ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

29 ապրիլի 2010 թվականի N 458-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ ՆԱԽԱՐԱՐՈՒԹՅԱՆԸ ՔԱՂԱՔԱՇԻՆԱԿԱՆ ԾՐԱԳՐԱՅԻՆ ՓԱՍՏԱԹՂԹԵՐԻ ՄՇԱԿՄԱՆ ՆՊԱՏԱԿՈՎ ԵԼԱԿԵՏԱՅԻՆ ՏՎՅԱԼՆԵՐ ՁԵՌՔ ԲԵՐԵԼՈՒ ՀԱՄԱՐ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ

«Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետին համապատասխան` Հայաստանի Հանրապետության կառավարությունը որոշում է.

1. Սևանա լճի ավազանի համայնքներին քաղաքաշինական ծրագրային փաստաթղթերի մշակմանն աջակցելու նպատակով Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեից քաղաքաշինական ծրագրային փաստաթղթերի մշակման համար անհրաժեշտ ելակետային տվյալներ (այսուհետ` ելակետային տվյալներ) ձեռք բերելու համար Հայաստանի Հանրապետության քաղաքաշինության նախարարությանը երկրորդ եռամսյակում հատկացնել 22,972.5 հազ. դրամ` Հայաստանի Հանրապետության 2010 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին (բյուջետային ծախսերի տնտեսագիտական դասակարգման «Մասնագիտական ծառայություններ» հոդվածով):

(1-ին կետը փոփ. 23.12.10 N 1777-Ն)

2. Հաստատել ելակետային տվյալներ ստացող` Հայաստանի Հանրապետության Գեղարքունիքի մարզի համայնքների ցանկը` համաձայն հավելվածի:

3. Հայաստանի Հանրապետության քաղաքաշինության նախարարին` ելակետային տվյալները սույն որոշման հավելվածում ներառված համայնքներին տրամադրել համայնքների հետ կնքված պայմանագրերի հիման վրա, որոնցում նախատեսվում են հետևյալ պայմանները`

1) համայնքի քաղաքաշինական ծրագրային փաստաթղթերի մշակման աշխատանքների ֆինանսավորումը (բացառությամբ ելակետային տվյալների ձեռքբերման) իրականացվում է տվյալ համայնքի միջոցների հաշվին.

2) Հայաստանի Հանրապետության քաղաքաշինության նախարարությունը պարտավորվում է պայմանագրում նշված ժամկետներում ելակետային տվյալները տրամադրել համայնքին.

3) ելակետային տվյալների տրամադրման պահից քաղաքաշինական ծրագրային փաստաթղթերի մշակման ժամանակահատվածը (տևողությունը).

4) համայնքի պատասխանատվությունը` համայնքի կողմից սույն կետի 3-րդ ենթակետով նախատեսված ժամկետում պայմանագրի դրույթների չկատարման դեպքում, այն է` համայնքի քաղաքաշինական ծրագրային փաստաթղթերի մշակման նպատակով տրամադրված ելակետային տվյալների համար այդ համայնքի գծով հատկացված գումարի` օրենքով սահմանված կարգով վերադարձնելը համայնքի բյուջեից Հայաստանի Հանրապետության պետական բյուջե.

5) այլ դրույթներ, որոնք կնպաստեն ելակետային տվյալների տրամադրման նպատակի իրականացմանը:

4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Ց Ա Ն Կ

ՔԱՂԱՔԱՇԻՆԱԿԱՆ ԾՐԱԳՐԱՅԻՆ ՓԱՍՏԱԹՂԹԵՐԻ ՄՇԱԿՄԱՆ ՀԱՄԱՐ ԱՆՀՐԱԺԵՇՏ ԵԼԱԿԵՏԱՅԻՆ ՏՎՅԱԼՆԵՐ ՍՏԱՑՈՂ` ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՂԱՐՔՈՒՆԻՔԻ ՄԱՐԶԻ ՀԱՄԱՅՆՔՆԵՐԻ