«Գրանցված է»

ՀՀ արդարադատության

նախարարության կողմից

27 փետրվարի 2014 թ.

Պետական գրանցման թիվ 12114110

Հ Ա Մ Ա Տ Ե Ղ  Հ Ր Ա Մ Ա Ն

ՄՇԱԿՈՒՅԹԻ ԲՆԱԳԱՎԱՌՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՐԶՊԵՏՆԵՐԻ ԿՈՂՄԻՑ ԻՐԱԿԱՆԱՑՎՈՂ ՎԱՐՉԱԿԱՆ ՀՍԿՈՂՈՒԹՅԱՆ ՀԱՐՑԱՇԱՐԸ ՀԱՍՏԱՏԵԼՈՒ ՄԱՍԻՆ

Հիմք ընդունելով Հայաստանի Հանրապետության Նախագահի 1997 թվականի մայիսի 6-ի N ՆՀ-728 հրամանագրի 1.37-րդ կետը`

Հրամայում ենք`

Հաստատել մշակույթի բնագավառում Հայաստանի Հանրապետության մարզպետների կողմից իրականացվող վարչական հսկողության հարցաշարը` համաձայն հավելվածի:

ՎԱՐՉԱԿԱՆ ՀՍԿՈՂՈՒԹՅԱՆ ՀԱՐՑԱՇԱՐ

1. Գործառույթը ըստ ՏԻՄ Օրենքի` ապահովում է համայնքի տարածքում պետական մշակութային քաղաքականության իրականացումը:

Գործառույթի իրականացման օրենսդրական հիմքը` «Մշակութային օրենսդրության հիմունքների մասին» ՀՀ օրենք, հոդված 24, կետ 1):

2. Գործառույթը ըստ ՏԻՄ Օրենքի` որպես պարտադիր լիազորություն՝ կազմակերպում է համայնքի կողմից ստեղծված մշակութային կազմակերպությունների գործունեությունը, մշակութային օբյեկտների շահագործման և նորոգման աշխատանքները:

Գործառույթի իրականացման օրենսդրական հիմքը` «Մշակութային օրենսդրության հիմունքների մասին» ՀՀ օրենք, հոդված 24, կետ 2):

3. Գործառույթը ըստ ՏԻՄ Օրենքի` որպես պատվիրակված լիազորություն՝ կազմակերպում է Հայաստանի Հանրապետության տոների և հիշատակի օրերի հետ կապված զանգվածային միջոցառումներ:

Գործառույթի իրականացման օրենսդրական հիմքը` «Մշակութային օրենսդրության հիմունքների մասին» ՀՀ օրենք, հոդված 24, կետ 3):

4. Գործառույթը ըստ ՏԻՄ Օրենքի` որպես կամավոր լիազորություն՝ աջակցում է համայնքի տարածքում գտնվող պատմամշակութային հուշարձանների պահպանությանը:

Գործառույթի իրականացման օրենսդրական հիմքը` «Մշակութային օրենսդրության հիմունքների մասին» ՀՀ օրենք, հոդված 24, կետ 4):

5. Գործառույթը ըստ ՏԻՄ Օրենքի` որպես կամավոր լիազորություն՝ աջակցում է ազգային արհեստների, ժողովրդական ստեղծագործության և գեղարվեստական ինքնագործունեության զարգացմանը:

Գործառույթի իրականացման օրենսդրական հիմքը` «Մշակութային օրենսդրության հիմունքների մասին» ՀՀ օրենք, հոդված 24, կետ 5):

6. Գործառույթը ըստ ՏԻՄ Օրենքի` իրականացնում է մշակույթի ոլորտում օրենքով սահմանված այլ լիազորություններ:

Գործառույթի իրականացման օրենսդրական հիմքը` «Մշակութային օրենսդրության հիմունքների մասին» ՀՀ օրենք, հոդված 24, կետ 6):

7. Գործառույթը ըստ ՏԻՄ Օրենքի` հուշարձանների պահպանության և օգտագործման բնագավառում սահմանված կարգով կազմում են բնակավայրի պատմամշակութային հիմնավորման նախագիծը:

Գործառույթի իրականացման օրենսդրական հիմքը` «Պատմության և մշակույթի անշարժ հուշարձանների ու պատմական միջավայրի պահպանության և օգտագործման մասին» ՀՀ օրենք, հոդված 11, կետ ա):

8. Գործառույթը ըստ ՏԻՄ Օրենքի` հուշարձանների պահպանության և օգտագործման բնագավառում աջակցում են պետական սեփականություն համարվող և չօգտագործվող հուշարձանների պահպանությանը:

Գործառույթի իրականացման օրենսդրական հիմքը` «Պատմության և մշակույթի անշարժ հուշարձանների ու պատմական միջավայրի պահպանության և օգտագործման մասին» ՀՀ օրենք, հոդված 11, կետ բ):

9. Գործառույթը ըստ ՏԻՄ Օրենքի` հուշարձանների պահպանության և օգտագործման բնագավառում սահմանված կարգով կազմակերպում են տեղական նշանակության հուշարձանների ամրակայման, նորոգման, վերականգնման և տարածքի բարեկարգման աշխատանքները:

Գործառույթի իրականացման օրենսդրական հիմքը` «Պատմության և մշակույթի անշարժ հուշարձանների ու պատմական միջավայրի պահպանության և օգտագործման մասին» ՀՀ օրենք, հոդված 11, կետ գ):

10. Գործառույթը ըստ ՏԻՄ Օրենքի` հուշարձանների պահպանության և օգտագործման բնագավառում հանրապետական նշանակության հուշարձանների նկատմամբ իրականացնում են պետության կողմից պատվիրակված լիազորությունները:

Գործառույթի իրականացման օրենսդրական հիմքը` «Պատմության և մշակույթի անշարժ հուշարձանների ու պատմական միջավայրի պահպանության և օգտագործման մասին» ՀՀ օրենք, հոդված 11, կետ դ):

11. Գործառույթը ըստ ՏԻՄ Օրենքի` հուշարձանների պահպանության և օգտագործման բնագավառում օրենսդրությամբ սահմանված կարգով կասեցնում են շինարարական, գյուղատնտեսական և այլ աշխատանքները, եթե դրանք վտանգում են կամ կարող են վտանգել հուշարձանի ու դրա պահպանական գոտու անվթարությունը և այդ մասին տեղեկացնում լիազորված մարմնին:

Գործառույթի իրականացման օրենսդրական հիմքը` «Պատմության և մշակույթի անշարժ հուշարձանների ու պատմական միջավայրի պահպանության և օգտագործման մասին» ՀՀ օրենք, հոդված 11, կետ ե):

12. Գործառույթը ըստ ՏԻՄ Օրենքի` հուշարձանների պահպանության և օգտագործման բնագավառում լիազորված մարմնի համաձայնությամբ օգտագործման կամ վարձակալության կարող են հանձնել համայնքի սեփականություն համարվող հուշարձան-շենքերը և շինությունները:

Գործառույթի իրականացման օրենսդրական հիմքը` Հայաստանի Հանրապետության կառավարության 2002 թվականի ապրիլի 20-ի «Պատմության և մշակույթի անշարժ հուշարձանների պետական հաշվառման, ուսումնասիրման, պահպանության, ամրակայման, նորոգման, վերականգնման և օգտագործման կարգը հաստատելու մասին» N 438 որոշմամբ հաստատված կարգով:

13. Գործառույթը ըստ ՏԻՄ Օրենքի` հուշարձանների պահպանության և օգտագործման բնագավառում ապահովում են համայնքի տարածքում գտնվող հուշարձանների պահպանական գոտիներում սահմանված հատուկ ռեժիմի պահանջների կատարումը:

Գործառույթի իրականացման օրենսդրական հիմքը` «Պատմության և մշակույթի անշարժ հուշարձանների ու պատմական միջավայրի պահպանության և օգտագործման մասին» ՀՀ օրենք, հոդված 11, կետ ը):

14. Գործառույթը ըստ ՏԻՄ Օրենքի` հուշարձանների պահպանության և օգտագործման բնագավառում հուշարձանների պահպանական գոտիներում հողի, համայնքի սեփականություն համարվող հուշարձան-շենքերի և շինությունների սեփականատերերի և օգտագործողների հետ կնքում են հուշարձանների պահպանության պայմանագիր (պարտավորագիր), որի մեկ օրինակը ներկայացնում են լիցենզավորված մարմնին:

Գործառույթի իրականացման օրենսդրական հիմքը` «Պատմության և մշակույթի անշարժ հուշարձանների ու պատմական միջավայրի պահպանության և օգտագործման մասին» ՀՀ օրենք, հոդված 11, կետ թ):

(հավելվածը խմբ. 28.08.15 N 470-Ն)