ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

7 օգոստոսի 2012 թվականի N 762-Ա

Ս. ՄԱԹԵՎՈՍՅԱՆԻՆ ՆՅՈՒ ԴԵԼԻ ԳՈՐԾՈՒՂԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

1. Հայաստանի Հանրապետության քաղաքաշինության նախարարության աշխատակազմի քաղաքաշինության քաղաքականության և տարածական պլանավորման վարչության պետ Ս. Մաթևոսյանին 2012 թվականի օգոստոսի 14-18-ը գործուղել Նյու Դելի (Հնդկաստանի Հանրապետություն)` Ասիայի և Խաղաղ Օվկիանոսի տարածաշրջանի քաղաքաշինության ու բնակարանաշինության նախարարական համաժողովի քաղաքային և գյուղական պլանավորման և կառավարման հարցերով աշխատանքային խմբի հանդիպմանը մասնակցելու համար:

2. Ս. Մաթևոսյանի՝ Նյու Դելի գործուղման հետ կապված ծախսերը կատարել Հայաստանի Հանրապետության 2012 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին:

3. Հայաստանի Հանրապետության քաղաքաշինության նախարարին՝ ապահովել գործուղումից վերադառնալուց հետո եռօրյա ժամկետում Ս. Մաթևոսյանի՝ Նյու Դելի գործուղման արդյունքների մասին հաշվետվությունը Հայաստանի Հանրապետության կառավարության աշխատակազմ ներկայացնելը։

Հայաստանի Հանրապետության վարչապետ	Տ. Սարգսյան
2012 թ. օգոստոսի 7 Երևան