«Գրանցված է»
ՀՀ արդարադատության
նախարարության կողմից
29 դեկտեմբերի 2008 թ.
Պետական գրանցման թիվ 05008407

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

 

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

 

16 դեկտեմբերի 2008 թ.

թիվ 357-Ն

 

Ո Ր Ո Շ ՈՒ Մ

 

«ԿԵՆՏՐՈՆԱԿԱՆ ԴԵՊՈԶԻՏԱՐԻԱՅԻ` ԿԵՆՏՐՈՆԱԿԱՆ ԲԱՆԿ ՆԵՐԿԱՅԱՑՎՈՂ ՀԱՇՎԵՏՎՈՒԹՅՈՒՆՆԵՐԸ, ԴՐԱՆՑ ՆԵՐԿԱՅԱՑՄԱՆ ԿԱՐԳԸ, ՁԵՎԸ ԵՎ ԺԱՄԿԵՏՆԵՐԸ» ԿԱՆՈՆԱԿԱՐԳ 5/04-Ը ՀԱՍՏԱՏԵԼՈՒ ՄԱՍԻՆ

 

Հիմք ընդունելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «ե» կետը, «Իրավական ակտերի մասին» Հայաստանի Հանրապետության օրենքի 16-րդ հոդվածը և «Արժեթղթերի շուկայի մասին» Հայաստանի Հանրապետության օրենքի 182-րդ հոդվածի 1-ին, 3-րդ և 4-րդ կետերը և 207-րդ հոդվածի 1-ին կետը՝ Հայաստանի Հանրապետության կենտրոնական բանկի խորհուրդը որոշում է.

1. Հաստատել «Կենտրոնական դեպոզիտարիայի` Կենտրոնական բանկ ներկայացվող հաշվետվությունները, դրանց ներկայացման կարգը, ձևը և ժամկետները» կանոնակարգ 5/04-ը՝ համաձայն հավելվածի (կցվում է):

2. Սույն որոշումն ուժի մեջ մտնելու օրվանից ուժը կորցրած ճանաչել Հայաստանի Հանրապետության կենտրոնական բանկի խորհրդի 2006 թվականի դեկտեմբերի 5-ի «Արժեթղթերի շուկայի կարգավորման կանոնագիրքը հաստատելու մասին» թիվ 713-Ն որոշմամբ հաստատված «Արժեթղթերի շուկայի կարգավորման կանոնագրքի» 111-րդ գլխի 111.3-րդ կետը:

3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

 

ՀՀ կենտրոնական բանկի նախագահ	Ա. Ջավադյան
2008 թ. դեկտեմբերի 23 ք. Երևան

 

Հավելված ՀՀ կենտրոնական բանկի խորհրդի 2008 թվականի դեկտեմբերի 16-ի թիվ 357-Ն որոշման

 

«ԿԵՆՏՐՈՆԱԿԱՆ ԴԵՊՈԶԻՏԱՐԻԱՅԻ` ԿԵՆՏՐՈՆԱԿԱՆ ԲԱՆԿ ՆԵՐԿԱՅԱՑՎՈՂ ՀԱՇՎԵՏՎՈՒԹՅՈՒՆՆԵՐԸ, ԴՐԱՆՑ ՆԵՐԿԱՅԱՑՄԱՆ ԿԱՐԳԸ, ՁԵՎԸ ԵՎ ԺԱՄԿԵՏՆԵՐԸ» ԿԱՆՈՆԱԿԱՐԳ 5/04

 

Բ Ա Ժ Ի Ն  I

 

ԸՆԴՀԱՆՈՒՐ ԴՐՈՒՅԹՆԵՐ ԵՎ ՀԻՄՆԱԿԱՆ ՀԱՍԿԱՑՈՒԹՅՈՒՆՆԵՐ

 

Գ Լ ՈՒ Խ  1

 

ԸՆԴՀԱՆՈՒՐ ԴՐՈՒՅԹՆԵՐ

 

1. Սույն կանոնակարգը սահմանում է Հայաստանի Կենտրոնական դեպոզիտարիայի (այսուհետ՝ Կենտրոնական դեպոզիտարիա) կողմից Հայաստանի Հանրապետության կենտրոնական բանկ (այսուհետ՝ Կենտրոնական բանկ) ներկայացվող հաշվետվությունների ձևերը, ներկայացման կարգն ու ժամկետները, Կենտրոնական դեպոզիտարիայից Կենտրոնական դեպոզիտարիայի, հաշվարկային համակարգի անդամների և (կամ) նրանց գործունեության վերաբերյալ լրացուցիչ տեղեկանք, բացատրություն և (կամ) այլ փաստաթղթեր պահանջելու կարգը:

2. Սույն կանոնակարգով սահմանված հաշվետվություններում գումարները արտահայտվում են Հայաստանի Հանրապետության դրամով՝ մեկ դրամի ճշտությամբ:

 

Գ Լ ՈՒ Խ  2

 

ՀԻՄՆԱԿԱՆ ՀԱՍԿԱՑՈՒԹՅՈՒՆՆԵՐ

 

3. Սույն կանոնակարգում օգտագործված հասկացություններն ունեն հետևյալ նշանակությունը.

1) «Ամսաթիվ»՝ ամսաթիվը, ամիսն ու տարեթիվը (01/01/2008 թ.):

2) «Հաշվետու տարի»՝ հունվարի 1-ից դեկտեմբերի 31-ը ներառյալ ընկած ժամանակաշրջանը: Կենտրոնական դեպոզիտարիայի համար առաջին հաշվետու տարի է համարվում Կենտրոնական դեպոզիտարիայի գործունեության լիցենզիա ստանալու օրվանից մինչև տվյալ տարվա դեկտեմբերի 31-ը ներառյալ ընկած ժամանակաշրջանը:

3) «Հաշվետու եռամսյակ»՝ օրացուցային տարվա սկզբից երեք ամիս պարբերականությամբ հաշվարկվող ժամանակաշրջան: Կենտրոնական դեպոզիտարիայի համար առաջին հաշվետու եռամսյակ է համարվում Կենտրոնական դեպոզիտարիայի գործունեության լիցենզիա ստանալու օրվանից մինչև տվյալ եռամսյակի վերջն ընկած ժամանակաշրջանը:

4) «Հաշվետու ամիս»՝ օրացուցային տարվա սկզբից մեկ ամիս պարբերականությամբ հաշվարկվող ժամանակաշրջան: Կենտրոնական դեպոզիտարիայի համար առաջին հաշվետու ամիս է համարվում Կենտրոնական դեպոզիտարիայի գործունեության լիցենզիա ստանալու օրվանից մինչև տվյալ ամսվա վերջն ընկած ժամանակաշրջանը:

5) «Հաշվետու օր»՝ յուրաքանչյուր օր, որի ընթացքում Կենտրոնական դեպոզիտարիան իրականացրել է գործունեություն:

6) «Հաշվետու ժամանակաշրջան»՝ հաշվետու օր, հաշվետու ամիս, հաշվետու եռամսյակ կամ հաշվետու տարի:

7) «Պետական արժեթղթեր» Հայաստանի Հանրապետության և Հայաստանի Հանրապետության կենտրոնական բանկի կողմից թողարկված արժեթղթեր:

4. Սույն կանոնակարգում օգտագործված այլ հասկացություններն ունեն «Արժեթղթերի շուկայի մասին» Հայաստանի Հանրապետության օրենքում, ինչպես նաև Հայաստանի Կենտրոնական դեպոզիտարիայի կանոններում կիրառվող նշանակությունը:

 

Բ Ա Ժ Ի Ն  II

 

ԿԵՆՏՐՈՆԱԿԱՆ ԴԵՊՈԶԻՏԱՐԻԱՅԻ ՀԱՇՎԵՏՎՈՒԹՅՈՒՆՆԵՐԸ ԵՎ ԴՐԱՆՑ ՆԵՐԿԱՅԱՑՄԱՆ ԿԱՐԳԸ: ՖԻՆԱՆՍԱԿԱՆ ՀԱՇՎԵՏՎՈՒԹՅՈՒՆՆԵՐԻ ՀՐԱՊԱՐԱԿՈՒՄԸ

 

Գ Լ ՈՒ Խ  1

 

ԿԵՆՏՐՈՆԱԿԱՆ ԴԵՊՈԶԻՏԱՐԻԱՅԻ ԿՈՂՄԻՑ ԿԵՆՏՐՈՆԱԿԱՆ ԲԱՆԿ ՆԵՐԿԱՅԱՑՎՈՂ ՀԱՇՎԵՏՎՈՒԹՅՈՒՆՆԵՐԸ

 

5. Կենտրոնական դեպոզիտարիան Կենտրոնական բանկ է ներկայացնում հետևյալ հաշետվությունները՝ նշված պարբերականությամբ.

 

Հաշվե- տվության թիվը	Հաշվետվության անվանումը	Ներկայացման հաճախականությունը
1	2	3
1.	Հաշվապահական հաշվեկշիռ	եռամսյակային տարեկան
2.	Հաշվետվություն ֆինանսական արդյունքների մասին	եռամսյակային տարեկան
3.	Հաշվետվություն սեփական կապիտալում փոփոխությունների մասին	եռամսյակային տարեկան
4.	Հաշվետվություն դրամական միջոցների հոսքերի մասին	եռամսյակային տարեկան
5.	Ֆինանսական հաշվետվություններին կից ծանոթագրություններ	եռամսյակային տարեկան
6.	Հաշվետվություն կարգավորվող շուկայում արժեթղթերով կնքված գործարքների արդյունքում փոխադարձ պահանջների և պարտավորությունների վերաբերյալ	օրական
7.	Հաշվետվություն կարգավորվող շուկայից դուրս կնքված գործարքների արդյունքում ռեեստրում գրառումներ կատարելու վերաբերյալ	օրական
8.	Հաշվետվություն հաշվարկային համակարգին անդամակցության տրամադրման և (կամ) անդամակցությունից զրկման վերաբերյալ	յուրաքանչյուր փոփոխության դեպքում
9.	Հաշվետվություն հաշվարկային համակարգին անդամակցության կասեցման և (կամ) անդամակցության կասեցման դադարեցման վերաբերյալ	յուրաքանչյուր փոփոխության դեպքում
10.	Հաշվետվություն Կենտրոնական դեպոզիտարիայում ռեեստր վարող թողարկողների արժեթղթերի փոխարկման վերաբերյալ	ամսական
11.	Նվիրատվության և ժառանգության արդյունքում արժեթղթերի փոխանցման վերաբերյալ	եռամսյակային
12.	Հաշվետվություն թողարկողների արժեթղթերի սեփականատերերի (անվանատերերի) ռեեստրի վարման վերաբերյալ	եռամսյակային
13.	Հաշվետվություն արժեթղթերի հաշիվների վերաբերյալ	տարեկան
14.	Հաշվետվություն տարեկան պետական տուրքի վճարման վերաբերյալ	տարեկան

 

(5-րդ կետը լրաց. 08.09.09 թիվ 269-Ն)

 

Գ Լ ՈՒ Խ  2

 

ՀԱՇՎԵՏՎՈՒԹՅՈՒՆՆԵՐԻ ՆԵՐԿԱՅԱՑՄԱՆ ԿԱՐԳԸ ԵՎ ԺԱՄԿԵՏՆԵՐԸ:

ՀԱՇՎԵՏՎՈՒԹՅՈՒՆՆԵՐԻ ԼՐԱՑՄԱՆ ԸՆԴՀԱՆՈՒՐ ԴՐՈՒՅԹՆԵՐԸ

 

6. Սույն կանոնակարգի 5-րդ կետով սահմանված հաշվետվությունները և այլ փաստաթղթերը Կենտրոնական բանկ են ներկայացվում Սի-Բի-Էյ-նեթ համակարգի միջոցով` Կենտրոնական բանկի կողմից ուղարկված պաշտպանված օրինակելի նմուշին (ֆայլին) համապատասխան, որոնց ձևերը սահմանված են սույն կանոնակարգի ՀԱՎԵԼՎԱԾ 1 - ՀԱՎԵԼՎԱԾ 9-ով: Սի-Բի-Էյ-նեթ համակարգին միացված չլինելու դեպքում հաշվետվության էլեկտրոնային տարբերակը Կենտրոնական բանկ է ներկայացվում ինտերնետով` հաշվետվությունների ընդունման համակարգով: Այդ համակարգերի խափանման դեպքում հաշվետվությունները ներկայացվում են մագնիսական կամ էլեկտրոնային այլ կրիչներով՝ կից ներկայացնելով խափանման վերաբերյալ գրություն:

7. Հաշվետվությունների անվանումները պետք է կոդավորվեն:

8. Հաշվետվության անվանման կոդն ունի հետևյալ կառուցվածքը.

 

Կենտրոնական դեպոզիտարիայի կոդը

գծիկ

հաշվետվության համարը

կետ

հապավումը

è

è

è

è

è

XXXXX

-

XX

.

Xls

 

ընդ որում, «Հաշվետվության համարը» սյունակում լրացվում է տվյալ հաշվետվության 4-րդ կետով սահմանված «Հաշվետվության թիվը» (Թիվ 1. հաշվետվության լրացման դեպքում սույն սյունակում լրացվում է 01, Թիվ 2-ի դեպքում` 02 և այլն): Կոդավորման նշված կարգի պահպանումը պարտադիր է:

9. Հաշվետվությունների ֆայլերը պետք է պարունակեն թվային հավաստագիր (բացառությամբ այն դեպքերի, երբ հաշվետվությունները ներկայացվում են Սի-Բի-Էյ-նեթ համակարգով):

10. Օրական հաշվետվությունները ներկայացվում են մինչև հաշվետու օրվան հաջորդող աշխատանքային օրվա ժամը 12:00-ը, որում ներառվում են հաշվետվության ներկայացման օրվան նախորդող հաշվետու օրվա ավարտի դրությամբ առկա տվյալները: Ընդ որում, եթե օրական հաշվետվություններում ներառվող տեղեկություններում որևէ փոփոխություն տեղի չի ունեցել, ապա հաշվետվությունները ներկայացվում են դատարկ` միայն նշելով Կենտրոնական դեպոզիտարիայի անվանումը և հաշվետվության ներկայացման ամսաթիվը:

11. Ամսական և եռամսյակային հաշվետվությունները ներկայացվում են մինչև հաշվետու ժամանակաշրջանին հաջորդող ամսվա 7-րդ աշխատանքային օրը (ներառյալ):

12. Աուդիտի եզրակացությամբ հաստատված տարեկան հաշվետվությունները ներկայացվում են հաշվետու ժամանակաշրջանի ավարտից հետո 4-ամսյա ժամկետում, բայց ոչ ուշ, քան հրապարակումից 5 օր հետո: Թիվ 14 հաշվետվությունը ներկայացվում է մինչև տարեկան պետական տուրքի վճարման՝ Հայաստանի Հանրապետության օրենսդրությամբ սահմանված վերջնաժամկետին հաջորդող 10-րդ աշխատանքային օրը (ներառյալ):

(12-րդ կետը լրաց. 08.09.09 թիվ 269-Ն)

13. Թիվ 8 և 9 հաշվետվությունները ներկայացվում են մինչև յուրաքանչյուր փոփոխությունն ուժի մեջ մտնելու օրվան հաջորդող աշխատանքային օրը:

14. Եթե հաշվետվության ներկայացման ժամկետի վերջին օրը համընկնում է ոչ աշխատանքային օրվա հետ, ապա հաշվետվության ներկայացման ժամկետի ավարտի օր է համարվում այդ օրվան հաջորդող առաջին աշխատանքային օրը:

15. Սույն կանոնակարգով սահմանված ժամկետներից հետո ներկայացվող, սույն կանոնակարգով սահմանված ճշգրտված հաշվետվությունները ներկայացվում են էլեկտրոնային տարբերակով՝ սույն կանոնակարգի 6-րդ կետի համաձայն, ընդ որում, մի քանի ճշգրտված տարբերակների ներկայացման դեպքում հավաստի է համարվում ներկայացված վերջին տարբերակը:

16. Հաշվետվության էլեկտրոնային տարբերակը պետք է հնարավոր լինի ընթերցել էլեկտրոնային ֆորմատով, չպետք է լրացվի «յունիկոդ»-ով, երկու լրացված ամբողջական տողերի (ոչ յուրաքանչյուր սյունակի երկու լրացված տողերի) միջև դատարկ տողեր չպետք է լինեն, և այն պետք է զերծ լինի ծրագրային կամ այլ տեխնիկական թերությունից: Սույն կետի պահանջը չի գործում Կենտրոնական դեպոզիտարիայի վրա, եթե հաշվետվության էլեկտրոնային տարբերակի ծրագրային կամ այլ տեխնիկական թերությունն առկա է Կենտրոնական բանկի կողմից տրամադրված ֆայլերում:

17. Հաշվետվությունները լրացվում են միայն հայերեն տառերով (տառատեսակ՝ Թայմզ Արմենիան): Բացառություն են կազմում բանկերի Սվիֆտ կոդերը, Տելեքս համարները, արժեթղթերի տարբերակիչ ծածկագրերը և կոդերը:

18. Կենտրոնական դեպոզիտարիայի կողմից Կենտրոնական բանկ ներկայացվող հաշվետվություններում պարունակվող տեղեկությունները պետք է լինեն արժանահավատ և ամբողջական:

 

Գ Լ ՈՒ Խ  3

 

ԿԵՆՏՐՈՆԱԿԱՆ ԲԱՆԿԻ ԿՈՂՄԻՑ ԿԵՆՏՐՈՆԱԿԱՆ ԴԵՊՈԶԻՏԱՐԻԱՅԻՑ ՏԵՂԵԿԱՆՔ, ԲԱՑԱՏՐՈՒԹՅՈՒՆ ԵՎ ԱՅԼ ՓԱՍՏԱԹՂԹԵՐ ՊԱՀԱՆՋԵԼՈՒ ԿԱՐԳԸ

 

19. Կենտրոնական բանկն իրավունք ունի Կենտրոնական դեպոզիտարիայից, նրա պաշտոնատար անձանցից ծանուցմամբ պահանջել Կենտրոնական դեպոզիտարիայի, հաշվարկային համակարգի անդամների և (կամ) նրանց գործունեության վերաբերյալ լրացուցիչ տեղեկանք, բացատրություն և (կամ) այլ փաստաթղթեր, որոնք անհրաժեշտ են «Արժեթղթերի շուկայի մասին» Հայաստանի Հանրապետության օրենքով սահմանված իրավասություններն իրականացնելու համար:

20. Կենտրոնական դեպոզիտարիային ծանուցում կարող է տրվել թղթային եղանակով, հեռախոսագրի, Կենտրոնական բանկի պաշտոնական էլեկտրոնային փոստի, Սի-Բի-Էյ-նեթ համակարգի միջոցով կամ կապի՝ սահմանված այլ պահուստային միջոցներով, ընդ որում, ծանուցման փաստաթուղթը ստորագրվում է Կենտրոնական բանկի` Կենտրոնական դեպոզիտարիայի վերահսկողության համար պատասխանատու ստորաբաժանման ղեկավարի կամ ղեկավարի տեղակալի կողմից:

21. Կենտրոնական դեպոզիտարիան կամ նրա պաշտոնատար անձը պարտավոր է պահանջվող լրացուցիչ տեղեկանքը, բացատրությունը և (կամ) փաստաթուղթը Կենտրոնական բանկ ներկայացնել սույն կանոնակարգի 20-րդ կետում նշված ծանուցումը ստանալու պահից 5 աշխատանքային օրվա ընթացքում:

22. Կենտրոնական դեպոզիտարիան պահանջվող լրացուցիչ տեղեկանքը, բացատրությունը և (կամ) փաստաթուղթը ներկայացնում է թղթային եղանակով կամ Սի-Բի-Էյ-նեթ համակարգի միջոցով: Սի-Բի-Էյ-նեթ համակարգին միացված չլինելու դեպքում դրանք ներկայացվում են ինտերնետով` հաշվետվությունների ընդունման համակարգով: Այդ համակարգերի խափանման դեպքում պահանջվող լրացուցիչ տեղեկանքը, բացատրությունը և (կամ) փաստաթուղթը ներկայացվում է մագնիսական կամ էլեկտրոնային կրիչով՝ կից ներկայացնելով խափանման վերաբերյալ գրություն:

23. Կենտրոնական դեպոզիտարիայի լիազոր ներկայացուցիչը կարող է հրավիրվել Կենտրոնական բանկի` Կենտրոնական դեպոզիտարիայի վերահսկողության համար պատասխանատու ստորաբաժանում՝ հաշվետվությունների և սույն գլխով պահանջվող լրացուցիչ տեղեկանքի, բացատրության և (կամ) փաստաթղթի վերաբերյալ պարզաբանումներ ու մեկնաբանումներ տալու համար:

 

Բ Ա Ժ Ի Ն  III

 

ՀԱՇՎԵՏՎՈՒԹՅՈՒՆՆԵՐԻ ԼՐԱՑՄԱՆ ԿԱՐԳԸ

 

Գ Լ ՈՒ Խ  4

 

ԹԻՎ 1-ԹԻՎ 5 ՀԱՇՎԵՏՎՈՒԹՅՈՒՆՆԵՐԻ ԼՐԱՑՄԱՆ ԿԱՐԳԸ

 

24. Թիվ 1 - ԹԻՎ 5 հաշվետվությունները լրացվում են Հայաստանի Հանրապետության ֆինանսների և էկոնոմիկայի նախարարի 2001 թվականի դեկտեմբերի 12-ի «Կազմակերպությունների տարեկան (ամբողջական փաթեթով միջանկյալ) ֆինանսական հաշվետվությունների ձևերը և դրանց լրացման հրահանգը հաստատելու մասին» թիվ 465 հրամանով սահմանված կարգով՝ հազար դրամներով, առանց տասնորդական միավորների: Ֆինանսական հաշվետվություններին կից ծանոթագրությունների Թիվ 5 հաշվետվության ձևի 5.3.4 կետի («Ֆինանսական արդյունքների հաշվետվությանը կից ծանոթագրություններ») «Ֆինանսական արդյունքների հաշվետվությանը կից ծանոթագրությունների այլ բացահայտումներ» բաժնում պետք է ներառվեն սույն կանոնակարգի Հավելված 1-ով սահմանված Աղյուսակ 23-ով պահանջվող տեղեկությունները:

 

Գ Լ ՈՒ Խ  5

 

ԿԱՐԳԱՎՈՐՎՈՂ ՇՈՒԿԱՅՈՒՄ ԱՐԺԵԹՂԹԵՐՈՎ ԿՆՔՎԱԾ ԳՈՐԾԱՐՔՆԵՐԻ ԱՐԴՅՈՒՆՔՈՒՄ ՓՈԽԱԴԱՐՁ ՊԱՀԱՆՋՆԵՐԻ ԵՎ ՊԱՐՏԱՎՈՐՈՒԹՅՈՒՆՆԵՐԻ ՎԵՐԱԲԵՐՅԱԼ ԹԻՎ 6 ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ

 

25. Թիվ 6 հաշվետվությունում լրացվում են կարգավորվող շուկայում բաժնային և (կամ) ոչ բաժնային արժեթղթերով կնքված գործարքների արդյունքում շուկայի մասնակիցների (անդամների)` արժեթղթերի և դրամական միջոցների փոխադարձ պահանջների և պարտավորությունների վերաբերյալ տեղեկությունները` ամբողջ հաշվետու ժամանակաշրջանի համար (հաշվետու օրվա):

26. Սույն հաշվետվությունում հաշվարկային համակարգի անդամի հաճախորդներին պատկանող արժեթղթերի և դրամական միջոցների վերաբերյալ տեղեկությունները ներկայացվում են ամփոփ, այլ ոչ թե յուրաքանչյուր հաճախորդի համար առանձին:

27. Թիվ 6 հաշվետվության սյունակները լրացվում են հետևյալ կանոններին համապատասխան.

1) «Հաշվետու օր» մասում լրացվում է փոխադարձ պահանջների և պարտավորությունների որոշման ամսաթիվը:

2) «Արժեթղթի տարբերակիչ ծածկագիրը» սյունակում նշվում է արժեթղթի կոդը, մասնավորապես, ՀՀ-ում թողարկված ոչ պետական արժեթղթերի դեպքում` Կենտրոնական դեպոզիտարիայի կողմից շնորհված արժեթղթի տարբերակիչ ծածկագիրը: Օտարերկրյա արժեթղթերի դեպքում նշվում է օտարերկրյա իրավասու մարմնի կողմից արժեթղթին շնորհված տարբերակիչ ծածկագիրը (առկայության դեպքում):

3) «Առևտրային նստաշրջանի սկզբում արժեթղթերի քանակը» սյունակում լրացվում է մինչև առևտրային նստաշրջանը դեպոնացված արժեթղթերի քանակը` հատերով:

4) «Առևտրային նստաշրջանի վերջում արժեթղթերի քանակը» սյունակում լրացվում է առևտրային նստաշրջանից հետո մնացած արժեթղթերի քանակը` հատերով:

5) «Առաքման կամ ստացման ենթակա արժեթղթերի քանակը» սյունակում լրացվում է առևտրային նստաշրջանի վերջում և սկզբում առկա արժեթղթերի քանակների տարբերությունը` հատերով:

6) «Դրամական միջոցները առևտրային նստաշրջանի սկզբում» սյունակում լրացվում է մինչև առևտրային նստաշրջանը դեպոնացված դրամական միջոցների գումարը:

7) «Դրամական միջոցների մնացորդը առևտրային նստաշրջանի վերջում» սյունակում լրացվում է առևտրային նստաշրջանից հետո մնացած դրամական միջոցների գումարը:

8) «Վճարման կամ ստացման ենթակա դրամական միջոցները» սյունակում լրացվում է առևտրային նստաշրջանի վերջում և սկզբում առկա դրամական միջոցների գումարների տարբերությունը:

 

Գ Լ ՈՒ Խ  6

 

ՀԱՇՎԵՏՎՈՒԹՅՈՒՆ ԿԱՐԳԱՎՈՐՎՈՂ ՇՈՒԿԱՅԻՑ ԴՈՒՐՍ ԿՆՔՎԱԾ ԳՈՐԾԱՐՔՆԵՐԻ ԱՐԴՅՈՒՆՔՈՒՄ ՌԵԵՍՏՐՈՒՄ ԳՐԱՌՈՒՄՆԵՐ ԿԱՏԱՐԵԼՈՒ ՎԵՐԱԲԵՐՅԱԼ ԹԻՎ 7 ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ 

 

28. Թիվ 7 հաշվետվությունում լրացվում են կարգավորվող շուկայից դուրս կնքված գործարքների արդյունքում ռեեստրում գրառումներ կատարելու վերաբերյալ տեղեկությունները` ամբողջ հաշվետու ժամանակաշրջանի (հաշվետու օրվա) համար:

29. Թիվ 7 հաշվետվության սյունակները լրացվում են հետևյալ կանոններին համապատասխան.

1) «Հաշվետու օր» մասում լրացվում է ռեեստրում գրառումներ կատարելու ամսաթիվը:

2) «Փոխանցման հանձնարարագրի տարբերակիչ համարը» սյունակում լրացվում է փոխանցման հանձնարարագրի հերթական տարբերակիչ համարը:

3) «Արժեթղթերի փոխանցման հիմքը» սյունակում լրացվում է «առուվաճառք», «ռեպո գործարքի կնքում» կամ «ռեպո գործարքի մարում»:

4) «Արժեթղթի տարբերակիչ ծածկագիրը» սյունակում նշվում է արժեթղթի կոդը, մասնավորապես, ՀՀ-ում թողարկված ոչ պետական արժեթղթերի դեպքում` Կենտրոնական դեպոզիտարիայի կողմից շնորհված արժեթղթի տարբերակիչ ծածկագիրը: Օտարերկրյա արժեթղթերի դեպքում նշվում է օտարերկրյա իրավասու մարմնի կողմից արժեթղթին շնորհված տարբերակիչ ծածկագիրը (առկայության դեպքում):

5) «Միավոր արժեթղթի գինը» սյունակում լրացվում է մեկ արժեթղթի առքի (վաճառքի) գինը:

6) «Արժեթղթերի քանակը» սյունակում լրացվում է տվյալ գործարքի արդյունքում փոխանցվող արժեթղթերի քանակը` հատերով:

7) «Ընդհանուր գումարը» հաշվարկվում է որպես միավոր արժեթղթի գնի և արժեթղթերի քանակի արտադրյալ:

8) «Արժեթղթի դասը» սյունակում նշվում է «բաժնային» կամ «ոչ բաժնային»:

9) «Կարգավիճակը» ենթասյունակում լրացվում է «սեփականատեր», «անվանատեր» կամ «համասեփականատեր»:

10) «Ռեզիդենտությունը» սյունակում նշվում է «ռեզիդենտ» կամ «ոչ ռեզիդենտ»:

 

Գ Լ ՈՒ Խ  7

 

ՀԱՇՎԱՐԿԱՅԻՆ ՀԱՄԱԿԱՐԳԻՆ ԱՆԴԱՄԱԿՑՈՒԹՅԱՆ ՏՐԱՄԱԴՐՄԱՆ ԵՎ (ԿԱՄ) ԱՆԴԱՄԱԿՑՈՒԹՅՈՒՆԻՑ ԶՐԿՄԱՆ ՎԵՐԱԲԵՐՅԱԼ ԹԻՎ 8 ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ

 

30. Թիվ 8 հաշվետվությունում լրացվում են հաշվարկային համակարգին անդամակցության տրամադրման և (կամ) անդամակցությունից զրկման վերաբերյալ տեղեկությունները հաշվարկային համակարգին անդամակցության տրամադրման և (կամ) անդամակցությունից զրկման դեպքում: Սույն հաշվետվության իմաստով հաշվարկային համակարգին անդամակցության տրամադրման և (կամ) անդամակցությունից զրկման պահ է համարվում անդամին հաշվարկային համակարգին անդամակցության տրամադրման և (կամ) անդամակցությունից զրկման ուժի մեջ մտնելու պահը: Սույն հաշվետվական ձևի համաձայն հաշվարկային համակարգի անդամի` հաշվարկային համակարգին անդամակցությունից զրկումը ընդգրկում է հաշվարկային համակարգին անդամակցության կամավոր, հարկադիր և ինքնաբերաբար դադարեցումները:

31. Թիվ 8 հաշվետվության սյունակները լրացվում են հետևյալ կանոններին համապատասխան.

1) «Անդամին շնորհված առևտրային ծածկագիրը» սյունակում նշվում է Կենտրոնական դեպոզիտարիայի կանոններին համապատասխան անդամին շնորհված առևտրային ծածկագիրը:

2) «Հաշվարկային համակարգին անդամակցության տրամադրման ամսաթիվը» սյունակում լրացվում է տվյալ անդամին հաշվարկային համակարգին անդամակցության տրամադրման փաստացի ուժի մեջ մտնելու ամսաթիվը:

3) «Հաշվարկային համակարգին անդամակցությունից զրկման ամսաթիվը» սյունակում լրացվում է տվյալ անդամին հաշվարկային համակարգին անդամակցությունից զրկման ուժի մեջ մտնելու ամսաթիվը:

4) «Հաշվարկային համակարգի անդամին անդամակցությունից զրկման իրավական հիմքերը» սյունակում լրացվում են արժեթղթերի շուկան կարգավորող օրենքների և (կամ) այլ իրավական ակտի համապատասխան դրույթները, որոնց հիման վրա հաշվարկային համակարգի անդամը զրկվել է անդամակցությունից (համապատասխան օրենքի կամ այլ իրավական ակտի անվանումը, ինչպես նաև համապատասխան հոդվածը (գլուխը), մասը (կետը), կետը (ենթակետը), պարբերությունը)՝ կախված իրավական ակտի համարակալման կառուցվածքից:

 

Գ Լ ՈՒ Խ  8

 

ՀԱՇՎԱՐԿԱՅԻՆ ՀԱՄԱԿԱՐԳԻՆ ԱՆԴԱՄԱԿՑՈՒԹՅԱՆ ԿԱՍԵՑՄԱՆ ԵՎ (ԿԱՄ) ԱՆԴԱՄԱԿՑՈՒԹՅԱՆ ԿԱՍԵՑՄԱՆ ԴԱԴԱՐԵՑՄԱՆ ՎԵՐԱԲԵՐՅԱԼ ԹԻՎ 9 ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ

 

32. Թիվ 9 հաշվետվությունում լրացվում են հաշվարկային համակարգին անդամակցության կասեցման և (կամ) անդամակցության կասեցման դադարեցման վերաբերյալ տեղեկությունները անդամակցության կասեցման և (կամ) անդամակցության կասեցման դադարեցման դեպքում: Սույն հաշվետվության իմաստով հաշվարկային համակարգին անդամակցության կասեցման և (կամ) անդամակցության կասեցման դադարեցման պահ է համարվում անդամի` հաշվարկային համակարգին անդամակցության կասեցման և (կամ) անդամակցության կասեցման դադարեցման ուժի մեջ մտնելու պահը:

33. Թիվ 9 հաշվետվության սյունակները լրացվում են հետևյալ կանոններին համապատասխան.

1) «Անդամակցության կասեցման ժամկետը» սյունակում նշվում են հաշվարկային համակարգի անդամի հաշվարկային համակարգին անդամակցության կասեցման սկիզբը և ավարտը, մասնավորապես, սկիզբը ենթասյունակում նշվում է, օրինակ, 01/01/2008 թ., իսկ ավարտը սյունակում` 01/02/2008 թ.: Եթե կասեցման վերջնաժամկետը (ավարտը) հայտնի չէ, ապա ավարտը ենթասյունակը չի լրացվում:

2) «Հաշվարկային համակարգի անդամի անդամակցության կասեցման իրավական հիմքերը» սյունակում լրացվում են արժեթղթերի շուկան կարգավորող օրենքների (կամ) այլ իրավական ակտի համապատասխան դրույթները, որոնց հիման վրա հաշվարկային համակարգի անդամի անդամակցությունը կասեցվել է (համապատասխան օրենքի (այլ իրավական ակտի) անվանումը, ինչպես նաև համապատասխան հոդվածը (գլուխը), մասը (կետը), կետը (ենթակետը), պարբերությունը):

3) «Հաշվարկային համակարգի անդամի անդամակցության կասեցման դադարեցման իրավական հիմքերը» սյունակում լրացվում են արժեթղթերի շուկան կարգավորող օրենքների և (կամ) այլ իրավական ակտի համապատասխան դրույթները, որոնց հիման վրա հաշվարկային համակարգի անդամի անդամակցության կասեցումը դադարեցվել է (համապատասխան օրենքի կամ այլ իրավական ակտի անվանումը, ինչպես նաև համապատասխան հոդվածը (գլուխը), մասը (կետը), կետը (ենթակետը), պարբերությունը)` կախված իրավական ակտի համարակալման կառուցվածքից:

 

Գ Լ ՈՒ Խ  9

 

ԿԵՆՏՐՈՆԱԿԱՆ ԴԵՊՈԶԻՏԱՐԻԱՅՈՒՄ ՌԵԵՍՏՐ ՎԱՐՈՂ ԹՈՂԱՐԿՈՂՆԵՐԻ ԱՐԺԵԹՂԹԵՐԻ ՓՈԽԱՐԿՄԱՆ ՎԵՐԱԲԵՐՅԱԼ ԹԻՎ 10 ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ 

 

34. Թիվ 10 հաշվետվությունում լրացվում են այն թողարկողների արժեթղթերի փոխարկման վերաբերյալ տեղեկությունները, որոնց ռեեստրը վարում է Կենտրոնական դեպոզիտարիան: Սույն հաշվետվության համաձայն տեղեկությունները լրացվում են ամբողջ հաշվետու ժամանակաշրջանի (հաշվետու ամսվա) համար:

35. Թիվ 10 հաշվետվության սյունակները լրացվում են հետևյալ կանոններին համապատասխան.

1) «Թողարկողի ֆիրմային անվանումը գտնվելու վայրը» սյունակում նշվում են թողարկողի ֆիրմային անվանումը (ֆիզիկական անձի դեպքում` անունը, ազգանունը, հայրանունը), գտնվելու վայրը (բնակության վայրը): Սույն սյունակը լրացվում է արժեթղթի տարբերակիչ ծածկագրի բացակայության դեպքում: Սույն սյունակը օտարերկրյա արժեթղթերի համար պարտադիր լրացման ենթակա է` անկախ այն հանգամանքից արժեթղթի տարբերակիչ ծածկագիրը առկա է, թե ոչ:

2) «Փոխարկում իրականացնելու համար որոշմամբ նախատեսված ժամկետը» սյունակում նշվում են փոխարկման որոշմամբ նախատեսված փոխարկման իրականացման սկիզբը և ավարտը, մասնավորապես, սկիզբը ենթասյունակում նշվում է, օրինակ, 01/01/2008 թ., իսկ ավարտը սյունակում` 01/02/2008 թ.:

3) «Արժեթղթի տարբերակիչ ծածկագիրը» սյունակում նշվում է արժեթղթի կոդը, մասնավորապես` ՀՀ-ում թողարկված ոչ պետական արժեթղթերի դեպքում` Կենտրոնական դեպոզիտարիայի կողմից շնորհված արժեթղթի տարբերակիչ ծածկագիրը: Օտարերկրյա արժեթղթերի դեպքում նշվում է օտարերկրյա իրավասու մարմնի կողմից արժեթղթին շնորհված տարբերակիչ ծածկագիրը (առկայության դեպքում):

4) «Արժեթղթի դասը» սյունակում նշվում է «բաժնային» կամ «ոչ բաժնային»: Արժեթղթերի տարբերակիչ ծածկագրի առկայության դեպքում սույն սյունակը չի լրացվում: Սույն սյունակը օտարերկրյա արժեթղթերի համար պարտադիր լրացման ենթակա է` անկախ այն հանգամանքից արժեթղթի տարբերակիչ ծածկագիրը առկա է, թե ոչ:

5) «Արժեթղթի փոխարկման ձևը» սյունակում նշվում է «բաժանում», «կոնսոլիդացիա» կամ «փոխանակում»:

6) «Եթե արժեթղթերի փոխարկումը վերակազմակերպման արդյունք է, ապա վերակազմակերպման ձևը» սյունակում նշվում է «միաձուլում», «միացում», «բաժանում», «առանձնացում» կամ «վերակազմավորում»:

7) «Այն արժեթղթերի դասը (դասերը), որին (որոնց) փոխարկվում են տվյալ արժեթղթերը» սույն սյունակում նշվում է «բաժնային» կամ «ոչ բաժնային»:

8) «Արժեթղթերի փոխարկման սկզբունքը» սյունակում նշվում է տվյալ դասի արժեթղթերի փոխարկման բանաձևը կամ գործակիցը:

9) «Արժեթղթերի ընդհանուր քանակը» սյունակում նշվում է մինչև փոխարկումը և փոխարկումից հետո առկա արժեթղթերի քանակը (ըստ յուրաքանչյուր դասի)` հատերով:

 

Գ Լ ՈՒ Խ  10

 

ՆՎԻՐԱՏՎՈՒԹՅԱՆ ԵՎ ԺԱՌԱՆԳՈՒԹՅԱՆ ԱՐԴՅՈՒՆՔՈՒՄ ԱՐԺԵԹՂԹԵՐԻ ՓՈԽԱՆՑՄԱՆ ՎԵՐԱԲԵՐՅԱԼ ԹԻՎ 11 ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ

 

36. Թիվ 11 հաշվետվությունում լրացվում են հաշվետու ժամանակաշրջանի ընթացքում նվիրատվության և ժառանգության արդյունքում փոխանցված արժեթղթերի վերաբերյալ տեղեկությունները: Սույն հաշվետվության համաձայն տեղեկությունները լրացվում են ամբողջ հաշվետու ժամանակաշրջանի (հաշվետու եռամսյակի) համար:

37. Թիվ 11 հաշվետվության սյունակները լրացվում են հետևյալ կանոններին համապատասխան.

1) «Փոխանցված արժեթղթի տարբերակիչ ծածկագիրը» սյունակում նշվում է արժեթղթի կոդը, մասնավորապես` ՀՀ-ում թողարկված ոչ պետական արժեթղթերի դեպքում` Կենտրոնական դեպոզիտարիայի կողմից շնորհված արժեթղթի տարբերակիչ ծածկագիրը: Օտարերկրյա արժեթղթերի դեպքում նշվում է օտարերկրյա իրավասու մարմնի կողմից արժեթղթին շնորհված տարբերակիչ ծածկագիրը (առկայության դեպքում):

2) «Արժեթղթի դասը» սյունակում նշվում է «բաժնային» կամ «ոչ բաժնային»: Արժեթղթերի տարբերակիչ ծածկագրի առկայության դեպքում սույն սյունակը չի լրացվում: Սույն սյունակը օտարերկրյա արժեթղթերի համար պարտադիր լրացման ենթակա է` անկախ այն հանգամանքից արժեթղթի տարբերակիչ ծածկագիրը առկա է, թե ոչ:

3) «Թողարկողի ֆիրմային անվանումը, գտնվելու վայրը» սյունակում նշվում է թողարկողի ֆիրմային անվանումը (ֆիզիկական անձի դեպքում` անունը, ազգանունը, հայրանունը), գտնվելու վայրը (բնակության վայրը): Սույն սյունակը լրացվում է արժեթղթի տարբերակիչ ծածկագրի բացակայության դեպքում: Սույն սյունակը օտարերկրյա արժեթղթերի համար պարտադիր լրացման ենթակա է` անկախ այն հանգամանքից արժեթղթի տարբերակիչ ծածկագիրը առկա է, թե ոչ:

4) «Փոխանցված արժեթղթերի քանակը» սյունակում նշվում է նվիրատվության և (կամ) ժառանգության արդյունքում փոխանցված տվյալ արժեթղթերի ընդհանուր քանակը` հատերով:

5) «Փոխանցված արժեթղթերի ընդհանուր ծավալն անվանական արժեքով» սյունակում նշվում է նվիրատվության և (կամ) ժառանգության արդյունքում փոխանցված տվյալ արժեթղթերի ընդհանուր անվանական արժեքը:

 

Գ Լ ՈՒ Խ  11

 

ԹՈՂԱՐԿՈՂՆԵՐԻ ԱՐԺԵԹՂԹԵՐԻ ՍԵՓԱԿԱՆԱՏԵՐԵՐԻ (ԱՆՎԱՆԱՏԵՐԵՐԻ) ՌԵԵՍՏՐԻ ՎԱՐՄԱՆ ՎԵՐԱԲԵՐՅԱԼ ԹԻՎ 12 ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ

 

38. Թիվ 12 հաշվետվությունում լրացվում են այն թողարկողների սեփականատերերի (անվանատերերի) վերաբերյալ տեղեկությունները, որոնց ռեեստրը վարում է Կենտրոնական դեպոզիտարիան: Սույն հաշվետվության համաձայն տեղեկությունները լրացվում են հաշվետու ժամանակաշրջանի (հաշվետու եռամսյակի) վերջի դրությամբ: Թիվ 12 հաշվետվության սյունակները լրացվում են հետևյալ կանոններին համապատասխան.

1) «Թողարկողի ֆիրմային անվանումը, գտնվելու վայրը» սյունակում նշվում են թողարկողի ֆիրմային անվանումը (ֆիզիկական անձի դեպքում` անունը, ազգանունը, հայրանունը), գտնվելու վայրը (բնակության վայրը): Սույն սյունակը լրացվում է արժեթղթի տարբերակիչ ծածկագրի բացակայության դեպքում: Սույն սյունակը օտարերկրյա արժեթղթերի համար պարտադիր լրացման ենթակա է` անկախ այն հանգամանքից արժեթղթի տարբերակիչ ծածկագիրը առկա է, թե ոչ:

2) «Արժեթղթի տարբերակիչ ծածկագիրը» սյունակում նշվում է արժեթղթի կոդը, մասնավորապես, ՀՀ-ում թողարկված ոչ պետական արժեթղթերի դեպքում` Կենտրոնական դեպոզիտարիայի կողմից շնորհված արժեթղթի տարբերակիչ ծածկագիրը: Օտարերկրյա արժեթղթերի դեպքում նշվում է օտարերկրյա իրավասու մարմնի կողմից արժեթղթին շնորհված տարբերակիչ ծածկագիրը (հայտնի լինելու դեպքում):

3) «Արժեթղթի դասը» սյունակում նշվում է «բաժնային» կամ «ոչ բաժնային»: Արժեթղթերի տարբերակիչ ծածկագրի առկայության դեպքում սույն սյունակը չի լրացվում: Սույն սյունակը օտարերկրյա արժեթղթերի համար պարտադիր լրացման ենթակա է` անկախ այն հանգամանքից արժեթղթի տարբերակիչ ծածկագիրը առկա է, թե ոչ:

4) «Թողարկողի տվյալ դասի տեղաբաշխված արժեթղթերի քանակը» սյունակում նշվում է թողարկողի կողմից տվյալ դասի տեղաբաշխված արժեթղթերի քանակը` հատերով:

 

Գ Լ ՈՒ Խ  12

 

ԱՐԺԵԹՂԹԵՐԻ ՀԱՇԻՎՆԵՐԻ ՎԵՐԱԲԵՐՅԱԼ ԹԻՎ 13 ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ

 

39. Թիվ 13 հաշվետվությունում լրացվում են ենթապահառուների անձնական և անվանատիրոջ հաշիվների և (կամ) արժեթղթերի ուղղակի սեփականատերերի անձնական հաշիվների վերաբերյալ ամփոփ տվյալները: Սույն հաշվետվության համաձայն տեղեկությունները լրացվում են հաշվետու ժամանակաշրջանի (հաշվետու ամսվա) վերջի դրությամբ: Ընդ որում, ենթապահառուների անձնական հաշիվների և արժեթղթերի ուղղակի սեփականատերերի անձնական հաշիվների վերաբերյալ տեղեկությունները լրացվում են Թիվ 13 հաշվետվության աղյուսակ 1-ում, իսկ ենթապահառուների անվանատիրոջ հաշիվների վերաբերյալ տեղեկությունները` Թիվ 13 հաշվետվության 2-րդ աղյուսակում:

40. Թիվ 13 հաշվետվության սյունակները լրացվում են հետևյալ կանոններին համապատասխան.

1) «Քանակը» սյունակում լրացվում է տվյալ ենթապահառուի անձնական և (կամ) իր հաճախորդներին սեփականության իրավունքով պատկանող և (կամ) արժեթղթերի ուղղակի սեփականատերերի արժեթղթերի քանակը (ըստ յուրաքանչյուր արժեթղթի դասի)` հատերով:

2) «Գրավադրման հիմքով արգելադրված արժեթղթերի քանակը» ենթասյունակում լրացվում է հաշվետու ժամանակաշրջանի վերջի դրությամբ գրավադրման հիմքով արգելադրված արժեթղթերի քանակը` հատերով (ըստ յուրաքանչյուր արժեթղթի դասի):

3) «Կալանված և (կամ) արգելանք դրված արժեթղթերի քանակը» ենթասյունակում լրացվում է հաշվետու ժամանակաշրջանի վերջի դրությամբ այն արժեթղթերի քանակը` հատերով (ըստ յուրաքանչյուր արժեթղթի դասի), որոնց վրա ՀՀ օրենսդրությամբ սահմանված իրավասու մարմինների և (կամ) պաշտոնատար անձանց (քրեական հետապնդում իրականացնող մարմինների, դատարանի, հարկադիր կատարողի և այլնի) կողմից դրվել է կալանք և (կամ) արգելանք:

 

Գ Լ ՈՒ Խ 13

 

ՏԱՐԵԿԱՆ ՊԵՏԱԿԱՆ ՏՈՒՐՔԻ ՎՃԱՐՄԱՆ ՎԵՐԱԲԵՐՅԱԼ ԹԻՎ 14 ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ

 

41. Թիվ 14 հաշվետվության մեջ արտացոլվում է հաշվետու ժամանակաշրջանում Կենտրոնական դեպոզիտարիայի կողմից վճարված և վճարման ենթակա հերթական տարեկան պետական տուրքի վերաբերյալ տեղեկատվություն: Հաշվետվությանը կից Կենտրոնական բանկ են ներկայացվում նաև հաշվետու ժամանակաշրջանի ընթացքում վճարված հերթական տարեկան պետական տուրքի, ինչպես նաև դրա վճարումն ուշացնելու համար վճարված տույժի (առկայության դեպքում) վճարումը հավաստող փաստաթղթերի (պետական տուրքի անդորրագիր, վճարման հանձնարարական և այլն) սքան արված տարբերակները:

Սույն կետի իմաստով` հաշվետվության ներկայացման հաշվետու ժամանակաշրջան է համարվում լիցենզիայի տրամադրման օրվանից մինչև յուրաքանչյուր հաջորդ տարվա նույն օրն ընկած ժամանակահատվածը:

42. Թիվ 14 հաշվետվությունը լրացվում է հետևյալ կանոններին համապատասխան.

1) «Լիցենզիայի տրամադրման ամսաթիվը» սյունակում նշվում է Կենտրոնական դեպոզիտարիայի գործունեության իրականացման համար Կենտրոնական բանկի կողմից լիցենզիայի տրամադրման ամսաթիվը:

2) «Վճարված պետական տուրքի գումարը» սյունակում նշվում է հաշվետու ժամանակաշրջանի ընթացքում հերթական տարեկան պետական տուրքի գծով վճարված գումարը (առանց տույժերի գումարի):

Հաշվետու ժամանակաշրջանի ընթացքում Կենտրոնական դեպոզիտարիայի կողմից կատարված առանձին վճարումները արտացոլվում են առանձին տողերով, բացառությամբ նույն օրվա ընթացքում նույն ժամանակաշրջանի համար կատարված մեկից ավելի վճարումների, որոնք նշված սյունակում լրացվում են մեկ թվով:

3) «Ժամկետանց օրերի համար վճարված տույժի չափը» սյունակում լրացվում է հերթական տարեկան պետական տուրքի վճարումը Հայաստանի Հանրապետության օրենսդրությամբ սահմանված ժամկետներում ամբողջությամբ կամ մասնակի չկատարելու համար հաշվետու ժամանակաշրջանում վճարված տույժի չափը:

Հաշվետու ժամանակաշրջանում Կենտրոնական դեպոզիտարիայի կողմից տույժերի գծով կատարված առանձին վճարումները արտացոլվում են առանձին տողերով` յուրաքանչյուր վճարված տույժի համար լրացնելով միայն «Վճարման ամսաթիվը», «Հաշվի համարը» և «Ժամկետանց պարտավորության ամբողջ գումարը» սյունակները, բացառությամբ նույն օրվա ընթացքում կատարված մեկից ավելի վճարումների, որոնք նշված սյունակում լրացվում են մեկ թվով:

4) «Վճարման ամսաթիվը» սյունակում նշվում է հաշվետու ժամանակաշրջանում վճարված պետական տուրքի կամ տույժերի վճարման ամսաթիվը: Այն դեպքում, երբ պետական տուրքի և տույժերի վճարման ամսաթվերը համընկնում են, այդ գումարները լրացվում են նույն տողի վրա, հակառակ դեպքում լրացվում են առանձին տողերով` յուրաքանչյուր վճարված գումարի համար նշելով համապատասխան վճարման ամսաթիվը:

5) «Ժամանակաշրջանը» սյունակում նշվում են այն ժամանակաշրջանի սկզբի ամսաթիվը և վերջի ամսաթիվը, որի համար վճարվել է «Վճարված պետական տուրքի գումարը» սյունակում նշված գումարը: Օրինակ, եթե Կենտրոնական դեպոզիտարիայի գործունեության լիցենզիան ստացվել է 11/08/2003թ. և Կենտրոնական դեպոզիտարիան կատարել է հերթական տարեկան պետական տուրքի վճարում 01/07/2008թ.` հաջորդ տարվա համար, ապա «Ժամանակաշրջանը» սյունակի «սկիզբ» մասում կնշվի 11/08/2008թ., իսկ «վերջ» մասում` 11/08/2009թ.:

Այն դեպքում, երբ Կենտրոնական դեպոզիտարիան մեկ վճարումով իրականացնում է պետական տուրքի վճարում տարբեր ժամանակաշրջանների համար, ապա դրանք արտացոլվում են առանձին տողերով` վճարված գումարի յուրաքանչյուր մասի համար լրացնելով վճարման համապատասխան ժամանակաշրջանը:

6) «Հաշվի համարը» սյունակում լրացվում է Հայաստանի Հանրապետության պետական բյուջեի համապատասխան հաշվի համարը, որին կատարվել է «Վճարված պետական տուրքի գումարը» և (կամ) «Ժամկետանց օրերի համար վճարված տույժի չափը» սյունակում նշված գումարների վճարումը:

7) «Ժամկետանց պարտավորության ամբողջ գումարը» սյունակում լրացվում է «Վճարման ամսաթիվը» սյունակում նշված օրվա վերջի դրությամբ տարեկան պետական տուրքի գծով վճարման ենթակա գումարի ժամկետանց մասի և վճարման ենթակա տույժերի չափը: «Մնացորդը հաշվետու ժամանակաշրջանի վերջի դրությամբ» տողը լրացվում է միայն «Ժամկետանց պարտավորության ամբողջ գումարը» սյունակի համար, որտեղ նշվում է հաշվետու ժամանակաշրջանի վերջին օրվա դրությամբ պետական տուրքի գումարի ժամկետանց մասի և վճարման ենթակա տույժերի հանրագումարը:

(Գլուխը լրաց. 08.09.09 թիվ 269-Ն)

 

Հավելված 1 «Կենտրոնական դեպոզիտարիայի` Կենտրոնական բանկ ներկայացվող հաշվետվությունները, դրանց ներկայացման կարգը, ձևը և ժամկետները» կանոնակարգ 5/04-ի հավելվածի

 

Աղյուսակ 23

 

Կենտրոնական դեպոզիտարիայի կողմից մատուցվող ծառայություններից եկամուտ

 

(հազար դրամ)

Ցուցանիշի անվանումը տող Նախորդ տարի (միջանկյալ ժամանակա- շրջան` աճողական) Հաշվետու տարի (միջանկյալ ժամանակա- շրջան` աճողական) Նախորդ տարվա միջանկյալ ժամանակա- շրջան Հաշվետու տարվա միջանկյալ ժամանակա- շրջան 1. Եկամուտներ թողարկողներին մատուցվող ծառայություններից, այդ թվում 10         1.1 Սեփականատերերի (անվանատերերի) ռեեստրի վարումից և պահպանումից 20         1.2 Արժեթղթերի տեղաբաշխմամբ պայմանավորված ծառայությունների մատուցումից 30         1.3. Թողարկողի կորպորատիվ գործողությամբ պայմանավորված ծառայությունների մատուցումից 40         1.4. Սեփականատերերի (անվանատերերի) ցուցակի և թողարկողի հարցմամբ իր կողմից թողարկված արժեթղթերով կատարված գործառնությունների վերաբերյալ տեղեկանքի տրամադրման ծառայություններից 50         2. Եկամուտներ սեփականատերերին (անվանատերերին) մատուցվող ծառայություններից, այդ թվում 60         2.1. Անձնական հաշվի բացման համար 70         2.2. Քարտում ներառված տեղեկությունների փոփոխության համար 80         2.1. Արժեթղթերի փոխանցման համար 90         2.2. Արժեթղթերի արգելադրման համար 100         2.1. Արժեթղթերի արգելադրման դադարեցման համար 110         2.2. Արժեթղթերի հավաստագրերով կատարվող գործառնությունների համար 120         2.1. Ռեեստրից և անձնական հաշվից քաղվածքների և գործառնությունների մասին տեղեկանքների տրամադրման համար 130         3. Արժեթղթերի հաշվարկային համակարգի սպասարկում 140         3.1 Արժեթղթերի հաշվարկային համակարգի անդամության և համակարգի ծառայություններից օգտվելու համար 150         3.2 Արժեթղթերի առևտրային արգելադրման և արգելադրման դադարեցման համար 160         3.3 Կարգավորվող շուկայում առևտրի արդյունքում կնքված գործարքների արդյունքում ծագած փոխադարձ պարտավորությունների որոշման, դրանց հաշվանցման (քլիրինգի) և վերջնահաշվարկի համար 170         4 Արժեթղթերի ծածկագրի շնորհում 180         5 Եկամուտներ կիրառված տույժերից 190         6 Եկամուտներ մատուցվող այլ ծառայություններից 200           Ը ն դ ա մ ե ն ը 210

 

Հավելված 2 «Կենտրոնական դեպոզիտարիայի` Կենտրոնական բանկ ներկայացվող հաշվետվությունները, դրանց ներկայացման կարգը, ձևը և ժամկետները» կանոնակարգ 5/04-ի հավելվածի

 

Հ Ա Շ Վ Ե Տ Վ ՈՒ Թ Յ ՈՒ Ն  Թ Ի Վ  6

 

ԿԱՐԳԱՎՈՐՎՈՂ ՇՈՒԿԱՅՈՒՄ ԱՐԺԵԹՂԹԵՐՈՎ ԿՆՔՎԱԾ ԳՈՐԾԱՐՔՆԵՐԻ ԱՐԴՅՈՒՆՔՈՒՄ ՓՈԽԱԴԱՐՁ ՊԱՀԱՆՋՆԵՐԻ ԵՎ ՊԱՐՏԱՎՈՐՈՒԹՅՈՒՆՆԵՐԻ ՎԵՐԱԲԵՐՅԱԼ

(օրական)

 

Աղյուսակ 1

 

Հաճախորդների արժեթղթերով կամ դրամական միջոցներով կնքված գործարքներ

 

Կենտրոնական դեպոզիտարիայի անվանումը __________________________

Հաշվետու օր ___________

 

N	Հաշվարկային համակարգի անդամի անվանումը		ԱՐԺԵԹՂԹԵՐ				ԴՐԱՄԱԿԱՆ ՄԻՋՈՑՆԵՐ
			Արժեթղթի տարբերակիչ ծածկագիրը	Առևտրային նստաշրջանի սկզբում արժեթղթերի քանակը	Առևտրային նստաշրջանի վերջում արժեթղթերի քանակը	Առաքման կամ ստացման ենթակա արժեթղթերի քանակը	Դրամական միջոցները առևտրային նստաշրջանի սկզբում	Դրամական միջոցների մնացորդը առևտրային նստաշրջանի վերջում	Վճարման կամ ստացման ենթակա դրամական միջոցները
1		1
		2
		…
2		1
		2
		…

 

Կենտրոնական դեպոզիտարիայի գործադիր տնօրեն`	________________________ (ստորագրություն)
Գլխավոր հաշվապահ՝   Կ.Տ.	________________________ (ստորագրություն)

 

Աղյուսակ 2

 

Սեփական արժեթղթերով կամ դրամական միջոցներով կնքված գործարքներ

 

Կենտրոնական դեպոզիտարիայի անվանումը __________________________

Հաշվետու օր ___________

 

N	Հաշվարկային համակարգի անդամի անվանումը		ԱՐԺԵԹՂԹԵՐ				ԴՐԱՄԱԿԱՆ ՄԻՋՈՑՆԵՐ
			Արժեթղթի տարբերակիչ ծածկագիրը	Առևտրային նստաշրջանի սկզբում արժեթղթերի քանակը	Առևտրային նստաշրջանի վերջում արժեթղթերի քանակը	Առաքման կամ ստացման ենթակա արժեթղթերի քանակը	Դրամական միջոցները առևտրային նստաշրջանի սկզբում	Դրամական միջոցների մնացորդը առևտրային նստաշրջանի վերջում	Վճարման կամ ստացման ենթակա դրամական միջոցները
1		1
		2
		…
2		1
		2
		…

 

Կենտրոնական դեպոզիտարիայի գործադիր տնօրեն`	________________________ (ստորագրություն)
Գլխավոր հաշվապահ՝   Կ.Տ.	________________________ (ստորագրություն)

 

Հավելված 3 «Կենտրոնական դեպոզիտարիայի` Կենտրոնական բանկ ներկայացվող հաշվետվությունները, դրանց ներկայացման կարգը, ձևը և ժամկետները» կանոնակարգ 5/04-ի հավելվածի

 

Հ Ա Շ Վ Ե Տ Վ ՈՒ Թ Յ ՈՒ Ն  Թ Ի Վ  7

 

ՀԱՇՎԵՏՎՈՒԹՅՈՒՆ ԿԱՐԳԱՎՈՐՎՈՂ ՇՈՒԿԱՅԻՑ ԴՈՒՐՍ ԿՆՔՎԱԾ ԳՈՐԾԱՐՔՆԵՐԻ ԱՐԴՅՈՒՆՔՈՒՄ ՌԵԵՍՏՐՈՒՄ ԳՐԱՌՈՒՄՆԵՐ ԿԱՏԱՐԵԼՈՒ ՎԵՐԱԲԵՐՅԱԼ

 

Աղյուսակ 1

 

ԿԱՐԳԱՎՈՐՎՈՂ ՇՈՒԿԱՅՈՒՄ ԱՌԵՎՏՐԻՆ ԹՈՒՅԼԱՏՐՎԱԾ ԱՐԺԵԹՂԹԵՐՈՎ ԿՆՔՎԱԾ ԳՈՐԾԱՐՔՆԵՐ

 

Կենտրոնական դեպոզիտարիայի անվանումը __________________________

Հաշվետու օր ___________

 

(ՀՀ դրամ)

N Փոխանցման հանձնա- րարագրի տարբերակիչ համարը Արժեթղթերի փոխանցման հանձնարա- րագրի ներկա- յացման ամսաթիվը Արժե- թղթերի փոխանց- ման հիմքը Արժեթղթի տարբերակիչ ծածկագիրը Միավոր արժեթղթի գինը Արժե- թղթերի քանակը Ընդհա- նուր գու- մարը Արժեթղթերը ստացող անձը Արժեթղթերը փոխանցող անձը Անունը, ազգանունը (անվանումը) Կարգա- վիճակը Ռեզի- դեն- տու- թյունը Անունը, ազգանունը (անվանումը) Կար- գա- վիճա- կը Ռեզի- դեն- տու- թյունը 1                           2                           …

 

Կենտրոնական դեպոզիտարիայի գործադիր տնօրեն`	________________________ (ստորագրություն)
Գլխավոր հաշվապահ՝   Կ.Տ.	________________________ (ստորագրություն)

 

Աղյուսակ 2

 

ԿԱՐԳԱՎՈՐՎՈՂ ՇՈՒԿԱՅՈՒՄ ԱՌԵՎՏՐԻՆ ՉԹՈՒՅԼԱՏՐՎԱԾ ԱՐԺԵԹՂԹԵՐՈՎ ԿՆՔՎԱԾ ԳՈՐԾԱՐՔՆԵՐ

 

Կենտրոնական դեպոզիտարիայի անվանումը

Հաշվետու օր ___________

 

(ՀՀ դրամ)

N Փոխանցման հանձնարա- րագրի տարբերակիչ համարը Արժեթղթերի փոխանցման հանձնարա- րագրի ներ- կայացման ամսաթիվը Արժե- թղթերի փոխանց- ման հիմքը Արժե- թղթի դասը Թողարկողի ֆիրմային անվանումը, գտնվելու վայրը Միավոր արժեթղթի գինը Արժե- թղթերի քանակը Ընդհա- նուր գու- մարը Արժեթղթերը ստացող անձը Արժեթղթերը փոխանցող անձը Անունը, ազգանունը (անվանումը) Կարգա- վիճակը Ռեզի- դեն- տու- թյունը Անունը, ազգանունը (անվանումը) Կար- գա- վիճա- կը Ռեզի- դեն- տու- թյունը 1                             2                             …

 

Կենտրոնական դեպոզիտարիայի գործադիր տնօրեն`	________________________ (ստորագրություն)
Գլխավոր հաշվապահ՝   Կ.Տ.	________________________ (ստորագրություն)

 

Հավելված 4 «Կենտրոնական դեպոզիտարիայի` Կենտրոնական բանկ ներկայացվող հաշվետվությունները, դրանց ներկայացման կարգը, ձևը և ժամկետները» կանոնակարգ 5/04-ի հավելվածի

 

Հ Ա Շ Վ Ե Տ Վ ՈՒ Թ Յ ՈՒ Ն  Թ Ի Վ  8

 

ՀԱՇՎԱՐԿԱՅԻՆ ՀԱՄԱԿԱՐԳԻՆ ԱՆԴԱՄԱԿՑՈՒԹՅԱՆ ՏՐԱՄԱԴՐՄԱՆ ԵՎ (ԿԱՄ) ԱՆԴԱՄԱԿՑՈՒԹՅՈՒՆԻՑ ԶՐԿՄԱՆ ՎԵՐԱԲԵՐՅԱԼ

(յուրաքանչյուր փոփոխության դեպքում)

 

Աղյուսակ 1

 

Հաշվարկային համակարգին անդամակցության տրամադրում

 

Կենտրոնական դեպոզիտարիայի անվանումը __________________________

Հաշվետվության ներկայացման ամսաթիվը ___________

 

N	Հաշվարկային համակարգի անդամի անվանումը	Անդամին շնորհված առևտրային ծածկագիրը	Անդամակցության տրամադրման համար անդամի կողմից համապատասխան դիմումի (հայտի) ներկայացման ամսաթիվը	Հաշվարկային համակարգին անդամակցության տրամադրման ամսաթիվը
1
2
…

 

Կենտրոնական դեպոզիտարիայի գործադիր տնօրեն`	________________________ (ստորագրություն)
Գլխավոր հաշվապահ՝	________________________ (ստորագրություն)

 

Աղյուսակ 2

 

Հաշվարկային համակարգին անդամակցությունից զրկում

 

Կենտրոնական դեպոզիտարիայի անվանումը __________________________

Հաշվետվության ներկայացման ամսաթիվը ___________

 

N	Հաշվարկային համակարգի անդամի անվանումը	Անդամին շնորհված առևտրային ծածկագիրը	Հաշվարկային համակարգին անդամակցությունից զրկման ամսաթիվը	Հաշվարկային համակարգի անդամին անդամակցությունից զրկման իրավական հիմքերը
1
2
…

 

Կենտրոնական դեպոզիտարիայի գործադիր տնօրեն`	________________________ (ստորագրություն)
Գլխավոր հաշվապահ՝	________________________ (ստորագրություն) Կ.Տ.

 

Հավելված 5 «Կենտրոնական դեպոզիտարիայի` Կենտրոնական բանկ ներկայացվող հաշվետվությունները, դրանց ներկայացման կարգը, ձևը և ժամկետները» կանոնակարգ 5/04-ի հավելվածի

 

Հ Ա Շ Վ Ե Տ Վ ՈՒ Թ Յ ՈՒ Ն  Թ Ի Վ  9

 

ՀԱՇՎԱՐԿԱՅԻՆ ՀԱՄԱԿԱՐԳԻՆ ԱՆԴԱՄԱԿՑՈՒԹՅԱՆ ԿԱՍԵՑՄԱՆ ԵՎ (ԿԱՄ) ԱՆԴԱՄԱԿՑՈՒԹՅԱՆ ԿԱՍԵՑՄԱՆ ԴԱԴԱՐԵՑՄԱՆ ՎԵՐԱԲԵՐՅԱԼ

(յուրաքանչյուր փոփոխության դեպքում)

 

Աղյուսակ 1

 

Հաշվարկային համակարգին անդամակցության կասեցում

 

Կենտրոնական դեպոզիտարիայի անվանումը __________________________

Հաշվետվության ներկայացման ամսաթիվը ___________

 

N	Հաշվարկային համակարգի անդամի անվանումը	Անդամին շնորհված առևտրային ծածկագիրը	Անդամակցության կասեցման ժամկետը		Հաշվարկային համակարգի անդամի անդամակցության կասեցման իրավական հիմքերը
			սկիզբ	ավարտ
1
2
…

 

Կենտրոնական դեպոզիտարիայի գործադիր տնօրեն`	________________________ (ստորագրություն)
Գլխավոր հաշվապահ՝	________________________ (ստորագրություն) Կ.Տ.

 

Աղյուսակ 2

 

Հաշվարկային համակարգին անդամակցության կասեցման դադարեցում

 

Կենտրոնական դեպոզիտարիայի անվանումը __________________________

Հաշվետվության ներկայացման ամսաթիվը ___________

 

N	Հաշվարկային համակարգի անդամի անվանումը	Անդամին շնորհված առևտրային ծածկագիրը	Անդամակցության կասեցման ժամկետը		Հաշվարկային համակարգի անդամի անդամակցության կասեցման դադարեցման իրավական հիմքերը
			սկիզբ	ավարտ
1
2

 

Կենտրոնական դեպոզիտարիայի գործադիր տնօրեն`	________________________ (ստորագրություն)
Գլխավոր հաշվապահ՝	________________________ (ստորագրություն) Կ.Տ.

 

Հավելված 6 «Կենտրոնական դեպոզիտարիայի` Կենտրոնական բանկ ներկայացվող հաշվետվությունները, դրանց ներկայացման կարգը, ձևը և ժամկետները» կանոնակարգ 5/04-ի հավելվածի

 

Հ Ա Շ Վ Ե Տ Վ ՈՒ Թ Յ ՈՒ Ն  Թ Ի Վ  10

 

ԿԵՆՏՐՈՆԱԿԱՆ ԴԵՊՈԶԻՏԱՐԻԱՅՈՒՄ ՌԵԵՍՏՐ ՎԱՐՈՂ ԹՈՂԱՐԿՈՂՆԵՐԻ ԱՐԺԵԹՂԹԵՐԻ ՓՈԽԱՐԿՄԱՆ ՎԵՐԱԲԵՐՅԱԼ

(ամսական)

 

Կենտրոնական դեպոզիտարիայի անվանումը __________________________

Ամսաթիվը _______ թ-ից

մինչև ________ թ.

 

N

Թողարկողի ֆիրմային անվանումը, գտնվելու վայրը

Փոխարկ- ման մասին որոշման ներ- կայացման ամսաթիվը

Փոխարկում իրականացնելու համար որոշմամբ նախատեսված ժամկետը

Արժեթղթի տարբերա- կիչ ծած- կագիրը

Արժե- թղթի դասը

Արժե- թղթի փոխարկ- ման ձևը

Եթե արժեթղթերի փոխարկումը վերակազմա- կերպման արդյունք է, ապա վերակազ-մակերպման ձևը

Այն արժե- թղթերի դասը (դասերը), որին (որոնց) փոխարկվում են տվյալ արժեթղթերը

Արժե- թղթերի փոխարկ- ման սկզբուն- քը

Արժեթղթերի ընդհանուր քանակը

Կոտորակային արժեթղթերի գրանցված սեփականա- տերերի (անվա- նատերերի) թիվը

սկիզբ

ավարտ

մինչև փոխար- կումը

փոխար- կումից հետո

 

Կենտրոնական դեպոզիտարիայի գործադիր տնօրեն`	________________________ (ստորագրություն)
Գլխավոր հաշվապահ՝	________________________ (ստորագրություն) Կ.Տ.

 

Հավելված 7 «Կենտրոնական դեպոզիտարիայի` Կենտրոնական բանկ ներկայացվող հաշվետվությունները, դրանց ներկայացման կարգը, ձևը և ժամկետները» կանոնակարգ 5/04-ի հավելվածի

 

Հ Ա Շ Վ Ե Տ Վ ՈՒ Թ Յ ՈՒ Ն  Թ Ի Վ  11

 

ՆՎԻՐԱՏՎՈՒԹՅԱՆ ԵՎ ԺԱՌԱՆԳՈՒԹՅԱՆ ԱՐԴՅՈՒՆՔՈՒՄ ԱՐԺԵԹՂԹԵՐԻ ՓՈԽԱՆՑՄԱՆ ՎԵՐԱԲԵՐՅԱԼ

(եռամսյակային)

 

Կենտրոնական դեպոզիտարիայի անվանումը __________________________

Ամսաթիվը _______ թ-ից

մինչև ________ թ.

 

(ՀՀ դրամ)

N Փոխանցված արժեթղթի տարբերակիչ ծածկագիրը Արժե- թղթի դասը Թողարկողի ֆիրմային անվանումը, գտնվելու վայրը Նվիրատվության արդյունքում փոխանցված արժեթղթերի վերաբերյալ Ժառանգության արդյունքում փոխանցված արժեթղթերի վերաբերյալ Կենտրոնական դեպոզիտարիա ներկայացված արժեթղթի փոխանցման հանձնարա- րագրերի ընդհանուր քանակը Փոխանցված արժեթղթերի քանակը Փոխանցված արժեթղթերի ընդհանուր ծավալն անվանական արժեքով Կենտրոնական դեպոզիտարիա ներկայացված արժեթղթի փոխանցման հանձնարարագրերի ընդհանուր քանակը Փոխանցված արժեթղթերի քանակը Փոխանցված արժեթղթերի ընդհանուր ծավալն անվանական արժեքով

 

Կենտրոնական դեպոզիտարիայի գործադիր տնօրեն`	________________________ (ստորագրություն)
Գլխավոր հաշվապահ՝	________________________ (ստորագրություն) Կ.Տ.

 

Հավելված 8 «Կենտրոնական դեպոզիտարիայի` Կենտրոնական բանկ ներկայացվող հաշվետվությունները, դրանց ներկայացման կարգը, ձևը և ժամկետները» կանոնակարգ 5/04-ի հավելվածի

 

Հ Ա Շ Վ Ե Տ Վ ՈՒ Թ Յ ՈՒ Ն  Թ Ի Վ  12

 

ԹՈՂԱՐԿՈՂՆԵՐԻ ԱՐԺԵԹՂԹԵՐԻ ՍԵՓԱԿԱՆԱՏԵՐԵՐԻ (ԱՆՎԱՆԱՏԵՐԵՐԻ) ՌԵԵՍՏՐԻ ՎԱՐՄԱՆ ՎԵՐԱԲԵՐՅԱԼ

(եռամսյակային)

 

Կենտրոնական դեպոզիտարիայի անվանումը __________________________

 

Ամսաթիվը _______ թ-ից

մինչև ________ թ.

 

N	Թողարկողի ֆիրմային անվանումը, գտնվելու վայրը	Արժեթղթի տարբերակիչ ծածկագիրը	Արժե- թղթի դասը	Տվյալ դասի տեղաբաշխված արժեթղթերի քանակը	Ռեեստրի վարման վերաբերյալ պայմանագրի կնքման ամսաթիվը	Հաշվետու ժամանակաշրջանի սկզբում թողարկողի տվյալ դասի արժեթղթերի սեփականատերերը (անվանատերերը)			Հաշվետու ժամանակաշրջանի վերջում թողարկողի տվյալ դասի արժեթղթերի սեփականատերերի (անվանատերերի) թիվը
						ընդ- հա- նուր թիվը	այդ թվում`		ընդ- հա- նուր թիվը	այդ թվում`
							ոչ ռեզիդենտ սեփականա- տերերի (անվա- նատերերի) թիվը	թողարկման ծավալի 5 %-ը գերազանցող սեփականատերերի (անվանա- տերերի) թիվը		ոչ ռեզիդենտ սեփականա- տերերի (անվա- նատերերի) թիվը	թողարկման ծավալի 5 %-ը գերազանցող սեփականատերերի (անվանատերերի) թիվը
1) ԱՐԺԵԹՂԹԵՐ, ՈՐՈՆՑ ԱԶԴԱԳԻՐԸ ԳՐԱՆՑՎԱԾ Է ԿԵՆՏՐՈՆԱԿԱՆ ԲԱՆԿՈՒՄ
2) ԱՐԺԵԹՂԹԵՐ, ՈՐՈՆՑ ՎՐԱ ՉԻ ՏԱՐԱԾՎՈՒՄ ԱԶԴԱԳՐԻ ԳՐԱՆՑՄԱՆ ՊԱՀԱՆՋԸ

 

Կենտրոնական դեպոզիտարիայի գործադիր մարմնի ղեկավար`	________________________ (ստորագրություն)
Գլխավոր հաշվապահ՝	________________________ (ստորագրություն)

 

Հավելված 9 «Կենտրոնական դեպոզիտարիայի` Կենտրոնական բանկ ներկայացվող հաշվետվությունները, դրանց ներկայացման կարգը, ձևը և ժամկետները» կանոնակարգ 5/04-ի հավելվածի

 

Հ Ա Շ Վ Ե Տ Վ ՈՒ Թ Յ ՈՒ Ն  Թ Ի Վ  13

 

ԱՐԺԵԹՂԹԵՐԻ ՀԱՇԻՎՆԵՐԻ ՎԵՐԱԲԵՐՅԱԼ

(ամսական)

 

Աղյուսակ 1

 

ԵՆԹԱՊԱՀԱՌՈՒՆԵՐԻ ԵՎ ԱՐԺԵԹՂԹԵՐԻ ՈՒՂՂԱԿԻ ՍԵՓԱԿԱՆԱՏԵՐԵՐԻ ԱՆՁՆԱԿԱՆ ՀԱՇԻՎՆԵՐ

 

Կենտրոնական դեպոզիտարիայի անվանումը __________________________

 

Ամսաթիվը _______ թ-ից

մինչև ________ թ.

 

Արժեթղթերի անձնական հաշիվների թիվը __________

 

(ՀՀ դրամ)

Անձնական հաշիվների վերաբերյալ տեղեկություններ Արժեթղթերի դասը Հաշվետու ժամանակաշրջանի վերջի դրությամբ առկա անձնական հաշիվների վերաբերյալ տեղեկություններ քա- նա- կը Այդ թվում` Գրավադրման հիմքով արգելադրված արժեթղթերի քանակը Կալանված և (կամ) արգելանք դրված արժեթղթերի քանակը Ռեզիդենտ իրավաբանական անձանց ոչ բաժնային         բաժնային       Ռեզիդենտ ֆիզիկական անձանց ոչ բաժնային         բաժնային       Ոչ ռեզիդենտ իրավաբանական անձանց ոչ բաժնային         բաժնային       Ոչ ռեզիդենտ ֆիզիկական անձանց ոչ բաժնային         բաժնային

 

Աղյուսակ 2

 

ԵՆԹԱՊԱՀԱՌՈՒՆԵՐԻ ԱՆՎԱՆԱՏԻՐՈՋ ՀԱՇԻՎՆԵՐ

 

Կենտրոնական դեպոզիտարիայի անվանումը __________________________

 

Ամսաթիվը _______ թ-ից

մինչև ________ թ.

 

Արժեթղթերի անձնական հաշիվների թիվը __________

 

(ՀՀ դրամ)

Անվանատիրոջ հաշիվների վերաբերյալ տեղեկություններ Արժեթղթերի դասը Հաշվետու ժամանակաշրջանի վերջի դրությամբ առկա անվանատիրոջ հաշիվների վերաբերյալ տեղեկություններ քա- նա- կը Այդ թվում`   Գրավադրման հիմքով արգելադրված արժեթղթերի քանակը Կալանված և (կամ) արգելանք դրված արժեթղթերի քանակը Ռեզիդենտ իրավաբանական անձանց ոչ բաժնային       բաժնային       Ոչ ռեզիդենտ իրավաբանական անձանց ոչ բաժնային       բաժնային

Հավելված 10  ՀՀ կենտրոնական բանկի խորհրդի 2008 թվականի դեկտեմբերի 16-ի թիվ 357-Ն որոշման

 

Հ Ա Շ Վ Ե Տ Վ ՈՒ Թ Յ ՈՒ Ն  ԹԻՎ 14

 

ՏԱՐԵԿԱՆ ՊԵՏԱԿԱՆ ՏՈՒՐՔԻ ՎՃԱՐՄԱՆ ՎԵՐԱԲԵՐՅԱԼ

(տարեկան)

 

Կենտրոնական դեպոզիտարիայի անվանումը _________________________

                                             

                                              Ամսաթիվը _________________________

 

(հազար դրամ)

Կենտրոնական դեպոզիտարիայի գործադիր տնօրեն`	_________________________             (ստորագրություն)
Գլխավոր հաշվապահ՝	____________________                (ստորագրություն)
	Կ.Տ.

(Հավելվածը լրաց. 08.09.09 թիվ 269-Ն)