Գլխավոր տեղեկություն
Номер
N 522-Ա
Տիպ
Որոշում
Тип
Исходный акт (20.05.2014-по сей день)
Статус
Գործում է
Первоисточник
Չի հրապարակվել պաշտոնական պարբերականում
Принят
ՀՀ կառավարություն
Дата принятия
15.05.2014
Подписан
ՀՀ վարչապետ
Дата подписания
19.05.2014
Дата вступления в силу
20.05.2014

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

15 մայիսի 2014 թվականի N 522-Ա

 

ԱՆՀԱՏՈՒՅՑ ՕԳՏԱԳՈՐԾՄԱՆ ԻՐԱՎՈՒՆՔՈՎ ԱՆՇԱՐԺ ԳՈՒՅՔ ՀԱՆՁՆԵԼՈՒ ՄԱՍԻՆ

 

Հիմք ընդունելով Հայաստանի Հանրապետության քաղաքացիական օրենսգրքի 685-րդ հոդվածով, «Պետական ոչ առևտրային կազմակերպությունների մասին» Հայաստանի Հանրապետության օրենքի 5-րդ հոդվածի 2-րդ մասով և Հայաստանի Հանրապետության կառավարության 2011 թվականի փետրվարի 17-ի N 304-Ն որոշմամբ հաստատված կարգի 3-րդ կետի 6-րդ ենթակետով սահմանված դրույթները` Հայաստանի Հանրապետության կառավարությունը որոշում է.

 1. «Հայաստանի Հանրապետության կառավարությանն առընթեր պետական գույքի կառավարման վարչության աշխատակազմ» պետական կառավարչական հիմնարկին ամրացված` Հայաստանի Հանրապետության Տավուշի մարզի Սևքարի համայնքում գտնվող` 9239000 դրամ շուկայական արժեքով, 512,7 քառ. մետր ընդհանուր մակերեսով 2-րդ մասնաշենքը (այսուհետ՝ անշարժ գույք), հետ վերցնել «Սևքարի միջնակարգ դպրոց» պետական ոչ առևտրային կազմակերպությունից և 25 տարի ժամկետով, անհատույց օգտագործման իրավունքով հանձնել «Դարպաս գյուղատնտեսական ասոցիացիա» սպառողական կոոպերատիվին (այսուհետ՝ կոոպերատիվ) (գտնվելու վայրը՝ 00/00 Սևքար. 4013 Տավուշ, Հայաստան)` «ՀՀ Տավուշի մարզում փոքր ֆերմերների բարելավումը գյուղատնտեսական կոոպերատիվների և արժեշղթայի զարգացման միջոցով» ծրագրով նախատեսված աշխատանքների իրականացման համար:

2. Հայաստանի Հանրապետության կառավարությանն առընթեր պետական գույքի կառավարման վարչության պետին` սույն որոշումն ուժի մեջ մտնելուց հետո երկամսյա ժամկետում կոոպերատիվի հետ կնքել սույն որոշման 1-ին կետում նշված անշարժ գույքի անհատույց օգտագործման մասին պայմանագիր (այսուհետ` պայմանագիր)` սահմանելով, որ`

1) կոոպերատիվը պարտավոր է յուրաքանչյուր կիսամյակի ավարտից հետո 15-օրյա ժամկետում Հայաստանի Հանրապետության կառավարությանն առընթեր պետական գույքի կառավարման վարչություն ներկայացնել «ՀՀ Տավուշի մարզում փոքր ֆերմերների բարելավումը գյուղատնտեսական կոոպերատիվների և արժեշղթայի զարգացման միջոցով» ծրագրի շրջանակներում կատարված աշխատանքները հավաստող փաստաթղթեր.

2) սույն կետի 1-ին ենթակետում նշված պահանջները չկատարելու կամ ոչ պատշաճ կատարելու դեպքում պայմանագիրը ենթակա է լուծման.

3) պայմանագրից ծագող գույքային իրավունքների պետական գրանցման ծախսերը ենթակա են իրականացման կոոպերատիվի միջոցների հաշվին:

 

Հայաստանի Հանրապետության
վարչապետ

 Հ. Աբրահամյան

 

2014 թ. մայիսի 19

Երևան

  

 

Փոփոխման պատմություն
Փոփոխող ակտ Համապատասխան ինկորպորացիան
Փոփոխված ակտ
Փոփոխող ակտ Համապատասխան ինկորպորացիան