«Գրանցված է»

ՀՀ արդարադատության

նախարարության կողմից

16 ապրիլի 2010 թ.

Պետական գրանցման թիվ 05010163

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

Ո Ր Ո Շ ՈՒ Մ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 2008 ԹՎԱԿԱՆԻ ԱՊՐԻԼԻ 22-Ի ԹԻՎ 140-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Արժեթղթերի շուկայի մասին» Հայաստանի Հանրապետության օրենքի 82-րդ հոդվածը և ղեկավարվելով «Հայաստանի Հանրապետության Կենտրոնական բանկի մասին» Հայաստանի Հանրապետության օրենքի 20-րդ հոդվածի «ե» կետով և «Իրավական ակտերի մասին» Հայաստանի Հանրապետության օրենքի 16-րդ հոդվածի 1-ին մասով` Հայաստանի Հանրապետության կենտրոնական բանկի խորհուրդը որոշում է.

1. Հայաստանի Հանրապետության կենտրոնական բանկի խորհրդի 2008 թվականի ապրիլի 22-ի ««Ներդրումային ծառայություններ մատուցող անձանց` Կենտրոնական բանկ ներկայացվող հաշվետվությունները, դրանց ներկայացման կարգը, ձևը և ժամկետները» կանոնակարգ 4/03-ը հաստատելու մասին» թիվ 140-Ն որոշմամբ հաստատված «Ներդրումային ծառայություններ մատուցող անձանց` Կենտրոնական բանկ ներկայացվող հաշվետվությունները, դրանց ներկայացման կարգը, ձևը և ժամկետները» կանոնակարգ 4/03-ում (այսուհետ` Կանոնակարգ 4/03) կատարել հետևյալ փոփոխություններն ու լրացումները.

1) Կանոնակարգ 4/03-ի 2-րդ կետը լրացնել 15) ենթակետով՝ հետևյալ բովանդակությամբ.

«15) «Կանոնակարգ 4/02» Հայաստանի Հանրապետության կենտրոնական բանկի խորհրդի 2008 թվականի փետրվարի 12-ի «Ներդրումային ընկերությունների հիմնական տնտեսական նորմատիվները, դրանց սահմանաչափերը, հաշվարկման կարգը, հաշվարկում մասնակցող տարրերի կազմը, սահմանված տնտեսական նորմատիվների խախտումների չափը» կանոնակարգ 4/02-ը հաստատելու մասին» թիվ 44-Ն որոշմամբ հաստատված «Ներդրումային ընկերությունների հիմնական տնտեսական նորմատիվները, դրանց սահմանաչափերը, հաշվարկման կարգը, հաշվարկում մասնակցող տարրերի կազմը, սահմանված տնտեսական նորմատիվների խախտումների չափը» կանոնակարգ 4/02:»:

2) Կանոնակարգ 4/03-ի 4-րդ կետի աղյուսակի 3-րդ կետի հաշվետվության անվանումը սյունակում «Հաշվետվության հիմնական տնտեսական նորմատիվների վերաբերյալ» բառերը փոխարինել «Ընդհանուր կապիտալի նվազագույն չափի և Ն1 նորմատիվների վերաբերյալ» բառերով, իսկ ներկայացման հաճախականությունը սյունակում «ամսական» բառը` «ամսական, սույն կանոնակարգի 20.1. կետում սահմանված ժամկետում» բառերով:

3) Ուժը կորցրած ճանաչել Կանոնակարգ 4/03-ի 4-րդ կետի աղյուսակի 13-րդ, 14-րդ, 15-րդ և 16-րդ կետերը:

4) Կանոնակարգ 4/03-ի 8-րդ կետը շարադրել հետևյալ խմբագրությամբ.

«8. Բանկերը, որոնք մատուցում են ներդրումային ծառայություններ, բացի Հայաստանի Հանրապետության կենտրոնական բանկի խորհրդի 2008 թվականի փետրվարի 26-ի ««Բանկերի հաշվետվությունները, դրանց ներկայացումը և հրապարակումը» կանոնակարգ 3-ը հաստատելու մասին» թիվ 50-Ն որոշմամբ հաստատված կանոնակարգ 3-ի 2-րդ կետով սահմանված հաշվետվություններից, ներկայացնում են սույն կանոնակարգի 4-րդ կետով սահմանված Թիվ 6, 7, 8, 9, 10, 17 և (կամ) 18 հաշվետվությունները` հաշվի առնելով սույն կանոնակարգի 5-րդ կետի պահանջները:»:

5) Կանոնակարգ 4/03-ը լրացնել 20.1 կետով՝ հետևյալ բովանդակությամբ.

«20.1. Թիվ 3 հաշվետվության 2-րդ աղյուսակը ներկայացվում է սույն կանոնակարգի 39.3.-րդ կետում սահմանված դեպքերի ի հայտ գալուց հետո անհապաղ, բայց ոչ ուշ, քան հաջորդ աշխատանքային օրվա ավարտը: Անկախ այն հանգամանքից 39.3-րդ կետում սահմանված դեպքերն ի հայտ են եկել, թե ոչ, սույն աղյուսակը պարտադիր ներկայացման է ենթակա ամսական կտրվածքով:»:

6) Կանոնակարգ 4/03-ի 34-րդ, 35-րդ, 72-րդ, 74-րդ, 76-րդ և 127-րդ կետերը լրացնել հետևյալ նախադասությամբ. «Ընդ որում՝ սույն հաշվետվությունը լրացվում է հազար դրամներով:»:

7) Կանոնակարգ 4/03-ի Բաժին III-ի ԳԼՈՒԽ 3-ը շարադրել հետևյալ խմբագրությամբ.

«Գ Լ ՈՒ Խ  3

ԸՆԴՀԱՆՈՒՐ ԿԱՊԻՏԱԼԻ ՆՎԱԶԱԳՈՒՅՆ ՉԱՓԻ ԵՎ Ն1 ՆՈՐՄԱՏԻՎՆԵՐԻ ՎԵՐԱԲԵՐՅԱԼ ԹԻՎ 3 ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ

38. Թիվ 3 հաշվետվությունում ներկայացվում են ընդհանուր կապիտալի նվազագույն չափի ու ընդհանուր կապիտալի և ռիսկով կշռված ակտիվների միջև սահմանային հարաբերակցության՝ Ն1 նորմատիվների վերաբերյալ տեղեկությունները, որոնք հաշվարկվում են Կանոնակարգ 4/02-ով սահմանված կարգով: Այն օրերին, երբ ներդրումային ընկերության հաշվեկշիռը փոփոխություն չի կրել (ներառյալ ոչ աշխատանքային օրերը), սույն հաշվետվությունում լրացվում են նախորդ օրվա տվյալները: Եթե ներդրումային ընկերությունը Ֆինանսական հաշվետվությունների միջազգային ստանդարտների համաձայն և ընկերության հաշվապահական հաշվառման քաղաքականությամբ նախատեսված լինելու դեպքում ձևավորել է պահուստներ, ապա տվյալ պահուստների մեծությունը նույնպես լրացվում է սույն հաշվետվությունում:

39. Թիվ 3 հաշվետվությունը բաղկացած է 14 աղյուսակից, որոնք լրացվում են սույն կանոնակարգի 39.1-ից 39.28-րդ կետերի համաձայն:

39.1. 1-ին աղյուսակում ներկայացվում և ամփոփվում են հիմնական տնտեսական նորմատիվների հաշվարկին մասնակցող ամսվա միջին օրական ցուցանիշներն ու տնտեսական նորմատիվների փաստացի մեծությունները՝ հաշվարկված համաձայն Կանոնակարգ 4/02-ի: 1-ին աղյուսակի 1-ից 5-րդ սյունակներում ամփոփվում են, համապատասխանաբար, ընդհանուր կապիտալի, վարկային ռիսկի, արտարժութային ռիսկի, տոկոսադրույքի ռիսկի, բաժնային արժեթղթերի գնային ռիսկի նորմատիվային ամսվա միջին օրական մեծությունները, իսկ 6-րդ սյունակում՝ գործառնական ռիսկի նորմատիվային մեծությունը: 2-րդ սյունակի վարկային ռիսկի հաշվարկն իրականացվում է սույն հաշվետվության 3, 4, 5, 6, 7 աղյուսակների համաձայն: 3-րդ սյունակի արտարժութային ռիսկի հաշվարկն իրականացվում է 8-րդ և 9-րդ աղյուսակների համաձայն, 4-րդ սյունակի տոկոսադրույքի ռիսկի հաշվարկն իրականացվում է 11-րդ և 12-րդ սյունակների համաձայն, 5-րդ սյունակի բաժնային արժեթղթերի գնային ռիսկի հաշվարկն իրականացվում է 13-րդ աղյուսակի համաձայն, իսկ 6-րդ սյունակի գործառնական ռիսկի հաշվարկը` 14-րդ աղյուսակի համաձայն:

39.2. 2-րդ աղյուսակում ներկայացվում են ըստ ամսվա բոլոր օրերի ընդհանուր կապիտալի հաշվեկշռային և նորմատիվային մեծությունները, ինչպես նաև նորմատիվային կապիտալի հաշվարկի համար Կանոնակարգ 4/02-ով նախատեսված անհրաժեշտ նվազեցումները, ընդ որում՝ այս նվազեցումները լրացվում են բացարձակ արժեքով:

39.3. Սույն կանոնակարգի 20.1-րդ կետում նշված ժամկետում Թիվ 3 հաշվետվությունը ենթակա է ներկայացման այն դեպքում, երբ

1) օրական կտրվածքով հաշվարկելիս տվյալ օրվա փաստացի նորմատիվային ընդհանուր կապիտալի մեծությունը նվազել է Կանոնակարգ 4/02-ով սահմանված նորմատիվային ընդհանուր կապիտալի նվազագույն չափի 120 տոկոսից: Այս դեպքում, սույն հաշվետվությունը ներկայացվում է ամեն անգամ ընդհանուր կապիտալի նվազագույն չափի 120 տոկոսից նվազելու դեպքում: Այսինքն՝ եթե առաջին անգամ ընդհանուր կապիտալի նվազագույն չափի 120 տոկոսից նվազելու դեպքում հաշվետվության ներկայացմանը անմիջականորեն հաջորդում է որոշակի ժամանակաշրջան, որի ընթացքում նորմատիվային ընդհանուր կապիտալի մեծությունը պահպանվում է ցածր իր նվազագույն չափի 120 տոկոսից, սակայն հավասար կամ մեծ նորմատիվային ընդհանուր կապիտալի նվազագույն չափից, ապա տվյալ ժամանակաշրջանի համար սույն հաշվետվությունը չի ներկայացվում: Սակայն, եթե նորմատիվային ընդհանուր կապիտալը նորից բարձրանում է իր նվազագույն չափի 120 տոկոսից և կրկին իջնում այդ սահմանաչափից, ապա սույն հաշվետվությունը ներկայացվում է,

2) օրական կտրվածքով հաշվարկելիս տվյալ օրվա փաստացի նորմատիվային ընդհանուր կապիտալի մեծությունը փոքր է Կանոնակարգ 4/02-ով սահմանված նորմատիվային ընդհանուր կապիտալի նվազագույն չափից:

39.4. Սույն կանոնակարգի 39.3-րդ կետով սահմանված դեպքում 2-րդ աղյուսակը Կենտրոնական բանկ ներկայացնելիս Թիվ 3 հաշվետվության 2-րդ աղյուսակում չի լրացվում «թ. -ից մինչև ----------թ.» մասը, «Ամսաթիվը» մասում նշվում է 2-րդ աղյուսակի Կենտրոնական բանկ ներկայացման ամսաթիվը և լրացվում է ամսվա այն օրվա տողը, որի համար հաշվարկելիս ի հայտ է եկել սույն կանոնակարգի 39.3-րդ կետով սահմանված դեպք(եր)ը:

39.5. 3-րդ աղյուսակում ներկայացվում են վարկային ռիսկի հաշվարկը` ըստ օրերի: Ընդ որում՝ 3-րդ աղյուսակում չեն ներկայացվում այն ակտիվները, որոնց վրա տարածվում է վարկային ռիսկի զսպման մեխանիզմը (այսուհետ՝ ՎՌԶՄ): 3-րդ աղյուսակի 1-ին, 3-րդ, 5-րդ, 7-րդ, 9-րդ և 11-րդ սյունակներում լրացվում են ըստ ռիսկի կշիռների խմբավորված ակտիվների հանրագումարները` հազար դրամներով, իսկ 2-րդ, 4-րդ, 6-րդ, 8-րդ, 10-րդ և 12-րդ սյունակներում՝ համապատասխան ռիսկի կշիռ ունեցող ակտիվների հնարավոր կորուստների պահուստների մեծությունները` հազար դրամներով: 13-րդ սյունակում ամփոփվում է այն ակտիվների գծով վարկային ռիսկը, որոնց վրա չի տարածվում ՎՌԶՄ-ն:

39.6. 4-րդ աղյուսակում լրացվում է ՎՌԶՄ ենթակա ակտիվների գծով վարկային ռիսկի հաշվարկն` ըստ օրերի: Ընդ որում՝ 4-րդ աղյուսակում ներկայացվում են այն ակտիվները, որոնց մեծությունը, համաձայն Կանոնակարգ 4/02-ի, չի ճշգրտվում արժեքի տատանման գործակիցներով:

39.7. Թիվ 3 հաշվետվության 4-րդ աղյուսակի սյունակները լրացվում են հետևյալ լրացման հրահանգին համապատասխան.

1) «ՎՌԶՄ ենթակա ակտիվների ընդհանուր գումարը» սյունակում լրացվում է ՎՌԶՄ-ի ենթակա ակտիվների ընդհանուր գումարը՝ հազար դրամներով:

2) «Ակտիվների հնարավոր կորուստների պահուստ» սյունակում լրացվում է ՎՌԶՄ ենթակա ակտիվների գծով ձևավորված հնարավոր կորուստների պահուստի մեծությունը՝ բացարձակ արժեքով (հազար դրամներով):

3) «Ակտիվների մեծությունը, որոնց ռիսկի կշիռը ՎՌԶՄ կիրառման արդյունքում փոխվել է» սյունակում լրացվում է ՎՌԶՄ ենթակա ակտիվների այն մեծությունը` հազար դրամներով, որոնց ռիսկի կշիռը ՎՌԶՄ կիրառման արդյունքում փոխվել է:

4) «ՎՌԶՄ կիրառման արդյունքում վարկային ռիսկի փոփոխությունը» սյունակում լրացվում է ՎՌԶՄ կիրառման արդյունքում վարկային ռիսկի փոփոխությունը:

5) «5-ից 10-րդ» սյունակներում լրացվում են ակտիվների մեծությունները (հազար դրամներով)` ըստ ռիսկի կշիռների՝ համապատասխան հնարավոր կորուստների պահուստի չափով նվազեցնելուց հետո: Ընդ որում, ակտիվի ապահովված մասն արտացոլվում է ապահովվածության (կամ ապահովվածություն տրամադրող անձի) ռիսկի կշռին համապատասխան սյունակում, իսկ չապահովված մասը՝ փոխառուի/գործիքի ռիսկի կշռին համապատասխան սյունակում:

Ենթադրենք, փոխառության մեծությունը 100 դրամ է, ենթադրենք պահուստը՝ 10 դրամ, փոխառուի ռիսկի կշիռը՝ 100 տոկոս: Փոխառության գծով առկա է ֆինանսական գրավ, որի ճշգրտված արժեքը 60 դրամ է: Ֆինանսական գրավի ռիսկի կշիռը 50 տոկոս է: Այս օրինակում փոխառության հաշվեկշռային արժեքն արտացոլվում է 1-ին սյունակում 100 դրամի չափով, պահուստը 10 դրամ է, որն արտացոլվում է 2-րդ սյունակում: 3-րդ սյունակում կլրացվի 60 դրամ, իսկ 4-րդ` «ՎՌԶՄ կիրառման արդյունքում վարկային ռիսկի փոփոխությունը» սյունակում, լրացվում է 60*(100%-50%)=30 դրամ (որտեղ 60-ը այն մեծությունն է, որի ռիսկի կշիռը փոխվում է ՎՌԶՄ կիրառելիս, 100 տոկոսը ակտիվի ռիսկի կշիռն է մինչև ՎՌԶՄ կիրառելը, իսկ 50 տոկոսը՝ ակտիվի՝ ՎՌԶՄ կիրառման արդյունքում ստացվող նոր ռիսկի կշիռը): Միևնույն ժամանակ, փոխառության ապահովված մասը` 60 դրամը, պետք է լրացնել 8-րդ սյունակում: Իսկ փոխառության չապահովված մասը ((100-10)-60=30-ը) պետք է արտացոլել 9-րդ սյունակում՝ 30 դրամ գումարի չափով:

39.8. 5-րդ աղյուսակում լրացվում է ՎՌԶՄ ենթակա ակտիվների գծով վարկային ռիսկի հաշվարկն ըստ օրերի, ընդ որում` սույն աղյուսակում լրացվում են միայն այն ակտիվները, որոնց մեծությունները, համաձայն Կանոնակարգ 4/02-ի, ճշգրտվում են արժեքի տատանման գործակիցներով (օրինակ՝ Հայաստանի Հանրապետության տարածքում գործող բանկերի կողմից թողարկված պարտատոմսեր):

39.9. Թիվ 3 հաշվետվության 5-րդ աղյուսակի սյունակները լրացվում են հետևյալ լրացման հրահանգին համապատասխան.

1) «ՎՌԶՄ ենթակա ակտիվների ընդհանուր գումարը» սյունակում լրացվում է ՎՌԶՄ-ի ենթակա ակտիվների ընդհանուր գումարը` հազար դրամներով:

2) «Ակտիվների հնարավոր կորուստների պահուստ» սյունակում՝ ՎՌԶՄ ենթակա ակտիվների գծով ձևավորված հնարավոր կորուստների պահուստի մեծությունը՝ բացարձակ արժեքով` հազար դրամներով:

3) «Ակտիվների մեծությունը, որոնց ռիսկի կշիռը ՎՌԶՄ կիրառման արդյունքում փոխվել է» սյունակում լրացվում է ՎՌԶՄ-ի ենթակա ակտիվների այն մեծությունը` հազար դրամներով, որոնց ռիսկի կշիռը ՎՌԶՄ կիրառման արդյունքում փոխվել է:

4) «ՎՌԶՄ կիրառման արդյունքում վարկային ռիսկի փոփոխությունը» սյունակում լրացվում է ՎՌԶՄ կիրառման արդյունքում վարկային ռիսկի փոփոխությունը:

5) «5-ից 10-րդ» սյունակներում լրացվում են ակտիվների մեծություններն՝ ըստ ռիսկի կշիռների՝ համապատասխան հնարավոր կորուստների պահուստի չափով նվազեցնելուց և արժեքի տատանման գործակցով ճշգրտելուց հետո: Ընդ որում, ակտիվի ապահովված մասն արտացոլվում է ապահովվածության (կամ ապահովվածություն տրամադրող անձի) ռիսկի կշռին համապատասխան սյունակում, իսկ չապահովված մասը՝ փոխառուի/գործիքի ռիսկի կշռին համապատասխան սյունակում:

Ենթադրենք ներդրումային ընկերության կողմից ձեռք բերված Ա+ վարկանիշ ունեցող օտարերկրյա բանկի կողմից թողարկված պարտատոմսի հաշվեկշռային արժեքը 100 դրամ է, մարմանը մնացած ժամկետը՝ 3 տարի: Պարտատոմսի արժեքի տատանման գործակիցը 6 տոկոս է, պահուստը՝ ենթադրենք 50 դրամ, պարտատոմսի ռիսկի կշիռը 50 տոկոս է: Պարտատոմսի գծով առկա է ապահովվածություն (Հայաստանի Հանրապետության կենտրոնական բանկի կողմից Ա+ վարկանիշ ստացած ոչ բանկ կազմակերպության կողմից տրված երաշխիք)՝ 30 դրամ գումարի չափով, որի ռիսկի կշիռը 20 տոկոս է: Այս օրինակում պարտատոմսի հաշվեկշռային արժեքն արտացոլվում է առաջին սյունակում՝ 100 դրամի չափով, 50 դրամ պահուստը` 2-րդ սյունակում: 3-րդ սյունակում կլրացվի 30 դրամ, իսկ 4-րդում՝ 30*(50%-20%)=9 դրամ (որտեղ 30-ը այն մեծությունն է, որի ռիսկի կշիռը փոխվում է ՎՌԶՄ կիրառելիս, 50 տոկոսը ակտիվի ռիսկի կշիռն է մինչև ՎՌԶՄ կիրառելը, իսկ 20 տոկոսը՝ ակտիվի՝ ՎՌԶՄ կիրառման արդյունքում ստացվող նոր ռիսկի կշիռը): Պարտատոմսի ապահովված մասը՝ 30 դրամը, պետք է լրացնել 7-րդ սյունակում: Պարտատոմսի չապահովված մասը՝ (100-50)*(1+6%)-30=23 դրամը, պետք է արտացոլել 8-րդ սյունակում:

39.10. 6-րդ աղյուսակում ներկայացվում են Կանոնակարգ 4/02-ի համաձայն վարկային ռիսկի հաշվարկում ներառվող այն արտահաշվեկշռային անավարտ ժամկետային գործառնությունների և տրամադրված երաշխավորությունների/երաշխիքների վարկային ռիսկի հաշվարկներն ըստ օրերի, որոնց վրա չեն տարածվում ՎՌԶՄ-ները:

39.11. Թիվ 3 հաշվետվության 6-րդ աղյուսակի սյունակները լրացվում են հետևյալ լրացման հրահանգին համապատասխան.

1) «Արտահաշվեկշռային անավարտ ժամկետային գործառնություններ» սյունակում լրացվում է արտահաշվեկշռային անավարտ ժամկետային գործառնությունների մեծությունը` արտահաշվեկշռում արտացոլված արժեքի չափով` հազար դրամներով:

2) «Երաշխավորություններ/երաշխիքներ» սյունակում լրացվում է տրամադրված երաշխավորությունների/երաշխիքների մեծությունը` արտահաշվեկշռում արտացոլված արժեքի չափով` հազար դրամներով:

3) «Պահուստ» սյունակում լրացվում է արտահաշվեկշռային անավարտ ժամկետային գործառնությունների կամ տրամադրված երաշխավորությունների/երաշխիքների գծով ձևավորված պահուստի մեծությունը` հազար դրամներով:

4) «Վարկային ռիսկի մեծությունը ՎՌՓԳ կիրառումից հետո» սյունակում լրացվում է վարկային ռիսկի փոխարկման գործոնների կիրառումից հետո արտահաշվեկշռային անավարտ ժամկետային գործառնությունների կամ տրամադրված երաշխավորությունների/երաշխիքների գծով վարկային ռիսկի մեծությունը:

5) «7-12-րդ» սյունակներում արտահաշվեկշռային անավարտ ժամկետային գործառնությունների կամ տրամադրված երաշխավորությունների/երաշխիքների մեծությունը` հազար դրամներով, փոխարկման գործոնների միջոցով վարկային ռիսկի վերածելուց հետո` խմբավորված ըստ ռիսկի կշիռների:

39.12. 7-րդ աղյուսակում ներկայացվում են Կանոնակարգ 4/02-ի համաձայն վարկային ռիսկի հաշվարկում ներառվող այն արտահաշվեկշռային անավարտ ժամկետային գործառնությունների և տրամադրված երաշխավորությունների/երաշխիքների վարկային ռիսկի հաշվարկներն ըստ օրերի, որոնց վրա տարածվում են ՎՌԶՄ-ները:

39.13. Թիվ 3 հաշվետվության 7-րդ աղյուսակի սյունակները լրացվում են հետևյալ լրացման հրահանգին համապատասխան.

1) «Հաշվեկշռային վարկային ռիսկի մեծությունը, որի ռիսկի կշիռը ՎՌԶՄ կիրառման արդյունքում փոխվել է» սյունակում լրացվում է ՎՌԶՄ ենթակա ակտիվների այն մասը, որոնց ռիսկի կշիռը ՎՌԶՄ կիրառման արդյունքում փոխվել է:

2) «ՎՌԶՄ կիրառման արդյունքում վարկային ռիսկի փոփոխությունը» սյունակում լրացվում է ՎՌԶՄ կիրառման արդյունքում վարկային ռիսկի փոփոխությունը:

39.14. Թիվ 3 հաշվետվության 7-րդ աղյուսակի մնացած սյունակները լրացվում են աղյուսակ 6-ում սահմանված լրացման հրահանգին համապատասխան:

39.15. 8-րդ և 9-րդ աղյուսակներում ներկայացվում է արտարժութային ռիսկի տարրերի և արտարժութային ռիսկի հաշվարկը՝ համաձայն Կանոնակարգ 4/02-ի: Ընդ որում, կախված այն բանից, թե ներդրումային ընկերությունը արտարժութային ռիսկի հաշվարկի որ մեթոդաբանությունն է ընտրել, լրացնում է այս երկու էջերից միայն մեկը:

39.16. 8-րդ աղյուսակը լրացվում է միայն այն դեպքում, երբ ներդրումային ընկերությունն ընտրել է արտարժութային ռիսկի գնահատման ստանդարտ մեթոդաբանությունը:

39.17. 8-րդ աղյուսակի սյունակները լրացվում են հետևյալ լրացման հրահանգին համապատասխան.

1) «Արտարժութային երկար դիրքերի հանրագումար» սյունակում լրացվում է արտարժութային երկար դիրքերի հանրագումարը` հազար դրամներով:

2) «Արտարժութային կարճ դիրքերի հանրագումար» սյունակում լրացվում է կարճ դիրքերի հանրագումարը` բացարձակ արժեքով (հազար դրամներով),

3) «Թանկարժեք մետաղների բանկային ստանդարտացված ձուլակտորների բաց դիրքերի բացարձակ արժեքների հանրագումար» սյունակում լրացվում է թանկարժեք մետաղների բանկային ստանդարտացված ձուլակտորների բաց դիրքերի բացարձակ արժեքների հանրագումարը:

39.18. 9-րդ աղյուսակը լրացվում է միայն այն դեպքում, երբ ներդրումային ընկերությունը ընտրել է արտարժութային ռիսկի գնահատման ՎաՌ մեթոդաբանությունը:

39.19. 9-րդ աղյուսակի սյունակները լրացվում են հետևյալ լրացման հրահանգին համապատասխան.

1) «Օրական ՎաՌ» սյունակում լրացվում է արտարժութային օրական ՎաՌ-երի մեծությունը՝ ըստ օրերի:

2) «Գերազանցող օրերի քանակը» սյունակում լրացվում է, թե հաշվետու ամսվան նախորդող 250 աշխատանքային օրերի ընթացքում փոխարժեքի փոփոխության պատճառով քանի անգամ է ներդրումային ընկերության օրական կորուստների մեծությունը գերազանցել տվյալ օրվա արտարժութային օրական ՎաՌ-ը:

39.20. 10-րդ աղյուսակում լրացվում են շուկայական ռիսկի հաշվարկում տոկոսադրույքի և բաժնային արժեթղթերի գնային ռիսկերը ներառելու պահանջի առկայությունը որոշելու համար Կանոնակարգ 4/02-ով այդ նպատակով սահմանված ցուցանիշները, այն է.

1) առևտրական նպատակներով պահվող և վաճառքի համար մատչելի ֆինանսական ակտիվների հանրագումարի և ընդհանուր հաշվեկշռային ակտիվների հարաբերությունը,

2) առևտրական նպատակներով պահվող և վաճառքի համար մատչելի ֆինանսական ակտիվների հանրագումարի և ներդրումային ընկերության նորմատիվային ընդհանուր կապիտալի հարաբերությունը:

39.21. 10-րդ աղյուսակի սյունակները լրացվում են հետևյալ լրացման հրահանգին համապատասխան.

1) «Ընդհանուր հաշվեկշռային ակտիվներ» սյունակում լրացվում է հաշվեկշռային ակտիվների հանրագումարը` հազար դրամներով,

2) «Առևտրական նպատակներով պահվող և վաճառքի համար մատչելի ակտիվներ» սյունակում լրացվում է ներդրումային ընկերության առևտրային նպատակներով պահվող և վաճառքի համար մատչելի ակտիվների ընդհանուր հաշվեկշռային արժեքը` հազար դրամներով:

3) «Նորմատիվային ընդհանուր կապիտալ» սյունակում լրացվում է սույն հաշվետվության 2-րդ աղյուսակի համաձայն հաշվարկված նորմատիվային ընդհանուր կապիտալի մեծությունը` հազար դրամներով:

39.22. 11-13-րդ աղյուսակները լրացման են ենթակա միայն այն դեպքում, երբ հաշվետու ժամանակաշրջանին նախորդող ամսվա կամ հաշվետու ամսվա միջին օրական հաշվարկով 39.20-րդ կետի 1-ին ենթակետում նշված ցուցանիշը գերազանցում է 3 տոկոսը, կամ 2-րդ ցուցանիշը` 20 տոկոսը:

39.23. 11-րդ աղյուսակում ներկայացվում է տոկոսադրույքի հատուկ ռիսկի հաշվարկը` համաձայն Կանոնակարգ 4/02-ի: 11-րդ աղյուսակի 1-ից 26-րդ սյունակներում լրացվում են պարտքային արժեթղթերի երկար և կարճ դիրքերը` խմբավորված ըստ պարտքային արժեթղթերի տեսակների և մինչև մարումն ընկած ժամկետայնությունների` համաձայն Կանոնակարգ 4/02-ի: Ընդ որում` կարճ դիրքերը լրացվում են բացարձակ արժեքով:

39.24. 12-րդ աղյուսակում ներկայացվում է տոկոսադրույքի ընդհանուր ռիսկի հաշվարկը` համաձայն Կանոնակարգ 4/02-ի: 1-ից 26-րդ սյունակներում լրացվում են պարտքային արժեթղթերի երկար և կարճ դիրքերը` խմբավորված ըստ պարտքային արժեթղթերի ժամանակային գոտիների և պարտքային արժեթղթերի մինչև մարումն ընկած ժամկետայնությունների` համաձայն Կանոնակարգ 4/02-ի, 27-ից 34-րդ սյունակներում լրացվում են Կանոնակարգ 4/02-ի համաձայն ընդհանուր ռիսկի հաշվարկման համար անհրաժեշտ նվազագույն դիրքերը` ըստ համապատասխան գոտիների: Ընդ որում` կարճ դիրքերը լրացվում են բացարձակ արժեքով:

39.25. 13-րդ աղյուսակում ներկայացվում են բաժնային արժեթղթերի գնային ռիսկերի հաշվարկը՝ համաձայն Կանոնակարգ 4/02-ի:

39.26. 13-րդ աղյուսակի «Ա» մասի սյունակները լրացվում են հետևյալ լրացման հրահանգին համապատասխան.

1) «Բաժնային արժեթղթերի երկար դիրքերի հանրագումար» լրացվում է Կանոնակարգ 4/02-ով սահմանված բաժնային արժեթղթերի երկար դիրքերի հանրագումարը` հազար դրամներով (ըստ օրերի)։

2) «Բաժնային արժեթղթերի կարճ դիրքերի հանրագումար» կարճ դիրքերի հանրագումարը բացարձակ մեծությամբ (հազար դրամներով)` ըստ օրերի:

3) «Բաժնային արժեթղթերի համախառն զուտ դիրք» սյունակում լրացվում է բաժնային արժեթղթերի երկար և կարճ (բացարձակ մեծությամբ) դիրքերի տարբերությունը` հազար դրամներով:

39.27. 13-րդ աղյուսակի «Բ» մասի սյունակները լրացվում են հետևյալ լրացման հրահանգին համապատասխան.

1) «Բաժնային արժեթղթերի երկար դիրքերի հանրագումար» սյունակներում (1-ին և 3-րդ) լրացվում են բաժնային արժեթղթերի երկար դիրքերի հանրագումարները (հազար դրամներով)՝ խմբավորված համապատասխանաբար ըստ իրացվելի և դիվերսիֆիկացված բաժնային արժեթղթերի և այլ բաժնային արժեթղթերի:

2) «Բաժնային արժեթղթերի կարճ դիրքերի հանրագումար» սյունակներում (2-րդ և 4-րդ) լրացվում են բաժնային արժեթղթերի կարճ դիրքերի հանրագումարները (հազար դրամներով)՝ բացարձակ արժեքով` խմբավորված համապատասխանաբար ըստ իրացվելի և դիվերսիֆիկացված բաժնային արժեթղթերի և այլ բաժնային արժեթղթերի:

39.28. 14-րդ աղյուսակում ներկայացվում են գործառնական ռիսկի հաշվարկը՝ համաձայն Կանոնակարգ 4/02-ի: 14-րդ աղյուսակի 1-ին, 2-րդ և 3-րդ սյունակներում լրացվում են Կանոնակարգ 4/02-ով սահմանված ներդրումային ընկերության` համապատասխանաբար հաշվետու ժամանակաշրջանին նախորդող 3-րդ տարվա, հաշվետու ժամանակաշրջանին նախորդող 2-րդ տարվա, հաշվետու ժամանակաշրջանին նախորդող տարվա զուտ եկամուտները: Ընդ որում, նշված սյունակներում համապատասխան մեծությունները լրացվում են միայն այն դեպքերում, երբ համապատասխան տարվա զուտ եկամուտը մեծ կամ հավասար է 0-ի: Այն ներդրումային ընկերությունները, որոնց գործունեության ժամկետը պակաս է 3 տարուց, այդ ներդրումային ընկերությունները 14-րդ աղյուսակի սյունակները լրացնում են հետևյալ տրամաբանությամբ. ենթադրենք ընկերությունը գործունեություն է իրականացրել 1 տարի և 5 ամիս, այս դեպքում լրացվում է «Հաշվետու ժամանակաշրջանին նախորդող տարվա զուտ եկամուտ» սյունակը, ինչպես նաև «Հաշվետու ժամանակաշրջանին նախորդող 2-րդ տարվա զուտ եկամուտ» սյունակը, որտեղ լրացվում է 5 ամսվա զուտ եկամուտների մեծությունը:»:

8) Կանոնակարգ 4/03-ի 47-րդ կետը շարադրել հետևյալ խմբագրությամբ.

«47. Թիվ 5 հաշվետվությունում ներկայացվում են Կանոնակարգ 4/02-ով սահմանված նորմատիվային ընդհանուր կապիտալի նվազագույն չափի կազմի մեջ մտնող և պակասեցվող տարրերի մեծությունը հաշվետու ժամանակաշրջանի սկզբում ու վերջում, և այդ տարրերի կրած փոփոխությունները հաշվետու ժամանակաշրջանի ընթացքում: Ընդ որում` սույն հաշվետվությունը լրացվում է հազար դրամներով:»:

9) Կանոնակարգ 4/03-ի 49-րդ կետում «(Հայաստանի Հանրապետության դրամով, դոլարով և այլն)» բառերից հետո լրացնել «` ամբողջական միավորներով» բառերը:

10) Կանոնակարգ 4/03-ի 52-րդ կետի 6-րդ ենթակետը շարադրել հետևյալ խմբագրությամբ.

«6) «Արժեթղթերի ծավալն անվանական արժեքով» սյունակում լրացվում է արժեթղթերի ընդհանուր անվանական արժեքը:»:

11) Կանոնակարգ 4/03-ի 52-րդ կետի 10-րդ ենթակետի նախավերջին նախադասությունը շարադրել հետևյալ խմբագրությամբ. «Հայաստանի Հանրապետության կառավարության (Հայաստանի Հանրապետության ֆինանսների նախարարության) կամ Հայաստանի Հանրապետության կենտրոնական բանկի կողմից թողարկված պարտատոմսերի տեղաբաշխման աճուրդների դեպքում ձեռքբերված պարտատոմսերի մասին տեղեկությունները լրացնելիս սույն սյունակում լրացվում է Հայաստանի Հանրապետության ֆինանսների նախարարության կամ Հայաստանի Հանրապետության կենտրոնական բանկի կոդը՝ կախված թողարկողից:»:

12) Կանոնակարգ 4/03-ի 55-րդ կետը «, կնքված» բառից հետո լրացնել «, երկարաձգված և կրճատված» բառերով և «գործարքների» բառից հետո լրացնել «(այդ թվում` լոմբարդային ռեպոների)» բառերով:

13) Կանոնակարգ 4/03-ի 56-րդ կետը լրացնել 1.1) ենթակետով` հետևյալ բովանդակությամբ.

«1.1) «Գործարքի կնքման ամսաթիվ» սյունակում լրացվում է ռեպո (հակադարձ ռեպո) գործարքի կնքման ամսաթիվը, ընդ որում, եթե ռեպո /հակադարձ ռեպո/ գործարքի պայմանները փոփոխվել են, ապա սույն սյունակում լրացվում է առաջնային գործարքի ամսաթիվը:»:

14) Կանոնակարգ 4/03-ի 57-րդ կետում «գործարքների» բառից հետո լրացնել «(այդ թվում` լոմբարդային ռեպոների)» բառերը:

15) Կանոնակարգ 4/03-ի 58-րդ կետը լրացնել 8-րդ ենթակետով` հետևյալ բովանդակությամբ.

«8) «Արժեթղթի տարեկան եկամտաբերությունը» սյունակը լրացվում է սույն կանոնակարգի 52-րդ կետի 8-րդ կետի համաձայն, ընդ որում` տարեկան եկամտաբերությունն անհրաժեշտ է հաշվարկել գործարքի կնքման (երկարաձգման, կրճատման) օրվա դրությամբ:

16) Կանոնակարգ 4/03-ը լրացնել 60.1 կետով` հետևյալ բովանդակությամբ.

«60.1. Սույն կանոնակարգի համաձայն ֆորվարդի հիմքում ընկած արժույթն անհրաժեշտ է որոշել հետևյալ սկզբունքով.

1) եթե ֆորվարդով փոխանակվող արժույթներից մեկը հայկական դրամ է, ապա ֆորվարդի հիմքում ընկած արժույթ է համարվում այն արժույթը, որի դիմաց տրամադրվում է հայկական դրամը,

2) եթե ֆորվարդով փոխանակվող արժույթներից մեկը ԱՄՆ դոլար է, իսկ մյուսը` հայկական դրամից տարբեր արտարժույթ, ապա ԱՄՆ դոլարն է համարվում ֆորվարդի հիմքում ընկած արժույթ,

3) եթե ֆորվարդով փոխանակվող արժույթներից մեկը եվրո է, իսկ մյուսը՝ հայկական դրամից և ԱՄՆ դոլարից տարբեր արտարժույթ, ապա եվրոն է համարվում ֆորվարդի հիմքում ընկած արժույթ,

4) եթե ֆորվարդով փոխանակվում են հայկական դրամից, ԱՄՆ դոլարից, եվրոյից տարբեր արժույթներ, ապա ֆորվարդի հիմքում ընկած արժույթ է համարվում այն արտարժույթը, որի` ֆորվարդ պայմանագրով համաձայնեցված ծավալի հարաբերությունը մյուս արտարժույթի` ֆորվարդով համաձայնեցված ծավալին ստացվում է 1-ից մեծ:

Ենթադրենք ներդրումային ծառայություններ մատուցող անձը ֆորվարդ պայմանագրի համաձայն պայմանագրում նշված ժամկետում պետք է տրամադրի հակառակ կողմին որոշակի ծավալով ԱՄՆ դոլար` հակառակ կողմից ստանալով որոշակի ծավալով հայկական դրամ, ապա այս դեպքում ֆորվարդի հիմքում ընկած արժույթ է համարվում ԱՄՆ դոլարը, իսկ հայկական դրամը համապատասխանաբար` ստացվելիք արժույթ և հաշվետվության 8-րդ` (Արժույթի (վճարվելիք կամ ստացվելիք) ISO կոդը) սյունակում նշվում է «AMD»:»:

17) Կանոնակարգ 4/03-ը լրացնել 62.1 կետով` հետևյալ բովանդակությամբ.

«62.1. Սույն կանոնակարգի համաձայն ֆյուչերսի հիմքում ընկած արժույթն անհրաժեշտ է որոշել 60.1-րդ կետում սահմանված սկզբունքով:»:

18) Կանոնակարգ 4/03-ի 71-րդ կետը լրացնել հետևյալ նախադասություններով «Ընդ որում` Թիվ 6 հաշվետվության 13, 14 աղյուսակների սվոպի (սվոպ գործարքի) հիմքում ընկած արժույթը որոշվում է 60.1-րդ կետում սահմանված սկզբունքով: Թիվ 6 հաշվետվության աղյուսակ 15-ի համաձայն սվոպի հիմքում ընկած արժույթը տոկոսային վճարումների հաշվարկման համար հիմք հանդիսացող դրամական միջոցների արժույթն է:»:

19) Կանոնակարգ 4/03-ի 75-րդ կետի 4-րդ ենթակետը շարադրել հետևյալ խմբագրությամբ.

 «4) «Արժեթղթերի ծավալն անվանական արժեքով» սյունակում լրացվում է արժեթղթերի ընդհանուր անվանական արժեքը:»:

20) Կանոնակարգ 4/03-ի 75-րդ կետի 7-րդ ենթակետը «նպատակով պահվող» բառերից հետո լրացնել «կամ «այլ» (նշված 3 դասակարգումներին չհամապատասխանելու դեպքում):» բառերով:

21) Կանոնակարգ 4/03-ի 83-րդ կետում «արտահայտվում Հայաստանի Հանրապետության» բառերից հետո լրացնել «հազար» բառը:

22) Կանոնակարգ 4/03-ի 13-րդ, 14-րդ, 15-րդ և 16-րդ գլուխներն ուժը կորցրած ճանաչել:

23) Կանոնակարգ 4/03-ի 126-րդ կետի 4-րդ ենթակետը «ծավալային արժեթղթերի համար» բառերց հետո լրացնել «` հազար դրամներով» բառերով:

24) Կանոնակարգ 4/03-ի 130-րդ և 132-րդ կետերում «1.,2.,3.,4.,5.,6.,7.» թվերը փոխարինել «1), 2), 3), 4), 5), 6), 7)» թվերով, իսկ 132-րդ կետի 8-րդ կետի «8.» թիվը` «8)» թվով:

25) Կանոնակարգ 4/03-ի Հավելված 3-ը և Հավելված 5-ը շարադրել նոր խմբագրությամբ՝ համաձայն սույն որոշման համապատասխանաբար հավելված 1-ի և հավելված 2-ի:

26) Կանոնակարգ 4/03-ի Հավելված 13-ը, 14-ը, 15-ը, 16-ը և 19-ը ուժը կորցրած ճանաչել:

27) Կանոնակարգ 4/03-ի Հավելված 9-ի աղյուսակի «Հաշվետու ժամանակաշրջանում տեղաբաշխված արժեթղթերի» սյունակի վերևի մասում «ՀՀ դրամ» բառերը փոխարինել «հազար դրամ» բառերով, Հավելված 17-ի աղյուսակի «Տվյալ դասի տեղաբաշխված արժեթղթերի անվանական արժեքը» սյունակի վերևի մասում և Հավելված 18-ի աղյուսակի «Հաշվետու ժամանակաշրջանի վերջի դրությամբ պահառության վերցված պետական արժեթղթերի» սյունակի վերևի մասում լրացնել «հազար դրամ» բառերը:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը, բացառությամբ սույն որոշման 1-ին կետի 5-րդ ենթակետով սահմանված Կանոնակարգ 4/03-ի 20.1 կետի 1-ին նախադասության, ինչպես նաև 7-րդ ենթակետով սահմանված Կանոնակարգ 4/03-ի 39.3-րդ և 39.4-րդ ենթակետերի, որոնք ուժի մեջ են մտնում 2011 թվականի ապրիլի 1-ին:

ՀԱՇՎԵՏՎՈՒԹՅՈՒՆ ԹԻՎ 3

ԸՆԴՀԱՆՈՒՐ ԿԱՊԻՏԱԼԻ ՆՎԱԶԱԳՈՒՅՆ ՉԱՓԻ ԵՎ Ն1 ՆՈՐՄԱՏԻՎՆԵՐԻ ՎԵՐԱԲԵՐՅԱԼ

(ամսական)

Աղյուսակ 1. ՀԻՄՆԱԿԱՆ ՏՆՏԵՍԱԿԱՆ ՆՈՐՄԱՏԻՎՆԵՐ ԵՎ ԴՐԱՆՑ ՀԱՇՎԱՐԿԻՆ ՄԱՍՆԱԿՑՈՂ ԱՄՓՈՓ ՑՈՒՑԱՆԻՇՆԵՐ

Ներդրումային ընկերության անվանումը __________________________

Ամսաթիվը……………….. թ-ից մինչև _______________________ թ.

