ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

25 օգոստոսի 2011 թվականի N 1302-Ն

ՀԱՅ-ՎՐԱՑԱԿԱՆ ՊԵՏԱԿԱՆ ՍԱՀՄԱՆԻ «ԲԱԳՐԱՏԱՇԵՆ», «ԳՈԳԱՎԱՆ» ԵՎ «ԲԱՎՐԱ» ՍԱՀՄԱՆԱՅԻՆ ԱՆՑՄԱՆ ԿԵՏԵՐՈՒՄ ՇԻՆԱՐԱՐԱԿԱՆ ԱՇԽԱՏԱՆՔՆԵՐԻ ԻՐԱԿԱՆԱՑՄԱՆ ՆՊԱՏԱԿՈՎ ՄՐՑՈՒԹԱՅԻՆ ՀԱՆՁՆԱԺՈՂՈՎ ՍՏԵՂԾԵԼՈՒ ԵՎ ԴՐԱ ԿԱԶՄԸ ՀԱՍՏԱՏԵԼՈՒ ՄԱՍԻՆ

Համաձայն Հայաստանի Հանրապետության կառավարության 2011 թվականի ապրիլի 21-ի N 482-Ն որոշման հավելվածի 2.61-րդ կետի՝ Հայաստանի Հանրապետության կառավարությունը որոշում է.

1. Հայ-վրացական պետական սահմանի «Բագրատաշեն», «Գոգավան» և «Բավրա» սահմանային անցման կետերի շինարարական աշխատանքների իրականացման նպատակով ստեղծել մրցութային հանձնաժողով և հաստատել դրա անհատական կազմը՝ համաձայն հավելվածի։

2. Մրցութային հանձնաժողովի նախագահին՝

1) «Բագրատաշեն», «Գոգավան» և «Բավրա» սահմանային անցման կետերի շինարարական աշխատանքների իրականացման նպատակով հնարավորինս սեղմ ժամկետում նախապատրաստել մրցութային փաթեթները, գնման գործընթացի կազմակերպումը և հայտարարել մրցույթ.

2) մրցույթի անցկացումից հետո երկշաբաթյա ժամկետում ամփոփել մրցույթի արդյունքները և ներկայացնել Հայաստանի Հանրապետության կառավարություն՝ հաստատման:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Տ. Սարգսյան
2011 թ. սեպտեմբերի 16 Երևան

Հավելված ՀՀ կառավարության 2011 թվականի օգոստոսի 25-ի N 1302-Ն որոշման

Ա Ն Հ Ա Տ Ա Կ Ա Ն  Կ Ա Զ Մ

ՀԱՅ-ՎՐԱՑԱԿԱՆ ՊԵՏԱԿԱՆ ՍԱՀՄԱՆԻ «ԲԱԳՐԱՏԱՇԵՆ», «ԳՈԳԱՎԱՆ» ԵՎ «ԲԱՎՐԱ» ՍԱՀՄԱՆԱՅԻՆ ԱՆՑՄԱՆ ԿԵՏԵՐԻ ՇԻՆԱՐԱՐԱԿԱՆ ԱՇԽԱՏԱՆՔՆԵՐԻ ԻՐԱԿԱՆԱՑՄԱՆ ՆՊԱՏԱԿՈՎ ՍՏԵՂԾՎԱԾ ՄՐՑՈՒԹԱՅԻՆ ՀԱՆՁՆԱԺՈՂՈՎԻ

Գ. Խաչատրյան		- ՀՀ կառավարությանն առընթեր պետական եկամուտների կոմիտեի նախագահ (հանձնաժողովի նախագահ)
Ա. Բախշյան		- ՀՀ տարածքային կառավարման նախարարի տեղակալ
Լ. Շահվերդյան		- ՀՀ էներգետիկայի և բնական պաշարների նախարարի տեղակալ
Ռ. Սինոյան		- ՀՀ տրանսպորտի և կապի նախարարի տեղակալ
Ա. Պետրոսյան		- ՀՀ էկոնոմիկայի նախարարի տեղակալ
Շ. Քոչարյան		- ՀՀ արտաքին գործերի նախարարի տեղակալ
Ա. Բաղդասարյան		- ՀՀ գյուղատնտեսության նախարարության աշխատակազմի հողերի օգտագործման և մելիորացիայի վարչության մելիորացիայի բաժնի պետ
Գ. Քամալյան		- ՀՀ քաղաքաշինության նախարարության աշխատակազմի շինարարության քաղաքականության բաժնի պետ
Ռ. Աբովյան		- ՀՀ առողջապահության նախարարության պետական հիգիենիկ և հակահամաճարակային տեսչության վարակիչ և ոչ վարակիչ հիվանդությունների համաճարակաբանության բաժնի պետի տեղակալ
Հ. Հայրապետյան		- ՀՀ գյուղատնտեսության նախարարության սննդամթերքի անվտանգության պետական ծառայության պետի տեղակալ
Ա. Ավագյան		- ՀՀ կառավարությանն առընթեր ազգային անվտանգության ծառայության գլխավոր վարչության բաժնի պետ
Ա. Վարդանյան		- ՀՀ արտակարգ իրավիճակների նախարարության Հայաստանի փրկարար ծառայության աշխատակազմի նյութատեխնիկական ապահովման վարչության պետ
Ա. Գրիգորյան		- ՀՀ կառավարությանն առընթեր պետական եկամուտների կոմիտեի նախագահի խորհրդական (հանձնաժողովի քարտուղար)

Հայաստանի Հանրապետության կառավարության աշխատակազմի ղեկավար

Դ. Սարգսյան