ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

2 հուլիսի 2012 թվականի N 586-Ա

Ա. ՄՈՎՍԵՍՅԱՆԻՆ ԲՐՅՈՒՍԵԼ ԵՎ ՍՏՐԱՍԲՈՒՐԳ ԳՈՐԾՈՒՂԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

1. Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչության պետ Ա. Մովսեսյանին 2012 թվականի հուլիսի 5-7-ը գործուղել Բրյուսել (Բելգիայի Թագավորություն) և 2012 թվականի հուլիսի 10-11-ը Ստրասբուրգ (Ֆրանսիայի Հանրապետություն)` Եվրոպական աերոնավիգացիայի թռիչքային անվտանգության գործակալության ժամանակավոր խորհրդի նիստին և Եվրոպական քաղաքացիական ավիացիայի համաժողովի 33-րդ հերթական լիակազմ նիստին մասնակցելու համար:

2. Ընդունել ի գիտություն, որ Ա. Մովսեսյանի` Բրյուսել և Ստրասբուրգ գործուղումների հետ կապված ծախսերը կատարվելու են Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչության արտաբյուջետային միջոցների հաշվին:

3. Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչության պետին` գործուղումից վերադառնալուց հետո եռօրյա ժամկետում Հայաստանի Հանրապետության կառավարության աշխատակազմ ներկայացնել Բրյուսել և Ստրասբուրգ գործուղումների արդյունքների մասին հաշվետվություն: