«Գրանցված է»

ՀՀ արդարադատության

նախարարության կողմից

25 հոկտեմբերի 2010 թ.

Պետական գրանցման թիվ 60510381

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՔԱՂԱՔԱՑԻԱԿԱՆ ԾԱՌԱՅՈՒԹՅԱՆ ԽՈՐՀՈՒՐԴ

Ո Ր Ո Շ ՈՒ Մ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՑԻԱԿԱՆ ԾԱՌԱՅՈՒԹՅԱՆ ԽՈՐՀՐԴԻ 2002 ԹՎԱԿԱՆԻ ՀՈՒՆԻՍԻ 1-Ի N 14-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Քաղաքացիական ծառայության մասին» Հայաստանի Հանրապետության օրենքի 30-րդ հոդվածի 3-րդ մասով՝ Հայաստանի Հանրապետության քաղաքացիական ծառայության խորհուրդը որոշում է.

Հայաստանի Հանրապետության քաղաքացիական ծառայության խորհրդի 2002 թվականի հունիսի 1-ի «Քաղաքացիական ծառայողների անձնական գործերը և գրանցամատյանը վարելու կարգը հաստատելու մասին» N 14-Ն որոշմամբ հաստատված հավելվածի`

1) 3-րդ կետում «կադրերի գործի վարման ստորաբաժանումը (այսուհետ՝ կադրային ստորաբաժանում)» բառերը փոխարինել «անձնակազմի կառավարման ստորաբաժանումը (այսուհետ՝ անձնակազմի կառավարման ստորաբաժանում), իսկ քաղաքացիական ծառայության կադրերի կարճաժամկետ ռեզերվում գրանցված քաղաքացիական ծառայողների անձնական գործերը` Հայաստանի Հանրապետության քաղաքացիական ծառայության խորհրդի (այսուհետ՝ Խորհուրդ) աշխատակազմը» բառերով.

2) 6-րդ կետի երկրորդ պարբերությունը «վարման սկիզբը,» բառերից հետո լրացնել «վերսկսման,» բառով.

3) 7-րդ կետի`

ա. «բ» ենթակետը «եզրակացությունը» բառից հետո լրացնել «, իսկ քաղաքացիական ծառայության կրտսեր պաշտոն զբաղեցնելու դեպքում՝ հավաստագրի պատճենը» բառերով,

բ. «զ²» ենթակետում «կատարվելուց» բառից հետո լրացնել «, ինչպես նաև քաղաքացիական ծառայության ժամանակավոր թափուր պաշտոն զբաղեցնելու համար ժամկետային աշխատանքային պայմանագիր կնքելուց» բառերով,

գ. «է» ենթակետը «իրավական ակտի» բառերից հետո լրացնել «պատճենը կամ» բառերով,

դ. «ժէ» ենթակետից հանել «քաղաքացիական ծառայության պաշտոնի նշանակվելու,» բառերը.

4) 9-րդ, 11-րդ, 12-րդ, 13-րդ, 14-րդ, 15-րդ, 21-րդ, 23-րդ և 23¹-րդ կետերում, ինչպես նաև NN 2 և 5 ձևերում «կադրային» բառը փոխարինել «անձնակազմի կառավարման» բառերով.

5) 17-րդ կետում «Հայաստանի Հանրապետության քաղաքացիական ծառայության խորհուրդ (այսուհետ՝ Խորհուրդ)» բառերը փոխարինել «Խորհուրդ» բառով.

6) 31-րդ կետի`

ա. «ը» ենթակետում «և որակավորումը» բառերը փոխարինել «, որակավորումը կամ կրթական աստիճանը, դիպլոմի կամ վկայականի սերիան, համարը և տրման ամսաթիվը» բառերով,

բ. լրացնել հետևյալ բովանդակությամբ «ը.1» և «ժզ.1» ենթակետերով.

«ը.1) օտար լեզվի իմացությունը, տիրապետման աստիճանը.»,

«ժզ.1) աշխատանքային գրքույկի (միջուկի) սերիան, համարը և տրման ամսաթիվը.»,

գ. «ժզ» ենթակետը «քաղաքացիական ծառայության ստաժը» բառերից հետո լրացնել «և մասնագիտական աշխատանքային ստաժը» բառերով.

7) 36-րդ կետի`

ա. «ա» ենթակետը «նշված տվյալները» բառերից հետո լրացնել «(Ձև 7)» բառերով,

բ. «բ» և «դ» ենթակետերն ուժը կորցրած ճանաչել.

8) N 2 ձևի 7-րդ կետից հանել «կարդում և թարգմանում է բառարանով,» բառերը.

9) N 7 ձևը շարադրել նոր խմբագրությամբ` համաձայն հավելվածի.

10) N 8 ձևն ուժը կորցրած ճանաչել:

Տ Ե Ղ Ե Կ ՈՒ Թ Յ ՈՒ Ն Ն Ե Ր

Նոր նշանակված քաղաքացիական ծառայողների և գրանցամատյանում ընդգրկված քաղաքացիական

ծառայողների հաշվառման տվյալների փոփոխությունների մասին

________________________________________________________________

համապատասխան մարմնի անվանումը