ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

25 դեկտեմբերի 2008 թվականի N 1572-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2001 ԹՎԱԿԱՆԻ ՀՈՒՆԻՍԻ 21-Ի N 557 ԵՎ 2006 ԹՎԱԿԱՆԻ ՆՈՅԵՄԲԵՐԻ 2-Ի N 1911-Ն ՈՐՈՇՈՒՄՆԵՐՈՒՄ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Իրավական ակտերի մասին» Հայաստանի Հանրապետության օրենքի 70-րդ հոդվածը` Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2001 թվականի հունիսի 21-ի «Հայաստանի Հանրապետության Տավուշի մարզի առողջապահության համակարգի օպտիմալացման ծրագիրը հաստատելու մասին» N 557 որոշմամբ հաստատված` Հայաստանի Հանրապետության Տավուշի մարզի առողջապահության համակարգի օպտիմալացման ծրագրի մեջ կատարել հետևյալ փոփոխություններն ու լրացումները`

1) ըստ վարչատարածքների` ամբուլատոր-պոլիկլինիկական ծառայություններում առաջարկվող օպտիմալացման գործընթացի «Բերդի վարչատարածք» բաժնում ուժը կորցրած ճանաչել 1-ին և 2-րդ կետերը.

2) «Բերդի վարչատարածք» բաժինը լրացնել հետևյալ բովանդակությամբ նոր` 4-րդ կետով.

«4. Լուծարել «Բերդի մանկական պոլիկլինիկա» և «Մովսեսգեղի ԳԲԱ» փակ բաժնետիրական ընկերությունները».

3) ըստ վարչատարածքների` ամբուլատոր-պոլիկլինիկական ծառայություններում առաջարկվող օպտիմալացման գործընթացի «Նոյեմբերյանի վարչատարածք» բաժնում ուժը կորցրած ճանաչել 1-ին կետը և 2-րդ կետին հետևող աղյուսակում «Բագրատաշենի ԳԲԱ», «Զորականի ԳԲԱ», «Բերդավանի ԳԲԱ» և «Ոսկևանի ԳԲԱ» փակ բաժնետիրական ընկերությունները պոլիկլինիկային միացնելու վերաբերյալ տողերը.

4) «Նոյեմբերյանի վարչատարածք» բաժինը լրացնել հետևյալ բովանդակությամբ նոր` 3-րդ կետով.

«3. Լուծարել «Նոյեմբերյանի մանկական պոլիկլինիկա» փակ բաժնետիրական ընկերությունը և «Բագրատաշենի ԳԲԱ», «Բերդավանի ԳԲԱ», «Զորականի ԳԲԱ», «Ոսկևանի ԳԲԱ» փակ բաժնետիրական ընկերությունները»:

2. Հանձնարարել Հայաստանի Հանրապետության Տավուշի մարզպետին ստեղծել լուծարման հանձնաժողովներ և ապահովել սույն որոշման 1-ին կետով նախատեսված լուծարման գործընթացների իրականացումը` մինչև 2009 թվականի փետրվարի 28-ը:

3. Հայաստանի Հանրապետության կառավարության 2006 թվականի նոյեմբերի 2-ի «Հայաստանի Հանրապետության մարզերի առողջապահության համակարգերի օպտիմալացման ծրագրերը հաստատելու մասին» N 1911-Ն որոշման մեջ կատարել հետևյալ փոփոխությունները և լրացումները`

1) որոշման N 1 հավելվածի Հայաստանի Հանրապետության Արագածոտնի մարզի առողջապահական համակարգի օպտիմալացման ծրագրի «Աշտարակի տարածաշրջան» բաժնի 2-րդ կետը շարադրել հետևյալ խմբագրությամբ.

«2. Հիվանդանոցային ծառայությունները (մահճակալների թիվն օպտիմալացնելուց հետո) կենտրոնացնել հիվանդանոցի N 1 մասնաշենքում: Արդյունքում ազատել և Հայաստանի Հանրապետության կառավարությանն առընթեր պետական գույքի կառավարման վարչությանը հանձնել հիվանդանոցի հիմնական մասնաշենքը` շուրջ 2000 քառ. մետր` բաժնետոմսերի հետգնման և մարման ճանապարհով նվազեցնելով «Աշտարակի բժշկական կենտրոն» փակ բաժնետիրական ընկերության կանոնադրական կապիտալը».

2) որոշման N 4 հավելվածի Հայաստանի Հանրապետության Գեղարքունիքի մարզի առողջապահական համակարգի օպտիմալացման ծրագրի`

ա. «Գավառի տարածաշրջան» բաժինը շարադրել հետևյալ խմբագրությամբ.

«Գավառում գործում են «Գավառի հիվանդանոց» փակ բաժնետիրական ընկերությունը, «Գավառի պոլիկլինիկա» փակ բաժնետիրական ընկերությունը և «Գավառի ծննդատուն» փակ բաժնետիրական ընկերությունը:

Որոշվում է`

1. «Գավառի պոլիկլինիկա» փակ բաժնետիրական ընկերությունն առանձնացման ձևով վերակազմակերպել` ստեղծելով «Գանձակի առողջության առաջնային պահպանման կենտրոն» փակ բաժնետիրական ընկերություն և «Լճափի առողջության առաջնային պահպանման կենտրոն» փակ բաժնետիրական ընկերություն: Վերակազմակերպման արդյունքում նոր ստեղծված ընկերությունների բաժնետոմսերի կառավարման լիազորությունները վերապահել Հայաստանի Հանրապետության Գեղարքունիքի մարզպետին:

2. «Գավառի հիվանդանոց» փակ բաժնետիրական ընկերության ամբուլատոր նեղ մասնագիտական ծառայությունները և համապատասխանաբար ամբուլատոր նեղ մասնագետներին (ինֆեկցիոնիստ, քիթ-կոկորդ-ականջաբան, նյարդաբան, սրտաբան, ուռոլոգ, վիրաբույժ) տեղափոխել «Գավառի պոլիկլինիկա» փակ բաժնետիրական ընկերություն` առանց հիվանդանոցի գույքի կազմի փոփոխության:

3. Միաձուլման ձևով վերակազմակերպել «Գավառի հիվանդանոց» փակ բաժնետիրական ընկերությունը և «Գավառի ծննդատուն» փակ բաժնետիրական ընկերությունը` ստեղծելով «Գավառի բժշկական կենտրոն» փակ բաժնետիրական ընկերություն: «Գավառի բժշկական կենտրոն» փակ բաժնետիրական ընկերության բաժնետոմսերի կառավարման լիազորությունները վերապահել Հայաստանի Հանրապետության Գեղարքունիքի մարզպետին:

4. «Գավառի բժշկական կենտրոն» փակ բաժնետիրական ընկերության բոլոր ծառայությունները տեղակայել նախկին «Գավառի ծննդատուն» փակ բաժնետիրական ընկերության շենքում, իսկ տուբերկուլոզային և ինֆեկցիոն ծառայությունները` նախկին «Գավառի հիվանդանոց» փակ բաժնետիրական ընկերության հիմնական մասնաշենքից առանձնացված` շուրջ 1935 քառ. մետր մակերեսով ինֆեկցիոն մասնաշենքում, որտեղ էլ կազմակերպել խորխի բակտերիոսկոպիկ հետազոտման լաբորատորիա:

Աղյուսակում ներկայացված է «Գավառի բժշկական կենտրոն» փակ բաժնետիրական ընկերության նախատեսվող մահճակալային հզորությունը`

5. Նախկին «Գավառի հիվանդանոց» փակ բաժնետիրական ընկերության հիմնական մասնաշենքից շուրջ 6762 քառ. մետր մակերեսով տարածք ազատել և հանձնել Հայաստանի Հանրապետության կառավարությանն առընթեր պետական գույքի կառավարման վարչությանը` բաժնետոմսերի հետգնման և մարման միջոցով նվազեցնելով «Գավառի բժշկական կենտրոն» փակ բաժնետիրական ընկերության կանոնադրական կապիտալը:

6. «Գավառի պոլիկլինիկա» փակ բաժնետիրական ընկերության տուբերկուլոզային կաբինետը վերանվանել տուբերկուլոզի դեմ պայքարի կաբինետ` վերապահելով նրան դիսպանսեր հսկողության գործառույթ»,

բ. «Մարտունու տարածաշրջան» բաժնի 2-րդ կետը շարադրել հետևյալ խմբագրությամբ.

«2. Օպտիմալացնել «Մարտունու բժշկական կենտրոն» փակ բաժնետիրական ընկերության ստացիոնար ծառայություններն ու մահճակալների թիվը` համաձայն ներկայացված կառուցվածքի`

Աղյուսակում վերակենդանացման մահճակալների թիվը մահճակալների ընդհանուր թվի և մահճակալների ծանրաբեռնվածության հաշվարկ կատարելիս` հաշվի չի առնվել»,

գ. «Սևանի տարածաշրջան» բաժնի 2-րդ կետում ներառված աղյուսակը շարադրել հետևյալ խմբագրությամբ.

դ. «Սևանի տարածաշրջան» բաժնի 3-րդ կետն ուժը կորցրած ճանաչել,

ե. «Սևանի տարածաշրջան» բաժինը լրացնել հետևյալ բովանդակությամբ նոր` 3.1-ին կետով.

«3.1. «Սևանի հիվանդանոց» փակ բաժնետիրական ընկերության ամբուլատոր նեղ մասնագիտական ծառայությունները և համապատասխանաբար ամբուլատոր նեղ մասնագետներին (ինֆեկցիոնիստ, քիթ-կոկորդ-ականջաբան, նյարդաբան, սրտաբան, ուռոլոգ, վիրաբույժ, մանկաբարձ-գինեկոլոգ) տեղափոխել «Սևանի պոլիկլինիկա» փակ բաժնետիրական ընկերություն` առանց հիվանդանոցի գույքի կազմի փոփոխության»,

զ. «Ճամբարակի տարածաշրջան» բաժնի 5-րդ կետի երկրորդ և երրորդ պարբերությունները շարադրել հետևյալ խմբագրությամբ.

«Նշված գործընթացների արդյունքում Հայաստանի Հանրապետության Գեղարքունիքի մարզի առողջապահական համակարգում կգործեն`

2 հիվանդանոց` Վարդենիսում և Սևանում,

2 բժշկական կենտրոն` Գավառում և Մարտունիում,

3 պոլիկլինիկա` Գավառում, Վարդենիսում և Սևանում,

1 ծննդատուն` Մարտունիում,

2 առողջության կենտրոն` Վարդենիկում և Ճամբարակում,

30 առողջության առաջնային պահպանման կենտրոն` գյուղական վայրերում:

Ծառայությունների առաջարկվող վերակազմակերպման արդյունքում մահճակալային ֆոնդն առկա 504 մահճակալից կկրճատվի 355-ի (Գավառ` 100, Մարտունի` 135` ներառյալ` Վարդենիկը), Վարդենիս` 30, Սևան` 60, Ճամբարակ` 30): Կազատվի և Հայաստանի Հանրապետության կառավարությանն առընթեր պետական գույքի կառավարման վարչությանը կհանձնվի շուրջ 11000 քառ. մետր մակերեսով տարածք».

3) որոշման N 5 հավելվածի Հայաստանի Հանրապետության Լոռու մարզի առողջապահական համակարգի օպտիմալացման ծրագրի`

ա. «Վանաձոր քաղաք» բաժնի 11-րդ կետը շարադրել հետևյալ խմբագրությամբ.

«11. «Վանաձորի թիվ 3 պոլիկլինիկա» փակ բաժնետիրական ընկերության մանկական և մեծահասակների ծառայությունները կենտրոնացնել մանկական մասնաշենքում: «Վանաձորի թիվ 3 պոլիկլինիկա» փակ բաժնետիրական ընկերության մեծահասակների մասնաշենքը` շուրջ 2000 քառ. մետր մակերեսով տարածք, ազատել և հանձնել Հայաստանի Հանրապետության կառավարությանն առընթեր պետական գույքի կառավարման վարչությանը` բաժնետոմսերի հետգնման և մարման միջոցով նվազեցնելով «Վանաձորի թիվ 3 պոլիկլինիկա» փակ բաժնետիրական ընկերության կանոնադրական կապիտալը»,

բ. «Թումանյանի տարածաշրջան» բաժինը լրացել հետևյալ բովանդակությամբ նոր` 4.1-ին կետով.

«4.1 «Ախթալայի առողջության կենտրոն» փակ բաժնետիրական ընկերության գույքի կազմից առանձնացնել և Հայաստանի Հանրապետության կառավարությանն առընթեր պետական գույքի կառավարման վարչությանը հանձնել շուրջ 3464 քառ. մետր մակերեսով տարածք: Բաժնետոմսերի հետգնման և մարման եղանակով նվազեցնել «Ախթալայի առողջության կենտրոն» փակ բաժնետիրական ընկերության կանոնադրական կապիտալը»,

գ. «Ստեփանավանի տարածաշրջան» բաժնի 5-րդ կետի երկրորդ պարբերությունը շարադրել հետևյալ խմբագրությամբ.

«Մահճակալային ֆոնդը 845-ից կկրճատվի 525-ի, կազատվի շուրջ 7800 քառ. մետր տարածք».

4) որոշման N 6 հավելվածի Հայաստանի Հանրապետության Տավուշի մարզի

առողջապահության համակարգի օպտիմալացման ծրագրի`

ա. «Իջևանի տարածաշրջան» բաժնի 4-րդ կետն ուժը կորցրած ճանաչել,

բ. «Իջևանի տարածաշրջան» բաժինը լրացնել հետևյալ բովանդակությամբ նոր` 4.1-ին կետով.

