոնների, երաժշտական կենտրոնների, ռադիոընդունիչների, ուժեղացուցիչների, ձայնագրման և ձայնի վերարտադրության սարքավորանքների, նվագարկիչների, փլեյերների և այլ աուդիոսարքավորանքների վաճառքը և մնացորդը:

97. Տող 455.1-ը ներառում է ռադիոընդունիչ սարքավորանքների, ներառյալ ձայնագրման և ձայնի վերարտադրության սարքավորանքների վաճառքը և մնացորդը:

98. Տող 460-ը ներառում է հեռուստացույցների վաճառքը և մնացորդը:

99. Տող 465-ը ներառում է տեսամագնիտոֆոնների վաճառքը և մնացորդը:

100. Տող 470-ը ներառում է ֆոտոապարատների, օբյեկտիվների և այլնի վաճառքը և մնացորդը:

101. Տող 475-ը ներառում է բջջային հեռախոսների, ներառյալ սմարթֆոնների և այլնի վաճառքը և մնացորդը:

102. Տող 480-ը ներառում է համակարգիչների, ներառյալ պլանշետների, նոթբուքերի, նեթբուքերի վաճառքը և մնացորդը:

103. Տող 485-ը ներառում է հաշվետվության 395-450, 455, 460-480 տողերում բերված ցուցանիշների հանրագումարը:

104. Տող 490-ը ներառում է հաշվետվության 390 և 485 տողերում բերված ցուցանիշների հանրագումարը:

105. Հաշվետվության 3-րդ բաժնի վաճառքի վերաբերյալ ցուցանիշները լրացվում են քանակային (լիտր) և դրամական (հազ. դրամ) արտահայտությամբ համապատասխանաբար առաջին և երկրորդ սյունակներում, ինչպես նաև նշվում է մնացորդը լիտրով` երրորդ սյունակում: Այս բաժնում տեղ գտած 495 տողի 2-րդ սյունակի ցուցանիշը պետք է համապատասխանի հաշվետվության 1-ին բաժնի 210 տողի 1-ին սյունակի ցուցանիշին (3-րդ բաժնի տող 495 սյունակ 2 = 1-ին բաժնի տող 210 սյունակ 1):

106. Տող 495-ը ներառում է հաշվետվության 495.1-ից 495.7 տողերում բերված ցուցանիշների հանրագումարը: Այն ներառում է օղու, օղելիկյորային արտադրանքի, կոնյակի, վիսկիի, գինու, չոր, կիսաչոր շամպայնի, գարեջրի և այլնի վաճառքը և մնացորդը:

107. Տող 500-ում լրացվում է մանրածախ առևտրի օբյեկտի առևտրական մակերեսը:

108. Տող 505-ի ցուցանիշը հաշվարկվում է հաշվետու տարվա բոլոր ամիսների աշխատողների միջին ամսական թվաքանակների հանրագումարը տարվա ամիսների թվին` 12-ի, բաժանելով:

1) Աշխատողների միջին ամսական թվաքանակը հաշվարկվում է հաշվետու ամսվա յուրաքանչյուր օրացուցային օրվա (ամսի 1-ից մինչև 30 (31)-ը, փետրվարի համար՝ 28 (29)-ը աշխատողների թվաքանակի հանրագումարը՝ ներառյալ ոչ աշխատանքային օրերը, հաշվետու ամսվա օրացուցային օրերի թվին բաժանելով:

2) Աշխատողների թվաքանակը հանգստյան, տոնական կամ հիշատակի (ոչ աշխատանքային) օրերի համար ընդունվում է նախորդ աշխատանքային օրվա թվաքանակին հավասար: Երկու և ավելի ոչ աշխատանքային օրերի առկայության դեպքում այդ օրերից յուրաքանչյուրի համար աշխատողների թվաքանակն ընդունվում է դրանց նախորդող աշխատանքային օրվա թվաքանակին հավասար:

3) Եթե աշխատողների թվաքանակի ամենօրյա հաշվառում չի վարվում, աշխատողների թվաքանակը հաշվետու ամսվա համար հաշվարկվում է` նախորդ ամսվա վերջի և հաշվետու ամսվա վերջի դրությամբ աշխատողների թվաքանակների գումարը 2-ի բաժանելով: