«Վավերացնում եմ»
Հայաստանի Հանրապետության
Նախագահ Ռ. Քոչարյան
 24 մայիսի 2005 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

28 ապրիլի 2005 թվականի N 562-Ն

ՊԵՏԱԿԱՆ ԳՈՒՅՔԻ ՀԱՇՎԱՌՄԱՆ ԵՎ ԳՐԱՆՑԱՄԱՏՅԱՆ ՎԱՐԵԼՈՒ ԿԱՐԳԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2001 ԹՎԱԿԱՆԻ ԱՊՐԻԼԻ 12-Ի N 282 ՈՐՈՇՈՒՄԸ ՄԱՍՆԱԿԻՈՐԵՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Ղեկավարվելով Հայաստանի Հանրապետության կառավարության 2001 թվականի ապրիլի 12-ի «Պետական գույքի հաշվառման համակարգի ներդրումն ապահովող միջոցառումների մասին» N 282 որոշման 5-րդ կետով, ինչպես նաև պետական գույքի կառավարման արդյունավետությունը բարձրացնելու նպատակով Հայաստանի Հանրապետության կառավարությունը որոշում է.

1. Հաստատել պետական գույքի հաշվառման և գրանցամատյան վարելու կարգը՝ համաձայն N 1 հավելվածի:

(1-ին կետը փոփ. 18.12.08 N 1543-Ն)

1.1. Հաստատել հաշվառման օբյեկտների մասին տեղեկատվություն ներկայացնելու ձևերը` համաձայն N 2 հավելվածի:

(1.1 կետը լրաց. 18.12.08 N 1543-Ն)

1.2. Հայաստանի Հանրապետության տրանսպորտի և կապի նախարարին և Հայաստանի Հանրապետության մարզպետներին`

ա) նախարարության և մարզպետարանների ենթակայության ընդհանուր օգտագործման ավտոմոբիլային ճանապարհները, արհեստական կառույցները, ճանապարհային կահավորանքն ու ճանապարհային մաս հանդիսացող այլ շինությունները դասակարգել ըստ նշանակության (ընդհանուր օգտագործման միջպետական, հանրապետական և մարզային), ընդ որում, այն ավտոմոբիլային ճանապարհները, արհեստական կառույցները, ճանապարհային կահավորանքն ու ճանապարհային մաս հանդիսացող այլ շինությունները, որոնց հաշվեկշռային արժեքները հնարավոր չէ առանձնացնել՝ հաշվառել զրոյական արժեքներով,

բ) ապահովել նախարարության և մարզպետարանների ենթակայության ընդհանուր օգտագործման ավտոմոբիլային ճանապարհների, արհեստական կառույցների, ճանապարհային կահավորանքի ու ճանապարհային մաս հանդիսացող այլ շինությունների նկատմամբ Հայաստանի Հանրապետության օրենսդրությամբ սահմանված կարգով պետության սեփականության իրավունքի գրանցումը:

(1.2 կետը լրաց. 28.04.11 N 559-Ն)

1.3. Հայաստանի Հանրապետության մարզպետներին` ամփոփել սույն որոշման 1.2-րդ կետով սահմանված աշխատանքների արդյունքները և համապատասխան տեղեկատվությունը ներկայացնել Հայաստանի Հանրապետության տրանսպորտի և կապի նախարարություն:

(1.3 կետը լրաց. 28.04.11 N 559-Ն, փոփ. 10.11.11 N 1579-Ն)

1.4. Հայաստանի Հանրապետության տրանսպորտի և կապի նախարարին` ամփոփել սույն որոշման 1.2-րդ կետով սահմանված աշխատանքները և 1.3-րդ կետի համաձայն ներկայացված տեղեկատվությունը և արդյունքները սույն որոշմամբ հաստատված կարգի 10-րդ կետով սահմանված ժամկետում ներկայացնել Հայաստանի Հանրապետության կառավարությանն առընթեր պետական գույքի կառավարման վարչություն` սույն որոշման N 2 հավելվածի N 2.1 ձևով:

(1.4 կետը լրաց. 28.04.11 N 559-Ն, փոփ. 10.11.11 N 1579-Ն)

1.5. Առաջարկել Երևանի քաղաքապետին Հայաստանի Հանրապետության կառավարությանն առընթեր պետական գույքի կառավարման վարչություն ներկայացնել սույն որոշման N 1 հավելվածով հաստատված կարգի (այսուհետ` կարգ) 10-րդ կետով սահմանված տեղեկատվությունն այն պետական ոչ առևտրային կազմակերպությունների և պետական մասնակցությամբ առևտրային կազմակերպությունների վերաբերյալ, որոնց հիմնադրի, ինչպես նաև լիազորված պետական մարմնի լիազորությունները, որպես պատվիրակված լիազորություն, վերապահվել են Երևանի քաղաքապետին:

(1.5 կետը լրաց. 28.04.11 N 559-Ն)

1.6. Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի նախագահին` սույն որոշման 1.2-րդ կետում նշված անշարժ գույքի նկատմամբ պետական սեփականության իրավունքների գրանցումներն իրականացնել «Գույքի նկատմամբ իրավունքների պետական գրանցման մասին» Հայաստանի Հանրապետության օրենքով սահմանված կարգով:

(1.6 կետը լրաց. 28.04.11 N 559-Ն, փոփ. 10.11.11 N 1579-Ն)

2. Ուժը կորցրած ճանաչել Հայաստանի Հանրապետության կառավարության 2001 թվականի ապրիլի 12-ի «Պետական գույքի հաշվառման համակարգի ներդրումն ապահովող միջոցառումների մասին»
N 282 որոշման 3-րդ կետի «գ» ենթակետը և 4-րդ կետը:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Կ Ա Ր Գ

ՊԵՏԱԿԱՆ ԳՈՒՅՔԻ ՀԱՇՎԱՌՄԱՆ ԵՎ ԳՐԱՆՑԱՄԱՏՅԱՆ ՎԱՐԵԼՈՒ

1. Սույն կարգով կարգավորվում են պետական գույքի հաշվառման հետ կապված հարաբերությունները։

2. Սույն կարգի իմաստով պետական գույքի հաշվառում է համարվում պետական գույքի նկարագրությունը և տնօրինման լիազորությունների որոշակիությունը պետական գույքի հաշվառման գրանցամատյանում գրանցելը՝ պետական սեփականությունը հավաստող և տնօրինման և (կամ) օգտագործման համապատասխան լիազորություններ ունեցող մարմնին և (կամ) կազմակերպությանն ամրացնելու բնութագրիչների օգտագործմամբ։

3. Պետական հաշվառման օբյեկտներ են հանդիսանում սեփականության իրավունքով պետությանը պատկանող շարժական (բացառությամբ դրամական միջոցների) և անշարժ գույքը (բացառությամբ հողի), այդ թվում՝ միջպետական, հանրապետական և մարզային նշանակության ճանապարհները, արհեստական կառույցները, ճանապարհային կահավորանքն ու ճանապարհային մաս հանդիսացող այլ շինությունները, ջրամբարներն ու ջրատարները, պետական կառավարչական հիմնարկներին, պետական այլ հիմնարկներին և պետական ոչ առևտրային կազմակերպություններին (այդ թվում` որոնց հիմնադրի, ինչպես նաև լիազորված պետական մարմնի լիազորությունները փոխանցվել են Երևանի քաղաքապետին) ամրացված գույքը, ինչպես նաև հիմնարկների հաշվեկշռում հաշվառված ոչ նյութական ակտիվները, պետական մասնակցությամբ առևտրային և պետական ոչ առևտրային կազմակերպությունների սեփականությունը հանդիսացող անշարժ գույքը, իրավաբանական անձանց (այդ թվում` որոնց հիմնադրի, ինչպես նաև լիազորված պետական մարմնի լիազորությունները, որպես պատվիրակված լիազորություն, փոխանցվել են Երևանի քաղաքապետին) կանոնադրական կապիտալում պետական բաժնեմասը (բաժնետոմսերը), այլ պետություններում գտնվող (այդ թվում` դիվանագիտական առաքելությունների համար օգտագործվող)` Հայաստանի Հանրապետությանը սեփականության իրավունքով պատկանող գույքը:

(3-րդ կետը խմբ. 18.12.08 N 1543-Ն, 28.04.11 N 559-Ն)

4. Սույն կարգով հաշվառման ենթակա չէ այն պետական գույքը, որի մասին տեղեկությունները պետական գաղտնիք են:

5. Պետական գույքի հաշվառման գրանցամատյանը (այսուհետ՝ գրանցամատյան) թղթային և էլեկտրոնային կրիչների վրա պարունակվող տեղեկատվական համակարգ է, որը պարունակում է հաշվառման ենթակա օբյեկտների մասին միասնական մեթոդաբանական և ծրագրային-տեխնիկական սկզբունքներով կազմված տեղեկություններ։

6. Գրանցամատյանը վարում է Հայաստանի Հանրապետության կառավարությանն առընթեր պետական գույքի կառավարման վարչությունը՝ ապահովելով հաշվառման ենթակա օբյեկտների մասին տվյալների մուտքագրման անընդհատությունը և գրանցամատյանում պարունակվող տվյալների համադրելիությունը հաշվառման ու վերահսկման այլ տեղեկատվական համակարգերի տվյալների հետ։

7. Պետական հաշվառման օբյեկտների մասին տվյալները պետք է ներկայացվեն սույն կարգի 10-րդ կետին համապատասխան:

(7-րդ կետը փոփ. 18.12.08 N 1543-Ն, խմբ. 05.04.12 N 401-Ն)

8. Գրանցամատյանին կից պետք է պահվեն նաև նշված տեղեկություններին վերաբերող բոլոր համապատասխան փաստաթղթերի պատճենները։

9. Սույն կարգի 6-րդ կետում նշված գրանցամատյանը վարելու սկզբունքների ապահովման նպատակով գրանցամատյանում ներառված տվյալները յուրաքանչյուր տարի պարտադիր կարգով նորացվում են: Ընդ որում՝

ա) գրանցամատյանում ներառված որևէ գույքի բնութագրիչների փոփոխության դեպքում պետական կառավարման մարմինների ղեկավարները 10-օրյա ժամկետում այդ մասին պետք է տեղեկացնեն Հայաստանի Հանրապետության կառավարությանն առընթեր պետական գույքի կառավարման վարչությանը,

բ) Հայաստանի Հանրապետության կառավարությանն առընթեր պետական գույքի կառավարման վարչությունն իրավասու է իրականացնել պետական գույքի հաշվառման բազայում ներառված գույքի ընտրանքային ուսումնասիրություն և արդյունքում հայտնաբերված թերությունների և (կամ) պետական կառավարման մարմինների կողմից ներկայացված տեղեկատվության հետ անհամապատասխանության դեպքում դրա մասին տեղեկացնել Հայաստանի Հանրապետության կառավարությանը:

(9-րդ կետը խմբ. 05.04.12 N 401-Ն)

10. Պետական մարմինների ղեկավարները յուրաքանչյուր տարի` մինչև ապրիլի 1-ը, Հայաստանի Հանրապետության կառավարությանն առընթեր պետական գույքի կառավարման վարչություն են ներկայացնում՝

ա) պետական կառավարչական և պետական այլ հիմնարկներին ամրացված և հիմնարկի հաշվեկշռում հաշվառված հիմնական միջոցների և ոչ նյութական ակտիվների մասին տեղեկանքը (N 2 հավելվածի N 1 ձև),

բ) պետական կառավարչական և պետական այլ հիմնարկներին ամրացված և հիմնարկի հաշվեկշռում հաշվառված, ինչպես նաև պետական մասնակցությամբ առևտրային կազմակերպությունների և պետական ոչ առևտրային կազմակերպությունների սեփականությունը հանդիսացող անշարժ գույքի մասին տեղեկանքը (N 2 հավելվածի N 2 ձև),

գ) պետական կառավարչական և պետական այլ հիմնարկներին ամրացված և հիմնարկի հաշվեկշռում հաշվառված ճանապարհների, արհեստական կառույցների, ճանապարհային կահավորանքի ու ճանապարհային մաս հանդիսացող այլ շինությունների մասին տեղեկանքը (N 2 հավելվածի N 2.1 ձև),

դ) պետական կառավարչական և պետական այլ հիմնարկներին ամրացված և հիմնարկի հաշվեկշռում հաշվառված ջրամբարների և ջրատարների մասին տեղեկանքը (N 2 հավելվածի NN 2.2 և 2.3 ձևեր),

ե) պետական կառավարչական և պետական այլ հիմնարկներին ամրացված անշարժ գույքի օգտագործողների մասին տեղեկանքը (N 2 հավելվածի N 2.4 ձև),

զ) պետական կառավարչական հիմնարկներին անհրաժեշտ անշարժ գույքի մասին տեղեկանքը (N 2 հավելվածի N 3 ձև),

է) պետական սեփականություն հանդիսացող բաժնետոմսեր (բաժնեմաս) ունեցող իրավաբանական անձանց մասին տեղեկանքը (N 2 հավելվածի N 4 ձև),

ը) պետական կառավարչական և պետական այլ հիմնարկների հաշվեկշռում հաշվառված ոչ նյութական ակտիվների մասին տեղեկանքը (N 2 հավելվածի N 5 ձև):

(10-րդ կետը խմբ. 18.12.08 N 1543-Ն, 28.04.11 N 559-Ն, փոփ. 10.11.11 N 1579-Ն)

11. Հայաստանի Հանրապետության կառավարությանն առընթեր պետական գույքի կառավարման վարչությունը սույն կարգի 10-րդ կետում նշված ժամկետներում ներկայացված տեղեկություններն ստանալուց հետո`

ա) սահմանված կարգով դրանք գրանցում է պետական գույքի հաշվառման գրանցամատյանում,

բ) (ենթակետն ուժը կորցրել է 28.04.11 N 559-Ն)

գ) պետական մարմինների ղեկավարների պահանջի դեպքում 10-օրյա ժամկետում գրանցամատյանից տրամադրում է անհրաժեշտ տեղեկություններ պետական հաշվառման օբյեկտների մասին:

դ) սույն կարգի 10-րդ կետով սահմանված տեղեկանքների ներկայացման ժամկետներից հետո մեկամսյա ժամկետում Հայաստանի Հանրապետության կառավարություն է ներկայացնում տեղեկատվություն սույն կարգի 10-րդ կետի կատարման ընթացքի մասին:

(11-րդ կետը փոփ., լրաց. 18.12.08 N 1543-Ն, փոփ. 28.04.11 N 559-Ն)

Ձև N 1

Ձ Ե Վ Ե Ր

ՀԱՇՎԱՌՄԱՆ ՕԲՅԵԿՏՆԵՐԻ ՄԱՍԻՆ ՏԵՂԵԿԱՏՎՈՒԹՅՈՒՆ ՆԵՐԿԱՅԱՑՆԵԼՈՒ

Տ Ե Ղ Ե Կ Ա Ն Ք

__________________________________________________________________________________________________

 (պետական կառավարչական հիմնարկի անվանումը)

պետական կառավարչական և պետական այլ հիմնարկներին ամրացված և հիմնարկի հաշվեկշռում հաշվառված հիմնական միջոցների և ոչ նյութական ակտիվների մասին (20  թ. հունվարի 1 -ի դրությամբ)

Ձև N 2

Տ Ե Ղ Ե Կ Ա Ն Ք

—————————————————————————————————

 (պետական կառավարչական հիմնարկի անվանումը)
 

պետական կառավարչական և պետական այլ հիմնարկներին ամրացված և հիմնարկի հաշվեկշռում հաշվառված, ինչպես նաև պետական մասնակցությամբ առևտրային կազմակերպությունների և պետական ոչ առևտրային կազմակերպությունների սեփականությունը հանդիսացող անշարժ գույքի մասին (20  թ. հունվարի 1-ի դրությամբ)

(լրացվում է յուրաքանչյուր շենքի, շինության, շենքի բացվածքի (տարածքի) և անավարտ շինարարության համար առանձին)

Ձև N 2.1

Տ Ե Ղ Ե Կ Ա Ն Ք

___________________________________________________________________________________

 (պետական կառավարչական հիմնարկի անվանումը)

պետական կառավարչական և պետական այլ հիմնարկներին ամրացված և հիմնարկի հաշվեկշռում հաշվառված ճանապարհների, արհեստական կառույցների, ճանապարհային կահավորանքի ու ճանապարհային մաս հանդիսացող այլ շինությունների մասին (20 թ. հունվարի 1-ի դրությամբ)

(լրացվում է յուրաքանչյուր ճանապարհի հատվածի համար առանձին)

Ձև N 2.2

Տ Ե Ղ Ե Կ Ա Ն Ք

_________________________________________________________________________________

 (պետական կառավարչական հիմնարկի անվանումը)

պետական կառավարչական և պետական այլ հիմնարկներին ամրացված և հիմնարկի հաշվեկշռում հաշվառված ջրամբարների մասին (20 թ. հունվարի 1-ի դրությամբ)

(լրացվում է պետական կառավարչական և պետական այլ հիմնարկների ենթակայության յուրաքանչյուր հիմնարկի կամ կազմակերպության համար առանձին)

Ձև N 2.3

Տ Ե Ղ Ե Կ Ա Ն Ք

_____________________________________________________________

 (պետական կառավարչական հիմնարկի անվանումը)

պետական կառավարչական և պետական այլ հիմնարկներին ամրացված և հիմնարկի հաշվեկշռում հաշվառված ջրատարների մասին (20  թ. հունվարի 1-ի դրությամբ)

(լրացվում է պետական կառավարչական և պետական այլ հիմնարկների ենթակայության յուրաքանչյուր հիմնարկի կամ կազմակերպության համար առանձին)

Ձև N 2.4

Տ Ե Ղ Ե Կ Ա Ն Ք

________________________________________________________________-

 (պետական կառավարչական հիմնարկի անվանումը)

պետական կառավարչական և պետական այլ հիմնարկներին ամրացված անշարժ գույքի օգտագործողների մասին (20  թ. հունվարի 1-ի դրությամբ)

(լրացվում է պետական կառավարչական և պետական այլ հիմնարկների ենթակայության յուրաքանչյուր հիմնարկի կամ կազմակերպության համար առանձին)

Ձև N 3

Տ Ե Ղ Ե Կ Ա Ն Ք

___________________________________________________________________________________

 (պետական կառավարչական հիմնարկի անվանումը)

պետական կառավարչական հիմնարկներին անհրաժեշտ անշարժ գույքի մասին (20  թ. հունվարի 1-ի դրությամբ)

(լրացվում է յուրաքանչյուր շենքի, շինության և անավարտ շինարարության համար առանձին)

Ձև N 4

Տ Ե Ղ Ե Կ Ա Ն Ք

պետական սեփականություն հանդիսացող բաժնետոմսեր (բաժնեմաս) ունեցող իրավաբանական անձանց մասին

________________________________________________________________________________________________________________________________________________________________

 (պետական սեփականություն հանդիսացող բաժնետոմսերի (բաժնեմասի) կառավարման լիազորություններն իրականացնող իրավաբանական անձանց մասին)

Ձև N 5

Տ Ե Ղ Ե Կ Ա Ն Ք

__________________________________________________________________

 (պետական կառավարչական հիմնարկի անվանումը)

պետական կառավարչական և պետական այլ հիմնարկների հաշվեկշռում հաշվառված ոչ նյութական ակտիվների մասին (20  թ. հունվարի 1-ի դրությամբ)

(Հավելվածը լրաց. 18.12.08 N 1534-Ն, խմբ. 28.04.11 N 559-Ն)