«4.1. «Իջևանի բժշկական կենտրոն» փակ բաժնետիրական ընկերության ընտանեկան բժիշկներին և ամբուլատոր նեղ մասնագիտական ծառայությունները համապատասխանաբար ամբուլատոր նեղ մասնագետներին (ինֆեկցիոնիստ, քիթ-կոկորդ-ականջաբան, նյարդաբան, սրտաբան, վիրաբույժ, էնդոկրինոլոգ, ակնաբույժ, բժիշկ-լաբորանտ և ֆունկցիոնալ դիագնոստիկայի մասնագետներ (ռենտգենոլոգ, գաստրոսկոպիստ-կոլոնոսկոպիստ, սոնոգրաֆիստ) տեղափոխել «Իջևանի մոր և մանկան առողջության պահպանման կենտրոն» փակ բաժնետիրական ընկերություն: «Իջևանի բժշկական կենտրոն» փակ բաժնետիրական ընկերության գույքի կազմից առանձնացնել նշված ամբուլատոր նեղ մասնագիտական ծառայությունների գույքը և հանձնել «Իջևանի մոր և մանկան առողջության պահպանման կենտրոն» փակ բաժնետիրական ընկերությանը: Բաժնետոմսերի հետգնման և մարման եղանակով նվազեցնել «Իջևանի բժշկական կենտրոն» փակ բաժնետիրական ընկերության կանոնադրական կապիտալը և նոր բաժնետոմսերի թողարկման և տեղաբաշխման միջոցով ավելացնել «Իջևանի մոր և մանկան առողջության պահպանման կենտրոն» փակ բաժնետիրական ընկերության կանոնադրական կապիտալը:

«Իջևանի մոր և մանկան առողջության պահպանման կենտրոն» փակ բաժնետիրական ընկերությունը վերանվանել «Իջևանի առողջության առաջնային պահպանման կենտրոն» փակ բաժնետիրական ընկերության` վերապահելով նրան առողջության առաջնային պահպանման և նեղ մասնագիտական արտահիվանդանոցային ծառայությունների իրականացման գործառույթներ (ինֆեկցիոնիստ, քիթ-կոկորդ-ականջաբան, նյարդաբան, սրտաբան, վիրաբույժ, էնդոկրինոլոգ, ակնաբույժ, բժիշկ-լաբորանտ և ֆունկցիոնալ դիագնոստիկայի մասնագետներ (ռենտգենոլոգ, գաստրոսկոպիստ-կոլոնոսկոպիստ, սոնոգրաֆիստ):

«Իջևանի առողջության առաջնային պահպանման կենտրոն» փակ բաժնետիրական ընկերությունը տեղափոխել «Իջևանի բժշկական կենտրոն» փակ բաժնետիրական ընկերության պոլիկլինիկայի շենք` ազատելով և Հայաստանի Հանրապետության կառավարությանն առընթեր պետական գույքի կառավարման վարչությանը հանձնելով նախկին «Մոր և մանկան առողջության պահպանման կենտրոն» փակ բաժնետիրական ընկերության շենքը:

«Իջևանի բժշկական կենտրոն» փակ բաժնետիրական ընկերության գույքի կազմից առանձնացնել պոլիկլինիկայի մասնաշենքը և սեփականության իրավունքով հանձնել «Իջևանի առողջության առաջնային պահպանման կենտրոն» փակ բաժնետիրական ընկերությանը` բաժնետոմսերի հետգնման և մարման միջոցով նվազեցնելով «Իջևանի բժշկական կենտրոն» փակ բաժնետիրական ընկերության կանոնադրական կապիտալը և նոր բաժնետոմսերի թողարկման և տեղաբաշխման միջոցով ավելացնելով «Իջևանի առողջության առաջնային պահպանման կենտրոն» փակ բաժնետիրական ընկերության կանոնադրական կապիտալը:»,

գ. «Բերդի տարածաշրջան» բաժնի 6-րդ կետը շարադրել հետևյալ խմբագրությամբ.

«6. «Այգեձորի առողջության կենտրոն» փակ բաժնետիրական ընկերության ստացիոնար բաժնում նախատեսել 4 անհետաձգելի բուժօգնության մահճակալ (2` մանկական և 2` մեծահասակների)»,

դ. «Բերդի տարածաշրջան» բաժնի 9-րդ կետի երկրորդ և երրորդ պարբերությունները շարադրել հետևյալ խմբագրությամբ.

«Առաջարկվող օպտիմալացման գործընթացների արդյունքում մարզում կգործեն`

4 բժշկական կենտրոն` Դիլիջանում, Իջևանում, Նոյեմբերյանում և Բերդում,

3 առողջության կենտրոն` Արծվաբերդում, Աչաջրում և Այգեձորում,

19 առողջության առաջնային պահպանման կենտրոն` Իջևանում և գյուղական վայրերում:

Ընդհանուր մահճակալային ֆոնդը կկազմի 264 (40` Դիլիջան, 80` Իջևան, 55` Նոյեմբերյան, 60` Բերդ, 5` Աչաջուր, 20` Արծվաբերդ, 4` Այգեձոր), կազատվի 4 մասնաշենք (Դիլիջանի հիվանդանոցի վիրաբուժական, Իջևանի մոր և մանկան առողջության պահպանման, Նոյեմբերյանի և Բերդի պոլիկլինիկաների շենքերը».

