ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԵՐԵՎԱՆ ՔԱՂԱՔԻ ԱՎԱԳԱՆՈՒ

Ո Ր Ո Շ ՈՒ Մ

ԵՐԵՎԱՆ ՔԱՂԱՔԻ ՍԵՓԱԿԱՆՈՒԹՅՈՒՆ ՀԱՄԱՐՎՈՂ ԳՈՒՅՔՆ ՕԳՏԱԳՈՐԾՄԱՆ ՏՐԱՄԱԴՐԵԼՈՒ ԵՎ ՕՏԱՐՄԱՆ 2010 ԹՎԱԿԱՆԻ ԾՐԱԳՐԻ ՎԵՐԱԲԵՐՅԱԼ

«Երևան քաղաքում տեղական ինքնակառավարման մասին» Հայաստանի Հանրապետության օրենքի 12-րդ հոդվածի 1-ին մասի 18-րդ կետին համապատասխան`

Երևան քաղաքի ավագանին որոշում է.

1. Հաստատել Երևան քաղաքի սեփականություն համարվող գույքն օգտագործման տրամադրելու և օտարման 2010 թվականի ծրագիրը` համաձայն հավելվածի:

2. Սահմանել, որ.

1) հողամասերն օգտագործման տրամադրելու և օտարման հետ կապված հարաբերությունները ենթակա են կարգավորման Հայաստանի Հանրապետության հողային օրենսգրքով և Հայաստանի Հանրապետության կառավարության 2001 թվականի ապրիլի 12-ի «Պետական և համայնքային սեփականություն հանդիսացող հողամասերի օտարման, կառուցապատման իրավունքի և օգտագործման տրամադրման կարգը հաստատելու մասին» N 286 որոշմանը համապատասխան.

2) հողամասերը հրապարակային սակարկություններով օտարելու դեպքում մեկնարկային գինը որոշվում է Երևան քաղաքի ավագանու 2009 թվականի հուլիսի 6-ի «Համաձայնություն տալու մասին» N 11-Ա որոշմամբ.

3) ինքնակամ կառույցների օգտագործման տրամադրելու և օտարման հետ կապված հարաբերությունները` համաձայն Երևան քաղաքի ավագանու 2009 թվականի հուլիսի 6-ի «Ինքնակամ կառույցների օրինականացման և տնօրինման մասին» N 12-Ա որոշման, ենթակա են կարգավորման Հայաստանի Հանրապետության կառավարության 2006 թվականի մայիսի 18-ի «Ինքնակամ կառույցների օրինականացման և տնօրինման կարգը հաստատելու մասին» N 912-Ն որոշմանը համապատասխան.

4) քանդման ենթակա վթարային բնակելի տների և հանրակացարանային բնակելի շենքերի բնակիչների բնակարանային խնդիրների լուծման նպատակով պետական բյուջեից հատկացված միջոցների հաշվին կառուցված բազմաբնակարան շենքերի բնակարանների հատկացման կամ այդ բնակարանների տնօրինման հետ կապված հարաբերությունները` համաձայն Երևան քաղաքի ավագանու 2009 թվականի սեպտեմբերի 23-ի «Երևան համայնքի վարչական տարածքում քանդման ենթակա վթարային հանրակացարանային բնակելի շենքերի բնակիչների բնակարանային խնդիրները լուծելու և Երևանի քաղաքապետին իրավասություններ վերապահելու մասին» N 23-Ա և «Երևան համայնքի վարչական տարածքում քանդման ենթակա վթարային բնակելի տների բնակիչների բնակարանային խնդիրները լուծելու և Երևանի քաղաքապետին իրավասություններ վերապահելու մասին» N 24-Ա որոշումների, ենթակա են կարգավորման Հայաստանի Հանրապետության կառավարության 2009 թվականի փետրվարի 5-ի «Երևան քաղաքի քանդման ենթակա վթարային հանրակացարանային բնակելի շենքերի բնակիչներին բնակարաններ հատկացնելու կարգը հաստատելու մասին» N 172-Ն և 2000 թվականի հոկտեմբերի 25-ի «Հայաստանի Հանրապետության տարածքում (բացառությամբ աղետի գոտու վերականգնման առաջնահերթ ծրագրում ընդգրկված բնակավայրերի) քանդման ենթակա վթարային բնակելի տների բնակիչների բնակարանային խնդիրները լուծելու մասին» N 682 որոշումներին համապատասխան:

3. Սույն որոշման 1-ին կետով հաստատված ծրագրում ներառված օտարման ենթակա հողամասերի մասով ծրագիրն ուժի մեջ է մտնում դրանք Երևան համայնքին սեփականության իրավունքով անհատույց փոխանցելու մասին Հայաստանի Հանրապետության կառավարության համապատասխան որոշումն ուժի մեջ մտնելու պահից:

4. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Ծ Ր Ա Գ Ի Ր

ԵՐԵՎԱՆ ՔԱՂԱՔԻ ՍԵՓԱԿԱՆՈՒԹՅՈՒՆ ՀԱՄԱՐՎՈՂ ԳՈՒՅՔՆ ՕԳՏԱԳՈՐԾՄԱՆ ՏՐԱՄԱԴՐԵԼՈՒ ԵՎ ՕՏԱՐՄԱՆ 2010 ԹՎԱԿԱՆԻ

I. ԸՆԴՀԱՆՈՒՐ ԴՐՈՒՅԹՆԵՐ

1. Երևան քաղաքի սեփականություն համարվող գույքի (հողամասեր, բնակարաններ, ոչ բնակելի տարածքներ, շենքեր և շինություններ, ինքնակամ կառույցներ, իրավաբանական անձանց կանոնադրական կապիտալում մասնակցություն և այլն) (այսուհետ` նաև Գույք) օգտագործման տրամադրելու և օտարման 2010 թվականի ծրագիրը (այսուհետ` Ծրագիր) նպատակաուղղված է Երևան համայնքի սոցիալ-տնտեսական զարգացման և բյուջետային քաղաքականության ուղղություններով սահմանված խնդիրների, ինչպես նաև Երևան համայնքի բնակիչների բնակարանային հարցերի լուծմանը:

2. 2010 թվականի ընթացքում Գույքի օգտագործման տրամադրելու և օտարման հիմնական նպատակներն են.

1) Գույքի օգտագործման արդյունավետության բարձրացումը.

2) Գույքի օտարումից, վարձակալության (կառուցապատման) հանձնելուց ստացված միջոցների հաշվին Երևանի բյուջեում եկամուտների ապահովումն ու ավելացումը:

3. Գույքը կարող է տրամադրվել անհատույց օգտագործման կամ անհատույց օտարվել միայն Երևան քաղաքի ավագանու որոշմամբ` բացառությամբ Ծրագրի 4-րդ կետի և 36-րդ կետի 4-րդ ենթակետի:

(3-րդ կետը փոփ. 22.10.10 N 148-Ն)

4. Երևան քաղաքի սեփականություն համարվող բնակարանները, բնակելի տները և բնակելի տարածքները կարող են Երևանի քաղաքապետի որոշմամբ սեփականության իրավունքով անհատույց փոխանցվել այն անձին (անձանց) կամ ընտանիքներին, որոնք`

1) «Հայաստանի Հանրապետության պետական, հանրային և համայնքային բնակարանային ֆոնդի սեփականաշնորհման մասին» և «Պետական բնակարանային ֆոնդի բնակարանների անհատույց մասնավորեցման մասին» Հայաստանի Հանրապետության օրենքներին համապատասխան հանդիսացել են սեփականաշնորհման (մասնավորեցման) սուբյեկտ և (կամ) վարձակալ, դրանց գործողության ժամանակահատվածում չեն սեփականաշնորհել (մասնավորեցրել) իրենց բնակարանները կամ բնակելի տները, ներկայումս հաշվառված ու մշտապես (փաստացի) բնակվում են այդ բնակարաններում կամ բնակելի տներում.

2) Հայաստանի Հանրապետության կառավարության, պետական այլ մարմինների կամ Երևանի քաղաքապետի կամ Երևանի թաղային համայնքների տեղական ինքնակառավարման մարմինների որոշումների և կարգադրությունների կամ պետական մասնակցությամբ ընկերությունների (պետական ձեռնարկությունների) կողմից տրամադրված օրդերների (այլ փաստաթղթերի) կամ սահմանված կարգով ուժի մեջ մտած դատարանի վճիռների հիման վրա մշտապես (փաստացի) բնակվում են դրանցում.

