Ա Ր Ձ Ա Ն Ա Գ Ր ՈՒ Թ Յ ՈՒ Ն

«Անկախ Պետությունների Համագործակցության մասնակից պետությունների տարածքներով տարանցման կարգի մասին» 1999 թվականի հունիսի 4-ի համաձայնագրի (այսուհետ՝ համաձայնագիր) մասնակից պետությունների կառավարությունները, այսուհետ՝ Կողմեր, համաձայնագրի 10-րդ հոդվածին համապատասխան

համաձայնեցին հետեւյալի մասին՝

Համաձայնագրում կատարել հետեւյալ փոփոխությունները՝

1. Նախաբանի երկրորդ պարբերությունը շարադրել հետեւյալ խմբագրությամբ՝ «հաշվի առնելով «Տնտեսական միության ստեղծման մասին» 1993 թվականի սեպտեմբերի 24-ի պայմանագրի, Համագործակցության պետությունների ղեկավարների խորհրդի 1995 թվականի փետրվարի 10-ի որոշմամբ ընդունված՝ Անկախ Պետությունների Համագործակցության մասնակից պետությունների մաքսային օրենսդրությունների հիմունքների, «Ազատ առեւտրի գոտու ստեղծման մասին» 1994 թվականի ապրիլի 15-ի համաձայնագրի, դրանում փոփոխություններ եւ լրացումներ կատարելու մասին 1999 թվականի ապրիլի 2-ի արձանագրության, «Մաքսային գործերում համագործակցության եւ փոխօգնության մասին» 1994 թվականի ապրիլի 15-ի համաձայնագրի եւ «Ազատ առեւտրի գոտու մասին» 2011 թվականի հոկտեմբերի 18-ի պայմանագրի դրույթները»։

2. 3-րդ հոդվածի հինգերորդ պարբերությունը լրացնել «բացառությամբ սույն համաձայնագրի 4-րդ հոդվածով սահմանված դեպքերի» բառերով։

3. 7-րդ հոդվածի «գ» կետը հանել։

Սույն արձանագրությունն ուժի մեջ է մտնում այն ուժի մեջ մտնելու համար անհրաժեշտ ներպետական ընթացակարգերը Կողմերի կողմից կատարելու մասին երրորդ ծանուցումն ավանդապահի կողմից ստանալու օրվանից:

Ներպետական ընթացակարգերն ավելի ուշ կատարած Կողմերի համար սույն արձանագրությունն ուժի մեջ է մտնում համապատասխան փաստաթղթերն ավանդապահին հանձնելու օրվանից։

Կատարված է Աշխաբադ քաղաքում, 2019 թվականի մայիսի 31-ին, մեկ բնօրինակից՝ ռուսերենով։ Բնօրինակը պահվում է Անկախ Պետությունների Համագործակցության գործադիր կոմիտեում, որը սույն արձանագրությունը ստորագրած յուրաքանչյուր պետություն կուղարկի դրա հաստատված պատճենը։

Ադրբեջանի Հանրապետությունը «Ազատ առեւտրի գոտու մասին» 2011 թվականի հոկտեմբերի 18-ի պայմանագրի մասնակից չի հանդիսանում: