ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
24 սեպտեմբերի 2010 թվականի N 1259-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ՊԱՇՏՈՆԱԿԱՆ ՓԱՍՏԱԹՂԹԱՇՐՋԱՆԱՌՈՒԹՅՈՒՆՈՒՄ ՊԱՐՏԱԴԻՐ ԿԻՐԱՌՄԱՆ ՀԱՅԿԱԿԱՆ ՀԱՄԱԿԱՐԳՉԱՅԻՆ ՏԱՌԱՏԵՍԱԿՆԵՐԸ ՀԱՍՏԱՏԵԼՈՒ ՄԱՍԻՆ
Ելնելով ժամանակակից էլեկտրոնային տեղեկատվական և հաղորդակցման համակարգերում, այդ թվում` էլեկտրոնային պետական պաշտոնական փաստաթղթաշրջանառության ժամանակ «ՅՈՒՆԻԿՈԴ» (Unicode) կոդավորման համակարգին համապատասխան հայկական տառատեսակների ներդրման և կիրառության անհրաժեշտությունից, ինչպես նաև հաշվի առնելով «Հեղինակային իրավունքի մասին» Հայաստանի Հանրապետության օրենքի դրույթներն ու հեղինակային իրավունքի վերաբերյալ Հայաստանի Հանրապետության միջազգային պարտավորությունները և ՀՍՏ 311-2009 «Հայկական համակարգչային տառատեսակներ» ստանդարտով սահմանված չափորոշիչները` Հայաստանի Հանրապետության կառավարությունը որոշում է.
1. Հաստատել Հայաստանի Հանրապետության պետական պաշտոնական փաստաթղթաշրջանառությունում պարտադիր կիրառման հայկական համակարգչային տառատեսակները` համաձայն հավելվածի:
2. Սահմանել, որ սույն որոշման 1-ին կետով հաստատված տառատեսակները`
1) Հայաստանի Հանրապետության սեփականությունն են.
2) անարգել կարող են օգտագործվել ֆիզիկական և իրավաբանական անձանց կողմից էլեկտրոնային տեղեկատվական հաղորդակցման համակարգերում:
3. Հայաստանի Հանրապետության պետական կառավարման մարմինների ղեկավարներին` սույն որոշումն ընդունվելուց հետո մեկամսյա ժամկետում ապահովել հայկական համակարգչային տառատեսակների կիրառումը պաշտոնական փաստաթղթաշրջանառությունում:
4. Հայաստանի Հանրապետության մշակույթի նախարարին` մինչև 2011 թվականի մարտի 15-ը Հայաստանի Հանրապետության տարածքային կառավարման, Հայաստանի Հանրապետության կրթության և գիտության, Հայաստանի Հանրապետության էկոնոմիկայի, Հայաստանի Հանրապետության առողջապահության, Հայաստանի Հանրապետության տրանսպորտի և կապի, Հայաստանի Հանրապետության սփյուռքի նախարարների հետ համատեղ քննարկել և Հայաստանի Հանրապետության կառավարություն ներկայացնել «Հայկական համակարգչային տառատեսակների կիրառման ճյուղային չափորոշիչների մասին» հայեցակարգի նախագիծը:
5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
|
Հայաստանի Հանրապետության |
Տ. Սարգսյան |
|
|
|
Հավելված ՀՀ կառավարության 2010 թվականի սեպտեմբերի 24-ի N 1259-Ն որոշման |
Հայաստանի Հանրապետության պետական պաշտոնական փաստաթղթաշրջանառությունում պարտադիր կիրառման հայկական համակարգչային տառատեսակները
1. «Գրապալատ» տառատեսակ (N 1 ձև)
Տեխնիկական բնութագիրը
Տեսակաշարի անվանումը` «Գրապալատ»
Հեղինակ` Էդիկ Ղաբուզյան
Ստեղծման տարեթիվը` 2008 թ.
Հեղինակային իրավունքի կրողը` «Հայաստանի ազգային գրապալատ» ՊՈԱԿ
Համակարգչային անվանումը` «ՂԷԱ Գրապալատ» (GHEA Grapalat)
Տեսակը` առանց ծայրատների (San Serif)
Կոդավորման համակարգը` «ՅՈՒՆԻԿՈԴ» (Unicode)
Տեսակաշարը գեներացված է Open Tipe եղանակով
Նախագծումը` օրիգինալ (չունի լատինական, կիրիլյան կամ հունական նախատեսակ)
Տեսակաշարը պարունակում է հայկական, լատինական, կիրիլյան և հունական այբուբենների բոլոր անհրաժեշտ գրանշանները, այդ թվում` այբուբենների լրակազմը, կետադրական նշանները, թվանշաններն ու մաթեմատիկական գործողությունների հիմնական նշանները:
Տեսակաշարի բոլոր ոճերը
Տեսակաշարը ներկայացված է 4 ոճով` սովորական, թեք, թավ և թավ թեք (Regular, Italic, Bold, Bold Italic):
Տեսակաշարի բոլոր ոճերը (Regular, Italic, Bold, Bold Italic) պարունակում են նշված այբբենական համակարգերի անհրաժեշտ կցագրերը (Ligatures):
Տառատեսակում իրականացված են կետաշտկում (Hinting) և ծոցավորում (Kerning), որոնց շնորհիվ տառատեսակով ներկայացված տեքստերն ընթեռնելի են թե էկրանից, թե տպագրված վիճակում, և հայերեն առոգանական նշանները տեղադրվում են համապատասխան ձայնավորի վրա:
Տառատեսակը կիրառելի է թե ԱյԲիԷմ (IBM), թե Մաքինթոշ (Macintosh) համակարգիչներում:
2. «Մարիամ» տառատեսակ (N 2 ձև)
Տեխնիկական բնութագիրը
Տեսակաշարի անվանումը` «Մարիամ»
Հեղինակ` Էդիկ Ղաբուզյան
Ստեղծման տարեթիվը` 2008 թ.
Հեղինակային իրավունքի կրողը` «Հայաստանի ազգային գրապալատ» ՊՈԱԿ
Համակարգչային անվանումը` «ՂԷԱ Մարիամ» (GHEA Mariam)
Տեսակը` երկկողմ ծայրատներով (Serif)
Կոդավորման համակարգը` «ՅՈՒՆԻԿՈԴ» (Unicode)
Տեսակաշարը գեներացված է Open Tipe եղանակով
Նախագծումը` օրիգինալ (չունի լատինական, կիրիլյան կամ հունական նախատեսակ)
Տեսակաշարը պարունակում է հայկական, լատինական, կիրիլյան և հունական այբուբենների բոլոր անհրաժեշտ գրանշանները, այդ թվում` այբուբենների լրակազմը, կետադրական նշանները, թվանշաններն ու մաթեմատիկական գործողությունների հիմնական նշանները:
Տեսակաշարի բոլոր ոճերը
Տեսակաշարը ներկայացված է 4 ոճով` սովորական, թեք, թավ և թավ թեք (Regսlar, Italic, Bold, Bold Italic):
Տեսակաշարի բոլոր ոճերը (Regսlar, Italic, Bold, Bold Italic) պարունակում են նշված այբբենական համակարգերի անհրաժեշտ կցագրերը (Ligatures):
Տառատեսակում իրականացված են կետաշտկում (Hinting) և ծոցավորում (Kerning), որոնց շնորհիվ տառատեսակով ներկայացված տեքստերն ընթեռնելի են թե էկրանից, թե տպագրված վիճակում և հայերեն առոգանական նշանները տեղադրվում են համապատասխան ձայնավորի վրա:
Տառատեսակը կիրառելի է թե ԱյԲիԷմ (IBM), թե Մաքինթոշ (Macintosh) համակարգիչներում:
|
Հայաստանի Հանրապետության կառավարության աշխատակազմի ղեկավար |
Դ. Սարգսյան |