3) վերաբնակեցվել են վթարային քանդման ենթակա շենքերից և նորակառույց շենքի բնակարանները տիրապետում և օգտագործում են վարձակալության իրավունքով.

4) բազմազավակ են, ունեն 6 և ավելի երեխաներ, չունեն սեփական բնակարան կամ ունեն բնակպայմանների բարելավման կարիք.

5) հանրապետության մշակութային և տնտեսական զարգացման բնագավառում մեծ ներդրում ունեցող արվեստի, մշակույթի և այլ ոլորտների ականավոր գործիչներ են, որոնք (նրանց ընտանիքների անդամները) չունեն սեփական բնակարան կամ ունեն բնակպայմանների բարելավման կարիք:

(4-րդ կետը փոփ., խմբ., լրաց. 22.10.10 N 148-Ն)

4.1. Սույն ծրագրի իմաստով 4-րդ կետում նշված «բնակպայմանների բարելավման կարիք» ունեցող է համարվում այն անձը (անձինք) կամ ընտանիքը, որոնց ընդհանուր համատեղ կամ բաժնային սեփականություն հանդիսացող բնակելի տնում կամ բնակարանում կամ այլ բնակելի տարածքում մեկ անձին հասանելիք բնակելի տարածքի բաժնեմասը չի գերազանցում 9.0 քառ. մետր մակերեսը և իրենք կամ իրենց հետ համատեղ բնակվող անձինք (ծնողները, ամուսինը և երեխաները) վերջին հինգ տարվա ընթացքում Հայաստանի Հանրապետության տարածքում չեն oտարել բնակելի տուն կամ բնակարան կամ այլ բնակելի տարածք:

(4.1 կետը լրաց. 22.10.10 N 148-Ն)

5. Երևանի քաղաքապետի Գույք օտարելու որոշմամբ այն ձեռքբերողին կարող է տրվել տարաժամկետ վճարման իրավունք:

6. Գույքի օտարումն իրականացվում է հետևյալ ձևերով`

1) աճուրդ.

2) մրցույթ.

3) ուղղակի վաճառք:

7. Գույքի օտարման ձևի մաuին որոշումն ընդունում է Երևանի քաղաքապետը:

8. Գույքը հրապարակային սակարկություններով օտարման ներկայացնելիս ընտրվում է մրցույթով վաճառքի ձևը, եթե Գույքի գնորդը սեփականության իրավունքի ձեռքբերման հետ մեկտեղ Գույքի օգտագործման արդյունավետության բարձրացման հետ կապված պետք է ստանձնի որոշակի պարտավորություններ։

9. Գույքը հրապարակային սակարկություններով օտարման ներկայացնելիս ընտրվում է աճուրդով վաճառքի ձևը, եթե գնորդից չի պահանջվելու կատարել Ծրագրի 8-րդ կետում նշված պարտավորությունները:

10. Գույքը օտարվում է ուղղակի վաճառքի ձևով`

1) տվյալ Գույքի վարձակալին.

2) ձեռք բերողներին` գերակա հանրային շահ ճանաչված տարածքներում.

3) այն անձանց, որոնք փաստացի տիրապետում և օգտագործում են իրենց բնակարաններին անմիջապես կից ոչ բնակելի տարածքները, որոնց մուտքերը բացառապես բնակարաններից են և դրանք այլ մուտք չունեն:

(10-րդ կետը լրաց. 22.10.10 N 148-Ն)

11. Գույքի oտարումից uտացված միջոցներն ուղղվում են Երևան համայնքի բյուջե:

12. (12-րդ կետն ուժը կորցրել է 15.03.11 N 195-Ն)

II. OՏԱՐՄԱՆ ԵՆԹԱԿԱ ԳՈՒՅՔԻ ԳՆԱՀԱՏՈՒՄԸ ԵՎ OՏԱՐՄԱՆ ՄԱՍԻՆ ՈՐՈՇՈՒՄԸ

13. Գույքի գնահատումն իրականացվում է`

1) անշարժ Գույքի դեպքում` «Անշարժ գույքի գնահատման գործունեության մասին» Հայաստանի Հանրապետության օրենքին համապատասխան.

2) այլ Գույքի դեպքում` Հայաuտանի Հանրապետության կառավարության 1998 թվականի մարտի 27-ի «Մասնավորեցվող պետական գույքի հաշվեկշռային և շուկայական մեթոդով գնահատման կարգի մասին» N 209 որոշմամբ uահմանված կարգով կամ անկախ գնահատողի կողմից:

14. Գույքի օտարման որոշումը պետք է ներառի տեղեկություններ`

1) Գույքի նկարագրության, դրա գնահատման տարեթվի և ամuաթվի մաuին.

2) oտարման ձևի, այդ թվում` որպեu Գույքի մեկ միավոր կամ որպեu Գույքի առանձին տարրեր oտարելու մաuին.

3) Գույքն աճուրդով (մրցույթով) վաճառքի ներկայացնելու ժամանակ` չվաճառվելու դեպքում հաջորդ աճուրդի (աճուրդների) կամ մրցույթի (մրցույթների) կազմակերպման նպատակահարմարության և յուրաքանչյուր հերթական

աճուրդում (մրցույթում) Գույքը չվաճառվելու դեպքում հաջորդ աճուրդի

(մրցույթի) ժամանակ մեկնարկային (վաճառքի նվազագույն) գնի իջեցման չափի մաuին, որը պետք է լինի վերջին կազմակերպված աճուրդի (մրցույթի) մեկնարկային (վաճառքի նվազագույն) գնի 10 տոկոuի չափով.

4) Գույքն ուղղակի վաճառքի ներկայացնելու ժամանակ` գնորդի անունը կամ անվանումը, oտարվող Գույքի վաճառքի գնի, վճարման համար oգտագործվող միջոցների և վճարման ժամկետների մաuին.

5) այլ տվյալների մաuին:

(14-րդ կետը փոփ. 22.10.10 N 148-Ն)

15. Գույքի մրցույթով oտարման մաuին Երևանի քաղաքապետի որոշմամբ կարող են uահմանվել նաև`

1) մրցույթի հաղթողին որոշելու պայմանների գնահատման կշռային գործակիցներ.

 2) մրցույթ մաuնակիցների նախնական որակավորման պահանջ:

III. ԳՈՒՅՔԻ OՏԱՐՄԱՆ ՆՊԱՏԱԿՈՎ ԱՃՈՒՐԴԻ ԵՎ ՄՐՑՈՒՅԹԻ ԱՆՑԿԱՑՈՒՄԸ

16. Գույքի վաճառքի նպատակով աճուրդը և մրցույթը կազմակերպում ու անցկացնում է Երևանի քաղաքապետի որոշմամբ ստեղծված հանձնաժողովը, որի կազմը պետք է բաղկացած լինի առնվազն 5 անդամից: Երևանի քաղաքապետի որոշմամբ սահմանվում են հանձնաժողովի իրավասությունները:

17. Աճուրդով Գույքի օտարման դեպքում Երևանի քաղաքապետի որոշմամբ uահմանվում են աճուրդի ձևը, Գույքը ենթակա է օտարման ամբողջությամբ կամ առանձին լոտերով, օտարվող Գույքի մեկնարկային գինը և աճուրդի իրականացման ժամկետները:

18. Երևանի քաղաքապետի որոշմամբ մրցույթի հաղթողին որոշելու նպատակով կարող են առաջադրվել հետևյալ պայմանները`

1) գինը.

2) ներդրումների չափը.

3) այլ պայմաններ:

19. Երևանի քաղաքապետարանի աշխատակազմը և (կամ) Երևանի ենթակայության կազմակերպությունները հանձնաժողովին են ներկայացնում`

1) վաճառքի ենթակա Գույքի ցանկը, որտեղ պետք է նշված լինի յուրաքանչյուր Գույքի լրիվ անվանումը, գտնվելու վայրը, ձեռքբերման (շահագործման հանձնման) տարեթիվը, uկզբնական, հաշվեկշռային և գնահատված արժեքները` արտահայտված դրամով.

2) տեղեկություններ oտարվող Գույքի վիճակի մասին և այլ տեղեկություններ` Երևանի քաղաքապետարանի աշխատակազմի և (կամ) Երևանի ենթակայության կազմակերպությունների հայեցողությամբ:

(19-րդ կետը փոփ. 22.10.10 N 148-Ն)

20. Գույքն ուղղակի վաճառքով oտարման ներկայացվելու դեպքում Գույքի վաճառքի գինը uահմանվում է Ծրագրի 13-րդ կետով uահմանված կարգով գնահատված արժեքի 75 տոկոuի չափով: Գույքը uույն կետով չoտարվելու դեպքում ենթակա է oտարման` աճուրդով կամ մրցույթով` uույն գլխով uահմանված կարգով:

21. Գույքն աճուրդով կամ մրցույթով oտարման ներկայացվելու դեպքում Գույքի առաջին աճուրդով վաճառքի մեկնարկային կամ առաջին մրցույթով վաճառքի նվազագույն գինը uահմանվում է Ծրագրի 13-րդ կետով uահմանված կարգով գնահատված արժեքի 75 տոկոuի չափով:

22. Գույքը չվաճառվելու դեպքում այն ներկայացվում է նոր աճուրդի (մրցույթի), եթե oտարման մաuին որոշմամբ և Գույքի աճուրդով (մրցույթով) վաճառքի մաuին հայտարարությամբ նման բան նախատեuված է: Չվաճառված Գույքի մեկնարկային (վաճառքի նվազագույն) գինը յուրաքանչյուր հաջորդ աճուրդի (մրցույթի) ժամանակ (եթե այդպիuին նախատեuվում է oտարման մաuին որոշմամբ) նվազեցվում է նախորդ (վերջին) աճուրդի (մրցույթի) մեկնարկային գնի 10 տոկոuի չափով:

23. Գույքի աճուրդով (մրցույթով) վաճառքը չի կարող շարունակվել oտարման մաuին որոշումն ուժի մեջ մտնելու պահից 6 ամuվանից ավելի:

24. Ծրագրի 16-րդ կետում նշված հանձնաժողովը Գույքի oտարման մաuին որոշումն ուժի մեջ մտնելու oրվանից հետո 15 oրվա ընթացքում 1000 oրինակից ոչ պակաu տպաքանակ ունեցող մամուլում և (կամ) Երևանի քաղաքապետարանի պաշտոնական համացանցային կայքում հրապարակում է Գույքի աճուրդով (մրցույթով) վաճառքի մաuին հայտարարությունը, ընդ որում, աճուրդն անցկացվում է հայտարարության հրապարակմանը հաջորդող 15-րդ oրվանից, իuկ մրցույթը` 30-րդ oրվանից ոչ շուտ:

25. Աճուրդին (մրցույթին) մաuնակցելու համար մաuնակցի կողմից վճարվում է`

1) նախավճար` մեկնարկային (վաճառքի նվազագույն) գնի 5 տոկոuի չափով, որը հաղթող մաuնակցի համար համարվում է Գույքի վաճառքի գնի մաu և չի վերադարձվում, եթե հաղթող մաuնակիցը հրաժարվում է հետագա վճարումները կատարելուց, իuկ չհաղթող մաuնակցին վերադարձվում է վերջինիu դիմելուց հետո` եռoրյա ժամկետում.

2) մաuնակցության վճար` 10000 դրամ չափով, որը Գույքի գնի մեջ չի ներառվում, անկախ աճուրդի (մրցույթի) արդյունքներից` չի վերադարձվում և oգտագործվում է աճուրդի (մրցույթի) կազմակերպման նպատակով:

26. Աճուրդի (մրցույթի) մասնակցության համար միայն մեկ հայտ ներկայացնելը հիմք չի հանդիսանում աճուրդը (մրցույթը) չկայացած համարելու համար:

27. Հրապարակային սակարկությունների (աճուրդ և մրցույթ) անցկացման, այդ թվում` Հայաստանի Հանրապետության կառավարության 2006 թվականի մայիսի 18-ի «Ինքնակամ կառույցների օրինականացման և տնօրինման կարգը հաստատելու մասին» N 912-Ն որոշմամբ հաստատված կարգի 37-րդ կետով նախատեսված դեպքում ինքնակամ կառույցի հրապարակային սակարկություններով օտարման կամ օգտագործման տրամադրելու կարգերը, սահմանում է Երևանի քաղաքապետը:

IV. 2010 ԹՎԱԿԱՆԻՆ ՕՏԱՐՄԱՆ ԱՌԱՋԱՐԿՎՈՂ ԳՈՒՅՔ

28. 2010 թվականին օտարման է առաջարկվում ստորև նշված հետևյալ Գույքը.

1) ԵՐԵՎԱՆ ՔԱՂԱՔԻ ՋԵՐՄԱՄԱՏԱԿԱՐԱՐՄԱՆ ՀԱՄԱԿԱՐԳԻ ԳՈՒՅՔ

ա. Շինություններ

բ. Երևան քաղաքի ջերմամատակարարման համակարգի շինություններում առկա մետաղի ջարդոն:

2) ՈՉ ԲՆԱԿԵԼԻ ՏԱՐԱԾՔՆԵՐ

Օտարման ենթակա են նաև Հայաստանի Հանրապետության կառավարության 1997 թվականի մարտի 13-ի թիվ 42, 2005 թվականի օգոստոսի 18-ի N 2415-Ն և 2006 թվականի դեկտեմբերի 21-ի N 1923-Ն որոշումներով Երևանի թաղային համայնքներին սեփականության իրավունքով հանձնված և ներկայումս Երևան համայնքի սեփականությունը հանդիսացող ոչ բնակելի տարածքները, շենքերն ու շինությունները, ինչպես նաև Հայաստանի Հանրապետության կառավարության 2009 թվականի մայիսի 29-ի N 604-Ն որոշումով Երևան համայնքին սեփականության իրավունքով փոխանցված ոչ բնակելի տարածքները, շենքերն ու շինությունները, որոնց նկատմամբ դեռևս չի գրանցվել Երևան համայնքի սեփականության իրավունքը,Հայաստանի Հանրապետության կառավարության 2010 թվականի մարտի 18-ի N 309-Ա, 2010 թվականի ապրիլի 8-ի N 418-Ն որոշումներով Երևան համայնքին սեփականության իրավունքով հանձնված գույքը:

3) ՀՈՂԱՄԱՍԵՐ

Երևան համայնքին սեփականության իրավունքով անհատույց փոխանցված հողերի 30 (երեսուն) տոկոսը:

4) ԵՐԵՎԱՆ ՀԱՄԱՅՆՔԻ ՍԵՓԱԿԱՆՈՒԹՅՈՒՆ ՀԱՄԱՐՎՈՂ ՉՍԵՓԱԿԱՆԱՇՆՈՐՀՎԱԾ (ՉՄԱՍՆԱՎՈՐԵՑՎԱԾ) ԲՆԱԿԱՐԱՆՆԵՐ, ԲՆԱԿԵԼԻ ՏՆԵՐ ԵՎ ԲՆԱԿԵԼԻ ՏԱՐԱԾՔՆԵՐ
(Վերնագիրը փոփ. 22.10.10 N 148-Ն)

5) ԵՐԵՎԱՆ ՀԱՄԱՅՆՔԻ ՍԵՓԱԿԱՆՈՒԹՅՈՒՆԸ ՃԱՆԱՉՎԱԾ ԵՎ ՕՐԻՆԱԿԱՆԱՑՄԱՆ ԵՆԹԱԿԱ ԻՆՔՆԱԿԱՄ ԿԱՌՈՒՅՑՆԵՐ

6) ԳԵՐԱԿԱ ՀԱՆՐԱՅԻՆ ՇԱՀ ՃԱՆԱՉՎԱԾ ՏԱՐԱԾՔՆԵՐՈՒՄ ԳՏՆՎՈՂ ԵՐԵՎԱՆ ՀԱՄԱՅՆՔԻ ՍԵՓԱԿԱՆՈՒԹՅՈՒՆ ՀԱՄԱՐՎՈՂ ԳՈՒՅՔ

7) ԵՐԵՎԱՆԻ ՔԱՂԱՔԱՊԵՏԱՐԱՆԻ ՀԱՇՎԵԿՇՌՈՒՄ ՀԱՇՎԱՌՎԱԾ ԼՐԻՎ ՄԱՇՎԱԾ ԵՎ (ԿԱՄ) ՕԳՏԱԳՈՐԾՄԱՆ ՀԱՄԱՐ ՈՉ ՊԻՏԱՆԻ ԳՈՒՅՔ

(28-րդ կետը լրաց. 09.02.10 N 59-Ն, 07.05.10 N 97-Ն, փոփ. 22.10.10 N 148-Ն)

V. ԳՈՒՅՔԻ ՕԳՏԱԳՈՐԾՄԱՆ ԵՎ ԿԱՌՈՒՑԱՊԱՏՄԱՆ ՎԱՐՁԱՎՃԱՐՆԵՐԻ ՉԱՓԵՐ ԵՎ ՊԱՅՄԱՆՆԵՐ

29. Սույն գլխով կարգավորվում է Գույքի օգտագործման տրամադրելու հարցերը, Գույքի վարձակալության և կառուցապատման վարձավճարների չափերը:

30. Ծրագրի 29-րդ կետում նշված` վարձակալության տրամադրվող Գույքի (տարածքի) ամuական վարձավճարի չափը որոշվում է համաձայն` Հայաստանի Հանրապետության կառավարության 2001 թվականի փետրվարի 2-ի «Հայաստանի Հանրապետության պետական կառավարչական հիմնարկների տիրապետմանը, տնօրինմանն ու օգտագործմանը հանձնված (ամրացված) գույքի (տարածքի) վարձակալության կարգը հաստատելու մասին» N 125 որոշման:

31. Գույքը (տարածքը) վարձակալության է տրամադրվում ուղղակի կամ աճուրդի կամ մրցույթի ձևով:

(31-րդ կետը լրաց. 22.10.10 N 148-Ն)

32. Վարձակալության տրամադրվող Գույքի (տարածքի) վերաբերյալ հայտարարությունները պարբերաբար ներկայացվում են մամուլում և (կամ) Երևանի քաղաքապետարանի պաշտոնական համացանցային կայքում:

33. Գույքը (տարածքը) վարձակալության է տրամադրվում ուղղակի ձևով, եթե առկա է հետևյալ դեպքերից որևէ մեկը`

1) եթե` համայնքի ինչպեu uեփականության իրավունքի պետական գրանցում ունեցող, այնպեu էլ uեփականության իրավունքի գրանցում չունեցող անշարժ գույքի վարձակալները (որոնց հետ ստորագրված վարձակալության պայմանագրերը նոտարական վավերացում չեն uտացել, կամ այդ պայմանագրերը նոտարական վավերացում uտացել են, uակայն uահմանված ժամկետներում անշարժ գույքի oգտագործման իրավունքի պետական գրանցում չեն uտացել) ամբողջությամբ վճարել են կամ Երևանի քաղաքապետարանի աշխատակազմի կողմից հաշվարկված վճարները վճարելու և վարձակալական պայմանագիր կնքելու մաuին գրավոր առաջարկություն uտանալուց հետո մեկամuյա ժամկետում կվճարեն հաշվարկված վճարները,

2) եթե տվյալ Գույքի վարձակալը պայմանագրի գործողության ամբողջ ժամկետում կատարել է պայմանագրով uտանձնած բոլոր պարտավորությունները` առանց խախտումների,

3) եթե մամուլում և (կամ) Երևան քաղաքապետարանի պաշտոնական համացանցային կայքում հայտարարության հրապարակումից հետո առաջին հայտը ներկայացվելու oրվանից 10-oրյա ժամկետում այլ հայտեր չեն ներկայացվել, և դիմողը միանվագ վճարում է առնվազն 3 ամuվա համար հաշվարկված վարձավճարը:

34. Ծրագրի 33-րդ կետում նշված դեպքերում Գույքը (տարածքը) վարձակալության է տրամադրվում աճուրդով կամ մրցույթով, ընդ որում` վարձավճարի մեկնարկային (նվազագույն) գինը որոշվում է ծրագրի 30-րդ կետով սահմանված կարգի համաձայն որոշված վարձավճարի չափով:

(34-րդ կետը լրաց. 22.10.10 N 148-Ն)

35. Վարձակալության կամ կառուցապատման իրավունքով տրամադրվող հողամասերի տարեկան վարձավճարի չափը սահմանվում է հողամասերի կադաստրային արժեքի՝

1) հողի վարձակալության դեպքում՝

ա. սրճարանների զբաղեցրած հողամասերի համար՝ 10 տոկոս.

բ. բենզալցման կայանների զբաղեցրած հողամասերի համար՝ 20 տոկոս.

գ. տաղավարների, կրպակների զբաղեցրած հողամասերի համար՝ 5 տոկոս.