Աղյուսակ 2. ՀԱՇՎԵԿՇՌԱՅԻՆ ԵՎ ՆՈՐՄԱՏԻՎԱՅԻՆ ԸՆԴՀԱՆՈՒՐ ԿԱՊԻՏԱԼԻ ՀԱՇՎԱՐԿԸ

Ներդրումային ընկերության անվանումը ___________________________________

Ամսաթիվը……………….. թ-ից մինչև ______________ թ.

Աղյուսակ 3. ՎԱՐԿԱՅԻՆ ՌԻՍԿԻ ՀԱՇՎԱՐԿԸ (ԱԿՏԻՎՆԵՐ, ՈՐՈՆՑ ՎՐԱ ՉԵՆ ՏԱՐԱԾՎՈՒՄ ՎՌԶՄ-ՆԵՐԸ)

Ներդրումային ընկերության անվանումը __________________________________________

Ամսաթիվը……………….. թ-ից մինչև _______________ թ.

Աղյուսակ 4. ՎԱՐԿԱՅԻՆ ՌԻՍԿԻ ՀԱՇՎԱՐԿԸ (ՎՌԶՄ-ԵՆԹԱԿԱ ԱԿՏԻՎՆԵՐ, ՈՐՈՆՑ ՄԵԾՈՒԹՅՈՒՆԸ ՉԻ ՃՇԳՐՏՎՈՒՄ ԱՐԺԵՔԻ ՏԱՏԱՆՄԱՆ ԳՈՐԾԱԿԻՑՆԵՐՈՎ)

Ներդրումային ընկերության անվանումը ______________________________________

Ամսաթիվը……………….. թ-ից մինչև _______________________ թ.

Աղյուսակ 5. ՎԱՐԿԱՅԻՆ ՌԻՍԿԻ ՀԱՇՎԱՐԿԸ (ՎՌԶՄ-ԵՆԹԱԿԱ ԱԿՏԻՎՆԵՐ, ՈՐՈՆՑ ՄԵԾՈՒԹՅՈՒՆԸ ՃՇԳՐՏՎՈՒՄ Է ԱՐԺԵՔԻ ՏԱՏԱՆՄԱՆ ԳՈՐԾԱԿԻՑՆԵՐՈՎ)

Ներդրումային ընկերության անվանումը ___________________________

Ամսաթիվը……………….. թ-ից մինչև __________________ թ.

Աղյուսակ 6. ՎԱՐԿԱՅԻՆ ՌԻՍԿԻ ՀԱՇՎԱՐԿԸ (ԱՐՏԱՀԱՇՎԵԿՇՌԱՅԻՆ ԱՆԱՎԱՐՏ ԺԱՄԿԵՏԱՅԻՆ ԳՈՐԾԱՌՆՈՒԹՅՈՒՆՆԵՐ ԵՎ ՏՐԱՄԱԴՐՎԱԾ ԵՐԱՇԽԱՎՈՐՈՒԹՅՈՒՆՆԵՐ/ԵՐԱՇԽԻՔՆԵՐ, ՈՐՈՆՑ ՎՐԱ ՉԵՆ ՏԱՐԱԾՎՈՒՄ ՎՌԶՄ-ՆԵՐԸ)

Ներդրումային ընկերության անվանումը _________________________________________

Ամսաթիվը……………….. թ-ից մինչև _________________թ.

Աղյուսակ 7. ՎԱՐԿԱՅԻՆ ՌԻՍԿԻ ՀԱՇՎԱՐԿԸ (ԱՐՏԱՀԱՇՎԵԿՇՌԱՅԻՆ ԱՆԱՎԱՐՏ ԺԱՄԿԵՏԱՅԻՆ ԳՈՐԾԱՌՆՈՒԹՅՈՒՆՆԵՐ ԵՎ ՏՐԱՄԱԴՐՎԱԾ ԵՐԱՇԽԱՎՈՐՈՒԹՅՈՒՆՆԵՐ/ԵՐԱՇԽԻՔՆԵՐ, ՈՐՈՆՑ ՎՐԱ ՏԱՐԱԾՎՈՒՄ ԵՆ ՎՌԶՄ-ՆԵՐԸ)

Ներդրումային ընկերության անվանումը ______________________________________________

Ամսաթիվը……………….. թ-ից մինչև _________________ թ.

Աղյուսակ 8. ԱՐՏԱՐԺՈՒԹԱՅԻՆ ՌԻՍԿԻ ՀԱՇՎԱՐԿԸ (ՍՏԱՆԴԱՐՏ ՄԵԹՈԴԱԲԱՆՈՒԹՅՈՒՆ)

Ներդրումային ընկերության անվանումը _____________________________________

Ամսաթիվը……………….. թ-ից մինչև ____________________թ.

Աղյուսակ 9. ԱՐՏԱՐԺՈՒԹԱՅԻՆ ՌԻՍԿԻ ՀԱՇՎԱՐԿԸ (ՎաՌ ՄԵԹՈԴԱԲԱՆՈՒԹՅՈՒՆ)

Ներդրումային ընկերության անվանումը _____________________________________

Ամսաթիվը……………….. թ-ից մինչև ____________________թ.

Աղյուսակ 10. ՀԱՇՎԱՐԿՆԵՐ ՏՈԿՈՍԱԴՐՈՒՅՔԻ ԵՎ ԲԱԺՆԱՅԻՆ ԱՐԺԵԹՂԹԵՐԻ ԳՆԱՅԻՆ ՌԻՍԿԵՐԸ ՇՈՒԿԱՅԱԿԱՆ ՌԻՍԿԻ ՀԱՇՎԱՐԿՈՒՄ ՆԵՐԱՌԵԼՈՒ ՊԱՀԱՆՋԻ ԱՌԿԱՅՈՒԹՅՈՒՆԸ ՈՐՈՇԵԼՈՒ ՆՊԱՏԱԿՈՎ

Ներդրումային ընկերության անվանումը _____________________________________

Ամսաթիվը……………….. թ-ից մինչև ____________________թ.

Աղյուսակ 11. ՏՈԿՈՍԱԴՐՈՒՅՔԻ ՀԱՏՈՒԿ ՌԻՍԿԻ ՀԱՇՎԱՐԿԸ

Ներդրումային ընկերության անվանումը _______________________________

Ամսաթիվը……………….. թ-ից մինչև ________________ թ.