5) որոշման N 7 հավելվածի Հայաստանի Հանրապետության Կոտայքի մարզի առողջապահության համակարգի օպտիմալացման ծրագրի`

ա. «Աբովյանի տարածաշրջան» բաժնի 2-րդ կետում «(1300 քմ)» թիվը փոխարինել «(շուրջ 2500 քմ)», 4-րդ կետում` «510 քմ» թիվը փոխարինել «շուրջ 367 քմ» և 8-րդ կետում` «շուրջ 1700 քմ» բառերը փոխարինել «շուրջ 2867 քմ» բառերով,

բ. «Աբովյանի տարածաշրջան» բաժնի 2-րդ կետը լրացնել հետևյալ բովանդակությամբ նոր նախադասությամբ.

«Բաժնետոմսերի հետգնման և մարման եղանակով նվազեցնել «Աբովյանի բժշկական կենտրոն» փակ բաժնետիրական ընկերության կանոնադրական կապիտալը»,

գ. «Հրազդանի տարածաշրջան» բաժինը լրացնել հետևյալ բովանդակությամբ նոր` 2.1-ին կետով.

«2.1. «Հրազդանի ծննդատուն» փակ բաժնետիրական ընկերության մեկ` մանկաբարձական բաժնում միավորել ծննդաբերական և հղիության պաթոլոգիայի բաժինները` 25 մահճակալով, իսկ գինեկոլոգիական մահճակալների թիվը հասցնել 10-ի: Այսպիսով, մահճակալների ընդհանուր թիվը կկազմի 35` առկա 60-ի փոխարեն: «Հրազդանի ծննդատուն» փակ բաժնետիրական ընկերությունը միացման ձևով վերակազմակերպել` միացնելով վերջինս «Հրազդանի բժշկական կենտրոն» փակ բաժնետիրական ընկերությանը: Նոր բաժնետոմսերի թողարկման և տեղաբաշխման միջոցով ավելացնել «Հրազդանի բժշկական կենտրոն» փակ բաժնետիրական ընկերության կանոնադրական կապիտալը»,

դ. «Հրազդանի տարածաշրջան» բաժնի 4-րդ կետում «850 քառ. մետր» բառերը փոխարինել «շուրջ 604 քառ. մետր» բառերով,

ե. «Հրազդանի տարածաշրջան» բաժնի 5-րդ, 6-րդ և 7-րդ կետերը շարադրել հետևյալ խմբագրությամբ.

«5. «Հրազդանի բժշկական կենտրոն» փակ բաժնետիրական ընկերության հիվանդանոցային մահճակալների թիվը կրճատել 75-ով` սահմանելով 80 մահճակալ` համաձայն ներկայացված կառուցվածքի`

Աղյուսակում ներկայացված վերակենդանացման մահճակալների թիվը հիվանդանոցի մահճակալների ընդհանուր թվի և մահճակալների ծանրաբեռնվածության հաշվարկ կատարելիս` հաշվի չի առնվել:

6. «Հրազդանի բժշկական կենտրոն» փակ բաժնետիրական ընկերության բոլոր ծառայությունները տեղակայել «Հրազդանի բժշկական կենտրոն» փակ բաժնետիրական ընկերության 1-4-րդ մասնաշենքերի 1-3-րդ հարկերում` ազատելով բոլոր 4 մասնաշենքի 4-րդ հարկերն ամբողջությամբ: Ազատել նախկին «Հրազդանի ծննդատուն» փակ բաժնետիրական ընկերության շենքը` շուրջ 2300 քառ. մետր մակերեսով, և հանձնել Հայաստանի Հանրապետության կառավարությանն առընթեր պետական գույքի կառավարման վարչությանը` բաժնետոմսերի հետգնման և մարման միջոցով նվազեցնելով «Հրազդանի բժշկական կենտրոն» փակ բաժնետիրական ընկերության կանոնադրական կապիտալը:

7. «Հրազդանի բժշկական կենտրոն» փակ բաժնետիրական ընկերության ազատված 3-րդ մասնաշենքի 4-րդ հարկն անհատույց և անժամկետ օգտագործման իրավունքով հանձնել «Հրազդանի բժշկական քոլեջ» պետական ոչ առևտրային կազմակերպությանը, որը ներկայումս տեղակայված է Հրազդանի N 2 միջնակարգ դպրոցի շենքում»,

զ. «Հրազդանի տարածաշրջան» բաժնի 8-րդ կետն ուժը կորցրած ճանաչել,

է. «Նաիրիի տարածաշրջան» բաժնի 1-ին կետը շարադրել հետևյալ խմբագրությամբ.

«1. «Նաիրիի հիվանդանոց» փակ բաժնետիրական ընկերությունը և «Նաիրիի պոլիկլինիկա» փակ բաժնետիրական ընկերությունը միաձուլման ձևով վերակազմակերպել` ստեղծելով «Նաիրիի բժշկական կենտրոն» փակ բաժնետիրական ընկերություն: «Նաիրիի բժշկական կենտրոն» փակ բաժնետիրական ընկերության բաժնետոմսերի կառավարման լիազորությունները վերապահել Հայաստանի Հանրապետության Կոտայքի մարզպետին:

«Նաիրիի բժշկական կենտրոն» փակ բաժնետիրական ընկերության բոլոր ծառայությունները կենտրոնացնել հիվանդանոցի գլխավոր և պոլիկլինիկական մասնաշենքերում` միավորելով մեծերի և մանկական թերապևտիկ բաժանմունքները, մանկաբարձական և գինեկոլոգիական բաժանմունքները, իսկ ինֆեկցիոն բաժանմունքը վերածել ինֆեկցիոն պալատի` միաժամանակ կրճատելով ստացիոնար մահճակալների ընդհանուր թիվը և հասցնելով այն 40-ի (թերապևտիկ` 15, վիրաբուժական` 10, մանկաբարձ-գինեկոլոգիական` 12, ինֆեկցիոն` 3):

«Նաիրիի բժշկական կենտրոն» փակ բաժնետիրական ընկերության կազմում նախատեսվում է ստեղծել մեկ ախտորոշիչ կենտրոն` ստացիոնար և ամբուլատոր ծառայությունների համար, իսկ պոլիկլինիկայի նեղ մասնագետներին ինտեգրել հիվանդանոցի կազմ:

«Նաիրիի բժշկական կենտրոն» փակ բաժնետիրական ընկերության մանկաբարձագինեկոլոգիական բաժանմունքի մասնաշենքը` շուրջ 2500 քառ. մետր մակերեսով տարածք, ազատել և հանձնել Հայաստանի Հանրապետության կառավարությանն առընթեր պետական գույքի կառավարման վարչությանը` բաժնետոմսերի հետգնման և մարման միջոցով նվազեցնելով «Նաիրիի բժշկական կենտրոն» փակ բաժնետիրական ընկերության կանոնադրական կապիտալը:

Ներկայացված է «Նաիրիի բժշկական կենտրոն» փակ բաժնետիրական ընկերության ստացիոնար ծառայությունների առաջարկվող կառուցվածքը`

ը. «Նաիրիի տարածաշրջան» բաժնի 4-րդ կետի առաջին և երկրորդ պարբերությունները շարադրել հետևյալ խմբագրությամբ.

«Այսպիսով, նկարագրված օպտիմալացման ծրագրի իրականացման արդյունքում մարզի առողջապահական համակարգում կգործեն`

1 ծննդատուն (Աբովյանում),

1 պոլիկլինիկա (Նոր Հաճն),

4 բժշկական կենտրոն (Աբովյան, Հրազդան, Չարենցավան և Նաիրի),

1 ընտանեկան բժշկության կենտրոն` Գառնիում,

32 առողջության առաջնային պահպանման կենտրոն (ներառյալ Բյուրեղավանը և Արգելը):

Ծրագրի արդյունքում ընդհանուր մահճակալային ֆոնդը 473-ից կկրճատվի 250-ի, և կօտարվի շուրջ 8500 քառ. մետր մակերեսով տարածք».

6) որոշման N 9 հավելվածի Հայաստանի Հանրապետության Շիրակի մարզի առողջապահության համակարգի օպտիմալացման ծրագրի`

ա. «Գյումրի քաղաք» բաժնի 1-ին կետը շարադրել հետևյալ խմբագրությամբ.

«1. «Շիրակի մարզային հիվանդանոց» փակ բաժնետիրական ընկերության թերապևտիկ և սրտաբանական բաժանմունքները ՝ 60 մահճակալ (25՝ թերապևտիկ և 35՝ սրտաբանական) տեղակայել «Շիրակի մարզային հիվանդանոց» փակ բաժնետիրական ընկերության գլխավոր մասնաշենքում՝ ազատելով և Հայաստանի Հանրապետության Շիրակի մարզպետարանի տնօրինությանը հանձնելով ֆիզիոթերապևտիկ բաժանմունքների, թերապևտիկ բաժանմունքի, կաթսայատան, լվացքատան, ավտոտնակների և դիահերձարանի մասնաշենքերը՝ շուրջ 3804 քառ. մետր տարածք: Բաժնետոմսերի հետգնման և մարման միջոցով նվազեցնել «Շիրակի մարզային հիվանդանոց» փակ բաժնետիրական ընկերության կանոնադրական կապիտալը: «Գյումրու Սամարիթեր հիվանդանոց» փակ բաժնետիրական ընկերության մահճակալների թիվը կրճատել 20-ով և այն հասցնել 70-ի: «Գյումրու մաշկավեներաբանական դիսպանսեր» փակ բաժնետիրական ընկերությունը լուծարել: Լուծարումից հետո մնացած գույքը հանձնել Հայաստանի Հանրապետության Շիրակի մարզպետարանի տնօրինությանը: Գյումրի քաղաքի պոլիկլինիկաներում ստեղծել մաշկավեներաբանական կաբինետներ»,

բ. «Գյումրի քաղաք» բաժինը լրացնել հետևյալ բովանդակությամբ նոր` 1.1-ին կետով.

«1.1. «Շիրակի մարզային հիվանդանոց» փակ բաժնետիրական ընկերության լաբորատորիայի մասնաշենքը` 863 քառ. մետր մակերեսով տարածք ազատել և հանձնել Հայաստանի Հանրապետության կառավարությանն առընթեր պետական գույքի կառավարման վարչությանը:

Բաժնետոմսերի հետգնման և մարման միջոցով նվազեցնել «Շիրակի մարզային հիվանդանոց» փակ բաժնետիրական ընկերության կանոնադրական կապիտալը»,

գ. «Գյումրի քաղաք» բաժնի 3-րդ և 4-րդ կետերը շարադրել հետևյալ խմբագրությամբ.

«3. «Գյումրու ավստրիական մանկական հիվանդանոց» փակ բաժնետիրական ընկերությունը վերանվանել «Գյումրու մոր և մանկան ավստրիական հիվանդանոց» փակ բաժնետիրական ընկերության` ստեղծելով մանկաբարձագինեկոլոգիական բաժանմունքներ` նախատեսելով 30 մահճակալ:

4. Մինչև 2011 թվականի դեկտեմբերի 31-ը «Շիրակի մարզային հիվանդանոց» փակ բաժնետիրական ընկերությունը և «Գյումրու Գ. Գյուլբենկյանի անվան վիրաբուժական հիվանդանոց» փակ բաժնետիրական ընկերությունը միաձուլման ձևով վերակազմակերպել` ստեղծելով «Գյումրու բժշկական կենտրոն» փակ բաժնետիրական ընկերություն: «Գյումրու բժշկական կենտրոն» փակ բաժնետիրական ընկերության բաժնետոմսերի կառավարման լիազորությունները վերապահել Հայաստանի Հանրապետության Շիրակի մարզպետին:

Նոր ստեղծված «Գյումրու բժշկական կենտրոն» փակ բաժնետիրական ընկերության բոլոր ծառայությունները տեղակայել «Գյումրու մոր և մանկան ավստրիական հիվանդանոց» փակ բաժնետիրական ընկերության շենքի հարևանությամբ կառուցվելիք նոր մասնաշենքում: Ազատել և Հայաստանի Հանրապետության Շիրակի մարզպետարանի տնօրինությանը հանձնել նախկին «Շիրակի մարզային հիվանդանոց» փակ բաժնետիրական ընկերության և «Գյումրու Գ. Գյուլբենկյանի անվան վիրաբուժական հիվանդանոց» փակ բաժնետիրական ընկերության մասնաշենքերը: Բաժնետոմսերի հետգնման և մարման միջոցով նվազեցնել «Գյումրու բժշկական կենտրոն» փակ բաժնետիրական ընկերության կանոնադրական կապիտալը: «Գյումրու բժշկական կենտրոն» փակ բաժնետիրական ընկերությանը միացնել «Գյումրու Սամարիթեր հիվանդանոց» փակ բաժնետիրական ընկերության թերապևտիկ և սրտաբանական ծառայությունները: «Գյումրու Սամարիթեր հիվանդանոց» փակ բաժնետիրական ընկերության գույքի կազմից առանձնացնել և «Գյումրու բժշկական կենտրոն» փակ բաժնետիրական ընկերությանը հանձնել թերապևտիկ և սրտաբանական ծառայություններին ամրացված գույքը: Բաժնետոմսերի հետգնման և մարման միջոցով նվազեցնել «Գյումրու Սամարիթեր հիվանդանոց» փակ բաժնետիրական ընկերության կանոնադրական կապիտալը և նոր բաժնետոմսերի թողարկման և տեղաբաշխման միջոցով ավելացնել «Գյումրու բժշկական կենտրոն» փակ բաժնետիրական ընկերության կանոնադրական կապիտալը:

Արդյունքում` «Գյումրու բժշկական կենտրոն» փակ բաժնետիրական ընկերությունում նախատեսել 200 մահճակալ (թերապևտիկ` 50, սրտաբանական` 50, վիրաբուժական` 100):»,

դ. «Գյումրի քաղաք» բաժինը լրացնել հետևյալ բովանդակությամբ նոր` 4.1-ին կետով.

«4.1. Մինչև 2011 թվականի դեկտեմբերի 31-ը «Գյումրու Աամարիթեր հիվանդանոց» փակ բաժնետիրական ընկերությունը վերանվանել «Սամարիթեր վերականգնողական կենտրոն» փակ բաժնետիրական ընկերություն` բացելով նոր` վերականգնողական բաժանմունք` արդյունքում «Գյումրու վերականգնողական կենտրոն» փակ բաժնետիրական ընկերությունը կունենա վերականգնողական և հեմոդիալիզի բաժանմունքներ:»,

ե. «Գյումրի քաղաք» բաժնի 8-րդ կետում ներկայացված աղյուսակը շարադրել հետևյալ խմբագրությամբ.

Աղյուսակում ներկայացված վերակենդանացման մահճակալների թիվը հիվանդանոցի մահճակալների ընդհանուր թվի հաշվարկ կատարելիս` հաշվի չի առնվել»,

զ. «Մարալիկի տարածաշրջան» բաժնի 1-ին կետը շարադրել հետևյալ խմբագրությամբ.

«1. «Մարալիկի հիվանդանոց» փակ բաժնետիրական ընկերությունը և «Մարալիկի պոլիկլինիկա» փակ բաժնետիրական ընկերությունը միաձուլման ձևով վերակազմակերպել` ստեղծելով «Մարալիկի առողջության կենտրոն» փակ բաժնետիրական ընկերություն` 10 մահճակալ հզորությամբ (մանկաբարձական` 5, թերապևտիկ` 3 և մանկական` 2)»,

է. «Ամասիայի տարածաշրջան» բաժնի երրորդ և չորրորդ պարբերությունները շարադրել հետևյալ խմբագրությամբ.

«Օպտիմալացման նշված գործընթացների արդյունքում Հայաստանի Հանրապետության Շիրակի մարզում կգործեն հետևյալ բժշկական հաստատությունները`

2 հիվանդանոց` Գյումրիում (Գյումրու ավստրիական մոր և մանկան հիվանդանոց և Գյումրու ինֆեկցիոն հակատուբերկուլոզային հիվանդանոց),

5 պոլիկլինիկա` Գյումրիում,

1 ծննդատուն` Գյումրիում,

1 վերականգնողական կենտրոն` Գյումրիում,

1 ընտանեկան բժշկության կենտրոն` Գյումրիում,

2 նեղ մասնագիտացված դիսպանսեր` Գյումրիում,

3 բժշկական կենտրոն` Գյումրիում, Արթիկում և Ախուրյանում,

1 մոր և մանկան առողջության կենտրոն` Արթիկում,

2 տարածաշրջանային առողջության կենտրոն` Ամասիայում և Մարալիկում,

12 առողջության առաջնային պահպանման կենտրոն` գյուղական վայրերում,

1 շտապօգնության կայան` Գյումրիում:

Մարզում առկա 776 մահճակալի փոխարեն մահճակալների թիվը կկրճատվի 191-ով և կկազմի 585 մահճակալ».

7) որոշման մեջ տարածքներ մատնանշող թվականներից առաջ լրացնել «շուրջ» բառը:

4. Հայաստանի Հանրապետության Արագածոտնի, Գեղարքունիքի, Լոռու, Տավուշի, Կոտայքի և Շիրակի մարզպետներին`

1) մինչև 2009 թվականի սեպտեմբերի 1-ը ավարտել սույն որոշման 3-րդ կետով նախատեսված Հայաստանի Հանրապետության Արագածոտնի, Գեղարքունիքի, Լոռու, Տավուշի, Կոտայքի և Շիրակի մարզերի առողջապահության համակարգերի օպտիմալացման ծրագրերից բխող` առողջապահական կազմակերպությունների վերակազմակերպման, լուծարման և այլ օպտիմալացման աշխատանքների իրականացումը` Հայաստանի Հանրապետության քաղաքացիական օրենսգրքի և «Բաժնետիրական ընկերությունների մասին» Հայաստանի Հանրապետության օրենքի պահանջներին համապատասխան.

2) մինչև 2009 թվականի հոկտեմբերի 1-ը Հայաստանի Հանրապետության կառավարություն և Հայաստանի Հանրապետության առողջապահության նախարարություն ներկայացնել հաշվետվություն Հայաստանի Հանրապետության Արագածոտնի, Գեղարքունիքի, Լոռու, Տավուշի, Կոտայքի և Շիրակի մարզերում սույն որոշմամբ նախատեսված առողջապահության համակարգերի օպտիմալացման ծրագրերի իրականացման գործընթացի մասին.

3) մինչև 2011 թվականի սեպտեմբեր ամիսն ավարտել սույն որոշման 3-րդ կետի 6-րդ ենթակետի «գ» կետի երկրորդ մասով և «դ» կետով նախատեսված օպտիմալացման գործընթացը` Հայաստանի Հանրապետության քաղաքացիական օրենսգրքի և «Բաժնետիրական ընկերությունների մասին» Հայաստանի Հանրապետության օրենքի պահանջներին համապատասխան.

4) մինչև 2011 թվականի հոկտեմբեր ամիսը Հայաստանի Հանրապետության կառավարություն և Հայաստանի Հանրապետության առողջապահության նախարարություն ներկայացնել հաշվետվություն սույն որոշման 3-րդ կետի 6-րդ ենթակետի «գ» կետի երկրորդ մասով և «դ» կետով նախատեսված առողջապահության համակարգերի օպտիմալացման ծրագրերի իրականացման գործընթացի մասին:

5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։