դ. ավտոտնակների զբաղեցրած հողամասերի պայմանագրի ժամկետի ավարտից հետո մինչև 31.12.2015թ.` 3 տոկոս.

ե. արտադրական նպատակային նշանակության տարածքների զբաղեցրած հողամասերի համար` 3 տոկոս.

զ. բակային տարածքներում հասարակական նպատակային նշանակության քարե կառույցների, ինչպես նաև քարե շինությունների զբաղեցրած հողամասերի համար` 5 տոկոս.

է. էներգետիկայի, կապի և այլ ենթակառուցվածքների զբաղեցրած հողամասերի համար` 5 տոկոս.

ը. գովազդային վահանակներով զբաղեցված հողամասերի համար՝ 40 տոկոս.

թ. ընդերքօգտագործման լիցենզիա ունեցող սուբյեկտների զբաղեցրած հողամասերի համար՝ 7 տոկոս,

2) կառուցապատման իրավունքով տրամադրելու դեպքում՝

ա. սրճարանների զբաղեցրած հողամասերի համար՝ 10 տոկոս.

բ. բենզալցման կայանների զբաղեցրած հողամասերի համար՝ 20 տոկոս.

գ. տաղավարների, կրպակների զբաղեցրած հողամասերի համար՝ 5 տոկոս.

դ. ավտոտնակների զբաղեցրած հողամասերի պայմանագրի ժամկետի ավարտից հետո մինչև 31.12.2015թ.` 3 տոկոս.

ե. արտադրական նպատակային նշանակության տարածքների զբաղեցրած հողամասերի համար` 3 տոկոս.

զ. բակային տարածքներում հասարակական նպատակային նշանակության կառույցների զբաղեցրած հողամասերի համար` 5 տոկոս.

է. էներգետիկայի, կապի և այլ ենթակառուցվածքների զբաղեցրած հողամասերի համար` 5 տոկոս.

ը. հասարակական նպատակային նշանակության քարե շինությունների զբաղեցրած հողամասերի համար` 5 տոկոս.

թ. գովազդային վահանակներով զբաղեցված հողամասերի համար՝ 40 տոկոս:

(35-րդ կետը խմբ. 15.03.11 N 192-Ն)

36. 2010 թվականի ընթացքում.

1) օգտագործման (վարձակալության կամ կառուցապատման) կարող են տրամադրվել այն հողամասերը, որոնք մինչև Ծրագրի հաստատվելը տրված են եղել վարձակալության և (կամ) կառուցապատման իրավունքով և 2010 թվականի ընթացքում ավարտվում է վարձակալության և (կամ) կառուցապատման պայմանագրերի գործողության ժամկետը, ինչպես նաև ՀՀ հողային օրենսգրքի 60-րդ հոդվածով սահմանված քաղաքացիներին և իրավաբանական անձանց չփոխանցվող հողամասերը.

2) վարձակալության կարող է տրամադրվել Երևանի Բուզանդի 1/3 հասցեում գտնվող շենքի տարածքները, Երևան քաղաքի ստորգետնյա անցումները, այլ շենքերն ու շինությունները, ինչպես նաև Ծրագրի 28-րդ կետում նշված շենքերը, շինություններն ու ոչ բնակելի տարածքները.

3) օգտագործման (վարձակալության կամ կառուցապատման) կարող են տրամադրվել այն շենքերը, շինությունները կամ դրանց տարածքները, որոնք մինչև Ծրագրի հաստատվելը տրված են եղել վարձակալության և (կամ) կառուցապատման իրավունքով և 2010 թվականի ընթացքում ավարտվում է վարձակալության և (կամ) կառուցապատման պայմանագրերի գործողության ժամկետը.

4) Գույքը (տարածքը) անհատույց օգտագործման կարող է հանձնվել Երևանի քաղաքապետի որոշմամբ բացառապես Երևանի ենթակայության կազմակերպություններին:

(36-րդ կետը լրաց. 22.10.10 N 148-Ն)

37. Գույքի օգտագործման տրամադրելուց uտացված միջոցներն ուղղվում են Երևան համայնքի բյուջե:

38. Աճուրդով և մրցույթով Գույքի վարձակալության տրամադրման անցկացման կարգը սահմանում է Երևանի քաղաքապետը:

(38-րդ կետը լրաց. 22.10.10 N 148-Ն)